ondragstart="return false" onselectstart="return false"

Thursday, July 2, 2015

ဝန်ကြီးချုပ်တင်မြောက်ရေး တပ်မတော်နဲ့ တိုင်းရင်းသား အမတ်တွေကြား သဘောထားကွဲလွဲ

တိုင်းဒေသကြီးနဲ့ ပြည်နယ်ဝန်ကြီးချုပ်တွေကို သက်ဆိုင်ရာတိုင်းဒေသကြီးနဲ့ ပြည်နယ် အလိုက်လွှတ်တော်တွေက တင်မြှောက်ရမယ်ဆိုပြီး ၂၀၀၈ဖွဲ့စည်းပုံ အခြေခံဥပဒေ ပုဒ်မ ၂၆၁ (ခ) ကို ပြင်ဆင်ထားတာကို ကိုယ်စားလှယ်တွေ ဒီနေ့ ဆွေးနွေးရာမှာ သဘောထားကွဲလွဲခဲ့ကြပါတယ်။

တပ်မတော်သားကိုယ်စားလှယ်တွေက မူရင်းပြဌာန်းထားတဲ့ နိုင်ငံတော်သမ္မတက ခန့်အပ်ပိုင်ခွင့်ရှိတယ်ဆိုတဲ့ အတိုင်းသာထားချင်ပြီး တိုင်းရင်းသား ကိုယ်စားလှယ်တွေက ပြင်ဆင်ချက်ကို ထောက်ခံကြပါတယ်။

တပ်မတော်သား ကိုယ်စားလှယ်တွေအနေနဲ့ ဒီအတိုင်းဆက်လက်ကန့်ကွက်နေမယ်ဆိုရင် တပ်နဲ့ပြည်သူတွေ အကြား ယုံကြည်မှုတည်ဆောက်ဖို့ ခက်ခဲမယ်လို့ အမျိုးသားဒီမိုကရေစီအဖွဲ့ချုပ်ကိုယ်စားလှယ် ဦးသိန်းဆွေ က ဆွေးနွေးခဲ့ပါတယ်။

"ဒီအချိန်မှာ တပ်မတော်နဲ့ ပြည်သူကြား ယုံကြည်မှု ပိုမိုခိုင်ခံ့အောင် တည်ဆောက်နိုင်ဖို့ အခွင့်အလမ်းကြီးတစ် ခုဖြစ်ပါတယ်၊ ၂၀၀၈ ဖွဲ့စည်းပုံပြင်ဆင်ရေးဟာ လက်ရှိလွှတ်တော် အတွင်းမှာ တပ်မတော်ကာကွယ်ရေးဦးစီး ချုပ်မှ သဘောတူမှ ပြင်လို့ရမှာဖြစ်ပါတယ်၊ တစ်ကယ်ပြောင်းလဲချင်ရင် စေတနာမှန်မှန် သတိရှိရှိနဲ့ ပြောင်းလဲ ဖို့လိုအပ်ပါတယ်၊ ပြည်သူလူထုရဲ့လိုလားတောင်းတချက်တွေကို ဆောင်ရွက်အကောင်အထည်ဖော်ပေးဖို့ တိုင်းပြည်နဲ့ ပြည်သူ့ အကျိုးအတွက် ဒီမိုကရေစီ ယဉ်ကျေးမှုနဲ့အညီ ပြုပြင်ပြောင်းလဲမှုများ ပြုလုပ်နိုင်ပါရန် တိုက်တွန်းနှိုးဆော်ပါတယ်"

တိုင်းရင်းသားကိုယ်စားလှယ်တွေက ပြည်နယ်နဲ့တိုင်းဒေသကြီးတွေကို လုပ်ပိုင်ခွင့် ပေးထားတာကို လိုလားကြ တာဖြစ်ပါတယ်။ ဒီပုဒ်မကို မပြင်ဘူးဆိုရင် တိုင်းရင်းသားလက်နက်ကိုင်အဖွဲ့တွေနဲ့ ယုံကြည်မှုတည်ဆောက်နေ တာတွေ ပျက်ပြားသွား နိုင်ကြောင်း ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီက လွှတ်တော် ကိုယ်စားလှယ် ဦးစံပြည့်က ဆွေးနွေးခဲ့ပါတယ်။

လက်ရှိ ပြည်ထောင်စုလွှတ်တော်မှာ ဆွေးနွေးနေတဲ့ ဖွဲ့စည်းပုံ ပြင်ဆင်ချက် ပုဒ်မ ၃၀ လောက်ကို ရှေ့အပတ် လွှတ်တော်အစည်းအဝေးမှာ အတည်ပြုမှာဖြစ် တယ်လို့ သိရပါတယ်။

ကိုယ်စားလှယ်တချို့ရဲ့ ဆွေးနွေးမှုတွေကို RFA သတင်းထောက် ကိုဝင်းကိုကိုလတ်က စုစည်းတင်ပြထားပါတယ်။

ဒီကိစ္စအပေါ် တိုင်းရင်းသားပါတီခေါင်းဆောင်တွေရဲ့ အမြင်တွေကို RFA အဖွဲ့သူဒေါ်ခင်ခင်အိ စုစည်းတင်ပြထား တာကိုလည်း နားဆင်နိုင်ပါတယ်။

အပြည့်အစုံသို့ ....

Monday, June 29, 2015

မြန်မာ့လက်တွေ့ အခြေအနေနှင့် အနောက် နိုင်ငံတို့ အထင်

ဘာတေးလင့်တနာ| June 29, 2015

ခရစ္စတိုဖာ ရွန်နီဘာ့ဂ် (Kristoffer Rønne-berg) ၏ Veien til Mandalay: En reise fra Burma til Myanmar စာအုပ်ကို နော်ဝေနိုင်ငံမှာသာ ရရှိနိုင်ခြင်းက ဝမ်းနည်းစရာ ကောင်းပါသည်။ ဖတ်ခွင့်သာ ရနိုင်ခဲ့လျှင် ပြီးခဲ့သည့် နှစ် အနည်းငယ်အတွင်း မြန်မာနိုင်ငံတွင် ဘာတွေ ဖြစ်ခဲ့သည်ကို နားလည်ရန် ကြိုးစားနေကြသည့် အနောက်တိုင်း သားများကြားတွင် မည်သို့သော အတွေ့အကြုံနည်းပါးမှုများ ရှိနေသည်ကို စာဖတ်သူများ ပိုမိုကျယ်ပြန့်စွာ ရှိနေရေးအတွက် အထောက်အကူ ဖြစ်ပေလိမ့်မည်။

စာအုပ်ကို ရေးသားသူ ခရစ္စတိုဖာ ရွန်နီဘာ့ဂ်သည် နော်ဝေ နေ့စဉ် သတင်းစာတစောင် ဖြစ်သည့် Aftenposten မှ သတင်းထောက် တဦး ဖြစ်ပြီး မြန်မာနိုင်ငံမှ ဖြစ်စဉ်အားလုံး၏ နောက်တွင် နော်ဝေနိုင်ငံ ရှိနေသည်ဟု သူက ဆိုသည်။ မြန်မာ အစိုးရက ချမှတ်ခဲ့သော ဒီမိုကရေစီ လမ်းကြောင်း သစ်သည် “ကျနော့် အမြင်မှာတော့ လတ်တလော ကာလတွေမှာ နော်ဝေအစိုးရရဲ့ အထင်ရှားဆုံး အပေါ်လွင်ဆုံး အောင်မြင်မှုပါပဲ” ဟု ခရစ္စတိုဖာ ရွန်နီဘာ့ဂ်က ရေးသားခဲ့သည်။

မျှတစွာ ပြောရလျှင် ခရစ္စတိုဖာ ရွန်နီဘာ့ဂ်၏ “Veien til Mandalay: En reise fra Burma til Myanmar” သို့မဟုတ် “The Road to Man-dalay: A Journey from Burma to Myanmar” စာအုပ်သည် ခရီးသွားစာအုပ် တအုပ်ဖြစ်ပြီး မြန်မာ နိုင်ငံ၏ နေရာအနှံ့အပြားသို့ သူသွားရောက်ခဲ့သည့် ခရီးများက အသက်ဝင်ပြီး စိတ်ဝင်စားစရာ ကောင်း ပါသည်။ သို့သော်လည်း မြန်မာ့နိုင်ငံရေးကို နားလည်ရန် သူအားထုတ်လာသည့် အခါမှာတော့ သူအကျွမ်း မဝင်သည့် နယ်မြေထဲသို့ ရောက်ရှိသွားတော့သည်။

၂၀၁၀ ပြည့်နှစ် နိုဝင်ဘာလ အတွင်းက ပြုလုပ် ခဲ့သည့် လိမ်ညာမှု အတိပြီးသော ရွေးကောက်ပွဲ နောက်ပိုင်းတွင် မြန်မာ စစ်ဗိုလ်ချုပ်ကြီးများက ပြောင်းလဲရေး လမ်းကြောင်းပေါ်သို့ ရောက်လာခြင်း သည် အနောက်နိုင်ငံများ၏ ထိတွေ့ ဆောင်ရွက်မှု ကြောင့် ဖြစ်သည်ဟု ယုံကြည်ထားသည့် အနောက်တိုင်းသားက ခရစ္စတိုဖာ ရွန်နီဘာ့ဂ် တယောက် တည်း မဟုတ်ပါ။

ဒိန်းမတ်နှင့် ဩစတြေးလျ ကပြား နိုင်ငံတကာ ရေးရာ ပညာရှင် ဒေါက်တာ မော်တင်ပက်ဒါဆင် (Dr. Morten Pedersen) က ဆွီဒင်နိုင်ငံမှ ပညာရှင် အဖွဲ့အစည်းတခု ဖြစ်သည့် လုံခြုံရေးနှင့် ဖွံ့ဖြိုးရေး မူဝါဒ အင်စတီကျု (Institute for Security and Development Policy) နှင့် ပြုလုပ်သည့် တွေ့ဆုံ မေးမြန်းမှု တခုတွင် “အနောက် နိုင်ငံတွေရဲ့ ပြန်လည် ထိတွေ့ဆက်ဆံမှုက ပြုပြင် ပြောင်းလဲရေးကို ပိုမို နက်ရှိုင်းစေခဲ့ပါတယ်။ ဒါပေမယ့် ဒီလို ထိတွေ့ ဆက်ဆံမှုက မလုံလောက်သေးပါဘူး။ ပြုပြင်ပြောင်းလဲရေးက စစ်ဘက်ကိုလည်း အကျိုး အမြတ် ရှိစေလိမ့်မယ် ဆိုတာကို ထိပ်တန်း ဗိုလ်ချုပ်ကြီးတွေ သိအောင်ပြသဖို့ အရေးတကြီး လိုအပ်နေပါတယ်” ဟု ပြောကြားခဲ့သည်။

ဒေါက်တာ မော်တင် ပက်ဒါဆင်နှင့် ခရစ္စတိုဖာ ရွန်နီဘာ့ဂ်တို့၏ အမြင်များက စွာကျယ်ကျယ် နိုင်လှသည့် ကိုလိုနီ လက်သစ် အမြင်တခုကို ဖော်ပြနေခြင်း ဖြစ်သည်။ သူတို့၏ စကားလုံးများက “အဲဒီ အသားညိုညို လူကောင် သေးသေးလေးတွေ ဆီကို ငါတို့သွားပြီးတော့ တိုင်းပြည်တခုကို ဘယ်လို တည်ထောင်ရတယ်ဆိုတာ ပြောပြမှ ဖြစ်မယ်။ ဘာကြောင့်လဲ ဆိုတော့ ငါတို့က ထွားကျိုင်းပြီးတော့ ဉာဏ်ပညာရှိတဲ့ လူဖြူတွေ ဖြစ်တယ်။ ငါတို့ပြောတာ သူတို့ နားထောင်ရမယ်” ဟု ဆိုခြင်းနှင့် မခြားနားလှပါ။

သို့သော်လည်း ထိုသို့ဆိုပါလျှင် အနောက်တိုင်းမှ ထိတွေ့ဆက်ဆံရေးအတွက် အဆိုပြုမှုများ ရရှိသည့် အချိန်တွင် မြန်မာ ဗိုလ်ချုပ်ကြီးများ၏ တုံ့ပြန်မှုကိုလည်း လွယ်ကူစွာ မှန်းဆကြည့် နိုင်ပါသည်။ “ဒီ မျောက်ဖြူတွေက ရယ်စရာ ကောင်းတယ်၊ ဒါပေမယ့် သူတို့က သိပ်ပြီး မပါးနပ်ကြဘူး၊ ဒါကြောင့် သူတို့ကို အသုံးချကြစို့” ဟူ၍ သို့မဟုတ် အလားတူ စကားလုံးများ ဖြစ်ပေလိမ့်မည်။

တရုတ်ကို တန်ပြန်ခြင်း

ခါးသီးသော အမှန်တရားမှာ အနောက်တိုင်းနှင့် ဆက်ဆံရေးကို အောင်မြင်စွာ၊ လိမ်မ္မာပါးနပ်စွာ စီမံခန့်ခွဲခဲ့ကြသည့် မြန်မာ ဗိုလ်ချုပ်ကြီးများ မမှားခဲ့ ကြပါ။ အနောက်တိုင်းနှင့် ပြန်လည် ဆက်ဆံရန် ဆုံးဖြတ်ခဲ့ခြင်းသည် ဒီမိုကရေစီ နိုးကြားလာရေး အတွက် နိုင်ငံခြားသား တချို့၏ တိုက်တွန်းမှုကြောင့် ပြုလုပ်ခဲ့ခြင်း မဟုတ်ပါ။

ကျနော် မြင်တွေ့ခဲ့ရသည် ၂၀ဝ၄ ခုနှစ် ခန့်မှ စ၍ စုစည်းခဲ့သော မြန်မာစစ်ဘက်မှ အတွင်းရေး စာရွက်စာတမ်းများ အရ တရုတ်နိုင်ငံ အပေါ် မြန်မာ နိုင်ငံက အလွန်အမင်း မှီခိုနေရခြင်းသည် မြန်မာ ဗိုလ်ချုပ်ကြီး များကို အနောက်တိုင်းနှင့် တံခါးဖွင့်ရန် အရေးကြီးကြောင်း သတိပြုမိစေခဲ့သည်ကို တွေ့ရှိပါသည်။ မြန်မာနိုင်ငံနှင့် ဆက်သွယ် ဆောင်ရွက် လိုသော အနောက်တိုင်း ကျောင်းများ၊ ပညာရှင်များ၏ စာရင်းကို ဖော်ပြထားသည့် စာရွက်စာတမ်းတခုလည်း ပါရှိပါ သည်။

အဆိုပါ စာရွက်စာတမ်းများကို စုဆောင်းခဲ့ သည့် အရာရှိများက အနောက်နိုင်ငံများနှင့် ပြန်လည် ချဉ်းကပ် ဆက်ဆံနိုင်ရေး အတွက် နိုင်ငံရေး အကျဉ်းသားဟောင်းများကို ပြန်လွှတ်ပေးခြင်း၊ စာနယ်ဇင်း လွတ်လပ်ခွင့်နှင့် လွတ်လပ်စွာ ထုတ်ဖော် ပြောဆိုခွင့်များ ပိုပေးခြင်း၊ တိုင်းပြည် အတွက် သင့်လျော်သည့် အခြေခံဥပဒေတခုနှင့် စစ်တပ် အသွင် မဆောင်သည့် အစိုးရတရပ် အစရှိသော နိုင်ငံရေး ဆောင်ရွက်မှုများ လိုအပ်လိမ့်မည် ဖြစ်ကြောင်း ကောင်းစွာ နားလည်ခဲ့ကြသည်။ သို့သော်လည်း ဒီမိုကရေစီနည်းကျ ရွေးကောက် တင်မြှောက်ထားသည့် အစိုးရ တရပ်သို့ အာဏာလွှဲပြောင်းပေးရေး အစီအစဉ်တွင် (ယခုအချိန်အထိ) မည်သည့် အခါမျှ မပါဝင်ခဲ့ပါ။

၂၀၁၁ ခုနှစ် မတ်လတွင် ဦးသိန်းစိန် ဦးဆောင်သည့် အရပ်သားအစိုးရ အာဏာရရှိလာပြီးနောက် တချိန်က အရေးယူ ဒဏ်ခတ်မှုများ ပြုလုပ်ထားခဲ့ သော မြန်မာနိုင်ငံအပေါ် မူဝါဒပြောင်းလဲ၍ ထိတွေ့ဆက်ဆံမှုများ ပြုလုပ်ရန် အမေရိကန် က ဆုံးဖြတ်ရာတွင် တရုတ်နိုင်ငံ၏ ကဏ္ဍကို အရေးပါသော နေရာမှ ထည့်သွင်းစဉ်းစားခဲ့မည် ဆိုခြင်း ကလည်း သေချာသော အကြောင်းတခု ဖြစ်သည်။

နိုင်ငံတကာနှင့် အဆက်အသွယ် ဖြတ်ပြီး တံခါးပိတ် နေခဲ့သည့် အချိန်တွင် မြန်မာနိုင်ငံ အတွက် တရုတ်နိုင်ငံသာ အနီးစပ်ဆုံး မဟာမိတ် ဖြစ်ခဲ့သည်။ တရုတ်အစိုးရ အပေါ် မှီခိုမှု ကြီးမားလွန်းသည့် အတွက် တခါတရံတွင် တရုတ်၏ အစောင့်အရှောက်ခံ နိုင်ငံတခုအဖြစ်ပင် ဖော်ပြခြင်း ခံခဲ့ရသည်။ ယခု အချိန်တွင်တော့ အားလုံး ပြောင်းလဲခဲ့ပြီ ဖြစ်သည်။ မြန်မာနိုင်ငံသည် အမေရိကန်က သူတို့၏ ဩဇာကို တရုတ်၏ လောင်းရိပ်တွင် မည်သို့ ရယူနိုင်ခဲ့သည်ကို အာရှတွင် ပြသနိုင်သည့် နမူနာတခု ဖြစ်ကောင်းလည်း ဖြစ်နိုင်ပါသည်။

မြန်မာနိုင်ငံ၏ ပြုပြင် ပြောင်းလဲရေး လုပ်ငန်းသည် ထင်ရသည့် အတိုင်း သို့မဟုတ် အနောက်နိုင်ငံများက ၎င်းကို တုံ့ပြန်သည့် အတိုင်း မည်သည့် အချိန်မှ မဟုတ်ခဲ့ပါ။ ပုံမှန်အားဖြင့် အမေရိကန်၏ မူဝါဒနှင့် ဦးစားပေးမှု များက ၎င်းတို့ မကြာခဏ ပြောဆိုခဲ့သည့် အတိုင်း ဒီမိုကရေစီနှင့် လူ့ အခွင့်အရေး မျှော်လင့်ချက်နှင့် ဖြစ်သည်။ မည်သူမျှ ပွင့်လင်းစွာ မပြောလိုသော အဓိက ကိစ္စမှာ အာရှ-ပစိဖိတ် ဒေသတွင် တရုတ်၏ ဩဇာမြင့်တက်လာခြင်း ဖြစ်သည်။ အမေရိကန်မှ ဗျူဟာ ပညာရှင်များနှင့် မြန်မာ ဗိုလ်ချုပ်ကြီးများ ထိုနေရာတွင် စိတ်ကူး တူခဲ့ကြသည်။

အဆိုပါ အောင်မြင်မှုကြောင့် ကျေနပ်အားရ သွားသည့် အမေရိကန်က “လွတ်လပ် ပြီး တရားမျှတသော ရွေးကောက်ပွဲ ကျင်းပရေး” တောင်းဆိုမှုကို စွန့်လွှတ်၍ ယခုအခါ “ပွင့်လင်း မြင်သာ၍ အားလုံးပါဝင်နိုင်ပြီး ယုံကြည် လက်ခံနိုင် လောက်သော” ရွေးကောက်ပွဲများ ဖြစ်လာရေးကို တောင်းဆိုနေသည်။ ၁၉၈၀ နှောင်းပိုင်း နှစ်များ ကတည်းက လျော့နည်းသွားခဲ့သည့် ပြည်တွင်းစစ်က ယခုအခါ ပြန်လည် မြင့်တက်လာခြင်းက ငြိမ်းချမ်းရေး လုပ်ငန်းစဉ် တိမ်းစောင်း သွားစေမည့် ခလုတ်ကန်သင်းတခု ဖြစ်နေသည်။ လူ့အခွင့်အရေး ချိုး ဖောက်မှုများ အတွက် ဝေဖန်မှုများ မှာလည်း အသံတိုးလာသည်။ သတင်းဆိုးများကို မည်သူမျှ မကြားချင်ကြ။ ဒါတွေက ထိတွေ့ ဆက်ဆံရေး မူဝါဒ အတွက် မကောင်းပါ။

နော်ဝေက ထရိုဂျန်လား

ခရစ္စတိုဖာ ရွန်နီဘာ့ဂ်၏ စာအုပ်တွင် ထုတ်ဖော် တင်ပြနိုင်ခဲ့သည့် စိတ်ဝင်စားစရာ အကြောင်းအရာ အနည်းငယ်မျှထဲမှ တခုကို စာမျက်နှာ ၂၀၆ တွင် တွေ့ရှိရသည်။ နော်ဝေက မြန်မာနိုင်ငံ၏ ဒီမို ကရေစီ လှုပ်ရှားမှုကို ထောက်ခံ ပြောဆိုနေ သည့် နိုင်ငံတခု အဖြစ်မှ ထိတွေ့ဆက်ဆံရေးကို ထောက်ခံသူ အဖြစ်သို့ ပြောင်းလဲသွားခြင်းသည် အမေရိကန်၏ အကြံပေး ဆွေးနွေးမှုကြောင့် ဖြစ်သည်ဟု သူက ဆိုသည်။

ထိုအမြင်က လက်တွေ့ကျသည့် အမြင် ဖြစ်ပါသည်။ အမေရိကန် အနေဖြင့် စစ်အစိုးရနှင့် တိုက်ရိုက် ဆက်သွယ် ဆောင်ရွက်၍ မရပါ။ ကွန်ဂရက် လွှတ်တော်က ပြဋ္ဌာန်းထားသည့် ဥပဒေများကြောင့် ဖြစ်သည်။ ထို့နည်းတူ အနောက်တိုင်းမှ အင်အားကြီး အဖွဲ့အစည်းတခု ဖြစ်သည့် ဥရောပသမဂ္ဂမှာလည်း အလားတူ မူဝါဒများ ရှိခဲ့သည့် အတွက် မြန်မာ ဗိုလ်ချုပ်ကြီးများနှင့် နွေးထွေးသော ဆက်ဆံရေး ထူထောင်ရန် ကန့်သတ်မှုများ ရှိနေသည်။

သို့သော်လည်း နော်ဝေနိုင်ငံက အနောက်တိုင်း၏ ဆန္ဒများကို မြန်မာနိုင်ငံသို့ ပို့ဆောင်ပေးနိုင်မည့် အနေအထားတွင် ရှိနေသည်။ နော်ဝေနိုင်ငံက ဥရောပသမဂ္ဂ (EU) အဖွဲ့ဝင်နိုင်ငံ မဟုတ်ပါ။ သို့သော်လည်း အမေရိကန်နှင့် ဥရောပ ကာကွယ်ရေး အရ မဟာမိတ် ပြုထားသည့် မြောက်အတ္တလန္တိတ် စာချုပ် (NATO) အဖွဲ့ဝင်နိုင်ငံ ဖြစ်သည်။

ထရိုဂျန်မြင်းရုပ် အကြောင်း ပုံပြင်ကို သမိုင်း ပညာရှင်များ အားလုံး သိထားကြပါသည်။ ရှေးဟောင်း ဂရိလူမျိုးများက ထရွိုင်မြို့ အတွင်းသို့ ဝင်ရောက် နိုင်ရန် အတွက် လှည့်ဖြားခဲ့သော ပရိယာယ်တခု ဖြစ်သည်။ မြန်မာနိုင်ငံအရေးတွင် ကျနော်တို့ ထရိုဂျန် သမင်ရုပ်တခုကို မြင်ခဲ့ကြရသည်။ EU အဖွဲ့ဝင် မဟုတ်သည့် နေတိုးအဖွဲ့ဝင် နော်ဝေနိုင်ငံက အမေရိကန် နိုင်ငံ အတွက် ကြားခံပွဲစား အဖြစ် ဆောင်ရွက်ပေးခဲ့သည်။ တခြားသော အနောက်နိုင်ငံများ၏ ဗျူဟာမြောက် အကျိုးစီးပွား အတွက်လည်း ဖြစ်နိုင်ပါသည်။

မြန်မာ့အရေးနှင့် ပတ်သက်၍ အတွေ့အကြုံ များသော လူ့အခွင့်အရေး တက်ကြွလှုပ်ရှားသူ တဦးက “၂၀၁၁ ခုနှစ်မှာ နော်ဝေနိုင်ငံရဲ့ မူဝါဒက အစိုးရနဲ့ ပူးပေါင်း ဆောင်ရွက်ရေးကို အလေးပေးဖို့၊ ပြည်ပရောက် အတိုက်အခံတွေနဲ့ လမ်းခွဲ ဖို့နဲ့ ကူညီတဲ့ နေရာမှာလည်း နိုင်ငံရေး မဟုတ်တဲ့ လူသားချင်း စာနာထောက်ထားမှု ဆိုင်ရာ အကူအညီတွေ ပေးသင့်တယ် ဆိုပြီးတော့ ပြောင်းသွားခဲ့ပြီ။ ဦးသိန်းစိန် ကလည်း နော်ဝေ အကျိုးစီးပွား အတွက် ဆိုင်းဘုတ် ကိုင်ပေးရတဲ့သူ တယောက် ဖြစ်လာပြီးတော့ အမြတ်အစွန်း အတွက် ပူးပေါင်းဆောင်ရွက်မှုတွေ၊ ဒီမိုကရေစီ အတိုက်အခံတွေ အပေါ် သစ္စာဖောက်မှုတွေ ဖြစ်လာတယ်” ဟု ပြောသည်။

အပေးအယူများ

လက်တွေ့တွင်လည်း နော်ဝေနိုင်ငံ အနေဖြင့် သူ၏ မူဝါဒများ အတွက် ၎င်းတယ်လီဖုန်းကုမ္ပဏီ Telenor အတွက် အကျိုးအမြတ် များပြားသည့် ကန်ထရိုက်တခု ပြန်လည် ရရှိခဲ့သည်။ နော်ဝေနိုင်ငံ၏ မူဝါဒသစ်များ အကောင်အထည် ဖော်ရာတွင် အရေးပါသည့် နေရာမှ ပါဝင်ခဲ့သူ ဘန်ကောက်မှ နော်ဝေ သံအမတ်ကြီး Katja Norgaard လည်း နော်ဝေနိုင်ငံခြားရေး ဝန်ကြီးဌာနမှ Telenor သို့ အဆင့်မြင့်ရာထူး တခုဖြင့် ပြောင်းရွှေ့သွားခဲ့သည်။

ပထဝီသဘော အရ အချက်အချာကျမှုကို စဉ်းစားခြင်းနှင့် အတူ အကျိုးအမြတ် အတွက် ပူးပေါင်းဆောင်ရွက်ရန် သဘောတူညီခဲ့ကြသည်။ “တကယ်လို့ ကျနော်တို့က ဒါကို မလုပ်ဘူး ဆိုရင် တရုတ်က လုပ်သွားမှာပေါ့” ဟု နော်ဝေ နိုင်ငံခြားရေး ဝန်ကြီးဌာနမှ အရာရှိတချို့က ဒီမိုကရေစီ အရေး တက်ကြွလှုပ်ရှားသူ တချို့ကို ပုဂ္ဂိုလ်ရေး အရ ပြောခဲ့ ကြသည်။ မြန်မာနိုင်ငံက နော်ဝေနိုင်ငံ အတွက် နိုင်ငံခြားရေးရာ မူဝါဒ အောင်မြင်မှုတခု ဖြစ်သည် ဆိုသော နေရာမှာ တော့ ခရစ္စတိုဖာ ရွန်နီဘာ့ဂ်၏ အယူအဆ မှန်ပါသည်။ သို့သော်လည်း မြန်မာနိုင်ငံကို ဒီမိုကရေစီ နိုင်ငံတခု အဖြစ် ပြောင်းလဲနိုင်ခဲ့သည် ဆိုခြင်းကတော့ မဟုတ်ပါ။

တချိန်တည်းမှာပင် နော်ဝေနိုင်ငံ၏ မူဝါဒအသစ် များက မြန်မာနိုင်ငံနှင့် ချစ်ကြည်ရေး ကိစ္စများ အတွက်သာ ဖြစ်ပြီး ဒီမိုကရေစီ ပြောင်းလဲရေးကို ထောက်ခံသူ အဖြစ် မမြင်တွေ့ရတော့ပေ။ ထို့ပြင် နော်ဝေနိုင်ငံသာမက ဒေါက်တာ မော်တင် ပက်ဒါဆင် ကဲ့သို့ လှည့်ဖြားခံရသည့် ပညာရှင်များ၏ ခေတ်သစ် ကိုလိုနီနှင့် အကျိုးအမြတ် မျှော်သည့် အယူအဆများက မြန်မာနိုင်ငံ၏ အမှန်တကယ် နိုင်ငံရေး ဖွံ့ဖြိုးတိုးတက်မှု အပေါ် အနည်းငယ်မျှ သို့မဟုတ် လုံးဝ လွှမ်းမိုးနိုင်မည် မဟုတ်သည်ကိုလည်း သက်သေပြနေသည်။

စစ်တပ်မှာ ၎င်း၏ အစီအစဉ် ရှိသည်။ သူတို့ ၏ နိုင်ငံရေး လုပ်ငန်းစဉ်က ရပ်တန့်ခဲ့ခြင်း မရှိပါ။ အနောက်တိုင်းမှ တချို့သော စောင့်ကြည့်လေ့လာ သူများက မကြာသေးခင်က ကျောင်းသားများ ဦးဆောင်သည့် လှုပ်ရှားမှုများ ကို ဖိနှိပ် အရေးယူခဲ့ခြင်းကို ထောက်ပြလိုကြ သော်လည်း ထိုထက်ပို၍ မတတ်နိုင်ခဲ့ကြပါ။ စစ်ဗိုလ်ချုပ်များ အောင်မြင်ခဲ့ကြ သည်။ အနောက်နိုင်ငံများက ၎င်းတို့ဘက်တွင် ရှိနေပြီး တရုတ်နိုင်ငံအပေါ် မှီခိုမှုကို လျှော့ချ နိုင်ခဲ့ကြသည်။ ပို၍ အရေးအကြီးဆုံး အချက်မှာ သူတို့တွင် အာဏာရှိနေဆဲ ဖြစ်သည်။

အကယ်၍ မြန်မာနိုင်ငံက နည်းလမ်းမှန်ကန်သည့် ဒီမိုကရေစီ စနစ်တခု ဖြစ်လာရန် သွားနေသည်ဆိုလျှင် မြန်မာ ပြည်သူတို့၏ ကိုယ်တိုင် ကြိုးစားအားထုတ်မှုကြောင့်သာ ဖြစ်ပါလိမ့်မည်။ မြန်မာနိုင်ငံမှ အာဏာ လက်ကိုင်ရှိသူများ အပေါ် ၎င်းတို့၏ ဩဇာလွှမ်းမိုးမှုကို အလွန်အကျွံ ယုံကြည် နေကြသည့် နော်ဝေ သံတမန်များနှင့် အနောက်တိုင်း ပညာရှင်များကြောင့် မဟုတ်ပါ။ ပြင်ပမှ အဆိုပါ ပုဂ္ဂိုလ်များမှာ ၎င်းတို့ အနည်းငယ်မျှသာ နားလည် ထားသည့် စစ်တုရင် ကစားပွဲတခုမှ နယ်ရုပ်ကလေး များသာ ဖြစ်ပါသည်။ ။

(၂၀၁၅ ခုနှစ် ဇွန်လထုတ် The Irrawaddy မဂ္ဂဇင်းတွင် ဖော်ပြခဲ့သည့် ဘာတေးလင့်တနာ(Bertil Lintner) ၏ How the West Was Won ဆောင်းပါးကို ဘာသာပြန်ဆိုသည်။ ဘာတေးလင့်တနာသည် အာရှနှင့် မြန်မာပြည် အကြောင်း စာအုပ်များ ရေးသားထုတ်ဝေခဲ့ပြီး၊ ယခုအခါ ထိုင်းနိုင်ငံ ချင်းမိုင်မြို့တွင် နေထိုင်လျက်ရှိသည်။ Kristoffer Rønneberg ၏ “Veien til Mandalay: En reise fra Burma til Myanmar” စာအုပ်ကို နော်ဝေနိုင်ငံ၊ အော်စလိုမြို့ရှိ Dreyers Forlag စာအုပ်တိုက်က ထုတ်ဝေ ဖြန့်ချိခဲ့သည်။)

အပြည့်အစုံသို့ ....

DVB - ပဒို ကွယ်ထူးဝင်း ဒုခေါင်းဆောင် NCCT နှင့် တွေ့ဆုံမေးမြန်းခန်း




Type the rest of your post here.

အပြည့်အစုံသို့ ....

သတ္တုအစမ်းတူးဖော်ခွင့်ကိစ္စ ကျောက်ကြီးမြို့နယ် ဒေသခံများက အမြန်ဖြေရှင်းပေးစေလို

ဇွန် ၂၉ရက်၊ ၂၀၁၅ခုနှစ်။ နန်းဝေဖြိုးဇာ - KIC

ပဲခူးတိုင်းဒေသကြီး ညောင်လေးပင်ခရိုင် ကျောက်ကြီးမြို့နယ်၊ စလဲကျေးရွာအုပ်စုအတွင်း၌ ကရင်အမျိုးသားအစည်းအရုံး(ကေ အဲန်ယူ)နှင့် မြန်မာအစိုးရတို့မှ ကုမ္ပဏီအား အဖြိုက်နက်သတ္တုအစမ်း ဝင်ရောက်တူးဖော်ခွင့်ပေးရာတွင် မြေယာသိမ်းဆည်းမှုများ ရှိသည့်အတွက် ဒေသခံများက အမြန်ဆုံး ဖြေရှင်းပေးလိုကြသည်ဟု သိရသည်။

အဆိုပါ အဖြိုက်နက်သတ္တုအစမ်းတူးဖော်မှုကို ကျောက်ကြီးမြို့နယ်ရှိ ကေအဲန်ယူနှင့် အစိုးရတို့က ယခင်နှစ်က ခွင့်ပြုခဲ့ပြီးနောက် ပြီးခဲ့သည့်တစ်လကျော်မှစ၍ ရတနာစိုင်းကောင်းမြတ်ကျော်ကုမ္ပဏီနှင့် စိုးနိုင်ဖြိုးကုမ္ပဏီတို့ ဝင်ရောက်လုပ်ကိုင်ရာ ဒေသခံများ၏ မြေဧက ၇၃,၁၂၄ကို သိမ်းဆည်းထားသလို လျော်ကြေးပေးဆောင်ရန်လည်း ယခုအချိန်ထိ တစုံတရာ မသိရသေးကြောင်း ကျောက်ကြီးမြို့နယ်အတွင်းရှိ ဒေသဖွံ့ဖြိုးစောင့်ကြည့်ရေးအဖွဲ့ တာဝန်ခံဖြစ်သူ နော်တပီးသာ့က ပြောသည်။

နော်တပီးသာ့က “စီမံကိန်းလုပ်တဲ့ နေရာမှာ အသိမ်းခံရတဲ့ ဒေသခံ မြေဧကတွေဟာ လျော်ကြေးမရှိတဲ့အပြင် ပွင့်လင်းစွာ မလုပ် တဲ့အတွက် ဒေသခံဘက်က နစ်နာရတယ်။ ဒီကိစ္စကို ဒေသခံဘက်ကလည်း လွှတ်တော်ကို စာတင်ထားတယ်။ သမ္မတနဲ့ ကေအဲန်ယူဗဟိုကိုလည်း ဆက်လက် စာတင်ဖို့ရှိတယ်။ တကယ်လို့ တစုံတရာ ဖြေရှင်းမှုတွေ မလုပ်ပေးဘူးဆိုရင် ဒေသခံတွေ ကတော့ သက်ဆိုင်ရာ အဖွဲ့အစည်းတွေကို ဆန္ဒထုတ်ဖော် ကန့်ကွက်သွားမှာပဲ”ဟု ကေအိုင်စီသို့ ပြောသည်။

ကျောက်ကြီးမြို့နယ်အတွင်း သတ္တုအစမ်းတူးဖော်ရန် ကေအဲန်ယူမှ ယမန်နှစ် ဧပြီလတွင် ကုမ္ပဏီကို ခွင့်ပြုချက်ပေးခဲ့ပြီးနောက် အစိုးရဘက်မှလည်း ဒီဇင်ဘာလတွင် အလားတူ သဘောတူ လုပ်ကိုင်ခွင့်ပြုခဲ့ခြင်းဖြစ်သည်။ ထိုသို့ အစမ်းတူးဖော်ခွင့်ရရှိရန် ကုမ္ပဏီဘက်ကလည်း ဒေသဖွံ့ဖြိုးရေးအတွက် လမ်းဖောက်လုပ်ပေးသွားမည်ဟု သဘောတူထားကြောင်း သိရသည်။

စလဲကျေးရွာမှ ဒေသခံတစ်ဦးက “အမှန်တော့ သူတို့စမ်းသပ်တာဘဲဖြစ်ဖြစ် လုပ်ဖို့ပဲဖြစ်ဖြစ် ကျနော်တို့ ပြည်သူလူထုတွေကို အသိအမှတ်ပြုဖို့လိုတယ်။ အခုက အဲလို မဟုတ်ဘူး။ ပြည်သူတွေကိုလာပြီး မကြေညာဘူး။ ခွင့်ပြုချက် မယူဘူး။ ဒီအတိုင်းဆို ကျနော်တို့လည်း နောက်မဆုတ်ပေးနိုင်ဘူး။ ကျနော်ပြောချင်တဲ့အချက်ကတော့ ဒီကုမ္ပဏီတွေက ပြည်သူလူထု အသိမှတ်မပြု ဘဲနဲ့ ဒီလိုလုပ်တာက ခွင့်မပြုနိုင်ဘူး”ဟု ကေအိုင်စီသို့ ပြောသည်။

လက်ရှိ ၎င်းဒေသအတွင်း အစမ်းသတ္တုတူးဖော်မှုပေးခြင်းသည် ကေအဲန်ယူ သစ်တောနယ်မြေအတွင်း ဟုတ်မဟုတ် တစုံတရာ တင်ပြမှုမရှိသေးသည့်အတွက် စီမံကိန်းနှစ်ပတ်သက်ပြီး သေချာမသိရသေးကြောင်း ကေအဲန်ယူ ဗဟို သစ်တောဋ္ဌာနတာဝန်ခံ လည်းဖြစ်၊ စီးပွားရေးကော်မတီ အတွင်းရေးမှူးလည်းဖြစ်သူ ပဒိုမန်းဘထွန်းက ယခုလို ပြောသည်။

“ဒီကိစ္စအပေါ် ကျနော်တို့ သေချာမသိရသေးဘူး။ ကျနော်တို့အနေနဲ့ သစ်တောမှာတော့ မူဝါဒချတာ ရှိတယ်။ သစ်တောနယ်မြေ အတွင်းမှာ ဖွံ့ဖြိုးရေးဆိုင်ရာ စီမံကိန်းပဲဖြစ်ဖြစ်၊ သတ္တုပဲဖြစ်ဖြစ် ဒေသခံလူထုကို ထိခိုက်မယ့်ဥစ္စာရှိရင် ခွင့်မပြုဘူးပေါ့”ဟု ပဒိုမန်း ဘထွန်းက ပြောဆိုသည်။

သတ္တုအစမ်းတူးဖော်မှုနှင့်ပတ်သက်၍ ၀င်ရောက်လုပ်ကိုင်ခွင့်ကို သဘောမတူကြောင်း ပြသသည့်အနေဖြင့် ယခု ဇွန်လ ၅ရက် နေ့က ဒေသခံများစုပေါင်း၍ စီမံကိန်းတည်ရှိရာ နေရာတစ်နေရာ၌ ဆုတောင်းပွဲတစ်ခုပြုလုပ်ခဲ့ပြီး စီမံကိန်းကို ဆန့်ကျင်သည့် ဗီနိုင်းဆိုင်းဘုတ်များကိုလည်း ၎င်းနေရာတွင် စိုက်ထူကပ်ထားခဲ့ကြသည်။ သို့သော် အဆိုပါ ဗီနိုင်းဆိုင်းဘုတ်များကို ယခုအချိန် တွင် ဖြုတ်ချ ဖျက်ဆီးခံရမှုများရှိကြောင်း ဒေသခံများက ဆိုသည်။

အပြည့်အစုံသို့ ....

Saturday, June 27, 2015

မြန်မာ့လူဦးရေပုံရိပ်

ဦးအောင်ခင်, ကျော်ကျော်သိန်း

လွန်ခဲ့တဲ့ မေလကထုတ်ပြန်တဲ့ သန်းခေါင်စာရင်းအစီရင်ခံစာမှာ မြန်မာပြည်ရဲ့  လူဦးရေအရွယ်အစားနဲ့ အာရှပစီးဖိတ်နိုင်ငံအချို့ ရဲ့  လူဦးရေးကို နှိုင်းယှဉ်ဖော်ပြထားပါတယ်။ မြန်မာ့အိမ်နီးချင်းဖြစ်တဲ့ တရုတ်၊ အိန္ဒိယ၊ ဘင်္ဂလားဒေ့ရှ်၊ ထိုင်း နဲ့ လာအိုနိုင်ငံတွေရဲ့  လူဦးရေအရွယ်အစား၊ သိပ်သည်းဆနဲ့ နှစ်စဉ်လူဦးရေ တိုးနှုန်းကိုဖော်ပြပါတယ်။ တရုတ်ပြည်မှာ လူဦးရေ သန်း ၁,၃၀၀ ကျော်ရှိပြီး နှစ်စဉ် လူ ၈ သန်းကျော် တိုးပွားနေပါတယ်။ အိန္ဒိယမှာ သန်း ၁,၂၀၀ ကျော်ရှိပြီး နှစ်စဉ် ၁၅ သန်းကျော် တိုးပွားနေပါတယ်။ ဘင်္ဂလားဒေ့ရ်ှမှာ ၁၅၆ သန်းရှိပြီး နှစ်စဉ် ၂ သန်း တိုးပွားနေပါတယ်။

ထိုင်းနိုင်ငံမှာတော့ လူဦးရေ ၆၇ သန်းရှိပြီး နှစ်စဉ် ၂ သန်းကျော် တိုးပွားနေပါတယ်။ မြန်မာပြည်မှာ လူဦးရေ ၅၁ သန်းကျော်ရှိပြီး နှစ်စဉ် ၄ သိန်းကျော် တိုးပွားနေပါတယ်။ လာအိုလူဦးရေ ၆ သန်းကျော်မှာ နှစ်စဉ် ၁ သိန်းကျော် တိုးပွားနေပါတယ်။ လူဦးရေများပေမယ့် တိုင်းပြည်ကျယ်ဝန်းရင် အနေချောင်တဲ့အတွက် ပြဿနာ သိပ်မရှိပါဘူး။ ဥပမာ တစ်စတုရမ်းကီလိုမီတာမှာ လူ ၁၄၀ နေထိုင်တဲ့ တရုတ်ပြည်ဟာ တစ်စတုရမ်းကီလိုမီတာမှာ လူ ၃၈၀ နေထိုင်တဲ့ အိန္ဒိယထက် အနေချောင်ပါတယ်။ ဘင်္ဂလားဒေ့ရ်ှမှာ တစ်စတုရမ်းကီလိုမီတာမှာ လူ ၁,၀၀၀ ကျော်ရှိနေလို့ လူနေအကျပ်ဆုံး ဖြစ်ပါတယ်။

ဘင်္ဂလားဒေ့ရှ် ဧရိယာဟာ စတုရမ်းကီလိုမီတာ ၁၃၀,၀၀၀ ကျော်သာရှိတာမို့ စတုရမ်းကီလိုမီတာ ၁၅၀,၀၀၀ ရှိတဲ့ ရှမ်းပြည်နယ်လောက်တောင် မကျယ်ဝန်းပါဘူး။ လူဦးရေက မြန်မာပြည်ထက် ၃ ဆ ပိုများပြီး အကျယ်အဝန်းက မြန်မာရဲ့  ၅ ပုံ ၁ ပုံသာ ရှိပါတယ်။ ၁၉၈၃ မှာ ဘင်္ဂလားဒေ့ရှ် လူဦးရေဟာ ၈၅ သန်းဖြစ်ပြီး ၂၀၁၃ မှာ ၁၅၆ သန်း ဖြစ်လာတဲ့အတွက် အနှစ် ၃၀ မှာ လူဦးရေ ၇၁ သန်း တိုးလာပါတယ်။ မြန်မာကတော့ ၁၉၈၃ မှာ ၃၅ သန်းရှိပြီး ၂၀၁၄ မှာ ၅၁ သန်းရှိလာတဲ့အတွက် အလားတူကာလမှာ ၁၆ သန်းကျော်သာ တိုးပွားလာပါတယ်။ ဘင်္ဂလားဒေ့ရ်ှမှာ နှစ်စဉ်လူဦးရေ နှစ်သန်းတိုးပွားနေပြီး မြန်မာပြည်မှာ လေးသိန်းသာ တိုးပွားပါတယ်။ ရှမ်းပြည်လောက်ရှိတဲ့နေရာမှာ အနှစ် ၃၀ အတွင်း တိုးပွားလာတဲ့ ဘင်္ဂလားဒေ့ရှ် လူဦးရေဟာ မြန်မာ့လူဦးရေထက် သန်း ၂၀ ပိုများနေပါတယ်။

ရခိုင်ပြည်နယ်မှာ လူဦးရေ ၃ သန်းကျော်ရှိတာကို သန်းခေါင်စာရင်းမှာ ဖော်ပြပြီး ရိုဟင်ဂျာအမည် ပြဿနာကြောင့် စာရင်းမကောက်နိုင်တဲ့ လူဦးရေး တသန်းကိုးသောင်း ရှိတယ်လို့ ဆိုပါတယ်။ ဒါကြောင့် ရခိုင်ပြည်နယ် လူဦးရေ သုံးပုံတပုံဟာ ဘင်္ဂလီအနွယ်ဝင် မွတ်စလင်တွေ ဖြစ်နေပါတယ်။ မောင်တောမြို့ နယ်မှာ စာရင်းကောက်ယူတဲ့ လူဦးရေ ၉၀,၀၀၀ ကျော်ကိုသာ ဖော်ပြပါတယ်။ ၂၀၁၃ မှာထုတ်တဲ့ ရခိုင်ပြည်နယ် ပဋိပက္ခများ စုံစမ်းစစ်ဆေးရေးကော်မရှင်ရဲ့  အစီရင်ခံစာမှာတော့ ၂၀၁၁ က ရခိုင်ပြည်နယ်မှာ လူဦးရေ (၃,၃၃၈,၆၆၉) ရှိပြီး၊ ဗုဒ္ဓဘာသာက ၂,၃၃၃,၅၇၀၊ မွတ်စလင် ၉၆၈,၂၁၈ နဲ့ အခြားဘာသာဝင် ၄၀,၀၀၀ လောက်ရှိတာကို ဖော်ပြထားပါတယ်။ ၁၉၄၇ က မောင်တောနဲ့ ဘူးသီးတောင်မှာ မွတ်စလင် ၂၀,၀၀၀ ရှိတယ်လို့ အစိုးရစာရင်းမှာ ဖော်ပြတာမို့ အနှစ် ၆၀ မှာ ဘင်္ဂလီအနွယ်ဝင် ၅ ဆ တိုးလာပါတယ်။

၁၉၈၃ က ၂၀၁၄ အထိ အနှစ် ၃၀ ကျော်မှာ လူဦးရေအများဆုံး တိုးတက်တာ ရန်ကုန်တိုင်း ဖြစ်ပါတယ်။ ဧရာဝတီ၊ မန္တလေး၊ စစ်ကိုင်း နဲ့ ပဲခူးတိုင်းမှာလည်း သန်းနဲ့ချီပြီး လူဦးရေ တိုးပွားပါတယ်။ ဒီအထဲမှာ ရခိုင်ပြည်နယ်က ဆဋ္ဌမ လိုက်နေပါတယ်။ ဒါပေမဲ့ အနှစ် ၃၀ ကျော်အတွင်း လူဦးရေတိုးတဲ့နှုန်းကိုကြည့်ရင် ကချင်ပြည်နယ်က ပထမဖြစ်ပြီး၊ ရန်ကုန်တိုင်းက ဒုတိယ လိုက်နေပါတယ်။ ကချင်ပြည်နယ်နဲ့ ရန်ကုန်တိုင်းမှာ လူဦးရေနှစ်ဆ တိုးလာပါတယ်။ ကယားပြည်နယ်၊ ရှမ်းပြည်နယ်၊ ရခိုင်ပြည်နယ်၊ ကရင်ပြည်နဲ့ တနင်္သာရီတိုင်းတွေမှာတော့ လူဦးရေ တစ်ဆခွဲလောက်စီ တိုးပွားလာကြပါတယ်။ ကျန်ဒေသတွေမှာ တစ်ဆကျော်စီ တိုးပွားလာပါတယ်။ သန်းခေါင်စာရင်းမှာ မပါပေမယ့် ရခိုင်ပြည်နယ်မှာ လွန်ခဲ့တဲ့ အနှစ် ၃၀ ကျော်အတွင်း မွတ်စလင်ဦးရေ နှစ်ဆတိုးလာတယ်လို့ ခန့်မှန်းနိုင်ပါတယ်။

စစ်အာဏာရှင်ခေတ်ရဲ့  ထူးခြားချက်တွေထဲ မှာ နိုင်ငံခြားရောက် မြန်မာပြည်သား ဦးရေ များပြားလာတာလည်း ပါဝင်ပါတယ်။ အလုပ်အကိုင်ရှားပါးမှု၊ ဖိနှိပ်ညှဉ်းပန်းမှုနဲ့ အခြားအကြောင်းတွေကြောင့် မြန်မာပြည်က ထွက်ခွာသွားသူ နှစ်သန်းကျော် ရှိပါတယ်။ ဒီအထဲမှာ မြန်မာဘုရင်တွေ လက်ထက်ကတည်းက ထိုင်းနဲ့အဆက်အသွယ်များခဲ့တဲ့ မွန်ပြည်နယ်က အများဆုံး ဖြစ်ပါတယ်။ ထိုင်းနဲ့ဆက်နေတဲ့ ကရင်ပြည်နယ်က ဒုတိယ၊ ရှမ်းပြည်နယ်က တတိယ၊ တနင်္သာရီတိုင်းက စတုတ္ထ ဖြစ်ပါတယ်။ နောက်တော့ ပဲခူးတိုင်းက ပဉ္စမ၊ ရန်ကုန်တိုင်းက အဋ္ဌမနဲ့ ရခိုင်ပြည်နယ်က သတ္တမနေရာက လိုက်နေပါတယ်။

ရခိုင်ပြည်နယ်က ထွက်ခွါသူ ၁၀၀,၀၀၀ သိန်းကျော်ဟာ ရခိုင်တိုင်းရင်း သားတွေ ဖြစ်ပါတယ်။ မလေးရှားမှာတင် ရခိုင်ပြည်သား တသိန်းနီးပါး ရှိပါတယ်။ ရိုဟင်ဂျာ (ခေါ်) ဘင်္ဂလီအနွယ်ဝင်တွေကလည်း နည်းမျိုးစုံနဲ့ ထွက်ခွါကြတာမို့ မလေးရှားမှာ ၅၀,၀၀၀၊ ထိုင်းမှာ ၁၀၀,၀၀၀ လောက်ရှိကြောင်း သိရပါတယ်။ ဘင်္ဂလားဒေ့ရ်ှက ဒုက္ခသည်အဖြစ် လက်ခံထားတဲ့ ရိုဟင်ဂျာ ဘင်္ဂလီက ၃၀,၀၀၀ လောက် ရှိပါတယ်။ သန်းခေါင်စာရင်းရဲ့  ထူးခြားချက်တခုက မေးခွန်း ပုံစံမှာ ကိုးကွယ်တဲ့ဘာသာကို ဖော်ပြဖို့ ညွှန်ကြားထားပေမယ့် ကိုးကွယ်ယုံကြည်မှုနဲ့ ပတ်သက်တဲ့ လူဦးရေပုံရိပ်ကို ဖော်ပြဖို့ ပျက်ကွက်နေတာ ဖြစ်ပါတယ်။

အပြည့်အစုံသို့ ....

Friday, June 26, 2015

ပြည်သူနဲ့ တပ်မတော် ပိုအလှမ်းဝေးသွားပြီ

ဗမာ့တပ်မတော်နဲ့ပါတ်သက်ရင် ပြည်သူ ဆိုတဲ့စကားလုံးကို ဒီနေရာမှာ နှစ်ပိုင်းခွဲပြချင်သည်။ ပထမတခုက ပြည်သူ(ဗမာလူမျိူးများ)နှင့် ဒုတိယတခုက ပြည်သူ တိုင်းရင်းသားလူမျိူးစုများဆိုပြီး ရှင်းလင်းပြောချင်ပါသည်။ ဗမာ့တပ်တော်ကို ဗမာလူမျိူးပြည်သူများဘယ်လောက်ချစ်လည်းမချစ်လည်းဆိုတာကို မှတ်ချက်မပေးလိုပေမယ့် တပ်မတော်ကို တိုင်းရင်းသားလူမျိူး ပြည်သူများဘယ်လိုမြင်သလဲဆိုတာကိုမီးမောင်းထိုးပြချင်ပါသည်။ ကျနော်တို့ တိုင်းရင်းသားလူမျိူးများရင်ထဲမှာ ဗမာ့တပ်မတော်ဆိုတာ ငါတို့ ရဲ့တိုင်းပြည်ကယ်တင်ရှင်ကြီးတွေလို့  ဘယ်သောအခါမှ မမြင်ခဲ့ဘူး။ ဒီလိုမြင်ရအောင်လည်း ဗမာ့တပ်မတော်က တိုင်းရင်းသားတွေအပေါ်ဘာကောင်းကျိူးတွေပေးခဲ့လည်းဆိုတာ တခုမှရှာမတွေ့ ဘူး။ ကျနော်တို့ တွေ့ နေရတာ ခံစားနေရတာက ဗမာ့တပ်မတော်ဆိုတာ ကျနော်တို့ တိုင်းရင်းသားတွေရဲ့ အသက်အိုးအိမ်တွေကို သမိုင်းနဲ့ ချီပြီးဖျက်ဆီးခဲ့တယ်လို့ ရှင်းရှင်းလင်းလင်းပဲမြင်ထားတယ်။ သက်သေအထောက်အထားတွေနဲ့ အပြည့်အစုံရှိတယ်။ ဆင်သေကို ဆိတ်သရေနဲ့ ဖုန်းချင်တဲ့ တပ်မတော်ခေါင်းဆောင်ကြီးတွေ အဆက်ဆက်ပေါ်ပေမယ့် နောက်ဆုံးတော့သူတို့ ရဲ့ မဟာလူမျိူး ကြီးဝါဒစိတ်ဓါတ်က တနေရာရာမှာပြန်ပေါ်လာစမြဲပဲဆိုတာ အမြဲတမ်းတွေ့ ခဲ့ရတယ်။

ကျနော်ဘလော့ပေါ်မှာ မှတ်ချက်ပေးဘူးတယ်။ 2015 ရွေးကောက်ပွဲပြီးရင် စစ်တိုက်ဖို့ အတွက် တိုင်းရင်းသားတွေ စစ်ရေးပြင်ဆင်ထားပါဆိုတာ မကြာခင်မှာ ရောက်ရှိလာတော့မှာဖြစ်ပါတယ်။ အခုလက်နက်ကိုင်တိုင်းရင်းသားတပ်တွေအရေးကြီးတဲ့ ဆုံးဖြတ်ချက်တွေ ချရမယ့် သမိုင်းကွေ့ ရောက်လာပြန်ပါပြီ။ ၂၀၀၈ ဥပဒေကို လွတ်တော်ထည့်မှာ ပြင်ကြရအောင်ဆိုတဲ့လူတွေ အခုတွေ့ တဲ့အတိုင်းပဲ လှလှလေးခံလိုက်ရပြီး။ ယခုဆွေးနွေးနေဆဲဖြစ်တဲ့ ငြိမ်းချမ်းရေးလည်းရေကြည်ထဲက လရိပ်လေးလိုပါပဲ။ တိုင်းရင်းသားလက်နက်ကိုင်အဖွဲ့ တွေ ကို တရားဝင် လက်မှတ်ထိုးဖို့ တာစူတွန်းအားပေးနေတဲ့ သိန်းစိန်အစိုးရရဲ့အကြံအစည်တွေ ဟာ ဘာလည်း ဘယ်လည်းဆိုတာ မနေ့ တစ်နေ့ က လွတ်တော်မှာ မဲခွဲဆုံးဖြတ်လိုက်တဲ့ရလဒ်တွေက သက်သေခံလိုက်ပါပြီ။ ဒီလူတွေသူတို့ လိုချင်တာရအောင်ဝေ့လှည်ကြောင်ပါတ်လုပ်ပြီးတခုပြီးတခုပြီးလုပ်ယူသွားမှာဖြစ်ပြီး မလိုချင်တာတွေက အခြေအနေအချိန်အခါကိုကြည့်ပြီး ကွက်တိ အချိန်ကျမှကပ်ပြီးဖြူတ်လိုက်တယ် ဆိုတာလွတ်တော်ထဲမှာဖြစ်ပျက်နေတာကိုကြည့်ပြီးရှင်းရှင်းလင်းမြင်နိုင်တယ်။ ဥပမာ လူအများဝေဖန်တဲ့ အရေးမပါတဲ့ မျိူးစောင့်ဥပဒေတွေကိုရအောင် အချိန်ယူပြီး တဖြည်းဖြည်း အတင်းဆွဲယူသွားတာနဲ့  အရေးကြီးတဲ့ဥပဒေပြင်ဆင်ချက်တွေကို ရွေးကောက်ပွဲနီးလာမှ စဆွေးနွေးပြီး ကပ်ပြီးသူတို့ မလိုချင်တာတွေကို ရှင်းထုတ်လိုက်တာဟာ ဒီမဟာဝါဒီတွေရဲ့ လက်ရှိသုံးနေတဲ့ ဗျူဟာတွေလို့ ပြောလို့ ရပါသည်။

ကရင်လူမျိူးဖြစ်လို့ နောက်ဆုံးကရင်အကြောင်းနဲ့ပဲပြောမယ်။ ကရင်တွေအသင်တို့ ရဲ့သေနတ်တွေကို ပြောင်နေအောင်တိုက်ထားလိုက်ပါတော့။ မကြခင်ငါတို့ တွေ နောက်တစ်ပွဲစတိုက်ရတော့မယ်... Kanyaw Thu Mu Doh... Are you ready....????

xxxxxxxxxxxxxxx

တပ်မတော်သည် မြန်မာနိုင်ငံတွင် ဒီမိုကရေစီစနစ်ကျင့်သုံးဖို့အတွက် အလိုမရှိသေးကြောင်း၊ ပြုပြင်ပြောင်းလဲရေးလုပ်ဖို့ဆန္ဒမရှိသေးကြောင်း ၊ ဒေါ်အောင်ဆန်းစုကြည်အပေါ် သဘောထားတင်းမာနေဆဲဖြစ်ကြောင်း ယခုလ ၂၅ ရက်တွင် တရားဝင်ထုတ်ဖော် သက်သေပြလိုက်ပြီဖြစ်သည်။

တပ်မတော်အစိုးရက ရေးဆွဲခဲ့သည့် ၂၀၀၈ အခြေခံဥပဒေသည် ဥပဒေထဲတွင် နိုင်ငံတော်သည် ပါတီစုံဒီမိုကရေစီစနစ်ကျင့်သုံးသည်ဟု ပြဌာန်းဖော်ပြထားသော်လည်း အမှန်တကယ် လက်တွေ့တွင်မူ ဒီမိုကရေစီ အနှစ်သာရများ ပျောက်ဆုံးနေသည်။ ဒီမိုကရေစီစနစ်ကျင့်သုံးမည်ဆိုလျှင် ၂၀၀၈ အခြေခံဥပဒေကို သေချာပေါက်ပြင်ဆင်ရမည်ဖြစ်သည်။ သို့သော်….။

ဇွန်လ ၂၅ ရက်သည် တပ်မတော်အတွက် မလှပသော သမိုင်း အစွန်းအထင်းတခု ထပ်မံ အစွန်းထင်သွားခဲ့ပြန်ပြီဖြစ်သည်။ အဆိုပါနေ့ ပြည်ထောင်စုလွှတ်တော်အစည်းအဝေးတွင် အခြေခံဥပဒေ ပြင်ဆင် မပြင်ဆင်နှင့် အခြေခံဥပဒေပါ ပုဒ်မအချို့ကို ပြင်ဆင်ဖို့ အဆုံးအဖြတ်ခံယူနိုင်ရန် လွှတ်တော်ကိုယ်စားလှယ်များ၏ ဆန္ဒမဲခွဲကာ အဆုံးအဖြတ် ခံယူခဲ့သည်။
အခြေခံဥပဒေ ပြင် မပြင် ဇွန်လ ၂၃ ရက်က စတင်ကာ ပြည်သူက ရွေးချယ်သည့် လွှတ်တော်ကိုယ်စားလှယ်များ၊ တပ်မတော်ကာကွယ်ရေးဦးစီးချုပ်က တာဝန်ပေးထားသည့် လွှတ်တော်တွင်းရှိ တပ်မတော်သားကိုယ်စားလှယ်များ အကြိတ်အနယ် ဆွေးနွေးခဲ့ကြသည်။ ထိုနေ့တွေက တပ်မတော်သားကိုယ်စားလှယ်များသည် ဥပဒေ မပြင်ဆင်ရေးကိုသာ ဦးတည်ဆွေးနွေးခဲ့ကြသည်။ ဆွေးနွေးခဲ့ကြသည်ကို လေ့လာခြင်းအားဖြင့် မဲခွဲဆုံးဖြတ်ပါက အခြေခံဥပဒေပြင်ဆင်ရေးသည် မလွယ်ကူနိုင်တော့ဟု ကြိုတင် ယုံကြည်ခဲ့သည်။ ထိုယုံကြည်ချက် တက်တက်စင်အောင်ပင် မှန်ကန်ခဲ့လေတော့သည်။

ဇွန်လ ၂၅ ရက် ပြည်ထောင်စုလွှတ်တော်အစည်အဝေးတွင် တပ်မတော်သားကိုယ်စားလှယ် ၁၆၆ ဦးအပါအ၀င် လွှတ်တော်ကိုယ်စားလှယ် ၅၈၃ ဦးတက်ရောက်ခဲ့ပြီး ပျက်ကွက်သူ ၅၀ ဦးရှိခဲ့သည်။ အမှန်တကယ်ရှိသည့် စုစုပေါင်း လွှတ်တော်ကိုယ်စားလှယ်အရေအတွက်သည် ၆၃၃ ဦးရှိသည်။

အများပြည်သူက ပြင်ဆင်လိုသည့် အခြေခံဥပဒေ အခန်း ၃ ပုဒ်မ ၅၉ စ၊ အခန်း ၁၂ ပုဒ်မ ၄၃၆ က၊ ၄၃၆ ခ တို့သည့် ပြင်ဆင်ခြင်းအဆို မဲခွဲရာတွင် ရှုံးနိမ့်ခဲ့သည်။ လောလောဆယ် မဲခွဲဆုံးဖြတ်ချက်အရ ဒေါ်အောင်ဆန်းစုကြည် သမ္မတ ဖြစ်ခွင့်နှင့် အခြေခံဥပဒေပြင်ဆင်နိုင်ရေး လွှတ်တော်ကိုယ်စားလှယ် ထောက်ခံမှုရာခိုင်နှုန်း ပြင်ဆင်ချက်တို့သည် လက်ရှိအစိုးရ၊ လက်ရှိလွှတ်တော်သက်တမ်းတွင် လုံးဝမဖြစ်နိုင်တော့သည့် အနေအထားဖြစ်သွားပြီ ဖြစ်သည်။

ယခုလို ရလာဒ်မျိုးထွက်လာခြင်းသည် တပ်မတော်သားကိုယ်စားလှယ်တို့၏ ကန့်ကွက်မှုက အဓိကကျခဲ့သည်မှာ ငြင်းပယ်မရနိုင်ပေ။ ဤရလာဒ်မျိုးဖြစ်လာအောင် ပြုလုပ်ခဲ့သည့်အတွက် နိုင်ငံ့အဆိုးအကောင်းအတွက် တပ်မတော်တွင် တာဝန် အဓိကရှိသွားပြီသည်။ နဂိုကမှ တပ်မတော်အပေါ် ပြည်သူ ယုံကြည်မှု နည်းပါးနေသည့် အခြေအနေသည် ပိုမို ဆိုးဝါးသွားပြီဖြစ်သည်။ မြန်မာပြည်သူပြည်သားတွေနှင့် တပ်မတော်သည် ထပ်မံကာ အလှမ်း ပိုမိုဝေးကွာသွားပြီဖြစ်သည်။ ပြည်သူ့မေတ္တာကို ခံယူခွင့်ရှိနေသည့် အခွင့်အရေးကို အပိုင်အနိုင် မဆုပ်ကိုင်ပဲ ပြည်သူတွေရဲ့နှလုံးသားများထံကနေ ပို၍ဝေးရာဆီသို့ ရောက်ရှိခဲ့ပြန်သည်။

အခြေခံဥပဒေပြင်ဆင်ရေးအပါအ၀င် မြန်မာနိုင်ငံ၏ အကျပ်အတည်းများကို ခေါင်းချင်းဆိုင် ခြောက်ပွင့်ဆိုင်တွေ့ဆုံမှုသည်လည်း ယနေ့ထွက်ပေါ်လာသည့် ရလာဒ်များကြောင့် ထပ်မံတွေ့ဆုံဖို့ဆိုသည် အချိန်ကုန် အပင်ပန်းခံရုံမှတပါး အားရစရာ သိပ်မရှိတော့ချေ။ တပ်မတော်၏ မြန်မာပြည်သူ ပြည်သားတို့အပေါ်ထားရှိသည့် သဘောထားကို လွှတ်တော်တွင်းတွင် တရားဝင်ပြသခဲ့ပြီ ဖြစ်သောကြောင့်ဖြစ်သည်။

ပုဒ်မ ၅၉ စ အတွက် ထောက်ခံမဲ ၃၇၁ မဲ(၅၈.၆ ရာခိုင်နှုန်း)၊ ပုဒ်မ ၄၃၆ က အတွက် ထောက်ခံမဲ ၃၈၈ မဲ( ၆၁.၂၉ ရာခိုင်နှုန်း) သာရှိခဲ့တာကြောင့် ပြည်သူကရွေးချယ်ထားပါသည်ဆိုသည့် လွှတ်တော်ကိုယ်စားလှယ်အချို့သည်လည်း အဆိုပါပုဒ်မနှစ်ခု မပြင်ဆင်ရေး ကန့်ကွက်ခဲ့သည်ကိုလည်း တွေ့ကြရမည်ဖြစ်သည်။ ထို့ကြောင့် အများပြည်သူဆန္ဒကို အခြေခံသည့် ဒီမိုကရေစီဖော်ဆောင်ရေး လမ်းကို မျက်နှာမမူ ဥပက္ခာပြုခဲ့ကြသည့်၊ ကန့်ကွက်ခဲ့ကြသည့် လွှတ်တော်ကိုယ်စားလှယ်များကိုလည်း ပြည်သူများက ဖော်ထုတ်ပြီး နောင်လာမည့် ၂၀၁၅ ရွေးကောက်ပွဲမှာ ပါဝင်ယှဉ်ပြိုင်လာပါက မဲမပေးခြင်းဖြင့် ဒဏ်ခတ်ကြဦးမည်။

ထို့အပြင် မဲခွဲဆုံးဖြတ်ဖို့ အရေးကြီးသည့် လွှတ်တော်အစည်အဝေးတွင် သိသိကြီးနှင့် အစည်းအဝေး မတက်ရောက်ပဲ လစ်ဟင်းပျက်ကွက်ခဲ့သည့် ပြည်သူ့ကိုယ်စားလှယ်များ (အချို့သည် လွှတ်တော်တာဝန်အချို့ကြောင့် ပျက်ကွက်ကြသည်) သည်လည်း သမိုင်းတွင် တာဝန်ရှိနေပါသည်။ လွှတ်တော်အစည်အဝေး ပျက်ကွက်သူများအတွက် ကန့်ကွက်မဲဟု ရေတွက်ခံရသောကြောင့်ဖြစ်သည်။ ထိုပျက်ကွက်သည့် လွှတ်တော်ကိုယ်စားလှယ်များကိုလည်း မည်သူမည်ဝါဖြစ်ပြီး မည်သည့်အတွက် ပျက်ကွက်သည်ကို ပြည်သူများက ဖော်ထုတ်စုံစမ်းဦးမည်ဖြစ်သည်။

ဒေါ်အောင်ဆန်းစုကြည်က အခြေခံဥပဒေပြင်ဆင်ရေး လွှတ်တော်တွင်း မဲခွဲဆုံးဖြတ်မှုအပြီး ပြုလုပ်သော သတင်းစာရှင်းလင်းပွဲတွင် လူထုခေါင်းဆောင်ပီပီ ထွက်ရှိလာသည့် ရလာဒ်အပေါ် ကြိုတင်မျှော်လင့်ထားခြင်းကြောင့် စိတ်မပျက်ဖို့ အားမငယ်ဖို့ ဒီမိုကရေစီလိုလားသော ပြည်သူတွေအပေါ် နှစ်သိမ့်စကားပြောခဲ့သည်။ နှစ်ပေါင်းများစွာ စစ်အာဏာရှင်စနစ်၏ ဖိနှိပ်မှု ချုပ်ခြယ်မှုဒဏ်များကို အလူးအလဲခံခဲ့ကြရသည့် ပြည်သူများကတော့ စိတ်နှလုံးညှိုးငယ်ကြသည်။ စိတ်ပျက်ကြသည်။ အားငယ်နေကြသည်မှာ အမှန်ဖြစ်သည်။ အနှီအခြေခံဥပဒေသည် လွှတ်တော်ထဲတွင် ပြင်ဆင်ဖို့ လုံးဝမလွယ်ကူနိုင်တော့ဟုပင် ပိုမိုယုံကြည်လာခဲ့ကြပြီဖြစ်သည်။ ထိုယုံကြည်ချက်များအတွက် ဖွဲ့စည်းပုံအခြေခံဥပဒေကို ပြင်ဆင်ရန် ကန့်ကွက်ခဲ့သည် တပ်မတော်သားကိုယ်စားလှယ်များ၊ လွှတ်တော်ကိုယ်စားလှယ်များသည် ဒီမိုကရေစီလိုလားသူ ပြည်သူများ၏ စိတ်နှလုံးတွင် ခေတ်နောက်ပြန်ဆွဲသူများအဖြစ် ခံစားထင်မြင်သွားပြီဖြစ်ပါသည်။

ူ ဇွန်လ ၂၅ ရက် ရလာဒ်သည် အခြေခံဥပဒေ ပုဒ်မ ၄၃၆ ပြင်ဆင်ရေး၊ ဒေါ်အောင်ဆန်းစုကြည် သမ္မတဖြစ်ခွင့်ရရေးတို့သည် ယခုလွှတ်တော်၊ အစိုးရ သက်တမ်းတွင် ရေပေါ်အရုပ်ရေးသလို လွှင့်ပျယ်ခဲ့ပြီဖြစ်သည်။ ဤသို့ဆိုလျှင် ၂၀၁၅ ရွေးကောက်ပွဲတွင် ဒေါ်အောင်ဆန်းစုကြည် ဦးဆောင်သည့် အမျိုးသားဒီမိုကရေစီအဖွဲ့ချုပ် ပါဝင်ယှဉ်ပြိုင်ဖြစ်ပြီး တနိုင်ငံလုံးတွင် အပြတ်အသတ် အနိုင်ရရှိပါက အခြေခံဥပဒေ ပုဒ်မ ၄၃၆ ပြင်ဆင်ရေး၊ ဒေါ်အောင်ဆန်းစုကြည် သမ္မတဖြစ်ခွင့်ရရေးတို့သည် ပြန်လည်အိပ်မက် မက်နိုင်လာမည်လားဟု မေးခွန်းထုတ်စရာရှိသည်။ ဒေါ်အောင်ဆန်းစုကြည်ကလည်း ရွေးကောက်ပွဲ ဝင်မည်ဟု ကြေညာလိုက်ပြီး အမျိုးသားဒီမိုကရေစီအဖွဲ့ချုပ်ကို မဲပေးရန် လှုံ့ဆော်ထားသည်။

သို့သော် လွှတ်တော်ထဲတွင် ပြည်သူက တိုက်ရိုက်မရွေးချယ်ရပါပဲ တပ်မတော်ကာကွယ်ရေးဦးစီးချုပ်က တာဝန်ပေးသည့် တပ်မတော်သားကိုယ်စားလှယ်များ ရှိနေသေးသ၍ ဒါမှမဟုတ် မလျော့ချနိုင်သေးသ၍၊ တည့်ပြောရလျှင် တပ်မတော်က မြန်မာ့နိုင်ငံရေးဦးဆောင်မှု အခန်းကဏ္ဍတွင် ဦးဆောင်သူအဖြစ် ပါဝင်နေရဦးမည်ဟု သဘောထားရှိနေသေးသ၍ ဒီမိုကရေစီရေး အပြောင်းအလဲသည် ထင်သလောက် မလွယ်ကူနိုင်သေး။ ပြည်သူလူထုနှင့် တပ်မတော်တို့သည် အလှမ်းဝေးနေဆဲပင် ဖြစ်ဦးမည်။

(မောင်ဉာဏသည် မန္တလေးအခြေစိုက် သတင်းစာဆရာတဦးဖြစ်သည်) 

ဧရာဝတီသတင်း

အပြည့်အစုံသို့ ....

ဂျက်စမင်း ပါဝင်သီဆိုသော ထိုင်းရုပ်သံ

ကရင်သီချင်းဖြင့် အစချီသော ထိုင်းရုပ်သံ တင်ဆက်မှုလေးပါ။



สุพรรณหงส์ ครั้งที่ 24 THE WONDER OF HUMOR.เมื่อคืนท่านใดที่ไม่ได้ดู สามารถรับชมกันที่นี่ได้เลยครับ !!
Posted by Jasmin - Patchalaware Damrongtamprasroet on Monday, March 2, 2015


Type the rest of your post here.

အပြည့်အစုံသို့ ....

လော်ခီးလားနိုင်ငံရေးထိုးစစ်နှင့်ငြိမ်းချမ်းရေးအလားအလာ (ကရင် ဘာသာပြန်)




Type the rest of your post here.

အပြည့်အစုံသို့ ....

တိုင်းရင်းသား လူမျိုးတိုင်း တန်းတူရေး ဗမာလူမျိုးများပါဝင်လုပ်ဆောင်နိုင်သည့် နည်းသစ်တင်ပြခြင်း

အဂ္ဂ

တိုင်းရင်းသားဆရာဆရာမများတွင် မိမိဆိုင်ရာလူမျိုး၏ စာပေနှင့် သမိုင်းကိုသင်ကြားပေးရ မည့်တာဝန် နှင့်တန်ဖိုးများရှိကြရမည့်အကြောင်းဥပဒေမပြဌာန်းခြင်းသည် တိုင်းရင်းသားများမနှေးအမြန် တိမ်ကော ပပျောက်သွားစေရန်ပြောင်တလင်း စီမံလုပ်ဆောင်ချက်ဖြစ်သည်။

ဒါကိုမြင်နိုင်စွမ်းမရှိသော သို့မဟုတ် ကျေနပ်သောသို့မဟုတ် အလိုတော်ရိဖြစ်သော သို့မဟုတ် တုံနှိဘာဝေဖြစ် နေသော တိုင်းရင်းသားများသည်လည်း လူမျိုးတမျိုးအဖြစ်ဆက်လက်တည်ရှိနေရန်လိုအပ်သည့် ဂုဏ်အဂါင်္များနှင့် ကင်းဝေးသွားရပေတော့မည်။

တိုင်းရင်းသားလူမျိုးတိုင်း၏ စာပေနှင့်သမိုင်းများကိုတန်းတူဖြစ်စေလိုသည့်စေတနာသည် ပြည်ထောင်စုနိုင်ငံသားများတွင် လုံးဝမရှိမဖြစ် အခြေခံစိတ်ဓါတ်အဖြစ်သွတ်သွင်း တည်ဆောက် ထားခြင်းရှိနေရမည်။ တိုင်းရင်းသားများအတွင်းမှတမျိုးမျိုး၏စာပေနှင့် သမိုင်းကိုသာလျှင် ဘုံထား မြေတောင်မြှောက်သွတ်သွင်းခြင်းမှာ ပြည်ထောင်စုတည်ဆောင်ခြင်းမဟုတ်ဘဲ လုံးဝပြောင်တိုက်ကြီး တပြည်ထောင်တည်ထောင်ခြင်းဖြစ်သဖြင့် တရားမျှတမှုကိုမလိုလားသည့် ဆိုးရွားမှုဖြစ်သည်။

သည်ဆိုးရွားမှုများသည် မျိုးချစ်စိတ်ရှိသောတိုင်းရင်းသားလူထု၏ခုခံတုံ့ပြန်မှုကိုပေါ်ပေါက်စေသည်။
ခေတ်အဆက်ဆက်တွင် အာဏာပိုင်လူမျိုးများ၏စာပေ သမိုင်းဖိနှပ်မှုကို ပါဝင်အလုပ်အကြွေးပြုကြသည့် တိုင်းရင်းသားအလိုတော်ရိများရှိတတ်စမြဲဖြစ်သဖြင့် ထိုသူများ၏ပါဝင်မှုကို တိုင်းရင်းသားများ၏ပါဝင်မှုအဖြစ် ဆွဲယူအသုံးချလျှက် ငါးကြင်းဆီဖြင့်ငါးကြင်းကျော်နေနိုင်မည်ဖြစ်သော်လည်း တရားမျှတမှုမရှိသဖြင့် တကယ်တမ်းငြိမ်းချမ်းသာယာဝပြောသော နိုင်ငံတနိုင်ငံသို့သွားနေသည့်လမ်းကြောင်းမဟုတ်ပါပေ။
သို့ဖြစ်သဖြင့် လူမျိုးရေးယုတ်မာမှုများဖြင့်တည်ဆောက်သောအတုအရောင်ပြည်ထောင်စုကြီးထဲတွင် ဖိနှိပ်မှုများအဆုံးမသပ်မခြင်းခုခံတုံ့ပြန်မှုများလည်းမလွဲမသွေဆက်လက်ပေါ်ပေါက်ပြန့်ပွား
တည်တန့်နေမည်သာလျှင်။
ပြသနာကိုရှင်းလင်းပြတ်သားစွာ ထောက်ပြလိုက်ပြီးနောက်ဖြေရှင်းနည်းကိုမပြောလျှင် အနှုတ်လက္ခဏာသာရှိသောလူမျိုးရေးအဖျက်သမားအမြင်ဟု တံဆိတ်ခတ်ခံရဖွယ်ရှိသည်ဖြစ်သဖြင့် ဖြေရှင်းနည်းကိုတင်ပြလိုက်ပါရစေ။

ဘာမှမခက်ပါ။
ဘာသာစာပေသမိုင်းတန်းတူရေးအတွက် ၁၃၅ မျိုးရှိသည်ဆိုသော တိုင်းရင်းသားလူမျိုးတိုင်း၏စာပေကို နိုင်ငံတော်ရုံးသုံးကျောင်းသုံးဖြစ်အောင်လုပ်လို့မရနိုင်ခြင်းမှာ အမှန်တရားဖြစ်သည်။ ထိုသို့ ၁၃၅ မျိုးလုံးကိုတရားဝင်စေရန်မဖြစ်နိုင်သဖြင့် လူဦးရေအများဆုံးလူမျိုးတမျိုးတည်း၏စာပေ သမိုင်းတို့ကို ဘုံအဖြစ်ထားလိုက်သောအခါ ကျန်၁၃၄မျိုးလုံး အဟုန်ပြင်းစွာဖြင့်တိမ်ကောပပျောက်သွားရမည့် အဆင်းလမ်းပေါ်ချထားပေးလိုက်သည့်အနေအထားသို့ဆိုက်ရောက်သည်။ ယခုအခါတွင် တိုင်းရင်းသားလူမျိုးများသည် မိမိဆိုင်ရာအ၀တ်အစားများ အကအခုန်များလောက်ကိုသာ သိလျှက် စာပေနှင့်သမိုင်းမှာမူ အသုံးမ၀င်အောင်ပြုထားခြင်းခံရသည့်အဆင့်ကိုလိုက်ပြီး မရပ်တမ်း တိမ်ကောသွားလျှက်ရှိသည်။ မိမိရိုးရာဝတ်စုံများကိုဝတ်ဆင်ကြသည်ဆိုရာတွင်လည်း တားမြစ်ထားခြင်းမရှိသောနေရာများတွင်သာဝတ်ရဲကြသည်။ ရုံးများကျောင်းများတွင် ဗမာဝတ်စုံအစား မ၀တ်ဆင်ရဲကြသေးပါ။ အားလုံးသိကြပါသည်။
ဒါဆိုလျှင် တန်းတူရေးအတွက် အလွန်လွယ်သောတခြားတနည်းကို ကြည့်ပါ။ ဒီနည်းဖြစ်မြောက်ရေးအတွက်အဓိကဖြတ်သန်းရမည့် တခုတည်းသောအခက်အခဲကြီးမှာ တိုင်းရင်းသားဗမာလူမျိုးများက မိမိတို့၏ စာပေ သမိုင်း သုံးစွဲဖြန့်ဖြူးပိုင်ခွင့်အာဏာကို တခြား၁၃၄မျိုးသောတိုင်းရင်းသားညီနောင်များ၏ အဆင့်အတန်းနှင့်တန်းတူသောအနေအထား သို့ဥပဒေပြုပြီးလျှော့ချပေးချင်သည့်စိတ်စေတနာကောင်းများပေါ်ပေါက်ပြန့်ပွားရေးသာလျှင်ဖြစ်သည်။
တခြားတိုင်းရင်းသားများကလက်ရှိ စာပေ ယဉ်ကျေးမှု ထိမ်းသိမ်းနေကြရသည့်နည်းနာ အခွင့်အရေးများအတိုင်း ဗမာစာပေ သမိုင်း ယဉ်ကျေးမှုများကိုထိုနှင့်တန်းတူအနေအထားသို့ရွေ့ချပေးရန်သာဖြစ်သည်။ လက်ရှိအနေအထားမှာ ဗမာစာပေသမိုင်း ယဉ်ကျေးမှုက ကျန်တိုင်းရင်းသား ၁၃၄ မျိုးအထွတ်အမြတ်ထားရာ စာပေ သမိုင်းနှင့်ယဉ်ကျေးမှုတို့၏ဦးခေါင်းကိုခြေဖြင့်တက်နင်း ထားသည့်အနေအထားဖြစ်နေသည်။ ဒီအနေအထားကိုဗမာများကပြည်ထောင်စုလူမျိုးများတန်းတူရေးစိတ်ဓါတ်ဖြင့်အဆုံးရှုံးခံကြရမည်။
ဗမာများကဒိုင်ခံဟစ်ကျွေးနေပြီးတိုင်းရင်းသားများကိုအပြစ်ဆိုနေလေ့သည့် အဆိုပါ ပြည်ထောင်စုစိတ်ဓါတ်နှင့်အညီ တိုင်းရင်းသားအားလုံးနှင့် စာပေ သမိုင်းယဉ်ကျေးမှု တန်းတူ သောအနေအထားကိုလက်တွေ့ကျင့်သုံးကြရမည်။ ဒါကိုမလုပ်နိုင်လျှင် တန်းတူရေးနှင့်ပြည်ထောင်စုစိတ်ဓါတ်မရှိခြင်းသာလျှင်ဖြစ်သဖြင့် ထိုမရှိသောစိတ်ဓါတ်လုပ်ဆောင်ချက်များ ကိုအခြေခံသည့် ဆင့်ပွားပေါ်ပေါက်သော ဆိုးကျိုးအားလုံးကို တိုင်းရင်းသားပြည်သူများနည်းတူ ဆက်လက်ခံစားကြရဖို့သာရှိသည်။

ဖေါ်ပြခဲ့သောဖြေရှင်းနည်းမှာ နယ်နိမိတ်ရေးဆွဲရေးပြသနာများစွာကို ရင်ဆိုင်ရဦးမည့် ဖက်ဒရယ်ပြည်ထောင်စုလမ်းစဉ်ကိုထိရှခြင်းမရှိပေ။ တပြည်ထောင်ဖြစ်သည့်တိုင် ၁၃၅မျိုးသော လူမျိုးတိုင်းတန်းတူစေသောနည်းနာဖြစ်သည်။ စာပေ သမိုင်း နှင့်ယဉ်ကျေးမှုတွင်တန်းတူလျှင် နိုင်ငံကိုတန်းတူပိုင်ဆိုင်သည့်အနေအထားနှင့်စိတ်ဓါတ်များဖြစ်ပေါ်လာမည်ဖြစ်သည်။ ဖွံ့ဖြိုးရေး စီးပွားရေး ဘာသာရေး စသောအခြားအရေးအားလုံးမှာ လူမျိုးမရွေး ဘာသာမရွေး ယေဘူယျအားဖြင့် ကိုယ့်အိုးကိုယ့်ဆန် ဆိုင်ရာ သဘာဝများအတိုင်းသွားနေသည့် တန်းတူမှုများရှိနေသည်သာဖြစ်သဖြင့်အထူးတလည် ထည့်သွင်းပြောဆိုရမည့်ပြသနာမဟုတ်တော့ပါ။

လေးစားလျှက်
အဂ္ဂ


အပြည့်အစုံသို့ ....

Wednesday, June 24, 2015

နှစ်ဘက် တင်းမာမယ်ဆိုရင် ငြိမ်းချမ်းရေးလုပ်ငန်းစဉ်တွေ ဘေးရောက်သွားနိုင်တယ် – ဦးခွန်ဆိုင်း

By ရွှေအောင်
24 June 2015

အစိုးရဘက်က တိုင်းရင်းသားလက်နက်ကိုင်တပ်ဖွဲ့တို့ရဲ့ အဆင့်မြင့်ညှိနှိုင်းရေးအဖွဲ့နဲ့ ဆက်ဆွေးနွေးဖို့ လက်မခံလိုတဲ့ သဘောထား ရှိနေတယ်လို့ အန်စီစီတီအဖွဲ့ခေါင်းဆောင် နိုင်ဟံသာက ဇွန် ၂၃ ရက်က ရန်ကုန်မှာ သတင်းစာရှင်းလင်းပွဲလုပ်ပြီး ပြောလိုက်ပါတယ်။

တိုင်းရင်းသားတို့ရဲ့ အဆင့်မြင့် ညှိနှိုင်းရေးကိုယ်စားလှယ်အဖွဲ့ခေါင်းဆောင် နိုင်ဟံသာအဖွဲ့နဲ့ ၀န်ကြီးဦးအောင်မင်းတို့ ဇွန် ၂၂ ရက်က ရန်ကုန်မှာ အလွတ်သဘော တွေ့ဆုံဆွေးနွေးမှုအပြီး နိုင်ဟံသာက မီဒီယာကို အခုလို ပြောလိုက်တာ ဖြစ်ပါတယ်။

ဒီအခြေအနေနဲ့ ပတ်သက်ပြီး ပြည်ထောင်စုအင်စတီကျု-ဒါရိုက်တာ ဦးခွန်ဆိုင်းကို ဆက်သွယ်မေးမြန်းထားပါတယ်။

ဇွန် ၂၃ ရန်ကုန်မှာ အန်စီစီတီအဖွဲ့ခေါင်းဆောင် နိုင်ဟံသာပြောတဲ့အထဲမှာ ၀န်ကြီး ဦးအောင်မင်းတို့ အဖွဲ့နဲ့တွေ့တော့ သူတို့အနေနဲ့ အန်စီစီတီအဖွဲ့နဲ့ ဆက်ဆွေးနွေးရင် ပြဿနာ မရှိဘူး၊ အခု အဖွဲ့သစ်နဲ့ ဆက်ဆွေးနွေးဖို့ကျ အမြင်မရှင်းဘူး၊ လက်မခံချင်ဘူးဆိုတဲ့ သဘောမျိုးပြောတယ်လို့ ပြောတယ်။ အစိုးရက ဘာလို့ အမြင်မရှင်း ဖြစ်နေတာလဲ၊ ဦးခွန်ဆိုင်း သုံးသပ်ပေးပါ။

“တဘက်က အစိုးရကလည်း ဒီဟာဟာ အန်စီအေ (အပစ်ရပ်စာချုပ်) မထိုးချင်လို့ အချိန်ဆွဲတာ ဖြစ်တယ်၊ ဒီလို ယူဆမှု ရှိတယ်။ သို့သော်လည်းပဲ အစိုးရဘက်က ဘာပြဿ နာရှိလဲ ဆိုတော့ အန်စီစီတီနဲ့ပဲ တွေ့မယ်၊ အဖွဲ့သစ်နဲ့ လုံးဝ မတွေ့ဘူး ဆိုလို့ရှိရင်လည်း အစိုးရဘက်က ငြိမ်းချမ်းရေး မလိုချင်ဘူးဆိုတဲ့ အစွပ်စွဲခံရမယ့်အပိုင်း ပြန်ရှိနေပါတယ်။ ဒါကြောင့်မို့ အခု ဖြစ်နေတဲ့ အခြေအနေကတော့ နှစ်ဘက်က ဘယ်နည်းနဲ့မဆို နားလည်မှု ရှာပြီးတော့ ညှိရမယ့် အပိုင်း ရှိတာပေါ့။ အဲ့လိုမျိုး မဟုတ်ဘဲနဲ့ နှစ်ဘက်စလုံး တင်းမာမယ် ဆိုရင်တော့ ရွေးကောက်ပွဲကလည်း ရှိနေတော့ ငြိမ်းချမ်းရေး လုပ်ငန်းစဉ်တွေက တခါတည်း ဘေးရောက်သွားနိုင်တာပေါ့ဗျာ။ အဲ့ဒါကြောင့်မို့ နှစ်ဘက်စလုံးက ဒီကိစ္စနဲ့ ပတ်သက်ပြီးတော့ ညှိဖို့လိုမယ်လို့ ကျနော် ထင်ပါတယ်။”

နောက်တခုက ဇွန် ၂၂ နှစ်ဘက်တွေ့တုန်းက ဦးအောင်မင်းတို့ဘက်က မတ်လ ၃၁ ရက်မှာ နှစ်ဘက်လက်မှတ်ထိုးခဲ့တဲ့ အပစ်ရပ်စာချုပ်မူကြမ်းနဲ့ပဲ ပြီးလိုက်ဖို့ ပြောတယ်လို့ ဆိုပါတယ်။ ကျနော်တို့ သိသလောက် အပစ်ရပ်စာချုပ်မူကြမ်းထဲမှာ ငြိမ်းချမ်းရေးဆွေးနွေးဘက်များအကြား ၀ိဝါဒကွဲပြားမှုများကို ရေရှည်တည်တံ့ခိုင်မြဲသည့် ငြိမ်းချမ်းရေးရရှိရန် စိတ်ရင်းစေတနာမှန်ဖြင့် အကျေအလည် ညှိနှိုင်းဖြေရှင်း ဆောင်ရွက်ရန် ဆိုတဲ့အချက် ပါပါတယ်။ ဒီအပေါ်လည်း ဦးခွန်ဆိုင်း အမြင် သိပါရစေဦး။

“ကျနော်မြင်တာ ၂ ပိုင်း ရှိပါတယ်။ တပိုင်းကတော့ ဦးအောင်မင်း ပြောသလိုပဲ မပြေလည်သေးတဲ့ ကိစ္စရပ်တွေမှာ စာချုပ်စာကိုယ်ထဲမှာ လာမပြင်ဘဲနဲ့ စာချုပ်စာကိုယ်နဲ့ ပူးတွဲဖြစ်တဲ့ မှတ်တမ်းဆိုတဲ့ စာတမ်းရှိတယ်။ အဲ့ဒီစာတမ်းထဲမှာ အခု ဆုံးဖြတ်ချက် ၃၅ ချက် ရှိတယ်။ အဲ့ဒီ ၃၅ ချက်ထဲမှာ လာဖြည့်ရင် မကောင်းဘူးလား၊ ဒီဥစ္စာကလည်း ကျနော်တို့ တိုင်းရင်းသားခေါင်းဆောင်တွေ စဉ်းစားဖို့ကိစ္စ ဖြစ်ပါတယ်။

“လော်ခီးလာမှာ တိုင်းရင်းသားတွေ တင်ပြဖို့ အချက် ၁၅ ချက်ရှိတယ် ဆိုပေမယ့် တကယ်တမ်း ကျနော်တို့ ဆန်းစစ်ကြည့်တဲ့ အခါကျတော့ ၁၂ ချက်ပဲ ရှိတယ်။ ၂ ချက်က မပြင်ပါဘူးဆိုတဲ့ ဆုံးဖြတ်ချက် ဖြစ်တယ်။ မပြင်ဘူး၊ သူ့အတိုင်းပဲထားမယ်ဆိုတဲ့ ဆုံးဖြတ်ချက်၊ နောက်တခုက အထက်ပါ ပြင်ဆင်ချက်များကို အတည်ပြုတယ်ဆိုတဲ့အချက် ဖြစ်တယ်။ ဒီ ၁၂ ချက်ထဲမှာ အများအားဖြင့်က စကားလုံးအရ ဖြစ်တဲ့ကိစ္စတွေ ဖြစ်တယ်၊ ဒီတော့ ဒီကိစ္စတွေက ညှိလို့ သိပ်မခက်ဘူးလို့ မြင်တယ်။

“ဒါပေမယ့် တဘက်က အစိုးရဘက်က ပြန်စဉ်းစားရမယ့်ဟာက ၃ ချက် ကျန်နေသေးတယ်။ နံပါတ်တစ်က လက်မှတ်ထိုးမယ့် ပုဂ္ဂိုလ်၊ အဖွဲ့အစည်းတွေကိစ္စ သူတို့ ဆက်ဆွေးနွေးကြရဦးမယ်။ နံပါတ်နှစ်ကတော့ အစိုးရကရော တပ်ဖွဲ့တွေဘက်ကပါ လက်မှတ်ထိုးရမယ့် လူစာရင်း သို့မဟုတ် ရာထူးစာရင်းတွေ ဒါတွေလည်း ဆက်ဆွေးနွေးကြဖို့ လိုတယ်။ နံပါတ်သုံးက သက်သေခံအဖြစ် လက်မှတ်ထိုးမယ့် နိုင်ငံစာရင်းတွေလည်း ဆက်ဆွေးနွေးဖို့ လိုသေးတယ်။ ဒီ ၃ ချက်ကို အန်စီစီတီနဲ့ပဲ ဆက်ဆွေးနွေးမလား၊ အခု အဆင့်မြင့်ကိုယ်စားလှယ် အဖွဲ့သစ်နဲ့ပဲ ဆွေးနွေးမလားဆိုတာ နှစ်ဘက် ပြန်ညှိကြဖို့ လိုဦးမယ်။”

အခု အစိုးရက ထပ်ဖွဲ့လိုက်တဲ့ အဖွဲ့သစ်ကို လက်မခံချင်တဲ့ သဘောမျိုး ပြောနေတာဟာ အဖွဲ့သစ်မှာ ပါဝင်လာကြတဲ့ ခေါင်းဆောင်ပိုင်း အပြောင်းအလဲတွေနဲ့ ဆိုင်မလား၊ ဘယ်လို သုံးသပ်လို့ရလဲ။

“ရိုးရိုးကြည့်လိုက်မယ်ဆိုရင်တော့ အဖွဲ့သစ်မှာ လူဟောင်းက ၆ ယောက်ပါတယ်ဗျ၊ လူသစ်က ၉ ယောက်ပါတယ်။ လူသစ် ၉ ယောက်က ခေါင်းဆောင်ပိုင်း ဖြစ်တယ်။ ကျန်တဲ့ ၆ ယောက်ကတော့ နောက်တန်းခေါင်းဆောင်လို ဖြစ်နေတာပေါ့ဗျာ။ အခု အစိုးရက ပြောနေတာတွေဟာ တရားဝင် ပြောနေတာ မဟုတ်သေးဘူး၊ အမ်ပီစီက ပြောတာတို့ ဘာတို့၊ တကယ်တမ်း တရားဝင် ပြောရမှာက ဒီတရက် နှစ်ရက်အတွင်းမှာ ဦးအောင်မင်းက ယူပီစီစီ (ပြည်ထောင်စုငြိမ်းချမ်းရေးဖော်ဆောင်မှုဗဟိုကော်မတီ) ကို သွားပြီးတော့ အစီရင်ခံရမယ်၊ အစီရင်ခံပြီး ယူပီစီစီရဲ့ ညွှန်ကြားချက် ရယူရမယ်၊ အဲ့ဒီအခါကျမှ တရားဝင် ဖြစ်မှာပါ။ အဲ့ဒါကြောင့်မို့ အခု လောလောဆယ်ကတော့ နှစ်ဘက်စလုံး ပြန်လည်ညှိနှိုင်းယူနိုင်ပြီး အမြန်ဆုံး နိုင်ငံရေးဆွေးနွေးပွဲကို ကူးပြောင်းသွားနိုင်ဖို့ အင်မတန် အရေးကြီးတဲ့အချိန် ဖြစ်တယ်၊ နှစ်ဘက်စလုံးကို ကျနော်တို့က ၀ိုင်းပြီး အားပေးဖို့လိုတယ်၊ နှစ်ဘက်စလုံးကို မေတ္တာရပ်ခံဖို့ လိုတယ်လို့ပဲ ကျနော် ပြောချင်တယ်။”

ဇူလိုင်နောက်ပိုင်း ရွေးကောက်ပွဲက လာတော့မယ်၊ ဇူလိုင်လဆန်းပိုင်း ရက်တော့ မသတ်မှတ်နိုင်ကြသေးဘူး၊ ချင်းမိုင်မှာ နှစ်ဘက် တွေ့ကြမယ်ပြောတယ်၊ ဖြစ်နိုင်ပါ့မလား၊ ဇူလိုင်လအတွင်း နှစ်ဘက် အပြီးသတ် လက်မှတ်ထိုးနိုင်ဖို့။

“လောကကြီးမှာ သေချာတယ်ဆိုတာဟာ မသေချာမှုပဲဗျ။ အဲ့ဒါကြောင့် အခု လောလောဆယ်မှာ ဇူလိုင်မှာဖြစ်နိုင်မယ်လို့ ပြောနိုင်တဲ့ အခြေအနေမှာ မရှိဘူး။ သို့သော်လည်းပဲ ကျနော်တို့အားလုံး ၀ိုင်းဝန်းကြိုးပမ်းဆိုရင် ဖြစ်မယ်လို့ ကျနော် ယူဆပါတယ်၊ ဖြစ်မယ်လို့ ယုံကြည်ပါတယ်။”

လာမယ့် ဇူလိုင်လဆန်းမှာ ၀န်ကြီးဦးအောင်မင်းခေါင်းဆောင်တဲ့ အစိုးရငြိမ်းချမ်းရေး ကိုယ်စားလှယ်အဖွဲ့နဲ့ တိုင်းရင်းသားကိုယ်စားလှယ်အဖွဲ့တို့ ထိုင်းနိုင်ငံ၊ ချင်းမိုင်မြို့မှာ တွေ့ဆုံကြဖို့ ရှိပြီး အဲ့ဒီတွေ့ဆုံမှုကနေ နှစ်ဘက် အပစ်ရပ် အပြီးသတ်စာချုပ် လက်မှတ်ထိုးနိုင်မလားဆိုတဲ့ အဖြေတခုထွက်ဖို့ မျှော်လင့်ရပါတယ်။

အပြည့်အစုံသို့ ....

လှကျော်ဇော – ``ဗိုလ်နေဝင်းရဲ့ တကိုယ်ရေ ကြီးပွားလိုမှု´´

မိုးမခ) ဇွန် ၂၂၊ ၂၀၁၅

မေမြို့ ကရင်တွေလက်ထဲမှာ ညတထိတ်ထိတ် နေ့တထိတ်ထိတ်နေခဲ့ရတယ်လို့ မေမေကပြောခဲ့ပေမယ့် နှစ်လနီးပါး အကြာမှာ မေမေဟာ ခလုတ်မထိ ဆူးမငြိပဲ ရန်ကုန်ကို ပြန်ရောက်လာခဲ့ပါတယ်။

အကြောင်းကတော့ မေမေ သွားရောက်ခိုလှုံနေခဲ့တဲ့ ဗိုလ်ချုပ်စမစ်ဒွန်း (ကရင်အမျိုးသားကြီး) မျက်နှာလည်းပါ။ ဖေဖေ့ မျက်နှာလည်း ပါပုံရပါတယ်။ အဲဒီကာလ မေမြို့ကိုသိမ်းတဲ့ ကရင်တပ်ဟာ ယခင်ဗမာ့တပ်မတော်ထဲက တပ်များကပဲဖြစ်တဲ့ အတွက် ဖေဖေနဲ့ တစုံတရာ ဆက်ဆံဖူးသူများဖြစ်ပါတယ်။ ဖေဖေ့အပေါ် အမြင်ကောင်းကြပုံရပါတယ်။ မေမေက ရန်ကုန်က လေယာဉ်ပျံလာခေါ်ပြီ၊ လူနဲ့ အဝတ်အစား အနည်းအကျဉ်းပဲယူပါလို့ မှာလိုက်တဲ့အတွက် အဝတ်အစားသေတ္တာတလုံးနဲ့ သမီးအငယ်ကိုချီပြီး သားအမိနှစ်ယောက် လေယာဉ်ပျံကွင်းကို ဆင်းခဲ့ရပါတယ်။ သူ့ကိုလိုက်ပို့တဲ့ ကရင်စစ်ဗိုလ်လေးကို မေမေက “ဗိုလ်ကြီးရယ် ကျွန်မတော့ ရှိသမျှပစ္စည်း ဒီလိုပဲ ပုံထားခဲ့ရပါတယ်” လို့ပြောတော့ အဲဒီစစ်ဗိုလ်လေးက မေမေ့ကို အစ်မကြီး စိတ်ချပါ။ အပ်တိုတချောင်း မပျောက်စေရပါဘူး။ ဗိုလ်မှူး (ဖေဖေ့ကို ရည်ညွှန်းတာပါ) က ကျွန်တော်တို့နဲ့ ဆက် ဆံတဲ့နေရာမှာ ဒီလိုဆက်ဆံသူပါ။ (လက်ညှိုးကို ဖြောင့်ဖြောင့်တန်းပြတယ်တဲ့)။ တချို့စစ်ဗိုလ်တွေလို ဒီလိုဆက်ဆံသူ မဟုတ်ပါဘူး (လက်ညှိုးကို ကောက်ပြတယ်) လို့ ဆိုသတဲ့။

တကယ်လည်း မေမေတို့ ဖေဖေတို့ပစ္စည်းတွေကို ကားတစင်း နဲ့တင်ပြီး မင်္ဂလာဒုံကိုပို့ပေးခဲ့ပါတယ်။ အဲဒီစစ်ဗိုလ်လေး ကတိပေးခဲ့သလိုပဲ အပ်တိုတချောင်းတောင် မပျောက်ခဲ့ပါဘူး။ တကယ်တော့ မေမြို့ကိုသိမ်းတဲ့ ကရင်တပ်က အများစုတပ်သားများဟာ ဖေဖေအစောပိုင်းက လက်နက်ဖြုတ်ပြီး မေမြို့ အချက်ပြတပ်ရင်းထဲမှာ အကျယ်ချုပ်နဲ့ နေနေသူများပါ။ ဗမာ့တပ်မတော်ထဲက ကရင်တပ်တွေ လှုပ်ရှားလာတော့ စစ်ရုံးချုပ် က မြောက်ပိုင်းတိုင်းမှူး ဖေဖေ့ကို လှမ်းပြီး ကရင်တပ်တွေကို လက်နက်ဖြုတ်ခိုင်းပါတယ်။ ဖေဖေက သူတို့တတွေကို အချက် ပြတပ်ရင်း ဘောလုံးကွင်းထဲမှာ စုဝေးစေပြီး မြစ်ဝကျွန်းပေါ်အခြေအနေတွေ တိုင်းပြည်အခြေအနေတွေ ရှင်းပြပြီး ယာယီ သဘော လက်နက်တွေအပ်ဖို့ ဟောပြောတဲ့အတွက် အသာအတကြည် လက်နက်တွေအပ်ခဲ့ကြပါတယ်။

ဒီကြားထဲ သူတို့ကရင်အမျိုးသား အကြီးအကဲတဦးဖြစ်တဲ့ ဗိုလ်ချုပ်စမစ်ဒွန်းကိုယ်တိုင် မေမြို့ရောက်လာပြီး ဖေဖေ့ဆီမှာ ခိုလှုံနေထိုင်နေတဲ့အခါ ဖေဖေက ဂရုတစိုက် တလေးတစား ဆက်ဆံပေးနေမှုတွေကိုလည်း သူတို့က မြင်တွေ့ခဲ့ရပါတယ်။
ဗိုလ်ချုပ်စမစ်ဒွန်းဟာ အဲဒီကာလက ဗမာ့တပ်မတော် ကာကွယ်ရေးဦးစီးချုပ်ပါ။ ကန္ဒီစာချုပ် ချုပ်ဆိုအပြီး ဖွဲ့စည်းတဲ့ ဗမာ့တပ် မတော်ထဲမှာ ပါလာတဲ့ ယခင် ဗြိတိသျှတပ်က စစ်ဗိုလ်များဖြစ်ပါတယ်။ ဗမာ့တပ်မတော်ကို အသစ်ပြန်လည်ဖွဲ့စည်းရာ မှာ ခေါင်းဆောင်အတော် များများက ကရင်အမျိုးသားများပါ။ အားလုံးဗြိတိသျှတပ်များကလာကြပြီး အင်္ဂလန်က စစ်တက္က သိုလ် ကျောင်းဆင်းတွေပါ။

လွတ်လပ်ရေးရပြီးချိန်မှာ ဒုဝန်ကြီးချုပ်နဲ့ ကာကွယ်ရေးဝန်ကြီးဟာ ဗိုလ်လကျာ်ဖြစ်ပြီး၊ ဗမာ့တပ်မတော် ကာကွယ်ရေး ဦးစီးချုပ်ကတော့ ဗိုလ်ချုပ်စမစ်ဒွန်းဖြစ်ပါတယ်။ ၁၉၄၈ ခုနှစ် ပြည်တွင်းစစ်စတင်ပြီး ဗမာ့နိုင်ငံရေးတွေ ရှုပ်ထွေးလာချိန်မှာတော့ အခွင့်ကောင်းချောင်းနေတဲ့ ဗိုလ်နေဝင်းနဲ့ ဆိုရှယ်လစ်တပ်မှူးများဟာ ဗိုလ်လက်ျာကို အတင်းဖိအားပေး နုတ်ထွက်ခိုင်းပြီး တခြားကရင် စစ်အရာရှိကြီးများကိုတော့ ခြိမ်းခြောက်နုတ်ထွက်ခိုင်းတာတွေ လုပ်ပါတယ်။ ဗိုလ်ချုပ်စမစ်ဒွန်းလည်း နုတ် ထွက်စာတင်ပြီး သူ့မွေးရပ်မြေကလောမှာပြန်နေဖို့ မင်္ဂလာဒုံလေဆိပ်အဆင်းမှာ အင်းစိန်စော်ဘွားကြီးကုန်းမှာ သေနတ်နဲ့ ချောင်းမြောင်းပစ်ခတ်ခြင်း ခံရပါတယ်။ ဖေဖေ့အထင်ကတော့ လုပ်ကြံခြင်းမဟုတ်ဘဲ ခြိမ်းခြောက်ရုံခြိမ်းခြောက်ပုံရတယ်တဲ့။ ဒီမှာတင် ဗိုလ်ချုပ်စမစ်ဒွန်းလည်း ဒီအချိန်မျိုးမှာ ဗမာအရာရှိကြီးတယောက်ယောက်ဆီမှာ ခိုလှုံနေမှဖြစ်မယ်လို့ သ ဘောရပြီး သူ့လေယာဉ်ပျံကို ကလောကိုမပျံစေဘဲ ဖေဖေရှိရာ မေမြို့ကိုပျံခိုင်းပြီး မေမြို့ကိုရောက်လာတာပါ။ ဖေဖေနဲ့ သူ က သိပ်ရင်းနှီးလှတာမဟုတ်ပေမယ့် တပ်တွေစစ်ဆေးဖို့ သူလာရောက်တဲ့အခါတိုင်း ဖေဖေက ကောင်းကောင်းမွန်မွန် လေး လေးစားစား ဆက်ဆံထားလို့ သူက အန္တရာယ်ကြုံရချိန်မှာ အားကိုးတကြီးနဲ့ ဖေဖေ့ဆီရောက်လာတာပါ။

(ဗိုလ်ချုပ်စမစ်ဒွန်းဟာ ကေအင်ဒီအိုခေါင်းဆောင် စောဘဦးကြီးနဲ့က ကရင်အမျိုးသားချင်းလည်းဖြစ်၊ အင်္ဂလန်ကို ပညာ တော်သင် အတူသွားဖူးတဲ့ သူငယ်ချင်းများလည်းဖြစ်လေတော့ ကေအင်ဒီအိုလှုပ်ရှားမှုတွေ ပြင်းထန်လာချိန်မှာ စစ်သား စိတ်အပြည့်ရှိတဲ့ ဗိုလ်ချုပ်စမစ်ဒွန်း အနေနဲ့ နိုင်ငံရေးအရှုပ်အထွေးထဲ မပါချင်တော့ဘဲ စစ်တပ်က အနားယူဖို့လုပ်တော့တာပါပဲ။ တခြားအကြောင်းတွေလည်း ရှိနိုင်ပါသေးတယ်။)
တကယ်တော့ ဖေဖေတို့တတွေ ရဲဘော်သုံးကျိပ်အဖြစ် ဟိုင်နန်ကျွန်းမှာ စစ်ပညာသင်ကြားခဲ့စဉ်ကတည်းက သခင်ဂိုဏ်း ၂ ဂိုဏ်း (ဆရာကြီးမှိုင်းအဖွဲ့နဲ့ သခင်ဗစိန်၊ သခင်ထွန်းအုပ်အဖွဲ့) နှစ်ဖွဲ့က လူများအဖြစ် ပါဝင်ခဲ့ကြတာပါ။ ဂိုဏ်းဂဏ စိတ်ကင်း ရှင်းတဲ့ သခင်အောင်ဆန်းဟာ ရှေ့လွတ်လပ်ရေးခရီးကြီးအတွက် တို့လူငယ်တွေ ညီညွတ်ဖို့လိုတယ်ဆိုပြီး သူခေါင်း ဆောင် တဲ့အဖွဲ့ကို စည်းရုံးပြောဆိုပြီး တခြားအဖွဲ့ကလူတွေကိုလည်း ကောင်းမွန်သင့်တင့်စွာ ဆက်ဆံခဲ့တာပါ။ ဗိုလ်နေဝင်းဟာ အဲဒီသခင်ဗစိန်အဖွဲ့ကပါ။ အဖွဲ့မှူးဟာ သခင်ထွန်းအုပ်ဖြစ်ပေမယ့် သူက တိုကျိုမှာပဲကျန်ခဲ့ပြီး အုပ်ချုပ်ရေးပညာပဲ လေ့လာ မယ်လို့ ဆိုခဲ့ပါတယ်။ ဒုအဖွဲ့မှူးကတော့ ဗိုလ်စင်္ကြာပါ။ သူကလည်း စစ်ရေးစစ်ရာ စစ်လေ့ကျင်းခန်းတွေ ဝါသနာမပါလှတဲ့ အတွက် ဗိုလ်နေဝင်းက အဲဒီအဖွဲ့ရဲ့ခေါင်းဆောင်ဖြစ်လာပါတယ်။ ဗိုလ်နေဝင်းကိုယ်တိုင်ကလည်း သခင်အောင်ဆန်းကို (အဲဒီကာလက သခင်အောင်ဆန်းဟာ ကျောင်းသားခေါင်းဆောင်တဦးအဖြစ်ပဲ လူတွေသိကြတာပါ) တလေးတစား ဆက် ဆံလေတော့ ဖေဖေတို့တတွေကလည်း သူ့ကို တခြားအဖွဲ့ကခေါင်းဆောင်အဖြစ် နေရာပေးဆက်ဆံလာခဲ့တာပါ။ ဗိုလ်ချုပ် အောင်ဆန်းကိုယ်တိုင်ကလည်း သခင် ၂ ဖွဲ့ ညီညွတ်ရေးကို အမြဲဦးထိပ်ထားလေတော့ ဗိုလ်နေဝင်းကိုလည်း အမြဲနေရာပေး ဆက်ဆံခဲ့ပါတယ်။ ဒါပေမဲ့ ဗိုလ်ချုပ်အောင်ဆန်း အထူးသတိထားလုပ်ဆောင်ခဲ့တာကတော့ ဗိုလ်နေဝင်းကို ဘယ်လိုအဆင့် နေရာပဲပေးပေး၊ ဗိုလ်ချုပ်ရဲ့ လူရင်းလူယုံ ဗိုလ်လကျာ်အထက်မှာတော့ ဘယ်တော့မှ နေရာမပေးမှုပါပဲ။ ဗိုလ်ချုပ်ရဲ့ လက် အောက် နံပါတ်၂ နေရာမှာ ဗိုလ်လကျာ်ကိုပဲ အမြဲတသမတ်တည်း နေရာပေးခဲ့တာပါပဲ။

ဗိုလ်နေဝင်း စိုင်ကော်လို့ ချုံပေါ်ရောက်ရတဲ့အဖြစ်ကို ပိုသိလာရတာကတော့ ကိုကိုမောင်ကြီး (ဦးချစ်လှိုင်) အခုတလော ရေးသားထုတ်ဝေလိုက်တဲ့ တရံရောအခါများက စာအုပ်ထဲမှာ ဂျပန်သွားဖို့ ရွေးချယ်ခံရသူဟာ သခင်ညီ (ဗိုလ်နေဝင်း-ဦး လေး) ဖြစ်ပေမယ့် သွားခါနီး သခင်ညီဖျားသွားလို့ ဗိုလ်နေဝင်းက အစားသွားခဲ့ရတာဖြစ်တယ်ဆိုတဲ့အကြောင်း ပါပါတယ်။ ဒါကြောင့် ကျွန်မတို့အရင်က ကြားဖူးတဲ့ “သခင်ရှုမောင်ဆိုတဲ့နာမည်ဟာ ဂျပန်သွားဖို့ သင်္ဘောပေါ်တက်မှ ဗိုလ်နေဝင်းယူခဲ့ တဲ့နာမည်ပါ” ဆိုတဲ့ ဆိုစကားဟာ အမှန်ဖြစ်ဖို့များ သွားပါတယ်။

ဗိုလ်နေဝင်းဟာ အဲဒီကာလတလျှောက် အတော်သေသေဝပ်ဝပ်နေခဲ့ပေမယ့် ဂျပန်ခေတ်ရောက်တော့ ရာထူးဌာနန္တရတွေ ခိုင်မြဲလာတဲ့အခါ သူ့မူရင်းစရိုက်တွေပေါ်ပြီး အပျော်အပါးလိုက်စား စာရိတ္တတွေယိမ်းယိုင်လာပါတယ်။ ဒီလိုကိစ္စတွေအပြင် နိုင်ငံရေးအရ ထူးခြားချက်တွေလည်း တွေ့လာရပါတယ်။ အဲဒါကတော့ ဗိုလ်နေဝင်းရဲ့ ဂိုဏ်းဂဏလုပ်ဟန်တွေပါ။

ဗိုလ်ချုပ်အောင်ဆန်းဟာ ဗမာ့တပ်မတော်ကို ခေတ်မီတပ်မတော်တရပ်အဖြစ် တည်ထောင်ဖို့ ရည်ရွယ်ချက်နဲ့ ၁၉၄၂ ခုနှစ် မှာ ဗမာ့ကာကွယ်ရေးတပ်မတော် (ဘီဒီအေ) ကို ဖွဲ့ပြီး ပညာတတ်အမြောက်အမြား စစ်တပ်ထဲဝင်လာအောင် စည်းရုံး လုပ်ဆောင်ခဲ့ပါတယ်။ အဲဒီကာလမှာ ပညာတတ်တွေ လှိမ့်ဝင်လာပါတယ်။ အဲဒီလူတွေထဲမှာ နောင်ပြည်သူ့အရေးတော်ပုံ ပါတီ (ဆိုရှယ်လစ်ပါတီ) ကို ဖွဲ့စည်းတည်ထောင်ကြမယ့် လူအုပ်စုတွေပါလာတယ်။ အဲဒီမှာ ဗိုလ်အောင်ကြီးတို့ ဗိုလ်မောင် မောင်တို့ ပါလာတာပါ။ ဗိုလ်ချုပ်အောင်ဆန်းဟာ ဗိုလ်မောင်မောင်ကို သိပ်သဘောကျပါတယ်။ ဉာဏ်ပညာထက်မြက်ပြီး လုပ်ရည်ကိုင်ရည်ရှိတဲ့အတွက် အတော်အားထားပြီး မွေးမြူပါတယ်။ သို့သော် အဲဒီပညာတတ်အုပ်စုဟာ ဖေဖေတို့အပါအဝင် ဂျပန်ပြန်တွေကိုရော၊ ဘီအိုင်အေကာလက ရဲဘော်အများစုကိုပါ (သူတို့လို တက္ကသိုလ်ပညာတတ်တွေမဟုတ်တဲ့အတွက်) အတော်အထင်အမြင်သေးခဲ့ကြပါတယ်။ အဲဒီအဖွဲ့နဲ့ ဗိုလ်နေဝင်း ပေါင်းမိကြပါတယ်။ ပထမတော့ ဂျပန်တော်လှန်ရေးလုပ်ဖို့ အားမရလို့ လျှောက်ပြောနေကြတာပဲလို့ထင်ရပေမယ့် နောက်ပိုင်း ဗိုလ်ချုပ်အောင်ဆန်းဆန့်ကျင်ရေးပါ ပါလာပါတယ်။ ဗိုလ်ချုပ်အောင်ဆန်းကိုယ်တိုင် ဒီကိစ္စ ဝင်ရောက်ဖြေရှင်းခဲ့ရဖူးပါတယ်။ ဒီအကြောင်းတွေကို ဖေဖေက သူ့စာအုပ်ထဲမှာ ရေးပြီးပါပြီ။

ဖေဖေ့အမြင်ကတော့ ဗိုလ်အောင်ကြီးတို့ ဂိုဏ်းဟာ တပ်တွင်းအာဏာကို ကျော်လွှားယူလိုကြပါတယ်။ ဒီနေရာမှာ ထင်ရှားတဲ့ ခေါင်းဆောင်တယောက်ကို မှီခိုဖို့လိုလို့ ဗိုလ်နေဝင်းကို မြေတောင်မြေ‡ာက်ပေးပြီး ဗိုလ်နေဝင်းအရိပ်ခိုကာ တပ်ထဲဗိုလ်ကျလာ ခဲ့တာ၊ ဗိုလ်နေဝင်းကိုယ်တိုင်ကလည်း သူ့ရဲ့အရည်အချင်းမရှိမှု၊ အကျင့်စာရိတ္တအားနည်းမှုတို့ကြောင့် ရဲဘော်သုံးကျိပ်နဲ့ တပ်တွင်းအများစုရဲ့ လေးစားခြင်းမခံရလို့ မိမိရပ်တည်ရေး၊ တိုးတက်ရေးအတွက် ဒီလူတွေကို မှီခိုအားထား ဖို့ လိုအပ်တယ်လို့ တွက်ချက်ပြီး ပေါင်းဖက်ဂိုဏ်းဖွဲ့ခဲ့ကြတာပဲလို့ တွေ့ဆုံမေးမြန်းခန်းတခုမှာ ပြောဖူးပါတယ်။

“ဖက်ဆစ်တော်လှန်ရေးအပြီး ရန်ကုန်မှာ တော်လှန်ရေးခေါင်းဆောင်တွေ ပြန်လည်စုဝေးမိတော့ ဗိုလ်ချုပ်အောင်ဆန်းဟာ ဗိုလ်နေဝင်းအပေါ် အတော်မကျေမနပ်တွေ ဖြစ်နေပြီး တပ်ကထုတ်ပစ်ဖို့တောင် စိုင်းပြင်းခဲ့ဖူးသေးတယ်။ တိတိကျကျ အ ကြောင်းရင်းတွေတော့ ကျွန်တော်မသိဘူး” လို့လည်း ဖေဖေက ဆောင်းပါးတစောင်မှာ ရေးခဲ့ဖူးပါတယ်။ “ဗိုလ်နေဝင်းရဲ့ အန္တရာယ်ကို အစောဆုံးသိရှိသူဟာ ဗိုလ်ချုပ်အောင်ဆန်းပဲဖြစ်တယ်။ ဗိုလ်နေဝင်းက နောင်အခွင့်အရေးရရင် နယ်ချဲ့သမားနဲ့ ပေါင်းပြီး စစ်အာဏာရှင် လုပ်လာနိုင်တယ်။ တိုင်းပြည်နဲ့ လူမျိုးတွေ ထိခိုက်နစ်နာနိုင်တဲ့ ဂိုဏ်းခွဲရေး၊ သွေးခွဲရေး ဆိုးဆိုးဝါးဝါး ကိစ္စတွေ လုပ်လာနိုင်တယ်လို့ ဗိုလ်ချုပ်ကမြင်ပြီး တပ်က ထုတ်ပစ်ဖို့လုပ်ခဲ့တာ” လို့ ဖေဖေရေးဖူး ပြောဖူးတာတွေ ရှိပါတယ်။
ဒါပေမဲ့ ဗိုလ်နေဝင်းရဲ့ အကင်းပါးပြီး ကောက်ကျစ်လှည့်စားနိုင်မှုတွေက သူ့ရဲ့တကိုယ်ရည် ကြီးပွားလိုမှုအိပ်မက်ကို အ ကောင်အထည်ဖော်ပေးခဲ့နိုင်ပါတယ်။ သူဟာ ဘယ်သူ့ကို ဘယ်အချိန်မှာပေါင်းရမယ်၊ ဘယ်အချိန်မှာ ခွာရမယ်၊ ဘယ်သူ တွေကို နင်းပစ်ရမယ်၊ ဘယ်သူတွေကို ရေရှည်ထား ဆက်ဆံရမယ်ဆိုတာတွေကို ကောင်းကောင်းတွက်ချက်နိုင်သူပါ။

သူ့အတွက် အခွင့်ကောင်းတွေ ပေါ်လာတာကတော့ ဗိုလ်ချုပ်အောင်ဆန်း ကျဆုံးသွား ရတာရယ်၊ လွတ်လပ်ရေး ရပြီးနောက် တိုင်းပြည်အာဏာကို ဖဆပလ လက်ယာဂိုဏ်း ဆိုရှယ်လစ်ပါတီက အုပ်စီးမိလိုက်တာရယ်၊ ဗမာပြည်ရဲ့ ကိုလိုနီအရှင်ဟောင်း ဗြိတိသျှနယ်ချဲ့တို့က တပည့်သစ်ရှာလာတာရယ် စတာတွေဖြစ်ပါတယ်။

ဒီမှာတင် ဗိုလ်နေဝင်းဟာ ဆိုရှယ်လစ်ဂိုဏ်းနဲ့ပေါင်းပြီး မတည်မငြိမ်ဖြစ်စပြုနေတဲ့ တိုင်းပြည်အခြေအနေကို ပိုမိုတင်းမာ ပိုမို ပေါက်ကွဲလာအောင် ပြုလုပ်ခဲ့ပါတယ်။ ကေအင်ဒီအိုကိစ္စတွေမှာလည်း သူတို့လက်ချက် အများအပြားပါဟန်ရှိပါတယ်။ (မေမေ့ကို လေယာဉ်ကွင်းလိုက်ပို့တဲ့ ကရင်စစ်ဗိုလ်လေးပြောတဲ့ သူတို့ကို ကောက်ကောက်ကွေ့ကွေ့ ဆက်ဆံတဲ့သူတွေ ဆိုတာ အဲဒီဆိုရှယ်လစ်တပ်မှူးတွေကို ဆိုလိုတာပါ။) အခုအချိန်ထိတော့ သက်သေသက်ကန်ရ ပေါ်ပေါ်ထင်ထင် ပြော နိုင်ပြနိုင်တဲ့အချက်တွေ မရှိသေးပေမယ့် တချို့အစအနတွေကတော့ တဖြည်းဖြည်းပေါ်လာနေပါပြီ။ သွယ်ဝိုက် အထောက် အထားများလည်း ရှိနေပါပြီ။

နဝတအစိုးရလက်ထက်ကထုတ်ခဲ့တဲ့ တပ်မတော်သမိုင်း စတုတ္ထတွဲမှာ ကွန်မြူနစ်တွေတောခိုပြီး ကေအင်ဒီအိုပြဿနာ ပေါ် ပေါက်လာတဲ့အခါ အဲဒီကာလ ကာကွယ်ရေးဝန်ကြီး ဗိုလ်လကျာ်ကို ဒီပြဿနာတွေ မဖြေရှင်းနိုင်မှုကိုအကြောင်းပြပြီး ဗိုလ် နေဝင်းရဲ့အပေါင်းပါ ဗမာအရာရှိများက ဝေဖန်ပြောဆိုပြီး ဗိုလ်လက်ျာနုတ်ထွက်ပေးရေး တောင်းဆိုခဲ့တယ်လို့ ရေးထား ပါတယ်။ ဗိုလ်လက်ျာကို နုတ်ထွက်ခိုင်းရုံမက ကေအင်ဒီအိုလှုပ်ရှားမှု ပေါ်ပေါက်နေတာတွေကိုအကြောင်းပြပြီး ဗမာ့တပ် မတော်ထဲက ထိပ်ပိုင်းရာထူးတွေ ရရှိထားတဲ့ ကရင်ဗိုလ်ချုပ်တွေကို နုတ်ထွက်ခိုင်းလိုက်ပါတော့တယ်။ ဒီမှာတင် ဗိုလ်နေဝင်း စစ်ဦးစီးချုပ်ဖြစ်လာတာပါ။

သူ စစ်ဦးစီးချုပ်ဖြစ်လာတာနဲ့ ကေအင်ဒီအိုလှုပ်ရှားမှုတွေကို အကြောင်းပြပြီး ဗမာ့တပ်မတော်ထဲရှိတဲ့ ကရင်တပ်ရင်းတွေကို လက်နက်ဖြုတ်ခိုင်းပါတော့တယ်။ တချို့တပ်တွေ (ဥပမာ မြောက်ပိုင်းတိုင်း) က အသာတကြည် လက်နက်အဖြုတ်ခံ ပေ မယ့် တချို့တပ်များကတော့ လက်နက်ဖြုတ်မခံဘဲ အစိုးရကို ပုန်ကန်တော်လှန်ပြီး ကေအင်ဒီအိုတွေနဲ့ ပေါင်းသွားပါတော့ တယ်။ ဒီတင် ဗမာပြည်ရဲ့ ပြည်တွင်းစစ်ကြီးဟာ ပိုမိုနက်ရှိုင်းကျယ်ပြန့်သွားပါတော့တယ်။

ဒီနောက်ပိုင်းမှာလည်း ဗမာ့တပ်မတော်မှာပဲ ဂုဏ်ထူးဆောင် ဗိုလ်မှူးချုပ်အဆင့်ရထားတဲ့ ဦးတင်ထွဋ် လုပ်ကြံသတ်ဖြတ် ခံရ ပါတယ်။ ဒါလည်း ဗိုလ်နေဝင်းတို့ဂိုဏ်းက လုပ်ဆောင်ပုံရပါတယ်။ ဖေဖေကတော့ အဲဒီဆိုရှယ်လစ်တပ်မှူးအုပ်ထဲက “ဗိုလ် —” ကို အခိုင်အမာလုပ်ဆောင်သူလို့ထင်ကြောင်းကို ကျွန်မကို ပြောဖူးပါတယ်။ “အဲဒီကာလတွေတုန်းက သူတို့ ဆိုရှယ်လစ် တွေကြားမှာ “ဗိုလ် —” ကတော့ သိပ်သွေးအေးတာ၊ လုပ်တာကိုင်တာ သိပ်ပိရိတာနဲ့ အကြီးအကျယ် ချီးကျူးနေသံတွေ ကြားရတယ်” လို့ ဆိုပါတယ်။ အင်္ဂလိပ်လူရင်း ဦးတင်ထွဋ်ဟာ သူတို့ရဲ့တက်လမ်းမှာ ပိတ်ဆို့နေပုံရပါတယ်။

ဗိုလ်နေဝင်းကိုယ်တိုင်ကလည်း မဆလခေတ်ကပွဲတခုမှာ သူမကျေမလည်ဖြစ်နေတဲ့ မိုးကြိုးဦးအုန်းခင် (ဖဆပလခေတ်မှာ တုန်းကတော့ ဗမာ့ခေတ်ဦးအုန်းခင်) နဲ့ တွေ့တော့ စကားပြောနေရင်းက “ဟေ့ ကိုအုန်းခင် မင်း ဦးတင်ထွဋ် ဘယ်လိုသေ သွားလဲ သိရဲ့လား” လို့ ခြိမ်းခြောက်ပြောဆိုဖူးကြောင်း ကျွန်မကြားဖူးခဲ့ပါတယ်။

ဒါ့အပြင် ပြည်တွင်းစစ်အတွင်းမှာ ဗိုလ်နေဝင်းဟာ နိုင်ငံခြား (အထူးသဖြင့်) အင်္ဂလန်ကိုထွက်ပြီး ပြည်တွင်းစစ်တိုက်ဖို့ လက်နက်များဝယ်ယူရာမှာ အံ့သြစဖွယ်တောင်းတာတွေ အကုန်လုံးရလာခဲ့တယ်လို့ ဖေဖေက သူ့စာအုပ်မှာရေးထားတာ တွေ့ရပါတယ်။

ဗြိတိသျှနယ်ချဲ့သမားတွေဟာ ဗမာပြည်က ဆုတ်ခွာသွားရပေမယ့် ဗမာပြည်ထဲမှာရှိတဲ့ သူတို့ အကျိုးစီးပွားတွေကို ကာကွယ်ပေးမယ့် သူတို့အလိုတော်ရိလုပ်မယ့်လူမျိုးတွေကို ရှာဖွေသိမ်းသွင်းခဲ့ပါတယ်။ ဗမာ့လူထုမျက်စိထဲမှာ ပွင့်ကျပြီး သား လူဟောင်းတွေကို မသုံးတော့ဘဲ ဗမာပြည်သူလူထုမျက်စိထဲမှာ အမြင်ကောင်းနေသေးတဲ့ တော်လှန်ရေးတွေထဲမှာ တစုံတရာ ပါဝင်ခဲ့ဖူးတဲ့ လူသစ်တွေကို ရှာတာပါ။

ဒီလိုနည်းနဲ့ ဗမာ့ခေတ်သစ်နိုင်ငံရေးနယ်ပယ်ထဲက ဦးနုတို့၊ ဗိုလ်နေဝင်းတို့ကို ရှာဖွေ တွေ့ရှိသွားတာပါပဲ။ ဒါပေမဲ့ ဗိုလ်နေ ဝင်းဟာ ဘယ်တော့မှ တလက်ကိုင်မလုပ်ဘဲ တခြားနယ်ချဲ့သမားများ၊ ဖောက်ပြန်ရေးသမားများနဲ့လည်း ဆက်ဆံပူးပေါင်းခဲ့ တာပါပဲ။ မဆလခေတ်မှာ အနောက်နိုင်ငံပေါင်းစုံက သူ့ကို အားပေးခဲ့တာတွေကိုပဲကြည့်ပါ။

တိုင်းပြည်ကြီးကို သူ့ပုဂ္ဂိုလ်ရေး ကိုယ်ကျိုးအတွက် ဒီလိုအသုံးချပြီး ဖွံ့ဖြိုးမှုအနိမ့်ဆုံးနိုင်ငံဖြစ်အောင် လုပ်သွားခဲ့တဲ့ ဗိုလ်နေ ဝင်းကို အခုအခါ တချို့က ကျေးဇူးရှင်အဖြစ် ပြန်ပုံဖော်နေတာတွေကို အံ့သြဖွယ်၊ ရွံရှာဖွယ် တွေ့နေရပါတယ်။ သြော် ရည် ရွယ်ချက်တွေရှိပုံရပါတယ်။ တိုင်းပြည်အတွက်တော့ ကောင်းတဲ့နိမိတ်မဟုတ်ပါဘူး။

မနှစ်က ၂၀၁၀ ဆောင်းတွင်းမှာ ဖေဖေ အသည်းအသန် မကျန်းမမာဖြစ်ပါတယ်။ အဆုတ်ရောင်ပြီး ချွဲတွေကျပ်လာ အပူတွေတက်လာနဲ့ အသက်ကယ်ခန်းသွင်းပြီး နှစ်ခါ အသက်ကယ်ယူရပါတယ်။ ရာသီဥတုနွေးလာတော့မှ နာလန်ထူပါ တယ်။ ဖေဖေ စိတ်ပြေလက်ပျောက်ရှိအောင်ဆိုပြီး ကျွန်မက ဗမာပြည်က အခုနောက်ပိုင်းထုတ်လာတဲ့ စာစောင်တွေ (ကျွန်မမောင် အောင်ကျော်ဇောက ရွှေလီမှာနေလို့ အဲဒီကနေ မပြတ်ပို့ပေးနေပါတယ်။ အင်တာနက်ကလည်း တခါတလေ ရပါတယ်။) ထဲက ဖေဖေစိတ်ဝင်စားမယ့် ဆောင်းပါးတွေ၊ ရှေးဟောင်းနှောင်းဖြစ်ရေးထားတာတွေကို ဖတ်ဖတ်ပြပါတယ်။ တခါတော့ အသက် ၈၀ တန်း နိုင်ငံရေးသမားဟောင်းကြီးတွေစုပြီး မဆလခေတ်အကြောင်း၊ ၈ လေးလုံး အရေးတော်ပုံ အကြောင်း စုဆွေးနွေးတဲ့ အကြောင်းအရာတွေကို မှတ်တမ်းတင်ထားတဲ့ဆောင်းပါးကို ဖေဖေ့ကို ဖတ်ပြမိပါတယ်။ မြန်မာ့ဆိုရှယ်လစ်လမ်းစဉ်အကြောင်း စတာတွေလည်း အတော်များများ ပါပါတယ်။ အဲဒီဆောင်းပါးဖတ်ပြီးတော့ ကျွန်မက “ဖေ ဖေရယ် ဗိုလ်နေဝင်းက ဆိုရှယ်လစ်စကားတွေပြောတော့ သူတို့တတွေလည်း မျက်စိလည်သွားဟန်တူပါတယ်” လို့ ပြောမိ ပါတယ်။

အသားဖြူဖပ်ဖြူရော်နဲ့ ဆေးရုံးခုတင်ပေါ်ပက်လက်လှဲပြီး အောက်ဆီဂျင် ပိုက်တန်းလန်းနဲ့ ဖေဖေက “မဟုတ်ပါဘူး သမီး ရယ်၊ သူတို့လက်နက်ချတာမှန်ကြောင်း တရားထူထောင်နေတာပါ။ အဲဒီခေတ် အဲဒီကာလကို ဖြတ်သန်းလုပ်ကိုင်ခဲ့တဲ့ နိုင်ငံရေးသမားတွေအားလုံး ဗိုလ်နေဝင်း ဘယ်လိုလူမျိုးဆိုတာ သိကြပါတယ်”လို့ အသံပျော့ပျော့နဲ့ ဆိုပါတယ်။

ကဲ ဖေဖေက လူတန်းစားအမြင် အဲသလောက် ပြတ်သားတာပါ။

၅-၁၀-၂၀၁၁

• မှတ်ချက်
• အမှားပြင်ဆင်ချက်
ကျွန်မဆောင်းပါးမှာ ယခင်ဗမာ့တပ်မတော်ကာကွယ်ရေး ဦးစီးချုပ် (၁၉၄၆-၄၉) ဗိုလ်ချုပ်စမစ်ဒွန်းရဲ့ မွေးရပ်မြေကို ကလော လို့ ရေးမိပါတယ်။ ရဲဘော်တယောက်က ထောက်ပြပြီး အမှန်ပြင်ဆင်ပေးခဲ့ပါတယ်။ ဗိုလ်ချုပ်စမစ်ဒွန်းရဲ့ ဇာတိဟာ ဧရာဝ တီတိုင်း၊ ကျုံပျော်မြို့နယ်၊ အင်းရဲကျွန်းရွာဖြစ်ပါတယ်။ ပိုးကရင်ဘာသာနဲ့ အန်းရဲကလုံးလို့ ခေါ်ပါတယ်။ သူတပ်က အနားပေး ခြင်းခံရပြီးနောက်တော့ ရှမ်းပြည်တောင်ပိုင်း ကလောမြို့မှာ အသက်ထက်ဆုံး နေထိုင်သွားတာဖြစ်ကြောင်းပါ။ ကျွန်မအမှား အတွက် တောင်းပန်အပ်ပါတယ်။

လှကျော်ဇော

အပြည့်အစုံသို့ ....