ကရင်အမျိုး​သားအစည်းအရုံး​အတွင်း စည်းရုံးရေြး​ပသနာ နှင့် ပြည်တွင်ြး​ငိမ်းချမ်းေ​ရး အပိုင်း (5)

ကရင်အမျိုးသားအစည်းအရုံးအတွင်း စည်းရုံးရေးပြသနာ နှင့် ပြည်တွင်းငြိမ်းချမ်းရေး အပိုင်း (5)
အောင်ထူး (ရှေ့ နေ)

အခြား အကြောင်းအရာများကို ရွေးချယ် မရေးဘဲ ကရင်အမျိုးသား အစည်းအရုံးနှင့် ဆက်စပ်၍ ငြိမ်းချမ်းရေး ပြသနာ ဆိုင်ရာဆောင်းပါး များကို အဘယ်ကြောင့် ဆက် တိုက်ရေးနေကြောင်း မိတ်ဆွေအချို့က မေးကြသည်။ ဖြေပါမည်။ စစ်မှန်သည့်
ပြည်တွင်း ငြိမ်းချမ်းရေး မရှိလျှင် လူထုများအတွက် လွတ်လပ်မှု၊ တရားမျှတမှု နှင့် စီးပွားရေး တိုးတက်မှု မရနိုင်သည့် အပြင် “ဆင်းရဲပင်ပမ်းမှုများ၊ မျက်ရည်များ၊ ကြေကွဲမှုများ၊ အာဃာတ များသာ ဖုံးလွှမ်းနေမည်ဟု ယုံကြည် သောကြောင့် ဖြစ်သည်။ ဤသည်မှာ ပထမ တချက်ဖြစ်ပြီး ပြည်တွင်းငြိမ်းချမ်းရေး၏ အရေးပါမှုကို ရည်ညွန်းသည်။

ဒုတိယ အချက်မှာ ပြည်တွင်းငြိမ်းချမ်းရေးကို မည်သို့ ရှာဖွေမည် ဟူသော နည်းလမ်းနှင့် သက်ဆိုင်သည်။ ငြိမ်းချမ်းမှု ကို ရှာဖွေရာ၌ ခေါင်းဆောင်များသည် အရေးကြီးသော အခန်းမှ ပါဝင်ကြောင်း အသိအမှတ်ပြုပါသည်။ သို့ရာတွင် နှစ်ပေါင်း ခြောက်ဆယ်ကျော်မျှ ဖြစ်ပွားခဲ့သည့် ပြည်တွင်းစစ်ကြီးကို အပြီး အပိုင် ငြိမ်းသတ်နိုင်အောင် ကြိုးပမ်းရာ၌ ခေါင်းဆောင် အဓိက အားကိုးရေးဝါဒ မျှနှင့် မလုံလောက်ပါ။ လူထုလမ်းစဉ် ကို ကျင့်သုံးဘို့လိုပါမည်။

အခြေခံလူထုများကိုယ်တိုင် ရောဂါ၏ အရင်းအမြစ်ကို သိအောင်ကြိုးစား၊ ကုစားသင့်သည့် နည်းလမ်းများအား လက် လှမ်းမီသမျှရှာဖွေ၊ မိမိတို့ခေါင်းဆောင်များကို တင်ပြ၊ ငြိမ်းချမ်းရေး လှုပ်ရှားမှုများအား ပြည်လုံးအနှံ့ သာမက ကမ္ဘာ တခွင်တွင်ပါ အားကောင်းကောင်းပေါ်လာအောင် ပါဝင် လုပ်ဆောင်လာကြ စေခြင်သည်။ ဤသို့သော စေတနာ နှင့် ရေးပါသည်။

"ထာဝရ ငြိမ်းချမ်းရေး" ဟူသည်မှာ မည်သည့် အရာနည်း။

ငြိမ်းချမ်းရေးဝန်ကြီး ဦးအောင်မင်းသည် "ထာဝရ ငြိမ်းချမ်းရေး" ဟူသည့် စကားလုံးကို ကရားရေလွှတ်တတွတ်တွတ် ရွတ်လျှက်ရှိသည်။ သို့ရာတွင် ဤသည်မှာ မည်သည့်အရာ ဖြစ်ကြောင်းကို လူထုအား တကြိမ်တခါမျှ ရှင်းပြခြင်းမရှိ။  ဟိုအဖွဲ့သည်အဖွဲ့များနှင့် တွေ့ဆုံလျှက်ရှိသော ဆွေးနွေးပွဲများတွင် တခွန်းမျှ မြွက်ဟသံမကြားရ။

"ထာဝရ ငြိမ်းချမ်းရေး" ဆိုသည်မှာ လူ့အဖွဲ့အစည်းက လိုလားမြတ်နိုးသည့် တန်ဘိုး ဖြစ်သည်။ ဤတန်ဘိုးကို ရရှိ စေရန် တနိုင်ငံလုံး တိုင်းရင်းသားပေါင်းစုံ လူထုကြီးတရပ်လုံး ဦးတည် လျှောက်လှမ်းရမည့် "ပန်းတိုင်" ရှိဘို့ လိုသည်။ ဤသည်မှာ
အဘယ်နည်း။ "ပန်းတိုင်" နှင့် စပ်လျှဉ်း၍ ဦးအောင်မင်းကိုယ်တိုင် ရှင်းလင်းစွာ သိမသိမှာလည်း အတတ် မပြောနိုင်။စေတနာကောင်းဖြင့် ဆောင်ကျဉ်းရန် ကြိုးစားသည် ဆိုစေဦး။ "ထာဝရ ငြိမ်းချမ်းရေး" နှင့်စပ်လျှဉ်း၍ ကိုယ် သွားခြင်သည့် ပန်းတိုင်ကိုမျှ ကိုယ်ကိုယ်တိုင်ကရေရေရာရာ မသိလျှင် အနှစ်တထောင်ပင် ဦးဆောင် ကြိုးစားသော် လည်းရောက်နိုင်ဘွယ်မရှိပါ။ ဤသို့ဖြစ်လျှင် ဦးအောင်မင်းအတွက်သာမက ထိပ်ပိုင်းက ဦးဆောင်ကြိုးပမ်းနေသည် ဟု ဆိုသော သမတ ဦးသိန်းစိန်အတွက်လည်း မကောင်းပါ။

၎င်းတို့သည် ကိုယ်သွားခြင်သည့် "ပန်းတိုင်" ကို ရှင်းလင်းစွာသိပြီး လုပ်ဆောင်နေခြင်းလည်း ဖြစ်နိုင် သည်။ "ငါတို့ မင်းထက် ပိုပြီး သိတာပေါ့ကွာ။" ဟု စာရေးသူအားပင် စိတ်ထဲမှ ကြိတ်ပြုံးကောင်းပြုံးနေပါမည်။ မိမိတို့ လျှောက်ခြင် သည့် "ပန်းတိုင်" အစစ်ကို ဖုံးကွယ်ပြီး လူထုကို အခြားတပါးသို့ တွန်းပို့နေတာများ ဖြစ်လေမလား။ ကြွားတော့ "နိဗ္ဗာန်ဘုံ" ၊ လား တော့ "အ၀ီဇိငရဲ" ပန်းတိုင် ဖြစ်သွားနိုင်သည်။ ဤသို့ဖြစ်လျှင်မူ လူထုကြီးတရပ်လုံးအား လိမ်လည် လှည့်ဖျား ရာ
ရောက်ပါမည်။ ဤသည်ကို ၀ိုင်းဝန်းဖေါ်ထုတ်ကြဘို့လိုသည်။

တကယ်တန်းအားဖြင့် ဦးသိန်းစိန်၊ ဦးအောင်မင်းတို့ခေါင်းဆောင်သည့် အစိုးရ အာဏာပိုင်များသည် "ထာဝရ ငြိမ်းချမ်းရေး" ရဘို့ "နိဗ္ဗာန်ဘုံ ပန်းတိုင်" ကို လှမ်းကိုင်ရန် ကြိုးပမ်းနေသည် ဆိုလျှင်မူ ယင်းမှာ မည်သည့်အရာ ဖြစ်သည်ကို ရှင်းလင်းရန်တိုက်တွန်း ပါသည်။

"ထာဝရ ငြိမ်းချမ်းရေး" ဟူသည်ကို လူထု ခံစားနိုင်ရေး အတွက် "ပန်းတိုင်" သည် အဘယ်နည်း။

နိုင်ငံသားတဦး အနေဖြင့် ရသင့်ရထိုက်သင့် တဦးချင်းအခွင့်အရေး၊ တိုင်းရင်းသား လူမျိုးစု တခုခြင်းစီ ရသင့်ရထိုက် သည့် စုပေါင်း အခွင့်အရေးများအား ဖွဲ့စည်းပုံအခြေခံဥပဒေနှင့် အခြား ဥပဒေများတွင် ထည့်သွင်းပြဌာန်းထားသည့် အပြင် တိုင်းပြည်အုပ်ချုပ်ရေး အဆောက်အအုံများအား ထိုအခွင့်အရေးများကို လေးစားကာကွယ်ဖေါ်ဆောင်ပြီး လွတ်လပ်၊ ဘက်မလိုက်၊ ထက်မြက်သည့် ယန္တယားများဖြစ်လာစေရန် ပြုပြင်ပြောင်းလဲ ဖွဲ့စည်းရေး ဖြစ်သည်။

ဤသည်မှာ "ထာဝရ ငြိမ်းချမ်းရေး" ကို ခံစားနိုင်စေရန် လူထုတရပ်လုံး ဦးတည်လျှောက်လှမ်းရမည့် "ပန်းတိုင်" ဖြစ် သည်ဟုစာရေးသူနားလည်သည်။ ဤသည်မှာ မမှန်ကန်လျှင် ဦးသိန်းစိန် အစိုးရ အနေဖြင့် လူသိရှင်ကြားပြန်ရှင်းခွင့် ရှိသည်။ ဦးသိန်းစိန်သည် သမ္မတ တာဝန်ယူပြီးလျှင် ပြီးခြင်းမှာပင် ရှင်းရှင်းလင်းလင်း ရှိသော အစိုးရ၊ တာဝန်ခံမှုရှိ သော အစိုးရ ဖြစ်အောင်ကြိုးပမ်းမည်ဟု လူသိရှင်ကြားကြေငြာခဲ့သည်။ သို့ရာတွင် ဤမျှ အရေးကြီးလှသော ပြည် တွင်းငြိမ်းချမ်းရေး
နှင့် စပ်လျှဉ်း၍ လုပ်ဆောင်နေသည်များမှာမူ ရှင်းရှင်းလင်းလင်း မရှိ။ တာဝန်ခံမှုလည်း မရှိ။ "ပန်းတိုင်" သည် မည်သည့်အရာမှန်းပင် မည်သူမျှ မသိကြ။

သေနတ်မပေါက်ရုံ၊ စစ်မတိုက်ရုံမျှနှင့် ထာဝရငြိမ်းချမ်းရေး မရနိုင်။

စာရေးသူ မြင်ရသည်မှာမူ "ထာဝရ ငြိမ်းချမ်းရေး" ဟူသည်အတွက် တောင်ကိုပြေးလိုက်၊ မြောက်ကို ပြန်လိုက်၊ ပြည် တွင်းဝင်လိုက် ပြည်ပထွက်လိုက်နှင့် ဦးအောင်မင်း ကွင်းဆင်း အကောင်အထည်ဖေါ်နေ သည့် လုပ်ငန်းစဉ်များ၏
"ပန်းတိုင်" မှာ "သေနတ်မပေါက်ရေး နှင့် စစ်မတိုက်ရေး" သာ ဖြစ်နေသည်။ စစ်မဖြစ်လျှင် ငြိမ်းချမ်းရေးရမည် ဟုကြွေးကြော်နေသည်။ ဤသည်မှာ ဟုတ်ပါရဲ့လား။ စစ်နှင့် ငြိမ်းချမ်းရေး သည် ဒင်္ဂါးပြား တခု၏ ခေါင်းနှင့်ပန်း သဘွယ် နားလည်နိုင်သော်လည်း စစ်မရှိရုံမျှ နှင့် လူထုအတွက် ငြိမ်းချမ်းရေး ရပြီ ဟု ပြောနိုင်ပါ့မလား။

သာဓက တခုပြပါမည်။ မြန်မာနိုင်ငံ၌ ၁၉၈၉ ခုနှစ်မှ စ၍ အပစ်အခတ်ရပ်စဲရေးကို စစ်အစိုးရကိုယ်စား ဦးဆောင် အကောင်အထည်ဖေါ်ခဲ့သူမှာ န၀တ အတွင်းရေးမှုး (၁) အဖြစ် တာဝန်ယူခဲ့သည့် ဗိုလ်ချုပ်ကြီး ခင်ညွန့်ဖြစ်သည်။ သူတံခိုးထွားခဲ့စဉ်က တက်ရောက်ခဲ့သည့်အစည်းအဝေး အတော်များများ၌ လူထုက ၄င်းအား လက်အုပ်ချီကာ အရို အသေ ပေးခဲ့ရသည်ကို ရုပ်မြင်သံကြားမှ တဆင့် ကြည့်ခွင့်ရခဲ့သည်။ တချိန်က ရှိခဲ့သည့် ရာထူးအာဏာများမှ ပြုတ် ကျပြီး ထောင်မှ ထွက်လာသောအခါ ဦးခင်ညွန့်သည် သာမန်လူတဦး ဖြစ်သွားခဲ့ပြီ။ ၄င်းအား ရာထူးပြုတ်၊ထောင်ချ လိုက်သည့် စစ်အစိုးရသစ်အား သူသည် လက်နက်ကိုင်၍ စစ်ပွဲ ပြန်လည်မဆင်နွှဲပါ။ သူ နှင့် အစိုးရသစ်အကြားတွင် စစ် မရှိပါ။

သို့ရာတွင် သူသည် ငြိမ်းချမ်းရေး မရပါ။ ထောင်မှ ထွက်ပြီး သိတ်မကြာခင် စကားပြော တခုမှားသွား၍
အရေးယူ ခံရနိုင်ကြောင်း အစိုးရပိုင်းမှ အသံထွက်လာသော အခါ ကြောက်လန့်တကြားဖြင့် ဘုန်းကြီးဝတ်
သွားခဲ့ရ ပါသေးသည်။ အဘယ်ကြောင့် ဆိုသော် တပ်မတော်၊ ရဲ၊ ထောက်လှန်းရေး၊ လုံထိန်း မှ စ၍ တရားစီရင်ရေး အဆုံး တိုင်းပြည်အုပ်ချုပ် ရေး ယန္တယားများသည် အနှစ်သာရအရ ဘာတခုမျှ မပြောင်းလဲသေး။ အာဏာရှိသူကို ၀တ်တွားနေရဆဲဖြစ်ကြောင်း ဦးခင်ညွန့် ကောင်းမွန်စွာ သိရှိထား၍ ဖြစ်သည်။ စင်စစ်အားဖြင့် မူ ငြိမ်းချမ်းရေးဝန် ကြီး ဦးအောင်မင်းသည်
ဦးခင်ညွန့် ဖြစ်ရပ်မှ သံဝေဂယူသင့်သည်။ မိမိတွင် လုပ်ပိုင်ခွင့် ရှိနေသည့် အချိန်၌ အထက်တွင် စာရေးသူ ဖေါ်ပြခဲ့သည့် ပန်းတိုင် ကို ရောက်ရှိအောင် ကြိုးပမ်းသင့်သည်။ ဤနည်းဖြင့် "ထာဝရ ငြိမ်းချမ်းရေး" သို့ အမှန်တကယ် ဦးတည်ကြောင်း လက်တွေ့ပြသင့်သည်။

နောက်ထပ် သာဓက တခုဖေါ်ပြပါဦးမည်။ လက်နက်ကိုင် တိုက်ပွဲ ရပ်စဲလိုက်ပြီ ဖြစ်သော်လည်း လူထုမှာငြိမ်းချမ်းမှု မရ အပူမီးများတောက်လောင်နေရသည့် ဘ၀၏ တစိတ်တဒေသကို လှစ်ဟသော သာဓက ဖြစ်ပါသည်။

ဗိုလ်မှုးချုပ်ထိန်မောင် ခွဲထွက်သွားခဲ့သည့်နောက်ကွယ်က ဖြစ်ရပ်အချို့

ဗိုလ်မှုးချုပ်ထိန်မောင်မှာ ကေအင်ယူ တပ်မဟာ(၇) ၏ တပ်မဟာမှုး ဖြစ်ခဲ့ပြီး နှစ်ပေါင်းမြောက်များစွာ တောက်လျှောက် စစ်တိုက်ခဲ့သူ ဖြစ်သည့်အပြင် စစ်ရေးကောင်းသူ အဖြစ်လည်း နံမည်ရခဲ့သည်။ ၂၀၀၇ ခုနှစ်တွင် ကေအင်ယူမှ ခွဲထွက် ၊ငြိမ်းချမ်းရေးကို ကြွေးကြော်လျှက် စစ်အစိုးရနှင့် အပစ်ရပ်ခဲ့သည်။ KNU/KNLA ငြိမ်းချမ်းရေးကောင်စီကိုဖွဲ့ပြီး ဦးဆောင်လှုပ်ရှားနေသူ ဖြစ်သည်။

ဗိုလ်ချုပ်ကြီးမြ နှင့် ဗိုလ်မှုးချုပ် ထိန်မောင် တို့မှာမယားညီအကို ဖြစ်ကြသည်။ ဗိုလ်မှုးချုပ်ထိန်မောင်က "ဗိုလ်ချုပ်ကြီးမြမကွယ်လွန်ခင် ငြိမ်းချမ်းရေးအတွက် ငါ့ကို တာဝန်ပေးထားခဲ့တယ်၊ ငြိမ်းချမ်းရေး လုပ်ကို လုပ်ရမယ်" ဟု ဟစ်ကြွေးပြီးစစ်အစိုးရနှင့် လက်တွဲတော့မည် ပြုသောအခါ ၄င်း၏ တူ ဖြစ်သူ ဗိုလ်ချုပ်ကြီးမြ ၏ ဒုတိယ သားကြီး ဗိုလ်မှုးကြီး နန္ဒားမြ ကအကြီး အကျယ် တားမြစ်ခဲ့သည်။ သို့ရာတွင် ဦးလေးအား တား၍မရခဲ့။ ထိုအခါ ဗိုလ်မှုးကြီး နန္ဒားမြသည် စိတ်ထိ ခိုက်လွန်းသဖြင့် စစ်ဗိုလ်ကြီးတန်မဲ့နှင့် ချုံးပွဲချငိုခဲ့သည်ဟု ကြားသိခဲ့ရသည်။ ဤအကွဲအပြဲအောက်တွင် ကေအင်ယူ အတွင်းရှိ အခြား
တပ်ဗိုလ်၊ တပ်သားများ၊ ပါတီဝင် မိသားစုများ အတွင်း မည်မျှငိုကြွေးခဲ့ရ၊ ကြေကွဲခဲ့ကြရသည်ကို မသိ။

ဤသည်မှာ ကေအင်ယူ အဖွဲ့အစည်းတခုလုံးကိုသာမက အခြားတော်လှန်ရေးအင်အားစု အားလုံးကိုပါ တပြိုင်နက် လွှမ်းခြုံ ဖေါ်ဆောင်ရမည့် အစား ကေအင်ယူ အတွင်းမှ အစိတ်အပိုင်းငယ် တခုခြင်းမျှကိုသာ ခွဲထုတ်စည်းရုံးသည့် နည်းဖြင့် စစ်အစိုးရ အဆက်ဆက် ချမှတ်ဖေါ်ဆောင်လျှက်ရှိသော ငြိမ်းချမ်းရေး အတု၏ ရလာဒ်ဖြစ်သည်။ ဗိုလ်မှုးကြီး နန္ဒားမြသည် ဦးလေး၏ နောက်သို့မူလိုက် မသွား။ နိုင်ငံရေးအရမှန်ကန်စွာ စဉ်းစားနိုင်ခဲ့သည်။ ကေအင်ယူ ဗဟိုကော် မတီ၏ဦးဆောင်မှုအောက်မှာပင် ကြံ့ခိုင်စွာ ကျန်နေခဲ့သည်။

ဗိုလ်မှုးချုပ် ထိန်မောင်သည် ကေအင်ယူ အဖွဲ့အစည်းကို ချစ်မြတ်နိုးသလို ငြိမ်းချမ်းရေးကိုလည်း စစ်မှန်စွာ မြှော်မှန်းခဲ့ သည် ဟု စာရေးသူ ယုံကြည်သည်။ သို့ဆိုလျှင် ကေအင်ယူ အဖွဲ့အစည်းတခုလုံးက ဦးတည်တိုက်ပွဲဝင်နေသည့် နိုင်ငံ ရေးရည်မှန်းချက် မအောင်မြင်သေးပါဘဲလျှက် အဘယ်ကြောင့်ခွဲထွက်သွားခဲ့သနည်း။ တဘက်တွင် စစ်အစိုးရကိုယ် တိုင် နှင့်
၎င်း၏ အဆွယ်အပွားများ၊ လက်ပါးစေများက ဗိုလ်မှုးချုပ်ထိန်မောင်အား နည်းမျိုးစုံဖြင့် စည်းရုံးကြ သည်။ အခြားတဘက်တွင်၎င်းကိုယ်တိုင်၏ အားနည်းချက်ဖြစ်သည်။ ယင်းမှာ သားမက်ဖြစ်သူ စောလယ်မူး အား ကြီးမားစွာ ယုံကြည်မှုထားခြင်းဖြစ်သည်။

စောလယ်မူးသည် ထိုစဉ်က ကေအင်ယူ၏ တာဝန်ကို ထမ်းဆောင်ရင်း ထိုင်းနိုင်ငံ ဘက်ခြမ်း မဲဒမမြို့နယ်အတွင်းရှိ ကနဲကျုကျေးရွာ၌ အဆောင်ဆောင် အခန်းခန်းနှင့် ကြီးမားလှသော အိမ်ကြီး တဆောင် ဆောက်၍ နေသူဖြစ်သည်။ ဗိုလ်မှုးချုပ် ထိန်မောင် ကိုယ်တိုင်ကမူ ဤသည်ကို မနှစ်ခြိုက်။ သားမက်ဖြစ်သူ စောလယ်မူး၏ နေအိမ်သို့ သွားရောက် နေထိုင်လေ့မရှိ။
"ကေအင်ယူ ရဲဘော်တွေ အားလုံး မင်းလို အိမ်ကြီးအိမ်ခိုင် ဆောက်မနေနိုင်ဘဲ မင်းက ဘာလို့ သည်လိုနေတာလဲ" ဟု ပြစ်တင်မောင်းမဲလေ့ရှိကြောင်းကြားရသည်။ သူကိုယ်တိုင်သည်လည်း တောတွင်းရှိ တပ်မဟာ (၇) ဌာနချုပ်တည်ရာ
သူးမွေးနီဒေသရှိ သက်ကယ်မိုး စစ်စခန်းတွင်သာ တောက်လျှောက်နေခဲ့သူ ဖြစ်သည်။ သို့ရာတွင် သူသည်သားမက်စောလယ်မူးအပေါ် ယုံကြည်အားကိုးမှုကမူ လျော့မသွားခဲ့။ စောလယ်မူးသည် စီးပွားရေးရည်မှန်းချက် ကြီးမားသူဖြစ်သည်။

ကေအင်ယူ တခုလုံးအနေဖြင့် မဟုတ်သော်လည်း တပ်မဟာ (၇) အနေနှင့်ပင် ငြိမ်းချမ်းရေးအတွက် အပစ်အခတ် ရပ်စဲရေးလုပ်ရန် စောလယ်မူး၏ ဆွဲဆောင်စည်းရုံးမှုကို ဗိုလ်မှုးချုပ်ထိန်မောင် ခံခဲ့ရကြောင်း ကေအင်ယူ နှင့် နီးစပ်သူအတော်များများက လက်ခံခဲ့ကြသည်။ အပစ်အခတ်ရပ်စဲရေးကို အခွင့်ကောင်းယူပြီး စီးပွားရေးလုပ်ငန်းကြီးများ လုပ် ကာမိမိတို့မိသားစုများ၏ အကျိုးစီးပွားကို ရှာကြရအောင် ဟုပြောလျှက် စောလယ်မူးက တပ်မဟာ (၇) အတွင်းရှိ တပ်မှုးတချို့အား
လိုက်လံစည်းရုံးခဲ့သည်။ ယင်းသို့အစည်းရုံးခံရသော်လည်း အကွဲအပြဲတကယ်တန်း ဖြစ်လာသည့် အချိန်တွင် မိခင်ကေအင်ယူတွင်ပင် ကျန်နေခဲ့သည့် တပ်မှုးငယ် တဦးက စာရေးသူအား ပြန်လည် ပြောပြသည်။

ဗိုလ်မှုးချုပ်ထိန်မောင်၏ အဖွဲ့နောက်သို့ ပါမသွားဘဲ ကေအင်ယူတပ်မဟာ (၇) မှာပင် ကျန်နေခဲ့ သည့် တပ်မှုးများ၏ မိသားစု များကိုပါ စစ်အစိုးရက ဆက်လက်စည်းရုံးသည်။ တပ်မှုးတဦး၏ ဇနီးနှင့်သားကို ရန်ကုန်အထိ ခေါ်ယူ၊ အလည်အပတ်နေရာများကို လိုက်လံပို့ဆောင်၊ ကောင်းမွန်စွာကြွေးမွေးဧည့်ခံ၊ တမြို့လုံးလှည့်လည်ပြီး စီးပွားရေးလုပ်ငန်းများကိုပြသသည်။ ဘာလုပ်ငန်းလုပ်ခြင်သလဲ၊ အရင်းအနှီးရအောင် အထက်လူကြီးများကို တင်ပြပေးမည် ဟု တတွတ်တွတ်ပြောကြသည်။ ထိုင်းမြန်မာနယ်စပ် ဒုက္ခသည် စခန်းတွင် သာ ကြီးပြင်းလာခဲ့သည့် (၁၂) သား အရွယ်မျှ
သာ ရှိသေးသော ကရင်ကလေးက ၄င်း၏ မိခင် အား အောက်ပါအတိုင်း ပြောကြားခဲ့သည်။

" မိုးမိုး၊ ဒီ လူတွေ က တအားကို သဘောကောင်းတယ်နော်။ သည်လူတွေက ကျွန်တော်တို့ ကရင်ရွာတွေကို ဖျက်ဆီး၊ မီးရှို့၊ မုဒိန်းကျင့်၊ ကရင်လူမျိုးတွေကို သတ်ကြတယ် ဆိုတာ ကျွန်တော်တော့ မယုံဘူးဗျ။"

ဗိုလ်မှုးချုပ်ထိန်မောင် လက်ခံလိုက်တဲ့ စစ်အစိုးရရဲ့ ငြိမ်းချမ်းရေးလုပ်ငန်းစဉ်အောက်မှာ ကရင်လူထု ငြိမ်းချမ်းမှု ရရဲ့လား။
ဗိုလ်မှုးချုပ်ထိန်မောင် ဦးဆောင်ပြီး အပစ်ရပ်သွားခဲ့သည်မှာ ယနေ့ဆိုလျှင် ငါးနှစ်ကျော်လာခဲ့ပါပြီ။ လက်နက်များ ဆက်ကိုင်ခွင့်ရနေသဖြင့် ကရင်အမျိုးသားခေါင်းဆောင် စောဘဦးကြီး၏ မူ တရပ်နှင့်အညီ ကရင့်လက်နက် ကရင့် လက်ထဲတွင် ရှိနေသည်မှာမှန်ပါသည်။ ၄င်း၏ တပ်ဖွဲ့များ လွှမ်းမိုးထားရာ ကော့ကရိတ်မြို့နယ် အတွင်းတွင်လည်း စစ်ပွဲများ မဖြစ်တော့ပါ။ စစ်ပွဲများ
မရှိတော့သဖြင့် ကရင်လူထုသည် အမှန်တကယ် ငြိမ်းချမ်းသွားပြီလား။ လေ့လာ ကြည့်ဖို့ လိုပါမည်။

စစ်အစိုးရက တပ်ရင်း အမှတ် ၅၄၆၊ ၅၄၇ နှင့် ၅၄၉ တို့အခြေစိုက်တိုးချဲ့တည်ထောင်ရန်အတွက် ကော့ကရိတ်မြို့ နယ် နဘူးတောင်ရွာတ၀ိုက်ရှိ လယ်ဧက တထောင်ကျော်အား သိမ်းယူခဲ့သည်။ ယင်းအပေါ် အသိမ်းခံ ကရင် လယ် သမားများက
မကြေနပ်သဖြင့် ဆန့်ကျင်လှုပ်ရှားမှု တခု မကြာခင်က ဖြစ်ပွားခဲ့သည်။ လယ်သမား ၇၈ ဦးကို ဦးဆောင် လျှက်ကော့ကရိတ်မြို့ပေါ်သို့ သွားရောက်အရေးဆိုသူမှာ ဗိုလ်မှုးချုပ်ထိန်မောင် ၏ ကေအင်ယူ ခွဲထွက်အဖွဲ့မှ ဒုတိယ ဗိုလ်မှုးကြီး စောဂျိုးဇက် နှင့် ၄င်း၏ ရဲဘော်များ ဖြစ်နေသည်။

လယ်မြေ အသိမ်းခံရသော ကရင် လယ်သမားများအနက် လယ်သူမကြီးဒေါ်ပွင့်ဖေါ က အောက်ပါအတိုင်းဖွင့်ဟသည်။
" ကျမတို့ မိသားစု ရဲ့ လယ်မြေတွေကို အကုန်သိမ်းသွားပြီ။ ဘာတခုမှ မကျန်တော့ဘူး။ ဘာမှ လုပ်စားစရာ မရှိတော့ ဘူး။တပ်ရင်းမှုးဆီကို သွားပြီး တကွက်လောက် ပြန်ပေးပါလို့ တောင်းပန်တယ်။ တပ်ရင်းမှုးက ပြောတယ်။ နိုင်ငံတော် ပိုင် မြေတွေဖြစ်တယ်တဲ့။ နိုင်ငံတော်မှာ သေနတ်ရှိတယ်၊ အာဏာရှိတယ်၊ အကုန်ယူလို့ရတယ် တဲ့။ နင်တို့ ကရင် တွေမှာ ဘာမှ လုပ်ပိုင်ခွင့် မရှိဘူး တဲ့။"

ဒေါ်ပွင့်ဖေါ အပါအ၀င် လယ်သိမ်းခံရသော လယ်သမား ၇၈ ဦး၏ မျက်နှာများကို ကြည့်လိုက်ရုံနှင့် ရှင်းရှင်းကြီး ပေါ်နေ သည်မှာ ကြီးမားသော ပူပင်သောက ဖြစ်သည်။ ၄င်းတို့သည် မငြိမ်းချမ်းနိုင်ပါ။ စစ်ပွဲများ မဖြစ်သော်လည်း လူထုသည် ငြိမ်းချမ်းရေးမရကြပါ။ ပူပင်သော ကများသည် ကြီးမားစွာတောက်လောင်ဆဲ ပင်။ ဤသည်မှာ အဘယ်ကြောင့်နည်း။

"နင်တို့ ကရင် တွေမှာ ဘာမှ လုပ်ပိုင်ခွင့် မရှိဘူး။" ရယ်လို့ စစ်အစိုးရရဲ့ တပ်ရင်းမှုးက ပြောလိုက်တဲ့ စကားဟာ ကရင် အမျိုးသားတွေရဲ့ ရင်ထဲကို ဘယ်လောက်များ ထိခိုက်သွားပါမည်လဲ။ စင်စစ်အားဖြင့်မူ အဆိုပါ တပ်ရင်းမှုးပြောလိုက် သည့် စကားမှာ လက်တွေ့အရ အမှန်ဖြစ်နေဆဲပင်။ ကရင်အမျိုးသားတွေမှာ ဘာမှ လုပ်ပိုင်ခွင့် မရှိပါ။ စစ်အာဏာရှင် စနစ်၏ လွှမ်းမိုးမှုအောက်တွင် ကရင်အမျိုးသား တွေသာမက အခြားမည်သည့် တိုင်းရင်းသား လူမျိုးစုတွင်မျှ ဘာမှ လုပ်ပိုင်ခွင့် မရှိပါ။ တိုင်းရင်းသားလူမျိုးစု တခုခြင်းစီ ရသင့်ရထိုက် သည့် စုပေါင်း အခွင့်အရေးကို စစ်အစိုးရက ယနေ့ အချိန်အထိ အခြေခံဥပဒေ၊ အခြားဥပဒေများနှင့် အညီ ဘာတခုမျှ မယ်မယ်ရရ အသိအမှတ်မပြုသေးပါ။

ကရင်အမျိုးသားခေါင်းဆောင် စောဘဦးကြီးချမှတ်ခဲ့သည့် နောက်ထပ်မူ တခုဖြစ်သည့် "ကရင့် ကြမ္မာ ကရင်ဖန်တည်းခွင့်ရရေး" ဟူသည်မှာ ယနေ့အထိ အိပ်မက်ပမာ မျှသာ ဖြစ်နေပါသေးသည်။ "ကရင့် ကြမ္မာ ကရင်ဖန်တည်း ခွင့်" မရသေးပါဘဲလျှက် အပစ်ရပ်လိုက်သောအခါ ဗိုလ်မှုးချုပ်ထိန်မောင် နှင့် အဖွဲ့ ကိုင်ထားသည့် လက်နက်များမှာ တုတ် သာ သာမျှသာ ဖြစ်လျှက်ရှိနေသည်။ ဗိုလ်မှုးချုပ်ထိန်မောင်နှင့် အဖွဲ့သည် ငြိမ်းချမ်းရေး ကို မြတ်နိုးသည့်အပြင် ကရင်လူထု ၏ အခွင့်အရေးများ ကို ခုခံကာကွယ်တိုက်ပွဲဝင်လိုသည့် စိတ်ဓါတ်၊ ဆန္ဒ နှင့် ခံယူချက်တို့ရှိကြောင်းမည်သို့မျှ
သံသယ မရှိပါ။ တတ်နိုင်သမျှ ကြိုးစားကြသည်ကိုလည်း အသိအမှတ်ပြုပါသည်။ သို့ရာတွင် လျှောက်သည့် လမ်းကြောင်းမှာမူ လွဲနေခဲ့ပြီဟု ပွင့်ပွင့်လင်းလင်း သုံးသပ်ရပါမည်။
(၅) နှစ် ကြာခဲ့ပြီ ဖြစ်သော်လည်း ကရင်ပြည်နယ်တွင်းရှိ ကရင်လူထု ကြီးတရပ်လုံး အတွက် မယ်မယ်ရရ ဘာတခုမျှ လုပ်နိုင်ခဲ့ခြင်း မရှိပါ။ ကျောင်းကလေးနှစ်ကျောင်းမျှ တည်ထောင်၊ ဆေးပေးခန်းကလေးများကို အဖွဲ့အစည်းငွေ ကလေးနှင့် ပံ့ပိုးပေးခြင်းမှ လွဲ၍ကော့ကရိတ်မြို့နယ် တခုလုံးအတွင်းရှိ ကရင်လူထုအခွင့်အရေးများအတွက်ပင် ဖေါ် ဆောင်နိုင်ခြင်းမရှိပါ။

ငြိမ်းချမ်းရေးအတုအောက်တွင် အဖွဲ့အစည်းရပ်တည်ရေး အခက်အခဲများ
ဗိုလ်မှုးချုပ်ထိန်မောင် ခေါင်းဆောင်သည့် KNU/KNLA ငြိမ်းချမ်းရေးကောင်စီ သည်၂၀၀ရ ခုနှစ်တွင် အပစ်အခတ် ရပ်စဲရေးလုပ်ခဲ့ပြီးနောက် စစ်အစိုးရက နှစ်နှစ်ကျော်မျှ ဆန်ရိက္ခာ၊ အစားအသောက်၊ လူ့အသုံးအဆောင် ပစ္စည်း၊ နှင့် ဆေးဝါး အချို့ ထောက်ပံ့ခဲ့ကြောင်း နှင့် သွားရေး လာရေး အတွက်လည်း ကားသုံးလေးစီး ပေးအပ်ခဲ့ကြောင်း သိရ သည်။ ၄င်းတို့အဖွဲ့အနက်
ဗိုလ်မှုးချုပ်ထိန်မောင် နှင့် တပ်တချို့အား ကော့ကရိတ်မြို့နယ် အတွင်းရှိ ထွတ်ကော်ကိုး ဒေသတွင်နေခွင့်ပေးထားသည်။ ဗိုလ်မှုးယဉ်နု နှင့် တပ်တချို့မှာမူ ယခင် တပ်မဟာ (၇) ဌာနချုပ်ရှိရာ သူးမွေးနီတွင် ဆက်လက်နေထိုင်လျှက်ပင် ရှိသည်။
တောင်ယာခုတ်၊ လယ်လုပ်၊ အရောင်းအ၀ယ် လုပ်ခွင့်ပေးထားပြီး လက်နက်များ ကိုလည်း ဆက်လက် စွဲကိုင်ခွင့်ရထားသည်။ စီးပွားရေး လုပ်ငန်းကြီးကြီးမားမား လုပ်ခွင့်ရသည်ကိုတော့ မတွေ့ရပါ။

အဖွဲ့အစည်းရပ်တည်ရေးအတွက် ကြီးမားသော အခက်အခဲ စတင်တွေ့ခဲ့သည်မှာ ၂၀၁၀ ခုနှစ်၌ စစ်အစိုးရက နယ်ခြားစောင့် တပ်ဖွဲ့စည်းရန် သွေးဆောင်၊ ဖိအားပေးလာသည့် အချိန်တွင် ဖြစ်သည်။ စစ်အစိုးရ၏ ဗိုလ်ချုပ်များက ထွတ်ကော်ကိုး သို့ အရောက်လာပြီး ရှင်းပြသည့်အပြင် ဗိုလ်မှုးချုပ် ထိန်မောင်အား ရန်ကုန် နှင့် နေပြည်တော် သို့ပါ ဖိတ်ခေါ်ကာ အကြိမ်ကြိမ်
စည်းရုံးကြသည်။ စည်းရုံးသည့် အကြိမ်တိုင်းတွင်လည်း ဗိုလ်မှုးချုပ် ထိန်မောင်က ခေါင်းခါခဲ့ သည်ချည်းဖြစ်သည်။

စစ်အစိုးရ၏ ဗိုလ်ချုပ်များက ထွတ်ကော်ကိုးသို့ ငွေအိပ်ကြီးများကိုပါ ယူလာပြီး နယ်ခြားစောင့်တပ်ဖွဲ့မည်ဟု သဘောတူပါက ဤငွေထုပ်ကြီးများ ထဲတွင် ပါသည့်ငွေများသာမက နောက်ထပ် ကြိုက်သလောက်တောင်းပါ ပေး ပါ့မည် ဟု ဆွဲဆောင်ခဲ့ကြသည်။
ဗိုလ်မှုးချုပ် ထိန်မောင်က ခေါင်းခါမြဲ ခေါင်းခါခဲ့သည်။ ချော့၍မရသော အခါ ခြိမ်းခြောက်သည့် လေသံများ ပါလာသည်။

ဗိုလ်မှုးချုပ် ထိန်မောင်မှာ အသက် (၈၄) နှစ်မျှရှိပြီ ဖြစ်သော စစ်သားအိုကြီး ဖြစ်ပါသည်။ စစ်ပြန်တိုက်ရန် အဘယ် မှာလျှင်တတ်နိင်ပါတော့အံ့နည်း။ သို့ရာတွင် နယ်ခြားစောင့်တပ်ဖွဲ့ခြင်းအားဖြင့် စစ်အစိုးရ ခိုင်းတာလုပ်ရမည့် ဘ၀ကိုတော့ အရောက်မခံဟူသော စိတ်ဓါတ်ကို ခိုင်ခိုင်ကျည်ကျည် ဆုတ်ကိုင်ခဲ့သည်။ နောက်ဆုံးတွင် ဗိုလ်မှုးချုပ် ထိန် မောင်သာမက ၄င်း၏ ဇနီးဖြစ်သူ မူးဂါးပယ်ကပါ စကားတခွန်းကို ပြောရင်း အပြတ်သားဆုံးတုန့်ပြန်လိုက်သည် ဟု သိရသည်။

" အဖွဲ့အစည်းမှာ ကျုပ်ခေါင်းဆောင်နေသမျှတော့ နယ်ခြားစောင့်တပ်ဖွဲ့တာကို လက်မခံနိုင် ဘူး။
ကျုပ်မှာ တာဝန်ရှိ နေလို့ဖြစ်တယ်။ ကျုပ်လဲ အသက်ကြီးပြီ။ ဒီတော့ ကျုပ်ကို အရင်သတ်ပြီးမှ၊
ကျုပ်မှာ တာဝန်မရှိတော့တဲ့ အခါကျ မှ ကျန်တဲ့ ခေါင်းဆောင်တွေနဲ့ဆွေးနွေးပါ။"

မူးဂါးပယ် ကလည်း "ကျမ ယောင်္ကျားကို သတ်ရင် ကျမကိုလည်း သတ်ပါ။ ကျမတို့လင်မယားနှစ်ယောက်လုံးကို သတ်ပြီးမှ နယ်ခြားစောင့်တပ် လုပ်ပါ" ဟု ခိုင်ခိုင်မာမာရပ်တည် ပြောဆိုပေး သည်။ ထိုအခါကျမှ ဗိုလ်ချုပ်များ
လက်လျှော့၍ ပြန်သွားကြသည်။

စစ်အာဏာရှင်များသည် ရက်စက်ကြသည်။ ငြိမ်းချမ်းရေးအတွက် ရိုးရိုးသားသား မြှော်ကိုးကာ မိမိတို့နှင့်
လက်တွဲလာ သော ကရင် ဗိုလ်ချုပ်အဖိုးအိုကြီး၏ စေတနာကို စော်ကားကြသည်။ ကရင်လူထု၏
အခွင့်အရေးအတွက် နိုင်ငံရေး အရ တရားဝင်ဆွေးနွေးမှု ဘာတခုမှ မပြု။ ကရင် ဗိုလ်ချုပ်အဖိုးအိုကြီးနှင့်
အဖွဲ့ကြေနပ်အောင် နှစ်သိမ့်သည့်အနေဖြင့် လက်နက်ကိုင်ခွင့် နှင့် ချောင်တချောင်မှာ
လုပ်ကိုင်စားသောက်ခွင့်သာ ပေးထားလိုက်သည်။

ဗိုလ်မှုးချုပ်ထိန်မောင် သည် ထိုမှ နောက်ပိုင်းတွင် အတော်ပင် စိတ်ထိခိုက်ခံစားရကြောင်း ကြားရသည်။
ထမင်း ကောင်း ကောင်း မစားနိုင်ခဲ့သည့်ရက်များ အတော်ကြာခဲ့သည်။ ယခင်က စစ်အစိုးရ၏ ဗိုလ်ချုပ်များအနက် ဗိုလ်ချုပ် ရဲမြင့် ဆိုသူမှာ ထွတ်ကော်ကိုးသို့ မကြာခဏရောက်လာလေ့ရှိပြီး ဗိုလ်မှုးချုပ်ထိန်မောင် နှင့် မိသားစု သဘွယ် ရင်းနှီး ကျွမ်းဝင်အောင် လုပ်နိုင်ခဲ့သူ ဖြစ်သည်။ ဆက်ဆန်ရေး ကောင်းခဲ့စဉ်က ဗိုလ်ချုပ်ရဲမြင့်နှင့် ဗိုလ်မှုးချုပ်ထိန်မောင် တို့ နှစ်ဦး တွဲရိုက်ထားသည့် ဓါတ်ပုံကို ဗိုလ်မှုးချုပ်ထိန်မောင်၏ အိမ်နံရံတွင်တခန်းတနား ချိတ်ထားခဲ့သည်။ နယ်ခြားစောင့် တပ် ပြသနာ တက်ပြီးနောက် တရက်တွင် ၄င်းဓါတ်ပုံ၌ ဗိုလ်ချုပ်ရဲမြင့် ၏ မျက်လုံးကို ဘောပင်နှင့် ထိုးဖေါက် ကုတ်ခြစ် ထားသည် များကို တွေ့ရသဖြင့် အိမ်သားများကစိုးရိမ်တကြီးနှင့် ဒါဘယ်သူလုပ်တာလဲ ဟု မေး ကြသည်။ "ငါလုပ်တာ" ဟု ဗိုလ်မှုးချုပ်ထိန်မောင်ကဖြေကြောင်းသိရသည်။ စစ်အစိုးရ၏ ငြိမ်းချမ်းရေး အတု အောက်တွင် လိုက်ပါ ခဲ့မိသည့် ကရင် အမျိုးသားဗိုလ်ချုပ်အိုကြီး ကိုယ်တိုင်ခမျာ မှာ မငြိမ်းချမ်းနိုင်ရှာပါ။

နယ်ခြားစောင့်တပ်ဖွဲ့ရေးကို ဗိုလ်မှုးချုပ်ထိန်မောင် နှင့် အဖွဲ့က ပြတ်ပြတ်သားသားငြင်းဆန်ခဲ့ပြီးနောက် အစိုးရ သည်ယနေ့အချိန် မည်သည့် ရုပ်ဝတ္တု ပစ္စည်း အထောက်အပံ့မျှ မပေးတော့ကြောင်းသိရသည်။ မြ၀တီ မှ ဖါးအံသို့သွားသည့် လမ်းကိုပင် အသုံးပြုခွင့် မပေးတော့သဖြင့် ဗိုလ်မှုးချုပ်ထိန်မောင်ရှိရာ ထွတ်ကော်ကိုးမှ ဖါးအံသို့အရောက် ကိုယ့်ဖာသာကိုယ် လမ်းဖေါက် အရောင်းအ၀ယ်ကလေးများလုပ်၊ လယ်လုပ်၊ မွေးမြူရေး၊ သစ် စသည်များ
လုပ်ရင်း လုပ်ကိုင် စားသောက်နေကြကြောင်း ကြားသိရသည်။

နိဂုံး

ကရင်အမျိုးသားအစည်းအရုံးအတွင်း စည်းရုံးရေးပြသနာ နှင့် ပြည်တွင်းငြိမ်းချမ်းရေး ဟူသည့် ခေါင်းစဉ်ဖြင့် စာရေးသူ ၏ဆောင်းပါးများအား ဤတွင် တခန်းရပ်ပါမည်။ ဦးသိန်းစိန် ဦးဆောင်သည့် အစိုးရအားဖြစ်စေ၊ ထာဝရ ငြိမ်းချမ်းရေး ဟူသည်ကို တက်ကြွစွာ ကြွေးကျော်လျှက် ပြေးလွှားလုပ်ဆောင်နေသော ၀န်ကြီးဦးအောင်မင်း နှင့် အခြား ၀န်ကြီးများအားဖြစ်စေ မည်သည့် အာဃာတနှင့် ပုတ်ခတ်တိုက်ခိုက်ရေးသားနေခြင်း မဟုတ်ပါ။ အမှန်ကို အမှန်အတိုင်း
ဖေါ်ထုတ် ရေး သားနေခြင်းသာ ဖြစ်သည်။ ပြည်တွင်း ငြိမ်းချမ်းရေးကို အမှန်တကယ် လိုလားသည်ဟု ဆိုပါက ကိုယ့် အမျိုးသား ရေး အတွက် ယုံကြည်ချက်ဖြင့် ရိုးရိုးသားသား တိုက်ပွဲဝင်လျှက် ရှိကြ သော တိုင်းရင်းသား တော်လှန်ရေးအင်အားစု များ ကို မှန်မှန်ကန်ကန်ချည်းကပ်သင့်ပါသည်။

ဗိုလ်မှုးချုပ် ထိန်မောင် နှင့် အဖွဲ့၏ သာဓက ကို သုံးသပ်မည်ဆိုလျှင် နိုင်ငံရေး အမြင်ရှိသော၊ အဖိနှိပ်ခံလူထုဘက်မှ ရပ်လိုသော တိုင်းရင်းသားများသည် အသေသာခံသွားမည် ၄င်းတို့၏ လက်နက် ကို မစွန့်လိုကြကြောင်း တွေ့ရသည်။ ၄င်းတို့ လူထု ရထိုက်သည့် ကိုယ့်ကြမ္မာကိုယ်ဖန်တည်းခွင့်၊ ကိုယ်ပိုင်ပြဌာန်းခွင့် အခွင့်အရေးများကို ကာကွယ်သွားရန် ၄င်းတို့၏ လက်နက်ကိုင် တပ်မတော်ကို တည်ရှိစေလိုသည်။ သို့ဖြစ်၍ ဤသည်ကို ငြိမ်းချမ်းစွာ ဖြေ ရှင်းလိုသည် ဆိုပါက
ဦးသိန်းစိန်အစိုးရ လက်ရှိ ကိုင်စွဲထားသော တပ်မတော် တရပ်တည်း မူကို စွန့်လွှတ်၍ ပြည်ထောင်စု တပ်မတော် တရပ်ကို မည်ကဲ့သို့ ထူထောင်မည် ဟူသည်ကို အမြန်ဆုံး စတင်ဆွေးနွေးကြဘို့ လိုပါသည်။

ဥပဒေ ပြသနာကိုလည်း ထောက်ပြလိုသည်။ ပြည်ထောင်စု တပ်မတော်၏ အစိပ်အပိုင်းအဖြစ် တရားဝင် အသိအမှတ် မပြုဘဲ ဗိုလ်မှုးချုပ် ထိန်မောင် နှင့် အဖွဲ့အား ရပ်တည်ခွင့်ပေးထားခြင်းမှာ မည်သည့်တည်ဆဲဥပဒေနှင့် မျှမညီပါ။ သည် အတိုင်းထား၍မရပါ။ သို့ဖြစ်၍ ပြည်ထောင်စု တပ်မတော် ဖွဲ့စည်းရေးကို သဘောတူလျှင် ဥပဒေတရပ်ကို အသစ် ပြဌာန်း
ရပါမည်။ ဦးသိန်းစိန် အစိုးရသည် "သေနတ်မပေါက်ရေး နှင့် စစ်မတိုက်ရေး" ကိုသာ ပန်းတိုင်ထား၍ ထာဝရ ငြိမ်းချမ်းရေးရှာဖွေသည့် လမ်းစဉ်ကို စွန့်လွှတ်ဘို့ လိုပါသည်။"

တချိန်တည်းတွင် ဗိုလ်မှုးချုပ် ထိန်မောင် ဦးဆောင် လုပ်သွားသကဲ့သို့ ငြိမ်းချမ်းရေးဟူသည်ကို ကြွေးကြော်လျှက်
မိခင် ကေအင်ယူမှ ခွဲထွက်ပြီး သီးခြား အဖွဲ့တရပ်တည်ထောင် လှုပ်ရှားခြင်းမျိုး မလုပ်သင့်ပါ။ ဤကဲ့သို့သောဖြစ်ရပ်မျိုးမှာ ဆက်လက်ပေါ်ပေါက်နေမည်ဆိုလျှင် ကရင်လူထုအတွက်ကိုယ့်ကြမ္မာကိုယ်ဖန်တည်းခွင့် မရရုံသာမက တပြည်လုံး
စစ်မှန်သည့် ပြည်တွင်းငြိမ်းချမ်းရေး အတွက်လည်း မည်သို့မျှ အထောက်အကူ မပြုနိုင်ပါ။ ဤကဲ့သို့ နိုင်ငံရေးအရ အရေးကြီးသည့် အချိန်တွင် ပြန်ပေါင်းထုတ်သင့်ကြပြီး ကရင်အမျိုးသား အစည်းအရုံးကြီး၏ ညီညွတ်မှုအင်အားကို ပြန်လည်ပြသနိုင်မည် ဆိုလျှင် အခြားတိုင်းရင်းသား တော်လှန်ရေး အဖွဲ့များကိုပါ ရိုက်ခတ်ပါ မည်။ နိုင်ငံရေး အင်အားကြီး ဖြစ်လာနိုင်ပါမည်။ သို့မှသာ စစ်မှန်ပြီး တန်းတူသော နိုင်ငံရေးဆွေးနွေးပွဲများ ရှိလာပြီး စစ်မှန်သည့် ငြိမ်းချမ်းရေးတည်ဆောက်ခြင်းဖြင့် သာယာဝပြောသည့်ပြည်ထောင်စုကြီး တရပ်ပေါ်ပေါက်လာစေ ရန် ရည်သန်ရင်း ဤတွင် နိဂုံးချုပ်ပါသည်။


အောင်ထူး (ရှေ့နေ)
အောက်တိုဘာလ (၁၈) ရက် ၂၀၁၂ ခုနှစ်