xxxxxxxxxxxxxx
ကရင့်အရေးနှင့်မြန်မာနိုင်ငံအမျိူးသမီးရေးရာမှာ တက်တက်ကြွကြွပါဝင်လှုပ်ရှားနေတဲ့ နော်စူဇက်နာလှလှစိုး ရဲ့ဖေ့ဘွတ်ပြန်ပြန်လည်တင်ပြပေးလိုက်ပါတယ်။
စူဇက်နာလှလှစိုး(ဖေ့ဘွတ်မှ)
သန်ခေါင်းစာရင်းဆွေးနွေးပွဲပထမနေ့တော့ မကျေနပ်ခြင်းများစွာနဲ့ ပြီးဆုံးသွားခဲ့ပါပြီိ။
အစိုးရရဲ့ရိုးသားမှုကိုအားလုံး သံသယရှိနေချိန်မှာ ဒီသန်းခေါင်းစာရင်းကိစ္စက ဗုံးတစ်လုံးဖောက်လိုက်သလိုပါပဲ.. ကရင်မျိုးနွယ်စုများဆိုင်ရာသန်းခေါင်းစာရင်း ဆွေးနွေးပွဲကို KNU ကဦးဆောင်ကျင်းပတာဖြစ်ပြီး ကရင်လူထု အ ခြေပြုအဖွဲ့အစည်းတွေနဲ့လူငယ်တွေက အားဖြည့်ဝိုင်းဝန်းကူညီကြလို့ အခမ်းအနားအစီအစဉ် များအားလုံး အဆင်ပြေခဲ့ပါတယ်။ မွန်ပြည်နယ် ၊ တနင်္သာရီတိုင်း၊ ဧရာဝတီတိုင်း၊ အထက်မြန်မာပြည်၊ ပဲခူးတိုင်း၊ ရန်ကုန်တိုင်း နှင့် ကရင်ပြည်နယ်မှကရင်များစုံညီစွာ တက်ရောက်လို့ လူဦးရေ (၃၀၀) ကျော်ရှိခဲ့ပါတယ်။
လူမျိုးနွယ်စု သတ်မှတ်တဲ့ ကုဒ်နံပါတတ် ကစလို့ပြဿနာ စတက်တော့တာဘဲ။
အဲဒီကုဒ်နံပါတ် တွေဘယ်ကလာပါသလဲလို့မေးတော့ လွန်ခဲ့တဲ့ အနှစ်(၃၀) ကျော်က ပညာရှင် တွေနဲ့ထုတ်ထားတာပါတဲ့။ ဘယ်လိုပညာရှင်တွေပါလိမ့်နော်။
ကရင်ထဲမှာ မွန်ကရင် (စာဖြူ) ဆိုတာ တခါမှမရှိခဲ့ဘူး၊မကြားဖူးဘူး။အဲဒီအနှစ် (၃၀)ကျော်ကာလက အမှားတွေ ကိုပြင်ဆင်ဖို့ပြန်လည်သတ်မှတ်ဘို့ပြည်သူလူထုကိုလုံးဝမချပြဘဲနှင့်ဒီအတိုင်းကုဒ်နံပါတ်တွေပြန်သတ်မှတ်တာ ဘာသဘောလဲ။ ဒီအချိန်မှာတော့ပြန်ပြင်လို့မရတောပါဘူး။ လွတ်တော် မှာဆွေးနွေးပါ၊ တင်ပြပါ လို့  ညွန်ချုပ်က တဖွဖွပြောနေလေရဲ့။ နေပါအုံး ဒီကုဒ်တွေကို သတ်မှတ်တုန်း က လွတ်တော်က သတ်မှတ်ခဲ့တာလားဆိုတော့ မဟုတ်ပါဘူးတဲ့။ ကဲ့ခို၊ဂေဘား ကိုလဲ ကယားမျိုးနွယ်စုထဲမှာထည့် ထား လို့ဂေးဘားကိုယ်စားလှယ် တွေက ထကန့်ကွက်တယ်။
ရှင်းပြရတဲ့ညွန်ချုပ်လဲချွေးတွေပျံနေတယ်။
ဒီလိုဘဲကျမတို့ပြည်သူတွေကို နားလှည့်ပါးရိုက်လုပ်တာကြာပေါ့။ချင်းကလဲ (၅၃)မျိုး ၊ရှမ်းက (၃၃)မျိုး၊ ဗမာ (၉) မျိုး (ထားဝယ် က ဗမာ အောက်မှာ) ၊ ကချင်က ၁၂ မျိုး၊ကယားက (၉)မျိုး၊ ရခိုင် (၇)မျိုး ဒါနဲ့ လူမျိုး(၁၃၅)မျိုး ဖြစ်သွား ပါလေရော။ ဒီတိုင်းခံလို့ကတော့ဒီတသက်အာဏာရှင်ကို ပါဝါပေးလိုက်သလိုဖြစ်လိမ့်မယ်။ သန်းခေါင်စာရင်းကို သပိတ်မှောက်လိုက်ကြစို့။
နော်စူစဲနာလှလှစိုး
No comments:
Post a Comment