အမယ်ဘုတ် ချည်ခင်ရှုပ်

ရှုပ်အောင်လုပ်တဲ့လူကလုပ်ပြီးပြီ။ လုပ်တဲ့လူပြန်ရှင်းဆိုရင် မရှင်းတတ်ရင်လဲပိုရှုပ်မယ်။ သို့သော် ရှင်းတာကတော့ ရှင်းရမယ်။

မြန်မာနိုင်ငံနေ့စဉ်သတင်း။ ပြန်ပေး၊ ပြန်ရှင်းရမဲ့ လယ်သိမ်းမြေသိမ်းခြင်းကျူးလွန်ခြင်းတွေကလဲနေရာတကာ။ သိမ်းတော့လဲဥပဒေမရှိဘူး။ ပြန်ပေးဘို့လဲဥပဒေမရှိဘူး။ သန်းခေါင်စာရင်းကလဲကောက်ဦးမယ်။ လူမျိုးဘဲထည့်၊ ကျန်တာမထည့်နဲ့တချို့ကဆို။ သူ့အမျိုး၊ သူဘာသာထည့်ပေးတချို့က ပြော။ တိုင်းရင်းသား၁၃၅မျိုး ဆိုတာလဲအတည်လိုလိုဘာလိုလို။ ဖွဲ့စည်းပုံအခြေခံဥဒေ ပြင်ဆင်ရေး။ ဘယ်ဟာကလိုတယ်၊ သိတဲ့လူတွေနဲ့ မဟုတ်ဘူး၊ တခုလုံးဘဲတတ်တဲ့လူချည်းပါဘဲ။ ဖွဲ့စည်းပုံပြင်ဆင်ရေးတွင် တပ်မတော်ပါဝင်လာရေး ဆိုတဲ့လူလဲရှိသေးတယ်။အောင်မင်းရဲ့ငြိမ်းချမ်းရေး၊ အလိမ်ခံချင်နေတဲ့ လူတွေ သွားပြီးလိမ်တယ်၊ အောင်မြင်သမှ သိပ်အောင်မြင်။ “ယူမယ်မယူမယ်ဖြင့် မသေချာသေးဘူး၊ တက်ချင်တာကအရင်၊ အရင်”နဲ့တွေ့ကြပြီ၊ မှတ်ကရော။ရေမှုတ်တဘက်၊ မီးစတဘက်၊ ရာဇပရိယာယ်ပေါ့၊ လက်နက်ချတဲ့လူကိုတိုက်နဲ့ကား၊ မချတဲ့လူကိုတုတ်နဲ့ဓါး။ အပြောကတတိုင်းတပြည်လုံးအပစ်အခတ်ရပ်စဲရေး။ တိုက်နေတုံး၊ ပြေးနေဆဲ။ တိုင်းပြည်မှာမနေချင်တဲ့လူတွေ၊ တရားမ၀င်ခိုးဝင်မှု နှိမ်နင်းမယ်၊ ဟိုကကြေငြာပြန်ပြီ။ အခုမှ ဖက်ဒရယ်လေ့လာရေးသွားတဲ့လူကလဲရှိသေး။

၂၀၁၅ ရွေးကောက်ပွဲကလာအုံးမယ်။ ဒေါ်အောင်ဆန်းစုကြည် သမတဖြစ်မှာကိုစိုးရိမ်တဲ့လူနဲ့ မဖြစ်မှာကိုစိုးရိမ်တဲ့လူတွေ၊ ဒီတချက်နဲ့တင် ရတက်မအေးတဲ့လူတွေလဲဒုနဲ့ဒေး။ ဖွဲ့စည်းပုံ ပြင်ပြင်၊ မပြင်ပြင်။ ကော်မရှင်သာတည်ကြည်ပါစေ။ မဖြစ်မှာတော့ မပူနဲ့။ဖွဲ့စည်းပုံ Constitution ဟာဥပဒေအချုပ်၊ လူပြိန်းသိတယ်။ ဖွဲ့စည်းပုံ ပြင်ဆင်ရေး Constitution Amendment သည် အဲဒီပုဒ်မ ပြဌာန်းချက်ဘဲ။ နဂိုပြဌာန်းချက် လွယ်ချင်လွယ်၊ ခက်ချင်ခက်။ ဒီအချက်ကိုစပြီးပြင်။ ဒါဆိုရင်ဆက်သွားနိုင်တယ်။ ဘယ်လိုပြင်ရမလဲ။ ဒီပုဒ်မကိုလွှတ်တော်ကိုပေးလိုက်ရင် ပြတ်ရော။ ဘာလို့ ပေးရမလဲ။ ပြည်သူ့ကိုယ်စားလှယ်တွေ မဟုတ်ကြဘူးလား။ ဒီလုပ်ပိုင်ခွင့်လောက်မှ အပ်နှင်းမခံရဘူးဆိုရင်တော့ ဘာလွှတ်တော်လဲ။ဒါကဖြေးဖြေးငြင်သာပြောင်းလဲချင်တဲ့ဘက်ကပြောတာ။ အဓိကသည် ပြောင်းလဲချင်တဲ့ဆန္ဒ အားလုံးမှာရှိရင် ဖြစ်တယ်။ဘယ်အပိုင်းကဖြစ်ဖြစ် အမှန်ကိုမြင်တဲ့ခေါင်းဆောင်တွေတက်လာရင် တဆင့်ပြီးတဆင့် ပြောင်းလဲလာမှာဘဲ။

ဒေါ်စု။ ၉၀ ရွေးကောက်ပွဲအဖြေထွက်လာတော့ သတင်းထောက်ကရုတ်တရက် မေးတယ်။ “ဖွဲ့စည်းပုံအခြေခံဥပဒေမရှိဘူး။ ခုချက်ခြင်းအာဏာလွှဲအပ်ရင် ဘယ်ဥပဒေသုံးမလဲ” “၄၇ ဥပဒေ ပြုပြင်ပြီးသုံးမယ်” “ဒါပြီးရင် ဘာဆက်လုပ်မလဲ” “ဒုတိယပင်လုံသွားမယ်” ဒါဟာတကယ့်လုပ်သင့် လုပ်ထိုက်တဲ့ အမှန်တရားဖြစ်တယ်။ အမှန်ကိုမြင်တဲ့အတွက် ခေါင်းဆောင်အဖြစ် ဒေါ်စုကိုယုံကြည်ရတဲ့ အချက်ဟာအဲဒါဘဲ။ ဖွဲ့စည်းပုံ Constitution က မရှိလို့ မဖြစ်တော့ မရှိတာထက်ကတော့ Better than Non ရှိတဲ့ဟာသုံးရမယ်။ အသားလွတ်မဟုတ်ဘူး၊ ဆီလျော်အောင် ပြုပြင်သုံးရမယ်။ ပြုပြင်သွားဘို့သည် လွှတ်တော်တာဝန်။ ဘာလို့လဲဆိုတော့ ဒုတိယပင်လုံသွားနိုင်အောင် လုပ်ဆောင်ရမဲ့အလုပ်တွေကိုလုပ်နိုင်ဘို့ ဖြစ်တယ်။ အဲဒါကဘာတွေလဲ။

နံပါတ်တစ်ကတိုင်းရင်းသားဆိုတဲ့ အခေါ်အဝေါ်ကို ရှင်းရမယ်။ ပြဌာန်းတဲ့ ဥပဒေရှိရမယ်။ ၁၃၅ မျိုးဆိုတာကို ပြန်စီစစ်ရမယ်။ လူမျိုးရှစ်မျိုးဆိုတာကတော့ ၁၉၆၁ ဇွန်လကျင်းပတဲ့ တောင်ကြီးညီလာခံဆုံးဖြတ်ချက်များProcessအမှန်ရှိတော့ အားလုံးကအတည်ပြု လက်ခံတယ်လို့ ယူဆလို့ရတယ်။ ကဲ ၁၃၅ မျိုးဆိုတာဘယ် Process ကလဲ။ ကျနော်ကချင်းဖြစ်လို့ ချင်းကိုဥပမာထားပြီးပြောမယ်။ တိုင်းရင်းသား ၁၃၅ မှာချင်း ၅၄မျိုးလို့ ပြောတယ်။ အမျိုးအမည်၊ နယ်ပါယ်အမည်၊ ရွာအမည်တွေ ရောထွေးနေတယ်။ အမျိုးဆိုတာမှာလဲဥပမာ Tribe ကနေ Clan တွေ ပွါးလာတယ်။ အဲဒီ ၅၄ မျိုးမှာ Tribe နဲ့ Clan လဲရောထွေးနေတယ်။ မပါတဲ့ဟာကရှိသေး။ မြန်မာနိုင်ငံအတိုင်းအတာအတွင်းမှာချင်း (၆)မျိုးဘဲရှိတယ်။ ၅၄မျိုးဆိုတာဘယ်ချင်းတွေရဲ့ တင်ပြချက်လဲ။ ဘယ်တုံးကလဲ။ သောက်ရမ်းသတ်မှတ်လို့ မရဘူး။ အမျိုးအနွယ်များဆင်းသက်လာပုံသမိုင်းရှိတယ်။ချင်းဘယ်နဲ့မျိုးရှိတယ်။ ချင်းကိုမေး။

ကျနော်တို့ ပြည်ထောင်စုကိုသွားမယ်ဆိုရင် ပြည်ထောင်စုမှာဘာ၊ ပြည်နယ်မှာဘာထားမယ်၊ သိကြတယ်။ အေး - အဲဒီပြည်နယ်မှာလူမျိုး National က ရှင်းတယ်၊ ထား။ အဲဒီလူမျိုး(National)မှာဘယ်တိုင်းရင်းသား (Ethnic)များပါဝင်သလဲ။ ချင်းလူမျိုး (Chin National)မှာဘယ်ချင်းတိုင်းရင်းသားတွေ (Chin Ethnics) ပါဝင်သလဲ။ သတ်မှတ်ပြဌာန်းဘို့လိုတယ်။ ဘာလို့လဲ။ ပြည်နယ်ကဥပဒေပြုအာဏာ၊ အုပ်ချုပ်ရေးအာဏာ၊ တရားစီရင်ရေးအာဏာပိုင်ဆိုင်ရမယ်။ အဲဒီပြည်နယ်မှာဥပဒေအတူပြုပြီးတော့ အုပ်ချုပ်ရေးအာဏာနဲ့ တရားစီရင်ရေးအာဏာကိုပိုင်ဆိုင်တဲ့ ကိုယ်ပိုင်အုပ်ချုပ်ရေးဒေသတွေ ပြန်ခွဲရမယ်။ကိုယ်ပိုင်အုပ်ချုပ်ရေးဒေသကိုပိုင်ဆိုင်မဲ့ တိုင်းရင်းသားအုပ်စုများသတ်မှတ်ရမယ်လေ။အမျိုးမှန်တယ်၊ စတင်အခြေချစဉ်ကခွဲပြီးတော့ နေရာယူလာကြတယ်။ တူညီတဲ့ အချိန်ကာလကို ဖြတ်သန်းလာကြတယ်။ဒါကြောင့်ပိုင်ဆိုင်တဲ့ နယ်မြေအကျယ်အ၀န်း၊ တိုးပွါးလာတဲ့လူဦးရေ၊ ဘာသာစကား၊ ယဉ်ကျေးမှုအုပ်စုအဘက်ဘက်ကမတိမ်းမယိမ်းတန်းတူရှိကြတယ်။ ကျနော်ပြောတဲ့ အဲသလိုတန်းတူတဲ့ ချင်း (၆)မျိုးဟာ - နာဂ၊ ဇိုမီး၊ လိုင်မီး၊ ခူမီး၊ ချိုး၊ အရှို တို့ ဖြစ်တယ်။ ပြည်ထောင်စုမှာဖြစ်ဖြစ်၊ ပြည်နယ်မှာဖြစ်ဖြစ် ဥပဒေအတူပြုခြင်းဟာတခုနဲ့တခုဆက်သွယ်၊ ဆက်ဆံ၊ ပေါင်းသင်းရဘို့အတွက်ဖြစ်တယ်။ ခုကာလ ပြည်နယ်တခုမှာလူမျိုးတခုထဲ ဖြစ်ချင်မှ ဖြစ်မယ်။ ပြည်နယ်တခုအတွင်းဒီကိုယ်ပိုင်အုပ်ချုပ်ရေးဒေသပိုင်ဆိုင်ရတဲ့အဆင့်အတန်းမရှိတဲ့ တိုင်းရင်းသားတခုခုလဲရှိကောင်းရှိနိုင်တယ်။ ဒါပေမဲ့ ဒေသကိုဒေသန္တရမြို့နယ်များပြန်စိတ်ပိုင်းတဲ့အခါ မြို့နယ်ကိုတော့ ပိုင်ဆိုင်ခွင့်ရမှာဘဲ။ ဒေသန္တရအုပ်ချုပ်ရေးဟာလဲသဏ္ဍန်တူကိုယ်ပိုင်အုပ်ချုပ်ရေးပါဘဲ။ သူ့မြို့နယ်အုပ်ချုပ်ရေး၊ တရားစီရင်ရေးဟာသူ့နယ်ခံသားပိုင်ဆိုင်ရမှာဘဲ။ တိုင်းရင်းသားတခုခုဟာ မြိုနယ်တခုအဖြစ်လောက်မှ မစုစည်းဘူး၊ ပြန့်ကျဲနေတယ်ဆိုရင်တောင်မှ သူ့အသင်းအဖွဲ့ Association နဲ့ ရပ်တည်ပြီးထိုက်သင့်တဲ့စုရပ်နေရာတခုခုမှာတော့ လာပြီးပါဝင်နိုင်မှာပါဘဲ။ ဒါကြောင့် “တိုင်းရင်းသား Ethnic” ပြန်လည်စီစစ်သတ်မှတ်ရေးသည် အဓိကလိုအပ်ချက်ဖြစ်ပြီး ပြည်နယ်ကိုဒေသများစိတ်ပိုင်းဘို့ကဒုတိယလိုအပ်ချက် ဖြစ်တယ်။ ဘယ်ဖွဲ့စည်းပုံ၊ ဘယ်လွှတ်တော်နဲ့မဆိုဘယ်အချိန်ကာလမှာဖြစ်စေလုပ်ဆောင်သင့်၊ လုပ်ဆောင်နိုင်တဲ့အရာ ဖြစ်တယ်။

ဒါပြီးတော့ ဘယ်ကိုသွားရမလဲ။ ဒုတိယပင်လုံကိုသွားရမယ်။ ဘာလို့သွားရမလဲ။ မသွားရင် ပြည်ထောင်စုမဖြစ်ဘူး။ မသွားရင်ကော။ မသွားရင် ပြည်ထောင်စုနဲ့ တူကောင်းတူလာမယ်။ ဒါပေမဲ့မဖြစ်ဘူး။ ၁၉၄၇ ခုနှစ် ဖေဖော်ဝါရီလ (၁၂)ရက်နေ့ဟာပင်လုံစာချုပ်ကိုချုပ်ဆိုတဲ့ သမိုင်းမှတ်တိုင်ကြောင့် အဲဒီအကြိမ်ကိုပထမပင်လုံလို့ လူသိများပါတယ်။ ဒါပေမဲ့ အဲဒီအကြိမ်မတိုင်ခင်မှာခေါင်းဆောင်များပင်လုံမှာတကြိမ်ဆုံခဲ့ကြဘူးတယ်။ ဒုတိယဖြစ်ဖြစ် တတိယဖြစ်ဖြစ် ပြည်ထောင်စုဖြစ်ဘို့ရာအတွက် ပင်လုံမှာ ပြန်ဆုံဘို့လိုတယ်။ ၁၉၄၇ ဖေဖော်ဝါရီလ (၁၂)ရက် ချုပ်ဆိုတဲ့ စာချုပ်ဟာပင်လုံစာချုပ်ဘဲဖြစ်တယ်။ တောင်တန်းနဲ့ပြည်မလွတ်လပ်ရေးအတူယူဘို့ သဘောတူတဲ့ စာချုပ်ဖြစ်တယ်။ ချင်း၊ ကချင်၊ ရှမ်းနဲ့ မြန်မာပြည်ကြားဖြတ်အစိုးရတို့ရဲ့ အစည်းအဝေးဖြစ်ပြီးလွတ်လပ်ရေးအတူယူဘို့ သဘောတူကြောင်းနဲ့ ကြားဖြတ်အစိုးရမှာ ပါဝင်ကြမဲ့အကြောင်းချင်း၊ ကချင်၊ ရှမ်းနဲ့ ကြားဖြတ်အစိုးရတို့ လက်မှတ်ရေးထိုးတဲ့ စာချုပ်သာလျှင်ဖြစ်တယ်။ ပြည်ထောင်စုစာချုပ်မဟုတ်ဘူး။ ဒါကြောင့်လဲအခုထက်ထိ ပြည်ထောင်စုဟာ အီးယောင်ဝါးခံရတာ ဖြစ်တယ်။ အခုပြန်ဆုံမဲ့ပင်လုံဟာ ပြည်ထောင်စုစာချုပ် ချုပ်ဆိုဘို့ ဖြစ်တယ်။ ဒီညီလာခံဟာဒီလူမျိုးရှစ်မျိုးရဲ့ ညီလာခံ ဖြစ်တယ်။ အဲဒီလူမျိုးရှစ်မျိုးမှာ ပါဝင်တဲ့ တိုင်းရင်းသားအုပ်စုတွေရဲ့ ကိုယ်စားလှယ်တွေ စုံညီပါဝင်ရမှာ ဖြစ်တယ်။ ဘယ်နိုင်ငံရေးပါတီ၊ လူတန်းစားအဖွဲ့အစည်းနဲ့မှ မဆိုင်ဘူး။ ပြည်ထောင်စုစာချုပ်ထွက်လာပြီဆိုမှ ဒါကိုအခြေခံမူအဖြစ် အခြေခံပြီး ပြည်ထောင်စုဖွဲ့စည်းပုံအခြေခံဥပဒေကိုရေးဆွဲရမှာ ဖြစ်တယ်။ ဥပဒေရေးဆွဲတဲ့အခါကျတော့မှ သက်ဆိုင်ရာပညာရှင်၊ နိုင်ငံရေးပါတီ၊ လူတန်းစားအလွှာပေါင်းစုံ၊ ပြည်သူလူထုမည်သူမဆိုများ ပါဝင်ရမှာ ဖြစ်တယ်။
ကဲ - မြန်မာ့အမယ်ဘုတ်ရဲ့ နိုင်ငံရေးချည်ခင်ရှုပ်ကိုရှင်းဘို့နည်းလမ်းကတော့ ဒါပါဘဲ။သက်ဆိုင်သူအပေါင်း ကြားကြ၊ နာကြစေသတည်း။
ဆလိုင်းကီးလဲအောမ်း
၂၀၁၄ ခုနှစ် ဇန်နာဝရီလ (၁၇)ရက်
---------------------------------------------------------------------------------------------------------------------
ရေးသားသူဆလိုင်းကီးလဲအောမ်းသည် ၁၉၉၇ ခုနှစ် နိုဝင်ဘာလတွင် ပြည်ပသို့ထွက်ပြေးလာရသူ ဖြစ်ပြီး မြန်မာ့ဒီမိုကရေစီအရေးတွင် တက်ကြွစွာ ပါဝင်လာခဲ့သူ ဖြစ်ပါသည်။ သူကိုယ်တိုင် မူဝါဒချမှတ်၍ ၂၀၀၈ ခုနှစ်တွင် ဖွဲ့စည်းသောချင်းတိုင်းရင်းသားလူမျိုးများကောင်စီ၊ စည်းရုံးရေးကော်မိတီမှ အခြေခံကောင်စီများဖြစ်သောချိုးတိုင်းရင်းသားကောင်စီ၊ ခူမီးတိုင်းရင်းသားကောင်စီ၊ ဇိုမီးတိုင်းရင်းသားကောင်စီ၊ လိုင်မီးတိုင်းရင်းသားကောင်စီတို့ ပေါ်ပေါက်ရေးကြိုးပမ်းစဉ် Refugee Resettlement Program အရ ၂၀၁၁ ခုနှစ် စက်တင်ဘာလတွင် Illinois State, U.S.A သို့ရောက်ရှိနေထိုင်ရသူ ဖြစ်ပါသည်။ ယခုအခါ သူကိုယ်တိုင် ၂၀၀၈ ခုနှစ်တွင် လမ်းညွှန်ထူထောင်ခဲ့သည့် နိုင်ငံရေးနှင့် ဘာသာရေးမပါသောလူမှုရေးအဖွဲ့ဖြစ်သည့်KCho Ethnic Association (CEA) တွင် နာယကတာဝန် ထမ်းဆောင်နေပါသည်။
---------------------------------------------------------------------------------------------------------------------