ဒုက္ခသည် မှောင်ခိုဈေးကွက်

Monday, 28 September 2009 19:29 အဲလက်စ် အယ်လ်ဂျီး

၂၀၀၅ ခုနှစ်၊ ဒုက္ခသည်များ တတိယနိုင်ငံတွင် အခြေချရေး အစီအစဉ် အစပျိုးချိန်မှစ၍ မြန်မာနိုင်ငံ အတွင်းမှ ဒုက္ခသည် စခန်းသို့ ၀င်ရောက်အခြေချ ခိုလှုံလိုသူများ၊ ထိုမှတဆင့် တတိယနိုင်ငံများသို့ သွားရောက် အခြေချလိုသူများ အတွက် ဆောင်ရွက်ပေးမည့် ကြားပွဲစား ကွန်ရက်များ ထိုင်း မြန်မာနယ်စပ် မဲဆောက်မြို့တွင် ရှိလာခဲ့သည်။

ထောင်ပေါင်းများစွာသော မြန်မာဒုက္ခသည်များက အမေရိကန်အိပ်မက်လမ်းဆီသို့ လျှောက်ခဲ့ကြသည် (ဒီဇိုင်း - ဟန်လေး/ ဧရာဝတီ)
ဤမှောင်ခိုဈေးကွက်ကြောင့် ပြောင်းရွှေ့အခြေချရေး သတ်မှတ်စံနှုန်းများနှင့် မလျော်ညီသူများစွာ နိုင်ငံရပ်ခြားသို့ ရောက်သွားခဲ့ကြသည်။

မဲဆောက်မြို့ ပတ်ဝန်းကျင်ရှိ အဓိက ဒုက္ခသည်စခန်းကြီး ၃ ခုတွင် နေထိုင်နေသူများ၊ ပြောင်းရွှေ့အခြေချရေးကို စောင့် ဆိုင်းနေကြသူများက “ဒုက္ခသည်အတုများ” ၀င်ရောက်လာမှုအပေါ် စောဒကတက် ဝေဖန်လာကြသည်။ သူတို့က ကာလ ကြာရှည် စောင့်ဆိုင်းနေခဲ့ကြရသော်လည်း ဒုက္ခသည်အတုများက ပို၍စောစီးစွာ နိုင်ငံရပ်ခြားသို့ ထွက်သွားနိုင်ကြသည် ဟု လူအများက ဆိုနေကြသည်။

“ဒုက္ခသည်အတုတွေ အများကြီး စခန်းထဲ ရောက်လာတာကို တွေ့ရတယ်။ သူတို့က ပွဲစားတွေ၊ စခန်းအာဏာပိုင်တွေကို ငွေပေးထားကြတယ်။ ပြီးတော့ သူတို့က အရင်ထွက်သွားလို့ရတယ်” ဟု ဒုက္ခသည်တဦးဖြစ်သူ ကိုဘိုဘိုက ပြောသည်။

ကိုဘိုဘိုသည် မြန်မာစစ်တပ်က မြေယာများကို သိမ်းပိုက်လိုက်မှုကြောင့် မွန်ပြည်နယ်မှနေ၍ ဒုက္ခသည်စခန်းသို့ ရောက်လာသူဖြစ်သည်။

“ပွဲစားတွေက ဒုက္ခသည်အတုတွေကို စခန်းထဲသွင်း လာကြပြီး သူတို့ပဲ အရင် ထွက်သွားခွင့် ရတာကြောင့် ကျနော်တို့က ပိုကြာကြာ စောင့်ရတော့မယ်။ လုံးဝ တရားမျှတမှု မရှိဘူး။ ကျနော်တို့က စခန်းထဲမှာ ဘာမှ မရှိဘဲနေ နေရတဲ့အချိန်မှာ သူတို့က စီးပွားရေးလုပ်ငန်း မပျက်ဘဲ ဆက်လုပ်နိုင်ကြတယ်။ တချို့ဆိုရင် မြ၀တီကနေ ရန်ကုန်တောင် ပြန်လိုက် သေးတယ်” ဟု သူက ဆက်ပြောသည်။

လွန်ခဲ့သည့်နှစ်က ဒုက္ခသည်အတုများစွာ နိုဘိုးဒုက္ခသည် စခန်းတွင်းသို့ ရောက်လာခဲ့ကြပြီး ယခုလ အတွင်းတွင်ပင် ၂၇ ဦး ထပ်မံ ရောက်ရှိလာခဲ့ကြောင်း ပလတ် ဟု ခေါ်ကြသည့် စခန်းအာဏာပိုင် ထိုင်းအရာရှိနှင့် ဆက်နွယ်နေသူ ပွဲစား ၂ ဦးရှိကြောင်း၊ သူတို့က လူများကို စခန်းတွင်း ခေါ်သွင်းလာပြီး နိုင်ငံခြားသို့ အမြန်ထွက်ရလေအောင် လုပ်ဆောင်ပေး နေကြကြောင်း ပြောပြသည်။

စခန်းအာဏာပိုင်များက ကြားပွဲစားများနှင့် တကျိတ်တည်း တဉာဏ်တည်း လက်တွဲလုပ်နေကြပြီး ခြစားမှု အကြီးအကျယ် ရှိနေကြောင်း၊ နိုင်ငံခြား အခြေချရေးလုပ်ငန်းများတွင် လူစားထိုး အတုပြုလုပ်မှု အများအပြားရှိနေကြာင်း ကြားသိရသည်။ ပွဲစားများက ပလတ် ကို ငွေပေး၍ ဒုက္ခသည်အဖြစ် တရားဝင်လက်ခံနိုင်စရာ အကြောင်းမရှိသူများအား စခန်းတွင်း ၀င်ရောက်ခွင့်ရရန် ကြိုးပမ်းပေးကြောင်း စခန်းရှိ ဒုက္ခသည်များက ပြောပြသည်။

မသမာသူ မြန်မာပွဲစားများကြောင့် ဖြစ်ပေါ်လာသော မှောင်ခိုဈေးကွက်ဖြစ်ပေါ်လာပြီး စခန်းအတွင်း ငွေမှငွေ ဖြစ်နေသည်။ အသစ် ရောက်ရှိလာကြသူများအဖို့ ဒုက္ခသည်စခန်းများအတွင်း ဆင်းရဲကျပ်တည်းစွာ နေထိုင်ရုန်းကန် နေကြရသည်။

“ကျနော်တို့က စခန်းထဲ ၀င်လို့မရဘူး။ ကျနော်တို့မှာ ဘာစာရွက်စာတန်းမှလည်း မရှိဘူး။ ကျနော်တို့က အခုမှ ထောင်က လွတ်လာကြတာ” ဟု ထိုင်း-မြန်မာနယ်စပ် မဲဆောက်မြို့သို့ ယခုမှ ရောက်လာသူ နိုင်ငံရေးအကျဉ်းသားဟောင်း ကိုသန်းက ပြောသည်။

သူက ၁၉၈၈ လူထုအုံကြွမှုကြီးတွင် ပါဝင်ခဲ့မှုကြောင့် ထောင်ဒဏ် အနှစ် ၂၀ ကျခံရပြီး ပြန်လွတ်လာရုံမျှ ရှိသေးသည်။ မြန်မာနိုင်ငံတွင်လည်း အနာဂတ်အတွက် လမ်းမမြင်တော့သည့်အလျောက် ကိုသန်းက ထိုင်းနိုင်ငံသို့ ထွက်လာပြီး အကျဉ်း ထောင်အတွင်း သူကုန်ဆုံးခဲ့ရသည့် အချိန်များအတွက် တတိယနိုင်ငံ ပြောင်းရွှေ့ကာဘ၀သစ်ထူထောင် အခြေချရန် စဉ်းစား ထားသည်။

နိုင်ငံရေးအကျဉ်းသား ဖြစ်ခဲ့ဖူးသူ ကိုသန်းအဖို့ မိသားစုပါအတူခေါ်၍ ထိုင်းနိုင်ငံသို့ ထွက်လာရာ၊ ဒုက္ခသည်စခန်းသို့ ၀င် ရောက်ခွင့် ရရေးပင် အခက်ကြုံနေရသည်။ အကယ်၍ ကားတစီးငှားစီး၍ ဒုက္ခသည်စခန်းသို့ သွားသည်ထားဦး၊ ထိုင်းရဲများက ဖမ်းဆီးနိုင်သည်။ ကံမကောင်းပါက မြန်မာနိုင်ငံသို့ ပြန်ပို့ခံရနိုင်သလို၊ ပြန်လည် လွတ်မြောက်နိုင်ရေးအတွက် ငွေ အမြောက်အများ လာဘ်ထိုးရဖွယ်လည်း ရှိနေပြန်သည်။

နှိုင်းယှဉ်ချက်အရဆိုလျှင် ဒုက္ခသည်အတုများက စခန်းတွင်း ခိုလှုံခွင့်ရရေး အကြောင်းခြင်းရာ သေသေချာချာ မရှိသော်လည်း၊ သူတို့ခရီးစဉ်အတွက် ကြိုတင်ပြင်ဆင်ထားချိန် ရသည်။ ငွေကြေးအလုံ အလောက် ပြင်ဆင်စုဆောင်း ထားနိုင်သည်။ စခန်းတွင်းရောက်ပါကလည်း ပါလာသမျှငွေကြေးဖြင့် သူတို့ သြဇာ အဆင့်အတန်းကို ၀ယ်ယူနိုင်ပြီး ဒုက္ခသည် အစစ်များထက် ပို၍ ကောင်းကောင်းနေ၊ ကောင်းကောင်းစားကာ သုံးနိုင်ကြသည်။ ဤအခြေအနေ ကြောင့် စခန်းတွင်း တင်းမာမှုများ၊ မကျေနပ်မှုများ ဖြစ်လာရသည်။

“ဒုက္ခသည်တွေမှာ ငွေရှာဖွေခွင့်၊ သူတို့ဘ၀ကို ပိုမိုတိုးတက်ကောင်းမွန်အောင် လုပ်ဆောင်ခွင့် ရှိတယ်လို့ ကျနော်ယုံကြည် ပါတယ်။ ဒါပေမယ့် အခွင့်အရေးသမားတွေက ငွေနဲ့ပေါက် စခန်းထဲကို ရောက်လာကြပြီး အိမ်ကောင်းတွေယူ၊ ရိက္ခာခွဲ တမ်းတွေ ယူနေတာတော့ မတရားဘူး ထင်ပါတယ်။ အရာရာကို စွန့်လွှတ်ခဲ့ရတဲ့ ဒီမိုကရေစီ တိုက်ပွဲဝင်တွေကတော့ ဘာ မှ မရကြဘူး” ဟု မဲလစခန်းတွင် နေထိုင်နေသည့် နောက်ထပ် နိုင်ငံရေးအကျဉ်းသားတဦးဖြစ်သူ ကိုကျော် ကြီးက ပြောသည်။

သို့သော်ငြား ပွဲစားများ၏ ဖောက်သည် ဒုက္ခသည်အတုများသည်လည်း ငွေဆုံးရသည့် အဖြစ်များရှိသည်။ အများစုက မြန်မာနိုင်ငံ စီးပွားရေးအကျပ်အတည်းမှ လွတ်ရာလွတ်ကြောင်း နည်းလမ်းရှာကြံ ကြသူများ ဖြစ်ပြီး လွယ်လွယ် ကူကူနှင့် ကိစ္စပြီးလိမ့်မည် ထင်ကြသောကြောင့် ယင်းသို့ လိမ်ညာခံကြရခြင်း ဖြစ်သည်။

ထိုသူများမှာ ထိုင်းနိုင်ငံသို့ ရောက်သည့်အခါ တမျိုးကြုံကြရတော့သည်။ သူတို့ကို ဒုက္ခသည်စခန်းတွင် ထားပစ်ခဲ့ပြီး ပွဲစား များက ထွက်ပြေးသွားကြသည်။ ခိုလှုံခွင့်ရရန် အကြောင်းကလည်း မခိုင်လုံ၊ မြန်မာနိုင်ငံပြန်ရန် ငွေကြေးလည်း မရှိတော့ သော အခြေအနေတွင် ဤသို့ လိမ်ညာခံရသူ လူအများက အားကိုးမဲ့ ညှိုးငယ်နေကြရသလို၊ ကြောက်ရွံ့စိုးရိမ်၍လည်း နေ ကြရသည်။ ဤပြဿနာကို တင်ပြမိသောကြောင့် ဒုက္ခရောက်ကြရသူများလည်း ရှိသည်။ စခန်းမှ နှင်ထုတ်ခံကြရ သူများလည်း ရှိခဲ့သည်။

တချို့ဖြစ်ရပ်များတွင် ပွဲစားများက ဒုက္ခသည်အစစ်များ၏ နိုင်ငံရပ်ခြား အခြေချရေးကိစ္စကို နှောင့်နှေးစေရုံမျှသာမက၊ ထိုသူများ၏ အခွင့်အရေးများကို ခိုးယူ အလွဲသုံးစားပြု ခံရမှုများလည်း ကြုံတွေ့ကြရသည်။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) အဖွဲ့ဝင်ဟောင်း တဦးဖြစ်ပြီး လက်ရှိ မဲဆောက်တွင် နေထိုင်သူ ကိုမြတ်သူက သူ၏မိတ်ဆွေတချို့မှာ အမေရိကန်ပြည်ထောင်စုသို့ ပြောင်းရွှေ့ အခြေချရန် လက်ခံထားပြီးဖြစ်ကြောင်း၊ သို့သော် နောက်ဆုံးအချိန်တွင်မှ ကပ်၍ သူတို့ကို သွားခွင့်မပြုတော့ဟု အာဏာပိုင်များက တားမြစ်ကြောင်း ပြန်ပြောပြသည်။

“ထွက်ခါနီးကျတော့ သူတို့အရာရှိတွေနဲ့ တွေ့ရတယ်။ သူတို့နာမည်တွေနဲ့ စာရင်းသွင်းထားပြီးသား ဖြစ်နေတဲ့ တခြား သူတွေက တတိယနိုင်ငံမှာ အခြေချနေကြပြီးသား ဖြစ်နေပြီလို့ ပြောတယ်။ သူတို့က အစစ်အမှန်ပါ ဆိုတာကို သက်သေပြဖို့ လုပ်ကြတော့ အုပ်ချုပ်သူအရာရှိတွေက ငြင်းပယ်လိုက်ပြီး မှောင်ခို ဈေးကွက် ရှိနေပြီလို့ ပြောတယ်တဲ့” ဟု သူက ဆိုသည်။

လူစားထိုး အတုလုပ် အယောင်ဆောင်မှု ပြဿနာများ ရှိတတ်ကြောင်းကို ပြန်လည်အခြေချရေးကိစ္စ ဆောင်ရွက်နေကြ သည့် အဖွဲ့အစည်းများက အသိအမှတ် ပြုထားကြပါသည်။ သို့သော် ဤပြဿနာကို မည်သူတို့က ခွင့်ပြု နေကြသည်၊ မည်သို့ ဖြစ်စေနိုင်သည် ဆိုသည်ကိုတော့ ဆက်လက် တွေးဆရန်သာ ရှိတော့သည်။

“လူစားထိုးတာက တကယ့်ပြဿနာကြီး တခုပါပဲ” ဟု အမည်မဖော်လိုသူ ကုလသမဂ္ဂဒုက္ခသည်များ ဆိုင်ရာ မဟာမင်းကြီးရုံး UNHCR ၀န်ထမ်းဟောင်း အမျိုးသမီးတဦးက ရှင်းပြသည်။ “ဒီ ကိစ္စနောက်ကွယ်မှာ ဘယ်သူ ရှိနေတယ်ဆိုတာ ဘယ်သူမှ သေချာ မသိဘူး။ သေချာတာကတော့ တချို့ UNHCR ၀န်ထမ်း တွေ ပါဝင် ပတ်သက်နေကြတယ် ဆိုတာပါပဲ။ သူတို့က စခန်းထဲမှာ အာဏာရှိသလို၊ ဒီကိစ္စတွေ အပေါ်မှာလည်း သူတို့ပဲ ကြီးကြပ်နေကြရတာ" ဟု သူက ဆက်ပြောသည်။

“ဒီပြဿနာက ကိုင်တွယ်ဖို့လည်း ခက်တယ်၊ လူတွေက တိုင်ကြားဖို့ဆိုရင် အလွန်ကြောက်နေကြတယ်။ အမှန်တကယ် ခြစားနေတဲ့ သူကို တိုင်ကြားဖို့ကျတော့လည်း ဘယ်သူဆိုတာ စခန်းထဲက ရှိနေတဲ့သူတွေက မသိကြဘူး။ နောက်ပိုင်း တိုင်တဲ့သူကို သိသွားမှာကိုလည်း သူတို့က ကြောက်နေကြပြန်တယ်” ဟု ၎င်းက ဆိုသည်။

“ဒါတွေ ရပ်တန်းက ရပ်သင့်ပြီ။ ကိစ္စတခုဖြစ်တိုင်းမှာ သူတို့က ဒုက္ခသည်အစစ်တယောက် ရရမယ့် နိုင်ငံခြားမှာ အခြေချ နေထိုင်ခွင့် အခွင့်အရေးကို လုယူလိုက်တာပဲ” ဟု သူက ဖြည့်စွက်ပြောသည်။

မဲဆောက်မြို့ ၀န်းကျင်ရှိ ဒုက္ခသည်များနှင့် ရွှေ့ပြောင်းအခြေချ အလုပ်သမားများ အသိုင်းအ၀န်းကမူ UNHCR ၀န်ထမ်းများ အနေနှင့် လူပွဲစား မှောင်ခိုကိစ္စတွင် ပါဝင် ပတ်သက်နေကြကြောင်း ကာလကြာရှည်ကပင် စွပ်စွဲ ပြောဆိုနေခဲ့ကြသည်။ သက်သေပြရန် အထောက်အထား မရှိသော်လည်း၊ လူအများစုက မည်သူ့ကို ငွေပေးလျှင် တတိယနိုင်ငံ အခြေချရေးကိစ္စ ဖြစ်နိုင်သည်ဟု သိနေကြသည်။

“ခင်ဗျားမှာ ပိုက်ဆံရှိရင်တော့ လုပ်ရတာ ပိုလွယ်တာပေါ့” ဟု ယခင် နိုင်ငံရေးအကျဉ်းသားဟောင်း ဖြစ်ခဲ့ဖူးပြီး ယခုအုန်းဖျံ ဒုက္ခသည်စခန်း၌ နေထိုင်သူ ကိုမျိုးသိန်းက ပြောသည်။ “ခင်ဗျားက ဒုက္ခသည်အစစ် ဖြစ်ဖြစ်၊ မဖြစ်ဖြစ် ပွဲစားကတဆင့် UNHCR က ၀န်ထမ်းကို ဆက်သွယ်ပြီး ပိုက်ဆံပေးလိုက်၊ ခင်ဗျားလျှောက်လွှာကို တခါတည်း လက်ခံလိုက်မယ်၊ ပြီးတော့ ခင်ဗျားကို အမေရိကန် ပို့ပေးလိမ့်မယ်” ဟု သူက ဆက်ပြောသည်။

ဘန်ကောက်အခြေစိုက် UNHCR ၏ ဒေသဆိုင်ရာရုံးမှ အကြီးတန်း လူထုဆက်ဆံရေးအရာရှိ ကစ်တီ မက်ကင်းဆေးကို ဧရာဝတီ မဂ္ဂဇင်းက ထင်မြင်ချက် တောင်းရာ ၎င်းက ဤသို့စွပ်စွဲပြောဆိုနေမှုများနှင့် ပတ်သက်၍ အလေးအနက် ထားကြောင်း ပြောဆိုသည်။

“အတုလုပ် လိမ်လည်တာတွေ၊ ကျမတို့ဝန်ထမ်းတွေက အလွဲသုံးစားလုပ်နေတာတွေနဲ့ ပတ်သက်လို့ သည်းညည်းခံနိုင်မှု အတိုင်းအတာ 'သုည' ပေါ်လစီကို ချမှတ်ထားပါတယ်” ဟု သူကဆိုခဲ့သည်။

ဤသို့ ပြဿနာများ ရှိနေသော်လည်း ထိုင်း-မြန်မာနယ်စပ်ရှိ ဒုက္ခသည်များ ပြန်လည်အခြေချရေး လုပ်ငန်းမှာ ကမ္ဘာပေါ် တွင် အအောင်မြင်ဆုံး လုပ်ငန်းတခုဖြစ်ကြောင်း သိရှိရသည်။

အန်ဂျီအို လုပ်သားတဦးကလည်း “ဒီမှာ ဆောင်ရွက်အောင်မြင်ခဲ့တဲ့ လုပ်ငန်းတွေကတော့ အတိုင်းမသိပါပဲ။ လူတွေကို တကယ်ပဲ မြန်မြန်ဆန်ဆန်နဲ့ ပြောင်းရွှေ့ အခြေချပေးနေပါတယ်။ တတိယနိုင်ငံတွေမှာ အခြေချဖို့ ပို့ပေးခဲ့သူ ၄၀၀၀၀ လောက် ရှိနေပါပြီ။ စခန်းထဲမှာ ကျပ်တည်းနေရတဲ့ ဘ၀မျိုးကနေ သူတို့ရဲ့ အခြေခံ အခွင့်အရေးတွေ၊ လွတ်လပ်ခွင့်တွေ ခံစားနေနိုင်တဲ့ နိုင်ငံတွေမှာ အခြေချနေကြပါပြီ” ဟု ဆိုခဲ့သည်။

သို့သော်လည်း ဒုက္ခသည်စခန်းများထဲတွင် ဆင်းရဲဒုက္ခ ဆက်လက် ကြုံနေကြရသည့် တက်ကြွလှုပ်ရှားသူများ၊ နိုင်ငံရေး အကျဉ်းသားဟောင်းများ၊ စစ်ပွဲများအတွင်း နစ်နာဆုံးရှုံးခဲ့ကြရသူများ ရှိနေသေးပြီး ဒုက္ခသည်အတုများကြောင့် သူတို့နစ်နာ နေကြရသည်ဟု ခံစားနေကြရဆဲ ဖြစ်သည်။

“ဒုက္ခသည်အစစ်တွေက စခန်းထဲကျန်နေရစ်တဲ့ အချိန်မှာ ဒုက္ခသည် အတုတွေက ကျနော်တို့ခံစားရမယ့် အခွင့်အရေး တွေကို ခိုးယူသွားခဲ့ကြတယ်။ ပွဲစားတွေကိုပဲ အပြစ်ဆိုကြရတော့မှာပဲ” ဟု ကိုမျိုးသိန်းက စိတ်ပျက်စွာ ညည်းညူသည်။

ALEX ELLGEE ရေးသားသည့် Resettlement—the Black Market ကို ဆီလျော်အောင် ပြန်ဆိုဖော်ပြပါသည်။
ဧရာဝတီသတင်း