ရွေးကောက်ပွဲအပြီး ပြည်တွင်းစစ် တကျော့ပြန်ဖြစ်မည်လော

မဇ္ဈိမသတင်းဌာန | ကြာသပတေးနေ့၊ ဧပြီလ ၀၈ ရက် ၂၀၁၀ ခုနှစ် ၁၆ နာရီ ၄၆ မိနစ်

စစ်အစိုးရက လက်နက်ကိုင်အဖွဲ့ ၃ ဖွဲ့ကို သူတို့၏ အငြင်းပွားဖွယ် နယ်ခြားစောင့်တပ် ကိစ္စအတွက် အကြောင်းပြန်ရန် နောက်ထပ် နောက်ဆုံးရက် သတ်မှတ်ပေးလိုက်ပြန်ပြီဖြစ်သည်။ ထိုအဖွဲ့များက ယခုထိ အဆိုပါ အစီအစဉ်ကို လက်ခံရန် ငြင်းဆန်နေသဖြင့် ထိုသို့သာ လက်မခံဘဲ နေလိုက်ပါက ထိုအဖွဲ့များ မည်ကဲ့သို့ ဖြစ်လာမည်ဆိုသည့် မေးခွန်းများ ပေါ်ထွက်လာနေသည်။

ထိုသို့အကြောင်းပြန်ရန် မူလက ပြီးခဲ့သည့်နှစ် နှစ်ကုန်ပိုင်းကို နောက်ဆုံးရက် သတ်မှတ်ပေးခဲ့သော်လည်း ယခုအခါ ရှမ်းပြည်တပ်မတော် (မြောက်ပိုင်း) SSA-N၊ ဝ' ပြည် သွေးစည်းညီညွတ်ရေးပါတီ UWSA နှင့် ရှမ်းပြည်နယ် အထူးဒေသ (၄) မိုင်းလားအဖွဲ့တို့ကို ဧပြီလ ၂၈ ရက်နေ့ နောက်ဆုံးထား အကြောင်းပြန်ရမည်ဟု ရက်သတ်မှတ်ပေးလိုက်ပြန်သည်။ နယ်ခြားစောင့်တပ် အစီအစဉ်ကို လက်မခံပါက အဆိုပါအဖွဲ့များသည် မတရားသင်း ကြေညာခံရမည့် အန္တရာယ်နှင့် ရင်ဆိုင်နေရသည်။

နယ်မြေတည်တံ့ခိုင်မြဲရေး ဆိုသည့်အချက်ကို အထူးအရေးပါသော အချက်အဖြစ် စစ်အစိုးရက သူတို့ တွေးခေါ်မြော်မြင်မှုတွင် ပင်မဒေါက်တိုင်တရပ်အဖြစ် ထားရှိသည်။ သဘောတရားအရဆိုသော် ဤတိုင်းရင်းသား အကျပ်အတည်းကိစ္စကို ၂ဝဝ၈ ခုနှစ် မေလတွင် ကျင်းပခဲ့သော ပြည်သူ့ဆန္ဒခံယူပွဲ မတိုင်မီ အပြတ်ရှင်းရန် ဖြစ်သည်။ သို့သော် မဖြစ်ခဲ့။ ထို့ကြောင့် ယခုတော့ အရေးပါသည့် ဦးဆောင်မှုတာဝန်ကို ယူထားပြီဖြစ်သော စစ်အစိုးရ၏ ဒုတိယဗိုလ်ချုပ်မှူးကြီး မောင်အေးက အာခံဆဲဖြစ်သော အဆိုပါ အဖွဲ့အားလုံးကို နိုင်ငံရေးအင်အား အကုန်သုံး၍ ကိုင်တွယ်ဖြေရှင်းတော့မည့်ပုံ တွေ့နေရသည်။

အမျိုးသားဒီမိုကရေစီအဖွဲ့ချုပ်က ရွေးကောက်ပွဲကော်မရှင်တွင် မှတ်ပုံမတင်ဘဲ လက်ရှိ နိုင်ငံရေးပါတီတရပ် အနေဖြင့်ပင် ဆက်နေသွားရန် ဆုံးဖြတ်ရွေးချယ်လိုက်သဖြင့် ပါတီကို မတရားသင်းအဖြစ် တရားဝင်ကြေငြာလိုက်သည်နှင့်တပြိုင်နက် အဖွဲ့ဝင်အများအပြား ဖမ်းဆီး ခံရမည့် အန္တရာယ်လဲရှိနေပြန်သည်။ စစ်အစိုးရစီစဉ်ညွှန်ကြားသည့် နိုင်ငံတည်ဆောက်ရေး စီမံကိန်းတွင် မပါဝင်ဘဲ ဘေးထွက်ထိုင်ရန် ဆုံးဖြတ်လိုက်မည့် လက်နက်ကိုင် ငြိမ်းချမ်းရေးအဖွဲ့များအတွက်မူ ထို့ထက်ပင် ပို၍ဆိုးနိုင်သည့် အခြေအနေဆိုးများနှင့် ကြုံရလိမ့်မည်။

ထိုအဖွဲ့အများအပြားသည် နှစ်ပေါင်းရှည်ကြာ အပစ်အခတ်ရပ်စဲထားခဲ့ကြသည်။ အင်အား ၃ သောင်းရှိ ဝ' ပြည် သွေးစည်းညီညွတ်ရေး တပ်မတော်ဆိုလျှင် နှစ်ပေါင်း ၂ဝ နီးပါးမျှ အပစ်ရပ်ထားခဲ့သည်။ သို့သော် မတရားသင်း ကြေညာခံရသည်နှင့်တပြိုင်နက် အလွန်ကြီးမားသော ခေတ်မီရေး စီမံကိန်းများနှင့် တည်ဆောက်ထားသော မြန်မာ့တပ်မတော်ကို ဖက်ပြိုင်တိုက်ခိုက်ရတော့မည်။ အဆိုပါ ခေတ်မီရေး စီမံကိန်းများကို ဗိုလ်ချုပ်ကြီးနေဝင်းနှင့် သူ၏ မြန်မာ့ဆိုရှယ်လစ်လမ်းစဉ်ပါတီတို့ ခေတ်လွန်တွင် စတင်ပြုလုပ်ခဲ့ခြင်း ဖြစ်သည်။

အဆိုပါ လက်နက်ကိုင်အဖွဲ့ ၃ ဖွဲ့အကြောင်း ပြောမည်ဆိုလျှင် မီးကုန်ယမ်းကုန် ဘက်စုံစစ်ပွဲကြီး မဆင်နွှဲမီ အရေးပါသည့် မြန်မာ့အိမ်နီးချင်း ၂ နိုင်ငံဖြစ်သော တရုတ်နှင့် ထိုင်းနိုင်ငံတို့ကို တိုင်ပင်ညှိနှိုင်းရဦးမည်ဖြစ်သည်။ သို့သော် ယခုနှစ်တွင် ကျင်းပရန် ပြင်ဆင်ထားသော ရွေးကောက်ပွဲများကြောင့် နိုင်ငံရေး အတိုက်အခံများအပေါ် သူတို့ ကိုင်တွယ်ဆက်ဆံပုံကို နိုင်ငံတကာ အသိုင်းအဝိုင်းက လက်ခံပြီး သူတို့ဘက်က အသာစီးရနေပြီဟု စစ်တပ်က ထင်မြင်ယူဆပါက ယခုအခါ တဲတဲလေးမျှသာ ရှိနေသာ အပေါ်ယံ ရွှေမှုံကြဲ ငြိမ်းချမ်းရေး ရယူထားသည့် ဒေသများတွင် ပြင်းထန်သည့် စစ်ဇုန်များ ပြန်လည်ပေါ်ပေါက်လာမည်ကို ၂ဝ၁ဝ တွင် မြင်တွေ့ကြရတော့မည်။

တမီလ်ကျားများအပေါ် သီရိလင်္ကာအစိုးရက ကြမ်းတမ်းစွာ ကိုင်တွယ်နှိမ်နင်းခဲ့သည်ပုံနှင့် စစ်ဆင်ရေးများအတွင်း အထူးပင် ကြမ်းတမ်းရက်စက်စွာ ဆောင်ရွက်ခဲ့သည်ကို မှတ်တမ်းမှတ်ရာ အထောက်အထား အပြည့်အစုံ ရှိနေသည့်တိုင် နိုင်ငံတကာ အသိုင်းအဝိုင်းက ထိရောက်စွာ ဘာမှတုံ့ပြန်မပြောခဲ့သည်ကိုလည်း မြန်မာစစ်ဗိုလ်ချုပ်ကြီးများ မေ့လျော့မသွားသေးပါ။ နိုင်ငံ့အကြီးအကဲသည် စစ်ရေးအတွေ့အကြုံ စစ်ရေးအမြင် ရှိရမည်ဟု၎င်း၊ အခြားစစ်တပ်ကို ပင်းထားသည့် ပြဋ္ဌာန်းချက် အမြောက်အမြားကို ဖွဲ့စည်းပုံဥပဒေတွင် ထည့်သွင်းပြဌာန်းထားသည့်အတွက် ထိုသို့ နောက်တကျော့ပြန် တိုက်ခိုက်ရာတွင် အရပ်သားများ၏ ထောက်ခံမှုကို အပေါ်ယံကလေးရှပ်၍ ရယူရန်မှာ ခက်ခဲလှလိမ့်မည် မဟုတ်ပေ။

မြန်မာ့တိုင်းရင်းသားရေးရာသည် စစ်အစိုးရအတွက် သူတို့ ကပြနေရသော အမျိုးသားဒီမိုကရေစီအဖွဲ့ချုပ်နှင့် ရင်ဆိုင်ယှဉ်ပြိုင်နေရခြင်းတည်းဟူသော ဇာတ်ပွဲတွင် အမြဲပင် ဒုတိယနေရာမှ ရှိနေသည်။ ယခုလို ရွေးကောက်ပွဲ ကျင်းပရန် အချိန်အနည်းငယ်မျှသာ လိုတော့သောအချိန်တွင် ဖြစ်လာနိုင်စရာ အများကြီးရှိသည်။ လက်နက်ကိုင် ငြိမ်းအဖွဲ့များက နယ်ခြားစောင့်တပ် အစီအစဉ်တွင် မပါဝင်ဘဲ ဘေးထွက်ထိုင်နေလိုက်ပါက တိုင်းရင်းသားရေးရာ အမယ်ဘုတ် ချည်ခင်မှာ လွတ်လပ်ရေးရပြီးစ ကာလတုန်းကလိုပင် ဇာတ်စင်အလယ် မီးရောင်အောက်သို့ တဖန် ပြန်လည်ရောက်ရှိလာလိမ့်မည်။