ကေအဲန်ယူ-ကရင်အမျိုးသားအစည်းအရုံး ဥက္ကဌဗိုလ်ချုပ်ကြီးစောမူတူးစေးဖိုး၏ (၆၆) ကြိမ်မြောက် ကရင့်အမျိုးသားတော်လှန်ရေးနေ့ မိန့်ခွန်း

President Speech on _66_th Karen Resistance Day in Burmese

Finalizing Karen Resistance Day, Address of Knu Chairman 2015

Type the rest of your post here.

(၆၆)ကြိမ်မြောက် ကရင့်တော်လှန်ရေးနေ့ AKO ၏ထုတ်ပြန်ကြေညာချက်

AKO Statements for 66th Karen Revolution Day Final

AKO Statements for 66th Karen Revolution Day (2)

Type the rest of your post here.

၆၆ ကြိမ်မြောက်ကရင့်တော်လှန်ရေးနေ့ နိုင်ငံတကာ ကရင့်အမျိုးသားအစည်းအရုံး IKO ၏သဘောထားထုတ်ပြန်ကျေငြာချကိ

66 Resistance Day IKO Statement - 1-2015

Type the rest of your post here.

တအာင်းတပ်မတော် (TNLA)နှင့် မြန်မာ့တပ်မတော်တို့ ပန်းဆေးဒေသတွင် တိုက်ပွဲဆက်လက်ဖြစ်ပွါး

၂၀၁၅ ခုနှစ် ဇန်န၀ါရီလ ၂၇ ရက်

တအာင်းတပ်မတော်(TNLA) တပ်မဟာ(၁)နယ်မြေ၊ နမ့်ခမ်းမြို့နယ်၊ ပန်းဆေးဒေသ၊ မန်ပန်ရွာအနီးတွင် ယနေ့ ဇန်န၀ါရီလ ၂၇ ရက် နံနက် ၀၈း၀၀ နာရီမှယခုချိန်ထိ တအာင်းတပ်မတော် တပ်ရင်း (၄၇၈)နှင့် မြန်မာ့တပ်မတော် တပ်မ(၈၈)တို့ နှစ်ဘက်ရင်ဆိုင် တိုက်ပွဲပြန်လည်ဖြစ်ပွါးခဲ့သည်။
တိုက်ပွဲတွင်နှစ်ဘက်ထိခိုက်ကျဆုံးမှု မသိရှိရသေးပါ။ တိုက်ပွဲနောက်ဆက်တွဲ သတင်းအား ဆက်လက်တင်ပြ သွားပါမည်။
ဘိန်းခင်းဖျက်နေသည့် တအာင်းတပ်မတော်(TNLA)နှင့် မြန်မာ့တပ်မတော်တို့ ဘိန်းစိုက်ခင်းအများဆုံး ဖြစ်သည့် ပန်ဆေးဒေသတွင် (၃) ရက်ဆက် (၄) ကြိမ်မြောက် တိုက်ပွဲဖြစ်ပွါးခြင်းဖြစ်သည်။

၂၀၁၄ခုနှစ် ဇန်န၀ါရီလ ၂၆ ရက်

တအာင်းဒေသ၊ နမ့်ခမ်းမြို့နယ် ၊ပန်းဆေးဒေသ၊ ဂျုံနန်းကျေးရွာအနီးတွင် ဇန်န၀ါရီလ ၂၅ ရက်နေ့ ည ၂၀း၁၀ နာရီတွင် တအာင်းတပ်မတော်တပ်မဟာ ၁ လက်အောက်ရှိတပ်ရင်း ၄၇၈ နှင့် မြန်မာ့တပ်မတော်တပ်မ ၈၈ တို့တိုက်ပွဲဆက်လက်ဖြစ်ပွါးခဲ့သည်။
တိုက်ပွဲတွင် တအာင်းတပ်မတော်ဖက်မှ ထိခိုက်ကျဆုံးမှုမရှိပါ။ မြန်မာ့တပ်မတော်ဖက်မှ ထိခိုက်ကျဆုံးမှုစာရင်းမသိရှိရသေးပါ။ တိုက်ပွဲနောက်ဆက်တွဲသတင်းအားဆက်လက်တင်ပြသွားပါမည်။
ဇန်န၀ါရီ ၂၅ ရက် ည ၁၈း၀၀ နာရီမှ ၂၀း၃၀ နာရီတွင်လည်းတစ်ကြိမ်ဖြစ်ပွါးပြီး ဇန်န၀ါရီလ ၂၅ ရက်နေ့တွင် ဒုတိယအကြိမ်မြောက် ဖြစ်ပွါးခြင်းဖြစ်သည်။
ယခုအချိန်သည် တအာင်းတပ်မတော်မှ တအာင်းဒေသအတွင်း ဘိန်းခင်းများလိုက်လံဖျက်ဆီးသည့် ကာလဖြစ်၍ တအာင်းတပ်မတော်နှင့် မြန်မာ့တပ်မတော်တို့ တိုက်ပွဲပြင်းထန် လျက်ရှိသည်။ အထူးသဖြင့် နမ့်ခမ်းမြို့နယ် ဘိန်းစိုက်ပျိုးမှုအများဆုံးဖြစ်သောပန်ဆေးဒေသ ပတ်ဝန်းကျင်တွင် နှစ်စဉ်ဆိုသလို တိုက်ပွဲဖြစ်ပွါးမှုအများဆုံးဖြစ်သည်။

၂၀၁၄ခုနှစ် ဇန်န၀ါရီလ ၂၆ ရက်

တအာင်းဒေသ၊ နမ့်ခမ်းမြို့နယ် ၊ပန်မောဝ်ကျေးရွာအနီးတွင် ယနေ့ ဇန်န၀ါရီလ ၂၆ရက် နံနက် ၀၈း၁၀ နာရီမှ ၁၅း၀၀ အချိန်ထိ တအာင်းတပ်မတော်တပ်မဟာ ၁ လက်အောက်ရှိတပ်ရင်း ၄၇၈ နှင့် မြန်မာ့တပ်မတော် တပ်မ ၈၈ တို့တိုက်ပွဲပြန်လည်ဖြစ်ပွါးခဲ့သည်။
တိုက်ပွဲတွင် နှစ်ဘက်ထိခိုက်ကျဆုံးမှုမသိရှိရသေးပါ။ တိုက်ပွဲနောက်ဆက်တွဲသတင်းအားဆက်လက်တင်ပြသွားပါမည်။

နမ့်ခမ်းမြို့နယ် ပန်ဆေးဒေသတွင် တအာင်းတပ်နှင့် မြန်မာတပ် တိုက်ပွဲပြင်းထန်နေ

ယနေ့ ၂၅ ရက် ဇန်န၀ါရီလ ညနေ ၁၉း၀၀ နာရီခန့်မှစပြီး TNLAတအာင်းတပ်နှင့် မြန်မာတပ်တို့ တိုက်ပွဲဖြစ်ပွားလျက်ရှိသည်။
မူးယစ်ဆေးဝါးတိုက်ဖျက်ရေးအတွက် ပန်ဆေး တရုတ်ဘိန်းခြံများကို တအာင်းတပ်မတော် တပ်မဟာ(၁) လက်အောက်ခံတပ်များက ၀င်ရောက်ဖြတ်ဆီးရာ မြန်မာတပ် တပ်မ (၈၈) မှ လာရောက်တိုက်ခိုက်ခြင်းဖြစ်သည်။

ပန်ဆေးအနီး ဒေသတွင်း ၅ နေရာခန့်တွင် ဘိန်းခြံဖျက်သည့် တအာင်းတပ်မတော်ကို မြန်မာ တပ်မ ၈၈ က စတင်ထိုးစစ်ဆင်တိုက်နေသည်။

တပ်မ ၈၈ တပ်မမှူး ဗိုလ်မှူးချုပ် သက်ထွန်းဦး သည် နမ့်ခမ်းဒေသခံလူထုများနှင့်တွေ့ဆုံစဉ် ဘိန်းစိုက်ပါက စိုက်သည့်ရွာများ မီးရှိူ့မည် ထိရောက်စွာအရေးယူမည်ဟု ပြောခဲ့သော်လည်း အမှန်တကယ် မလုပ်သည့်အပြင် ဘိန်းခြံတိုက်ဖျက်သည့် တအာင်းတပ်ကို ထိုးစစ်ဆင်တိုက်နေပါသည်။

တအာင်းတပ်မတော် တပ်မဟာ (၁) သည် ပန်ဆေးဒေသရှိ ဘိန်းခြံများတိုက်ဖျက်နေသည်မှာ ၃ ရက်မြောက်သွာပြီဖြစ်ပြီး ဧက ၁၀၀ ခန့်ဖြတ်ဆီးပြီးဖြစ်သည်။

ပန်ဆေး တရုတ်ကျော်မြင့် ပြည်သူ့စစ်အဖွဲ့သည် ယခုနှစ်အတွင်း ဘိန်း ဧက ၁ ထောင်ကျော်ခန့်စိုက်ပြီး ယမန်နှစ်ကလောက်မများချေ။

ဘိန်းခြံတိုက်ဖျက်သည့် တအာင်းတပ်ဖွဲ့ကို တိုက်ခိုက်ရန် ပန်ဆေးကျော်မြင့် တောင်းဆိုချက်ကြောင့် ကစထမှူး ဒုဗိုလ်ချုပ်ကြီး အောင်သန်းထွတ် ကိုယ်တိုင် တပ်မ (၈၈) အား အမိန့်ပေးခိုင်းစေခြင်းဖြစ်သည်။
နှစ်ဖက်တိုက်ပွဲမှာ မပြီးသေးပဲ ဆက်လက်ဖြစ်နေဆဲဖြစ်သည်။
နောက်ဆက်တွဲသတင်းများ ဆက်လက်ထုတ်ပြန်သွားပါမည်။

သတင်းနှင့်ပြန်ကြားရေးဌာန PSLF/TNLA
-------------------------------------------+++++------------------------------------
တအာင်းတပ်မတော် တပ်ရင်း ၁၁၂ ရှိရာ မြန်မာလက်နက်ကြီးပစ်

ယခု ၂၆ ရက် ဇန်န၀ါရီလ နံက် ၁၀း၃၀ နာရီခန့်တွင် တအာင်းတပ်မတော် တပ်ရင်း ၁၁၂ တပ်စခန်းရှိရာ တာကွန့်နှင့် ပန်ဆေးရွာကြားရှိ တအာင်းတပ်ကို လက်နက်ကြီးဖြင့် စတင်ပစ်ခတ်လျက်ရှိသည်။
ယမန်နေ့ညတွင်လည်း သန်းခေါင်းယံထိ တိုက်ပွဲဖြစ်ပွားခဲ့သည်။

မြန်မာတပ်မ ၈၈ တပ်ဖွဲ့များ ကျဆုံးမှုများပြီး ဆက်လက်အင်အားဖြည့်နေသည်။
ပန်ဆေးဒေသ မူးယစ်ဆေးဝါးတိုက်ဖျက်သည့် တအာင်းတပ်မတော် TNLA ကို မြန်မာတပ်က လိုက်လံတိုက်ခိုက်နေခြင်းဖြစ်သည်။

နှစ်ဖက်တိုက်ပွဲအရှိန်မြင့်လာမည့် အနေအထားရှိသည်။

သတင်းနှင့်ပြန်ကြားရေးဌာန PSLF/TNLA
xxxxxxx
မြန်မာ့တပ်မတော်မှ ပန်ကန်းကျေးရွာအတွင်း အကြောင်းမဲ့ လက်နက်ကြီးပစ်ခတ်
၂၀၁၅ ခုနှစ် ဇန်န၀ါရီလ ၂၄ ရက်
ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်၊ မိုင်းဘော်ကျေးရွာအုပ်စု၊ ပန်ကန်းကျေးရွာ အတွင်းသို့ မြန်မာ့တပ်မတော် စကခ(၁၆) လက်အောက်ခံ၊ ခလရ(၆၉)မှ ဇန်န၀ါရီလ ၂၄ ရက် နံနက် ၁၀း၃၀ နာရီ ချိန်ခန့်တွင် ရန်သူမရှိဘဲ လက်နက်ကြီး ပစ်ခတ်သဖြင့် ကျေးရွာအတွင်းရှိ ကချင်တိုင်းရင်းသား နော်တောက်(၂၉)နှစ်၊ နဖူးထိမှန်၊ ခွန်ဆမ်လ(၃၁)နှစ်၊ ၀မ်းဗိုက် ထိမှန် ခဲ့သည်။
သတင်နှင့်ပြန်ကြားရေးဌာန
PSLF/TNLA

xxxxxxxx
တအာင်းတပ်မတော်(TNLA) မှ စိုက်ထူထားသော မူးယစ်ဆေးဝါး တားဆီးရေး ဆိုင်းဘုတ်အား မြန်မာ့တပ်မတော် ဖျက်ဆီး

၂၀၁၅ ခုနှစ် ဇန်န၀ါရီလ ၂၄ ရက်
တအာင်းဒေသ၊ နမ့်ဆန်မြို့နယ်၊ မြို့သစ်ကျေးရွာအုပ်စု၊ လွယ်ပန်းကျေးရွာ၌ ၂၀၁၅ ခုနှစ် ဇန်န၀ါရီလ ၂၀ ရက်နေ့ ၁၇း၃၀ နာရီချိန်တွင် တအာင်းတပ်မတော်(TNLA) မှ ဒေသအတွင်း မူးယစ်ဆေးဝါး စိုက်ပျိုးခြင်း၊ ရောင်းဝယ်ခြင်း၊ သုံးစွဲခြင်းမပြုလုပ်ရန် တားမြစ်စိုက်ထူထားသော ဆိုင်းဘုတ်အား မြန်မာ့တပ်မတော် တပ်မ(၇၇) လက်အောက်ခံ ခမရ (၁၀၇) မှ ရိုက်ချိုး ဖျက်ဆီးခဲ့သည်။

ထို့အပြင် နောက်နောင် ကျေးရွာအတွင်း ယင်းဆိုင်းဘုတ်မျိုး တွေ့ရှိရပါက ကျေးရွာအတွင်း တစ်ခုခု ပြုလုပ်သွားမည်ဖြစ်ကြောင်း ရွာလူကြီးအားခြိမ်းခြေက် ပြောဆိုခဲ့သည်။
သတင်နှင့်ပြန်ကြားရေးဌာန
PSLF/TNLA

ပဒိုစောသမိန်ထွန်းပြောတဲ့ ကရင့်တော်လှန်ရေး

(ကေအိုင်စီ သတင်းဌာန)

“နိုင်ငံရေးဆွေးနွေးမှုတွေနဲ့ စားပွဲခုံမှာ ကျနော်တို့ ဆက်လက် ဆွေးနွေးသွားရလိမ့်မယ်လို့ ကျနော်တို့မြင်တယ်။ ဒီလိုမှမလုပ်ရင်လည်း တိုင်းပြည်က နာနေပြီ။ လူထုမှာလည်း နာနေပြီ။
အဲဒါထက် တခြားအိမ်နီးချင်းနိုင်ငံတွေထက် အများကြီးကို နောက်ကျသွားပြီ။”

၂၀၁၅ခုနှစ်၊ ဇန်န၀ါရီလ ၃၁ရက်နေ့သည် ကရင်အမျိုးသားများ၏ တော်လှန်ရေး ၆၆နှစ်ပြည့်မြောက်ပြီဖြစ်ရာ ထိုအကြောင်းအရာ နှင့်ပတ်သက်၍ ကရင်အမျိုးသားအစည်းအရုံး (ကေအဲန်ယူ) ဗဟိုအလုပ်အမှုဆောင်ကော်မတီဝင် ပဒိုစောသမိန်ထွန်းအား ကေအိုင်စီက တွေ့ဆုံမေးမြန်းထားခြင်းဖြစ်သည်။

မေး ။ ။ ဇန်န၀ါရီလ ၃၁ရက်နေ့မှာ ကျရောက်မယ့် ၆၆နှစ်မြောက် ကရင့်တော်လှန်ရေးနေ့ စတင် ဖြစ်ပေါ်လာပုံကို အကျဉ်းချုံး လေး ပြောပြပေးပါခင်ဗျာ။
ဖြေ ။ ။ ကရင်တော်လှန်ရေးနေ့ စတင်ဖြစ်လာရတာကို အကျဉ်းချုံးပြောရရင် ၁၉၄၈ ခုနှစ်၊ ဗမာပြည်လွတ်လပ်ရေး ရလာ တော့ ဗမာလူမျိုးတွေရဲ့ နိုင်ငံရေးပါတီထဲမှာလည်း အရှုတ်တွေ တအားများတယ်။ ပါတီတွေကလည်း အများကြီး။ အဲဒီတော့ တောခိုပြီး သူပုန်ထတဲ့ နိုင်ငံရေးပါတီရှိသလို တချို့လည်း ဖဆပလ တပ်ပေါင်းစုမှာ ပါဝင်ပြီးတော့မှ မြို့ပေါ်မှာ နေတာတွေလည်း ရှိတယ်။ အဲဒီအရှုတ်ထုပ်တွေက KNU ကို ရိုက်ခတ်လာတာပေါ့။ အဲဒီလိုရိုက်ခတ်လာတော့ ကရင်တွေကလည်း ကိုယ့်အမျိုး သားကာကွယ်ရေးအတွက် KNDO ကမြစ်ဝကျွန်းပေါ်မှာဆို အများကြီးကာကွယ်ခဲ့ရတယ်။

ဒီ့အပြင် ဖဆပလ အစိုးရလက်ထက်မှာ စစ်တပ်က အင်အားနည်းတော့ KNDO အနေနဲ့က ရန်ကုန်မြို့ လုံခြုံရေးအတွက်ကို ကူ ညီပေးခဲ့ရတယ်။ အဲဒါကြောင့် အဲဒီအချိန်က သခင်နုကို ကရင်နုလို့ သူများ ခေါ်ကြတာ အဲဒါပဲ။ ဦးနုက လာပြန်ပြီ စောဘဦးကြီး ဆီကို ဘယ်နားမှာကာကွယ်ပေးပါအုံးလို့ လာလာပြောတော့ အဲဒါတွေလည်း လုပ်ပေးခဲ့ရတယ်။ နောက်တွံတေးမှာ လုံခြုံရေး လုပ်ပေးပါဆိုတော့ KNDO ကလည်း သွားရတာပဲ။
ဒါပေမယ့် ဗမာအမျိုးသားအတွင်းမှာက အယူအဆတွေ မတူတော့ တစ်ချို့ကလည်း ကရင်ကို မကြိုက်တာတွေရှိတယ်။ နယ်ချဲ့ မြှောက်ပင့်ပေးလို့ ကရင်တွေက နိုင်ငံရေးအုံကြွမှုတွေဖြစ်မယ်ပေါ့။ အဲဒီဖြစ်တော့ အဲဒီအရှုတ်ထုပ်တွေက နောက်ဆုံးတော့ KNDO ကို အစိုးရက တရားမ၀င် ကြေငြာလိုက်တာပဲ။ အဲဒီမတိုင်ခင် ပထမတော့ KNDO ကိုလက်နက်ချခိုင်းတယ်ကွ။ KNDO ကလည်း ဖဆပလ အစိုးရက တရားဝင် အသိအမှတ်ပြုထားတဲ့ တပ်ဖြစ်တော့ လက်နက်မချနိုင်ဘူး။ အဲဒီတော့ ဖဆပလအစိုးရ ကနေ KNDO ကို ၁၉၄၉ခုနှစ်၊ ဇန်န၀ါရီလ ၃၁ရက်နေ့မှာ တရားမ၀င်အဖြစ် ကြေငြာလိုက်တယ်။
အဲဒီလို ကြေငြာအပြီး ဇန်န၀ါရီလ ၃၁ရက်နေ့ ညနေပိုင်းမှာပဲ တိုက်ပွဲက စပေါ်လာတာပဲ။ အဲဒီမှာ တိုက်ပွဲစပေါ်လာတော့ ဒို့ KNU အနေနဲ့ ကရင့်တော်လှန်ရေးကို အသိအမှတ်ပြုတာ အင်းစိန်တိုက်ပွဲ စတင်တဲ့အချိန်ကစပြီးမှ တော်လှန်ရေးနေ့ဆိုပြီး သတ်မှတ် လိုက်တာပဲ။ ဒီနေ့အချိ်န်အထိဆိုရင်တော့ (၆၆)နှစ်ရှိသွားပါပြီ။
အဲဒါကြောင့် ဒီကရင့်တော်လှန်ရေးက ကိုယ်လုပ်ချင်လို့လုပ်လာတာ မဟုတ်ဘူး။ အစီအစဉ်ကလည်းမရှိ။ အဲဒီတော့ တစ်ဖက်က ဖဆပလနဲ့ တခြား ဗမာနိုင်ငံရေး အတိုက်အခံအုပ်စုတွေရဲ့ ရှုတ်ထွေးမှုအပေါ်မှာ မလွဲသာဘဲ ဖြစ်လာရတာပေါ့။ အဲဒီလိုဖြစ်လာတဲ့ အခါ အစီအစဉ်တွေ မကျတဲ့အခါကျတော့ ကရင့်တော်လှန်ရေးက ပြောရမယ်ဆိုရင် တိုက်ပွဲပြီးတာနဲ့ နောက်ဆုတ်ရတဲ့ပုံစံမျိုး ဖြစ်သွားတာပေါ့။

မေး ။ ။ တော်လှန်ရေးရဲ့ အနှစ်သာရ၊ အဓိပ္ပါယ်နဲ့ ကရင့်တော်လှန်ရေးဟာ ပြည်သူတွေအတွက် ဘယ်လိုအရေးကြီးတယ်ဆို တာ ရှင်းပြပေးပါအုံးခင်ဗျာ။
ဖြေ ။ ။ တော်လှန်ရေးဆိုတာက ဒို့တွေက လက်နက်ကိုင်တော်လှန်ရေးတစ်ခုပဲ သိတာကိုး။ တကယ်ကတော့ တော်လှန်ရေး ဆိုတာ စနစ်ဟောင်းတစ်ခုကို စနစ်သစ်တစ်ခုက ပြောင်းလဲလုပ်ဆောင်တဲ့နေရာမှာ တော်လှန်ပြောင်းလဲလိုက်တာကို တော်လှန် ရေးလို့ခေါ်တာကိုး။ အဲဒီတော့ တော်လှန်ရေးဆိုတာ မသင့်တော်တဲ့ အဟောင်းကို ပယ်ဖျက်ပြီး သင့်တော်တဲ့အသစ်နဲ့ ပြန်လည် လဲပေးတာကို တော်လှန်ရေးလို့ခေါ်တယ်။
အဲဒီတော့ ကရင့်တော်လှန်ရေးဆိုတာကလည်း တကယ်ဆို ကိုယ့်တကယ့်ခံစားခဲ့ရတဲ့ ကရင်အမျိုးသားတွေရဲ့ဘ၀ဟာ အဖက် ဖက်က အခွင့်အရေးမရတဲ့ဟာကို ရအောင်ပြန်ပြီးမှ တောင်းဆိုတာကို တော်လှန်ရေးလို့ခေါ်တယ်။ တော်လှန်ရေးမှာလည်း အကြမ်းမဖက် တော်လှန်ရေးနဲ့ အကြမ်းဖက် တော်လှန်ရေးဆိုတာရှိတယ်။ အားလုံး စတင်လာရတာကတော့ အကြမ်းမဖက်တဲ့ တော်လှန်ရေးနဲ့ စတင်လာရတာချည်းပဲ။ နောက်ဆုံးမရမှ အကြမ်းဖက်တဲ့ တော်လှန်ရေးတွေဖြစ်လာရတာပဲ။

မေး ။ ။ ကရင်အမျိူးသားအစည်းအရုံး(KNU)အနေနဲ့ အနှစ် ၆၀ကျော် တော်လှန်လာခဲ့တယ်။ ပြီးတော့ အခုငြိမ်းချမ်းရေး ဆွေးနွေးမှုတွေလုပ်နေတဲ့အပေါ်မှာ အဖူးရဲ့ သဘောထားအမြင်လေး သိပါရစေခင်ဗျာ။
ဖြေ ။ ။ ကနေ့လက်ရှိ ဆောင်ရွက်နေတဲ့ အနေအထားအပေါ်မှာ ပြောရမယ်ဆိုရင် KNU ကတော့ နိုင်ငံရေးဆွေးနွေးမှုနဲ့ပဲ ကိုယ့်အမျိုးသားအခွင့်အရေးရအောင် ဆက်လုပ်သွားမယ်ဆိုတဲ့ သဘောရှိတယ်။ ခေတ်အဆက်ဆက်က တက်လာတဲ့ အစိုးရ တွေက ကျနော်တို့ ဒီလိုနိုင်ငံရေးအရ ဆွေးနွေးမှုတွေကို လုပ်တဲ့နေရာမှာ အညံ့ခံခိုင်းတာပဲရှိတာကိုး။ တန်းတူမှုမရှိဘူး။ ဒီကနေ့ ဦးသိန်းစိန်အစိုးရလက်ထက်မှာကျတော့ တန်းတူပေးချင်တဲ့ သဘောတော့ရှိတယ်။ ဒါပေမယ့် တန်းတူမှုတော့ တကယ် မရသေး ဘူး။ ဒါပေမယ့် တခြားတက်လာတဲ့ အစိုးရတွေနဲ့ယှဉ်လိုက်ရင် ကျနော်တို့ KNU အတွက်တော့ အကောင်းဆုံး အစိုးရပဲ။ ကျနော် တို့ လွတ်လွတ်လပ်လပ် ပြောနိုင်တယ်။ ဆွေးနွေးနိုင်တယ်။ တိုင်းရင်းသားလူမျိုးအားလုံးနဲ့လည်း ညှိနှိုင်းတိုင်ပင်ခွင့်ရတယ်။ မြို့ ပေါ်တက်ပြီးတော့ အခြားတိုင်းရင်းသားတွေ ပြည်သူတွေနဲ့ ပြောဆိုဆွေးနွေးခွင့်ရတယ်။ ဘယ်ထောက်လှမ်းရေးကမှ လာတား ဆီးတာ မရှိဘူး။
အဲဒီလို လွတ်လွတ်လပ်လပ် သွားလာလို့ရတဲ့အချိန်မှာ ဒီကနေ့ ကျနော်တို့ဆွေးနွေးနေတဲ့ အပစ်အခတ်ရပ်စဲရေး ခိုင်မာတဲ့အ ဆင့်ကိုရောက်အောင် ဆွေးနွေးတဲ့နေရာမှာလည်း အတားအဆီးလေးတွေတော့ ရှိတာပေါ့ဗျာ။ ပြောရမယ်ဆိုရင် နှစ်ပေါင်းများ စွာ တစ်ဖက်နဲ့တစ်ဖက် တိုက်လာကြတော့ သူကလည်း ကိုယ့်ကိုမယုံ၊ ကိုယ်ကလည်း သူ့ကိုမယုံတာလေးတွေတော့ ရှိကြတာ ပေါ့။ ဒါလေးတွေက ကျနော်တို့ဖက်ကပဲ သူတို့ကို တစ်ဖက်သတ် မယုံဘူးလို့တော့ ပြောလို့မရဘူး။ အဲဒါကြောင့် ယုံကြည်မှု တည်ဆောက်ရင်းနဲ့ ကျနော်တို့ရဲ့ နိုင်ငံရေးဦးတည်ချက်ပန်းတိုင်ရောက်အောင် နိုင်ငံရေးဆွေးနွေးမှုတွေနဲ့ စားပွဲခုံမှာ ကျနော်တို့ ဆက်လက် ဆွေးနွေးသွားရလိမ့်မယ်လို့ ကျနော်တို့မြင်တယ်။ ဒီလိုမှမလုပ်ရင်လည်း တိုင်းပြည်က နာနေပြီ။ လူထုမှာလည်း နာနေပြီ။ အဲဒါထက် တခြားအိမ်နီးချင်းနိုင်ငံတွေထက် အများကြီးကို နောက်ကျသွားပြီ။ အဲလိုနောက်ကျတာလည်း ပြည်တွင်းစစ် တစ်ခုတည်းကြောင့် မဟုတ်ဘူးဗျ။ တိုင်းပြည်အုပ်ချုပ် မင်းလုပ်တဲ့ အစိုးရရဲ့ စီမံခန့်ခွဲမှု ညံ့ဖျင်းမှုကလည်းပါတယ်။
ဒါကြောင့် တစ်ချို့ပြောနေကြတဲ့ ပြည်တွင်းမှာ လက်နက်ကိုင်တော်လှန်ရေးတွေ အကြမ်းဖက်မှုတွေရှိလို့ တိုင်းပြည်မတိုးတက်ဖူး လို့ ပြောတာတော့ ကျနော် လုံးဝ လက်မခံနိုင်ပါဘူး။ ဘာကြောင့် အဲဒီလိုပြောရလဲဆိုရင် ဖဆပလ လက်ထက်မှာလည်း ပြည် တွင်းစစ်က ဒီထက်ကိုကြီးမားတာပဲ။ သူတို့ပြောတဲ့ တော်လှန်ရေးနယ်မြေ၊ သူပုန်နယ်မြေမှာ မတိုးတက်ဘူးဆိုပေမယ့် ဖဆပလ အုပ်ချုပ်ထားတဲ့ ကျန်နယ်မြေတွေ အကုန်တိုးတက်မှုရှိနေတာပဲ။ ပညာရေး၊ ကျန်းမာရေး၊ လူမှုရေး၊ အားကစား အကုန်ကို တိုး တက်နေတာပဲ။ ဒါဟာ ပြည်တွင်းစစ်ဖြစ်နေတယ်။ ပြည်တွင်းစစ်ဖြစ်နေလို့ ကျနော်တို့ တိုင်းရင်းသားနယ်မြေတွေမှာ မတိုးတက် ဘူးဆိုတာကိုတော့ ကျနော်တို့ လက်ခံလို့ရတယ်။
အခုလို ပြည်တွင်းစစ် ရှည်ကြာတာကလည်း ပြောရမယ်ဆိုရင် စီမံခန့်ခွဲမှုညံ့ဖျင်းတဲ့ အစိုးရတက်နေလို့။ ဖြေရှင်းသင့်တဲ့ နိုင်ငံရေး နည်းလမ်းနဲ့ မဖြေရှင်းဘဲနဲ့ စစ်ရေးနည်းလမ်းနဲ့ အကြမ်းဖက်မှုလုပ်လို့ ပြည်တွင်းစစ်က ရှည်ကြာနေရတာပါ။ ကျနော်တို့ဘက်က တော်လှန်ရေးကြီးရှည်ကြာရတာလည်း ဒီကိစ္စပဲ။ ဒါကြောင့် ကျနော်တို့ တိုင်းပြည်၊ ပြည်သူ၊ ကရင်ပြည်သူလူထုနဲ့ အခြားတိုင်း ရင်းသားလူမျိုးစုတွေကို ငဲ့ညှာတဲ့အနေနဲ့ ဒီကနေ့ အစိုးရဖက်ကိုလည်း တောင်းဆိုပါတယ်။ နိုင်ငံရေးနည်းနဲ့ တဖြည်းဖြည်းချင်း ဖြေရှင်းသွားရင် ရနိုင်ပါတယ်။ တိုင်းရင်းသားလူမျိုးစုဖက်ကိုလည်း ကျနော်တောင်းဆိုပါတယ်။ ကျနော်တို့နိုင်ငံရေးနည်းလမ်းနဲ့ တစ်ရစ်ချင်းတစ်ရစ်ချင်း သွားမယ်ဆိုရင် ပြည်တွင်းငြိမ်းချမ်းရေး ရနိုင်လိမ့်မယ်လို့ မြင်တယ်။
အဲဒီတော့ ဒီမှာ တွန်းအားပေးရမှာက တိုင်းရင်းသားလူမျိုးစုတွေနဲ့ မြန်မာပြည်သူလူထုကြီးကလည်း ကိုယ်စွမ်းဆောင်နိုင်တဲ့ ဘက်ကနေ ခိုင်မာတဲ့ အပစ်အခတ်ရပ်စဲရေး ရရှိလာအောင် နိုင်ငံရေးဆွေးနွေးမှုတွေပြီးရင် ငြိမ်းချမ်းတဲ့ တိုင်းပြည်ကြီးဖြစ်အောင် ပါဝင်ကူညီပေးမယ်ဆို အကောင်းဆုံးဖြစ်မယ်လို့ ကျနော်အနေနဲ့ ယုံကြည်ပါတယ်။

မေး ။ ။ ခုနက ပြောသွားတဲ့ တော်လှန်ရေး ရှည်ကြာရတဲ့အကြောင်းရင်းကိုလည်း အနည်းငယ် ပြန်လည်ဖြည့်စွက်ပြောပေးစေ ချင်ပါတယ်ခင်ဗျာ။
ဖြေ ။ ။ အဓိကရှည်ကြာရတဲ့အကြောင်းရင်းက ပြောရမယ်ဆိုရင် KNU ဟာ ၁၉၄၇ခုနှစ်မှာဖွဲ့စည်းခဲ့ပြီး ၁၉၄၉ခုနှစ်မှာ တော် လှန်ရေး ပေါ်ပေါက်လာတော့ ကိုယ့်ရဲ့ KNU တွေကို စနစ်တကျနဲ့ ပညာပေးမှု မရှိခဲ့ဘူး။ အချိန်မရလိုက်ဘူး။ တော်လှန်ရေး ပေါ် ပေါက်လာတဲ့အခါကျတော့ ရဲတဲ့သူနိုင်စတမ်း အာဏာယူစတမ်းဆိုတဲ့ တစ်ဗိုလ်တစ်မင်းတွေပေါ်လာတယ်။ အဲလိုဖြစ်လာတော့ ထိန်းဖို့ကလည်း သူတို့မှာ တပ်ကြီးတွေနဲ့ အဲဒီအချိန်က KNU ရဲ့သြဇာက တော်တော်လေးမှေးမှိန်ခဲ့တယ်။ ကျနော်တို့ကလည်း အစီအစဉ်မရှိဘဲနဲ့ ရန်သူရဲ့လှုံ့ဆော်မှုအပေါ်မှာ ဖြစ်လာရတော့ ကိုယ့်တပ်ကိုလည်း ထိန်းချုပ်ရတာခက်တယ်။ အဲဒါတွေကြောင့် ရှည်ကြာလာရတာ။
အစိုးရကလည်း ကျနော်တို့ကို အမြစ်ပြတ်အောင် မတိုက်နိုင်ဘူး။ မလုပ်နိုင်တာကလည်း အကြောင်းရှိတယ်။ အဲဒါက အစိုးရ အုပ်ချုပ်နေတဲ့ စနစ်ကိုက တိုင်းရင်းသားလူမျိုးစုတွေအတွက် တန်းတူမှုမရှိတဲ့ စနစ်မျိုးဖြစ်နေတော့ သူက အမြစ်ပြတ်အောင် မလုပ်နိုင်ဘူး။ အလားတူပဲ ကျနော်တို့ဘက်ကလည်း အာဏာသိမ်းတော်လှန်တိုက်ခိုက်နိုင်ဖို့က အခက်အခဲအမျိုးမျိုးကြောင့် မဖြစ်ခဲ့ဘူး။
ဒိထက်ဆိုးတာ ကမ္ဘာ့နိုင်ငံကြီးတွေမှာ အရင်းရှင်စနစ်နဲ့ ဆိုရှယ်လစ်စနစ်တွေရဲ့ အားပြိုင်မှုတွေကလည်း ကျနော်တို့ထဲကို ထိုး ဖောက်လာပြီး ကျနော်တို့အတွင်းမှာ ဒီကိစ္စတွေနဲ့ အရှုတ်အထွေးဖြစ်တော့ တစ်ခါတစ်ရံ ဦးတည်လုပ်ရမယ့်အပိုင်းကို မလုပ်နိုင် ဘဲ ဒါတွေနဲ့ပဲ စကားများနေရတယ်။ ကြာရတဲ့အကြောင်းရင်းတွေက ဒါတွေပါပဲ။ ဒီကနေ့မှာတော့ အားပြိုင်တဲ့ အင်အားကြီးနှစ်ခု ဟာ မရှိတော့ဘူး။ ဒါဟာ ကျနော်တို့အတွက် တော်တော်သက်သာပါတယ်။ အဲဒီလိုသက်သာတော့ ဒီကနေ့ နိုင်ငံရေးနည်းနဲ့ အမြန်ဆုံးဖြေရှင်းနိုင်အောင် ဆောင်ရွက်တာပါ။ ကရင့်အမျိုးသားအရေးကိုလည်း နိုင်ငံရေးနည်းအရ စတင်ခဲ့တာပါ။ နိုင်ငံရေး နည်းအရ ပြောမရလို့ တော်လှန်ရေးက ဖြစ်လာရတာပါ။
ဒီကနေ့တော့ ကမ္ဘာ့ရေစီးကြောင်းအရရော ဦးသိန်းစိန်လိုအစိုးရမျိုး နောက်ထပ်တက်လာမယ်ဆိုရင်လည်း ကျနော်တို့အတွက် အခွင့်အလမ်းရမယ်လို့ မြင်ပါတယ်။ ကျနော်တို့ဘက်ကလည်း လိုအပ်ချက်တွေကို အကုန်လုံးပြင်သွားရမှာပါပဲ။ အဲဒါဆိုရင်တော့ ရနိုင်မယ်လို့ ကျနော်ထင်တယ်။

မေး ။ ။ (၆၆)နှစ်မြောက်ကရင့်တော်လှန်ရေးနေ့နဲ့ လက်ရှိနိုင်ငံဖြစ်စဉ်ကို အခြေခံပြီးတော့ ပြည်သူကို ဘာများပြောကြားချင် ပါသလဲခင်ဗျာ။
ဖြေ ။ ။ (၆၆)နှစ်မြောက်ကရင့်တော်လှန်ရေးနေ့မှာ ကရင်ပြည်သူတွေကို ပြောချင်တာကတော့ ကျနော်တို့ ဆက်လက်ကြိုး စားသွားရအုံးမယ်။ တိုင်းရင်းသားတွေနဲ့လက်နက်ကိုင် ပြဿနာဖြစ်နေတာ ကရင်တစ်ဦးတည်းမှမဟုတ်ဘဲ။ အဲဒီတော့ တိုင်းရင်း သားအဖွဲ့အစည်းတွေကလည်း သူတို့ရဲ့ သမိုင်းနောက်ခံဟာ တစ်ဦးနဲ့တစ်ဦးမတူကြဘူး။ မတူတဲ့ဟာကို ပြေလည်အောင် ညှိနှိုင်း ဆွေးနွေးမယ်ဆိုရင် အချိန်တော့ကြာအုံးမှာပေါ့။ လက်ရှိ မြန်မာတပ်မတော်လုပ်နေတာကိုလည်း ကျနော်အကုန်လုံး နားမလည် ဘူးဗျ။ တစ်ချို့နေရာမှာ ကောင်းနေပြီး တစ်ချို့နေရာမှာ တိုက်နေတယ်။ မကျေနပ်မှုတွေ ဖြစ်နေတယ်။ အဲဒါတပ်မတော်ကလည်း သူတို့ကိုယ်သူတို့ ပြန်စဉ်းစားရမှာဖြစ်ပါတယ်။
ဗိုလ်ချုပ်မှူးကြီးမင်းအောင်လှိုင်က ခင်ဗျားတို့ ငြိမ်းချမ်းရေး အစစ်အမှန်ကိုရချင်လားလို့ ကျနော်တို့ကိုမေးတယ်။ အဲလိုမေးတော့ သူ့ကိုလည်းပြန်မေးရမှာပဲ။ ခင်ဗျားတို့ကရော ငြိမ်းချမ်းရေးကို တကယ်စိတ်ရင်းစိတ်စေတနာမှန်နဲ့ လိုလားသလားဆိုတာကို တော့ ကျနော်တို့ပြန်မေးရမှာဖြစ်ပါတယ်။ နှစ်ဖက်စလုံးက ငြိမ်းချမ်းရေးကို စိတ်ရင်စေတနာအမှန်နဲ့ လိုလားကြမယ်ဆိုရင် ဒီကိစ္စ က ဆွေးနွေးရတာ ဘာမှမခက်ဘူး။ အခုခက်နေတာက တစ်ဦးဦးက စိတ်ရင်းစေတနာမရှိဘူးမြင်လို့ ဒီလိုကြာနေတာဗျ။ ဒီတိုင်း ပြည်မှာပဲ မွေးလာတဲ့ကောင်တွေ၊ ဒီတိုင်းပြည်ကနေပဲ ဘွဲ့တွေရလာတဲ့သူတွေပဲ။ ငါက အာဏာရနေလို့ မင်းတို့မလာနဲ့ကွာလို့ မောင်းထုတ်လို့မရသလို တစ်ဖက်ကလည်း မင်းတို့သွားကွာ ဆိုပြီး ကန်ချလို့မရဘူး။ ဒါကိုပဲ ကျနော်ပြောချင်ပါတယ်။

မေး ။ ။ နောက်ပြီး တော်လှန်ရေးနဲ့ပတ်သက်လို့ ဘာများနောက်ထပ် ဖြည့်စွက်ပြောချင်ပါလဲ။
ဖြေ ။ ။ တော်လှန်ရေးနဲ့ပတ်သက်လို့ ဖြည့်စွက်ပြောချင်တာက ကျနော်တို့က မယိင်းမယိုင်ဘဲ KNU ရဲ့ ဒီကနေ့ချမှတ်ထားတဲ့ မူလမ်းစဉ်အတိုင်းကို တိတိကျကျ ခိုင်ခိုင်မာမာနဲ့ အတိမ်းအစောင်းမရှိပဲ လုပ်သွားရင် ဒီကနေ့ ဦးသိန်းစိန်အစိုးရနဲ့ဆွေးနွေးတာ အောင်မြင်မယ်လို့တွက်ပါတယ်။ အဲဒါမှမဟုတ်ပဲ သူတစ်ပေါက် ကိုယ်တစ်လမ်းနဲ့ လုပ်ပိုင်ခွင့်ကို အသုံးချပြီး စွတ်လုပ်သွားရင် တော့ အဲဒါကတော့ ကြာအုံးမယ်။ တညီတညွတ်တည်းနဲ့ သေချာ စနစ်တကျ လုပ်သွားရင် အနှေးနဲ့အမြန် အောင်မြင်မယ်လို့ ထင်ပါတယ်။

မေး ။ ။ နောက်ဆုံးအနေနဲ့ ကရင့်တော်လှန်ရေးမှာ အသက်ပေးသွားကြတဲ့သူတွေအတွက် ဘာများပြောကြားချင်ပါလဲခင်ဗျာ။
ဖြေ ။ ။ ကရင့်တော်လှန်ရေးမှာ စောဘဦးကြီးအပြင် လက်နက်ကိုင်တပ်တွေမကဘူး။ ပြည်သူတွေရောပဲ အဲဒီအထဲမှာ အမျိုး သမီးတွေပါပါတယ်။ ရက်ရက်စက်စက် မုဒိမ်းကျင့်အသတ်ခံရပြီး ကိုယ့်အမျိုးသားအတွက်ကို ကာကွယ်ပြီး အသက်ပေးသွားတဲ့ အမျိုးသမီးတွေရှိတယ်။ အဲဒါကို ဂုဏ်မပြုလို့ မရဘူး။ ကျနော်တို့ ဂုဏ်ပြုရမယ်။ ဘာဖြစ်လို့လဲဆိုရင် သူတို့တစ်ဦးချင်းစီရဲ့ ဆောင် ရွက်မှုတွေကြောင့် ကျနော်တို့ ဒီကနေ့အထိ ကြံ့ကြံ့ခံနိုင်တာ။ စောဘဦးကြီးကို ဂုဏ်ပြုသလို ကရင်တပ်မတော်သားတွေ၊ ကရင် ပြည်သူလူထုတွေ၊ ကရင်အမျိုးသမီးတွေကို အလေးထားဂုဏ်ပြုရမယ်။ အဲဒါကိုမေ့ပျောက်ရင် ကျနော်တို့က အမျိုးသားအပေါ်မှာ သစ္စာဖောက်တာပဲ။

ကေအဲန်ယူ ဗဟိုနှင့် တပ်မဟာ (၇)တို့ ပူးတွဲ၍ (၆၆)နှစ်မြောက် ကရင့်တော်လှန်ရေးနေ့ ကျင်းပမည်

ဇန်န၀ါရီ ၂၃ ရက်၊ ၂၀၁၅ ခုနှစ်။ စဖန်းရှောင်း

ကရင်အမျိုးသားအစည်းအရုံး(ကေအဲန်ယူ) ဗဟိုနှင့် ဖားအံခရိုင်၊ တပ်မဟာ ၇ တို့က ပူးတွဲ၍ လာမည့် ဇန်န၀ါရီ ၃၁ ရက်နေ့၌ ကျရောက်မည့် ကရင့်တော်လှန်ရေးနေ့ (၆၆)နှစ်မြောက် အခမ်းအနားကို ကျင်းပသွားမည်ဖြစ် သည်ဟု ကေအဲန်ယူ တွဲဖက်အတွင်းရေးမှူး(၁) ပဒိုစောသောသီဘွဲက ကေအိုင်စီသို့ ပြောသည်။

“ဒီလိုအခမ်းအနားမျိုးကို သူ့နေရာအသီးသီးမှာ တတ်နိုင်သလောက်လုပ်နေကြတာချည်းပါပဲ။ ဗဟိုအနေနဲ့က လည်း လုပ်နိုင်တဲ့ နေရာတွေမှာ လုပ်ကြဖို့ အမြဲညွှန်ကြားမှုရှိခဲ့တာပါ။ အရင်က စစ်ပူချိန်ဆိုတော့ တစ်မျိုးပေါ့။ အခုက စစ်ပူချိန်မဟုတ်တဲ့ အခါကျတော့ ဒီလိုလုပ်ဖြစ်သွားတာပါ”ဟု ပဒိုစောသောသီဘွဲက ပြောသည်။

ကရင့်တော်လှန်ရေးနေ့ အခမ်းအနားကျင်းပနိုင်ရန်အတွက် ကျင်းပရေးကော်မတီကို ဇန်န၀ါရီ ၈ ရက်နေ့က ဖွဲ့စည်းခဲ့ပြီး ကျင်းပရေးကော်မတီ ဥက္ကဌ ပဒိုစောအောင်မော်အေး၊ အတွင်းရေးမှူး ပဒိုစောလေးတောနှင့် ကော်မတီအဖွဲ့ဝင်များက ဦးဆောင်ကာ တာဝန်ယူကျင်းပသွားမည်ဖြစ်သည်။

အခမ်းအနားကျင်းပမည့်အစီအစဉ်များနှင့် ပတ်သက်ပြီး ပဒိုစောလေးတောက “အခမ်းအနားအတွက်ကို စတင် စီစဉ်နေတုန်းပဲ ရှိပါသေးတယ်။ အဓိကတော့ စစ်ရေးပြအခမ်းအနားပါမယ်။ အခြားသော ကရင်လက်နက်ကိုင် တပ်ဖွဲ့တွေ ပူးပေါင်းပါဝင်ဖို့ကတော့ မရှိပါဘူး”ဟု ကေအိုင်စီသို့ ပြောသည်။

အခြားသော တိုင်းရင်းသားလက်နက်ကိုင်အဖွဲ့အစည်းများနှင့် ကရင်လက်နက်ကိုင်တပ်ဖွဲ့များကိုလည်း ဖိတ်ကြား သွားမည်ဖြစ်ပြီး ယခုကရင့်တော်လှန်းရေးနေ့ အခမ်းအနားကို စစ်ရေးပြစစ်သည်အင်အား ချီတက်စစ်ရေးပြမည် ဖြစ်ပြီး ယခင်နှစ်ကထက် စစ်သည်အင်အား အနည်းငယ် ထပ်တိုးထားကြောင်း ပဒိုလေးတောက ဆက်ပြောသည်။

ထို့အပြင် ကရင်တော်လှန်ရေးနေ့ မတိုင်မီ ဇန်န၀ါရီ ၂၉ ရက်နေ့မှ စတင်ကာ ဖျော်ဖြေရေးအစီအစဉ်များဖြင့် စတင်ကျင်းပသွားမည်ဖြစ်ပြီး အခမ်းအနားကျင်းပမည့် အစီအစဉ်အသေးစိတ်ကိုမူ ဇန်န၀ါရီ ၂၄ ရက်နေ့တွင် အစည်းအဝေးထပ်မံ ခေါ်ယူကာ အသေးစိတ်စီစဉ်သွားမည်ဖြစ်သည်ဟု သိရသည်။

ကရင့်တော်လှန်ရေးနေ့ အခမ်းအနားကို ကေအဲန်ယူ၏ သက်ဆိုင်ရာ ခရိုင်နှင့် တပ်မဟာ ၇ခု အသီးသီးတို့က စုစည်းမှု၊ ငွေကြေးနှင့် စစ်ရေး၊ နိုင်ငံရေးအခြေအနေပေါ်မူတည်၍ နှစ်စဉ်ကျင်းပခဲ့ကြခြင်းဖြစ်သည်။

ဖဆပလ အစိုးရလက်ထက် ၁၉၄၉ခုနှစ်၊ ဇန်န၀ါရီလ ၃၁ရက်နေ့တွင် ကရင်အမျိုးသားကာကွယ်ရေးအဖွဲ့ (ကေအဲန်ဒီအို)ကို တရားမ၀င်အဖြစ် ကြေညာလိုက်ပြီးနောက် အစိုးရတပ်နှင့် ကေအဲန်ဒီအိုတို့အကြား တိုက်ပွဲများစတင်ဖြစ်ပေါ်ပြီး တပြည်လုံးရှိ ကရင်များက ခုခံတော်လှန်သည့်နေ့ကို အစွဲပြု၍ ဇန်န၀ါရီ ၃၁ ရက်နေ့ကို ကရင့်တော်လှန်ရေးနေ့အဖြစ် သတ်မှတ်ခဲ့သည်။
http://kicnews.org/

ကချင်ဆရာမ ၂ ဦး ဈာပနအခမ်းအနား လူထုသောင်းချီ တက်

ရှမ်းပြည်မြောက်ပိုင်း မူဆယ်ခရိုင်မှာ စေတနာ့ဝန်ထမ်း ဆရာမလုပ်ရင်း အသတ်ခံခဲ့ရတဲ့ ကချင်အမျိုးသမီးငယ် ၂ ဦးရဲ့ ဈာပန အခမ်းအနားကို ဒီကနေ့ မြစ်ကြီးနားမှာ ကျင်းပရာမှာ ဒေသခံပြည်သူ ထောင်ပေါင်းများစွာ တက်ရောက်ပါတယ်။

ဇန်န၀ါရီ ၂၁ ရက်နေ့ညနေက မူဆယ်ဆေးရုံကနေ အလောင်းသယ်လာတဲ့ယာဉ်တန်းဟာ မြစ်ကြီးနားမြို့ကို မနက်ဆယ်နာရီထိုးမှာ ရောက်ရှိခဲ့ပါတယ်။

ရန်ကုန်ကနေ မြစ်ကြီးနားမြို့မှာ ကျင်းပတဲ့ ဈာပနကို သွားရောက်တဲ့ အမျိုးသမီးအဖွဲ့က ဒေါ်လှလှစိုးက “လမ်းတလျှောက်မှာတော့ ဆရာ ၂ ဦးကို ဂါရ၀ပြုကြတယ်။ နောက် လက်ထဲမှာလည်း မတရားမှုကို ချက်ချင်း ဖော်ထုတ်ကြတို့၊ အမျိုးသမီးများအား အကြမ်းဖက်မှု ကာကွယ်ရေး စာတန်းတွေ ကိုင်ဆောင်ထားတာကိုလည်းတွေ့ရတယ်။”

မြစ်ကြီးနားက ကချင်နှစ်ခြင်းခရစ်ယာန်အဖွဲ့ချုပ်ဝင်းကနေ တပ်ကုန်းအထိ အလောင်းတွေကို လူနဲ့သယ်ဆောင်ခဲ့ပြီး တပ်ကုန်းအရောက်မှာ အလောင်းတွေကို ကားနဲ့ နောင်နန်းရပ်ကွက်ကို ဆက်လက်သယ်ဆောင်ခဲ့တယ်လို့ မြစ်ကြီးနားအခြေစိုက် ဒီဗွီဘီသတင်းထောက် ဒေါ်သင်းသင်း နွယ်က ပြောပါတယ်။

“နောင်နန်းမှာ ဆုတောင်ပွဲလုပ်ပြီး အမျိုးသမီးကွန်ရက်က ပေးပို့တဲ့သ၀ဏ်လွှာတွေ ဖတ်ပြီးမှ မြေချတာပေါ့နော်။”

ဆုတောင်းဝတ်ပြုတဲ့ အခမ်းအနားကို နောင်နန်းရပ်ကွက်က အေဒီ ၂၀၀၀ ခန်းမမှာ ကျင်းပပြီး ဂျော်ဘွမ်သုဿသာန်ကို သယ်ဆောင်ကာ ညနေ ၄ နာရီလောက်မှာ မြေမြုပ်သင်္ဂြိုဟ်ခဲ့တာဖြစ်ပါတယ်။

ဒေါ်လှလှစိုးကလည်း “ကျမတို့ အမျိုးသမီးအဖွဲ့ကတော့ နိုင်ငံတော်ကနေပြီးတော့ အမြန်ဆုံး ဖော်ထုတ်ပေးပြီးတော့ လွတ်လပ်ပြီးတရားမျှတတဲ့ စုံစစ်းရေးကော်မရှင်ဖွဲ့ဖို့၊ အဲဒီလိုဖွဲ့တဲ့ အခါမှာလည်း အမျိုးသမီးအဖွဲ့တွေပါဝင်ဖို့ ကျမတို့ တောင်းဆိုထားပါတယ်” လို့ပြောပါတယ်။

ကျောင်းဆရာမ မရန်လုရာနဲ့ ဆရာမ တန်ဘောင်ခေါန်နန်စင်တို့ဟာ ဇန်န၀ါရီလ (၁၉) ရက်က မူဆယ်ခရိုင် ကောင်းခါးကျေးရွာမှာ အဓမ္မပြုကျင့်သတ်ဖြတ်ခံခဲ့ရတာဖြစ်ပါတယ်။

ဒီဆရာမ နှစ်ဦး အဓမ္မပြုကျင့်သတ်ဖြတ်ခံရမှုနဲ့ပတ်သက်လို့ မြန်မာနိုင်ငံလုံးဆိုင်ရာ ဆရာ၊ ဆရာများအဖွဲ့ချုပ်က ဒီလုပ်ရပ်ဟာ ကာယကံရှင်ဆရာမ ၂ ဦးသာမက တိုင်းပြည်အနာဂတ်၊ ပညာရေးကဏ္ဍ တခုလုံးနဲ့ ဆရာ၊ ဆရာမ အားလုံးရဲ့ဘ၀တွေကို လုပ်ကြံသတ်ဖြတ်တဲ့ ရာဇ၀တ်မှုအဖြစ် ရှုမြင်ကြောင်းနဲ့ ကျူးလွန်သူ ပုဂ္ဂိုလ်အဖွဲ့အစည်းတွေကို ပြင်းပြင်းထန်ထန် ကန့်ကွက်ရှုတ်ချကြောင်း သဘောထားထုတ်ပြန်ပါတယ်။

ကျူးလွန်သူ၊ အဖွဲ့အစည်းကို တရားမျှတမှုနဲ့ ပွင့်လင်းမြင်သာ မှုရှိစွာ အမြန်ဆုံးဖော်ထုတ်ပေးဖို့နဲ့ မှန်ကန်လွတ်လပ်တဲ့ တရားစီရင်ရေး ရရှိအောင် အမြန်ဆုံး ဆောင်ရွက်ပေးဖို့ သက်ဆိုင်ရာ အာဏာပိုင်တွေကို တိုက်တွန်းထားပါတယ်။
http://burmese.dvb.no/archives/78348

ဝေ့လည်လည် မြန်မာ့နိုင်ငံရေး

ဦးကျော်ဇံသာ

ဒီတပတ် မြန်မာ့မျက်မှောက်ရေးရာ ဆွေးနွေးခန်းအစီအစဉ်မှာ ပြည်ထောင်စုလွှတ်တော်က (၆) ပွင့်ဆိုင် တွေ့ဆုံဖို့ တင်ပြချက်အပေါ် နိုင်ငံတော်သမ္မတ ဦးသိန်းစိန်ရဲ့  ဝေ့လည်လည် ပန်ကြားချက်ကို ဘယ်လို အဓိပ္ပါယ်ကောက်ယူကြမလဲဆိုတာကို NLD အမျိုးသားလွှတ်တော်အမတ် ဦးအောင်ကြည်ညွန့်၊ နိုင်ငံရေးအကဲခတ် သုတေသီ ဒေါက်တာရန်မျိုးသိန်းတို့နဲ့ ဦးကျော်ဇံသာ ဆွေးနွေးသုံးသပ်တင်ပြထားပါတယ်။

ဦးကျော်ဇံသာ ။ ။ ခြောက်ပွင့်ဆိုင် တွေ့ဆုံဆွေးနွေးဖို့အရေး ပြည်ထောင်စုလွှတ်တော်က တင်ပြတဲ့ကိစ္စကို နိုင်ငံတော်သမ္မတက ပြန်ကြားထားတဲ့စာကို တွေ့ရပါတယ်။ သမ္မတရဲ့  ပြန်ကြားစာက ဘယ်လောက် ရှင်းလင်းပြတ်သားမှု ရှိတယ်လို့ နားလည်ရပါသလဲ။ သဘောရပါသလဲ။ ဒေါက်တာရန်မျိုးသိန်း စဆွေးနွေးပါ။

ဦးရန်မျိုးသိန်း ။ ။ သမ္မတက ကျနော်တို့ ပြည်သူ့လွှတ်တော်ကို ပြန်ကြားတဲ့စာဟာ နိုင်ငံရေးအရ ရှင်းလင်းပြတ်သားမှု မရှိတာကို တွေ့ရတယ်။ နောက်ပြီးတော့ တချက်ပြန်မြင်တာ ဘာလဲဆိုတော့ အစိုးရဖက်ကနေ ပြည်ထောင်စုလွှတ်တော်ဖက်ကို ပြန်ပြီးတော့ တွေ့ဆုံဆွေးနွေးရေးနဲ့ ပတ်သက်တဲ့ ဘောလီဘောကို ပြန်ပုတ်လိုက်တဲ့ သဘောမျိုးလို့ ကျနော်က မြင်ပါတယ်။

ဦးကျော်ဇံသာ ။ ။ ဦးအောင်ကြည်ညွှန့်ရဲ့  သဘောထားကိုလည်း သိချင်ပါတယ်။ သမ္မတရဲ့  ပြန်ကြားစာ ဘယ်လောက် ရှင်းလင်းပြတ်သားသလဲဆိုတာ။


ဦးအောင်ကြည်ညွှန့် ။ ။ ရေးထားတာကတော့ အရှည်ကြီးပဲ။ အင်မတန်လဲ နူညံ့လှပတာတွေ၊ ကြိုဆိုတာတွေကော။ ဒါတွေနဲ့ ပတ်သက်လို့ ကောင်းတဲ့အလားအလာတွေလို့ သူက ပြောထားတယ်။ ဒါပေမဲ့ တကယ်တမ်း အနှစ်ကိုကြည့်လိုက်တော့ ကောင်းတော့ကောင်းတယ်။ နောက်မလုပ်နဲ့ဆိုတဲ့ သဘောမျိုးလို့ ကျနော်လည်း သုံးသပ်လို့ရတယ်။

ဦးကျော်ဇံသာ ။ ။ ဆိုတော့ ဒီလို မရှင်းမလင်းဆိုတဲ့စာမျိုး ပြန်ကြားတာဟာ ခြောက်ပွင့်ဆိုင် ဆွေးနွေးပွဲ တောင်းဆိုမှုကို မလိုက်လျောဘူးဆိုတဲ့ သဘောလို့ ကျနော်တို့ အဓိပ္ပါယ် ကောက်ယူကြမလား။

ဦးရန်မျိုးသိန်း ။ ။ သမ္မတက အကြောင်းပြန်ကြာတဲ့စာထဲမှာ သူက အစိုးရအဖွဲ့ကနေ ဦးစီးပြီးလုပ်တယ်။ (၁၄) ဦး တွေ့ဆုံဆွေးနွေးမှုနဲ့ (၄၈) ဦး တွေ့ဆုံဆွေးနွေးမှုတွေကို သူက ပင်လုံညီလာခံနဲ့ကို နှိုင်းပြီးတော့ ဖော်ပြထားတာကို တွေ့ရတယ်။ အဲဒီတော့ ကျနော့်အမြင်အားဖြင့်တော့ ဒီတွေ့ဆုံမှု နှစ်ခုလုံးဟာ အားရကျေနပ်စရာ မရှိဘူး။ (၁၄) ဦးနဲ့ (၄၈) ဦး တွေ့ဆုံမှုအလွန်မှာ နိုင်ငံရေးအရ ပြောမယ်ဆိုလို့ရှိရင် မရေရာမသေချာမှုတွေက ဆက်ပြီးတော့ ရှိနေဆဲ။ နောက် အဲဒီ တွေ့ဆုံဆွေးနွေးမှု နှစ်ကြိမ်ကလဲ အချိန်ကာလ နှစ်လကြာလောက် ကွာနေတာကို တွေ့ရတယ်။ အဲဒီအခါကြတော့ ဒီတွေ့ဆုံမှု နှစ်ခုကို ပင်လုံညီလာခံနဲ့ နှိုင်းပြီးတော့ ထည့်သွင်းထားတာဟာ ကျနော်အမြင်အားဖြင့် ကိုယ့်ငါးချဉ် ကိုယ်ချဉ်တာပဲလို့ ကျနော်က မြင်တယ်။ အဲဒီဖက်ကနေ သုံးသပ်မယ်ဆိုလို့ရှိရင် ခြောက်ပွင့်ဆိုင် တွေ့ဆုံဆွေးနွေးရေးကို အချိန်ဆွဲချင်တဲ့ သဘောမျိုး နောက် Political Will နိုင်ငံရေးဆန္ဒ အားနည်းတဲ့သဘော တွေ့ရတယ်လို့ ကျနော်က မြင်ပါတယ်။

ဦးကျော်ဇံသာ ။ ။ Political Will နိုင်ငံရေးဆန္ဒ အားနည်းတယ်ဆိုတာ တကယ်တော့ တိုင်းတာလို့ရတဲ့ ကိစ္စတော့ မဟုတ်ဘူး။ Intangible factor ဖြစ်တယ်။ ဆိုတော့ အမျိုးသားဒီမိုကရေစီအဖွဲ့ချုပ်ရဲ့  နောက်ဆုံးတွေ့ဆုံဆွေးနွေးမှုအပြီး ထုတ်ပြန်ချက်ထဲမှာလဲ နိုင်ငံရေးအရ တကယ်လုပ်ချင်တဲ့ဆန္ဒ အားနည်းတယ်ဆိုပြီးတော့ သုံးသပ်ထားတာ တွေ့ရပါတယ်။ ဒီသုံးသပ်ချက်က အချက်အလက်အပေါ် အခြေမခံဘဲ သုံးသပ်တယ်ဆိုတော့ ဒါကို ကျနော်တို့ အတိအကျမှန်တဲ့ သုံးသပ်ချက်လို့ ပြောလို့ရမလား။ နိုင်ငံရေးဆန္ဒ မရှိဘူးဆိုတာ ဦးအောင်ကြည်ညွှန့် ဘယ်လို ပြောချင်ပါလဲ။


ဦးအောင်ကြည်ညွှန့် ။ ။ အဲဒါကိုတော့ သမ္မတရဲ့  ပြောနေတဲ့ item ပေါ်မှာ မူတည်ပြီး တခုတည်းနဲ့ ရှင်းရှင်းလင်းလင်း သဘောပေါက်တယ်။ သမ္မတက ဘာပြောလဲဆိုတော့ နိုင်ငံတော်သမ္မတ ဦးဆောင်ပြီးတော့ ခြောက်ဦး တွေ့ဆုံဖို့ တိုက်တွန်းတဲ့ကိစ္စက ကောင်းမွန်တဲ့လုပ်ငန်းတရပ် ဖြစ်ပါတယ်လို့ ပြောတယ်။ အဲဒီလိုဆိုရင် သူ သမ္မတကြီးပဲဗျာ သမ္မတကြီးကိုယ်တိုင် ဦးဆောင်ပြီးတော့ အဲဒီ ခြောက်ယောက် တွေ့ဆုံပြီးတဲ့အခါမှ တိုင်းရင်းသားပြည်သူတွေ၊ လူထုလူတန်းစားတွေနဲ့ နိုင်ငံရေးအင်အားစုတွေ လက်ခံနိုင်လောက်တဲ့ ကိုယ်စားပြုမှုတွေ တို့ ဘယ်လိုလုပ်ကြမလဲ။ ဒီလို လိုလားတောင့်တတဲ့မူဘောင်တွေကို တို့ ဘယ်လို ကြိုတင်ပြီးတော့ သတ်မှတ်လိုက်ကြမလဲ။ အဲဒီလို တွေ့ဆုံတဲ့အခါမှာ အားလုံးက လက်ခံနိုင်လောက်တဲ့ ပုံစံမျိုးလဲ ဖြစ်လိုက်ရအောင် ငါတို့တတွေ ပွင့်လင်းမြင်သာမှုလည်း ရှိရအောင် ဘယ်လိုတွေ စီစဉ်ဆောင်ရွက်ကြမလဲ ဆိုတာကို သမ္မတက ဦးဆောင်ပြီးတော့ အဲဒီ ခြောက်ဦးအတွင်းထဲမှာ ပဏာမအရ လုပ်လိုက်ကြမယ်ဆိုရင် ဒါက Political Will တကယ် ရှိတယ်ဆိုတာရဲ့  သက်သေပြချက်ပါ။ အခုဟာက အဲဒီလို ကိုယ်လုပ်ရမယ့် အလုပ်တွေကို မလုပ်ဘဲနဲ့ အဲဒါတွေကို ဘယ်လို ဆောင်ရွက်ပေးစေချင်သလဲ ဆိုတာကို ပြည်ထောင်စုလွှတ်တော်က ပြန်ပြီးတော့ အကြံပေးပါအုံးလို့ ပြောတဲ့အါကြတော့ ရှေ့ နောက် စီစဉ်မှုမှာ Political Will အားနည်းတယ်ဆိုတာ အဲဒီတချက်တည်းနဲ့ လုံလောက်တယ်လို့ ထင်တယ်။

ဦးကျော်ဇံသာ ။ ။ နောက်တခုက သူ့ရဲ့  ပြန်ကြားချက်အပိုဒ် (၃) မှာ ထင်ပါတယ်။ ဖွဲ့စည်းပုံဥပဒေမှာ ပြဌာန်းထားတဲ့ ဘယ်ပုဒ်မ ဘယ်ပုဒ်မတွေနဲ့ ကိုက်ညီရမယ်။ ပြင်မယ်ဆိုရင် (၄၃၆) ကိုလည်း ဖော်ပြထားတယ်။ (၄၃၆) အတိုင်းသာ ပြင်ရမယ်ဆိုပြီးတော့ သမ္မတက တုံ့ပြန်ချင်တဲ့သဘောလား။ နံပတ်တစ်က။ အဲဒီအတိုင်းဆိုရင် …

ဦးအောင်ကြည်ညွှန့် ။ ။ တကယ်တမ်းဆိုရင် အဲဒီအပေါ်မှာ မူတည်ပြီးတော့ စဉ်းစားမယ်ဆိုရင် တကမ္ဘာလုံးနဲ့ မြန်မာပြည်မှာရှိတဲ့ … အားလုံးသိတယ်။ ဖွဲ့စည်းပုံဥပဒေကို ပြင်ဆင်ဖို့ ပြဌာန်းထားတဲ့ အခန်း (၁၂) ရဲ့  (၄၃၃-၄၃၄-၄၃၅-၄၃၆) ဆိုတာ အဲဒီအတိုင်း ပြင်ရမယ်ဆိုတာ ငြင်းမထွက်ဘူး။ ဒါပေမဲ့ ဒီလိုအတိုင်း ပြင်တဲ့အခါမှာ အင်မတန် ရှင်းလင်းတာကတော့ တပ်မတော်က ထောက်မခံဘူးဆိုရင် ဘာမှပြင်လို့ မရဘူးဆိုတဲ့ အဖြေကြီးက ရှိနေတယ်။ အဲဒီတော့ ဒီလိုဆိုရင် တပ်မတော်ကလဲ ထောက်ခံနိုင်လောက်တဲ့ အခြေအနေမျိုးတွေ ရှိလာဖို့ဆိုရင် ပထမဦးဆုံးက တွေ့ဆုံကြမယ်။ ဆွေးနွေးကြမယ်၊ ညှိနှိုင်းကြမယ်။ ဘယ်လောက်တွေ ဖြစ်သင့်သလဲဆိုတာကို တကယ့် Political Will ရှိမရှိ သမ္မတကြီးက ဦးဆောင်ပြီးတော့ ညှိနှိုင်းနိုင်တဲ့အခါ သမ္မတကြီးပြောတဲ့ အကောင်းဆုံး အခြေအနေတွေရှိအောင် ဘယ်လို ဖေးမပြီးလုပ်မလဲ။ ဘယ်လို စီမံဆောင်ရွက်မလဲဆိုတာကို သမ္မတက ဦးဆောင်မယ်ဆိုရင် အဆင်ပြေဆုံးနဲ့ အကောင်းဆုံး Political Will မဖြစ်နိုင်ဘူးလား။ အဲဒီလို မဟုတ်ဘဲနဲ့ အခုလို့ ဝေ့လည်ကြောင်ပတ် ဖြစ်နေတာဟာ သိသိကြီးနဲ့ မသိချင်ရောင် ဆောင်နေသလို ဖြစ်နေတယ်လို့ ကျနော်က ဒီလိုပဲ သဘောရတယ်။

ဦးကျော်ဇံသာ ။ ။ ဒေါက်တာရန်မျိုးသိန်းကို ကျနော် မေးချင်ပါတယ်။ နောက် အဲဒီအထဲမှာ ရေးထားတာ တိုင်းရင်းသားကိုယ်စားလှယ်တွေရဲ့  သဘောထားကိုလဲ ထင်ဟပ်ရမယ်။ ဘာညာပြောထားတယ်။ ဒါပေမဲ့ တိုင်းရင်းသားကိုယ်စားလှယ်ရဲ့  သဘောထားထက် တပ်မတော်ရဲ့  သဘောထားကိုများ သူ အဓိကထားပြီး လိုချင်နေသလား။ စာထဲမှာ မဖော်ပြထားသော်လဲ စဉ်းစားစရာတခု ဖြစ်လာတယ်လို့ ထင်ပါတယ်။ ဒေါက်တာရန်မျိုးသိန်း ဘယ်လို သဘောရပါလဲ။

ဦးရန်မျိုးသိန်း ။ ။ ကျနော့်အမြင်ကတော့ အစိုးရရယ်၊ တပ်မတော်ရယ်၊ လက်ရှိ အာဏာရ ပြည်ခိုင်ဖြိုးပါတီတွေကို ဘက်တဖက်တည်းလို့ မြင်ပါတယ်။ အဲဒီအခါကြတော့ ကျနော့်အမြင်အားဖြင့်တော့ ဒီ ဖွဲ့စည်းပုံအခြေခံဥပဒေ ပြင်ဆင်ရေးနဲ့ ပတ်သက်ပြီးတော့ သမ္မတက ပြန်ပေးတဲ့စာထဲမှာ ဖော်ပြချက်ကိုကြည့်ရင် သူက အခန်း (၁၂) ပါ ပုဒ်မတွေနဲ့အညီ ဆောင်ရွက်မှသာ ဘောင်ဝင်မယ်ဆိုတဲ့ သဘောမျိုးကို အသားပေးပြီး ပြောသွားတာကို တွေ့ရတယ်။ အဲဒီတော့ သူက နောက်ပြောသွားတာက တခြားနိုင်ငံတွေရဲ့  ဖွဲ့စည်းပုံအခြေခံဥပဒေတွေနဲ့ နှိုင်းယှဉ်ပြီးပြောတာကို တွေ့ရတဲ့အခါကြတော့ ကျနော် ထပ်ပြီးဆွေးနွေးချင်တာက ၂၀၀၈ ဖွဲ့စည်းပုံအခြေခံဥပဒေကို ပြည်လုံးကျွတ်ဆန္ဒခံယူပွဲ လုပ်ခဲ့တဲ့ ရလဒ်ဟာ အငြင်းပွားဖွယ်ရာ ရလဒ်ဖြစ်နေတယ်ဆိုတဲ့ အချက်ပါ။ ပြည်သူလူထုရဲ့  ထောက်ခံမှုကို ကိုယ်စားမပြုမှုတွေနဲ့ ပြည့်နှက်နေတယ်လို့ ကျနော်က မြင်ပါတယ်။

ဦးကျော်ဇံသာ ။ ။ နောက်တခုက သူက ပြည်ထောင်စုလွှတ်တော်ကို ပြန်ပြီးဘောလီဘော ပုတ်လိုက်တယ်လို့ ဆိုကြပါစို့။ မူဘောင်တွေ ပြန်လည်ချမှတ်ပေးရမယ်။ ဘယ်လို လုပ်စေချင်လဲ ပြောပါဆိုတော့ ကဲ သမ္မတကြီးက အဲဒီလို ပြောစေချင်တယ်ဆိုရင် ပြောတယ်ဗျာ ကျုပ်တို့က ဒါတွေဒါတွေ လုပ်စေချင်တယ်ဆိုပြီးတော့ ပြည်ထောင်စုလွှတ်တော်ဖက်က ပြန်ပြီးတော့ တင်ပြနိုင်တဲ့ အလားအလာ မရှိဘူးလား။ အဲဒီလို တင်ပြနိုင်ရင် ဘယ်လို နေမလဲ။ ဦးအောင်ကြည်ညွှန့် ပြောပါခင်များ။


ဦးအောင်ကြည်ညွှန့် ။ ။ အဲဒါကတော့ လွှတ်တော်ရဲ့  အခန်းကဏ္ဍက အသေးစိတ်လုပ်ငန်းတွေကို လွှတ်တော်က လုပ်ဖို့မဟုတ်ဘူး။ ဖွဲ့စည်းပုံအခြေခံဥပဒေက Check and Balance နဲ့ တကယ် သွားရမယ်ဆိုရင် အုပ်ချုပ်ရေးအဖွဲ့အစည်းက လုပ်ရမယ့်၊ လုပ်သင့်လုပ်ထိုက်တဲ့ ကိစ္စရပ်တွေကို လိုတာထက် ပိုပြီးတော့ လွှတ်တော်က ဝင်ပြီးတော့ စွက်ဖက်စရာ အကြောင်းမရှိဘူး။ တကယ်တော့ အကောင်အထည်ဖော်မယ်ဆိုရင် အကောင်အထည်ဖော်ပေးချင်တယ်ဆိုရင် အကောင်အထည်ဖော်လိုက်ရမယ့် အနေအထားမျိုးက အစိုးရဘက်မှာပဲရှိတယ်။

ဦးကျော်ဇံသာ ။ ။ အသေးစိတ် အချက်အလက်ကို လုပ်ခိုင်းတယ်လို့တော့ မယူဆဘူးပေါ့။ သူ့အသုံးအနှုန်းက မူဘောင်တွေကို ကြိုတင်ချမှတ်ဖို့ လိုတယ်ဆိုတော့ ပြည်ထောင်စုလွှတ်တော်အနေနဲ့ မူဘောင်တွေ ချမှတ်ပေးတဲ့ကိစ္စတွေ မဖြစ်နိုင်ဘူးလား။ ဒေါက်တာရန်မျိုးသိန်း သဘောထားကို ပြောပါ။

ဦးရန်မျိုးသိန်း ။ ။ ကျနော်ရဲ့  သဘောထားကတော့ အဓိက သမ္မတအနေနဲ့ ဦးဆောင်ပြီးတော့ ခြောက်ဦးတွေ့ဆုံ ဆွေးနွေးပွဲကို ဖော်ဆောင်တာကတော့ ပိုပြီးတော့ အကောင်းဆုံးလို့ မြင်ပါတယ်။ တဖက်က ပြည်ထောင်စုလွှတ်တော်ဘက်ကလည်း ဒီခြောက်ဦး တွေ့ဆုံဆွေးနွေးပွဲကို ပုံဖော်မယ့် နိုင်ငံရေးအခြေခံတချို့ ကို စဉ်းစားထားမယ်ဆိုရင် ကျနော်ကတော့ ပိုပြီးသင့်လျော်တယ်လို့ ကျနော်က ယူဆပါတယ်။ အဲဒီမှာ တချက်ဖြည့်ပြီးတော့ ပြောပြချင်တာက ပြည်ထောင်စုလွှတ်တော်ကို ပြန်ပြီးပို့တဲ့ သမ္မတရဲ့  အကြောင်းကြားစာထဲမှာ ရန်ကုန်တိုင်းဒေသကြီး လွှတ်တော်ရဲ့  ဆုံးဖြတ်ချက်တို့၊ စစ်ကိုင်းတိုင်းဒေသကြီး လွှတ်တော်ရဲ့  ဆုံးဖြတ်ချက်တို့၊ ချင်းပြည်နယ်၊ ရှမ်းပြည်နယ်မှာရှိတဲ့ တိုင်းရင်းသားတွေရဲ့  သဘောထား ထုတ်ဖော်ထားရှိချက်တို့ကိုလည်း အလေးထားထည့်သွင်း စဉ်းစားဖို့ဆိုပြီး သူက ပြောပါတယ်။ အဲဒါနဲ့ ဆက်စပ်ပြီး ကျနော် ဘာစဉ်းစားမိသလဲဆိုတော့ ဖွဲ့စည်းပုံအခြေခံဥပဒေ ပြင်ဆင်ရေး လုပ်နေတဲ့ကာလတလျှောက်လုံးမှာ အမျိုးသားဒီမိုကရေစီအဖွဲ့ချုပ်ကနေ ဦးဆောင်ပြီးတော့ ပြည်သူလူထုရဲ့  ဆန္ဒသဘောထား ကောက်ယူထားတဲ့ လက်မှတ် (၅) သန်းကိစ္စကို လုံးဝထည့်သွင်း ပြောကြားတာကို မတွေ့ရပါဘူး။ နောက် ပြည်ထောင်စုလွှတ်တော်ကနေ ထုတ်ပြန်တဲ့ အစီရင်ခံစာမှာလည်း ငါးသန်း လက်မှတ်ရေးထိုးထားတဲ့ကိစ္စနဲ့ ပတ်သက်ပြီး ဖော်ပြထားတာကို မတွေ့ရပါဘူး။ အဲဒီလို အခြေအနေတွေနဲ့ နှိုင်းယှဉ်သုံးသပ်ကြည့်မယ်ဆိုရင် သမ္မတနဲ့ အစိုးရ အာဏာရပါတီဖက်က လက်တွေ့ကျပြီးတော့ ရေရှည်အမြင်ရှိတဲ့ နိုင်ငံရေးတွေ့ဆုံဆွေးနွေးပွဲတွေ ဖော်ဆောင်ဖို့ Political Will နိုင်ငံရေးဆန္ဒအပိုင်းမှာ အတော်ကို အားနည်းနေတယ်လို့ ကျနော်က မြင်ပါတယ်။

ဦးကျော်ဇံသာ ။ ။ လူ (၅) သန်းရဲ့  လက်မှတ်ဟာ ဦးအောင်ကြည်ညွှန့်တို့ဖက်က သမ္မတဆီကို ပေးတာလား။ လွှတ်တော်ကို တင်ပြတာလား။


ဦးအောင်ကြည်ညွှန့် ။ ။ ကျနော်တို့က လူ (၅) သန်းရဲ့  လက်မှတ်တွေကို သမ္မတဆီကိုလည်း ပေးသလို၊ လွှတ်တော်ကော်မတီတွေကိုလည်း အကုန်လုံး ပို့ထားပြီသာ။

ဦးကျော်ဇံသာ ။ ။ ဆိုတော့ ဘယ်လို မျှော်လင့်ထားပါသလဲ။ အဲဒီကိစ္စအပေါ်မှာ လွှတ်တော်က ဘယ်လို တုံ့ပြန်သလဲ။ သမ္မတအုပ်ချုပ်ရေးပိုင်းက ဘယ်လို တုံ့ပြန်လာလိမ့်မယ်လို့ မျှော်လင့်ထားလဲ။

ဦးအောင်ကြည်ညွှန့် ။ ။ အခုအချိန်အထိတော့ (၅) သန်းနဲ့ ပတ်သက်လို့ သမ္မတလည်း ဘာမှမပြောသလို။ လွှတ်တော်ထဲကလဲ ထင်သာမြင်သာတဲ့ အနေအထားမျိုးတော့ ကျနော်တို့ မတွေ့ရသေးဘူး။ ဒါကြောင့်မို့ ဖွဲ့စည်းပုံအခြေခံဥပဒေ တကယ်ပြင်ဆင်ရေး စတင်အကောင်အထည်ဖော်တဲ့အခါမှာ အဲဒီ လူ (၅) သန်းရဲ့  သဘောထား မှတ်ချက်ကို ပြည်သူ့ရဲ့ အသံဟာ လွှတ်တော်ရဲ့ အသံ။ ပြည်သူ့ဆန္ဒ လွှတ်တော်ဆန္ဒ တကယ်ဖြစ်မြောက်မလား မဖြစ်မြောက်မလားဆိုတာကို စောင့်ကြည့်ရမယ့် အနေအထားမျိုးရှိတယ်။

ဦးကျော်ဇံသာ ။ ။ လွှတ်တော်မှာ အဲဒီ (၅) သန်းကိစ္စကို ထည့်သွင်းဆွေးနွေးပါသလား။

ဦးအောင်ကြည်ညွှန့် ။ ။ အခု အဲဒါကတော့ ထည့်သွင်းဆွေးနွေးရမယ့် အနေအထားတော့ မရောက်သေးဘူး။ ကျနော်တို့ ဖွဲ့စည်းပုံအခြေခံဥပဒေ ပြင်ဆင်ရေး အကောင်အထည်ဖော်မှု ကော်မတီ လုပ်နေဆဲကာလမှာပဲ အဲဒါကို လွှတ်တော်ကို တင်လိုက်တာ။ (၃၃) ဦး ဆွေးနွေးတဲ့အခါမှာလဲ ဒီကိစ္စနဲ့ ပတ်သက်လို့ ခေါင်းစဉ်အရ ထည့်သွင်းစဉ်းစားတဲ့အကြောင်း မပေါ်ပေါက်ခဲ့သေးဘူး။

ဦးကျော်ဇံသာ ။ ။ ကျနော် နောက်ဆုံးမေးချင်တဲ့ မေးခွန်းကတော့ တဖက်က စဉ်းစားကြည့်ရင်တော့ သမ္မတက အခု ပညာရေးဥပဒေနဲ့ ပတ်သက်လို့လဲ ဘယ်လိုဆိုပြီး တုံ့ပြန်တယ်။ ပြန်ပြီး စဉ်းစားကြပါဆိုပြီးတော့ လွှတ်တော်ဖက်ကို စာရေးတာတွေ့တယ်။ အခု ဒီကိစ္စမှာလဲ အလားတူပဲ။ လူတွေက ဒီလို တောင်းဆိုနေကြတယ်။ ဒီလို ပြန်စဉ်းစားပါဆိုပြီး ပြန်ရေးတယ်ဆိုတော့ တကယ်တော့ သမ္မတရဲ့  စိတ်ထဲမှာတော့ သူဟာ လူထုဆန္ဒသဘောထားနဲ့ လိုက်ညီအောင် ဆောင်ရွက်ကြိုးစားသားပဲဆိုတာကို ပြသဖို့ ကြိုးပမ်းတယ် ထင်ပါတယ်။ ဆရာတို့ အဲဒီလို ထင်ပါသလား။ အဲဒီလို ကြိုးပမ်းမှုဆိုခဲ့ရင် သူ့ရဲ့  ကြိုးပမ်းမှု အထမြောက်ပါသလား။


ဦးအောင်ကြည်ညွှန့် ။ ။ ကျနော်မြင်တာကတော့ ရှင်းရှင်းလေးပဲ တလွဲဆံပင်ကောင်းနေတယ်လို့ပဲ ပြောရမယ်။ ဒီအခြေအနေက လုပ်ရမယ့်အချိန်၊ ပြောရမယ့် အချိန်မဟုတ်ဘူး။ လုပ်ရမယ့်အလုပ်ကို မလုပ်ဘဲနဲ့ ပြောကြီးနေတာ သိပ်ပြီး သဘာဝမကျဘူးလို့ ပြောချင်တယ်။

ဦးကျော်ဇံသာ ။ ။ ဒေါက်တာရန်မျိုးသိန်းရဲ့  နောက်ဆုံး မှတ်ချက်ကို သိချင်ပါတယ်။

ဦးရန်မျိုးသိန်း ။ ။ အမျိုးသားပညာရေးဥပဒေနဲ့ ပတ်သက်ပြီးတော့ သမ္မတက လွှတ်တော်ကို ပြန်ပို့တဲ့စာကို ကြည့်ရင်လဲ အဓိကကျတဲ့ ဥပမာ ကျောင်းသားသမဂ္ဂလို့ ကိစ္စမျိုးကို ကျောင်းသားသမဂ္ဂလိုတောင် သုံးပြီးတော့ မဖော်ပြထားတာကို တွေ့ရတဲ့အခါကြတော့ ဒါဟာ တဖက်ကကြည့်ရင် နိုင်ငံရေးအရ မရောင်ရာဆီလူးတဲ့ သဘောလား။ နောက်ပြီးတော့ ရွေးကောက်ပွဲ နီးတဲ့အတွက်ကြောင့်မို့လို့ နိုင်ငံရေးထောက်ခံမှုတခု ရဖို့အတွက် ရည်ရွယ်ပြီး လုပ်တာလားလို့ ကျနော်က သံသယရှိပါတယ်။ ဒါပေမဲ့ အဲဒါကို ကြည့်လို့ရှိရင်တော့ Political Will အပိုင်းမှာတော့ အင်မတန်မှ အားနည်းတာကို တွေ့ရပါတယ်။
http://burmese.voanews.com/content/weekly-analysis-uncertain-politics-in-myanmar/2608637.html

မေ့တ္တာ နှင့် နိုင်ငံတော်

Post by ရုပ် ဆိုးလေ.

Type the rest of your post here.

တိုက်ပွဲ သတင်း

၂၀၁၅ ခုနှစ် ဇန်န၀ါရီလ ၂၀ ရက်

တအာင်းဒေသ၊ မိုးမိတ်မြို့နယ်၊ ညောင်ထောက်ကျေးရွာနှင့် ရောင်ပန်ကျေးရွာကြား ယနေ့ဇန်န၀ါရီလ ၂၀ ရက် နံနက်(၀၈း၄၅) နာရီမှ (၀၉း၃၀) နာရီအချိန်ထိ တအာင်းတပ်မတော်(TNLA)နှင့် မြန်မာ့တပ်မတော်တို့ ဖြစ်ပွားသော တိုက်ပွဲတွင် မြန်မာ့တပ်မတော်ဖက်မှ (၅)ဦး ကျဆုံးသည်။

သတင်နှင့်ပြန်ကြားရေးဌာန
PSLF/TNLA



Type the rest of your post here.

အမျိုးသားအကျိုးအတွက် ကြိုတင်ပြင်ဆင်မှုရှိရန် ကေအဲန်ယူ အလုပ်ရုံဆွေးနွေးပွဲပြုလုပ်

ဇန်နဝါရီ ၁၈ရက်၊ ၂၀၁၅ခုနှစ်၊ နန်းချောင်ဖော့

မိမိအမျိုးသားအကျိုးအတွက် ကြိုတင်ပြင်ဆင်မှုရရှိရန် ရည်ရွယ်၍ ကနဦးကရင်အမျိုးသားဆွေးနွေးပွဲ အလုပ်ရုံဆွေးနွေးပွဲ(Karen National Dialogue Workshop)ခေါင်းစဉ်ဖြင့် အလုပ်ရုံဆွေးနွေးပွဲတစ်ရပ်ကို ဇန်န၀ါရီ ၁၆ မှ ၁၇ရက်နေ့အထိ ကရင်ပြည်နယ်၊ ဖားအံမြို့၊ ဇွဲကပင်ခန်းမတွင် ကရင်အမျိုးသားအစည်း အရုံး(ကေအဲန်ယူ)က ဦးဆောင်ပြုလုပ်ကျင်းပခဲ့သည်။

အလုပ်ရုံဆွေးနွေးပွဲအပေါ် ကေအဲန်ယူ အထွေထွေအတွင်းရေးမှူး ပဒိုစောကွယ်ထူးဝင်းက “အလုပ်ရုံ ဆွေးနွေးပွဲမှာ ကျနော်တို့ ကရင်အမျိုးသားခေါင်းဆောင်တွေကနေပြီးတော့ လေ့လာရယူပြီး အမျိုးသား အတွင်းမှာ ဆက်လက်ကြိုတင်ပြင်ဆင်မှုတွေ ဘယ်လိုလုပ်မလဲဆိုတာ ဆုံးဖြတ်မှာဖြစ်ပါတယ်။ ကျနော်တို့ ရဲ့ ပြင်ဆင်မှုအနေနဲ့ အမျိုးသားအကျိုးနဲ့ တိုင်းပြည်အကျိုးအတွက် ပိုမိုပံ့ပိုးနိုင်မယ့် အနေအထား ရရှိဖို့ ကြိုးစားကြပါ”ဟု အခမ်းအနားဖွင့်ပွဲတွင် ပြောဆိုခဲ့သည်။

ထို့အပြင် ကရင်အမျိုးသားကို ကိုယ်စားပြုနေသည့် နိုင်ငံရေးအဖွဲ့အစည်းများ၊ လူထုလူတန်းအဖွဲ့အစည်းများ မှလည်း နိုင်ငံရေးတွေ့ဆုံဆွေးနွေးရေးဆိုသည့် မူဘောင်ကိစ္စကို မိတ်ဆက်သည့်အနေဖြင့် ကြိုတင်သိရှိ နားလည်ကြရန်နှင့် ကြိုတင်ပြင်ဆင်နိုင်ရန်အတွက် အလုပ်ရုံဆွေးနွေးပွဲကို စီစဉ်ကျင်းပခဲ့ခြင်းဖြစ်သည်ဟု ပဒိုစောကွယ်ထူးဝင်းက ပြောသည်။

နှစ်ရက်တာ ပြုလုပ်ခဲ့သည့် ယင်းအလုပ်ရုံဆွေးနွေးပွဲတွင် ကရင်နိုင်ငံရေးအဖွဲ့အစည်းကိုယ်စားလှယ်များ၊ ကရင်လူမှုအဖွဲ့အစည်းကိုယ်စားလှယ်များနှင့် နိုင်ငံတကာမှ Inter Mediate အဖွဲ့အစည်း၏ အသိပညာနှင့် အတတ်ပညာရှင်ကို ဖိတ်ခေါ်ပြီး အလုပ်ရုံဆွေးနွေးပွဲကို ဦးဆောင်ရှင်းပြဆွေးနွေးခဲ့ခြင်းဖြစ်သည်ဟု ကေအဲန်ယူက ဆိုသည်။

အလုပ်ရုံဆွေးနွေးပွဲသို့ ကေအဲန်ယူ အထွေထွေအတွင်းရေးမှူး ပဒိုစောကွယ်ထူးဝင်း၊ စည်းရုံးရေးဌာန တာဝန်ခံ ပဒိုစောလှထွန်း၊ နိုင်ငံခြားရေးတာဝန်ခံ ပဒိုစောအောင်ဝင်းရွှေ၊ ကေအဲန်ယူ ဗဟိုအလုပ်အမှုဆောင် ပဒိုစောသမိန်ထွန်းနှင့် ကရင်ပြည်နယ်စပ်ရေးရာလုံခြုံရေးဝန်ကြီး ဦးအောင်လွင်၊ ကရင်ပြည်နယ်အစိုးရဌာန ဆိုင်ရာဝန်ကြီးများ၊ လွှတ်တော်ကိုယ်စားလှယ်များ၊ ကရင်နိုင်ငံရေးပါတီများ၊ ကရင်လက်နက်ကိုင် အဖွဲ့ အစည်းများ၊ တိုင်းနှင့် ပြည်နယ်တွင် ရှိသည့် လူထုကိုယ်စားလှယ်ခေါင်းဆောင်များ၊ ကရင်လူမှုအဖွဲ့အစည်း များ၊ ဘာသာရေးခေါင်းဆောင်များ စုစုပေါင်း လူဦးရေ ၉၀ကျော် တက်ရောက်ခဲ့ကြသည်။

ဆွေးနွေးပွဲ တက်ရောက်ခဲ့သူ အမျိုးသားလွှတ်တော်ကိုယ်စားလှယ် စောအောင်ကျော်မင်းက “အခုလို ပွင့်လင်းမြင်သာတဲ့ အနေအထားပေါ်မှာ တစ်ဦးနဲ့ တစ်ဦး နားလည်မှုလေးတွေတည်ဆောက်တဲ့ သဘောနဲ့ ပြည်သူတွေရဲ့ ဆန္ဒသဘောထားတွေကိုလည်း ပြန်လည်အကြံပြုနိုင်အောင်၊ ကေအဲန်ယူကလည်း လူထုရဲ့ သဘောထားကို အခြေခံလာယူသွားပြီး လာမည့် အပစ်အခတ်ရပ်စဲရေး လက်မှတ်ရေးထိုးတာပဲဖြစ်ဖြစ်၊ ငြိမ်းချမ်းရေးဆောင်ရွက်တဲ့ နေရာပဲဖြစ်ဖြစ် ကုန်ကြမ်းယူတယ်လို့ ယူဆတယ်” ဟု ပြောဆိုသည်။

နိုင်ငံရေး တွေ့ဆုံဆွေးနွေးမှု မူဘောင်ကို တက်ရောက်ဆွေးနွေးနိုင်ရန် ကြိုတင်ပြင်ဆင်မှုအနေဖြင့် ကနဦးကရင်အမျိုးသားဆွေးနွေးပွဲ အလုပ်ရုံဆွေးနွေးပွဲ (Karen National Dialogue Workshop)ကို ကရင်ပြည်နယ် ဖားအံမြို့နယ် ယခုလို ပြုလုပ်ကျင်းပခြင်းဖြစ်သည်။
http://kicnews.org/2015/01/

ကချင် ကျောင်းဆရာမ ၂ ဦး အသတ်ခံရ

by အေးနိုင်

ရှမ်းပြည်နယ် မြောက်ပိုင်း မူဆယ်ခရိုင် ပန်ဆိုင်း (ကြူကုတ်) မြို့နယ် ရှဘုတ် ကောင်းခါးကျေးရွာမှာ မနေ့ညက အသက် ၂၀ အရွယ် ကချင် ကျောင်းဆရာမ နှစ်ဦး အခန်းတခု အတွင်း ဒဏ်ရာ ဗလပွနဲ့ သေဆုံးခဲ့ပါတယ်။

ကချင်နှစ်ခြင်းအသင်းချုပ်က အခမဲ့ စာသင်ကြားပေးနေတဲ့ ကျောင်းဆရာမ ဆရာမ မရန်လုလာနဲ့ တန်ဘောင် ခေါန်နန်ဆင်တို့ဖြစ်ကြပါတယ်။

အလောင်းတွေကို မူဆယ်ဆေးရုံကို သယ်ယူလာပြီး စစ်ဆေးနေတယ်လို့ ဆေးရုံမှာ လိုက်ပါလာတဲ့ မူဆယ်ခရိုင် ခရစ်ယာန်နှစ်ခြင်းအသင်းတော်က လူငယ်တာဝန်ခံ ကိုဇွာရာ (Mr. Zau Ra) က ပြောပါတယ်။

“ဖြစ်တဲ့ဟာ မနေ့ညက ဖြစ်တာ။ ည သန်းခေါင်ဖြစ်တာ။ ဒီမနက်ကျမှ ရွာသူရွာသားတွေက ပြန်ပြီးတော့ သွားကြည့်တဲ့အချိန်မှာ အဲလိုဖြစ်နေတာ။ ဖြစ်ပြီးတော့ သက်ဆိုင်ရာ ပန်ဆိုင်း(ကြူကုတ်) မြို့နယ်က စခန်းမှူးကိုအကြောင်းကြားပြီး သူတို့ ဆေးစစ်ချက်တွေ လာလုပ်ထားတာ။ အခုလည်း မူဆယ်ဆေးရုံမှာ ခွဲစိတ်မှုလုပ်နေတယ်။ ပန်ဆိုင်း(ကြူကုတ်)က စခန်းမှူး ကိုယ်တိုင် ဆေးစစ်ချက်ယူပြီး အခု ဒီမှာ ရောက်နေတယ်လို့ လို့ ညနေ လေးနာရီခွဲမှာ ပြောပါတယ်။”လို့ သူက ပြောပါတယ်။

သေဆုံးသူတွေရဲ့ မျက်နှာနဲ့ လက်တွေမှာ ပြတ်ရှဒဏ်ရာတွေ အများအပြား တွေ့ရှိတယ်လို့ သူက ပြောဆိုပြီး ဘယ်သူက ဘာကြောင့်သတ်ဖြတ်တယ်ဆိုတာကို မဖော်ထုတ်နိုင်သေးပါဘူး။

ကောင်းခါးကျေးရွာဟာ နမ့်တောင်းရွာကြီးကနေ အထက်ဘက် ၂ မိုင်အကွာမှာ တည်ရှိပြီး ဒီဆရာမနှစ်ယောက်ဟာ ကလေးတွေကို စာသင်ပေးနေတာဖြစ်ပါတယ်။

အဲဒီရွာက ခရစ်ယာန်ဘုရားကျောင်းဝင်းအတွင်းက သူတို့နှစ်ဦးအတွက် ဆောက်ပေးထား တဲ့နေအိမ် အိပ်ခန်းမှာ သေဆုံးနေကြတာဖြစ်တယ်လို့ ကိုဇွာရာက ပြောပါတယ်။

ကိုဇွာရာ က “ညကတည်းက (သေဆုံးတာ)မသိဘူး။ မနက်ကျမှ ရွာက ကျောင်းသားတွေက ဆရာမတို့ကို သွားခေါ်တယ်ဆိုပြီး သွားတဲ့အချိန်မှာ အဲလိုဖြစ်နေတာ။ သူတို့က ချပ်ကျောင်းဝင်းထဲက သူတို့အိမ်မှာ အိပ်တာ။ ဘေးနားမှာ အိမ်နီးနားချင်းတွေရှိတယ်။ ညက ၁၀ နာရီခွဲလောက်မှာ အသံကြားတယ်။ ၁၂ နာရီလောက်မှာ လာကြည့်တယ်။ တံခါးတွေ တွန်းတော့လည်း တံခါးတွေက ခတ်ထားတယ်။ ခေါ်ရင်လည်း မထူးဘူး ဆိုပြီးတော့ ဟာ အိပ်ပျော်နေပြီဆိုပြီး ပြန်သွားလိုက်တာ မနက်ကျမှ သွားကြည့်လိုက်တော့ အဲလိုဖြစ်နေတာ” လို့ ပြောပါတယ်။

ရွာသားတချို့ကို မေးမြန်းကြည့်တဲ့အခါ အစိုးရစစ်တပ် အမှတ် ၅၀၃ က အခင်းဖြစ်တဲ့ မနေ့ညက ရွာမှာ စခန်းချရပ်နား ညအိပ်ခဲ့ကြောင်းနဲ့ ဒီနေ့လည်း ရွာမှာ ရှိနေတယ်လို့ ပြော ပါတယ်။

ဖေ့စ်ဘွတ်ခ်လူမှုစာမျက်နှာမှာ အဆိုပါအမျိုးသမီး ၂ ဦး အ၀တ်အစားပိုသီပတ်သီနဲ့ ပက်လက်လဲကျ သေဆုံးနေပုံတွေ တင်ထားသလို အစိုးရတပ်မှ ရမခ စကခ ၁၆ လက်အောက်ခံ ခမရ ၅၀၃ မှ ဒုတပ်ရင်းမှူး ဦးဆောင် အဖွဲ့က အုပ်စုလိုက် အဓမ္မပြုကျင့် သတ်ဖြတ်ခဲ့တယ်လို့ တပ်ရင်းမှူး အမည်နဲ့ပါ ဖော်ပြထား တာတွေ့ရပါတယ်။

အခင်းဖြစ်ပွားချိန်ဟာ ကချင်လွတ်လပ်ရေးတပ်မတော်နဲ့ အစိုးရတပ်တွေအကြား တိုက်ပွဲတွေဖြစ်နေချိန်ဖြစ်တာကြောင့် ပဋ္ဋိပက္ခ ပိုမိုမကြီးထွားရအောင်နဲ့ အမြင်ရှင်းအောင် တိုင်းရင်းသူနှစ်ဦး သေဆုံးမှု ဖြစ်ရပ်မှန်ကို အစိုးရ ဘက်က သတင်းထုတ်ပြန်ဖို့ လိုအပ်နေပြီး ဒီနေ့ညနေအထိတော့ တစုံတရာ ထုတ်ပြန်မှုမရှိသေးပါဘူး။

ဒီဗွီဘီက မူဆယ်ရဲစခန်းကို ဒီကနေ့ညနေ ခြောက်နာရီတိတိမှာ ဆက်သွယ်မေး မြန်းတဲ့အခါ တာဝန်မှူး ဒုရဲအုပ် နေလင်းကိုက စခန်းကို ဒီအမှုမရောက်လာသေးကြောင်းနဲ့ မသိသေးကြောင်း ဖြေဆိုပါတယ်။
http://burmese.dvb.no/archives/77860

ကုလသံကို ဦးဝီရသူ ဆဲဆိုမှု ဝေဖန်ခံနေရ

နိုင်ငံရေးသမားတစ်ယောက်က ခပ်ကြမ်းကြမ်း ဖာစကားပြောတာကို လက်ခံလို့ရသေးတယ် တာပေမယ့် ဘာသာရေးသမားတစ်ယောက်ဒီလို ဖာစကားပြောတာ တော်တော်မိုက်ရိုင်းတယ်။ အဆင့်မရှိဘူး။



စနေလင်း - ဧရာဝတီ

ဇန်န၀ါရီ ၁၆ ရက်နေ့က ရန်ကုန်မြို့တွင် ကျင်းပပြုလုပ်ခဲ့သော လူထု စုဝေးပွဲတွင် မန္တလေးမြို့၊ မစိုးရိမ်တိုက်သစ်မှ ဦးဝီရသူက ရုန့်ရင်း ကြမ်းတမ်းသော စကားလုံးများ သုံးစွဲ ဟောပြောခဲ့ခြင်းနှင့် ပတ်သက်ပြီး ဝေဖန်ပြောဆိုနေကြသည်။

ကုလသမဂ္ဂ အထွေထွေညီလာခံ၏ ရိုဟင်ဂျာဟု ကိုယ့်ဖာသာကိုယ် ခေါ်ဆိုကြသည့် ဘင်္ဂါလီများအား နိုင်ငံသား အခွင့်အရေးပေးရန် ဆုံးဖြတ်ချက်ကို ဆန့်ကျင် ကန့် ကွက် ရှုတ်ချရာတွင် ဦးဝီရသူ က ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စ ယန်ဟီးလီအား “ဖာသည်မ”ဟု ခေါ်ခဲ့ပြီး ဒေါ်အောင်ဆန်းစုကြည်နှင့် အမျိုးသမီးအခွင့်အရေးလှုပ်ရှားသူများကိုလည်း “ဒီကောင်မတွေ” ဟု ရင့်သီးစွာ သုံးစွဲပြောဆိုထားသော ဗီဒီယိုဖိုင်ကို ဖေ့ဘွတ်လူမှုကွန်ရက်ပေါ်တွင် ပြန့်နှံ့နေသည်။ https://www.youtube.com/watch?v=zAPA7NKynbU တွင် ကြည့်ရှုနိုင်သည်။)

ထိုသို့ပြောဆိုခဲ့ခြင်းအပေါ် သဘောထားမှတ်ချက်ပေးရန် တောင်းခံရာ ဦးဝီရသူက “ဒီပြည်တန်ဆာမက သူ့နိုင်ငံမဟုတ်ပဲနဲ့ ကိုယ့်နိုင်ငံကို ရောင်းစားဖို့ လုပ်နေတာ။ ဖာသည်မတယောက်ရဲ့ အဆင့်တောင် မရှိဘူး။ ဦးဇင်းပြောတာကို ဝေဖန်နေကြတဲ့သူတွေအနေနဲ့လည်း စကားလုံးသုံးစွဲတာ တခုတည်းကို အပြစ်တင်ဝေဖန်မနေပါနဲ့။ စေတနာကို မြင်အောင်ကြည့်ကြပါ။ ဗိုလ်ချုပ်အောင်ဆန်းတောင်မှ ဘာနိုင်ငံဖြစ်သွားမလဲဆိုတာမျိုးကို ပြောဆိုခဲ့တာ။ သူက နိုင်ငံနဲ့ချီပြီးပြောတာ။ ဦးဇင်းပြောခဲ့တာက တဦး တယောက်ထဲကိုပဲ ရည်ရွယ်ပြီး ပြောဆိုခဲ့ တာ” ဟု တယ်လီဖုန်းမှတဆင့် မိန့်ကြားသည်။

ထိုကဲ့သို့ ပြောဆိုခဲ့မှုနှင့် ပတ်သက်ပြီး သံဃာတော်များအကြား ဝေဖန်သုံးသပ်မှုများ ဖြစ်ပေါ်နေသည်။ ဗုဒ္ဓဘာသာဝင် သံဃာတပါးဖြစ်သော်လည်း လူသာမန်များ ပြောဆိုတတ်ကြသည့် ရိုင်းစိုင်းသည့် စကားလုံးများဖြင့် လူပရိသတ်ရှေ့ ဟောပြောခြင်းသည် ၀ိနည်းနှင့် ကိုက်ညီမှု မရှိကြောင်း ဝေဖန်ကြသည်။

“ကာယကံ၊ ၀စီကံကို ထိန်းတာ သီလလို့ခေါ်တယ်။ အခုက သီလပျက်တာ၊ အကျင့်ပျက်တာပဲ။ ငါ ဘုန်းကြီး၊ ငါ သင်္ကန်းဝတ်ဆိုပြီး အပြန်အလှန် လေးစားမှုနဲ့ ယှဉ်ပြိုင်မှုမျိုး မလုပ်ပဲ အခုလို လုပ်တာကတော့ နောက်ကွယ်မှာ ရိုးသားမှု မရှိတာ ပို ထင်ရှားနေပြီ။ ဗုဒ္ဓဘာသာ ခေါင်းဆောင်တွေဟာ နိုင်ငံရေးပါတီတွေနဲ့ ပတ်သက်ပြီး ချဉ်းကပ်ပုံ၊ ချဉ်းကပ်နည်းတွေ မှားနေ
ပြီ။ အဲဒီအတွက်ကြောင့်ပဲ တိုင်းပြည်မှာ မဖြစ်သင့်၊ မလျော်ကန်တဲ့ ကမောက်ကမတွေ ဖြစ်လာတော့မှာကို စိုးရိမ်လာပြီ” ဟု ရွှေည၀ါဆရာတော် ဦးပညာသီဟက ဧရာဝတီသို့ မိန့်ကြားသည်။

ရွှေဝါရောင် ပညာဒါနကျောင်းဆရာတော် ဘဒ္ဓန္တ ပဏ္ဍ၀ံသကလည်း လူသာမန်တို့ သုံးနှုန်းသည့် ကြမ်းတမ်းသည့် အသုံးအနှုန်းများကို ပြောဆိုနေမှုသည် သံဃ ၀ိနည်းနှင့်လည်း ကိုက်ညီမှုမရှိသလို ခံရသူများအနေဖြင့်လည်း သာသနာညှိုးနွမ်းစေမှုဖြင့် တရားစွဲဆိုခံရနိုင်သည့် အနေအထားမျိုးဖြစ် ကြောင်း မိန့်သည်။

သံဃ၀ိနည်းအရ လူများကို ဆဲရေးခြင်း၊ ရိုက်ပုတ်ခြင်းကြောင့် ငြိစွန်းသည့်ပြစ်မှုကို ဒေသနာ ကြားနာရုံဖြင့် အာပတ်ဖြေနိုင် သော်လည်း သံဃာတပါးအနေဖြင့် ဆီလျော်သည့် အပြုအမူ၊ အပြောအဆိုများမဟုတ်ကြောင်း၊ သံဃမဟာနာယကဘက်မှ မည်သို့ ညွှန်ကြားမည်ကို မသိနိုင်ပါကြောင်းလည်း ဆက်မိန့်သည်။

သို့ရာတွင် အမျိုးဘာသာ သာသနာ ထိန်းသိမ်းစောင့်ရှောက်ရေး အဖွဲ့ဝင် သံဃာတော်တချို့အနေဖြင့် ဆရာတော်ဦးဝီရသူ၏ ပြောဆိုခဲ့မှုအပေါ် အားရကျေနပ်သလို အားပေးထောက်ခံပါကြောင်း တညီတညွတ်တည်း ပြောဆိုကြသည်။

လမ်းမတော်မြို့နယ်၊ အမျိုးဘာသာ သာသနာ ထိန်းသိမ်းစောင့်ရှောက်ရေးအဖွဲ့မှ ဦးဆောင်ဆရာတော် တပါးဖြစ်သူ ဦးဥတ္တမက “လူ အသိစိတ်ရှိတဲ့၊ လူအကျင့် ကျင့်တဲ့သူဆိုရင်တော့ လူ စကားပြောလို့ရမှာပေါ့။ တချို့က နားမလည်တော့ နားလည်အောင် လိုက်ပြောမှရမှာ” ဟု မိန့်ကြားသည်။
http://burma.irrawaddy.org/news/2015/01/19/70064.html

ပညာဟူသည် အိုသည်မရှိ - လူငယ်များအတုယူသင့်သော ဆရာနော်ထူးခူ

Htoo Ku

Type the rest of your post here.

ပိတ်မိ ကချင်အရပ်သား ကယ်ထုတ်ရေး စစ်တပ်ဟန့်တား

မဆုမွန်

ကချင်ဝန်ကြီးနဲ့ ရဲတပ်ဖွဲ့ဝင်အချို့ကို ကချင်တပ်ဘက်က ခေတ္တထိန်းသိမ်းလိုက်ပြီးတဲ့နောက် ကချင်ပြည်နယ် ဖားကန့်မြို့နယ်ထဲမှာ ကချင် လွတ်မြောက်ရေးတပ်နဲ့ မြန်မာစစ်တပ်ကြား တိုက်ပွဲတွေ ပြင်းပြင်းထန်ထန် ဆက်ဖြစ်နေပါတယ်။ တိုက်ပွဲကြား ပိတ်မိနေတဲ့ရွာသားတွေကို သွား ကယ်ထုတ်ဖို့ ကြိုးစားတဲ့ ကယ်ဆယ်ရေးယာဉ်တန်းတွေကို မြန်မာစစ်တပ်ဘက်က သွားခွင့်မပေးဘဲ ပိတ်ထားတဲ့အတွက် စစ်ဘေးဒဏ်သင့် ဒေသခံ ပြည်သူတွေကို ကယ်ဆယ်ရေး အခက်တွေ့နေပါတယ်။ မငြိမ်းချမ်းနိုင်သေးတဲ့ ကချင်ပြည်နယ်ထဲက တကျော့ပြန် စစ်ရေးတင်းမာမှုတွေရဲ့ နောက်ဆုံး အခြေအနေမဆုမွန်က စုံစမ်းတင်ပြထားပါတယ်။

ပြီးခဲ့တဲ့ ဇန်နဝါရီလ ၁၆ရက်နေ့က ကချင်လွတ်မြောက်ရေးတပ်ဖွဲ့ (KIA) တပ်မဟာ (၂) လက်အောက်ခံ တပ်ရင်း (၆) တပ်ဖွဲ့နဲ့ အစိုးရတပ်ဖွဲ့တွေ ကချင် ပြည်နယ်၊ ဖားကန့်မြို့နယ် ဂွေခါနမ်မှော်ဘက်မှာ တိုက်ပွဲဖြစ်ခဲ့တာပါ။ ဇန်နဝါရီလ ၁၄ ရက်နေ့က ကချင်ပြည်နယ် လမ်းပန်းဆက်သွယ်ရေးဝန်ကြီး ဦးကမန်းဒူနော်၊ နောက်ပြီးတော့ လမ်းကြောင်းလုံခြုံရေး ရဲတပ်ဖွဲ့ဝင်သုံးဦးကို ကချင်လွတ်မြောက်ရေးတပ် KIA တပ်ရင်း (၆) က ဖမ်းဆီး ခေါ်ဆောင် သွားခဲ့ပြီးတဲ့နောက် ကချင်ပြည်နယ်တွင်းမှာ စစ်ရေးတင်းမာမှုဖြစ်လာတာပါ။ ကချင်ပြည်နယ်တွင်းမှာ ဆက်တိုက်ဆိုသလို ဖြစ်လာနေတဲ့ စစ်ရေး အခြေအနေတွေနဲ့ ပတ်သက်လို့ ကချင်လွတ်မြောက်ရေးအဖွဲ့ (KIO) ရဲ့ ဗဟိုကော်မတီဝင် ဦးဒွဲပီဆာက ဗွီအိုအေမြန်မာပိုင်းကို အခုလိုပြောပြပါတယ်။

“၁၅ ရက်မှာ တပ်ရင်း (၆) ကို လာသိမ်းတယ်၊ လာတိုက်တယ်။ နောက် တပ်မဟာ (၁) ပသော်ခရိုင်၊ ကျနော်တို့ KIA တပ်ရင်း (၇) စခန်းတခုကိုလည်း သူတို့ လာသိမ်းလိုက်တယ်။ ဇန်နဝါရီ ၁၅ ရက်မှာဆိုရင် အောင်ဘာလေကို ဗမာတပ်တွေက လာသိမ်းလိုက်တာကို။ လာသိမ်းလိုက်တော့ ..... ဆရာတွေက ရွာသားတွေကို ဟာဂမ်း၊ လောင်ခမ်ပေါ်ကို ခေါ်သွားဖို့ သူတို့က အစီအစဉ်ရှိတယ်တဲ့။ ဒါပေမယ့် ဗမာတပ်တွေက ခွင့်မပြုဘူးပေါ့။ ”

ဖားကန့်မြို့နယ်ထဲက အောင်ဘာလေကျေးရွာတဝိုက်မှာ စစ်တပ်က နေရာယူပြီး တိုက်နေတဲ့အတွက် ကချင်တပ်နဲ့ မြန်မာစစ်တပ် နှစ်ဖက်ရင်ဆိုင် တိုက်ပွဲကြား ရွာသားတွေ ပိတ်မိနေကြပါတယ်။ ဒီလို ဒုက္ခရောက်နေတဲ့ ရွာသားတွေကို ကားတွေနဲ့ သွားကယ်ဖို့ ဖားကန့်က ဘာသာရေး၊ လူမှုရေးအဖွဲ့တွေက ကြိုးစားတာကို မြန်မာတပ်ဘက်က ခွင့်မပြုဘူးဖြစ်နေတယ်လို့ ကချင်လူမှုဖွံ့ဖြိုးရေးကွန်ရက်က ကိုစာဂျီကပြောပြပါတယ်။

“လှောင်ပိတ်ထားတဲ့ပြည်သူတွေကို ကယ်ဆယ်ဖို့ အခု ဘာသာရေး အဖွဲ့အစည်း၊ နိုင်ငံရေးပါတီကအစ ရှိတယ်။ အဲဒါကို ကယ်ထုတ်ဖို့ ကားတွေအသင့် ရာနဲ့ချီပြီး တန်းစီတယ်။ ဒါပေမယ့် စစ်တပ်က သူတို့ကယ်ထုတ်ဖို့ လုံးဝ ခွင့်မပြုဘူး။ အဲဒါ ဘာကြောင့် ဒီလိုဖြစ်လဲဆိုတာက အဲဒီမှာရှိတဲ့ပြည်သူတွေ ရှိလို့ရှိရင် KIA က လာမပစ်ဘူးဆိုတဲ့ ခံယူချက်နဲ့ corver ပေါ့၊ ဓားစာခံပုံစံနဲ့ ရွာကို သိမ်းထားတယ်။ ပြည်သူတွေကို အပြင်ကယ်ထုတ်ဖို့ လုံးဝကို ခွင့်မပြုဘူး။ အဲဒါကြောင့် အခုက ပုံစံတမျိုး ဖြစ်နေပြီ။ ဖားကန့်က ပြည်သူတွေက ကားရာနဲ့ချီပြီး သပိတ်မှောက်တဲ့ပုံစံပေါ့နော်။ မရမက အဲဒီ တိုက်ပွဲဖြစ်တဲ့နေရာက ပြည်သူကို ကယ်ထုတ်ဖို့ အခု အင်အားပြတဲ့အနေနဲ့ လုပ်တော့မှာ။ အခု သူတို့ တန်းစီနေပြီ။ ခွင့်ပြုပြု မပြုပြုပေါ့နော်၊ ညသန်းကောင် အိပ်ရာနဲ့ဘာနဲ့ အားလုံးက တန်းစီနေပြီ။”

ဖားကန့်ဒေသခံအမျိုးသမီးတစ်ဦးကလည်း ဒေသတွင်း မတည်ငြိမ်မှုတွေ ဖြစ်နေတာဟာ လုံခြုံရေးစိုးရိမ်စရာဖြစ်နေပြီး ဒုက္ခသည်တွေကို ဖားကန့် ဒေသခံတွေက ကူညီကယ်တင်ပေးဖို့ ကြိုးစားနေတဲ့အကြောင်း အခုလိုပြောပြပါတယ်။

“မသွားခိုင်းဘူး။ ဆန်ခါမှာပဲ ကားတွေတန်းစီထားတယ်၊ ၁၅၅ စီးစလုံး။ မပြန်လာသေးဘူး၊ ညလည်း မသွားခိုင်းရင် နေထားမယ်လို့ ပြောတယ်ကော။ ...ရှိတဲ့ဘက်ကို သွားတာရှင့်။ အဲဒီမှာ ဒုက္ခသည်တွေကို သွားကြိုမယ်ဆိုတဲ့ ပုံစံမျိုးနဲ့မှ သွားတာရှင့်။”

ကားလမ်းကို ဖြတ်သန်းခွင့်မပြုတဲ့အတွက် ဒေသခံတွေ သွားလာရေးခက်ခဲသလို စစ်ဘေးဒဏ်သင့်ပြည်သူတွေဆီ အကူအညီတွေပေးဖို့အရေးလည်း အခက်တွေ့နေတာဖြစ်ပါတယ်။ ဒါပေမဲ့ ဖားကန့်ဒေသခံတွေ ရာနဲ့ချီစုဝေးပြီး ကယ်တင်နိုင်ဖို့အရေး တာဝန်ရှိသူတွေကို တောင်းဆိုနေကြတဲ့အကြောင်း ကချင်ပြည်သူတွေ အရေး ကူညီပေးနေတဲ့ ကိုစာဂျီကပြောပြပါတယ်။

“အခု အဲဒီမှာ လူဦးရေ ဒေသခံက ၁ ထောင်ကျော်၊ ၁ ထောင်ဝန်းကျင်လောက် ရှိမယ်။ ဒါပေမယ့် အပြင်က လက်လုပ်လက်စားလည်း အများကြီးရှိတယ်လေ။ ရခိုင်ရော၊ ရှမ်းရော၊ ဗမာရော အများကြီးပဲ၊ အဲဒီမှာ ပိတ်မိနေတယ်။ အောင်ဘာလေက ကျောက်စိမ်းတွင်းပေါ်ပေါ့။ ဗိုင်းကောင်ဝ ကျေးရွာပေါ့။ ကံစီဟော ဆိုတဲ့ရွာရှိတယ်။ နောက်ပြီး ရွာတွေ အများကြီးပါ။ သုံးရွာလောက် ရှိတယ်။ အဲဒီမှာလူတွေက ထောင်ချီပြီးရှိတယ်။ နှစ်ထောင်၊ သုံးထောင်လောက်ရှိမယ်။ အားလုံးပေါင်းလိုက်ရင်၊ အားလုံးချောင်ပိတ်နေတယ်။ မရမက ကယ်ထုတ်နိုင်အောင် အင်အားပြတဲ့အနေနဲ့ဆို အခုက လူတွေအများကြီးပေါ့နော်၊ ချီတက်နေတယ်။ အခုက ကားတွေ စုဆောင်းနေဆဲပေါ့နော၊”

အခုနောက်ဆုံးအခြေအနေကတော့ ကချင်ပြည်နယ်ဝန်ကြီးကို ဆက်ထွက်ခွာခွင့်ပြုပေမဲ့ လမ်းကြောင်းလုံခြုံရေးရဲတပ်ဖွဲ့ဝင်သုံးဦးကိုတော့ ကချင်တပ်ဘက်က ဆက်ဖမ်းထားဆဲဖြစ်လို့ ထိန်းသိမ်းထားသူတွေကို အမြန်ဆုံးပြန်လွှဲပြောင်းပေးရေး ကချင် ပဋိပက္ခဖြေရှင်းရေး ညှိနှိုင်းရေးအဖွဲ့နဲ့ မြစ်ကြီးနားမြို့က နည်းပညာဆိုင်ရာအကြံပေးအဖွဲ့တို့က ညှိနှိုင်းဖြေရှင်းပေးနေသလို မြန်မာစစ်တပ်က နယ်မြေရှင်းလင်းရေး လုပ်ဆောင်နေတယ်လို့ မြန်မာပြန်ကြားရေးဘက်က သတင်းထုတ်ပြန်ထားပါတယ်။
http://burmese.voanews.com/content/fighting-with-kia-and-myanmar-army-in-kachin-pahr-kant-/2602685.html

The Heart Wants What It Wants

တေးချစ်သူများအတွက် သီချင်းလက်ဆောင်....




Type the rest of your post here.

ဗိုလ်ရှုခံ အခမ်းအနားမှာ တွေ့ကြုံရသမျှ

မြန်မာနိုင်ငံမှာ သမ္မတဦးသိန်းစိန်ကြီး အစိုးရသစ်လက်ထက်မှ ပြန်လည်ကျင်းပတဲ့ ဗိုလ်ရှုခံအခမ်းအနားက အောင်မြင်စွာကျင်းပနိုင်ခဲ့ပါပြီ။ ဒါပေမယ့် ဒီဗိုလ်ရှုခံအခမ်းအနားကို လာရောက်အသုံးတော်ခံခဲ့ရတဲ့ ဝန်ထမ်းတွေ၊ ကျောင်းသား လူငယ်တွေရဲ့ နောက်ကွယ်က အဖြစ် အပျက်အချို့ကိုတော့ ပြည်သူအများစု သိလိုက်မယ်လို့ မထင်ပါဘူး။ ဒီအခမ်းအနားကို လာရောက်ခဲ့ရတဲ့ ဝန်ထမ်းတွေမှာ ကိုယ်စီအတွေ့ အကြုံတွေ ရှိကြမှာပါ။ ဒီနေရာမှာ ကယားပြည်နယ်ကို ကိုယ်စားပြုပြီး သွားခဲ့ရတဲ့ သူတွေရဲ့ အတွေ့အကြုံတချို့ကို မျှဝေပါရစေ။ ကိုယ်တိုင်တွေ့ ကြုံခဲ့ရတဲ့ အတွေ့အကြုံတွေပါပဲ။

ဒီဇင်ဘာလ ၂၂ ရက် ညနေ ၆နာရီလောက်မှာ ကယားပြည်နယ် ကိုယ်စားပြုတဲ့ လူငယ် ၁၈၀ ဟာ ဗိုလ်ရှုခံအခမ်းအနား တက်ရောက်ဖို့ အတွက် ယဉ်ကျေးမှုရုံးက ထွက်ခဲ့ကြပါတယ်။ နိုင်ငံတော်အခမ်းအနားမှာ ကယားပြည်နယ် ကိုယ်စားပြုတက်ရောက်ရမယ့်အတွက် လူငယ်တွေဟာ တက်တက်ကြွကြွ ဝမ်းမြောက် ဂုဏ်ယူစွာနဲ့ ခရီးစဉ်ကို စတင်ခဲ့ကြပါတယ်။

အများစုက တက္ကသိုလ်ကျောင်းသူ၊ ကျောင်းသား တွေပါ။ အရပ်သားတချို့နဲ့ ဝန်ထမ်းတချို့လည်း ပါဝင်ကြပါတယ်။ နေစရိတ်စားစရိတ် အငြိမ်း ဆို တော့ ပိုပြီး အားတက်ခဲ့ကြ တယ်။ တချို့ဆို တနေ့ ၃၀၀၀ ကျပ်ပေးမယ့် အပျော်ခရီးသက်သက်ပဲဆိုလို့ ဝမ်းပန်းတသာနဲ့ ခရီးမှာလိုက်လာခဲ့ကြပါတယ်။ ဘာလုပ်ရမယ်ဆိုတာ ကြိုတင်မသိရဘဲ အခမ်းအနားတက်ဖို့ အတွက်ပဲ သိကြပါတယ်။

လွိုင်ကော်ကနေ နမ့်ပန်တက် ကလော၊ ယင်းမာပင်လမ်းအတိုင်း နေပြည်တော်ကို ထွက်ခဲ့ကြတာပါ။ လမ်းကကြမ်း၊ ကားကကြပ်နဲ့ ခရီး နှင်ခဲ့တာ ကားမူးသူကမူး အန်သူကအန်နဲ့ နေပြည်တော်ကို နောက်နေ့နံနက် ၇ နာရီလောက်မှာ ရောက်လာပါတယ်။ နေပြည်တော်ကို ရောက်တော့ ညောင်းညာကိုက်ခဲ ပင်ပန်းနေပါပြီ။

ဒါပေမယ့် မွန်းလွဲ ၂ နာရီလောက်မှာ တန်းစီကြရပါတယ်။ နေပူကြဲကြဲထဲမှာ လုပ်ရတာပါ။ ဘယ်လိုမှ မျှော်လင့် မထားတဲ့ စစ်ရေးပြကို စတင် သင်ကြားရတာပါ။ အဲတော့မှ အပြောနဲ့ လက်တွေ့ မတူတာကို သိလိုက်ကြပါတယ်။ နောက်နေ့မှာ မနက် ၃ နာရီ အိပ်ရာက ထရပါ တယ်။ ပြီးတော့ ချီတက်လေ့ကျင့်ရပါတယ်။ ရာသီဥတုကလည်း အရမ်းအေး။ မနက်စောစောကြီးထပြီး လေ့ကျင့်ခန်းလုပ်ရ။ ပေးထားတဲ့ ယူနီဖောင်းကလည်း ပါးလွှာနေတော့ အအေးဒဏ်က အသားထဲထိကို စိမ့်ဝင်ပြီး အေးတာပါ။ ဒါပေမယ့် အခုလို ရောက်လာမှတော့ မထူးဘူး၊ အကောင်းဆုံးဖြစ်အောင် လေ့ကျင့်ကြမယ် ဆိုတော့ စိတ်ဖြစ်ခဲ့ကြတယ်။ အကောင်းဆုံးလည်း လုပ်နိုင်ခဲ့တယ်။

ဒီနေရာမှာ ဘာတွေ့ရလဲဆိုတော့ တခြားတိုင်းနဲ့ ပြည်နယ်တွေက တစ်ယောက်ကို မုန့်ဖိုး ၂၀၀၀၀ ကနေ ၅၀၀၀၀ ကျပ်အထိရကြတယ်။ ဝတ်စုံဆိုရင်လည်း ပိုကောင်းတယ်။ သက်ဆိုင်ရာဝန်ကြီးတွေက လာရောက်အားပေးပြီး လိုအပ်တာတွေကို ဖြည့်ဆည်းပေးကြတယ်။ ဒါပမေယ့် ကယားပြည်နယ်ကိုယ်စားပြုပြီး ရောက်လာကြတဲ့ လူငယ်တွေကတော့ လည်ပင်းရှည်အောင် မျှော်ပင်မယ့်လည်း တယောက်မှ ပေါ်မလာကြပါဘူး။ လူငယ်တချို့က ငွေကြေးအခက်အခဲရှိတဲ့ အကြောင်းတင်ပြကြပါတယ်။ အုပ်ချုပ်တဲ့ သူက “ နင်တို့ မုန့်ဖိုးလိုချင်ရင် စည်ပင်သာယာရေး ဝန်ကြီးဆီမှာတောင်း ” လို့ ဆိုပါတယ်။

ဒါကြောင့် စည်ပင်ဝန်ကြီးကို ဖုန်းဆက် အကူအညီတောင်းခဲ့ကြပါတယ်။ အကယ်၍ ဘယ်သူမှ ရောက်မလာခဲ့ရင် အားလုံးလှည့်ပြန်ကြဖို့ အတွက်လည်း စီစဉ်ထားကြတယ်။ ၂၀၁၅ ဇန်နဝါရီလ ၃ရက် ညနေမှာ စည်ပင်ဝန်ကြီး ဦးအောင်နိုင် ရောက်လာပါတယ်။ ဒါပေမယ့် လူငယ်တွေရဲ့ အခက်အခဲကို လာရောက် မဖြေရှင်းပေးတာ မဟုတ်ဘဲ လူငယ်တွေက ပုန်ကန်နေသူတွေ အလား လာရောက်ပြောဆိုသွားပါတယ်။

ယဉ်ကျေးမှု ဒုတိယညွှန်ကြားရေးမှူးဆိုသူကလည်း စည်ပင်ဝန်ကြီး မလာမီက ဝန်ကြီးတွေ မကောင်းကြောင်း၊ ရှုပ်ပွေတဲ့ အကြောင်းတွေ ပြောခဲ့ပေမယ့်လည်း ဝန်ကြီး ဦးအောင်နိုင်ဦးရှေ့ရောက်တော့ လူငယ်တွေကို အပြစ်တင် စကားတွေသာပြောဆိုခဲ့ပါတယ်။ ဒါ့အပြင် ဝန်ကြီးရှေ့မှာ ဦးဆောင်တင်ပြတဲ့ သူကို ‘နင် ခုလိုလုပ်တာ စိတ်ဓာတ်အောက်တန်းကျတယ်’ လို့တောင် ပြောလိုက်ပါသေးတယ်။

ဒီအချိန်မှ ပြည်နယ်အစိုးရက ကျပ်သိန်း ၈၀ ထုတ်ပေးလိုက်တဲ့ အကြောင်းသိရပါတယ်။ ဒါပေမယ့် လူငယ်တွေရရှိထားတဲ့ ပါးလွှာတဲ့ ဝတ်စုံက ဘယ်လောက်ဈေးပေးရတယ်တော့ မသိပါဘူး။

ဒီနေရာမှာ စည်ပင်သယာရေးဝန်ကြီးပြောတဲ့ စကားတွေဟာ ကယားပြည်နယ် ကိုယ်စားပြုလာတဲ့သူ တယောက်အတွက်တော့ စိတ် မကောင်း စရာပါ။
“ငါတို့ ပြည်နယ်က ဆင်းရဲတယ်လေ။ တခြားပြည်နယ်တွေနဲ့ နှိုင်းလို့ မရဘူးလေ။ ငါတို့ ပြည်နယ်ဆင်းရဲတာ ပြည်သူတွေကြောင့်။ ပြည်နယ်က ပြည်သူတွေက အခွန်ဆိုရင် မပေးချင်ကြဘူး” စသဖြင့် လူငယ်နဲ့ စကားပြောတဲ့နေရာမှာ “ နင်” “ငါ” ဆိုတဲ့ အသုံးအနှုန်း တွေနဲ့ ယူထားတဲ့ ရာထူးကိုမှ မထောက်ဘဲ ပြောသွားခဲ့ပါတယ်။

အဲဒီမှာ လူငယ်တစ်ဦးက “အခုမှ ကယားပြည်နယ် ဘယ်လောက်ဆင်းရဲတယ်ဆိုတာ သိရပြီ ” လို့ ပြောလိုက်တော့ ဝန်ကြီးက “ နင်အဲလို စကားမပြောနဲ့ နင်ဝန်ထမ်း တစ်ယောက်နော်” လို့ ပြောပြန်ပါတယ်။

အုပ်ချုပ်သူတယောက်ဖြစ်တဲ့ ယဉ်ကျေးမှုဌာနက လက်ထောက်ညွှန်ကြားရေးမှူးက “ဘယ်မှာလဲ ပြန်မယ်ပြောတဲ့သူ ငါအခု ချက်ချင်း ပြန်ပို့လိုက်မယ်။ ငါတို့က နင်တို့ကို ပိုက်ဆံပေးမယ်လို့ ပြောပြီးခေါ်ခဲ့တာ မဟုတ်ဘူး။ ပြန်ချင်တဲ့ သူပြန်ကြ ” လို့ပြောတော့ အားလုံးက လက်ထောင်ခဲ့ကြတယ်။

လူငယ်တယောက်က “ အစတည်းက ဘယ်သူမှ ပိုက်ဆံလိုချင်လို့လာခဲ့ကြတာမဟုတ်ဘူး ။ ဒါပေမယ့် ခု အားလုံး အခက်အခဲကြောင့် ခုလိုလုပ်ရတာ။ ပိုက်ဆံလိုချင်တာထက် လာရောက်တွေ့ဆုံပြီး အားပေးစကားကို ပိုမိုမျော်လင့်ခဲ့တာ” လို့ တင်ပြတယ်။

ဒီအခါ ဝန်ကြီးက သူ့ကားမောင်းတဲ့ ကားမောင်းသမားက လမ်းမသိလို့ မလာဖြစ်တဲ့ အကြောင်းရှင်းပြပြီးတော့ “ ငါ့ခရီးစရိတ်ထဲ က နင်တို့ကို ငွေ ၅၀၀၀၀(ကျပ်) ပေးလိုက်မယ် ” လို့ ဆိုပါတယ်။ သို့သော် လူအင်အား ၁၈၀ အတွက် ငွေ ၅၀၀၀၀ ကျပ် ဘယ်လို သုံးမလဲ။

ညဘက်တွင် အလှူရှင်တစ်ဦးမှ တစ်ယောက်လျှင် ကျပ် ၁၀၀၀၀ စီ မုန့်ဖိုးပေးပါတယ်။ အဲဒီ မုန့်ဖိုးပေးတဲ့ အခါမှာ အုပ်ချုပ်သူက ယဉ် ကျေးမှုဌာနက လက်ထောက်ညွှန်ကြားရေးမှူးက “နင်တို့ ပိုက်ဆံမမြင်ဖူးဘူး မဟုတ်လား။ ဒီမှာ တစ်ယောက် ၁၀၀၀၀ လာယူကြ” လို့ ပြောပြီး ပေးပါတယ်။ လူငယ်နှစ်ယောက်က ဒီငွေကို မယူဘဲ အုပ်ချုပ်သူထံ လှူဒါန်းလိုက်မည်ဟုဆိုကာ ငွေ ၁၀၀၀၀ကျပ်ကို မယူ ဘဲနေခဲ့ကြတယ်။ အုပ်ချုပ်သူကတော့ အပြုံးပင် မပျက်။

တကယ်တော့ လူငယ် ၁၈၀ တို့ဟာ လွတ်လပ်ရေးနေ့မှာ တိုင်းရင်းသားဝတ်စုံ အပြည့်နဲ့ စစ်ကြောင်းချီတက် အလေးပြုခဲ့ တာဟာ ငွေကြေး ၁၀၀၀၀ ကျပ်အတွက်ကြောင့် မဟုတ်ဘဲ ကယားပြည်နယ်မျက်နှာ၊ ကယားလူမျိုးတွေ မျက်နှာ ထောက်ထား၍သာ ဖြစ်ပါတယ်။

လွတ်လပ်ရေးနေ့ည ညစာစားပွဲမှာ ပြည်နယ်အသီးသီးက ဂုဏ်ပြုဆုငွေတွေ ရခဲ့ကြပါတယ်။ ကယားပြည်နယ်အတွက် ဘယ်လောက် ရလိုက်တယ်ဆိုတာ မသိရပါဘူး။ ဘယ်နေရာမှာ အသုံးပြုလိုက်တယ်ဆိုတာလည်း မသိရပါဘူး။ တကယ်တော့ ဒီခရီးစဉ်မှာ ခရီးစရိတ်သာ မပေးရတာပါ။ အသွားတုန်းက ကိုယ့်အစီစဉ်နဲ့ကိုယ် စားခဲ့ရတယ်။ အပြန်ခရီးမှာတော့ ထမင်းဖိုး ၂၀၀၀ကျပ် စီပေးတယ်။

ကယားပြည်နယ်က လူငယ် ၁၈၀ လွတ်လပ်ရေးနေ့ ဗိုလ်ရှုခံအခမ်းအနားအတွက် ၂ ပတ်တာ အပင်ပန်းခံ စစ်ရေးလေ့ကျင့်ခဲ့ရတဲ့ အကျိုးခံစားခွင့်ဟာ ငွေကျပ် ၂၀၀၀ အပါအဝင် စည်ပင်သာယာရေးဝန်ကြီးနဲ့ ယဉ်ကျေးမှုဌာနက လက်ထောက်ညွှန်ကြားရေးမှူးတစ်ဦးရဲ့ ပြောဆိုစော်ကား ခံခဲ့ရတာပါပဲ။ ဒီလို ၂ ပတ်တာ အပင်ပန်းခံခဲ့ရလို့ ကယားပြည်နယ်က လူငယ်တွေဟာ အနည်းဆုံး နေပြည်တော်ရဲ့ ရေပန်းဥယျာဉ်၊ ဒါမှမဟုတ် မြို့မဈေးဆိုတာတောင် မရောက်ခဲ့၊ မမြင်ခဲ့ရပါဘူး။

ဒီလိုတွေ ဖြစ်ခဲ့တာကို ပြည်သူတွေလည်း သိကြမှာ မဟုတ်သလို ဗိုလ်ရှုခံတဲ့ သမ္မတဦးသိန်းစိန်လည်း သိမှာမဟုတ်ပါဘူး။ ကယား ပြည်နယ်က သွားတဲ့ လူငယ်တွေ ကြုံတွေ့ရတာထက် ဆိုးရွား၊ ခါးသီးတဲ့ အတွေ့အကြုံတွေလည်း ရှိကြမှာပါ။

ဗိုလ်ရှုခံ အခမ်းအနားက ရလိုက်တဲ့ သင်ခန်းစာတခုကတော့ ခေါင်းဆောင်ကောင်းတွေက နောက်လိုက်တွေအတွက် အနစ်နာခံကြတယ်။ စည်းလုံးမှု မရှိသေးတဲ့ နောက်လိုက်တွေကို စည်းလုံးအောင် သင်ပေးကြတယ်။ ဗိုလ်ချုပ်အောင်ဆန်းဆိုရင် တောင်ပေါ် မြေပြန့် မခွဲခြားဘဲ အတူတကွ လွတ် လပ်ရေးရအောင် ကြိုးစားခဲ့ကြတယ်။ “လွတ်လပ်ရေး မရတာဟာ နင်တို့ကြောင့်” လို့ ဆိုတဲ့ စိတ်ဓာတ်မျိုးနဲ့ ပြည်သူတွေကို တခွန်းမှ မပြောခဲ့ဘူး။ ခေါင်းဆောင်ကောင်းတွေက အများအကျိုးအတွက် အနစ်နာခံကြတယ်။ ဗိုလ်ချုပ်ဆိုတာကတော့ ပြည်သူက သတ်မှတ်တင် မြှောက်ထားတဲ့ ခေါင်းဆောင်ပေါ့။

အခု ခေါင်းဆောင်တွေကတော့ ဘယ်ကနေ၊ ဘယ်လိုတင်မြှောက် ထားတဲ့ ခေါင်းဆောင်တွေမှန်း မသိရဘူး။ သူတို့မှာ အရည်အချင်း မရှိ လို့ ပြည်နယ် မဖွံ့ဖြိုးဘဲ ဆင်းရဲနေတာကိုတောင် ပြည်သူတွေ အပေါ် ပုံချဖို့ ဝန်မလေးဘူး။ ကိုယ့်ပြည်သူအတွက် အနစ်နာ ခံဖို့ဆို တာ လည်း အဝေးကြီး။ ဒီလိုခေါင်းဆောင်တွေရဲ့ အုပ်ချုပ်ခံနေရတဲ့ ကိုယ့်ရဲ့ ကယားလူမျိုးတွေကိုလည်း သနားသလို၊ ကိုယ့် တိုင်းပြည် အတွက်လည်း ရင်လေးနေမိပါတော့တယ်။

(နှင်းငယ်သည် ကယားပြည်နယ်မှ လူထုကျန်းမာရေးဝန်ထမ်းတဦးဖြစ်သည်)
http://burma.irrawaddy.org/article/2015/01/12/69695.html

ဦးဘရန်ရှောင်၏ တရားလို ဗိုလ်မှူး တရားရုံးသို့ လာရောက်

By ဒီဗွီဘီ

ကချင်ပြည်နယ် ဖားကန့်မှာဖြစ်ပွားတဲ့ တိုက်ပွဲအတွင်း သမီးသေဆုံးခဲ့ရမှုကို ဖော်ထုတ်ပေးဖို့ သမ္မတထံ တိုင်ကြားရင်း တရားစွဲခံရတဲ့ ဦးဘရန်ရှောင်ရဲ့ တရားလို ဗိုလ်မှူး ဇာနည်မင်းပိုက်ဟာ လအတန်ကြာ တရားရုံးတော်ရဲ့ဆင့်ခေါ်မှုကို ပျက်ကွက်ခဲ့ပြီးနောက် ဖားကန့်တရားရုံးကို မနေ့က ပြန်လည်လာရောက်ခဲ့ပါတယ်။

၂၀၁၂ ခုနှစ် စက်တင်ဘာလက သေဆုံးသူ မဂျာဆိုင်းအိန် ဈာပနအခမ်းအနား ပြုလုပ်စဉ်

၂၀၁၃ ခုနှစ်က စတင်ခဲ့တဲ့ ဒီအမှုမှာ တရားလို ဗိုလ်မှူးယဉ်မင်းပိုက်ကို ရုံးတော်က အကြိမ်ကြိမ် ဆင့်ခေါ်ပေမယ့် မလာရောက်လို့ အမှုကြန့်ကြာနေသလို မနေ့က အကြိမ် ၅၀ မြောက် ရုံးချိန်းမှာတော့ လာရောက်တယ်လို့ ဦးဘရန်ရှောင်က ပြောပါတယ်။

“ကျနော်ရှေ့နေက ထပ်မံစစ်ဖို့ ကျန်နေတဲ့အရာတွေကို ထပ်စစ်တယ်လို့ ကျနော်ကတော့ အဲလို ပြောရမှာပေါ့” လို့ ဦးဘရန်ရှောင်က ပြောပါတယ်။

ဒီကနေ့ ၅၁ ကြိမ်မြောက် ရုံးချိန်မှာတော့ ဦးဘရန်ရှောင်နဲ့ တရားလိုပြ သက်သေတွေကို စစ်ဆေးခဲ့တယ်လို့ သူက ပြောပါတယ်။

ဦးဘရန်ရှောင်ရဲ့ သမီး ၁၄ နှစ်အရွယ် ၉ တန်းကျောင်းသူ မဂျာဆိုင်းအိန်ဟာ ၂၀၁၂ စက်တင်ဘာလက ကချင်ပြည်နယ်မြောက်ပိုင်း ဖားကန့်ဒေသမှာ ကျောင်းဝတ်စုံနဲ့ ကျောင်း အပြန်မှာ အစိုးရနဲ့ ကချင်လွတ်လပ်ရေးအဖွဲ့တို့ ထိတွေ့တိုက်ပွဲဖြစ်ပွားစဉ်မှာ လက်နက်ခဲယမ်း ထိမှန် ဒဏ်ရာရရှိပြီးနောက် သေဆုံးခဲ့ပါတယ်။

ဒီကိစ္စကို ဖော်ထုတ်ပေးဖို့ ဦးဘရန်ရှောင်က နိုင်ငံအကြီးအကဲနဲ့ တပ်ဘက်၊ နယ်ဘက် တာဝန်ရှိသူတွေ၊ အမျိုးသားလူ့အခွင့်အရေးကော်မရှင်တို့ထံ တိုင်တန်းရာမှာ တပ်မတော်ဘက်က ပစ်ခတ်တဲ့ သေနတ်ထိမှန်သေဆုံးတယ်လို့ တိုင်တန်းမှုကြောင့် မမှန်မကန်လိမ်လည် တိုင်တန်းမှုနဲ့ တပ်မတော်ဘက်က တရားစွဲထားတာ ဖြစ်ပါတယ်။

“၅၂ နှစ်မြောက် တအာင်းအမျိုးသားတော်လှန်ရေးနေ့” ပလောင်ပြည်နယ်လွတ်မြောက်ရေးတပ်ဦး၏ သဘောထားထုတ်ပြန်ချက်

၁၂ ရက်၊ ဇန္န၀ါရီလ၊ ၂ဝ၁၅ ခုနှစ်။
စာအမှတ်။ ဝဝ၁§၀၅§ဌနခ-၁၅

တအာင်းအမျိုးသားတရပ်လုံး အဖိနှိပ်ခံဘဝမှလွတ်မြောက်ရန်အတွက်
အာဏာရှင်အစိုးရအဆက်ဆက်ကို လက်နက်စွဲကိုင် တော်လှန်ဆန့်ကျင်လာခဲ့သည်မှာ
၂ဝ၁၅ ခုနှစ် ဇန္န၀ါရီလ ၁၂ ရက်နေ့တွင် (၅၂) နှစ်ပြည့်မြောက်ခဲ့လေပြီ။
တအာင်းတမျိုးသားလုံး အဖိနှိပ်ခံဘ၀မှလွတ်မြောက်ရေး၊
ဒီမိုကရေစီနှင့်လူ့အခွင့်အရေးကိုအာမခံသည့် တအာင်းပြည်နယ် တည်ဆောက်ရေး၊
မဟာလူမျိုးကြီးဝါဒနှင့်စစ်အာဏာရှင်စနစ်တိုက်ဖျက်ရေး၊
ကိုယ့်ကံကြမ္မာကို ကိုယ်တိုင်ဖန်တီးနိုင်သည့် အမျိုးသား တန်းတူညီမျှရေး၊
အမျိုးသားကိုယ်ပိုင်ပြဌာန်းခွင့်ကိုအာမခံသည့်
စစ်မှန်သောဖက်ဒရယ်ပြည်ထောင်စုနိုင်ငံတည်ဆောက်ရေးတို့ အတွက်
တအာင်းတမျိုးသားလုံးတို့၏တော်လှန်ရေး ခရီးနှစ်ပေါင်း ၅ဝ ကျော်ကာလအတွင်း
အသက်သွေးချွေး၊ အိုးအိမ် စည်းစိမ်များစွာကို
ပေးဆပ်ရင်းနှီးလှူဒါန်းခဲ့ကြသော မျိုးချစ်တအာင်းပြည်သူလူထုနှင့်
တအာင်းအာဇာနည်ခေါင်းဆောင်များ၊ ရဲဘော် ရဲမေအပေါင်းတို့အား
ပလောင်ပြည်နယ်လွတ်မြောက်ရေးတပ်ဦးမှ
အစဉ်ဦးညွတ်ဂုဏ်ပြုမှတ်တမ်းတင်အပ်ပါသည်။

တအာင်းအမျိုးသားလွတ်မြောက်ရေးတပ်မတော် T.N.L.A သည်
တအာင်းအမျိုးသားနိုင်ငံရေးရည်မှန်းချက် အမြန်ရရှိနိုင် စေရန်အတွက်
တအာင်းလူထုကြီးနှင့်ပူးပေါင်းကာ စစ်ရေး၊ နိုင်ငံရေးလုပ်ငန်းများကို
အားကျိုးမာန်တက် ဆောက်ရွက်လျှက်ရှိ ပါသည်။ ကျောက်မဲ၊ မိုးမိတ်၊ မိုးကုတ်၊
နမ့်ဆန်၊ မန်တုံ၊ နမ္မတူ၊ သီပေါ၊ လားရှိူး၊ သိန်းနီ၊ ကွတ်ခိုင်၊
နမ့်ခမ်းနှင့် မူဆယ်မြို့နယ် အစရှိသည့် တအာင်းဒေသများတွင်
တအာင်းတပ်မတော် T.N.L.A တပ်ရင်းတပ်ဖွဲ့များအသီးသီး အခြေချလှုပ်ရှားလျှက်ရှိပါသည်။

တအာင်းလူမျိုးများအခြေချနေထိုင်ရာဌာနေဒေသတိုင်းတွင် တအာင်းတပ်မတော်
T.N.L.A အခြေချကာကွယ်တပ်စွဲနိုင်ရေး ဦးတည်ချက်ဖြင့် ကြိုးပမ်းလာရာ
သုံးနှစ်တာကာလအတွင်း တပ်ရင်း (၂၁) ခုဖြင့် စုစည်းထားသည့် တပ်မဟာ (၃)
ခုကိုဖွဲ့စည်း လှုပ်ရှားနိုင်ခဲ့သည်မှာ တအာင်းလူမျိုးတို့၏
စည်းလုံးညီညွတ်မှုအကျိုးရလာဒ် ဖြစ်သည်။
ထို့အတူ တအာင်းလူမျိုးအားကာကွယ်ရန်အတွက် တအာင်းတပ်မတော် T.N.L.A
တိုးတက်အားကောင်းလာရန် ဝိုင်းဝန်း ကူညီပံ့ပိုးခဲ့ကြသည်မှာ
မဟာမိတ်တိုင်းရင်းသားလက်နက်ကိုင်တော်လှန်ရေးအဖွဲ့အစည်းများ၏ ညီညွတ်မှု
ပြယုဂ်ပင်ဖြစ်ပါသည်။

တအာင်းအမျိုးသားတပ်မတော်သည် လူထုကာကွယ်ရေး၊ နယ်မြေစိုးမိုးရေး၊
တပ်ဖွဲ့တည်ဆောက်ရေး၊ လူထုစည်းရုံးရေး နှင့်
မူးယစ်ဆေးဝါးတိုက်ဖျက်ရေးလုပ်ငန်းစဉ်များ လုပ်ဆောင်စဉ် မြန်မာစစ်တပ်၏
ထိုးစစ်ဆင်လှုပ်ရှားလာမှုကြောင့်
၂၀၁၄ ခုနှစ် တနှစ်တာအတွင်း တိုက်ပွဲကြီးငယ်ပေါင်းအကြိမ် ၂၀ဝ
ကျော်ဖြစ်ပွားခဲ့ပါသည်။

P.S.L.F/T.N.L.A သည် တအာင်းဒေသအတွက် အလွန်အန္တရာယ်ကြီးမားသည့်
မူးယစ်ဆေးဝါးပြဿနာကိုလည်း လူထုနှင့် အတူလက်တွဲပူးပေါင်းကာ
တိုက်ဖျက်လာခဲ့ရာ ထိုက်သင့်သောအတိုင်းအတာထိ
ကိုင်တွယ်ဖြေရှင်းနိုင်ခဲ့ပါသည်။ မူးယစ်ဆေးဝါး
ရောင်းဝယ်ထုတ်လုပ်သူများကိုဖမ်းဆီး
အရေးယူအပြစ်ပေးခြင်းများပြုလုပ်ခဲ့ပါသည်။ ဆက်လက်၍လည်း တအာင်းဒေသအတွင်း
မူးယစ်ဆေးဝါးကင်းစင်ပပျောက်ရေးလုပ်ငန်းများကို စီမံကိန်းချမှတ်
ဆောင်ရွက်လျှက်ရှိပါသည်။

N.C.C.T တွေ့ဆုံညှိနှိုင်းရေးအဖွဲ့မှ
တပြည်လုံးအတိုင်းအတာအပစ်အခတ်ရပ်စဲရေးသဘောတူစာချုပ်ရရှိရန် တိုင်းရင်းသား
အဖွဲ့များကိုယ်စား ကြိုးပမ်းဆောင်ရွက်ရာတွင်
NCA စာချုပ်အတွက် သဘောတူညီမှုရရှိရန် နီးစပ်လာစဉ်
မြန်မာစစ်ခေါင်းဆောင်များ က နောက်ကြောင်းပြန်လှည့်ကာ
ရရှိပြီးသဘောတူညီချက်များကို ပယ်ချလိုက်သဖြင့်
ဆွေးနွေးမှုများရပ်တန့်ကာ နှစ်ဖက်ယုံကြည်မှု ကျဆင်းခဲ့ရသည်။ ထိုပြင်
တိုင်းရင်းသားဒေသများသို့ထိုးစစ်များပုံမှန်ပြင်ဆင်နေခြင်း၊
နှစ်ဖက်တိုက်ပွဲများ ဖြစ်ပွားရန် အကြောင်းရှာ ရန်စခြင်း၊
တိုင်းရင်းသားဒေသများသို့ကျူးကျော်နယ်ချဲ့ခြင်း၊
လက်နက်ကြီးများဖြင့်ရည်ွယ်ချက်ရှိရှိပစ်ခတ်ခြင်းတို့ ပြုလုပ်နေသည့်
မြန်မာ့တပ်မတော်၏ လုပ်ရပ်မှာ မည်သို့မျှ ပြည်တွင်းစစ်မီးရပ်စဲပြီး
တိုင်းပြည်ငြိမ်းချမ်းနိုင်မည်မဟုတ်ပါ။

၂၀၀၈ ဖွဲ့စည်းပုံအခြေခံဥပဒေကိုပြင်ဆင်ခြင်းမရှိသည့်အပြင်
ဘက်လိုက်မှုရှိသည့် ရွေးကောက်ပွဲကော်မရှင်၏ ဆောင်ရွက် ချက်များနှင့်
မျှတမှုမရှိသည့် ရွေးကောက်ဥပဒေများဖြင့် ကျင်းပမည့်
၂၀၁၅ ရွေးကောက်ပွဲသည် လွတ်လပ်မျှတခြင်း၊ ဒီမိုကရေစီ
စံနှုန်းပြည့်မှီခြင်း၊
လက်ရှိမြန်မာ့နိုင်ငံရေးပြဿနာကိုဖြေရှင်းပေးနိုင်ခြင်း ရှိလိမ့်မည်
မဟုတ်ပေ။ တိုင်းရင်းသားပြည်သူလူထုတို့၏ ဒီမိုကရေစီနှင့်
ငြိမ်းချမ်းရေးမျှော်လင့်တောင်းတမှုများမှာ
မြန်မာစစ်ခေါင်းဆောင်များ၏ကိုယ်ကျိုးစီးပွားများကြောင့် အလှမ်းဝေး
နေအုံးမည်ဖြစ်သည်။

ဘာသာရေးပဋိပက္ခများဖန်တီးခြင်း၊ အခြေခံပြည်သူလူထုတို့၏
လယ်ယာမြေများသိမ်းဆည်းခြင်း၊ တက်ကြွလှုပ်ရှားသူများ အား
ဖမ်းဆီးအရေးယူခြင်း၊
တရုတ်-မြန်မာပဋိပက္ခပေါ်ပေါက်နိုင်ရန်အတွက်
လက်ပန်တောင်းတောင်ပြဿနာများဖန်တီးခြင်း၊ တိုင်းရင်းသား ပြည်သူလူထုတို့၏
ငြိမ်းချမ်းရေးတောင်းဆိုမှုကိုလစ်လျူရှူနေခြင်း၊
တိုင်းရင်းသား အဖွဲ့အစည်းများအား စစ်အင်အား ဖြင့်
ခြိမ်းချောက်ခြင်းတို့သည် နိုင်ငံတော်အာဏာကို လက်ကိုင်ထားနိုင်ရန်အတွက်
ယခင် အာဏာရှင်အဆက်ဆက်
စစ် ခေါင်းဆောင်များ၏ လုပ်နည်းလုပ်ဟန်အတိုင်း ဆောင်ရွက်နေခြင်းပင်ဖြစ်သည်။

ထိုကြောင့် စစ်မှန်သော ဖက်ဒရယ်ဒီမိုကရက်တစ်ပြည်ထောင်စုနိုင်ငံ
တည်ဆောက်နိုင်ရန်အတွက် မြန်မာပြည်ရှိ တိုင်းရင်းသား
ပြည်သူတရပ်လုံးအနေဖြင့်
နိုင်ငံရေးသတိ၊ ဒီမိုကရေစီအသိ၊ စည်းလုံးညီညွတ်မှုရှိရှိဖြင့် ၂၀၁၅
ခုနှစ်ကို ဖြတ်သန်း ရင်ဆိုင်ကြရန် အထူးတိုက်တွန်းလှူံ့ဆော်အပ်ပါသည်။

တိုင်းရင်းသားလူမျိုးများမှာလည်း တန်းတူညီမျှရေး၊
ကိုယ်ပိုင်ပြဋ္ဌာန်းခွင့်ဟူသော တိုင်းရင်းသားလူမျိုးတို့၏ တော်လှန်ရေး
ရည်မှန်းချက်ပြည့်မီရန်မှာ လူမျိုးတိုင်းတောင့်တင်းခိုင်မာသည့်
လက်နက်ကိုင်တပ်မတော်ရှိရန်လိုအပ်ပြီး ဘုံရန်သူကို ဝိုင်းဝန်းရင်ဆိုင်
ချေမှုန်းကြရမည်ဖြစ်သည်။ စစ်ရေးစုစည်းညီညွတ်မှု ဖိအားမပါပဲ
မြန်မာစစ်ခေါင်းဆောင်များနှင့် ယခုကဲ့သို့တွေ့ဆုံညှိနှိုင်းခြင်းဖြင့်
နိုင်ငံရေးအဖြေရှာနိုင်မည်မဟုတ်ပေ။
ထိုကြောင့် တိုင်းရင်းသားလူမျိုးတိုင်း တော်လှန်ရေးသတိမြှင့်တင်ပြီး
လက်နက်ကိုင်တပ်မတော် အင်အားရှိရန်၊ စစ်ရေးအရစုစည်းညီညွတ်မှုရှိရန်
အထူးတိုက်တွန်းနိုးဆော်အပ်ပါသည်။
နိဂုံးချုပ်အနေဖြင့်
တအာင်းအမျိုးသားတို့၏နိုင်ငံရေးရည်မှန်းချက်ပန်းတိုင်မရောက်မချင်း
တအာင်းအမျိုးသားလွတ်မြောက် ရေးတပ်မတော်
P.S.L.F/T.N.L.A နှင့်အတူ ဆက်လက်လက်တွဲတိုက်ပွဲဝင်ကြရန်
တအာင်းမိဘပြည်သူတရပ်လုံးကို အလေးအနက် တိုက်တွန်းနှိုးဆော်ရင်း (၅၂)
နှစ်ပြည့်
တအာင်းအမျိုးသားတော်လှန်ရေး နှစ်ပတ်လည်နေ့သဘောထားကို ထုတ်ပြန်ကြေညာ လိုက်ပါသည်။


“ဘ်ုပ်ဘိူန် ကုင်တအာင်း”



ဗဟိုကော်မီတီ
ပလောင်ပြည်နယ်လွတ်မြောက်ရေးတပ်ဦး (P.S.L.F)
တအာင်းအမျိုးသားလွတ်မြောက်ရေးတပ်မတော် (T.N.L.A)

ကိုးလိုးကန့်လန့် ဖြစ်နေတဲ့ အခြေခံဥပဒေ

ဦးအောင်ခင်, ကျော်ကျော်သိန်း

ဒီမိုကရေစီလမ်းကြောင်းမှာ ကိုးလိုးကန့်လန့်ဖြစ်နေတဲ့ ဖွဲ့စည်းပုံအခြေခံဥပဒေကို ပြင်ဆင်တဲ့ မူကြမ်းကို မကြာမီ ကျင်းပပြုလုပ်မယ့် လွှတ်တော်အစည်းအဝေးမှာ ဆွေးနွေးလိမ့်မယ်လို့ မျှော်လင့်ရပါတယ်။ ဦးသိန်းစိန်အစိုးရက ပြုပြင်ရေးအစီအစဉ်လုပ်ပြီး ဒေါ်အောင်ဆန်းစုကြည်နဲ့ NLD ပါတီကို ကြားဖြတ်ရွေးကောက်ပွဲ ဝင်နိုင်အောင် လမ်းခင်းပေးချိန်ကစပြီး အခြေခံဥပဒေ ပြင်ဆင်ရေးကို ဆွေးနွေးကြပါတယ်။ ကြားဖြတ်ရွေးကောက်ပွဲပြီးလို့ တနှစ်အကြာ ၂၀၁၃ မေလမှာ Sydney တက္ကသိုလ်ဥပဒေဌာနက ကြီးမှုးပြီး အခြေခံဥပဒေရေးရာ အလုပ်ရုံဆွေးနွေးပွဲကို ရန်ကုန်မှာ ကျင်းပပါတယ်။ ၂၀၀၈ အခြေခံဥပဒေ ကိုးရိုးကားယား ဖြစ်နေပုံကို ပညာရှင်တွေက ထောက်ပြပါတယ်။ အစိုးရဌာန (၆) ခု၊ နိုင်ငံရေးပါတီ (၉) ခု၊ တက္ကသိုလ် (၄) ခု၊ စာနယ်ဇင်း (၆) ခု နဲ့ NGO အဖွဲ့ (၁၄) ဖွဲ့က ကိုယ်စားလှယ် (၈၀) ကျော် ပါဝင်ဆွေးနွေးကြပါတယ်။

ဒီအလုပ်ရုံ ဆွေးနွေးပွဲပြီးလို့ (၂) လအကြာ ၂၀၁၃ ဇူလိုင်လမှာ အခြေခံဥပဒေ ပြင်ဆင်နိုင်ရေး (၁၀၉) ဦး လွှတ်တော်ကော်မတီကို ဖွဲ့စည်းပါတယ်။ ၂၀၁၄ ဖေဖေါ်ဝါရီလရောက်တော့ ဖွဲ့စည်းပုံ အခြေခံဥပဒေ ပြင်ဆင်နိုင်ရေး အကောင်အထည်ဖော်မှု (၃၁) ဦး ကော်မတီကို ဖွဲ့ပါတယ်။ ပြည်ခိုင်ဖြိုးပါတီက (၁၂) ဦး၊ စစ်တပ်ကိုယ်စားလှယ် (၇) ဦး၊ NLD က (၂) ဦးနဲ့ အခြားပါတီတွေရဲ့  ကိုယ်စားလှယ် (၁၀) ဦး ပါဝင်ပါတယ်။

ဒီအတောအတွင်း အခြေခံဥပဒေ ပြင်ဆင်ရေးအတွက် NLD ပါတီက လက်မှတ်ကောက်ယူရာမှာ လက်မှတ်ထိုး ထောက်ခံသူ (၅) သန်းကျော်၊ လူဦးရေရဲ့  (၁၀) ရာခိုင်နှုန်း ရရှိပါတယ်။ အခြေခံဥပဒေ အပိုဒ် (၄၃၆) မှာ လွှတ်တော်ကိုယ်စားလှယ် (၇၅) ရာခိုင်နှုန်းကျော်က ပြင်ဆင်ဖို့ သဘောတူပြီး ပြည်လုံးကျွတ် ဆန္ဒခံယူပွဲမှာ မဲပေးနိုင်သူအားလုံးရဲ့  ထက်ဝက်ကျော် ထောက်ခံမှသာ ပြင်ဆင်နိုင်မယ်လို့ ဆိုပါတယ်။ ကိုယ်စားလှယ် (၇၅) ရာခိုင်နှုန်းကျော်ရရှိဖို့ စစ်တပ်ကိုယ်စားလှယ်က ထောက်ခံဖို့ လိုနေပါတယ်။ NLD ကတော့ ပြည်သူ့ကိုယ်စားလှယ်ကို ဦးစားပေးပြီး ရွေးကောက်တင်မြှောက်ခံရတဲ့ ကိုယ်စားလှယ်ဦးရေရဲ့  သုံးပုံနှစ်ပုံ (သို့မဟုတ်) ပြည်ထောင်စုလွှတ်တော် ကိုယ်စားလှယ်အားလုံးရဲ့  ထက်ဝက်ကျော်က ပြင်ဆင်ဖို့ သဘောတူပြီး ပြည်လုံးကျွတ်ဆန္ဒခံယူပွဲမှာ ထက်ဝက်ကျော် မဲပေးရင် ပြင်ဆင်ဖို့ အကြံပြုနိုင်ကြောင်း သိရပါတယ်။

ဒါပေမဲ့ ကာချုပ်က စေလွှတ်ထားတဲ့ စစ်တပ်ကိုယ်စားလှယ် သဘောတူမှ အခြေခံဥပဒေ ပြင်ဆင်နိုင်မှာဖြစ်တဲ့ ပုဒ်မ (၄၃၆) နဲ့ မိသားစုထဲမှာ နိုင်ငံခြားသားရှိနေရင် သမ္မတ မလုပ်ရလို့ ပိတ်ပင်ထားတဲ့ ပုဒ်မ (၅၉) ပြင်ဆင်ရေးကို စစ်တပ်ကိုယ်စားလှယ်တွေက ဆန့်ကျင်ကြပါတယ်။ ပုဒ်မ (၅၉) ကို မပြင်နိုင်ရေင် ဒေါ်အောင်ဆန်းစုကြည်လည်း သမ္မတဖြစ်နိုင်ဖို့ အလားအလာ မရှိပါဘူး။ ပုဒ်မ (၅၉) ကို ပြင်လိုသူ (၅) ဦးသာ (၃၁) ဦး ကော်မတီထဲမှာ ရှိပါတယ်။ ပြင်ဆင်ရေးကိစ္စ အောင်မြင်ဖို့ သမ္မတနဲ့ ကာကွယ်ရေးဦးစီးချုပ်မှာ မူတည်တယ်လို့ ဦးရွှေမန်း က နိုဝင်ဘာလ (၁၈) ရက်နေ့ ပြောဆိုပါတယ်။ ဦးသိန်းစိန်ကတော့ အခြေခံဥပဒေ ပြင်ဆင်ရေးကိစ္စမှာ လွှတ်တော်ဟာ တာဝန်အရှိဆုံးလို့ ဗွီအိုအေနဲ့ တွေ့ဆုံမေးမြန်းခန်းမှာ အတိအလင်း ပြောဆိုခဲ့ပါတယ်။ ဒီကိစ္စကို ခေါင်းဆောင်တွေ တွေ့ဆုံဆွေးနွေးဖို့ ခက်ခဲနေပါတယ်။

ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကလည်း ပုဒ်မ (၄၃၆) နဲ့ (၅၉) ကို မပြင်နိုင်ကြောင်း ဗွီအိုအေနဲ့ တွေ့ဆုံမေးမြန်းခန်းမှာ ပြောသွားပါတယ်။ ဒါကြောင့် စစ်တပ်ကိုယ်စားလှယ်တွေကလည်း ဒီအတိုင်း ရပ်တည်ကြတာ ဖြစ်ပါတယ်။ ၂၀၀၈ အခြေခံဥပဒေမှာ သတ်မှတ်ထားတဲ့အတိုင်း လွှတ်တော်မှာ ပြင်ဆင်ကြဖို့ ဦးသိန်းစိန်က ပြောသွားပါတယ်။ စစ်တပ်ကိုယ်စားလှယ် သဘောမတူရင် အခြေခံဥပဒေကို မပြင်နိုင်အောင် လုပ်ထားတာဟာ စစ်တပ်ကို တိုင်းသူပြည်သား အထင်မှားအောင်လုပ်တဲ့ သဘောဖြစ်နေလို့ ပုဒ်မ (၄၃၆) ကို ပြင်ဆင်ဖို့ စစ်တပ်ဖက်က လိုက်လျောသင့်တယ်လို့ ပြည်ခိုင်ဖြိုး ကိုယ်စားလှယ် အငြိမ်းစားဗိုလ်မှုးကြီး ဦးစံပြည် က လွှတ်တော်မှာ ဆွေးနွေးသွားပါတယ်။ စစ်တပ်ကို ပြည်သူတွေ ယုံကြည်လေးစားအောင် ပြည်သူ့ကိုယ်စားလှယ်တွေကို အနိုင်မကျင့်ဖို့ သတိပေးလိုက်တာ ဖြစ်ပါတယ်။

အခြေခံဥပဒေမူကြမ်းကို ၂၀၀၈ ဧပြီလ (၉) ရက်နေ့မှာ စစ်အစိုးရက ထုတ်ပြန်ကြေညာခဲ့ပြီး (၂၁) ရက်မှာ နာဂစ်မုန်တိုင်းဒဏ်ကြောင့် ဧရာဝတီမြစ်ဝကျွန်းေါ်မှာ လူဦးရေ တသန်းခွဲ သေဆုံးပြီး နှစ်သန်းခွဲ ဒုက္ခရောက်ခဲ့သွားပါတယ်။ မုန်တိုင်းကျပြီး တပတ်အကြာမှာ ပြည်သူ့ဆန္ဒကောက်ယူပွဲကို မဖြစ်မနေ ကျင်းပပြီး (၉၀) ရာခိုင်နှုန်းကျော် ထောက်ခံတယ်လို့ ကြေညာပါတယ်။ ဦးသန်းရွှေအဖို့ အရပ်သားတွေ သေကျေပြီး ဒုက္ခရောက်ခဲ့တာ အရေးမကြီးဘဲ အခြေခံဥပဒေကို အတည်ပြုဖို့သာ အရေးကြီးနေပါတယ်။

ပြည်ထောင်စုလွှတ်တော် ပေါ်ပေါက်လာတဲ့အခါ ကိုယ်စားလှယ် (၈၂) ရာခိုင်နှုန်းဟာ ဘွဲ့ရသူတွေ ဖြစ်နေပါတယ်။ လွှတ်တော်ဥက္ကဋ္ဌ နှစ်ဦး အပါအဝင် ဒီလို ပညာတတ်ကိုယ်စားလှယ်တွေထဲမှာ ပြောင်းလဲလာတဲ့ အခြေအနေနဲ့ မကိုက်ညီတော့တဲ့ ၂၀၀၈ အခြေခံဥပဒေကို ပြင်ဆင်လိုသူတွေ ရှိပါတယ်။ ပြုပြင်ရေးမှာ ကိုးလို့ကန့်လန့် ဖြစ်နေတဲ့ အခြေခံဥပဒေကို မပြင်နိုင်ရင် အနာဂတ်အလားအလာ မကောင်းတာကို သိကြပါတယ်။ မတူညီရင် ဖယ်ထုတ်တဲ့နည်းလမ်းကို စွန့်ပစ်ပြီး စေ့စပ်ဆွေးနွေးပြီး အဖြေရှာတဲ့ နိုင်ငံရေးဓလေ့ကို ကျင့်သုံးနေပါတယ်လို့ နှစ်ဆန်း (၁) ရက်နေ့ မိန့်ခွန်းမှာ သမ္မတဦးသိန်းစိန် ပြောသွားပေမယ့် လက်တွေ့ အကောင်အထည် ဖော်ဖို့ကြတော့ အလွန်ခက်ခဲနေပုံ ရပါတယ်။
http://burmese.voanews.com/content/weekly-analysis-constitutional-crisis/2588095.html

ဖက်ဒရယ်ကို တပ်ချုပ်ကြီး လက်ခံသလား

ဇန်နဝါရီ ၇၊ ၂၀၁၄ - မကြာသေးခင်က တွေ့ဆုံမှုတွေဟာ တိုင်းရင်းသားတွေ တောင်းဆိုနေတဲ့ စစ်မှန်သော ဖက်ဒရယ်ပြည်ထောင်စု ဖြစ်ထွန်းရေးအတွက် ထိရောက်လေးနက်မှု ရှိတယ်လို့ မပြောနိုင်ပေမဲ့ နှစ်ဖက်ယုံကြည်မှု တည်ဆောက်ရေးကို များစွာအထောက်အကူ ဖြစ်စေတယ်လို့ တိုင်းရင်းသားခေါင်းဆောင်တဦးဖြစ်တဲ့ ဗိုလ်မှူးကြီးခွန်ဥက္ကာက ပြောဆိုပါတယ်။ အဲဒီ တွေ့ဆုံမှုတွေမှာ ကိုယ်တိုင်ပါဝင်တက်ရောက်ခဲ့သူ ဗိုလ်မှူးကြီးခွန်ဥက္ကာ ကို ဦးကျော်ဇံသာ ဆက်သွယ်မေးမြန်း ဆွေးနွေးသုံးသပ် တင်ပြထားပါတယ်။

ဦးကျော်ဇံသာ ။ ။ ခွန်ဥက္ကာတို့ မြန်မာနိုင်ငံမှာ အာဏာရှိတဲ့ အဓိကပုဂ္ဂိုလ်ကြီး နှစ်ဦးဖြစ်တဲ့ ကာကွယ်ရေးဦးစီးချုပ်နဲ့ တွေ့တယ်။ နိုင်ငံတော်သမ္မတနဲ့ တွေ့တယ်။ ဒီတွေ့ဆုံမှုတွေဟာ ဘယ်လောက်လေးနက်တဲ့ သဘောကို ဆောင်ပါသလဲ။ ဟန်ပြလား။ သို့မဟုတ် တိုင်းရင်းသားတွေဖက်က လိုလားနေတဲ့ ငြိမ်းချမ်းရေးအတွက် အထောက်အပံ့ဖြစ်စေမယ့် အကျိုးအာနိသင် တစုံတရာ ရရှိခဲ့တယ်လို့ ဆိုနိုင်ပါသလား။

ခွန်ဥက္ကာ ။ ။ ရရှိခဲ့တယ်လို့ ပြောဖို့တော့ နည်းနည်းတော့ခက်တယ်။ ဒါပေမဲ့ ယုံကြည်မှု တည်ဆောက်ခြင်းမှာတော့ ပိုပြီးတော့ ရင်းနှီးပွင့်လင်းလာတဲ့သဘောနဲ့ ညှိနှိုင်းလို့ ပိုလွယ်မယ့်သဘောတော့ တွေ့ရတယ်။ အဲဒါတော့ ကျနော်တို့ရတယ်။ သို့သော် ကျနော်တို့ တင်ပြချက်တွေနဲ့ ညှိနှိုင်းချက်တွေကို အခိုင်အမာရမယ်။ ရလိမ့်မယ်လို့တော့ ပြောဖို့ကတော့ နည်းနည်းခက်တယ်။ သို့သော်လဲပဲ ပြည်ထောင်စုသမ္မတကြီးနဲ့ ကာကွယ်ရေးဦးစီးချုပ် နှစ်ယောက်ကြားမှာဆိုရင် ပြည်ထောင်စုသမ္မတကြီးရဲ့  ဆွေးနွေးချက်တွေက ကျနော်တို့ ဖယ်ဒရယ်ပြည်ထောင်စု တည်ဆောက်ရေး နိုင်ငံရေးတည်ဆောက်ရေး ရည်မှန်းချက်နဲ့ ပိုမိုနီးစပ်တဲ့အတွက် နိုင်ငံရေးဆွေးနွေးပွဲ ဖြစ်စဉ်ကတော့ သမ္မတကြီးနဲ့ အစိုးရလိုင်းနဲ့ ကြည့်ရင်တော့ ကျနော်တို့ ပိုပြီးတော့ အလားအလာကောင်းမယ်လို့ အဲဒီလိုမြင်တယ်။

ဦးကျော်ဇံသာ ။ ။ အဓိကအားဖြင့် ဘယ်အချက်တွေကို တိုင်းရင်းသားတွေဖက်က တင်ပြပါသလဲ။

ခွန်ဥက္ကာ ။ ။ ပထမဦးဆုံး အဖွင့်မိန့်ခွန်းမှာ သမ္မတကြီးရဲ့  ပြောကြားချက်တွေက အပစ်အခတ်ရပ်စဲရေး၊ နိုင်ငံရေးဆွေးနွေးပွဲ ကျင်းပရေးနဲ့ ဖယ်ဒရယ်စနစ်နဲ့ ပြည်ထောင်စု တည်ဆောက်ရေး။ ကျနော်တို့ရဲ့  single text မှာပါတဲ့ အတိုင်းပဲ။ သို့သော် လက်တလော အခြေအနေကတော့ သမ္မတကြီးက ၂၀၁၅ ရွေးကောက်ပွဲ အောင်မြင်ချောမွှေ့စွာ ဖြစ်ပေါ်ရေးကိုတော့ သမ္မတကြီးကတော့ မေတ္တာရပ်ခံပြီးတော့ အားလုံးဝိုင်းဝန်းပူးပေါင်းဆောင်ရွက်ကြဖို့။ ရွေးကောက်ပွဲဆိုတာကလဲ ဒီမိုကရေစီ ပြုပြင်ပြောင်းလဲမှုရဲ့  အခြေခံအုတ်မြစ်ဖြစ်တယ် ဆိုပြီးတော့ သမ္မတကြီး ဆွေးနွေးချက်မှာ အဲဒါပါပါတယ်။ ဒါကိုတော့ ကျနော်တို့ သဘောထား မပေးကြပါဘူး။ ဘာဖြစ်လို့လဲဆိုတော့ ရွေးကောက်ပွဲက ကျနော်တို့ တိုင်းရင်းသားလက်နက်ကိုင် တော်လှန်ရေးအဖွဲ့တွေနဲ့က နည်းနည်းလေး အလှမ်းဝေးသေးတယ်။ ဒါကိုတော့ ကျနော်တို့ သဘောထား မပေးဘူး။


ဦးကျော်ဇံသာ ။ ။ ကာကွယ်ရေးဦးစီးချုပ်က ဘယ်လို ပြောပါသလဲ။ သူ့ရဲ့  သဘောထားကို။

ခွန်ဥက္ကာ ။ ။ ကာကွယ်ရေးဦးစီးချုပ်ကတော့ သူ့ရဲ့  မူအပေါ်မှာ သူရပ်တည်ပါတယ်။ သူ ချမှတ်ထားတဲ့ ကာကွယ်ရေးဦးစီးချုပ် မူ (၆) ချက်ကိုတော့ ကိုင်စွဲထားတယ်။ အဲဒါကိုပဲ ကျနော်တို့ကို အဓိပ္ပါယ်ဖွင့်ဆိုချက်နဲ့တကွ နောက်ခံစဉ်းစားချက်တွေ (concept) အယူအဆပိုင်းကို စိတ်ရှည်ရှည်နဲ့ ရှင်းပြပါတယ်။ ရှင်းပြတဲ့အခါကြတော့ ကျနော်တို့လည်း သဘောပေါက်ပါတယ်။ ကာကွယ်ရေးဦးစီးချုပ်ရဲ့  မူ (၆) ချက်မှာ ပထမ (၄) ချက်ကတော့ နှစ်ဖက် မည်သည်အဖွဲ့အစည်းမဆို လက်နက်ကိုင်အဖွဲ့တွေ လိုက်နာရမယ့် အချက်တွေကတော့ ပြဿနာ သိပ်မရှိပါဘူး။ သို့သော် နံပတ် (၅) နဲ့ နံပတ် (၆) တည်ဆဲဥပဒေများကို လိုက်နာရန်နဲ့ ၂၀၀၈ ဖွဲ့စည်းပုံဥပဒေအောက်မှာ ဒီမိုကရေစီ လျှောက်လှမ်းရန်ဆိုတဲ့ဟာတော့ နည်းနည်းလေး စဉ်းစားစရာရှိတယ်။ အဲဒါကတော့ ကျနော်တို့ အပြန်အလှန် ညှိနှိုင်းပြီးတော့ သွားရမှာပေါ့။ ဒါပေမဲ့ တခုကောင်းတာက

ဦးကျော်ဇံသာ ။ ။ ဖယ်ဒရယ်ကိစ္စ ပါပါသလား။ အဲဒီကိစ္စမှာ သမ္မတကတော့ …

ခွန်ဥက္ကာ ။ ။ ဖယ်ဒရယ်ကိစ္စကတော့ တပ်ဖက်ကတော့ ဒီကိစ္စကိုတော့ ဆွေးနွေးတာ၊ တည့်တည့်ပြောတာတော့ မရှိဘူး။ ကျနော်တို့ကပဲ ဖယ်ဒရယ်ပြည်ထောင်စု တည်ဆောက်ရေး နိုင်ငံရေး ဦးတည်ချက် ရှိတယ်ဆိုတာကို ကျနော်တို့အဖွဲ့တွေကပဲ ဥက္ကဋ္ဌကြီးတို့ ကျနော်တို့က တင်ပြပြောဆိုတာ ရှိပါတယ်။ သို့သော်လဲပဲ တွေ့ဆုံပွဲမျှသာ ဖြစ်တယ်။ ဆွေးနွေးပွဲတို့ နိုင်ငံရေးပွဲတို့ မဟုတ်တော့ သဘောတူညီချက်တို့လို၊ ဆုံးဖြတ်ချက်တွေတော့ မရဘူး။

ဦးကျော်ဇံသာ ။ ။ သူပြောတာတခုမှာ သူက လက်ရှိ တည်ဆဲဥပဒေကို လိုက်နာရမယ်ဆိုတော့ ဖွဲ့စည်းပုံအခြေခံဥပဒေကလည်း တည်ဆဲဥပဒေဖြစ်တယ်။ ၂၀၀၈ ဥပဒေ။ အဲဒီ ဥပဒေအတိုင်းဆိုရင် တိုင်းရင်းသား လက်ခံနိုင်တဲ့ ဖယ်ဒရယ် မဟုတ်ဘူးလို့ ပြောထားတယ်ဆိုတော့ သွယ်ဝိုက်သောအားဖြင့် တိုင်းရင်းသားတွေ လိုလားတဲ့ စစ်မှန်သော ဖယ်ဒရယ်ကို မလိုချင်ဘူး။ ၂၀၀၈ ဖွဲ့စည်းပုံ လက်အောက်မှာ ရှိတဲ့အတိုင်း ဖွဲ့စည်းမယ်ဆိုတဲ့ သဘောသက်ရောက်နေတာပေါ့။

ခွန်ဥက္ကာ ။ ။ ဒါကတော့ တည့်တည့်မပြောသော်လဲ တပ်မတော်ကတော့ သူ့အပိုင်းပေါ့။ သူ့ role နဲ့ သူ ပြောရတာပေါ့။ သူတို့ကတော့ လုံခြုံရေး။ နောက်ပြီးတော့ ကာကွယ်ရေးကဏ္ဍတွေမှာ တိုက်ရိုက်ဆိုင်တော့ သူ့ role နဲ့ သူ ပြောရတော့ တကယ့် နိုင်ငံရေး issue ကြီးတွေကို ထိထိမိမိ ပြောဖို့တော့ နည်းနည်းခက်ခဲတာပေါ့။ ဒါကြောင့် ပြည်ထောင်စုသမ္မတကြီးပြောတဲ့ နိုင်ငံရေး issue တွေကတော့ ပိုပြီးတော့ ခိုင်မာပါတယ်။ သို့သော် တခုပဲ ကျနော် တွေ့ရတာက ကာကွယ်ရေးဦးစီးချုပ်ကတော့ ပြည်ထောင်စုသမ္မတကြီးက ပြည်ထောင်စုရဲ့  အကြီးအကဲဖြစ်တယ်။ နိုင်ငံဥသျှောင်ဖြစ်တယ်။ ဒါကြောင့် သမ္မတကြီးရဲ့  ဆုံးဖြတ်ချက်တွေ၊ လမ်းညွှန်ချက်တွေ၊ မူဝါဒတွေကိုတော့ လေးစားလိုက်နာ လုပ်ဆောင်ရမယ်လို့ နှစ်ခါသုံးခါ ပြောတယ်။ ဒါကြောင့် နိုင်ငံရေးနဲ့ ပတ်သက်လို့တော့ တပ်က မပြောဘဲနဲ့ သမ္မတကြီးပြောတဲ့ နိုင်ငံရေးလမ်းကြောင်းကိုပဲ လိုက်နာမယ်ဆိုတဲ့သဘောမျိုးလို့ ကျနော်တို့ သုံးသပ်လို့ရတယ်။

ဦးကျော်ဇံသာ ။ ။ ဆိုတော့ သမ္မတကြီးက စစ်မှန်သော ဖယ်ဒရယ်ပြည်ထောင်စုလို့ ပြောလာရင်တော့ တပ်အနေနဲ့ ကန့်ကွက်စရာ မရှိဘူးပေါ့။

ခွန်ဥက္ကာ ။ ။ အဲဒီ သဘောပါပဲ။ အဲဒီပြောတဲ့ဟာကို လိုက်နာလုပ်ဆောင်မယ်။ သမ္မတကြီးရဲ့  လုပ်ဆောင်ချက်ကို လိုက်နာလုပ်ဆောင်မယ့်ဟာက သမ္မတကြီးက နိုင်ငံရေးဆုံးဖြတ်ချက်အတွက် တာဝန်ရှိသွားတယ့်သဘောမျိုး ပေါ်တာပေါ့။

ဦးကျော်ဇံသာ ။ ။ နောက်တခုက မေးချင်တာက အခု တွေ့ဆုံဆွေးနွေးပွဲမှာ တိုင်းရင်းသား လက်နက်ကိုင်အင်အားစုတွေအားလုံး ပါဝင်ပါသလား။

ခွန်ဥက္ကာ ။ ။ မပါဘူးခင်များ။ (၁၂) ဖွဲ့ပါတယ်။ (၁၆) ဖွဲ့ ဖိတ်တယ်။ (၁၂) ဖွဲ့လာတယ်။ (၄) ဖွဲ့ မလာဖြစ်ဘူး။

ဦးကျော်ဇံသာ ။ ။ အဲဒီ (၄) ဖွဲ့က။

ခွန်ဥက္ကာ ။ ။ ကချင်၊ ပလောင်း၊ ချင်း နဲ့ KNPP ဖြစ်ပါတယ်။

ဦးကျော်ဇံသာ ။ ။ သူတို့ မလာရတဲ့အထဲမှာ ဘာကြောင့်မို့ သူတို့ဖက်က ပြောပါသလဲ။ ခွန်ဥက္ကာတို့ သိပါလား။

ခွန်ဥက္ကာ ။ ။ သူတို့ကို မေးရင်ကောင်းတယ်။ ကျနော်တို့ကတော့ မပြောနိုင်ဘူး။ ဒီတခေါက် ဖိတ်တာက ပြည်ထောင်စုအစိုးရဖက်က ဖိတ်တာက (၅၀) ရာခိုင်နှုန်းဆီဖိတ်တာ။ အဖွဲ့အစည်းကို (၅၀) ရာခိုင်နှုန်း ဖိတ်တယ်။ ဖိတ်သင့်တဲ့ အဖွဲ့အစည်းတွေကို ဖိတ်လိုက်ပြီးတော့ အဲဒီ အဖွဲ့အစည်းထဲကမှ တက်ရောက်သင့်တယ်ဆိုတဲ့ ခေါင်းဆောင်ကို တခါ ထပ်ဖိတ်တယ်။ နှစ်ဆင့်ဆိုတော့ အဖွဲ့အစည်းကိုဖိတ်တယ်။ အဖွဲ့အစည်းက ပေါ့ပေါ့တန်တန် ထားပြီးတော့ Protocol မကိုက်တဲ့ လူလွှတ်မိရင်လည်း သူတို့ ဆက်ဆံရခက်မှာကြောင့်လို့။ အမြင့်ဆုံးခေါင်းဆောင်တွေက ဖိတ်တယ်ဆိုတော့ ဒါကြောင့် တက်သင့်တယ့် အဖွဲ့အစည်းအသီးသီးရဲ့  အမြင့်ဆုံးခေါင်းဆောင်တွေကို ရာထားပြီးတော့ ထပ်ဖိတ်လိုက်တဲ့သဘောမျိုးရှိတယ်။ အဲဒါကတော့ လူပုဂ္ဂိုလ်ကို အလေးထားမှုက (၅၀) ရာခိုင်နှုန်း အဖွဲ့အစည်း အလေးထားမှုက (၅၀) ရာခိုင်နှုန်း အဲဒီ နှစ်မျိုးစပ်မူနဲ့ ဖိတ်လိုက်တာကို တွေ့ရတယ်။ ဒါကြောင့် တဖွဲ့ချင်းရဲ့  လွတ်လပ်တဲ့ သဘောဆန္ဒအရပဲ ဆုံးဖြတ်ပြီးတော့ သွားသင့်မသွားသင့်၊ လာသင့်မလာသင့် အဲဒီလိုပဲ ကျနော်တို့က သဘောထားလိုက်တယ်။ ပိတ်ပင်ချက်တွေ၊ တားဆီးမှုတွေ တပ်ပေါင်းစုအနေနဲ့ လုံးဝမလုပ်ပါဘူး။

ဦးကျော်ဇံသာ ။ ။ ဒါပေမဲ့ ခွန်ဥက္ကာ က တိုင်းရင်းသားတွေအားလုံး စုပေါင်းဖွဲ့စည်းထားတဲ့ အဖွဲ့အစည်းတွေမှာလည်း ဦးဆောင်ဦးရွက် ပြုနေတဲ့ ပုဂ္ဂိုလ်တစ်ယောက်အနေနဲ့ သူတို့ မတက်ရောက်တဲ့ကိစ္စအပေါ် ဘယ်လို သုံးသပ်ပါသလဲ။

ခွန်ဥက္ကာ ။ ။ အဲဒါကြောင့် ကျနော် ပြောတာပေါ့ တဖွဲ့ချင်း ဖိတ်တဲ့အခါကြတော့ ကျနော် မသုံးသပ်ချင်ဘူးလို့ ပြောတာ။ ကျနော် အမြင်ကတော့ တချို့ ကတော့ ဒါက ပြစားတာ ဖြစ်မလား။ နိုင်ငံရေးထောက်ချောက်လားပေါ့။ စိုးရိမ်တာရှိတယ်။ တချို့ လာတဲ့ အဖွဲ့တွေကြတော့လဲ ဒါက နိုင်ငံရေးအရ အကျိုးရှိတယ်။ ဒီလို ခေါင်းဆောင်ကြီးတွေနဲ့ တွေ့ဖို့ အခွင့်အရေးက ကျနော်တို့ ဖန်တီးလို့ မရဘူး။ တိုင်းပြည်ရဲ့  သင်္ကေတဖြစ်တဲ့ ဗိုလ်ရှုသဘင်ဆိုတာ လွတ်လပ်ရေးအခမ်းအနားမှာ ဖြစ်တာ။ လွတ်လပ်ရေးအခမ်းအနားဆိုတာ တနိုင်ငံလုံး တိုင်းရင်းသားလူမျိုးအားလုံး ပိုင်ဆိုင်တဲ့ လွတ်လပ်ရေး ဖြစ်တဲ့အတွက် ဒီအခမ်းအနားမျိုးမှာ အခွင့်ကောင်းယူပြီးတော့ တွေ့ဆုံရတာက ပွင့်ပွင့်လင်းလင်း နဲ့ ရင်းရင်းနှီးနှီး တင်ပြခွင့်ရတာပေါ့။ နိုင်ငံရေးအရ အကျိုးအမြတ်ရှိတယ်လို့ ယူဆတဲ့အဖွဲ့တွေကြတော့လည်း ရောက်လာတာပေါ့။ ကျနော်တို့က မလာဖြစ်တဲ့လူလည်း အပြစ်မမြင်သလို၊ သွားဖြစ်တဲ့ လူကိုလည်း ကျနော်တို့က အပြစ်တင်လို့ မရဘူး။ ဒါက တိုင်းရင်းသားအားလုံးရဲ့  အကျိုးစီးပွားကို ဘက်နှစ်ဖက်အမြင်နဲ့ လုပ်နေတာ။ ဦးတည်ချက်ကတော့ တူတယ်လို့ ကျနော် သုံးသပ်တယ်။


ဦးကျော်ဇံသာ ။ ။ နောက်တခု မေးချင်တာက အခု လာမတက်တဲ့ အဖွဲ့တွေကိုကြည့်ရင် အဓိကအားဖြင့် ကချင်တို့၊ ပလောင်းတို့ဆိုတာဟာ အစိုးရတပ်နဲ့ တိုက်ပွဲတွေ မကြာခဏ ဆက်လက်ဖြစ်နေတဲ့ ပဋိပက္ခ ဖြစ်နေတဲ့ ဒေသတွေ ဖြစ်ပါတယ်။ ဆိုတော့ ဒီတိုက်ပွဲတွေ ဆက်လက်ဖြစ်နေတဲ့ကိစ္စနဲ့ ပတ်သက်လို့ကတော့ သူတို့မလာတော့ တစုံတရာ ဆွေးနွေးတာ ဘာမှ မရှိတော့ဘူးလား။

ခွန်ဥက္ကာ ။ ။ အခုကတော့ အဲဒီလို လေးနက်ပြီးတော့ ဖြစ်တဲ့အဲဒါတွေ ဆွေးနွေးဖို့အဆင့်ကိုတော့ တည့်တည့်ကြီးတော့ မရောက်ဘူးပေါ့။ အခုဟာက ရင်းနှီးမှု ရဖို့နဲ့ ကျနော်တို့ရဲ့  အမြင်သဘောထားလေးတွေ၊ မေတ္တာရပ်ခံချက်လေးတွေ၊ ပန်ကြားချက်လေးတွေ အပြန်အလှန်ညှိတာ ရှိတာပေါ့။ သို့သော် စစ်အရှိန်လျှော့ဖို့၊ ထိုးစစ်တွေရပ်ဖို့၊ ထိုးစစ်တွေလျှော့ဖို့၊ စစ်ဆင်ရေးတွေ လျှော့ဖို့ဆိုတဲ့ ကိစ္စကြတော့ ကျနော်တို့ ကြုံရင်ကြုံသလိုတော့ ကျနော်အနေနဲ့ တခြားအဖွဲ့တွေတော့ မသိဘူး။ ကျနော့်အနေနဲ့ တင်ပြတာ ရှိပါတယ်။ သို့သော်လဲပဲ ဒါက အမြင်ဖလှယ်တဲ့ပွဲဆိုတော့ ဆုံးဖြတ်ချက်တို့ သဘောတူညီချက်တို့ လုပ်နိုင်တဲ့အခြေအနေ မရှိတော့ တင်ပြချက်တွေအနေနဲ့ပဲ မှတ်တမ်းဖြစ်သွားတာပေါ့။ ဒီလောက်ပါပဲ။

ဦးကျော်ဇံသာ ။ ။ သမ္မတကြီးကတော့ အပစ်အခတ်ရပ်စဲရေး၊ နိုင်ငံရေး ဆွေးနွေးပွဲဆိုတာကို ပြောတယ်။ ဒီကိစ္စတွေနဲ့ ပတ်သက်လို့ ကာကွယ်ရေးဦးစီးချုပ်က တစုံတရာ ပြောပါသေးလား။ အဲဒီရဲ့  အလားအလာ။

ခွန်ဥက္ကာ ။ ။ အဲဒီ နိုင်ငံရေးနဲ့ ပတ်သက်တဲ့ဟာကို ကာကွယ်ရေးဦးစီးချုပ်က နည်းနည်းရှောင်တယ်။ နိုင်ငံရေးအရတော့ သမ္မတကြီး ဦးဆောင်မှုပဲလို့ ပြောပြီးတော့ တပ်ပိုင်းဆိုင်ရာကိစ္စတွေကိုတော့ အဓိက ကာကွယ်ရေးဦးစီးချုပ်က ပြောဆိုတာ ရှိပါတယ်။

ဦးကျော်ဇံသာ ။ ။ သမ္မတကြီးကတော့ ခွန်ဥက္ကာ ပြောအရတော့ တော်တော်လေး လိုက်လိုက်လျောလျော ဆွေးနွေးတယ်။ သူတို့က နိုင်ငံရေးခေါင်းဆောင်တစ်ယောက်အနေနဲ့ ပြောတာလဲ ဖြစ်ကောင်းဖြစ်မှာပေါ့။ ဆိုတော့ ကာကွယ်ရေးဦးစီးချုပ်ဖက်က နောက်ထပ်ပြန်တွေ့ဖို့ သူကို အချိန်မရွေး တွေ့နိုင်တယ်။ ပြဿနာရှိရင် သူနဲ့ ရှင်းနိုင်ပါတယ်။ ဘာညာဆိုတာမျိုး ကမ်းလှမ်းချက်တွေ ဘာမှ မရှိဘူးလား။

ခွန်ဥက္ကာ ။ ။ အဲဒီလောက်တော့ မရှိဘူး။ ကာကွယ်ရေးဦးစီးချုပ်ဖက်က တပ်မတော်ထိပ်တန်းအရာရှိ အားလုံးလိုလို တက်တယ်။ ကျနော်တို့နဲ့ တွေ့ထိနေတဲ့ ဆွေးနွေးပွဲမှာပါတဲ့ တပ်မှုးတွေအပြင် ကျနော်တို့ မတွေ့ထိသော်လဲ ကျနော်တို့ရဲ့  အတွေးအခေါ် အယူအဆတွေကို လေ့လာသုံးသပ်နိုင်ဖို့ တပ်မှုးအားလုံးကို သူခေါ်လိုက်တဲ့ဟာက ကျနော်တို့အနေနဲ့ အင်မတန်ကောင်းတဲ့ ပြင်ဆင်မှုပဲ။ ကာကွယ်ရေးဦးစီးချုပ် မဟုတ်တာတောင်မှ သူ့ရဲ့  လုပ်ငန်းခွဲဝေပေးထားတဲ့ ဗိုလ်ချုပ်ကြီးတချို့ နဲ့တော့ ကျနော်တို့ တွေ့နိုင်မယ်လို့တော့ ယူဆတယ်။

ဦးကျော်ဇံသာ ။ ။ ဒါပေမဲ့ သူတို့ စွဲကိုင်ထားတဲ့ မူ (၆) ချက်ဆိုတာကကော ပြန်ပြီးတော့ အလျှော့အတင်း လုပ်နိုင်မယ့် အလားအလာ တစုံတရာမှ အခုထိ မတွေ့ရသေးဘူးပေါ့။

ခွန်ဥက္ကာ ။ ။ မူ (၆) ချက်ကတော့ ကာကွယ်ရေးဦးစီးချုပ်က အခုတပတ်မှာ တင်ပြတယ်ဆိုပေမယ့် စဉ်းစားချင့်ချိန်နိုင်ဖို့ For the consideration အဆင့်လောက်ပဲ သူတင်ပြတာ ဖြစ်တယ်။ … reasonable ဖြစ်အောင်ပေးတယ်။ ဒါပေမဲ့ အဲဒါတွေကို အတိအကျ လိုက်နာမှ၊ အဲဒါတွေကို အတိအကျ စာချုပ်စာတမ်းမှာ ထည့်မှ ငြိမ်းချမ်းရေး၊ အပစ်အခတ် ရပ်စဲရေးဖြစ်မယ်ဆိုတဲ့ အဲဒီလို အကြပ်ကိုင် ပြောဆိုခြင်းကတော့ မရှိဘူး။

ဦးကျော်ဇံသာ ။ ။ တချိန်မှာ ဒါက ညှိနှိုင်းလို့ ရနိုင်သေးတယ်လို့ မျှော်လင့်ရတာပေါ့။

ခွန်ဥက္ကာ ။ ။ အများကြီး ညှိနှိုင်းနိုင်မယ်လို့ ကျနော် ယူဆတယ်။ ကျနော်တို့ကတော့ မျှော်လင့်ချက် ရှိပါတယ်။
http://burmese.voanews.com/content/news-analysis-interview-with-khun-okka/2588103.html

ပထမဆုံး မြန်မာ ကာဒီနယ်လ် ဘုန်းတော်ကြီးနဲ့ သီးသန့်မေးမြန်းခန်း

Congratulation to Cardinal Charles Bo !!!!!

မြန်မာနိုင်ငံရဲ့ ပထမဆုံး ကာဒီနယ်လ် ရဟန်းမင်းအမတ်အဖြစ် အရွေးခံရပြီး ဗာတီကန်မှာ ဖေဖော်ဝါရီလ ၁၄ နေ့ကျရင် တရားဝင်အခမ်းအနားနဲ့ ချီးမြှောက်ခြင်းခံရမယ့် ရန်ကုန်ဂိုဏ်းချုပ်ဆရာတော်ကြီး Charles Bo ကို ဒေါ်ခင်စိုးဝင်းက သီးသန့်တွေ့ဆုံမေးမြန်းထားပါတယ်




Type the rest of your post here.

KNU ကရင်အမျိူးသားအစည်းအရုံး၏ မြေယာမူဝါဒ

Kawthoolei Land Policy Final Burmese

Land Policy Statement, Karen

Type the rest of your post here.

DVB - ဦးအောင်ထူး (လူအခွင့်အရေးရှေ့နေ) ဥပဒေ အထောက်အကူပြုကွန်ရက် တည်ထောင်သူ နှင့် မေးမြန်းခန်း (၁)(၂)(၃)(၄)

Type the rest of your post here.

AKO လူငယ်များတွေ့ ဆုံဆွေးနွေးပွဲကြေငြာချက်

Statement in Burmese

Type the rest of your post here.

ဗိုလ်ရှုသဘင်အခမ်းအနား ဒေါ်အောင်ဆန်းစုကြည် တက်ရောက်မည် မဟုတ်

နိုင်ငံရေးမှာ ပါးနပ်ပြီး သိက္ခာရှိသူတွေက  ချီးသွားမစားဘူး ဒီလို ယဉ်ယဉ်လေး ရှောင်ထွက်တယ်။။။

ပြည်သူ့လွှတ်တော်တရားဥပဒေစိုးမိုးရေး တည်ငြိမ်အေးချမ်းရေးကော်မတီ ဥက္ကဋ္ဌ ဒေါ်အောင်ဆန်းစုကြည်ဟာ ဇန်န၀ါရီ ၄ ရက်လွတ်လပ်ရေးနေ့ နေပြည်တော်မှာ ပြုလုပ်ကျင်းပမယ့် ဗိုလ်ရှုသဘင်အခမ်းအနားကို တက်ရောက်မှာ မဟုတ်ဘူး လို့ အဖွဲ့ချုပ် ဗဟိုအလုပ်အမှုဆောင် ဦးဝင်းမြင့်က ပြောပါတယ်။

ဒေါ်အောင်ဆန်းစုကြည်ဟာ အမျိုသားဒီမိုကရေစီအဖွဲ့ချုပ်က ရန်ကုန်မြို့မှာ ကျင်းပပြုလုပ်မယ့် လွတ်လပ်ရေးနေ့အခမ်းအနားကို တက်ရောက်မှာဖြစ်တယ်လို့ ဦးဝင်းမြင့်က ပြောပါတယ်။

အစိုးရရဲ့ သတင်းထုတ်ပြန်ချက်အရ ဗိုလ်ရှုသဘင်အခမ်းအနားကို မဏ္ဍိုင်ကြီး ၃ ရပ်က အကြီးအကဲတွေ၊ တပ်မတော်အရာရှိကြီးတွေ၊ လွှတ်တော်နှစ်ရပ်က ရေးရာကော်မတီ ကော်မရှင်ဥက္ကဋ္ဌတွေ၊ နိုင်ငံရေးပါတီခေါင်းဆောင်တွေ၊ နယ်ခြားစောင့်တပ်ဖွဲ့က ခေါင်းဆောင်တွေ၊ အရပ်ဘက်အဖွဲ့အစည်းတွေကို ဖိတ်ကြားထားတယ်လို့ သိရပါတယ်။

ဦးခွန်ထွန်းဦး ခေါင်းဆောင်တဲ့ ရှမ်းတိုင်းရင်းသားများဒီမိုကရက်တစ်ပါတီကလည်း နေပြည်တော် ဗိုလ်ရှုသဘင်အခမ်းအနားကို တက်ရောက်မှာမဟုတ်ဘူးလို့ အကြောင်းပြန်ခဲ့ပါတယ်။ ပါတီပြောခွင့်ရသူ ဦးစိုင်းညွန့်လွင်က “ကျနော်တို့က အကုန်လုံးက ခရီးစဉ် ပြည့်နေတယ်။ ကျနော်တို့ကတော့ သွားဖြစ်မယ်မထင်ဘူး။ အကြောင်းပြန်လိုက်ပြီ။ SNLD အနေနဲ့တော့ ဘယ်သူမှ မသွားတော့ဘူး” လို့ ပြောပါတယ်။

ဗိုလ်ရှုသဘင်အခမ်းအနား ဒေါ်အောင်ဆန်းစုကြည် တက်ရောက်မှာ မဟုတ်ပေမယ့် လွတ်လပ်ရေးနေ့ ညစာစားပွဲကိုတော့ အန်အယ်ဒီပါတီ ဗဟိုအလုပ်အမှုဆောင်ကော်မတီဝင် ဦးထွန်းထွန်းဟိန် တက်ရောက်မှာဖြစ်ပါတယ်။

ကေအန်ယူအဖွဲ့ ဗိုလ်ရှုသဘင် အခမ်းအနား တက်ရောက်မည်

By ရွှေအောင်

အစိုးရကလုပ်မယ့် နေပြည်တော်ဗိုလ်ရှုသဘင်အခမ်းအနားကို ရှိရှိသမျှ တိုင်းရင်းသား လက်နက်ကိုင်အဖွဲ့တွေထံ နာမည်တပ်ပြီးဖိတ်ကြားထားပါတယ်။

ဇန်န၀ါရီ ၄ ရက်၊ လွတ်လပ်ရေးနေ့မှာပြုလုပ်မယ့် ဗိုလ်ရှုသဘင်အခမ်းအနားကို အစိုးရနဲ့ အပစ်ရပ်လက်မှတ်ထိုးထားတဲ့ အဖွဲ့တွေရော လက်မှတ်မထိုးရသေးတဲ့အဖွဲ့တွေကိုပါ ဖိတ်ကြားထားတာဖြစ်ပြီး ဗိုလ်ရှုသဘင်အခမ်းအနား ကြည့်ရုံသက်သက်မဟုတ်ဘဲ သမ္မတနဲ့ တွေ့ဖို့ရှိတဲ့အကြောင်း အခမ်းအနားတက်မယ့် ကေအန်ယူအဖွဲ့ အထွေထွေအတွင်းရေးမှူး ဖဒိုကွယ်ထူးဝင်းက ပြောပါတယ်။

“ကျနော်တို့ ကေအန်ယူက ဥက္ကဋ္ဌ ဖဒိုမူတူးစေးဖို ကျနော်နဲ့ စစ်ဦးစီးချုပ်ဗိုလ်ချုပ်ဂျော်နီရယ် ၃ ယောက်ဖိတ်တယ်။ ၃ ယောက်စလုံး တက်မယ်။ တဖွဲ့မှာ ဘယ်နှစ်ယောက်ဆိုပြီး နာမည်ရေးပြီးတော့ ဖိတ်တာ။ ထိုင်ကြည့်ရုံသက်သက်ကတော့ တီဗီထဲ ထိုင်ကြည့်လည်း ရတာပဲဗျ။ အခုဟာက ကျနော်ကြားသိရသလောက် အခမ်းအနားပြီးလို့ရှိရင် သမ္မတနဲ့ တိုင်းရင်းသားလက်နက်ကိုင်အဖွဲ့တွေနဲ့ တွေ့ဖို့ အစီအစဉ်ရှိတယ်။”

အစိုးရရဲ့ သတင်းထုတ်ပြန်ချက်အရ ဗိုလ်ရှုသဘင်အခမ်းအနားကို မဏ္ဍိုင်ကြီး ၃ ရပ်က အကြီးအကဲတွေ၊ တပ်မတော်အရာရှိကြီးတွေ၊ လွှတ်တော်နှစ်ရပ်က ရေးရာကော်မတီ ကော်မရှင်ဥက္ကဋ္ဌတွေ၊ နိုင်ငံရေးပါတီခေါင်းဆောင်တွေ၊ နယ်ခြားစောင့်တပ်ဖွဲ့က ခေါင်းဆောင်တွေ၊ အရပ်ဘက်အဖွဲ့အစည်းတွေကို ဖိတ်ကြားထားတယ်လို့ သိရပါတယ်။ ဒါ့အပြင် ကေအိုင်အို ကေအိုင်အေနဲ့ တီအန်အယ်အေခေါင်းဆောင်တွေ အပါအ၀င် တိုင်းရင်းသား လက်နက်ကိုင်အဖွဲ့ ခေါင်းဆောင်တွေကိုလည်း ဖိတ်ထားတယ်လို့ ဆိုပါတယ်။

အမျိုးသားဒီမိုကရေစီအင်အားစုပါတီခေါင်းဆောင် ဦးခင်မောင်ဆွေက ဗိုလ်ရှုသဘင် အကြောင်းပြုပြီး တိုင်းရင်းသားလက်နက်ကိုင်အဖွဲ့တွေနဲ့ နိုင်ငံရေး ယုံကြည်မှု တည် ဆောက်လိမ့် မယ်လို့ သုံးသပ်ပြောကြားပါတယ်။

“ဗိုလ်ရှုသဘင်အကြောင်းပြုပြီးတော့ တိုင်းရင်းသားလက်နက်ကိုင်အဖွဲ့တွေကို ဖိတ်ကြား ပြီးတော့ နိုင်ငံရေးယုံကြည်မှုရအောင် တည်ဆောက်လိမ့်မယ်လို့ ကျနော်တွက်မိပါတယ်။ လာကြမယ်ဆိုရင်ပေါ့လေ။ နောက်တခုက ဒီတိုင်းပြည်ဟာ အားလုံးနဲ့ ပတ်သက်တဲ့ တိုင်းပြည် အချုပ်အချာအာဏာကလည်းပဲ တိုင်းရင်းသားလက်နက်ကိုင်ခေါင်းဆောင်တွေ လည်းပိုင်တဲ့ အချုပ်အချာအာဏာ ဖြစ်တယ်ဆိုတာလည်း သက်ဝင်သွားအောင် နိုင်ငံရေး အဓိပ္ပါယ်ရှိအောင် လုပ်လိမ့်မယ်လို့ ထင်တယ်လေ။ နိုင်ငံ့ခေါင်းဆောင်တွေ ဆုံစည်းတဲ့ပွဲဖြစ် အောင် လုပ်လိမ့်မယ်လို့ တွက်ဆမိပါတယ်။”

ရှမ်းပြည်တပ်မတော်တောင်ပိုင်းအဖွဲ့က အဖွဲ့ရဲ့ပြောခွင့်ရ ဗိုလ်မှူးကြီးစိုင်းလနဲ့ အဖွဲ့ဝင် ဗိုလ်မှူးကြီး စိုင်းခမ်းစမ်တို့ ဗိုလ်ရှုသဘင်အခမ်းအနားတက်ရောက်မယ်လို့ သိရပါတယ်။

ကရင်အမျိုးသားအစည်းအရုံး၊ ကရင်အမျိုးသားလွတ်မြောက်ရေးတပ်မတော် (ငြိမ်းချမ်း ရေးကောင်စီ) က စစ်ရေးချုပ်နဲ့ စစ်ထောက်ချုပ် ဗိုလ်ချုပ်ယဉ်နု တက်ရောက်မယ်လို့ ရုံးအဖွဲ့က ပြောပါတယ်။

နှစ် ၅၀ ကျော် တိမ်မြှုပ်နေတဲ့ ကောင်းမြတ်တဲ့ အစဉ်အလာတရပ်ကို ပြန်လည်ဖော်ထုတ်တဲ့ အနေနဲ့ ဗိုလ်ရှုသဘင်အခမ်းအနား ကျင်းပပြုလုပ်မှာလို့ အစိုးရက သတင်းထုတ်ပြန် ထားပါ တယ်။
http://burmese.dvb.no/archives/75808