ကျားဖြူစီးပွားရေး မလေးရှားကုန် တင်သွင်း

လူထုအတွက်ဆိုပြီး နိုင်ငံရေးပါတီထောင် ခဲ့ကြတာမဟုတ်ပဲ စီးပွားရေး လုပ်ချင်လို့ ပါတီထောင် ရွှေးကောက်ပွဲဝင်ခဲ့ကြဒါလား ဆိုတာ စဉ်းစားစရာတွေဖြစ်နေပြီ။

ချင်းမိုင် (မဇ္ဈိမ) ။ ။ ကျားဖြူခေါ် ရှမ်းတိုင်းရင်းသား ဒီမိုကရက်တစ် ပါတီက ပါတီစီးပွားရေးအနေဖြင့် မလေးရှားနိုင်ငံမှ မှာယူထားသည့် ကုန်ပစ္စည်းစုံ ယခုလကုန်တွင် ရောက်မည်ဟု ပါတီ ဘဏ္ဍာရေးမှူး စောသန်းမြင့်က ပြောသည်။

ပါတီပိုင် ကုမ္ပဏီအမည်ပေါက် မှတ်ပုံတင်ရန် ပြင်ဆင်နေဆဲဖြစ်သော်လည်း မလေးရှားမှ ဓာတ်မြေသြဇာမျိုးစုံ၊ ဆိုင်ကယ်ကျွတ်နှင့် တာယာ၊ လူသုံးကုန်ဆပ်ပြာမျိုးစုံတို့ကို တင်သွင်းရန် ကြိုတင်ပြင်ဆင်ထားခြင်းဖြစ်သည်ဟု သူကပြောသည်။

“ဒီ မေလကုန်လောက်မှာ ရောက်ဖို့ရှိတယ်။ ကုမ္ပဏီကိစ္စလည်း ဒီလကုန်လောက်ဆို အားလုံးပြီး လိမ့်မယ်လို့ ထင်တယ်။ ချိန်သားကိုက်ပေါ့လေ ကြိုလုပ်ထားတဲ့ သဘော” ဟု ဘဏ္ဍာရေးမှူး စောသန်းမြင့်က မဇ္ဈိမကိုပြောသည်။

ပါတီ ဗဟိုဦးဆောင်ကော်မတီဝင်တချို့နှင့် ပါတီပြင်ပ လုပ်ငန်းရှင်များပူးပေါင်းပါဝင်သည့် ဒါရိုက်တာ အဖွဲ့ဖြင့် ဦးဆောင်သွားမည့် ကုမ္ပဏီမှတ်ပုံတင်ခွင့်ရရေး အတွက် ယခုပတ်အတွင်း နေပြည်တော် သို့ တင်ပြမည်ဟု ဆိုသည်။

“ပထမတော့ ကျားဖြူ၊ နောက် ရွှေကျားဖြူ၊ ငွေကျားဖြူပေါ့။ အဓိက ရွေးချယ်ထားတဲ့ နာမည် ၃ ခု ကထပ်နေတယ်။ ခုတခါ မထပ်ဘူးဆိုမှ ကျနော်တို့က နာမည်တွေ ပြောလို့ရမှာလေ” ဟု သူက ပြောသည်။

နိုင်ငံရေးပါတီများမှတ်ပုံတင်ခြင်း ဥပဒေ အခန်း ၄ အရ ပါတီရန်ပုံငွေအတွက် ပါတီပိုင် စီးပွားရေး လုပ်ငန်းများ ထူထောင်ခွင့်ရှိသည်။ ကျားဖြူပါတီက ပို့ကုန်လုပ်ငန်းများကိုလည်း လုပ်ကိုင်သွားရန် အစီအစဉ်ရှိသည်ဟု သိရသည်။ တင်ပို့မည့် ထွက်ကုန်အမျိုးအစားများကိုမူ ဒါရိုက်တာအဖွဲ့နှင့် ပါတီဗဟိုအဖွဲ့ကသာဆုံးဖြတ်မည်ဟုဆိုသည်။

သို့သော်လည်း စိုက်ပျိုးရေး၊ ရွှေနှင့် သတ္တုတွင်း၊ သစ်လုပ်ငန်း စသည်ဖြင့် ကွဲပြားသည့် လုပ်ငန်းများကို မြို့နယ်အလိုက် စီမံကြမည်ဟု ယခင်နှစ် ဒီဇင်ဘာညီလာခံက ကိုယ်စားလှယ်တချို့က မဇ္ဈိမ ကို ပြောခဲ့သည်။

ကုမ္ပဏီမှတ်ပုံတင်ရပြီးနောက် အစပိုင်းတွင် ဒါရိုက်တာအဖွဲ့နှင့် စီအီးစီအဖွဲ့တို့၏ မတည်ငွေဖြင့် လုပ်ငန်းစတင် လည်ပတ်မည်ဖြစ်ပြီး ပထမအဆင့်အောင်မြင်မှသာ တစုကို တသောင်းနှုန်းရှိ အစုရေ စုစုပေါင်းတသန်းအထိ ထုတ်ရောင်းမည်ဟု သိရသည်။ ရှယ်ယာရှင်တဦးအများဆုံး ပိုင်ဆိုင်ခွင့်ကိုလည်း ကျပ်သိန်းတထောင် သတ်မှတ်ထားသည်။

တနှစ်တခါ အမြတ်မှ ၇၅ ရာခိုင်နှုန်းကို အစုရှင်များအား ခွဲပေးပြီး ကျန် ၂၅ ရာခိုင်နှုန်းကိုမူ ပါတီရန်ပုံငွေအဖြစ် သုံးမည်ဟုလည်း ဆုံးဖြတ်ထားကြသည်။

ကျားဖြူပါတီအပါအဝင် ပါတီ ၁၁ ခုဖြင့် စုဖွဲ့ထားသော ဒီမိုကရေစီမိတ်ဆွေပါတီများကလည်း ဥရောပသမဂ္ဂ EU အနေဖြင့် မြန်မာနိုင်ငံအပေါ် ရုပ်သိမ်းထားသည့် GSP ခေါ် ပို့ကုန်အခွန် လျှော့ပေးခွင့်ရသည့် ကုန်သွယ်မှု အထူးအခွင့်အရေးကို ပြန်ပေးပါရန် မေတ္တာရပ်ခံထားသည်။

ကျားဖြူပါတီ၏ စီးပွားရေးလုပ်ငန်းများကို ကနေဒါနိုင်ငံတွင် နေထိုင်သူ ဦးကျော်မြင့်နှင့် ပူးပေါင်းဆောင်ရွက်နေသည်ဆိုသော သတင်းများနှင့် ပတ်သက်၍မူ စောသန်းမြင့်က “ပါတီအနေနဲ့ မဟုတ်သေးဘူးခင်ဗျ။ သူက တရုတ်ပြည်ကနေ ကျနော်တို့ မိတ်ဆွေတွေကို ဆက်သွယ်လာတဲ့အခါမှာ ပါတီအနေနဲ့မဟုတ်ပဲ ဆွေးနွေးကြည့် လိုက်တယ်။ လုပ်ငန်းတခုလုပ်ဖို့ ခိုင်လုံတဲ့ အနေအထားမျိုး မရှိသေးဘူးခင်ဗျ။ လောလောဆယ် တော့ အဲဒီကိစ္စကို ရပ်နားထားတယ်” ဟု မဇ္ဈိမကို ပြောသည်။

SNDP ပါတီသည် ရှမ်းပြည်နယ်ကို အဓိကထား ရပ်တည်ထားသော်လည်း တနိုင်ငံလုံးတွင် ပါတီဝင် စုစုပေါင်း တသိန်းကျော်သွားပြီဟု သိရသည်။
http://www.mizzimaburmese.com/news/business/7519-2011-05-10-05-09-25.html