တိုက်ပွဲဖြစ်ဆဲ ၃ ဖွဲ့ အပစ်ရပ်ချုပ်ဆိုပွဲမှာ ပါဝင်မှာမဟုတ်ကြောင်း ဝန်ကြီး ဦအောင်မင်းပြော

ပန်ခမ်းမှာကျင်းပတဲ့ တိုင်းရင်းသားတော်လှန်ရေးအဖွဲ့ ထိပ်သီးညီလာခံဆုံးဖြတ်ချက်ကို ဦးအောင်မင်းက အဖြေပေးလိုက်ပြီ။

တစ်နိုင်ငံလုံးအပစ်အခတ်ရပ်စဲရေးစာချုပ် လက်မှတ်ရေးထိုး ပွဲမှာ လက်ရှိအစိုးရနဲ့ တိုက်ပွဲတွေဖြစ်ပွားနေတဲ့ MNDAA ကိုးကန့်အဖွဲ့၊ PSLF/TNLA တအာင်းပလောင်အဖွဲ့နဲ့ AA ရက္ခိုင့် တပ်မတော်တို့ပါဝင်မှာ မဟုတ်ကြောင်း ပြည်ထောင်စု အဆင့် ငြိမ်းချမ်းရေးဖော်ဆောင်ရေးကော်မတီ ဒုတိယ ဥက္ကဌ ပြည်ထောင်စုဝန်ကြီး ဦးအောင်မင်းက ပြောလိုက် ပါတယ်။

ရန်ကုန်မြို့ အင်းလျားလိတ်ဟိုတယ်မှာ ဒီနေ့ကျင်းပတဲ့ ငြိမ်းချမ်းရေးနဲ့ အမျိုးသားပြန်လည်သင့်မြတ်ရေး ဆိုင်ရာ ဆွေးနွေးပွဲမှာ တစ်နိုင်ငံလုံးအပစ်အခတ်ရပ်စဲရေးမှာ ပါဝင်မယ့်အဖွဲ့တွေနဲ့ပတ်သက်လို့ သတင်းထောက်တွေ ရဲ့ မေးမြန်းချက်ကို ဝန်ကြီး ဦးအောင်မင်းက အခုလို ဖြေ ကြားခဲ့တာပါ။

"အခုနကပြောတဲ့ ကိုးကန့်အဖွဲ့၊ ပလောင်အဖွဲ့၊ AA အဖွဲ့ဟာ ဘိုင်လထရယ် မဆွေးနွေးရသေးပါဘူး၊ ဘိုင်လထရယ် ဆွေးနွေးတဲ့အခါမှာလည်း အချက်အလက်တွေ အများကြီးထွက်လာပါလိမ့်မယ်၊ အဲ့ဒီတော့ သူတို့ကို စောင့်ပြီးခေါ်မယ်ဆိုရင် ကျနော်တို့ ငြိမ်းချမ်းရေးကြာနေလိမ့်မယ်၊ အခုပြောထားတဲ့ ၁၆ ဖွဲ့ ဆွေးနွေးနေတဲ့အဖွဲ့နဲ့ပဲ ကျနော်တို့ ဆက်ပြီးတော့ ရှေ့ကနေပြီးတော့ ပထမအဆင့်အနေနဲ့ သွားပါမယ်၊ ကျန်တဲ့အဖွဲ့တွေကတော့ ဘိုင်လထရယ်ဆိုတဲ့ အဆင့်ခံနေတဲ့အတွက် သူကဒုတိယအဆင့်နေနဲ့ ကျနော်တို့ ဆောင်ရွက်ဖို့ရှိပါတယ်"

အဲ့ဒီအဖွဲ့တွေဟာ အခုကျင်းပဖို့ရှိတဲ့ တစ်နိုင်ငံလုံး အပစ်အခတ်ရပ်စဲရေးစာချုပ် လက်မှတ်ရေးထိုးပွဲမှာ ပါဝင်မှာမဟုတ် ပဲ နောက်တစ်ကြိမ် ဒုတိယအဆင့်အနေနဲ့ကျင်းပမယ့် အပစ်အခတ်ရပ်စဲရေးဆွေးနွေးပွဲတွေမှာ ပါဝင်လာနိုင်တယ် လို့ ပြောပါတယ်။

ကရင်အမျိုးသားအစည်းအရုံး KNU ဥက္ကဋ္ဌ ဗိုလ်ချုပ်ကြီး စောမူတူးစေးဖိုးကလည်း ၂ဝ၁၅ ခုနှစ် ရွေးကောက်ပွဲ မတိုင်မီ နိုင်ငံရေးဆွေးနွေးပွဲတွေ ကျင်းပနိုင်ရေးနဲ့ နိုင်ငံရေးမူဘောင်တွေ အမြန်ဆုံးချမှတ်နိုင်ရေး အဖြေရှာ ကြဖို့ ပြောကြားခဲ့ပါတယ်။

"နိုင်ငံရေးဆွေးနွေးမှုမူဘောင်နဲ့အညီ ပဏာမနိုင်ငံရေးဆွေးနွေးမှုများကို ၂ဝ၁၅ အထွေထွေရွေးကောက်ပွဲများမတိုင်မီ ကျင်းပနိုင်ရေးအတွက် ပူးပေါင်းဆောင်ရွက်ရန် ဆိုတဲ့အချက်မှာပါတဲ့ မူဘောင်ရရှိရေးအတွက် အချိန်နဲ့ပတ်သက်တဲ့ အခက်အခဲကို ကျော်လွှားနိုင်အောင် အကောင်အထည်ဖော်နိုင်ရေးလမ်းစရှာတဲ့ ဆွေးနွေးပွဲလည်းဖြစ်ပါတယ်"

ဒီနေ့ တွေ့ဆုံဆွေးနွေးပွဲဟာ ပြီးခဲ့တဲ့ ပြည်ထောင်စုနေ့က အစိုးရနဲ့ တိုင်းရင်းသားအဖွဲ့တချို့ လက်မှတ်ရေးထိုးခဲ့ကြတဲ့ ငြိမ်းချမ်းရေးနဲ့ အမျိုးသားပြန်လည်သင့်မြတ်ရေး ကတိကဝတ်ပြုခြင်း (Deed of Commitment) မှာပါဝင် တဲ့ နိုင်ငံရေးဆွေးနွေးပွဲတွေ အမြန်ဆုံးပေါ်ပေါက်လာရေးအတွက် ကြိုးပမ်းမှုတစ်ရပ်ဖြစ်တယ်လို့ တိုင်းရင်းသားခေါင်းဆောင်တွေက ပြောပါတယ်။

ဒီနေ့ ဆွေးနွေးပွဲကို ကရင်အမျိုးသားအစည်းအရုံး KNU နဲ့ ရှမ်းပြည်ပြန်လည်ထူထောင်ရေးကောင်စီ RCSS/SSA အဖွဲ့တို့က ဦးဆောင်ကျင်းပတာဖြစ်ပြီး ငြိမ်းချမ်းရေးနဲ့ အမျိုးသားပြန်လည်သင့်မြတ်ရေး ကတိပြုချက်မှာ လက်မှတ်ရေးထိုးခဲ့တဲ့ အဖွဲ့တွေပါဝင်သလို လက်မှတ်မထိုးတဲ့ အဖွဲ့တွေလည်းပါဝင်ပါတယ်။

ဆွေးနွေးပွဲအပြီးမှာ ၂ဝ၁၅ ရွေးကောက်ပွဲမစမီ နိုင်ငံရေးဆွေးနွေးပွဲတွေ ကျင်းပနိုင်ရေးနဲ့ ဆွေးနွေးပွဲတွေ ကျင်းပနိုင်ရေးအတွက် ငြိမ်းချမ်းရေးနဲ့ အမျိုးသား ပြန်လည်သင့်မြတ်ရေးဆုိုင်ရာ ညှိနှိုင်းအဖွဲ့ဖွဲ့စည်းသွားဖို့ သဘောတူညီခဲ့ပါတယ်။

ဒီပွဲကို ပြည်ထောင်စုဝန်ကြီးတွေဖြစ်တဲ့ ဦးအောင်မင်း၊ ဦးစိုးသိန်း၊ ဦးဝင်းထွန်းနဲ့ တိုင်းရင်းသားလက်နက်ကိုင်အဖွဲ့ (၇) ဖွဲ့က ခေါင်းဆောင်တွေ၊ တိုင်းရင်းသားရေးရာဝန်ကြီးတွေနဲ့ နိုင်ငံရေးပါတီ ၆၄ ပါတီက ကိုယ်စားလှယ်တွေ တက်ရောက်ဆွေးနွေးကြပါတယ်။

ဒီနေ့ ဆွေးနွေးပွဲနဲ့ပတ်သက်လို့ RFA သတင်းထောက် မစန်းမော်အောင်ရဲ့ တင်ပြချက်ကို နားဆင်နိုင်ပါတယ်။

ဒီနေ့ ဆွေးနွေးပွဲတက်ရောက်ခဲ့တဲ့ ရခိုင်တိုင်းရင်းသားခေါင်းဆောင်တစ်ဦးဖြစ်သူ ဦးအေးသာအောင်ကို RFA ဝိုင်းတော်သား ဦးတင်အောင်ခိုင် ဆက်သွယ်မေးမြန်းထားတာကိုလည်း နားဆင်နိုင်ပါတယ်။
http://www.rfa.org/burmese/news/ethnic-groups-meet-political-partys-05092015101208.html