မေးလ်ပိုင်ရှင်များသာ သိစေရန် ……
မှတ်ချက် - ကျွန်တော်ပို့ပေးသောသတင်းများကို ၀ဘ်ဆိုဒ်များတွင်ဖော်ပြပေးသည့်အတွက် အလွန်ကိုပဲ ၀မ်းမြောက်မိပါတယ်..
ကျွန်တော်လည်း သတင်းများကို သေချာတိကျစေရန်၊ နစ်နာစေသော၊ မှားယွင်းသော သတင်းများမဖြစ်စေရန် သေချာစီစစ်ထားပါသည်..
ကျွန်တော်ကိုသီလ ပို့ပေးသော သတင်းများကို ၀ဘ်ဆိုဒ်မှ အယ်ဒီတာများသည် စိတ်ကြိုက် ခေါင်းစဉ်၊ ဓာတ်ပုံ၊စာသားများကို (ဖြည့်စွက် ဖြတ်တောက် ) လိုအပ်သည်များကို လည်း ကြိုက်သလို လုပ်နိုင်ပါသည်...အဓိက အရေးကြီးသည့် အချက်မပျောက် ရန်သာ အရေးကြီးပေသည်...
ကျန်တော်တွင် ဖြစ်စေချင်သော ရည်မှန်းချက်တစ်ခုရှိပါသည်..ဒါကတော့ ကျွန်တော်ပေးလိုက်သည့်သတင်းများကို ဆိုဒ်ပိုင်ရှင် အယ်ဒီတာများမှ တန်ဖိုးမဖြတ်နိုင်သော အတွေ့အကြုံများ၊ အတွေးများကို ဖြည့်စွက်ပြီး ပိုမိုကောင်းမွန်သော စာသားများ ထွက်ပေါ်လာစေချင်ပါသည်....ဒါမှသာ အားလုံးကိုယ့်အမြင်ကိုယ်စီနဲ့ အမှန်တရားကို ၀ိုင်းဝန်းပြီးပြောဆိုမှသာလျှင် အမှန်တရားသည် အားရှိပါလိမ့်မည် ခင်ဗျာ...(စကားမှားများ ပါခဲ့ပါက ခွင့်လွတ်ပေးပါခင်ဗျာ )
ဒီမိုသတင်းထောက်များသည် မယ်ဆောက်ဘက်ကမ်း ဘက်ကိုပင် မြင်နိုင်၍ မြ၀တီတွင်ရှိသော ကုန်သွယ်ရေးဇုံမှ အကောက်ခွန်နဲ့ စစ်တပ် ပေါင်း၍ ပြည်သူကို ညစ်နည်းပေါင်းစုံနှင့်ညစ်နေသည်ကိုတော့ အတွင်းကျကျ သိဖို့ ခဲယဉ်းပေလိမ့်မည်….
ထို့ပြင် ချစ်ကြည်ရေးတံတားတစ်ခုတည်း တွင်ပဲ ကုန်ပစ္စည်းများသွားနေသည်မဟုတ်ဘဲ..ငြိမ်းချမ်းရေးဂိတ် (၂၀) ကျော်မှ လည်း တရားမ၀င် ကုန်ပစ္စည်းစီးဆင်းနေပါသည်…ဒါတွေ အားလုံးသည် မြ၀တီမြို့ကိုကျော်ချင်လျှင် ဖြင့် ကျွန်တော်တို့ ကုန်သွယ်ရေးဇုံကို ဖြတ်ကိုဖြတ်ရပါတော့သည်…ထို ပြည်သူ၏ လုပ်စာကိုစားနေသော အကောက်ခွန်ဝန်ထမ်းများ ၏ မိုက်ရိုင်းပုံများကို ကျွန်တော် ပြောရလျှင်ကား ပြောမဆုံးအောင်ဖြစ်နေပါတော့မည်…ထို့ကြောင့် အပိုင်းခွဲ၍ အပိုင်း (၁) အနေနဲ့ မြ၀တီမြို့ရှို ကုန်သွယ်ရေးဇုံ ရှိ အတွင်းကျကျ သတင်းများကို ပို့ပေးလိုက်ပါသည်…
မြ၀တီကုန်သွယ်ရေးဇုံသည် တရားဝင်ရော၊ တရားမ၀င်ရော ကုန်ပစ္စည်းမျိူစုံ ဖြတ်သန်း ရာနေရာဌာနဖြစ်ပါသည်…နေ့စဉ် ယာဉ်ကြီး၊ ယာဉ်လတ်၊ ယာဉ်ငယ် အစီး ၄၀၀ နီးပါးခန့်သည် ပြည်သူကို ဒုက္ခပေးနေသော ၀န်ထမ်းများကြားတွင် ကြုံသလို ထမင်းအိုးလေးမကွဲသွားအောင် အမျိူးမျိူး လုပ်ကိုင်နေရပါသည်…ထို ၀န်ထမ်းများ၏ ဒဏ်ကို မခံနိုင်သော ကားအစီး ၁၀၀ ခန့်သည် တောလမ်းကပင် သွားလာနေပါသည်။ တောလမ်းသည် ရင်းနှီးထားသော ပစ္စည်းများ အလွယ်တကူ ဆုံးရူုံးနိုင်သည်ကို ကားသမားကော ပစ္စည်းပိုင်ရှင်ကော မသိသည်မဟုတ် …..သိသည်ချည်းဖြစ်သည်။ ပြီးတော့ မောင်းရသည့်ကားလမ်းက မကောင်း၍ ပစ္စည်းများ မပျက်ဆီးအောင်လည်း ထိန်းမောင်းကြရပါသေးသည်။ သူပုန်ပဲရန်ရှာမည်လား၊ စစ်တပ်ကပဲ သိမ်းမည်လား…ဘယ်က လက်နက်ကိုင် တွေထွက်လာမလဲ…. ပိုက်ဆံပေး၍ ရလျှင်တော့ တော်သေးသည်ပေါ့လေ……..
ထို့ထက်လည်း အခက်အခဲပေါင်းမြောက်မြားစွာရှိနေပါသည်။ တွေးစေချင်ပါသည်…မေးလျှင် မေးခွန်းတွေအများအပြားထွက်လာလိမ့်မှာ ဖြစ်သော်လည်းပဲ ဒီမေးခွန်းကို စာဖတ်သူဖြေစေချင်ပါသည်။ ဒီကားတွေ ဘာကြောင့် ကုန်သွယ်ရေးဇုံက မသွားတာလဲ.....? ကုန်ပစ္စည်းတရားမ၀င်ဟုကြောင့်လည်း ပြောမ၇တော့ပြီ….အကောက်ခွန်ဝန်ထမ်းတွေ စားပိုးနင့်အောင်စား၍ တရားမ၀င် ကုန်ပစ္စည်းတွေကို သယ်ချင်တိုင်းသယ်လို့ရအောင် လုပ်ခဲ့သည်မှာလည်း သက်သေရှိနေသည်….ဒါဆိုရင် ဘာကြောင့် ကုန်သွယ်ရေးဇုံကို မဖြတ်တာလဲ….? ၀န်ထမ်းကို ပိုက်ဆံပေးလို့ ရ၍ မြတ်မည် အထင်ဖြင့် ကုန်သည် များသည် တရားမ၀င် ကုန်ပစ္စည်းများကို မြ၀တီဘက်သို့ သယ်ဆောင်လာခဲ့သည်၊ တံတားထိပ်က စားပိုးနင့်အောင်စားသော အကောက်ခွန်သည် တံတားကိုပဲ တာဝန်ယူလေသည်။ ကုန်သွယ်ရေးဇုံရှိအကောက်ခွန်ကျတော့ ပြည်သူမျက်ဖြူဆိုက်အောင် တော့ တနည်းနည်းဖြင့် လုပ်ရမည်လေ…ဘာကြောင့်လဲဆိုတော့ ၀န်ထမ်းအချင်းချင်း ညှိထားပြီးပြီလေ…..
အခုဆိုရင်တရားမ၀င်ပစ္စည်းတွေမြ၀တီမြို့ထဲမှာ အပြည့်အသိပ်ရှိနေပြီလေ…ကုန်သည် ဘယ်လိုပင်ဖြစ်စေ ကုန်သွယ်ရေးဇုံနှင့် တောလမ်း နှစ်ခုထဲက တစ်ခု ကိုရွေးကို ရွေးရမည်လေ။ ဘယ်ကုန်သည်မဆို ကုန်သွယ်ရေးဇုံကို ရွေးကြမည်သာဖြစ်ပါသည်…ဒီလို ဇုံကိုရွေးကြသည့်အကြောင်းကတော့ ကျွန်တော်ရှင်းမပြလည်း စာဖတ်သူသိပါလိမ့်မည်။ ဘာပဲဖြစ်ဖြစ် ဇုံဘက်က ဖြတ်သော ပစ္စည်းသည် အနည်းနှင့်အများတော့ အန္တာရယ်ကင်းသည်လေ….ဇုံထဲက ၀န်ထမ်း တွေ ပြည်သူကို ဘယ်လောက်တောင် ဒုက္ခပေးလိုက်ပါသလဲ….?
ကျွန်တော်ပြောခဲ့သလိုပင် မြ၀တီကုန်သွယ်ရေးဇုံမှ ၀န်ထမ်းများသည် သူတို့ရှေ့မှောက်ရောက်လာသော သားကောင်ကို အလွတ်ပေးရိုးထုံးစံမရှိပါ…သူတို့အတွက် အသား၊ အဆီ ပေးခဲ့မှ စားဝင်၊ အိပ်ပျော်လေသည်…မဟုတ်မမှန်သည့်အလုပ်ကို အထက်ကော၊ အောက်ကော မကြိုက်သည့်ခေတ်တွင် ပေါ်တင်ကြီးတော့ လိုချင်သည့်အရာကိုမတောင်းရဲ…ဘောင်ထဲကနေ တရားဝင်အောင်လုပ်ပြီး ဖြဲခြောက်မှ လိုချင်သည့်အရာသည် လိုရင်လိုသလောက် ထွက်လာမည်မဟုတ်ပါလား….ထို့ကြောင့် မသူတော်အချင်းချင်း ပေါင်းပြီး ရုပ်ရှင်ရိုက်လိုက်ပုံကတော့……………
နကသ ဗိုလ်မူးသိန်းထွန်း သည် ယာဉ်ကြီး၊ ယာဉ်ငယ် တွေကို စစ်ရာတွင် ယာဉ်ပေါ်ရှိပစ္စည်းသည် များသည်၊ နည်းသည် ဟု အမျိုးမျိူးအကြောင်းပြကာ…( ကျားနှာစေးနေပြီ ) ယာဉ်ပေါ်ရှိပစ္စည်းများကို စစ်ဆေးရေးဂိတ်အတွင်း ချခိုင်းခြင်း….ထုတ်ပိုးထားသောပစ္စည်းများကို တစ်စဆီလုပ်ပစ်ခြင်း….ချထားသောပစ္စည်းများကို ညနေ ၄ နာရီမှ ပြန်ပေးခြင်း….ပြန်ပေးပြီး ပစ္စည်းများကို ဘာအကြောင်းပြချက်မှမရှိဘဲ မြ၀တီသို့ပြန်ယူသွားစေခြင်း….စသည့် ညစ်နည်းမျိူးစုံကို စာနှင့်ဖော်ပြလို့မရအောင် လုပ်ပါတော့သည်… မှတ်ချက် ( အဲဒီအချိန်တွင် ပစ္စည်းပိုင်ရှင် ဘယ်လောက် မျက်ဖြူဆိုက်နေမလဲဆိုတာ ကိုယ်ချင်းစာကြည့်ပါ )….
အဲလိုဆောင်ရွက်မူများကြောင့် ဘာတွေဆက်ဖြစ်လာပါသနည်း..ဆက်ဖတ်ကြည့်ပါ…
ဗိုလ်မူး သိန်းထွန်းသည် တစ်ခုကိုလို၍ တစ်ခု ကိုညစ်နေခြင်းသာဖြစ်သည်……ထိုအချိန်တွင် ကားဝင်းအတွင်းတွင် အကောက်ခွန်နှင့် နကသ တို့မှမွေးမြူထားသော မထသ ဂိတ်မှူးများ၊ ပွဲစားများ၊ ဈေးသည်များသည် အကောက်ခွန်အရာရှိနှင့် ချိတ်ဆက်ပေးကြပါသည်…..ဒီလိုအကောက်ခွန်အရာရှိနှင့် ငွေကြေး ညှိနှိူင်းပြီးပါက ကားကို ၀င်ရောက်အစစ်ဆေးခံရာတွင် အလွန်လွယ်ကူပြီး ကုန်ပစ္စည်းချဖို့နေနေသာသာ ဒရိုင်ဘာလက်ပြလိုက်ရင် ပြီးပါပြီ….
အကောက်ခွန်အရာရှိ နှင့် ဘယ်လို ငွေကြေးညှိရပါသလဲ…. .? ယခင်က ၅၀၀၀ နှင့် ၁ သောင်းကြား ယူနေပြီးအဆင်ပြေနေကြသော အကောက်ခွန်အဖွဲ့သည် ယခုတွင်မူ အိုင်တင်ခံပါတော့သည်….ထို့ကြောင့် အဆင်ပြေစေခြင်းအလို့ငှာ ထပ်တက်သွားသည့် လာဘ်ငွေ ပမာဏကတော့ ၃ သောင်းမှ ၅သောင်းကြားဖြစ်လာတော့သည်…ဂိတ်မှူး၊ ပွဲစားများကြားခံရ၍်လည်း အားလုံးအဆင်ပြေစွာ ထွက်ခွာနိုင်ဖို့ကို ၈ သောင်းခန့် အကုန်ကျခံနေရပါသည်…ဒီလို အဖွဲ့ ပေါင်းစုံလို့ခေါ်တဲ့ ၀န်ထမ်း ကို ဆက်သပြီးရင်တော့ ယာဉ်ခဗျာ အေးဆေးသွားလို့ရပါပြီ….
နောက်ဆုံးသတင်းများအရ အကောက်ခွန်အဖွဲ့သည် ကုန်သွယ်ရေးဇုံမှ မြ၀တီပိုက်ဆံလက်ခံရာဌာနများသို့ ပို့ပေးရန်အတွက် ဆိုင်ကယ်အငှားမောင်းသူတစ်ဦးကို ဂိတ်စာရင်းမှတ်သူအဖြစ် ဟန်ဆောင်နေခိုင်း၍ တစ်နေ့ ၂ သောင်းကျပ်နှင့် ငှားရမ်း ထားရပါလေသည်…အကောက်ခွန်ရုံးထဲတွင် လူကြီး လာရင် ပိုက်ဆံပုံကိုမြင်မှာစိုး၍ မနက် ၉း၀၀ နာရီင်္တွင် တစ်ကြိမ်၊ နေ့လည် ၁း၀၀ နာရီတွင်တစ်ကြိမ် တစ်နေ့နှစ်ကြိမ် ပြည်သူချွေးနှဲစာကို သူပိုင်ငွေအဖြစ် ပို့နေရပါသည် ခင်ဗျာ…………
နောက်ထပ် တိကျသော သတင်းပေးစာများကို ထပ်မံပို့ပေးပါမည် ………………..
ကိုသီလ
၅၊၁၊ ၂၀၁၀
No comments:
Post a Comment