ယူနန်-မြန်မာ သမိုင်း သင်ခန်းစာ

ဦးအောင်ခင်, ကျော်ကျော်သိန်း
30.04.2015 18:16

ယူနန်-မြန်မာနယ်စပ် ရှည်လျားသလို ဆက်ဆံရေးသမိုင်းဟာလည်း ရှည်လျားလှပါတယ်။ အတက်အကျများတဲ့ အိမ်နီးချင်း ဆက်ဆံရေး ဖြစ်ပါတယ်။ ကချင်နဲ့ ကိုးကန့်စစ်ပွဲကြောင့် ယူနန်-မြန်မာ ဆက်ဆံရေးဟာ အထူးအာရုံစိုက်စရာ ဖြစ်လာပြန်ပါတယ်။ မြန်မာ့မီဒီယာမှာ ကိုးကန့်တိုက်ပွဲကို ဦးစားပေးဖော်ပြကြပြီး ကချင်စစ်ပွဲမှာ ဝေဖန်ခံရတဲ့အစိုးရတပ်ဟာ ကိုးကန့်စစ်ပွဲမှာ ချီးကျူးခံနေရပါတယ်။ ကိုးကန့်စစ်ပွဲကို အမေရိကန်ရဲ့  တရုတ်ဆန့်ကျင်ရေး အကြံအစည်းအဖြစ် ဖော်ပြတုန်းက တရုတ်အင်တာနက်မှာ အုတ်အော်သောင်းနင်း ဖြစ်ကုန်ပါတယ်။ ဝါဒဖြန့်ဖို့နဲ့ ပုံကြီးချဲ့ ဖို့အတွက် မီဒီယာကို အသုံးပြုနေကြပါတယ်။

နယ်စပ်တည်ငြိမ်ရေးဟာ နှစ်နိုင်ငံအကျိုးစီးပွားအတွက် အရေးကြီးပါတယ်။ ဒါပေမဲ့ စီးပွားရေးကိုချည်း ဦးစားပေးလို့ မရပါဘူး။ နယ်စပ်ဒေသ တည်ငြိမ်ရေးနဲ့ တိုင်းရင်းသားအရေးကိုလည်း သတိထားဖို့ လိုပါတယ်။ တိုင်းရင်းသားအရေးကို မဖြေရှင်းနိုင်လို့ နယ်စပ်စစ်ပွဲဖြစ်ရတာ မြန်မာဘုရင်တွေ လက်ထက်ကတည်းကပါ။ တိုင်းရင်းသားဒေသကို အစိုးရက ချုပ်ကိုင်ဖို့ ကြိုးပမ်းတဲ့အခါ လက်နက်ကိုင်ပဋိပက္ခ ဖြစ်တာကို မြန်မာ့သမိုင်းမှာ တွေ့နိုင်ပါတယ်။ ပင်လုံကလွဲရင် တိုင်းရင်းသားအရေးကို နိုင်ငံရေးအရ ဖြေရှင်းတဲ့အစဉ်အလာ မရှိပါဘူး။ စစ်အစိုးရဟာ စစ်ရေးအရ ဖြေရှင်းတဲ့နည်းနဲ့သာ ယဉ်ပါးပါတယ်။

ယူနန်က “ဝ” ကိုယ်ပိုင်အုပ်ချုပ်ရေးဒေသမှာ “ဝ” (၅) သိန်းကျော် ရှိပါတယ်။ ရှမ်းအနွယ်ဝင် ဒိုင်းလူမျိုးဟာ “ရှိရှောင်ပနား” ကိုယ်ပိုင်အုပ်ချုပ်ရေးဒေသမှာ နေထိုင်ပါတယ်။ နုကျန်လီစူး ကိုယ်ပိုင်အုပ်ချုပ်ရေးဒေသမှာ ကချင်မျိုးနွယ်ဝင် လီစူးလူမျိုး (၆) သိန်းကျော် နေထိုင်ပါတယ်။ ယူနန်မှာ ဂျင်းဖောလို့ခေါ်တဲ့ ကချင်လူမျိုး (၂) သိန်းကျော် ရှိပါတယ်။ ယူနန်မှာ လူမျိုးစု (၂၅) စု ရှိတာမို့ ကိုယ်ပိုင်အုပ်ချုပ်ရေးဒေသ (၈) ခုနဲ့ ခရိုင် (၂၅) ခု ရှိပါတယ်။ အေးချမ်းစွာ နေထိုင်ကြပေမယ့် မြန်မာဘက်မှာ နေထိုင်တဲ့ သူတို့နဲ့ မျိုးနွယ်တူလူမျိုးစုတွေကတော့ မိမိကိုယ်မိမိ ကာကွယ်ဖို့ လက်နက်ကိုင်ထားရတာဟာ စဉ်းစားစရာ ဖြစ်နေပါတယ်။ ယူနန်ပြည်နယ်မှာ အဆင်ပြေတဲ့ လူမျိုးစုတွေဟာ မြန်မာဘက်မှာ ပြဿနာ ဖြစ်နေပါတယ်။ ဒါကြောင့်မို့ ယူနန်ပြည်နယ်မှာလို လူမျိုးစုပြဿနာကို နိုင်ငံရေးအရ အဖြေရှာနိုင်ဖို့ လိုအပ်မယ် ထင်ပါတယ်။

ယူနန်-မြန်မာ နယ်စပ်ဒေသကို မြန်မာက ထိန်းချုပ်ခဲ့တဲ့ အစဉ်အလာ မရှိပါဘူး။ ဒါပေမဲ့ မြန်မာမင်းဟာ ရှမ်းပြည်ကို လက်အောက်ခံအဖြစ် သဘောထားလေ့ ရှိပါတယ်။ အလောင်းဘုရားနဲ့ ဆင်ဖြူရှင်ရဲ့  အာဏာစက်ဟာ သံလွင်မြစ် အနောက်ဘက်အထိသာ ရောက်ခဲ့ပါတယ်။ သံလွင်မြစ်အရှေ့ ဘက် မြန်မာ-ယူနန် နယ်စပ်က ရှမ်းစော်ဘွားတွေဟာ မြန်မာနဲ့ တရုတ်ကို လက်ဆောင်ပဏ္ဏာဆက်ပြီး အလျဉ်းသင့်သလို ဆက်ဆံပါတယ်။ မြန်မာနဲ့ တရုတ်ရဲ့  သဘောတူချက်နဲ့ စော်ဘွားတင်မြှောက်တဲ့ဒေသကိုတော့ မြန်မာကရော တရုတ်ကရော လက်အောက်ခံလို မြင်ကြပါတယ်။ မိမိမချုပ်ကိုင်နိုင်တဲ့နယ်ကို မြန်မာမင်းက သပ်လျှိုပြီး ချယ်လှယ်ဖို့ ကြိုးပမ်းလေ့ ရှိပါတယ်။ ၁၉ ရာစုမှာ စော်ဘွားတွေ ကြီးစိုးတဲ့နယ်မှာ ပုန်ကန်ခြားနားအောင် မြန်မာမင်းက သွေးထိုးပေးတဲ့အတွက် အစိတ်စိတ်အမြွာမြွာ ကွဲသွားခဲ့တဲ့သမိုင်း ရှိပါတယ်။

၁၈ ရာစု ဆင်ဖြူရှင်မင်းလက်ထက်မှာ အဖြုတ်ချခံရတဲ့ ရှမ်းစော်ဘွား (၃) ဦး ယူနန်မှာ ခိုလှုံပြီး ယူနန်ဘုရင်ခံကို တန်ဆိုးလက်ဆောင်တွေ ပေးတဲ့အခါမှာ ယူနန်က ကူညီတဲ့အတွက် တရုတ်-မြန်မာ စစ်ပွဲ (၄) နှစ်အတွင်း (၄) ကြိမ် ဖြစ်ပွားခဲ့ပါတယ်။ ဒီသမိုင်း အစဉ်အလာအတိုင်း (၂၀၀၉) မှာ အစိုးရတပ်က တိုက်ထုတ်လိုက်တဲ့ ဖုန်ကြားရှင်ဟာ ယူနန်မှာ ခိုလှုံပြီး အင်အားစုဆောင်းတာ ဖြစ်နိုင်ပါတယ်။ ဒီနည်းဟာ ခေတ်နဲ့မဆီလျော်တော့ပေမယ့် နစ်နာသူတွေအတွက် အသုံးတည့်နေပုံ ရပါတယ်။ တရုတ်-မြန်မာ ပူးပေါင်းဆောင်ရွက်ရေးလမ်းစဉ်နဲ့လည်း ဆန့်ကျင်နေပါတယ်။ ယူနန်နယ်သားတွေထဲမှာ ဖုန်ကြားရှင်အုပ်စုကို ကူညီသူရှိနိုင်ပေမယ့် တရုတ်အစိုးရဟာ လုံးဝမပတ်သတ်ကြောင်း ကြေညာပြီး စိတ်ရှည်ရှည်နဲ့ ဆက်ဆံရေး မပျက်အောင် ကြိုးစားနေပါတယ်။ မြန်မာဘက်ကလဲ လက်လွန်တာကို တောင်းပန်ပြီး လျှော်ကြေးပေးပါတယ်။

တရုတ်-မြန်မာ ဆက်ဆံရေး ဆိုးဝါးချိန် မော်စီတုန်းခေတ်မှာ မြန်မာ-ယူနန် နယ်စပ်က လက်နက်ကိုင်တွေကို တရုတ်ကွန်မြူနစ်အစိုးရက လက်နက်ပစ္စည်း၊ ငွေကြေးနဲ့ လူအင်အားပါ ထောက်ပံ့ခဲ့ဖူးပါတယ်။ ကချင်ပြည်နယ် နဲ့ ရှမ်းပြည်နယ်အရှေ့ မြောက်ပိုင်းမှာ ဗကပနဲ့ တရုတ်က စစ်ဆင်ရေးနယ်မြေ (၄) ခုဖွင့်ပြီး တိုက်ခိုက်တာဟာ အကြီးကျယ်ဆုံးပါ။ ဗကပတပ်မှာ မော်စီတုန်းရဲ့  တပ်နီလူငယ်တွေ အများအပြား ပါဝင်ပါတယ်။ တရုတ်အစိုးရက ဈေးကွက်စနစ် ကျင့်သုံးပြီး ဗမာအစိုးရနဲ့ ရွှေလမ်းငွေလမ်း ဖောက်တဲ့အခါမှာ ဗကပ နိဂုံးချုပ်သွားပေမယ့် တိုင်းရင်းသားလက်နက်ကိုင်တွေဟာ ဆက်လက်ရှင်သန်နေပါတယ်။

တရုတ်-မြန်မာ ကုန်သွယ်ရေးမှာ တဝက်လောက်ဟာ ယူနန်-မြန်မာ ကုန်သွယ်ရေး ဖြစ်ပါတယ်။ ဒါပေမဲ့ နယ်စပ်ဒေသ တည်ငြိမ်ရေးဟာ နယ်စပ်တိုင်းရင်းသားတွေရဲ့  ကိုယ်ပိုင်ပြဌာန်းခွင့် ရရှိရေးနဲ့ ဆက်စပ်နေပါတယ်။ တိုင်းရင်းသားပြဿနာကို နိုင်ငံရေးအရ အဖြေမရှာဘဲ လက်နက်နဲ့ ဖြေရှင်းဖို့ ကြိုးစားတာ မအောင်မြင်ကြောင်း နယ်စပ်စစ်ပွဲတွေက သက်သေပြနေပါတယ်။ တရုတ်-မြန်မာ နယ်စပ်နေ တိုင်းရင်းသားတွေဟာ ယူနန်ပြည်နယ်မှာလည်း နေထိုင်ကြတာမို့ နယ်စပ်တိုင်းရင်းသား ပြဿနာကို ဖြေရှင်းရာမှာ ယူနန်ပြည်နယ်ကို လေ့လာပြီး သင်ခန်းစာယူတာဟာ အသင့်တော်ဆုံး ဖြစ်ပါလိမ့်မယ်။
http://burmese.voanews.com/content/analysis-border-ethnics/2742634.html

ကရင်အမျိုးသား နှီးနှောဖလှယ်ပွဲ မေလဆန်းတွင် ကျင်းပမည်

ဧပြီ ၂၇ရက်၊ ၂၀၁၅ခုနှစ်။ စအိုင်စူး

ပြည်တွင်းပြည်ပရှိ အလွှာပေါင်းစုံ ကရင်အဖွဲ့အစည်းများ ပါဝင်သည့် ကရင်အမျိုးသားနှီးနှောဖလှယ်ပွဲတစ်ရပ်ကို လာမည့် မေလ ဆန်းတွင် ကရင်ပြည်နယ်၊ လှိုင်းဘွဲမြို့နယ်ရှိ ကရင်အမျိုးသားအစည်းအရုံး(ကေအန်ယူ) ထိန်းချုပ်နယ်မြေ၊ လေးဝါးစခန်းတွင် ကျင်းပသွားမည်ဖြစ်ကြောင်း ကရင်အမျိုးသားနှီးနှောဖလှယ်ပွဲ ဖြစ်မြောက်ရေးကော်မတီက ယနေ့ ပြောဆိုသည်။

နှီးနှောဖလှယ်ပွဲ ဖြစ်မြောက်ရေးကော်မတီဝင်တစ်ဦးဖြစ်သူ ပဒိုစောလှထွန်းက “လက်ရှိ ပြောင်းလဲလျှက်ရှိတဲ့ မြန်မာ့နိုင်ငံရေး အခြေအနေနဲ့ ကမ္ဘာ့နိုင်ငံရေးအခြေအနေအရ ကရင့်အမျိုးသားအနာဂတ်အတွက် တွေ့ဆုံဆွေးနွေးဖို့ အချိန်သင့် အခါသင့်ဖြစ် လာတယ်။ ဒါကြောင့် ကရင်အမျိုးသားညီလာခံ ကျင်းပနိုင်ဖို့ ကနဦးအနေနဲ့ နှီးနှောဖလှယ်ပွဲကို ကျင်းပသွားမှာဖြစ်တယ်”ဟု ကေအိုင်စီသို့ ပြောသည်။

၎င်းနှီးနှောဖလှယ်ပွဲတွင် ကရင်တစ်မျိုးသားလုံး၏ အနာဂတ်အတွက် အမျိုးသားရေးစီမံကိန်းကို အကောင်အထည်ဖော် လုပ် ဆောင်နိုင်မှု၊ ဆုံးဖြတ်ချက်ချမှတ်မှုနှင့် နိုင်ငံရေးဖြစ်စဉ်များတွင် ကရင့်အမျိုးသားအတွက် အာမခံချက်ရှိမည့် အကြောင်းအရာ များကို အဓိကထား ဆွေးနွေးသွားမည်ဖြစ်သည်ဟု သိရသည်။

ကရင်အမျိုးသား နှီးနှောဖလှယ်ပွဲသို့ ပြည်တွင်းရှိ ဘာသာရေးအဖွဲ့အစည်းများ၊ နိုင်ငံရေးပါတီများ၊ လူမှုအဖွဲ့အစည်းများ၊ ကရင့် ယဉ်ကျေးမှုကော်မတီများနှင့် တတ်သိပညာရှင်များ၊ ပြည်ပရှိ ကရင်လူမှုအဖွဲ့အစည်းများ၊ နယ်စပ်အခြေစိုက် ကရင်လူမှုအဖွဲ့အ စည်းများနှင့် ကရင်လက်နက်ကိုင်အဖွဲ့များ အသီးသီးမှ လူဦးရေ ၂၀၀ကျော် တက်ရောက်မည်ဟု ခန့်မှန်းထားကြောင်း ဖြစ် မြောက်ရေးကော်မတီက ပြောသည်။

ယင်းနှီးနှောဖလှယ်ပွဲသို့ တက်ရောက်မည့် (International Karen Organization-IKO)၏ ပြောရေးဆိုခွင့်ရှိသူ နော်ထူးခုဆာ စေးက “နှီးနှောဖလှယ်ပွဲမှာ ကျမအနေနဲ့ ကေအဲန်ယူရဲ့ ဖွဲ့စည်းပုံအရ ရပ်တည်လုပ်ဆောင်မှုများကို အခြေခံကျကျ ပြန်လည် ဆန်းစစ်ခြင်းနဲ့ ကရင်ဒေသများအတွင်း လက်ရှိ နိုင်ငံရေးအခြေအနေအရ ဖြစ်ပျက်မှု အခြေအနေတွေအပေါ် ဆွေးနွေးသွား မယ်”ဟု ကေအိုင်စီသို့ ပြောသည်။

ထို့အပြင် ၁၅ကြိမ်မြောက် ကေအဲန်ယူကွန်ဂရက်အပြီး ရွေးကောက်ထားသော ကေအဲန်ယူခေါင်းဆောင်များကို ၎င်းတို့၏ လုပ် ဆောင်ချက်များသည် ကရင်တစ်မျိုးသားလုံး စည်းလုံးညီညွတ်ခြင်း၊ ဖွံ့ဖြိုးတိုးတက်မှု၊ တစ်မျိုးသားလုံးအတွက် အကျိုးရှိသော လုပ်ရပ်များဖြစ်အောင် IKO အနေဖြင့် နှီးနှောဖလှယ်ပွဲတွင် အကြံပြုဆွေးနွေးသွားမည်ဟုလည်း သူမက ဆက်ပြောသည်။

ပြီးခဲ့သည့်နှစ်များက ကရင်အမျိုးသား စည်းလုံးညီညွတ်ရေး နှီးနှောဖလှယ်ပွဲကို ဆယ်ကြိမ်အထိ ကျင်းပခဲ့ပြီးနောက် ယခုနှစ်တွင် တဆင့်တက်ကာ အမျိုးသားစီမံကိန်းကို ဦးတည်သည့် ကရင်အမျိုးသားနှီးနှောဖလှယ်ပွဲကို ပြုလုပ်ကျင်းပလာခြင်းဖြစ်သည်ဟု သိရသည်။

15th Reorganizing of KED (Karen Education Department) Anniversary တွင်ပြောကြားသော ပဒိုမန်းမန်း၏ မိန့် ခွန်း

လက်ရှိငြိမ်းချမ်းရေးလမ်းကြောင်းက ဘယ်အထိရောက်နေပြီးလည်း ဘယ်ကိုဦးတည်နေသလည်း ကရင့်ပညာရေးစနစ်အပေါ် ဗမာအစိုးရဲ့သဘောထားကဘယ်လိုလည်း စတာတွေကို ပဒိုမန်းမန်းရဲ့မိန်းခွန်းထည့်မှာ တွေ့ ရမှာဖြစ်ပါတယ်။




Type the rest of your post here.

ကိုးကန့်စစ် မြန်မာစစ်တပ် အထိအခိုက်များ

စစ်ရှိန်မြင့်လာလေလေ လောက်ကိုင်မှာ လောက်တွေ ပိုပိုပြီး များများလာတယ် သူငယ်ချင်း..အပြတ်ခြေမှုန်းရေးလမ်းစဉ်နဲ့ တော့မရဘူး..တန်းတူမှုကို အခြေခံတဲ့ နိုင်ငံရေးဆွေးနွေးပွဲစကြပါတော့...တာမှမဟုတ်ရင် ဗမာ့တပ်မတော်ရဲ့သမိုင်းမှာ လောက်ကိုင်မြိူ့ ကနေ တပ်မတော်လောက်မြို့ အဖြစ် သမ္မတဦးသိန်းစိန်လက်ထက်မှာ သမိုင်းတွင်ကျန်ရစ်ခဲ့တော့မယ်....

မဆုမွန်

အစိုးရတပ်နဲ့ ကိုးကန့်တပ်တို့ကြား အခုရက်ပိုင်းအတွင်းမှာကို တိုက်ပွဲတွေ အတော်လေးပြင်းထန်ပြီး စစ်ရှိန်မြင့်နေတဲ့ ကိုးကန့်ဒေသထဲ မြန်မာတပ်ဘက်က စစ်အင်အားအလုံးအရင်း ထပ်ချလာတဲ့အတွက် ရင်ဆိုင်တိုက်ပွဲတွေဟာ ဆက်လက် ပြင်းထန်ဖို့ပဲရှိတယ်လို့ ကိုးကန့်တပ်ဘက်ကပြောပါတယ်။ လက်နက်ကြီးတွေနဲ့ ပစ်ခတ်မှုရှိတဲ့အတွက် စစ်ပြေးဒုက္ခသည်တွေ အသက်အန္တရာယ်စိုးရိမ်ရလို့ နေရပ်ရင်းပြန်ဖို့ မသင့်သေးဘူးလို့လည်း ဆိုပါတယ်။ တချိန်တည်းမှာပဲ ရခိုင်ပြည်တွင်း ဖြစ်ပွားနေဆဲ စစ်ပွဲတွေအရေးနဲ့ပတ်သက်ပြီးလည်း အရပ်ဘက်ပြည်သူကို ပစ်မှတ်ထား တိုက်ခိုက်တာမလုပ်ဖို့နဲ့ ရခိုင်စစ်မီး ငြိမ်းနိုင်ဖို့ နိုင်ငံရေးဆွေးနွေးပွဲ အကောင်အထည်ဖော်ဖို့ကိုလည်း ရခိုင်ပြည်တပ်မတော်စစ်ဦးစီးချုပ်က ဒီကနေ့ ကြေညာချက်ထုတ်ပြန် တိုက်တွန်းလိုက်ပါတယ်။ တိုင်းရင်းဒေသတွေက တင်းမာနေတဲ့ စစ်ရေးနောက်ဆုံးရအခြေအနေတွေကို မဆုမွန်က စုစည်းတင်ပြထားပါတယ်။

အရေးပေါ်စစ်အုပ်ချုပ်ရေး ကြေညာထားတဲ့ ကိုးကန့်ကိုယ်ပိုင်အုပ်ချုပ်ခွင့်ရဒေသထဲ မြန်မာ့တပ်မတော်နဲ့ ကိုးကန့်တပ်ဖွဲ့တို့ကြား ဒီရက်ပိုင်းအတွင်း ရင်ဆိုင်တိုက်ပွဲတွေ ပြင်းထန်ခဲ့ပါတယ်။ မနေ့ကညနေက မြန်မာ့တပ်ဘက် လက်နက်ကြီးတွေနဲ့ ပစ်ခတ်မှုရှိတယ်လို့ ကိုးကန့်တပ်ဖွဲ့ MNDAA ပြောခွင့်ရ ဦးထွန်းမြတ်လင်းက ဗွီအိုအေကိုပြောပါတယ်။ ကိုးကန့်ဒေသထဲ စစ်တပ်အင်အား အလုံးအရင်းချပြီး ထိုးစစ်ဆင် တိုက်ခိုက်နေတဲ့အတွက် ရှေ့ဆက် စစ်ရေးပြင်းထန်ဖို့ပဲရှိတယ်လို့ ဆိုပါတယ်။

“တနေ့တုန်းကတော့ တိုက်ပွဲပြင်းပြင်းထန်ထန်ဖြစ်ပါတယ်။ မနေ့ညကလည်း လက်နက်ကြီးနဲ့လှမ်းပစ်ပြီးတော့ ဒီမနက်ကျတော့ အေးသွားပါတယ်။ ကျနော်ထင်တာကတော့ စစ်အရှိန်မြှင့်တင်ဖို့ပဲ ရှိမယ်ထင်တယ်။ သူတို့က ထိုးစစ်ဆင်တာပါခင်ဗျ၊ အဲဒီတော့ကျွံဝင်လာတာလား၊ ထိုးပြီးတော့ ထိုးတက်နေတာလား အဲဒါတော့ ကျနော် ရှေ့တန်းမှာမဟုတ်တော့ ကျနော်လည်း သေချာမသိရဘူးဗျ။ ဒါပေမယ့် သေချာတာကတော့ ကျနော်တို့ကို ထိုးစစ်လာဆင်တာပါ။ ကျနော်တို့ကို လာတိုက်တာပါ။”

ကိုးကန့်တပ်တွေ အခြေစိုက် စစ်စခန်းတွေရှိရာကို ကြည်းတပ်နဲ့ တင့်ကားစတဲ့ စစ်တပ်အင်အားအလုံးအရင်းနဲ့ မြေပြင်ထိုးစစ်ဆင်ခဲ့တဲ့ မြန်မာတပ်ဘက်က အဆင့်မြင့်အရာရှိတွေအပါအဝင် တပ်မတော်သားတွေ အကျအဆုံး အတော်လေးများတယ်လို့ ကိုးကန့်ပြောခွင့်ရက ပြောပါတယ်။

“သူတို့ မနေ့တုန်းကနေစပြီးတော့ ဒီနေ့အထိ တပ်မတော်က အလောင်းတွေ ကျန်ထားခဲ့..ချန်ထားတယ်။ သူတို့ ဆွဲမသွားဘူး။ အဲဒါကို ကျနော်တို့က သွားပြီးတော့ မြှုပ်နေရတယ်ဗျ။ သူတို့ ရေမိတဲ့အလောင်းကတော့ (၈၀) ကျော်ရှိတယ်ပြောတယ်။ ပြီးတော့ ဟိုး တောတွေထဲမှာ ပြီးတော့ …အောက်မှာလည်း ရှိတယ်ပြောတယ်။ အဲဒီတော့- အဲဒီ ပုံစံအတိုင်းကြည့်ရင်တော့ (၉၀) အထက်မှာ ရှိပါတယ်။ တပ်မတော်ကနေပြီးတော့မှ ကျတာပေါ့နော်။ ဒဏ်ရာရတာကတော့ ခန့်မှန်းတာ (၂၀၀) အထက်မှာ ရှိပါတယ်။ ….လားမသိဘူး။ အသစ်တမျိုးရှိတယ်။ အဲဒါ ရထားတာ ရှိပါတယ်။ ပြီးတော့ RPG တို့၊ … တို့ပေါ့နော။ ကျနော်တို့ ပစ္စတို (၇) လက်ဆိုတော့ (၆) လက်လား၊ (၇) လက်ဆိုတော့ အရာရှိပိုင်းက (၆) ဦး၊ (၇) ဦးလောက်တော့ ပါမှာပါ။”

ဒီလို ကိုးကန့်ဒေသတွင်း မြန်မာ့တပ်မတော်တပ်ရင်းတခု ကျွံဝင်သွားပြီး “အထိအခိုက် အကျဆုံးများပြား”- အတည်မပြုနိုင်သေးပါဆိုတဲ့ သတင်းဟာ မမှန်ကန်ကြောင်းနဲ့ ဒီသတင်းဟာ တာဝန်ထမ်းဆောင်နေတဲ့ တပ်မတော်သားတွေရဲ့ ဂုဏ်သိက္ခာ၊ စိတ်ဓာတ်ကို ထိခိုက်စေတဲ့အတွက် ပြင်းထန်စွာကန့်ကွက်ကြောင်းလည်းတပ်မတော်သတင်းမှန်ပြန်ကြားရေးအဖွဲ့က ဒီနေ့သဘောထားထုတ်ပြန်ခဲ့ပါတယ်။ အခုလို ကိုးကန့်ဒေသထဲ စစ်ရေးအရှိန်မြင့်လာနေတဲ့အတွက် လောက်ကိုင်ဘက်က ပြန်ခိုင်းနေတဲ့ သောင်းချီတဲ့စစ်ပြေးဒုက္ခသည်တွေအတွက် လုံခြုံရေးစိတ်ချရမှုမရှိဘဲ ပြည်သူတွေရဲ့အသက်အန္တရာယ် အထူး စိုးရိမ်ရတယ်လို့လည်း ကိုးကန့်ဘက်က ပြောပါတယ်။

ကိုးကန့်စစ်မီးငြိမ်းနိုင်ရေး ဒေသတွင်းတည်ငြိမ် ငြိမ်းချမ်းရေး အဖြေရှာနိုင်ဖို့ တိုင်းရင်းသားခေါင်းဆောင်တွေ တွေ့ဆုံကြမယ့် လာမယ့် ပန်ဆန်းညီလာခံ တက်ရောက်တဲ့အခါ ဆွေးနွေးနိုင်ခြေရှိပါတယ်လို့ ကိုးကန့်ဘက်က ဆိုပါတယ်။

တချိန်တည်းမှာပဲ ရခိုင်ပြည်နယ်ဘက် အခုလက်ရှိဖြစ်ပွားနေတဲ့ စစ်ရေးပဋိပက္ခနဲ့ပတ်သက်ပြီးလည်း နိုင်ငံရေးပြဿနာကို နိုင်ငံရေးနည်းနဲ့ဖြေရှင်းဖို့ ပျက်ကွက်ခဲ့တဲ့အတွက် အခုလို နောက်ဆက်တွဲပြသနာတွေဖြစ်လာရတာလို့ ရခိုင်ပြည်တပ်မတော်( Arakan Army) က သဘောထားထုတ်ပြန် ကြေညာလိုက်ပါတယ်။

တနိုင်ငံလုံးအပစ်ရပ်စဲရေးစာချုပ်မှာ ပါဝင်သင့်ပါဝင်ထိုက်သူတွေ အားလုံးပါဝင်နိုင်အောင် လုပ်ဆောင်ဖို့ကိုလည်း လွှတ်တော်၊ အစိုးရ၊ တပ်မတော်ကို တိုက်တွန်းကြောင်း နဲ့ နိုင်ငံရေးဆွေးနွေးမှုတွေ လုပ်မှာသာ ပြည်တွင်းငြိမ်းချမ်းရေးအကောင်အထည်ဖော်နိုင်မှာဖြစ်ကြောင်း ရခိုင်ပြည်တပ်မတော် စစ်ဦးစီးချုပ် ဗိုလ်မှူးကြီးမင်းထွန်းက ဗွီအိုအေမြန်မာပိုင်းကိုပြောပါတယ်။

ရခိုင်ပြည်နယ်အတွင်း လက်ရှိဖြစ်ပွားနေတဲ့ ဒေသတွေက စစ်ရေးအခြေအနေနဲ့ အခုလိုဖြစ်ပွား တိုက်ပွဲတွေအတွင်း အရပ်ဘက်ပြည်သူတွေကို ပစ်မှတ်ထား တိုက်ခိုက်တာမျိုး မလုပ်ဖို့နဲ့ စစ်ပြေးဒုက္ခသည်တွေကို ကူညီကယ်ဆယ်ရေးလုပ်ငန်းတွေကို ဟန့်တားပိတ်ပင်တားမြစ်တာမလုပ်ဖို့လည်း ရခိုင်ပြည်တပ်မတော်ဘက်က ပြောပါတယ်။

“တိုင်းရင်းသားလက်နက်ကိုင်တော်လှန်ရေး သူ့နယ်မြေမှာ ခြေကုပ်ယူသွားမှာကို သူတို့အနေနဲ့ အထူးစိုးရိမ်တယ်။ ဒါကြောင့်မို့လို့ သူတို့ တပ်အင်အား အလုံးအရင်းသွင်းပြီးတော့ လာတိုက်တယ်လို့ ယူဆရပါတယ်ခင်ဗျ။ တိုက်ပွဲဖြစ်ပွားတဲ့နေရာတွေကတော့ ကျောက်တော်မြို့နယ်၊ စပါးဆိပ်ကျေးရွာ၊ …ကျေးရွာ၊ အဲဒီနယ်မြေတွေမှာပါ။ ရပ်ကွက်ပစ်မှတ်တွေကို ဗမာ့တပ်မတော်ကနေပြီး ရွာမီးရှို့တာတွေ ဘာတွေ အဲလိုမျိုးရှိတဲ့အခါကျ ကျနော်တို့ ကျေးရွာနှစ်ရွာ မီးရှို့ခံရတယ်ခင်ဗျ။ စပါးဆိပ်ကျေးရွာရယ်၊ ….ကျေးရွာရယ်။ အဲဒီရွာတွေဟာ ပုံမှန်အားဖြင့် အဲဒီမှာ ဝင်ထွက်သွားလာ လှုပ်ရှားနေကြတဲ့ …. တပ်မှူးကြီးတွေက အဲဒီရွာထဲမှာ …နေထိုင်လေ့မရှိဘူး။ တောကိုအခြေခံပြီးတော့ လှုပ်ရှားကြတာပဲရှိတယ်။ အခု သူတို့က အဲဒီရွာတွေကို သက်သက်မဲ့ မီးရှို့သလိုမျိုး ဖြစ်တယ်ခင်ဗျ။ ရွာသားတွေကို ကူညီထောက်ပံ့ပေးဖို့ဟာကျတော့လည်း ပြည်သူတွေက အကူအညီ အထောက်အပံ့ပေးဖို့ကျတော့လည်း မပေးရဘူး။ …ရဲတို့၊ စစ်တပ်တို့ အာဏာပိုင်တွေက တားမြစ်တာ ရှိတယ်။”

ရခိုင်ပြည်နယ်တွင်း ရခိုင်တပ်နဲ့မြန်မာတပ်တွေကြား တိုက်ပွဲတွေဖြစ်ပွားနေတဲ့ စပါးဆိပ်ကျေးရွာ၊ ညောင်ပင်လှရွာနဲ့ ပိန္နဲချောင်း၊ အောင်လံချောင်းစတဲ့ ကျေးရွာတွေမှာ မြန်မာတပ်မတော်စစ်ကြောင်းတွေဘက်က ရခိုင်လက်နက်ကိုင်အဖွဲ့တွေကို နယ်မြေရှင်းလင်းရေး ဆောင်ရွက်နေတဲ့အတွက် ထိတွေ့ရင်ဆိုင် တိုက်ပွဲတွေဖြစ်ပွားနေပါတယ်။ ဒီတိုက်ပွဲတွေအတွင်းမှာ ရခိုင်လက်နက်ကိုင်အချို့ကို လက်နက်တွေနဲ့ဖမ်းဆီးရမိကြောင်း အစိုးရဘက်က သတင်းထုတ်ပြန်ထားပါတယ်။

ဝ ပြည်နယ်တွင်ကျင်းပမည့် တိုင်ရင်းသားခေါင်းဆောင်များ ထိပ်သီးညီလာခံသို့ ဒုဗိုလ်ချုပ်ကြီးဘောကျော်ဟဲ တက်ရောက်မည်.

ဧပြီ - ၂၅ - ၂၀၁၅
သတင်းနှင့်ဓာတ်ပုံ - ကရင်အမျိုးသား(မီဒီယာ)

လာမည့်လဆန်းတွင် ၀ ပြည်နယ်ပန်ဆန်းတွင်ကျင်းပမည့် တိုင်းရင်းသားခေါင်းဆောင်များ ထိပ်သီးညီလာခံသို့ ( KNU) ကိုယ်စားလှယ်အဖြစ် ကရင်အမျိုးသားလွတ်မြောက်ရေးတပ်မတော် KNLA မှ ဒုစစ်ဦးစီးချုပ် ဒုဗိုလ်ချုပ်ကြီးဘောကျော်ဟဲ တက်ရောက်မည်ဖြစ်သည်။

ကရင်အမျိုးသားအစည်းအရုံး (KNU) ကိုယ်စားလှယ်အဖွဲ့ကို ပဒိုနော်စီဖိုးရာစိန် ပဒိုကွယ်ထူးဝင်းနှင့်ဒုဗိုလ်ချုပ်ကြီးဘောကျော်ဟဲတို့က ဦးဆောင်မည်ဖြစ်သည်။

နောက်ပါများမှာ ပဒိုရောဂျာခင် ပဒိုသမိန်ထွန်း ပဒိုတာဒိုမူး ပဒိုမန်းငြိမ်းမောင်နှင့်ဗိုလ်ချုပ်အိုက်ဇက်တို့ဖြစ်သည်။

အဆိုပါ (KNU) ကိုယ်စားလှယ်အဖွဲ့ကို ယနေ့တွင် ကျင်းပပြီးစီးခဲ့သည့် အရေးပေါ် ဗဟိုအမြဲတမ်းကော်မတီ အစည်းအဝေးတွင် ရွေးချယ်ခဲ့ခြင်းဖြစ်သည်။

အဆိုပါ ထိပ်သီးညီလာခံကို လာမည့်မေလ ၁ ရက်နေ့တွင် စတင်ကျင်းပမည်ဟု ၀ ပြည်သွေးစည်းညီညွတ်ရေးပါတီ UWSP ၏ ပြည်ကြားရေးတာဝန်ခံ ဦးအောင်မြင့်က ဆိုသည်။

ပန်ဆန်းတိုင်းရင်းသားလက်နက်ကိုင်အဖွဲ့များ ထိပ်သီးညီလာခံသို့ အဖွဲ့ ၁၂ ဖွဲ့တက်ရောက်ရန် ဖိတ်ကြားထားပြီး NCCT အဖွဲ့ဝင် လက်နက်ကိုအဖွဲ့ ၉ ဖွဲ့နှင့် NCCT အဖွဲ့ဝင်မဟုတ်သော လက်နက်ကိုင်တပ်ဖွဲ့ ၃ ဖွဲ့တို့ကို ဖိတ်ကြားထားသည်ဟု သိရှိရသည်။

Type the rest of your post here.

လယ်ယာစီးပွားရေးသမား နှင့် မြေယာမဲ့များ

ဦးအောင်ခင်, ကျော်ကျော်သိန်း

အရပ်သားတပိုင်း အစိုးရဖွဲ့ပြီး (၃) လအကြာ (၂၀၁၁) ဇွန်လမှာ ကျေးလက်ဒေသ ဖွံ့ဖြိုးရေးနဲ့ ဆင်းရဲနွမ်းပါးမှု လျှော့ချရေးဟာ အရေးကြီးကြောင်း သမ္မတဦးသိန်းစိန်က ပြောပါတယ်။ ဒါပေမဲ့ သိသာမြင်သာနေတာကတော့ လယ်ယာမဲ့ဦးရေ တိုးပွားပြီး လယ်ယာစီးပွားရေးလုပ်ငန်းကြီးတွေ များလာတာပါ။ ဒီကိစ္စကို နှစ်နဲ့ချီပြီး လေ့လာနေသူ Kevin Woods က Commercial Agriculture Expansion in Myanmar ဆိုတဲ့ (၇၅) မျက်နှာစာတမ်းကို လွန်ခဲ့တဲ့လက ထုတ်ဝေလိုက်ပါတယ်။ ဦးသိန်းစိန်အစိုးရ သက်တမ်း (၂) နှစ်အတွင်း လယ်ယာစီးပွားရေးကုမ္ပဏီပိုင် မြေပမာဏ ဧက (၂) သန်းကနေ (၅) သန်းအထိ တိုးသွားပါတယ်။

စိုက်ပျိုးရေးလုပ်ငန်းကြီးတွေ လုပ်နိုင်ဖို့ဆိုတဲ့ ရည်ရွယ်ချက်နဲ့ (၁၉၉၁) ခုနှစ်ကစပြီး ခရိုနီကုမ္ပဏီတွေကို စစ်အစိုးရက မြေဧက အများအပြား ဈေးပေါပေါနဲ့ ဝေငှခဲ့ပါတယ်။ ဆယ်နှစ်ကြတော့ (၂၀၀၁) မှာ မြေဧက (၁) သန်းကျော်မှာ လယ်ယာလုပ်ခွင့်ရတဲ့ ကုမ္ပဏီ တရာကျော် ရှိလာပါတယ်။ နောက်ဆယ်နှစ်အကြာ (၂၀၁၁) မှာ ဦးသိန်းစိန်အစိုးရ တက်လာတဲ့အခါ ကုမ္ပဏီ နှစ်ရာကျော်ဟာ မြေဧက (၂) သန်းကျော်မှာ စီပွားရေးလုပ်ခွင့် ရထားတာကို တွေ့နိုင်ပါတယ်။ ဦးသိန်းစိန်အစိုးရ သက်တမ်းတနှစ် ကြာလာတဲ့အခါမှာ စီးပွားရေးလုပ်ငန်းတွေ လက်ထဲရောက်သွားတဲ့ မြေပမာဏဟာ ဧက (၃) သန်းခွဲ ရှိလာပါတယ်။

မယာမဲ့ဘဝ ရောက်သွားခဲ့တဲ့ လယ်သမားဦးရေဟာ အမြဲတမ်း တိုးပွားနေပါတယ်။ နေရာဒေသကိုလိုက်ပြီး လယ်ယာမဲ့ဦးရေ အနည်းနဲ့အများ ရှိလာပါတယ်။ အရှေ့ ပိုင်းဒေသ တိုင်းရင်းသားနယ်မြေမှာတော့ နေရပ်ဌာနေကို စွန့်ခွါရသူတွေ သိန်းချီပြီး ရှိလာပါတယ်။ ဒါကြောင့် လွတ်လပ်မှု အနည်းအကျဉ်း ရှိလာတဲ့အခါမှာ ကန့်ကွက်ဆန္ဒပြသူတွေ များပြားလာတာ ဖြစ်ပါတယ်။ (၂၀၁၃) ရောက်တော့ လယ်ယာစီးပွားရေး လုပ်ငန်းကြီးတွေလက်ထဲ လွှဲပြောင်းပေးလိုက်တဲ့ မြေယာဧကဟာ (၅) သန်းကျော်နေပြီ ဖြစ်ပါတယ်။ ဒါပေမဲ့ လုပ်ခွင့်ပေးထားတဲ့မြေမှာ (၂၅) ရာခိုင်နှုန်းကိုသာ စိုက်ပျိုးရေးလုပ်တယ်လို့ မီချီဂန် (Michigan) တက္ကသိုလ်ထုတ် (၂၀၁၄) လယ်ယာစီးပွားရေးစာတမ်းမှာ ဖော်ပြပါတယ်။ လုပ်ခွင့်ပေးထားတဲ့မြေမှာ ဘာမှ မလုပ်ဘဲထားတာကို အစိုးရက သိပေမယ့် အရေးယူတာမျိုး မရှိဘူးလို့ ဆိုပါတယ်။

လူဦးရေ (၇၀) ရာခိုင်နှုန်း နေထိုင်တဲ့ ကျေးလက်ဒေသမှာ မြေမဲ့ယာမဲ့တွေ များပြားလာပြီး ဆင်းရဲကျပ်တည်းလာရပုံကို ပြည်တွင်းပြည်ပ အဖွဲ့အစည်းမျိုးစုံက ကွင်းဆင်းလေ့လာပြီး အစီရင်ခံစာတွေ ရေးကြပါတယ်။ တိုင်းရင်းသားနဲ့ အရပ်သားအသင်းအဖွဲ့တွေဟာ အခါအားလျော်စွာ အစီရင်ခံစာထုတ်ပြီး မြေယာပြဿနာကို မီးမောင်းထိုးပြကြပါတယ်။ နိုင်ငံခြားအဖွဲ့အစည်းတွေထဲမှာတော့ နယ်သာလန်အခြေစိုက် Transnational Institute ဟာ ဒီကိစ္စကို အများဆုံး ရေးပါတယ်။ အမေရိကန်တက္ကသိုလ်တွေဖြစ်တဲ့ ဟားဗတ် (Harvard)၊ ကိုလံဘီယာ (Columbia) နဲ့ မီချီဂန် (Michigan) က လေ့လာရေးအဖွဲ့တွေကလည်း ရေးတာမို့ လယ်ယာနဲ့ ပတ်သက်တဲ့ စာတမ်းပေါင်း အစိတ်သုံးဆယ်လောက် ရှိပါတယ်။ လူဦးရေ အများဆုံးရှိတဲ့ ကျေးလက်မှာ လယ်ယာမဲ့ ပေါများလာပြီး ဆင်းရဲတွင်းနက်နေပုံကို အစီရင်ခံစာအားလုံးမှာ ဖော်ပြကြပါတယ်။

၂၀၁၂ မှာ ပြဌာန်းတဲ့ လယ်ယာမြေဥပဒေနဲ့ မြေလွတ်မြေလပ်မြေရိုင်း ဥပဒေဟာ တိုးတက်မှု အနည်းအကျဉ်းရှိပေမယ့် မရှင်းလင်းဘူးလို့ ဥပဒေပညာရှင် Robert Oberndorf က (၂၀၁၂) နိုဝင်ဘာမှာ ဝေဖန်ထားပါတယ်။ လယ်ယာစီးပွားရေးလုပ်ငန်းတွေ ပေါ်ထွက်အောင်သာ အားပေးပြီး တနိုင်တပိုင် စိုက်ပျိုးတဲ့ လယ်သမားတွေကို အကာအကွယ် မပေးနိုင်တဲ့ ဥပဒေလို့ ဆိုပါတယ်။ လယ်လုပ်ခွင့်ကို ပယ်ဖျက်နိုင်တဲ့ အာဏာအစိုးရမှာ ရှိတာမို့ လယ်သမားတွေကို ဒီ အာဏာစက်က မကာကွယ်နိုင်ပါဘူး။ ဒါကြောင့် ဓလေ့ထုံးစံမှာ စိုက်ပျိုးခွင့်ရှိတာကို အစိုးရက အသိအမှတ်ပြုဖို့ လိုပါတယ်။ အရပ်သားနဲ့ လယ်သမားအဖွဲ့တွေကို တိုင်ပင်ပြီး လယ်ယာမြေဥပဒေနဲ့ မြေလွတ်မြေရိုင်း ဥပဒေကို ပြင်ဆင်ဖို့ အကြံပေးထားပါတယ်။

ကျေးလက်လူဦးရေမှာ လယ်ယာမဲ့ အရေအတွက်ဟာ (၃၀) ကနေ (၅၀) ရာခိုင်နှုန်းအထိ ရှိတယ်လို့ ခန့်မှန်းပါတယ်။ မြေယာမဲ့ဦးရေ အများဆုံးကို ပဲခူးတိုင်း၊ မန္တလေးတိုင်း နဲ့ ရခိုင်ပြည်နယ်တွေမှာ တွေ့နိုင်ပါတယ်။ မန္တလေးတိုင်းက မြို့ နယ် (၅) ခုမှာ လူဦးရေ (၉၉) ရာခိုင်နှုန်းဟာ လယ်ယာမဲ့ ဖြစ်နေပါတယ်။ ကချင်ပြည်နယ်ရဲ့  လူဦးရေ (၅၀) ရာခိုင်နှုန်းကျော်မှာ လယ်ယာ မရှိပါဘူး။ မွန်ပြည်နယ်မှာ မြို့ နယ် (၆) ခုမှာ လူဦးရေ (၉၅) ရာခိုင်နှုန်းဟာ လယ်ယာမဲ့တွေပါ။ ဒါကြောင့် မြေဝေငှမှုကို ချက်ချင်းရပ်ဆိုင်းပြီး မြေမဲ့မှုပြဿနာကို အရင်ဆုံးဖြေရှင်းဖို့ လယ်ယာမြေ အစီရင်ခံစာအားလုံးက အကြံပေးထားပါတယ်။

ဖွဲ့စည်းပုံ အခြေခံဥပဒေအရ တိုင်းပြည်ထဲက မြေအားလုံးကို အစိုးရကပိုင်ပါတယ်။ ဒါကြောင့် အဂတိလိုက်စားတဲ့ အစိုးရလက်ထက်မှာ မြေပိုင်ရှင်အစိုးရဟာ ထင်သလို လုပ်နိုင်ပါတယ်။ မြေယာနဲ့ဆိုင်တဲ့ အာဏာပိုင်တွေကတော့ စိုက်ပျိုးရေးနဲ့ ဆည်မြောင်းဌာနနဲ့ သစ်တောရေးရာဌာန ဖြစ်ပါတယ်။ မြေအမျိုးမျိုးကို ဥပဒေအမျိုးမျိုးနဲ့ ကြည့်လို့ရတဲ့အတွက် အလွန်ရှုပ်ထွေးပြီး လုပ်နည်းလုပ်ထုံးအမျိုးမျိုး ရှိနေတာဟာ အငြင်းပွားစရာ ဖြစ်နေပါတယ်။ လောလောဆယ်မှာတော့ ကျေးလက်ဖွံ့ဖြိုးရေးနဲ့ ဆင်းရဲမှုလျော့နည်းရေးကိစ္စဟာ အပြောလွယ်သလောက် အကောင်အထည်ဖော်ဖို့ ခက်ခဲ့နေပါတယ်။

ငြိမ်းချမ်းရေးဖော်ဆောင်ရာတွင် ပွင့်လင်းမြင်သာမှုရှိရန် ကေအဲန်ယူကို ကရင်လူထုအခြေပြုအဖွဲ့များ ပြောဆို

ဧပြီ ၂၄ရက်၊ ၂၀၁၅ခုနှစ်။ စောခါးစူးညား

မြန်မာအစိုးရနှင့် ငြိမ်းချမ်းရေးလုပ်ငန်းစဉ် ဖော်ဆောင်ရာတွင် ပွင့်လင်းမြင်သာမှုရှိရန် နယ်စပ်အခြေစိုက် ကရင်လူထုအခြေပြု အဖွဲ့အစည်း (KCBO) များက ကရင်ပြည်နယ်၊ လှိုင်းဘွဲမြို့နယ်အတွင်းရှိ လေးဝါးစခန်း၌ ဧပြီ ၂၃ရက်နေ့က ပြုလုပ်သော ကရင် အမျိုးသားအစည်းအရုံး (ကေအဲန်ယူ)နှင့် တွေ့ဆုံပွဲတွင် ပြောဆိုလိုက်သည်။

အပစ်ရပ်စာချုပ် ချုပ်ဆိုပြီးနောက်ပိုင်း အစိုးရနှင့် ဆက်လက် တွေ့ဆုံဆွေးနွေးပွဲမှ ရရှိသည့် ရလဒ်များ၊ ကရင်ဒေသအတွင်း ဆောင်ရွက်နေသည့် ဖွံ့ဖြိုးရေး၊ စီးပွားရေးလုပ်ငန်းများ အပါအ၀င် အခြားသိသင့်ထိုက်သည့် အကြောင်းအရာများကို KCBO အဖွဲ့များနှင့် ပြည်တွင်းပြည်ပ ကရင်လူထုများကို ပွင့်ပွင့်လင်းလင်း ချပြပေးရန် တစ်ရက်ကြာ ပြုလုပ်သည့် ၎င်းတွေ့ဆုံပွဲတွင် ပြောဆိုခဲ့ခြင်းဖြစ်သည်။

ကရင်လူ့အခွင့်အရေးအဖွဲ့(KHRG)မှ ကိုယ်စားလှယ်အဖြစ် တွေ့ဆုံပွဲ တက်ရောက်ခဲ့သည့် စောအယ်လ်ဘတ်က “ကေအဲန်ယူ သွားနေတဲ့ ငြိမ်းချမ်းရေုးဖော်ဆောင်ရေးလမ်းကြောင်းဟာ ကျနော်တို့ KCBO တွေ သတင်းအချက်အလက် ပြည့်ပြည့်စုံစုံ မသိရ ပါဘူး။ ဒီအပစ်ရပ်ကာလမှာ ကျနော်တို့ ကွင်းဆင်းတာတွေ လုပ်တဲ့အခါ အစိုးရစစ်တပ်တွေ လူ၊ လက်နက်အင်အားတွေနဲ့ တက် လာပြီး နေရာယူနေကြတာ ရှိတယ်လို့ လူထုတွေက ပြောတယ်။ အဲဒါတွေ သူတို့ သိချင်ကြတယ်လို့ ပြောတယ်”ဟု ပြောသည်။

KCBO အဖွဲ့များသည် အထူးသဖြင့် ယခုနှစ်၊ မတ်လ ၃၁ရက်နေ့က ချုပ်ဆိုခဲ့သည့် တစ်နိုင်ငံလုံး အပစ်အခတ်ရပ်စဲရေး မူကြမ်း (NCA Draft) စာချုပ်နှင့် ဖေဖော်ဝါရီ ၁၂ရက်နေ့က အစိုးရနှင့် လက်မှတ်ထိုးခဲ့သည့် အမျိုးသားပြန်လည်သင့်မြတ်ရေးဆိုင်ရာ ကတိပြုချက်စာချုပ်များနှင့် ပတ်သက်၍ သိလိုသည်များကို တွေ့ဆုံပွဲတွင် ကေအဲန်ယူထံ ဆွေးနွေးမေးမြန်းခဲ့ကြသည်။

ယင်းတွေ့ဆုံပွဲသို့ ထိုင်း-မြန်မာနယ်စပ်အခြေစိုက် KCBO များဖြစ်သည့် ကရင်အမျိုးသမီးအစည်းအရုံး(KWO)၊ ကရင်လူငယ်များ အစည်းအရုံး(KYO)၊ ကရင်လူ့အခွင့်အရေးအဖွဲ့(KHRG)၊ ကရင်ကျောင်းသားများကွန်ရက်အဖွဲ့ (KSNG)၊ ကရင်သဘာဝပတ်ဝန်း ကျင်လှုပ်ရှားမှုအဖွဲ့(KESAN)၊ မယ်တော်ဆေးခန်းနှင့် အခြားကျန်းမာရေးအဖွဲ့များ အပါအ၀င် အဖွဲ့ ၁၀ဖွဲ့ကျော်၊ ကေအဲန်ယူဥက္ကဌ ဗိုလ်ချုပ်ကြီးစောမူတူးစေးဖိုး၊ ဒုဥက္ကဌ ပဒိုနော်စီဖိုးရာစိန်၊ အထွေထွေ အတွင်းရေးမှူး ပဒိုစောကွယ်ထူးဝင်းနှင့် တပ်မဟာ၊ ခရိုင် များမှ ခေါင်းဆောင်များ စုစုပေါင်း ၇၀ခန့် တက်ရောက်ခဲ့ကြသည်။

KCBO တင်ပြပြောဆိုချက်အပေါ် ကေအဲန်ယူ ဒုဥက္ကဌ ပဒိုနော်စီဖိုးရာစိန်က “ကေအဲန်ယူ လုပ်ဆောင်နေတဲ့ အရာတွေထဲက လူထုတွေ သိသင့်သိထိုက်တာကို ရှင်းလင်းဖို့ဆိုတဲ့ CBO တွေရဲ့ အမြင်ဟာ ကောင်းတယ်လို့ ကျမမြင်တယ်။ ကျမတို့ ရှေ့ဆက် လုပ်ဆောင်ရမယ့်အရာတွေကို အများကြီး အထောက်အကူပြုမှာ ဖြစ်ပါတယ်”ဟု ကေအိုင်စီသို့ ပြောသည်။

ပွင့်လင်းမြင်သာမှုနှင့် ပတ်သက်၍ KCBO တင်ပြပြောဆိုသည့် အမြင်များသည် ကရင်လူထုများ၏ ရင်တွင်းဖြစ် ခံစားချက်များ ဖြစ်ကြောင်း၊ ကေအဲန်ယူအနေဖြင့် လက်ရှိ လုပ်ဆောင်နေသည့် လုပ်ငန်းများကို ပြန်လည်စိစစ်မှုများ ပြုလုပ်သွားမည်ဖြစ် ကြောင်းနှင့် ရှေ့ဆက်လုပ်ဆောင်ရမည့် လုပ်ငန်းများအတွက်လည်း အထောက်အကူတစ်ရပ်အဖြစ် ခံယူကြောင်း ပဒိုနော်စီဖိုးရာ စိန်က ဖြည့်စွက်ပြောဆိုသည်။

KCBO အဖွဲ့များသည် အစိုးရနှင့် အပစ်ရပ် သဘောတူညီမှုကာလအတွင်း ဆက်လက် ဖော်ဆောင်နေသော ငြိမ်းချမ်းရေးလုပ် ငန်းစဉ် အခြေအနေများကို ရှင်းရှင်းလင်းလင်း သိရှိနိုင်ရန် ရည်ရွယ်၍ ယခုလို တွေ့ဆုံပွဲကို ကျင်းပပေးရန် ကေအဲန်ယူထံ ပြီးခဲ့ သည့် ၂၀၁၃ခုနှစ်က တောင်းဆိုခဲ့သည့်အပေါ် ကေအဲန်ယူ ဗဟိုစည်းရုံးရေးဋ္ဌာနက ကမကထပြုကာ ဆောင်ရွက်ခဲ့ခြင်းဖြစ်သည်။

မြေအသုံးချမှု မူဝါဒ (မူကြမ်း)

ဦးအောင်ခင်, ကျော်ကျော်သိန်း - VOA

လွန်ခဲ့တဲ့ အနှစ် (၂၀) ကျော်အတွင်း မြေယာဧကသန်းချီပြီး စစ်အုပ်စုအသိုင်းအဝိုင်းက သိမ်းပိုက်ခဲ့ပြီးတဲ့နောက် (၂၀၁၄) အောက်တိုဘာလမှာ အမျိုးသား မြေအသုံးချမှု မူဝါဒ (မူကြမ်း) ကို အင်္ဂလိပ်-မြန်မာ နှစ်ဘာသာနဲ့ ထုတ်ဝေခဲ့ပါတယ်။ ဒါပေမဲ့ ပြင်ဆင်လိုသူနဲ့ ကန့်ကွက်သူတွေ များနေတာ တွေ့ရပါတယ်။ သိမ်းပိုက်ထားတဲ့ မြေယာပြဿနာတွေကို လစ်လျူရှုမှု၊ လယ်လုပ်သူကို မတိုင်ပင်မှု၊ စီးပွားရေးသမားတွေကို ဦးစားပေးမှု စတာတွေကြောင့် အမျိုးသား မြေအသုံးချမှု မူဝါဒ (မူကြမ်း) ကို လက်မခံနိုင်ဘူးလို့ တိုင်းရင်းသားများနဲ့ အရပ်အသားအဖွဲ့အစည်း (၃၁) ဖွဲ့က ချက်ချင်း ကြေညာချက်ထုတ်ပြန်ခဲ့ပါတယ်။

ဒီမူကြမ်းကို အဖွဲ့အစည်းတွေက အမျိုးမျိုး သုံးသပ်ဆွေးနွေးကြပါတယ်။ ဖေဖေါ်ဝါရီလမှာ နယ်သာလန်နိုင်ငံ အခြေစိုက် Transnational Institute က ဒီအကြောင်းကို စာတမ်းနှစ်စောင် ထုတ်ဝေပါတယ်။ တစောင်က စာမျက်နှာ (၇၁) မျက်နှာရှိပြီး ကျန်တစောင်က (၂၄) မျက်နှာ ရှိပါတယ်။ အစိုးရမူကြမ်းမှာ ကောင်းတဲ့အချက်ပါပေမယ့် လက်ရှိ မြေယာပြဿနာကို ဖြေရှင်းနိုင်မယ့် အခြေခံမူဝါဒဖြစ်ဖို့ လိုတယ်လို့ ဆိုပါတယ်။ လက်တွေ့ပြဿနာကို ဖြေရှင်းနိုင်မယ့် မူဝါဒကသာ အောင်မြင်ဖို့ အလားအလာ ရှိပါတယ်။ ဆွေးနွေးသူအားလုံးက မြေအသုံးချမှု မူဝါဒ (မူကြမ်း) ရဲ့  အားနည်းချက်နဲ့ ချို့ ယွင်းချက်တွေကို ထောက်ပြပါတယ်။

စစ်အစိုးရလက်ထက်က ရှိခဲ့တဲ့ မတရားမှုတွေကို တရားမျှတအောင် လုပ်ပေးပြီး လယ်ယာမဲ့နဲ့ မြေယာမဲ့ ဖြစ်ခါနီး လယ်သမားတွေ အကျိုးရှိအောင် အဓိကထားဖို့ လိုတယ်လို့ Transnational Institute က ဆိုပါတယ်။ မြေယာပိုင်ဆိုင်မှု ပြဿနာဟာ ဆန့်ကျင်ဘက် အစွန်းနှစ်ခုကို ဦးတည်နေတာကြောင့် မြေယာအများအပြား ပိုင်ဆိုင်သူနဲ့ မြေယာဆုံးရှုံးသူတွေရဲ့  ကွာဟာချက်ဟာ အလွန်ကြီးမားလာပါတယ်။ ကျေးလက်ဒေသတွေမှာ မြေယာနဲ့ ပတ်သက်တဲ့ အခြေအနေ (၃) မျိုး ရှိပါတယ်။ လယ်ယာလုပ်ခွင့်ရထားပေမယ့် ဆုံးရှုံးနိုင်တဲ့ အခြေအနေရှိသူ၊ လယ်လုပ်ခွင့် အနည်းအကျဉ်းရှိသူ (သို့မဟုတ်) လုံးဝ မရှိသူ။ လက်နက်ကိုင် ပဋိပက္ခ (သို့မဟုတ်) ရေလျှံမှုကြောင့် လယ်ယာမြေ ဆုံးရှုံးသူ စတဲ့ ပြဿနာ (၃) မျိုး ရှိပါတယ်။ ဒီမြေယာပြဿနာတွေကို ဖြေရှင်းဖို့ကိစ္စဟာ မြေအသုံးချမှု မူဝါဒရဲ့  ဦးတည်ချက်ဖြစ်ရမယ်လို့ ဆိုပါတယ်။

မြေအသုံးချမှု မူဝါဒ (မူကြမ်း) နဲ့ ပတ်သက်တဲ့ အလုပ်ရုံးဆွေးနွေးပွဲ (၁၇) ခု ကျင်ပးပါတယ်။ တိုင်းဒေသကြီးနဲ့ ပြည်နယ် (၁၄) ခု၊ ရှမ်းပြည်နယ်မှာ နောက်ဆက်တွဲ (၂) ခုနဲ့ နေပြည်တော်မှာ (၁) ခု စုစုပေါင်း တနေ့တာ ဆွေးနွေးပွဲ (၁၇) ခု ကျင်းပပြီး အတည်ပြုမလို့ ဟန်ပြင်နေတာကို ဘယ်သူမှ မကျေနပ်ပါဘူး။ ပြည်နယ်တခုမှာ ဆွေးနွေးပွဲ တရက်ကျင်းပရုံနဲ့ ပြည်သူလူထု သဘောပေါက်အောင် မလုပ်နိုင်သလို ပြည်သူပူးပေါင်း ဆောင်ရွက်မှုကိုလည်း မရရှိနိုင်ဘူးလို့ ယူဆကြပါတယ်။ ဒါကြောင့်မို့ အစိုးရဆွေးနွေးပွဲ မတိုင်မီ အရပ်သားအဖွဲ့တွေက မြို့ ကြီးတွေမှာ အကြိုဆွေးနွေးပွဲ (၁၂) ခု ကျင်းပကြပါတယ်။ မြေယာကိစ္စမှာ ကျေးလက်လုပ်သားအားလုံး နားလည်သဘောပေါက်ဖို့ အရေးကြီးပါတယ်။ မြေအသုံးပြုမှု မူဝါဒမှာ ကျေးလက်လူတန်းစားအားလုံးရဲ့  အကျိုးစီးပွားကို ထည့်သွင်းစဉ်းစားဖို့ လိုအပ်နေပါတယ်။

မြန်မာလူဦးရေ (၇၀) ရာခိုင်နှုန်းဟာ တနိုင်တပိုင် စိုက်ပျိုးရေးလုပ်ပြီး အသက်မွေးဝမ်းကျောင်းကြတဲ့ ကျေးလက်လူထု ဖြစ်ပါတယ်။ ဒီလူတန်းစားကို တိုင်းပြည်ရဲ့  လူမှုစီးပွားရေးအခြေခံလို့ သတ်မှတ်ပါတယ်။ အလွန်အမင်း ဆင်းရဲမှုပပျောက်ရေးနဲ့ အတူတကွ ဖွံ့ဖြိုးတိုးတက်ရေးကို အကောင်အထည်ဖော်ရာမှာ စိုက်ပျိုးလယ်ယာဟာ အဓိက အရေးကြီးတဲ့ အခန်းကနေ ပါဝင်တယ်လို့ ကမ္ဘာ့ဘဏ်က ယူဆပါတယ်။ စိုက်ပျိုးရေးကဏ္ဍဟာ တိုင်းပြည်အသားတင် ထုတ်လုပ်မှု (၄၃) ရာခိုင်နှုန်းဖြစ်ပြီး၊ ကျေးလက်လူဦးရေ (၇၀) ရာခိုင်နှုန်းကို အလုပ်အကိုင် ပေးနိုင်ပါတယ်။ မြေယာသိမ်းယူတာဟာ တိုင်းပြည်လူမှုစီးပွားရေး အခြေခံကို ဖျက်ဆီးသလို ဖြစ်နေပါတယ်။ ဒါကြောင့် ဥပဒေမပြဌာန်းခင်မှာ မြေယာသိမ်းယူမှုနဲ့ မြေယာခွဲဝေမှုကို အရင်ဆုံး ချက်ချင်းရပ်ဆိုင်းဖို့ လိုအပ်ကြောင်း Transnational Institute က အကြံပေးထားပါတယ်။

မြေအသုံးချမှု မူဝါဒ (မူကြမ်း) မှာ ဆင်းရဲနွမ်းပါးမှု ပပျောက်ရေးနဲ့ စားနပ်ရိက္ခာ ဖူလုံရေးတို့ကို စဉ်းစားတာမျိုးမရှိဘဲ စီးပွားရေးသမားကြီးတွေ စိုက်ပျိုးရေးလုပ်နိုင်အောင် စီစဉ်ပေးသလို ဖြစ်နေတယ်လို့ Global Witness အဖွဲ့ရဲ့  (၂၀၁၄) နိုဝင်ဘာလက ထုတ်ပြန်တဲ့ အဆိုပြုလွှာမှာ ဖော်ပြထားပါတယ်။ မြေ၊ ငါး လုပ်ငန်း နဲ့ သစ်တောဆိုင်ရာ တာဝန်သိအုပ်ချုပ်မှု ကုလသမဂ္ဂလမ်းညွှန် နဲ့ ကိုက်ညီဖို့ လိုအပ်တယ်လို့ ဆိုပါတယ်။ ဒီမူကြမ်းဟာ တောင်သူလယ်သမား အကျိုးစီးပွားကို ဦးစားမပေးဘဲ အရင်းရှင်တေါ စီးပွားရှာနိုင်အောင် လမ်းခင်းပေးတဲ့ မူဝါဒဖြစ်တယ်လို့ အများက သုံးသပ်ပါတယ်။

မူကြမ်းရေးဆွဲစဉ်က တနှစ်ကျော် အချိန်ယူခဲ့ပေမယ့် အတည်ပြုဖို့ကိစ္စမှာ အလျင်စလို ဖြစ်နေတာကိုလည်း ဘဝင်မကျကြပါဘူး။ မြေယာသိမ်းယူမှုနဲ့ မြေယာမဲ့ ပြဿနာတွေကို ဖြေရှင်းဖို့ ရည်ရွယ်ချက်မရှိတဲ့ မြေအသုံးချမှု မူဝါဒ (မူကြမ်း) ကို တောင်သူလယ်သမားနဲ့ တိုင်းရင်းသားအဖွဲ့အစည်းတွေက ကန့်ကွက်နေကြတာ ဖြစ်ပါတယ်။ လွန်ခဲ့တဲ့ (၃) နှစ်ကျော်က လယ်ယာမြေ ဥပဒေမူကြမ်းကို လွှတ်တော်က အတည်ပြုတုန်းကလည်း လယ်သိမ်းခံရတဲ့ လယ်သမားတွေ ရန်ကုန်မှာ ကန့်ကွက်ဆန္ဒပြကြပါတယ်။ ဒါကြောင့် လက်တွေ့ဘဝနဲ့ နီးစပ်တဲ့ မြေအသုံးချမှု မူဝါဒ ဖြစ်ဖို့လိုကြောင်း တင်ပြလိုက်ရပါတယ်။

သင်္ကြန်တွင်း တိုက်ပွဲပြင်းထန်၊ အစိုးရဘက်က ၁၆ ဦး ကျဆုံး ၁၀၀ ကျော်ဒဏ်ရာရ

by နိုရင်း

သင်္ကြန်ကာလအတွင်း အစိုးရတပ်တွေနဲ့ ကိုးကန့်တိမ်းရှောင်တပ်တွေ အကြား တိုက်ပွဲတွေ ပြင်းထန် ဆက်လက်ဖြစ်ပွားနေပြီး အစိုးရဘက်က စစ်သည် ၁၆ ဦးကျဆုံးကာ ၁၁၀ ဦးဒဏ်ရာရသွားတယ်လို့ အစိုးရက သတင်းထုတ်ပြန်ပါတယ်။

အင်းအားရာချီရှိတဲ့ ကိုးကန့်တပ်တွေ ဘန်ကာတွေနဲ့ အခိုင်အမာ ခံစစ်ဆင်ထားတဲ့ ပါစင်ကျော် အရှေ့မြောက်ဘက် ပေ ၅၁၀၀ ကျော်မြင့်မားတဲ့ ပွိုင့်-၁၅၈၄ တောင်ကုန်း အပါအဝင် စန်တအိုက်ရှန် ကုန်းမြင့်ဒေသကို ဧပြီလ ၁၅ ရက်မွန်းလွဲပိုင်းက သိမ်းပိုက်ရရှိတယ်လို့ဆိုပါတယ်။

အဆိုပါတောင်ကုန်းအား ဧပြီ ၅ ရက်နေ့ကတည်းက စပြီးတပ်မတော်စစ်ကြောင်းတွေက လက်နက်ကြီ ပစ်ကူနဲ့ သံချပ်ကာတိုက်ယာဉ်ပစ်ကူတွေယူကာ ၄၆ ကြိမ် လှံစွပ်ထိုး တိုက်ခိုက်ခဲ့ရတယ်လို့ ဆိုပါတယ်။

အလားတူ ဧပြီ ၁၃ ရက် သင်္ကြန်အကြိုနေ့ကလည်း ကိုးကန့် ခြေကုတ်စခန်း တာကထန်ကျေးရွာနီး တောင်ကုန်းကို တပ်မတော်စစ်ကြောင်းတွေက တိုက်ခိုက်သိမ်းယူရာမှာ အစိုးရစည်သည် ၅ ဦး သေဆုံးပြီး ၁၈ ဦးဒဏ်ရာရသွားတယ်လို့ နိုင်ငံပိုင်သတင်းစာတွေမှာ သတင်းထုတ်ပြန်ပါတယ်။

တိုက်ပွဲအတွင်း ကိုးကန့်ဘက်က အလောင်း ၂ လောင်း၊ အာရ်ပီဂျီ ၈ လက် အပါအ၀င် လက်နက်မျိုးစုံနဲ့ ကျည်ဆန်တွေ အများအပြား သိမ်းဆည်း ရမိတယ်လို့လည်း ဆိုပါတယ်။

မြန်မာ အမျိုးသား ဒီမိုကရက်တစ် မဟာမိတ် (အမ်အန်ဒီအေအေ) ကိုးကန့်လက်နက်ကိုင်တပ်ဖွဲ့ ပြောခွင့်ရသူ ဦးထွန်းမြတ်လင်းကတော့ ဧပြီ ၁၄ ရက်နေ့က တိုက်ပွဲတွေဖြစ်ပွားမှုရှိပေမယ့် မနေ့ကတော့ တိုက်ပွဲမရှိကြောင်းနဲ့ တိုက်ပွဲကြောင့်လည်း သူတို စခန်းကျသွားတာ မရှိဘူးလို့ ပြောပါတယ်။

“ကျနော်တို့ဒီ တိုက်ပွဲဖြစ်ပြီးတော့ ကျသွားတဲ့စခန်းဆိုတာ မရှိပါဘူး။ ကျနော်တို့ မဟာဗျူဟာအရ ခိုးထန်ဘက်မှာ ကျနော်တို့ စခန်းသေးသေးလေးတွေရှိတယ်။ ကျနော်တို့ ဗျူဟာအရ နောက်ဆုတ်ထားတာရှိပါတယ်။ ဒါပေမယ့် တိုက်ပွဲဖြစ်ပြီးတော့ ကျသွားတာတော့မရှိပါဘူး။”

ဖေဖော်ဝါရီ ၉ ရက်က စတင်ခဲ့တဲ့ ကိုးကန့်ဒေသ တိုက်ပွဲတွေမှာ ကိုးကန့်ဘက်က ထိခိုက်သေဆုံးသူ ၇၀ ပတ်ဝန်းကျင်ရှိပြီး အစိုးရတပ်ဘက်ကတော့ ၁၈၀၀ လောက်ထိရှိ တယ်လို့ ဦးထွန်းမြတ်လင်းက ပြောပါတယ်။

တိုးတက်ဖွံ့ဖြိုး ပြောင်းလဲမှုတွေနဲ့ “ဝ” ဒေသ

ဦးကျော်ဇံသာ
15.04.2015

ဒီတပတ် မြန်မာ့မျက်မှောက်ရေးရာ အစီအစဉ်မှာ မြန်မာနိုင်ငံထဲက ကိုယ်ပိုင်အုပ်ချုပ်ခွင့်ရ “ဝ” ဒေသဟာ မူးယစ်ဆေးဝါး လုံးဝကင်းစင်ပြီး နှစ်ပေါင်း (၃၀၀၀) ကျော်ရှိတဲ့ “ဝ” သမိုင်းမှာ အတိုးတက်အဖွံ့ဖြိုးဆုံး အခြေအနေရောက်နေတယ်လို့ WUSA ပြောခွင့်ရပုဂ္ဂိုလ် ဦးအောင်မြင့်က ပြောကြားလိုက်ပါတယ်။ “ဝ” ဒေသရဲ့  ယခင်-အခု နဲ့ နောင်အလားအလာတွေကို ဦးအောင်မြင့်နဲ့ ဦးကျော်ဇံသာတို့ ဆွေးနွေးသုံးသပ်ထားပါတယ်။

ဦးအောင်မြင့် ။ ။ “ဝ” တိုင်းရင်းသားတွေ ဒီမှာရောက်ရှိနေတာ နှစ်ပေါင်း သုံးထောင်ကျော်ရှိပြီ။ ထိုင်း၊ ကမ္ဘောဒီယားဘက် ပျံ့ နှံနေပြီးတော့ စစ်ကြောင့် အပေါ်ဘက်ကို ပြန်တက်လာတာတွေရှိတယ်။ အထူးသဖြင့် ကျနော်တို့ မြန်မာနိုင်ငံ “ဝ” သမိုင်းထဲမှာဆိုရင် အရင်တုန်းက မြို့ ပြနိုင်ငံလေး။ ယိုဒယားမှာလည်း ချင်းမိုင်ဘက် ထူထောင်ခဲ့တာရှိတယ်။ ကျိုင်းတုံဒေသမှာဆိုရင်လဲ “ဝ” ရဲ့  မြို့ ပြနိုင်ငံလေးတွေ ရှေးသမိုင်းက ထူထောင်ခဲ့တာလေးတွေ ရှိတယ်။

ဦးကျော်ဇံသာ ။ ။ အခုလောလောဆယ် တရုတ်နိုင်ငံဘက်မှာ “ဝ” တိုင်းရင်းသားတွေ ဘယ်လောက် များပါသလဲ။ သူတို့ ဘယ်လို အဆင့်အတန်းမျိုးတွေနဲ့ နေကြပါသလဲ။ ကိုယ်ပိုင်အုပ်ချုပ်ခွင့် သီးခြားနယ်ပယ်အဖြစ် သတ်မှတ်ပေးထားသလား။

ဦးအောင်မြင့် ။ ။ တရုတ်ဘက်မှာတော့ ခရိုင်တွေ။ ဥပမာ ရှီမွန်ခရိုင်ဆိုရင် “ဝ” တွေကြီးပဲ။ ဒါက ကိုယ်ပိုင်အုပ်ချုပ်ခွင့်ရတဲ့ ခရိုင်။ ဆန်ရွဲလ်တို့ ဘာတို့ဆိုရင်လည်း ခရိုင်ပဲ။

ဦးကျော်ဇံသာ ။ ။ တခြား ထိုင်း၊ ကမ္ဘောဒီးယားတို့ဘက်မှာရှိတဲ့ “ဝ” တွေကြတော့ သီးခြားလူမျိုးစုအဖြစ် သတ်မှတ်ခံရသလား။ ကိုယ်ပိုင်အုပ်ချုပ်ခွင့် ရသလား။ ဘယ်လို နေကြပါလဲ။

ဦးအောင်မြင့် ။ ။ “ဝ” ကတော့ “ဝ” ပဲ။ တိုင်းရင်းသားတွေရှိတယ်။ သူတို့လည်း “ဝ” လို သတ်မှတ်ခံရတယ်။ ဒါပေမဲ့ ဒီလို ကိုယ့်ဒေသကိုယ် အုပ်ချုပ်ပိုင်ခွင့်တော့ မရှိခဲ့ဖူးဘူး။

ဦးကျော်ဇံသာ ။ ။ “ဝ” လူဦးရေ အများဆုံးက အခုလောလောဆယ် ဘယ်နိုင်ငံထဲမှာလဲ။

ဦးအောင်မြင့် ။ ။ အများဆုံးကတော့ တရုတ်နဲ့ အခုလက်ရှိ ကျနော်တို့ ဒေသမှာပဲ။ “ဝ” ပြည်နယ်မှာ။

ဦးကျော်ဇံသာ ။ ။ ဆိုတော့ အခု မြန်မာနိုင်ငံမှာ တိုင်းရင်းသားတွေရဲ့  အခွင့်အရေး တောင်းဆိုတဲ့အထဲမှာ “ဝ” ပါလာတာဟာ နဝတ၊ နအဖ ခေတ်က “ဝ” ဟာ ဗမာပြည်ကွန်မြူနစ်ပါတီက ခွဲထွက်လာပြီးနောက်လို့ ပြောရမှာ ဟုတ်ပါတယ်နော်။

ဦးအောင်မြင့် ။ ။ ဟုတ်ပါတယ်။ အရင်တုန်းက ဗမာပြည်ကွန်မြူနစ်ပါတီ မဝင်ခင်ကဆိုရင် “ဝ” က သူ့မျိုးရိုးအုပ်စုနဲ့ပဲ သူနေပါတယ်။ သူ့မျိုးရိုးအုပ်စုပေါင်းက (၂၀) ကျော်၊ (၃၀) နီးပါးရှိတယ်။ သူ့မျိုးရိုးအုပ်စုနဲ့သူ အုပ်ချုပ်ပြီးတော့ သူဘာသာသူ နေနေတာဖြစ်တယ်။ ဘယ်အစိုးရမှ မလာဘူး။ ဘယ်အဖွဲ့အစည်းကမှ လာပြီးတော့ အုပ်ချုပ်တာ မရှိဘူး။ ပင်လုံအစည်းအဝေးကိုလည်း “ဝ” သွားတက်တယ်။ ကိုယ်စားလှယ်သွားတယ်။ ကျနော်တို့ သမိုင်းကနေ သိရတယ်။ သွားတက်တော့ စကားမပေါက်လို့ မတက်ပါနဲ့ ခင်များတို့ ဘေးမှာ စောင့်နေပါ။ တခြား တိုင်းရင်းသားတွေ ခင်များတို့အတွက် ပြောပေးပါမယ်ဆိုပြီးတော့ လက်တွေ့ကြတော့ ဘာမှ မပြောခဲ့ဘူး။ ပင်လုံ အစည်းအဝေးလည်းပြီးရော မေမြို့ စစ်တမ်းဆိုတာ ပြန်ပေါ်တယ်။ မေမြို့ စစ်တမ်းပေါ်တော့ မေမြို့ စစ်တမ်းကို “ဝ” ကိုယ်စားလှယ်သွားတယ်။ (၃) ယောက်သွားတယ်။ သမိုင်းမှာလည်း ကိုယ့်အုပ်ချုပ်မှုနဲ့ကိုယ်၊ ကိုယ့်ဒေသမှာ နေထိုင်ခဲ့တယ်။ ဒါကြောင့်မို့ ကျနော်တို့လည်း အခုထက်ထိ ကိုယ့်ဒေသကိုယ် အုပ်ချုပ်နေတယ်။ ဒါကြောင့်မို့ ကိုယ့်ဟာကိုယ်ပဲ နေချင်တယ်။ ဘယ်သူနဲ့မှလည်း မပေါင်းချင်ဘူးဆိုပြီးတော့ ပြောတယ်။ ဒါပေမဲ့ ၄၇ နောက် ဥပဒေ ထွက်လာတော့ “ဝ” ပြည်၊ Wa State ကို ရှမ်းပြည်နယ်နဲ့ပေါင်းပြီးတော့ Shan State ကြီး ဖွဲ့လိုက်တယ်။ ဒါကြောင့်မို့ “ဝ” က သိပ်ပြီးတော့ကို မကြေလည်ဘူး။

ဦးကျော်ဇံသာ ။ ။ အခုလက်ရှိလဲ ကိုယ်ပိုင်အုပ်ချုပ်ခွင့် ရနေတယ် မဟုတ်လား။ စစ်တပ်လည်း ထားခွင့်ရတယ်။ စော်ဘွားဒေသ အုပ်ချုပ်ရေးကိုလဲ “ဝ” လူမျိုးတွေ UWSA က အုပ်ချုပ်ပါလား။ အစဉ်အလာအရ စော်ဘွားတွေက အုပ်ချုပ်ပါလား။

ဦးအောင်မြင့် ။ ။ အခုကတော့ UWSB “ဝ” သွေးစည်းညီညွတ်ရေးပါတီက စည်းရုံးပြီးတော့ UWSA ကနေ အုပ်ချုပ်နေတာ ဖြစ်ပါတယ်။ သူကြီးတွေ၊ စော်ဘွားတွေ လုံးဝမရှိတော့ပါဘူး။

ဦးကျော်ဇံသာ ။ ။ အခုလက်ရှိ အခြေအနေက ကိုယ်ပိုင်အုပ်ချုပ်ခွင့်ရ ဒေသကြီး ဖြစ်တယ်ပေါ့။ အခု အဲဒီအခြေအနေကနေ ဘာကို လိုချင်သလဲ။ အဲဒီ အခြေအနေကို မကျေနပ်သေးဘူးလို့ ကြားရပါတယ်။ ဟုတ်ပါသလား။

ဦးအောင်မြင့် ။ ။ ၉၃ အမျိုးသားညီလာခံ စတဲ့အခါမှာ ကျနော်တို့ “ဝ” အဖွဲ့အစည်းက ကိုယ်စားလှယ် (၅) ယောက် တောက်လျှောက်တက်တယ်။ အစည်းအဝေးမှာ တင်ပြတောင်းဆိုတာတွေ ရှိတယ်။ နိုင်ငံတော်က နောက်ဆုံး ခွင့်ပြုပေးလိုက်တာက “ဝ” ကိုယ်ပိုင်အုပ်ချုပ်ခွင့်ရတိုင်း ဆိုပြီးတော့ ပေးထားတာ ဖြစ်တယ်။ တိုင်းဆိုတာ ဟိုတချိန်က ဥပဒေမှာ ဆွေးနွေးတုန်းကဆိုရင် ပြည်နယ်ထက် တဆင့်နှိမ့်တယ်။ ခရိုင်ထက် တဆင့်မြင့်တဲ့အဆင့်ဆိုပြီးတော့ သတ်မှတ်တာ ဖြစ်ပါတယ်။

ဦးကျော်ဇံသာ ။ ။ ဆိုတော့ အခု လိုချင်တာက ဘာကို လိုချင်လဲ။ ပြည်နယ်အဆင့်ကို လိုချင်တယ်ပေါ့။

ဦးအောင်မြင့် ။ ။ ကိုယ်ပိုင်အုပ်ချုပ်ခွင့်ရ ပြည်နယ်အဆင့်ကို လိုချင်တာ ဖြစ်ပါတယ်။

ဦးကျော်ဇံသာ ။ ။ ဒါပေမဲ့ အဲဒီ ဖွဲ့စည်းပုံအတိုင်း တကယ် လုပ်လာရင် လက်နက်ကိုင်တပ်ဖွဲ့တွေ ဘာတွေ၊ ဥပမာ ရခိုင်ဆိုရင် ပြည်နယ်၊ မွန်ဆိုရင် ပြည်နယ်၊ ကရင်၊ ကချင် စသည်ဖြင့် သတ်မှတ်ထားတယ်။ အခုလောလောဆယ် ဖွဲ့စည်းပုံအရ။ လောလောဆယ်မှာ သူတို့မှာ လက်နက်ကိုင်တပ်ဖွဲ့ မရှိဘူးပေါ့။ အဲဒီတော့ ဖွဲ့စည်းပုံအတိုင်း လက်ခံလိုက်ရင် လက်နက်ကိုင်တပ်ဖွဲ့ကို စွန့်လွှတ်မယ့်ကိစ္စ ဘယ်လောက် အဆင်သင့် ဖြစ်ပါသလဲ။

ဦးအောင်မြင့် ။ ။ ဒါကတော့ တနိုင်ငံလုံး အခြေခံဥပဒေ ဆွေးနွေးပြင်ဆင်ဖို့ လိုအပ်တဲ့ အခြေအနေတွေမှာ ရောက်နေပါတယ်။ လက်နက်ကိုင် အဖွဲ့အစည်းကို ဘယ်လို ပြန်ပြီးတော့ ပြင်ဆင်ဖွဲ့စည်းမလဲ။ ဘယ်လို လုပ်မလဲဆိုတာ ဒါက အားလုံးဆွေးနွေးရမယ့် ကိစ္စ ဖြစ်ပါတယ်။

ဦးကျော်ဇံသာ ။ ။ နောက်တခုက “ဝ” ဆိုလို့ရှိရင် နိုင်ငံတကာ က အထူးသဖြင့် မြင်ရတာ မူးယစ်ဆေးဝါး လုပ်တဲ့ ဒေသလို့ မြင်ကြပါတယ်။ ဒါဟာ အပြစ်ပြောတာ မဟုတ်ပါဘူး။ “ဝ” တိုင်းရင်းသားတွေကို သူတို့မှာ အစဉ်အလာ ဒါပဲရှိလာတယ်။ တခြား အစားထိုးသီးနှံ မအောင်မြင်နိုင်ဘူး။ သူတို့ ဘဝရပ်တည်ရေးအတွက် လုပ်ရတယ်ဆိုတာ ဟုတ်ပါတယ်။ ဒါပေမဲ့ အဲဒီ နိုင်ငံတကာရဲ့  အမြင်က လွတ်မြောက်အောင် ဘယ်လိုလုပ်ဖို့ အစီအစဉ်တွေ ရှိပါလဲ။ မူးယစ်ဆေးဝါး သံသရာကနေ လွတ်မြောက်နိုင်မယ့် အခြေအနေ ရှိပါလား။

ဦးအောင်မြင့် ။ ။ နှစ်ပေါင်း ရာနဲ့ကျော်ပြီးတော့ ကျနော်တို့ စိုက်ပျိုးလာတဲ့ဟာကို ကျနော်တို့ UWSP, UWSA ခေတ်ကျတော့မှ အစားထိုးသီးနှံနဲ့ ဒီမူးယစ်ကို အားလုံးပြတ်သွားအောင် အမြစ်ပြတ်သွားအောင် ဆောင်ရွက်မယ်လို့ ကျနော်တို့ ဆွေးနွေးပြီး ဆုံးဖြတ်တာဖြစ်တယ်။

ဦးကျော်ဇံသာ ။ ။ အဲဒီ မျှော်မှန်းချက်အတိုင်း တကယ် ဖြစ်လာနိုင်သလား။



ဦးအောင်မြင့် ။ ။ ကျနော်တို့ပြောမယ် ခင်များတို့ ကုလသမဂ္ဂ မူးယစ်ဆေးဝါး တားမြစ်ရေးအဖွဲ့ဆိုတာ ရှိပါတယ်။ သူတို့ကို ပြန်မေးကြည့်ပါ။ သူတို့က အမေရိကန်ကနေ ဂြိုဟ်တုကနေ ကြည့်တယ်။ တရုတ်ဘက်ကနေ ဂြိုဟ်တုကနေ ကြည့်တယ်။ စောင့်ကြည့်တယ်။ ကျနော်တို့ “ဝ” ဒေသမှာ အခုထက်ထိ ဘိန်းပင်တပင်မှ မရှိဘူးဆိုတာကို သူတို့က လက်ခံတယ်။

ဦးကျော်ဇံသာ ။ ။ အဲဒီတော့ မူးယစ်ဆေးဝါး မစိုက်တော့ဘူး။ မလုပ်တော့ဘူးဆိုရင် ဦးအောင်မြင့်တို့ ဒေသမှာ “ဝ” တောင်သူလယ်သမားတွေရဲ့  ဘဝက တကယ်ပဲ အေးအေးချမ်းချမ်းနဲ့ ဝင်ငွေဖူဖူလုံလုံ၊ ရိက္ခာ ဖူဖူလုံလုံ ဖြစ်ကြပါရဲ့ လား။ ဘယ်လိုလုပ် စားသောက်နေထိုင်ကြလဲ။

ဦးအောင်မြင့် ။ ။ ကျနော်တို့ ဘိန်းအစားထိုးသီးနှံ စိုက်ပျိုးတယ်ဆိုတာ ရောဘာပင်က အများဆုံး ဖြစ်တယ်။ ရော်ဘာစိုက်ခင်းက ဧကပေါင်း နှစ်သိန်းခွဲကျော် ရှိတယ်။ နောက်တခုက လဘက်ခြောက် စိုက်ပျိုးမှုကလည်း ဧကပေါင်း ထောင်ဂဏန်းနဲ့ ရှိတယ်။ လာမယ့်နှစ် ရောင်းမယ့် လဘက်ခြောက်ဟာ ဒီနှစ် ကုန်သည်တွေက လာပြီးတော့ စာချုပ်ချုပ်တာ အကုန်ယူမယ်။ ကျနော်တို့ကတောင် ”ဆရာတို့ ဒီလို မဖြစ်ဘူးနော်။ ကျနော်တို့ ကိုယ့်ဒေသမှာလည်း သုံးစရာရှိတယ်။ ဒါကြောင့် သူတို့ကို ရာခိုင်နှုန်း (၇၀) လောက်ပဲ ရောင်းတယ်။

ဦးကျော်ဇံသာ ။ ။ ကျနော် နောက်တခု မေးချင်တာက UWSA “ဝ” တပ်ဖွဲ့ဟာ လက်နက်အင်အား အားဖြင့် အကောင်းဆုံးဖြစ်တယ်။ … ဒါနဲ့ ပတ်သက်ပြီး စိုးရိမ်တာက တရုတ်အစိုးရဟာ တချိန်ချိန်မှာ “ဝ” ဒေသကို မြန်မာနိုင်ငံနဲ့ ပြဿနာတက်ရင် အကြပ်ကိုင်ဖို့အတွက် ဝှက်ဖဲအဖြစ် အသုံးပြုနိုင်တယ်ဆိုတဲ့ သုံးသပ်ချက်တချို့ လည်း ရှိပါတယ်။ တရုတ်အစိုးရနဲ့ မြန်မာနိုင်ငံထဲက UWSP/UWSA တို့ရဲ့  ဆက်ဆံရေး ဘယ်လို ရှိပါလဲ။

ဦးအောင်မြင့် ။ ။ သမိုင်းကတည်းက ဆက်ဆံမှုက ကောင်းခဲ့တာ ရှိပါတယ်။ မြန်မာနိုင်ငံ လွတ်လပ်ရေး ရပြီးတဲ့နောက်မှာ ကျနော်တို့ လမ်းပန်ဆက်သွယ်မှု မရှိတဲ့အတွက် အစိုးရအဆက်ဆက်က “ဝ” ဒေကို လာရောက်ကြည့်ရှု၊ ကူညီတာ မရှိပါဘူး။ ဒီတော့ “ဝ” ဒေသက ပြည်သူတွေက ကိုယ့်ဒေသမှာကိုယ် ဟိုအချိန်ကဆို ဘိန်းတွေ စိုက်ကြတယ်။ ရောင်းပြီးတော့ စားသောက်ကြတယ်။ ဒါလဲ မလောက်ပါဘူး။ ဒီတော့ တရုတ်နယ်စပ်မှာသွားပြီးတော့ တကယ်ပြောမယ်ဆိုလို့ရှိရင် သမိုင်းမှာ “ဝ” ရဲ့  ဗိုက်က တရုတ်ပြည်မှာရှိတယ်။ တရုတ်နဲ့ ဆက်ဆံမှု ဘယ်လိုရှိလဲဆိုတာ အစိုးရချင်း ဆက်ဆံတာကတော့ မရှိပါဘူး။ အရင်တုန်းက ဒေသပြည်သူတွေ အချင်းချင်းသာ ဆက်ဆံမှု ရှိတာပါ။

ဦးကျော်ဇံသာ ။ ။ ဆိုကြပါစို့ တရုတ်နဲ့ မြန်မာ နယ်စပ်မှာ တင်းမာမှု တစုံတရာ ဖြစ်လာရင် “ဝ” အနေနဲ့ လုံးဝကြားနေ နေနိုင်လား။ သို့မဟုတ် မြန်မာပြည်ထောင်စု တိုင်းရင်းသားအနေနဲ့ ဒီဘက်ကို ပါနိုင်သလား။ သို့တည်းမဟုတ် တရုတ်က တစုံတရာ ဖိအားပေးပြီး သူတို့ဘက်က ရပ်တည်ခိုင်းဖို့ လုပ်နိုင်တဲ့ အလားအလာ ရှိပါလား။ ဘယ်လို ဖြစ်လာနိုင်လဲ။

ဦးအောင်မြင့် ။ ။ ကျနော်တို့ “ဝ” သွေးစည်းညီညွှတ်ရေးပါတီ တည်ထောင်ကတည်းက ငြိမ်းချမ်းရေး စယူကတည်းက ကျနော်တို့က လေးလေးနက်နက် ကမ္ဘာကို ကြေညာထားပြီးဖြစ်တယ်။ နိုင်ငံတော်အစိုးရကိုလည်း သတင်းပို့ ကြေညာထားခြင်းဖြစ်တယ်။ ဆွေးနွေးပွဲမှာလည်း ဒီလိုပဲ တောက်လျှောက်ပြောနေတယ်။ ကျနော်တို့ “ဝ” ဒေသက မြန်မာနိုင်ငံရဲ့  အရေးကြီးတဲ့ အစိတ်အပိုင်းတခု ဖြစ်တယ်။ ကျနော်တို့ ဘယ်သောအခါကမှ ဘယ်သောအခါမှလဲ ဗမာပြည်ကနေ ခွဲထွက်မယ်၊ လွတ်လပ်ရေးယူမယ်ဆိုတဲ့ စဉ်းစားမှု၊ တွေးခေါ်မှု လုံးဝမရှိဘူး။

ဦးကျော်ဇံသာ ။ ။ နောက်ဆုံးတခု မေးချင်ပါတယ်။ တရုတ်ပြည်ဘက်မှာရှိတဲ့ ကိုယ်ပိုင်အုပ်ချုပ်ခွင့် “ဝ” ပြည်နယ်၊ “ဝ” ခရိုင်နဲ့ ဒီဘက်က ဦးအောင်မြင့်တို့ မြန်မာနိုင်ငံထဲက “ဝ” ဒေသတို့ ကူးလူးဆက်ဆံမှု၊ ချစ်ခင်ရင်းနှီးမှု ဘယ်လောက်အထိ ရှိပါလဲ။

ဦးအောင်မြင့် ။ ။ ရှိပါတယ်။ နယ်စပ်မျဉ်းခြားတာပဲ ဟိုဘက်ဒီဘက်ပဲ။ ကိုယ့်တိုင်းရင်းသားတွေ။ ဖွံ့ဖြိုးမှုက သူတို့က နည်းနည်းပိုဖွံ့ဖြိုးတယ်။ ကိုယ်ပိုင်အုပ်ချုပ်ခွင့် ဒေသတွေ ပေးထားပြီးတော့ နိုင်ငံတော်က အများကြီး ကူညီပံ့ပိုးမှုတွေ ရှိတယ်။ ကျနော်တို့ကျတော့ နိုင်ငံတော်က ကူညီတာ နောက်ကျတယ်။ နိုင်ငံတော်က ကူညီတာ လိုအပ်သလောက် မရှိဘူး။ ကျနော်တို့ ကိုယ့်ဟာကိုယ် ဘိန်းအစားထိုး သီးနှံစိုက်ပျိုးရေး၊ ကိုယ့်ဒေသကိုယ့် ဖွံ့ဖြိုးအောင် ငြိမ်းချမ်းရေးရတဲ့ နှစ်ဆယ့်ခြောက်နှစ် ရှိနေပြီ။ ဒီ (၂၆) နှစ် (၂၅) နှစ်ရဲ့  ဖွံ့ဖြိုးတိုးတက်မှုဟာ “ဝ” ပြည်နယ်ရဲ့  (၃၀၀၀) ကျော်ရဲ့  သမိုင်းမှာ အဖွံ့ဖြိုးဆုံး အတိုးတက်ဆုံး ကာလဖြစ်တယ်ဆိုတာ ကျနော်တို့ ဒီလို ကောက်ချက်ချနိုင်တယ်။ မယုံလို့ရှိရင် ခင်များတို့ လာကြည့်ပါ။
http://burmese.voanews.com/content/weekly-analysis-wa-special-zone/2719554.html

UNFC ဥက္ကဌမှ သမ္မတ ဦးသိန်းစိန်ထံသို့ အိတ်ဖွင့်ပေးစာ

Open Letter Bur to Pr. Thein Sein

Type the rest of your post here.

ကိုးကန့်ဒေသမှာ ၆ ရက်ကြာ တိုက်ပွဲပြင်းထန်နေ

By DVB

တရုတ်-မြန်မာနယ်စပ်အနီး ရှမ်းပြည်နယ်အတွင်းက ကိုးကန့်ကိုယ်ပိုင်အုပ်ချုပ်ခွင့်ရ ဒေသမှာ အစိုးရတပ်နဲ့ ကိုးကန့်တပ်ဖွဲ့တွေအကြား ဧပြီ ၈ ရက်ကစပြီး အခုချိန်ထိ တိုက်ပွဲတွေ ပြင်းထန်နေတယ်လို့ ကိုးကန့် တပ်ဖွဲ့ပြောခွင့်ရသူ ဦးထွန်းမြတ်လင်းက ဒီဗွီဘီကို ပြောပါတယ်။

လောက်ကိုင်မြို့ရဲ့အရှေ့တောင်ဘက်ခြမ်း သုံးရှမ်းဒေသမှာ အစိုးရစစ်တပ် အများအပြားနဲ့ ထိုးစစ်ဆင် တိုက်ခိုက်နေတဲ့အတွက် ၂ ဖက် တိုက်ပွဲပြင်းထန်ဖြစ်ပွား နေတာလို့ ပြောပါတယ်။

“၈ ရက်နေ့ကစပြီး တော်တော်လေးကို ပြင်းထန်လာပါတယ်။ အခုချိန်ထိ ဖြစ်နေတုန်း ပါပဲ။ သူတို့က လက်နက်ကြီးလည်း ပိုသုံးလာတယ်။ အမြောက်တွေ ပိုပြီးတော့ စိတ်လာတယ်ပေါ့။ ပြီးတော့ သံချပ်ကာကားနဲ့ တင့်ကားနဲ့ ပစ်ကူပါတယ်။ လူအင်လား လည်းပိုပြီး သုံးလာတာတွေ့ရပါတယ်။ ကျနော်တို့ ဒေသထဲရောက်နေ တာကတော့ တပ်မ ၂၂ ကလွဲလို့ ဒီပြင်တပ်မတွေ တွေအားလုံးရောက်နေပါတယ်။ ကျနော်တို့ရဲ့ ဂွင်ကျဉ်း ကျဉ်းလေးထဲကို အားလုံးလိုလိုရောက်နေတယ်။ ပြီးတော့ စကခတွေ လည်း အများကြီးရောက်နေ ပါတယ်။ ကြည်းတပ်ရဲ့အင်အားနဲ့တွက်ကြည့်လိုက်ရင် ရာခိုင်နှုန်း ၂၀ ကျော်လောက်က ကျနော်တို့ ကိုးကန့် ဒေသ ထဲရောက်နေတယ်” လို့ ဦးထွန်းမြတ်လင်းက ပြောပါတယ်။

ဒီလို ထိုးစစ်ဆင်မှုကြောင့် ၂ ဖက် ထိခိုက်ကျဆုံးမှုတွေ များ တယ်လို့ သူက ပြောပါတယ်။

“ကျနော်ထင်တယ်အခု ၈ ရက်နေ့ကနေ ၁၂ ရက်နေ့အထိ ၅ ရက်ပေါင်းလိုက်ရင် တပ်မတော်ဖက်က ကျတာနဲ့ ဒဏ်ရာရတာနဲ့ဆိုရင် ၇၀၀ လောက်ရှိမယ်ထင်တယ်။ ကျနော်တို့ဘက်ကတော့ ၆၀ လောက်ရှိပါတယ်။”လို့ ဦးထွန်းမြတ်လင်းက ပြောပါတယ်။

ကိုးကန့်တပ်ဖွဲ့အနေနဲ့ အစိုးရနဲ့ ငြိမ်းချမ်းရေးလိုလားမေပယ့် သူတို့အဖွဲ့ကို အစိုးရဖက်က အသိအမှတ်မပြုတဲ့ အတွက် အစိုးရက ထိုးစစ်ဆင်နေရင် တတ်နိုင်သလောက် ခုခံသွားမှာဖြစ်တယ်လို့လည်း ပြောပါတယ်။

ကိုးကန့်တပ်ဖွဲ့နဲ့အတွက် တအာင်းတပ်မတော်နဲ့ ရက္ခိုင့်တပ်မတော် တို့က ပူးပေါင်း တိုက်ခိုက်မှုတွေရှိ တယ်လို့ လည်း ပြောပါတယ်။

ဖေဖော်ဝါရီ ၉ ရက်ကစတင်ခဲ့တဲ့ လောက်ကိုင်တိုက်ပွဲတွေကြောင့် ဒီနေ့ထိ မြန်မာပြည်ဘက် ထွက်ပြေး တိမ်းရှောင်လာရတဲ့ စစ်ပြေးဒုက္ခသည်ဦးရေ ၈၀၀၀ ခန့် ရှိပြီး တရုတ်ပြည်ဖက်က မှာလည်း အမြောက်အများ ထွက်ပြေးတိမ်းရှောင်နေရပါတယ်။

မြေသိမ်းမှု မှတ်တမ်းများ

"ကရင်ပြည်နယ်မှာ အပစ်အခတ်ရပ်စဲပြီးတဲ့နာက်ပိုင်းမှာ မြေယာသိမ်းပိုက်မှုတွေ များလာတဲ့အတွက် အပစ်ရပ်မြေရှင်လူတန်းစား ပေါ်ထွက်လာပါတယ်"

ဦးအောင်ခင်, ကျော်ကျော်သိန်း

ရှမ်းပြည်နယ် (အရှေ့ ပိုင်း) မိုင်းဆက်မြို့ နယ်မှာ လယ်ယာမြေဧက လေးရာကျော်ကို စစ်တပ်က ပြန်လည်စွန့်လွှတ်ကြောင်း သမ္မတရုံး အင်တာနက်စာမျက်နာရဲ့  အဖွင့်စာမျက်နှာမှာ ဧပြီလ (၄) ရက်နေ့က ဖော်ပြပါတယ်။ သိမ်းယူထားတဲ့ ပမာဏကိုတော့ မဖော်ပြပါဘူး။ ၁၉၈၈ စစ်အစိုးရ တက်လာပြီး မကြာမီ မြေယာသိမ်းပိုက်မှုနဲ့ ရိက္ခာလုယူမှုတွေ ဖြစ်ပွားတာကို ကျောင်းသားလူငယ်အဖွဲ့၊ လူ့အခွင့်အရေးအဖွဲ့နဲ့ အရပ်သားအသင်းအဖွဲ့တွေက မှတ်တမ်းတင်ကြပါတယ်။ ရခိုင်၊ မွန်နဲ့ ရှမ်းပြည်နယ် တောင်ပိုင်းမှာ အစိုးရတပ်က မြေယာသိမ်းပိုက်ပြီး စီးပွားရှာပုံကို ရခိုင်၊ ပအို့ နဲ့ မွန်လူငယ်တွေက (၂၀၀၉) မှာ အစီရင်ခံစာ ထုတ်ဝေပါတယ်။

မြန်မာနိုင်ငံ အနှံအပြားမှာ မြေယာသိမ်းပိုက်ခံရလို့ ကျေးလက်လူထု ဒုက္ခရောက်ပုံကို ရန်ကုန်အခြေစိုက် "အလုပ်သမား၊ လယ်သမား သွေးစည်းညီညွှတ်ရေးအဖွဲ့ချုပ်" က (၂၀၁၁) မတ်လမှာ (၃၂) မျက်နှာ အစီရင်ခံစာ ထုတ်ပြန်ပါတယ်။ ၂၀၁၃ မတ်လရောက်တော့ စစ်တပ်က မြေယာသိမ်းပိုက်ပြီး ဒေသခံတွေကို အတင်းအဓမ္မ ရွှေ့ ပြောင်းတဲ့အကြောင်း ကရင်လူ့အခွင့်အရေးအဖွဲ့က "ရပ်တည်ရာ ပျောက်ဆုံးခြင်း" ဆိုတဲ့ (၉၂) မျက်နှာ အစီရင်ခံစာ ထုတ်ဝေပါတယ်။

ဦးသိန်းစိန်အစိုးရက ပြုပြင်ရေးလုပ်နေကြောင်း ပြောဆိုနေတုန်း (၂၀၁၁) နဲ့ (၂၀၁၂) မှာ လယ်သမားတွေ ရွှေ့ ပြောင်းခံရတာကို တင်ပြထားတာ ဖြစ်ပါတယ်။

ကရင်၊ မွန်၊ ပဲခူး နဲ့ တနင်္လာရီမှာ စစ်တပ်နဲ့ ပုဂ္ဂလိက ကုမ္ပဏီတွေ ပူးပေါင်းပြီး မြေယာအများအပြားသိမ်းယူပုံကို ကရင်လူ့အခွင့်အရေးအဖွဲ့က ဖော်ပြပါတယ်။ အပစ်အခတ်ရပ်စဲလိုက်တာနဲ့ စစ်ဘက်အရပ်ဘက် အာဏာပိုင်တွေ၊ အပစ်ရပ်တပ်ဖွဲ့တွေနဲ့ ပုဂ္ဂလိကလုပ်ငန်းရှင်တွေ ပူးပေါင်းပြီး မြေယာသိမ်းပိုက်တာ ဖြစ်ပါတယ်။ ကရင်ပြည်နယ်မှာ အပစ်အခတ်ရပ်စဲပြီးတဲ့နာက်ပိုင်းမှာ မြေယာသိမ်းပိုက်မှုတွေ များလာတဲ့အတွက် အပစ်ရပ်မြေရှင်လူတန်းစာ ပေါ်ထွက်လာပါတယ်။ ရှမ်းပြည်နယ်မှာ ပအို့အမျိုးသားအဖွဲ့နဲ့ ပအို့ပြည်သူစစ်က သိမ်းပိုက်ထားတဲ့ မြေယာတွေကို ပြန်ပေးဖို့ ပအို့တောင်သူလယ်သမားတွေ တောင်ကြီးမြို့ မှာ လွန်ခဲ့တဲ့ ဇန်နဝါရီလ (၈) ရက်နေ့က စီတန်းလမ်းလျှောက်ပြီး ဆန္ဒပြကြပါတယ်။ ဒါကိုကြည့်ရင် တိုင်းရင်းသားတပ်ဖွဲ့တွေကလည်း မြေယာမတရား သိမ်းပိုက်နေတာ ထင်ရှားပါတယ်။

အရပ်သားတပိုင်း အစိုးရပေါ်လာပြီး မကြာမီမှာ လယ်ယာမြေစုံစမ်းရေးကော်မရှင်ကို တိုင်ကြားတဲ့ မြေယာအမှုပေါင်း (၆၀၀၀) ကျော် ရှိပါတယ်။ ဒါပေမဲ့ စိုက်ပျိုးရေးနဲ့ ဆည်မြောင်းဝန်ကြီးဌာနက မြေယာအမှု (၇၀၀) ကျော်သာရှိပြီး (၄၀၀) ကျော်ကို ဖြေရှင်းပေးနိုင်ခဲ့တယ်လို့ ၂၀၁၄ မှာ ဖြေရှင်းတဲ့အတွက် လွှတ်တော်မှာ အတော်လေး မကျေနပ် ဖြစ်သွားပါတယ်။ နေပြည်တော်နယ်မြေမှာ စစ်တပ်က သိမ်းထားတဲ့ မြေယာအမှုကတင် (၂၀၀) ကျော် ရှိတာမို့ စိုက်ပျုိးရေးနဲ့ ဆည်မြောင်းဌာန ဖြေရှင်းချက်ဟာ ယုတ္တိမရှိဘူးလို့ မြင်ကြပါတယ်။ ဖြေရှင်းပေးတယ်ဆိုတဲ့ မြေယာအမှုမှာလည်း ပွင့်လင်းမြင်သာမှု မရှိဘူးလို့ လွှတ်တော်ကိုယ်စားလှယ်အချို့ က သုံးသပ်ပါတယ်။ မြေယာအမှုတွေမှာ လယ်သမားဘက်က အကျိုးဆောင်သူထဲမှာ မင်္ဂလာဒုံအခြေစိုက် "မတူကွဲပြားခြင်း နှင့် ငြိမ်းချမ်းရေးပါတီ" ကို လူသိများပါတယ်။

မြေယာသိမ်းပိုက်မှုကို လေ့လာနေကြတဲ့ နိုင်ငံခြားအဖွဲ့အစည်းတွေထဲမှာတော့ လန်ဒန်အခြေစိုက် Global Witness အဖွဲ့ဟာ ထင်ရှားပါတယ်။ မြန်မာနိုင်ငံမှာ ရာဘာလုပ်ငန်း တိုးချဲ့ လာတဲ့အတွက် မြေမဲ့ယာမဲ့တွေ တိုးပွားလာတဲ့အကြောင်း (၂၀၁၄) မတ်လမှာ Global Witness အဖွဲ့က အစီရင်ခံစာ ထုတ်ပါတယ်။ (၂၀၁၅) မတ်လရောက်တော့ အရှေ့ မြောက်တိုင်း စစ်ဌာနချုပ်၊ ခရိုနီ နဲ့ မြေစာရင်းဦးစီးဌာနတို့ ပူးပေါင်းပြီး မြေယာအများအပြား သိမ်းပိုက်ပုံကို Guns, Cronies and Crops ဆိုတဲ့ (၅၆) မျက်နှာ အစီရင်ခံစာကို ထုတ်ပြန်လိုက်ပါတယ်။ လက်ရှိ စိုက်ပျိုးရေးနဲ့ ဆည်မြောင်းဝန်ကြီး ဦးမြင့်လှိုင် တိုင်းမှူးလုပ်ခဲ့စဉ်က မြေယာအများအပြား သိမ်းယူခဲ့တာ ဖြစ်ပါတယ်။ ၂၀၀၆ ပုဂ္ဂလိကပိုင် စီမံကိန်းကာလမှာ အရှေ့ မြောက်တိုင်း စစ်ဌာနချုပ်အမိန့်အရ လားရှိုးမြေစာရင်းဦးစီးဌာနနဲ့ စစ်ဗိုလ်တွေ ပူးတွဲပြိး မြေယာသိမ်းယူပုံကို ဖော်ပြပါတယ်။

လားရှိုးအခြေစိုက် အရှေ့ မြောက်တိုင်းစစ်ဌာနချုပ်ဟာ ရှမ်းပြည်အရှေ့ မြောက်မှာ ဧက (၂) သိန်းနီးပါး သိမ်းယူပြီး ရာဘာစိုက်ခွင့် ပေးထားပါတယ်။ မြေယာသိမ်းပိုက်မှုမှာ စိန်ဝတ်မှုံကုမ္ပဏီဟာ ထင်ရှားပါတယ်။ Global Witness အစီရင်ခံစာ အခန်း (၃) တခုလုံး စိန်ဝတ်မှုံအကြောင်း ရေးထားပါတယ်။ ဗိုလ်ချုပ်တွေနဲ့ ရင်းနှီးတဲ့ မြန်မာပြည်ဖွား တရုတ်အမျိုးသား ဦးမောင်မြင့်ပိုင်တဲ့ ကုမ္ပဏီ ဖြစ်ပါတယ်။ အရှေ့ မြောက်တိုင်း စစ်ဌာနချုပ်က မြေယာသိမ်းပိုက်ယူပြီး စိန်ဝတ်မှုံကုမ္ပဏီကို လွှဲပေးတာလို့ ဆိုပါတယ်။ ခမရ (၆၈) က ဗိုလ်ချုပ်မျိုးရီ နဲ့ အရာရှိအချို့ ကို စိန်ဝတ်မှုံကုမ္ပဏီရဲ့  ကိုယ်စားလှယ်အဖြစ် ဖော်ပြပါတယ်။

အခုတော့ ဗိုလ်ချုပ်မျိုးရီဟာ စိန်ဝတ်မှုံအမှုထမ်း ဖြစ်နေပါပြီ။ မြေသိမ်းတဲ့ ခရိုနီတွေထဲမှာ မန်ပန်ပြည်သူ့စစ်အဖွဲ့ဝင် လွှတ်တော်ကိုယ်စားလှယ် ဦးရှောက်ချမ်း နဲ့ ဦးကျင်ဝမ်းတို့လည်း ပါဝင်ပါတယ်။ စိန်ဝတ်မှုံအတွက် တိုင်းမှူးလုပ်သူက မြေယာသိမ်းယူခဲ့တာ ဖြစ်ပါတယ်။ ကြံ့ဖွံ့ပါတီကလည်း မြေဧက (၁) ထောင်ကျော်ရရှိတဲ့ အထောက်အထား ရှိပါတယ်။ အခုတော့ ကြံ့ဖွံ့ပိုင်မြေယာ မတွေ့ရတဲ့အတွက် စိန်ဝတ်မှုံနဲ့ အခြားကုမ္ပဏီတွေကို ရောင်းစားလိုက်ပုံ ရပါတယ်။ မြေယာတွေကို ပြန်ပေးဖို့ ၂၀၁၂ ကစပြီး ဒေသခံတွေက သက်ဆိုင်ရာအာဏာပိုင်ဆီကို ပန်ကြားလွှာပေးပို့ပေမယ့် အကြောင်းမပြန်ဘူးလို့ Global Witness အဖွဲ့ရဲ့  မတ်လထုတ် (၅၆) မျက်နှာ အစီရင်ခံစာမှာ ဖော်ပြထားပါတယ်။
http://burmese.voanews.com/content/news-analysis-burmese-perception-of-china/2712271.html

NCCT နှင့် UPWC တို့အကြားသဘောတူလက်မှတ်ထိုးခဲ့သည့် အပစ်ရပ်စဲရေးစာချူပ် မူကြမ်းအပေါ် UNFC သဘောထားထုတ်ပြန်ချက်

UNFC Stmt on NCA Final Draft (7Apr2015)_Bur (1)

Type the rest of your post here.

ငြိမ်းချမ်းရေး စစ်တမ်း (၁၄)

ကျောင်းသားဆန္ဒပြမှုအကြမ်းဘက်ဖြိုခွဲခံလိုက်ရခြင်းအပေါ်ဘယ်လို အရေးယူဆောင်ရွက်သင့်သလဲ။

မတ်လ (၁၀) ရက်နေ့ တွင် လက်ပံတန်း၌ ကျောင်းသားဆန္ဒပြပွဲ အကြမ်းဘက် ဖြိုခွဲခံလိုက်ရခြင်းအား ဥပဒေ
၊ဥပဒေစိုးမိုးရေး နှင့် ဥပဒေစိုးမိုးရေး၏အခြေခံဖြစ်သော တိုင်းပြည်အဆောက်အအုံရှုဒေါင့်များအပြင် ပြည်တွင်းငြိမ်းချမ်း
ရေး ပြသနာများနှင့်ပါ ဆက်စပ်သုံးသပ်ရန် လိုအပ်လာပါသည်။

တနိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်မူကြမ်း (Final Draft) ကို နှစ်ဘက်သဘောတူ ရေးပြီးကြောင်းအတည်ပြုချက် လက်မှတ်ထိုးသည့် မတ်လ (၃၁) ရက်နေ့ ညနေမှာပင် ဒုတိယဗိုလ်ချုပ်ကြီးမြင့်စိုးက ကာချုပ်၏ မူ (၆) ချက်ကို မီးမောင်းထိုးပြောသွားခဲ့သည်။ ယင်း၏ အနှစ်သာရမှာ တည်ဆဲဥပဒေများကို လိုက်နာရန် နှင့် ၂၀၀၈ ဖွဲ့ စည်းပုံဘောင်အတွင်း ၀င်ရောက်ရန်ဖြစ်သည်။ ကျောင်းသားသပိတ်ကို ဖြိုခွဲခြင်းမှာ ဥပဒေနှင့်အညီ
ဖြစ်ကြောင်း ပြစ်မှုဆိုင်ရာ ကျင့်ထုံးဥပဒေ နှင့် ၂၀၁၁ ခုနှစ် ငြိမ်းချမ်းစွာ စုဝေးခွင့်နှင့် စီတန်းလှည့်လည်ခွင့် ဥပဒေ တို့ ကိုကိုးကားလျှက် စစ်အစိုးရအာဏာပိုင်များက ခုခံဖြေရှင်းခဲ့သည်။ ထိုမျှမက အခြားအရေးကြီး ကိစ္စရပ်များ၊ ပြသနာများ အားလုံးနီးပါးမှာပင် လက်ရှိစစ်အစိုးရသည် ဥပဒေ၊ ဖွဲ့ စည်းပုံအခြေခံဥပဒေ စသည်များကို ထပ်ခါ တလဲလဲ ကိုးကား သုံးစွဲလာခဲ့သည်။

သို့ ဖြစ်၍ လူထုများအနေဖြင့် ဥပဒေ၊ ဖွဲ့ စည်းပုံအခြေခံဥပဒေ၊ ဥပဒေစိုးမိုးရေး စသည်တို့ ၏ အခြေခံများကို မှန်ကန်စွာနားလည်နိုင်မှသာ ဥပဒေထောင်ချောက်ကိုရှောင်လွှဲနိုင်၊ ဥပဒေအရ ဖိနှိပ်မှုများကို တုန့် ပြန်နိုင်၊ ငြိမ်းချမ်းမှု နှင့် တိုးတက်ဖွံ့ဖြိုးမှုများအား ဥပဒေစိုးမိုးရေး အခြေခံများမှ ချဉ်းကပ်ရာတွင် အထောက်အပံ့ ရနိုင်ပါမည်။ ယင်းတို့ နှင့် ဆက်စပ်လျှက် DVB Debate အစီအစဉ်[1] တွင် ကျောင်းသားဆန္ဒပြမှုအား အကြမ်းဘက်ဖြိုခွဲခံခဲ့ရခြင်းအပေါ် ဆွေးနွေး
ခဲ့ ကြပုံရသည်။။

ယင်းတွင် ဦးဆောင်ဆွေးနွေးသွားခဲ့သူ ပုဂ္ဂိုလ်တဦးက “ဥပဒေဟာ အုပ်ချုပ်တဲ့ အစိုးရ နှင့် အုပ်ချုပ်ခံပြည်သူ
အကြားမှာ သဘောတူ ညီချက်ဖြစ်တယ်။ လူအုပ်စု A ကို ဖြိုခွဲခြင် တဲ့ အတွက် လူအုပ်စု B ကို အမိန့် ပေးနိုင်သူတဦး
က သွားဖြိုခွဲကွာ လို့ ခိုင်းလိုက်တာ။ ဥပဒေနှင့် ညီသလားဆိုရင် ဥပဒေထဲမှာ ရေးထားတဲ့ စကားလုံးတွေနဲ့ လိုက် တိုက်ရင် ညီသလို ရှိတယ်။ ဥပဒေရဲ့ အနှစ်သာရကိုကြည့်ရင် အုပ်ချုပ်သူ အစိုးရနဲ့ အုပ်ချုပ်ခံသူလူထုအကြား မျှမျှတတရှိတဲ့ ဥပဒေဟု ပြောလို့ မရ။” ဟူ၍ ဆွေးနွေးသွားခဲ့သည်။


DVB Debate အစီအစဉ်မှာ တနိုင်ငံလုံးလေ့လာခွင့်ရအောင် ထုတ်လွှင့်ခြင်း ဖြစ်သဖြင့် ဦးဆောင် ဆွေးနွေးခဲ့
သူအနေဖြင့် ဥပဒေနှင့်စပ်လျှဉ်း၍ အနီးစပ်ဆုံးမှန်ကန်သည့် ဖွင့်ဆိုချက်ကို ပြုမှသာ အကျိုးရှိ နိုင်ပါမည်။ သို့ မဟုတ် ပြသနာအပေါ်လူထု၏ သုံးသပ်မှု ရှုတ်ထွေးသွားဘွယ် ရှိသည်။ “အုပ်ချုပ်တဲ့ အစိုးရ နှင့် အုပ်ချုပ်ခံ ပြည်သူအကြားမှာ သဘောတူညီချက်” ဟူသည့် ဖွင့်ဆိုချက်မှာ ဖွဲ့ စည်းပုံအခြေခံဥပဒေ Constitution ကိုသာ ရည်ညွှန်းခြင်းဖြစ်သည်။ ရိုးရိုး ဥပဒေဖြစ်သည့် Law သို့ မဟုတ် Act များကို ဆိုလိုခြင်း မဟုတ်ပါ။ ရိုးရိုးဥပဒေ အားလုံးမှာ အစိုးရအာဏာ ပိုင် များ အပါအ၀င် နိုင်ငံတွင်းရှိ လူတဦးချင်းစီတိုင်း လိုက်နာရမည့် ပြဌာန်းချက်များသာ ဖြစ်သည်။ သဘောတူညီချက် မဟုတ်ပါ။ လူ့ သမိုင်းတွင် ရိုးရိုး ဥပဒေများက အရင်ပေါ်ပေါက်လာကြခြင်းဖြစ်ပြီး ဖွဲ့ စည်းပုံအခြေခံဥပဒေက နောက်မှ ဖြစ်တည်လာပါသည်။ ကမ္ဘာပေါ်၌ သက်တမ်းအရှည်ကြာဆုံးဟု ဆိုသော အမေရိကန် ပြည်ထောင်စု၏ ဖွဲ့ စည်းပုံ အခြေခံ ဥပဒေသည်ပင် နှစ်ပေါင်းနှစ်ရာကျော်မျှသာ ရှိသေးသည်။
ဥပဒေဟူသည်မှာ မည်သည့်အရာဖြစ်သည်ကို တကမ္ဘာလုံးက တညီတညွတ်တည်း လက်ခံထားသည့် အဓိပ္ပါယ်ဖွင့်ဆိုချက် မရှိပါ။ ဥပဒေပညာရှင်ကြီးအချို့ ၏ ရှင်းလင်းချက်များအပေါ်အခြေပြုလျှက် မိမိကိုယ်ပိုင်အတွေး အမြင် နှင့် အတွေ့ အကြုံများနှင့် ပေါင်းစပ်ကာ ခေတ်မှီတိုးတက်သော ဒီမိုကရေစီ နိုင်ငံကြီးများက လက်ခံသည့် ဥပဒေ၏ ယေဘုယျ သဘောကို စာရေးသူအနေဖြင့် အောက်ပါအတိုင်း နားလည် ဖွင့်ဆိုပါသည်။


“ဥပဒေဟူသည်မှာ လူ့အဖွဲ့အစည်းက လက်ခံကျင့်သုံးသော ကိုယ်ကျင့်တရား၊ စံထားချက်၊ နိုင်ငံရေး
အတွေးအခေါ်များ နှင့် သက်ဆိုင်ရာ လူ့အဖွဲ့အစည်း၏ ပကတိလိုအပ်ချက် နှင့် အနာဂါတ်မျှော်မှန်း
ချက်များကို ထင်ဟပ်သော အရာဖြစ်သည်။
လူတစ်ဦးချင်းစီနှင့် လူ့အဖွဲ့အစည်းတစ်ရပ်လုံး၏ လွတ်လပ်မှု၊ လုံခြုံမှု၊ ငြိမ်းချမ်းမှု၊ တည်ငြိမ်မှု၊ တိုးတက်မှု
တို့ကို ပံ့ပိုးဖော်ဆောင်ပေးနိုင်ရေး ဦးတည်ချက်နှင့် သက်ဆိုင်ရာနိုင်ငံ၏ တရားဝင် ဥပဒေပြုအဖွဲ့ကနေ၍ တိတိကျကျ ဝေါဟာရများအသုံးပြုကာ လူတဦးချင်းစီ၏ အခွင့်အရေး နှင့် တာဝန်များ ကို သတ်မှတ်ပေးထား
သည့် အရာ (သို့ မဟုတ်) လူအများ၏ ပြုမူကျင့်ကြံမှုအပေါ် ထိန်းကျောင်း၊ ကန့်သတ်၊ ခွင့်ပြု၊ ပြဋ္ဌာန်းထား
သည့် အရာဖြစ်သည်။”


ကျောင်းသားဆန္ဒပြပွဲကို အကြမ်းဘက်ဖိနှိပ်နှိမ်နင်းရာတွင် လူအုပ်စု တစုကို ဖြိုခွဲခြင်သဖြင့် အမိန့် ပေးနိုင်သူ တဦးက အခြားလူအုပ်စုတစုကိုခိုင်းခြင်းမှာ ဥပဒေနှင့်ညီသလိုရှိကြောင်း ဟူသော ဖွင့်ဆိုချက်မှာလည်း မမှန်ပါ။ ယင်းသို့ ဖွင့်ဆိုခြင်းဖြင့် ဆန္ဒပြပွဲကို ဖြိုခွဲရန် စစ်အစိုးရက စွမ်းအားရှင်များအားအသုံးပြုခြင်းမှာ ဥပဒေအရတရားဝင် လိုလို အဓိပ္ပါယ်သက်ရောက်သွားစေသည်။

ပြစ်မှုဆိုင်ရာကျင့်ထုံးဥပဒေပုဒ်မ ၁၂၇ အရ အများပြည်သူ ငြိမ်းချမ်းမှုကို နှောက်ယှက်ဖျက်ဆီးသော လူစု လူဝေးအား ပုဒ်မ ၁၂၈ အရဖြိုခွဲရန် ရဲအရာရှိက အကူအညီတောင်းနိုင်သူမှာ အခြားလူအုပ်စု တစုမဟုတ်ပါ။ လူ ပုဂ္ဂိုလ်တဦးချင်းကိုသာ ရည်ညွှန်းသည်။ ဥပဒေတွင် (မြန်မာဘာသာဖြင့်) မည်သည့်အမျိုးသားကို မဆို၊ (အင်္ဂလိပ် ဘာသာဖြင့်) Any male person ဟု အတိအကျ သုံးထားသည်ကို လေ့လာခြင်းဖြင့် ရှင်းပါသည်။ စစ်အစိုးရက စွမ်းအားရှင် အနေဖြင့် စနစ်တကျဖွဲ့ စည်းထားသည့် လက်ကိုင်တုတ်အဖွဲ့ အားသုံး၍ ပြည်သူလူထု၏ ငြိမ်းချမ်းစွာ ဆန္ဒပြမှုများအား အကြမ်းဘက် ဖြိုခွဲခြင်းမှာ မည်သည့် တည်ဆဲဥပဒေနှင့်မျှ မညီပါ။


ပထမ ကမ္ဘာစစ်ကြီးပြီးသည့် နောက် ၁၉၂၀ ခုနှစ် နှင့် ၁၉၃၀ ခုနှစ်များအတွင်း ဂျာမနီနိုင်ငံတွင် နာဇီပါတီ ပါတီက ဖွဲ့ စည်း ခဲ့သည့် ရှပ်ညိုတပ်ဟူ၍ လူသိများခဲ့သော အရပ်သားတပိုင်းစစ်ရေးအင်အားစု Sturmabteilung (SA) သည် ဟစ်တလာအာဏာရလာရေးကို အဓိက ပံ့ပိုးပေးခဲ့သည်။ ၄င်းတို့ သည် နာဇီပါတီက ဦးဆောင်ကျင်းပခဲ့သည့် တရားပွဲ များအား ကာကွယ်စောင့်ရှောက်ခြင်း၊ နာဇီပါတီကို ဆန့် ကျင်သည့် နိုင်ငံရေးအင်အားစုများအားအကြမ်းဘက် ဖြိုခွဲ ခြင်း၊ အုပ်စု အင်အားကို စနစ်တကျသုံးကာ အတိုက်အခံလှုပ်ရှားသူများအား လုပ်ကြံသတ်ဖြတ်ခြင်းစသည်တို့ ကို ကျူးလွန်ခဲ့ကြသည်။ ထိုစဉ်က ဟစ်တလာသည် လူထုအတွင်း အကြောက်တရား ဖန်တည်းခြင်းအားဖြင့် မိမိလိုခြင် သည့် အာဏာရည်မှန်းချက် ပန်းတိုင်ကို လှမ်းကိုင်ရယူသွားနိုင်ခဲ့သည်။ ဥပဒေစိုးမိုးရေး ကင်းမဲ့သည့် နိုင်ငံမှန်သမျှ တွင် အုပ်စိုးသူ အာဏာရှင်များသည် အကြောက်တရား ဖန်တည်းကာ အုပ်ချုပ်လေ့ရှိကြမြဲဖြစ်သည်။


လက်ရှိ မြန်မာနိုင်ငံတွင် နိုင်ငံနှင့် အ၀ှမ်းဖြစ်ပွားခဲ့သည့် အဓိကရုဏ်းများအတွင်း မည်သည့်နေရာကေ၇ာက် လာမှန်းမသိသော လူစု လူဝေး များသည် စနစ်တကျနှင့် အကြမ်းဘက်မှုများကျူးလွန်ခဲ့ကြောင်း သတင်းများထွက်ပေါ် ခဲ့သည်မှာ ကြာပါပြီ။ ရန်ကုန်မြို့တော် ခန်းမရှေ့တွင် အရပ်ဝတ် စွမ်းအားရှင်ဆိုသူများအား အသုံးပြုပြီး ဆန္ဒပြကျောင်း
သားများအား ဖြိုခွင်းခဲ့မှု နှင့် လက်ပံတန်းတွင် ရဲ ယူနီဖေါင်းဝတ်ထားသူများက မတန်တဆအင်အားကို အသုံးပြုကာ ကျောင်းသားများအပေါ် အကြမ်းဘက်ခဲ့များကို တွေ့ လိုက်ရသောအခါ ဦးသိန်းစိန် စစ်အစိုးရသည် စွမ်းအားရှင်အဆင့် ထက်ပို၍မြင့်ကာ ဂျာမနီနိုင်ငံမှာ ကဲ့သို့ အရပ်သားတပိုင်းစစ်ရေးအင်အားစု Sturmabteilung (SA) မျိုး တခုခု ကို ဖွဲ့ စည်းအသုံးချနေပြီလားဟု လေ့လာရန်လိုအပ်လာသည်။


ဆန္ဒပြမှုကို အကြမ်းဘက် ဖြိုခွဲပြလိုက်ခြင်းဖြင့် ကျောင်းသားများကိုသာမက ငြိမ်းချမ်းစွာစုဝေးကာ မိမိတို့ ၏ ဆန္ဒကို ထုတ်ဖေါ်ရန် ကြိုးစားသော လူထုကြီးတရပ်လုံးအတွင်းတွင်ပါ အကြောက်တရားဖန်တည်းလိုက်ခြင်းဖြစ်သည်။ ဤသည်မှာ စစ်မှန်သော ဥပဒေစိုးမိုးမှု ကင်းမဲ့သည့် ပြယုဂ်ပင်။ ဥပဒေစိုးမိုးမှုကင်းမဲ့နေသမျှ မည်သည့်အခါတွင်မျှ ငြိမ်းချမ်းမှု မရနိုင်။ အကျိုးဆက်အနေဖြင့် လူ့ အခွင့်အရေးများလည်း ဆိတ်သုဉ်းနေပါမည်။


DVB Debate အစီအစဉ်တွင် ကျောင်းသားများ၏ အခွင့်အရေးဆုံးရှုံးနစ်နာခဲ့ရမှုများကို အကျိုးအကြောင်း အချက်အလက်များ နှင့် ထောက်ပြ ဆွေးနွေးနိုင်ခဲ့သည့် ရန်ကုန်တိုင်းလွှတ်တော်အမတ် ဒေါက်တာ ဒေါ်ညိုညိုသင်း အား အသိအမှတ်ပြုရပါမည်။ သို့ ရာတွင် သူမ၏ သုံးသပ်ချက်နှစ်ရပ်ကို ထောက်ပြဝေဘန်လိုသည်။ ပထမ တရပ်မှာ “ရိုးရိုးဥပဒေရေးရာရှုဒေါင့်ကနေသာ ကြည့်လို့ မရ၊ အစိုးရက နိုင်ငံရေးအရ ပေးထားတဲ့ ကတိကိုချိုးဖေါက်တာဖြစ် တယ်” ဟူသည်ပင်။ ဤသည်မှာမူ လွဲနေပါသည်။ ပြောင်းပြန်ဖြစ်နေသည်။ နိုင်ငံရေးအရပေးထားသောကတိ ကို ချိုး ဖေါက်ပါက ဥပဒေကြောင်းအရ အရေးယူဆောင်ရွက်ရန် ကြိုးပမ်းရပါမည်။ အထူးသဖြင့် နိုင်ငံရေးကတိ ကို ရိုးရိုးချိုး ဖေါက်ရုံသာမကဘဲ မတရားအကြမ်းဘက်မှုကြီးကို ကျူးလွန်လိုက်သောအခါ ဥပဒေကြောင်းအရ ထိရောက်စွာ အရေး
ယူရန် နည်းလမ်းရှာရမည် မုချဖြစ်သည်။ ယင်းသို့ ရှာဖွေ၍ မရနိုင်သောအခါကျမှသာ အခြားနည်းများကို ကြိုးပမ်းဘို့  လိုအပ်လာနိုင်ပါမည်။


ဒုတိယ တခုမှာ ဥပဒေအရ နိုင်ငံသားတွေက အစိုးရကို တရားစွဲလို့ ရသလား ဟူ၍ ပရိသတ်တဦး၏ မေးခွန်း အား “၂၀၀၈ ဖွဲ့ စည်းပုံအခြေခံဥပဒေအရ စာချွန်တော်မှာ ပေးထားတဲ့ အခွင့်အရေးကို ယူဘို့ ဥပဒေပညာရှင်တွေကို တိုက်တွန်းခြင်တယ်။” ဟု သူမက ဖြေကြားသွားခဲ့သည်။ စာချွန်တော် ၏ သဘာဝကို သူမကိုယ်တိုင် နားမလည်ပါဘဲ
လျှက် ဥပဒေပညာရှင်များအား ဆရာလုပ်နေသလားဟု စဉ်းစားဘွယ်ဖြစ် သည်။ စာချွန်တော်ဟူသည်မှာ မတရားမှု ကျူးလွန်ခံရသူ၏ အခွင့်အရေးကို အကာအကွယ်ပေးရန် တရားလွှတ်တော်ချုပ်သို့ မေတ္တာရပ်ခံချက်မျှသာဖြစ်သည်။[2] မတရားမှုကျူးလွန်သူ အစိုးရအာဏာပိုင်များအား အပြစ်ပေးနိုင်ရန် တရားစွဲဆိုခြင်းမဟုတ်ပါ။ အစိုးရအာဏာပိုင်များကို ရိုက်နှက်ဆုံးမလို့ ရတဲ့ ၀ါးရင်းတုတ်က ဘယ်ဟာလဲ ဟု လူထုကမေးသည်။ ဒေါက်တာ ဒေါ်ညိုညိုသင်းက ကျူရိုး ကလေးကို ပြနေသကဲ့သို့ ဖြစ်သည်။ သူမသည် အနာကိုတွေ့ ပါလျှက် ဆေးကို မမြင်သည့် ဘ၀ သို့ ကျရောက်လျှက်သည်။


အိန္ဒိယ နိုင်ငံတွင် ၀န်ကြီးချုပ်အင်ဒီရာဂန္ဒီ အုပ်ချုပ်ခဲ့စဉ်က အတိုက်အခံနိုင်ငံရေးသမားများအား မတရား ဖမ်းဆီးမှုများပြုခဲ့သောအခါ ဖမ်းဆီးခံ မိသားစုဝင်များက တရားလွှတ်တော်ချုပ်သို့ မေတ္တာရပ်ခံလျှောက်ထားသော အခါ ရှေ့ တော်သွင်းစာချွန်တော် (Habeas Corpus) ကို အသုံးပြု၍အကာအကွယ်ပေးခဲ့သည်။ မြန်မာနိုင်ငံတွင် ၀န်ကြီးချုပ်ဦးနုခေတ်တွင် လည်း အလားတူပင်ကြုံတွေ့ ခဲ့ရသည်။ စာချွန်တော်များက နစ်နာသူများ၏ အခွင့်အရေး ကို တစုံတရာအကာအကွယ်ပေးနိုင်ခဲ့ခြင်းမှာ အိန္ဒိယ နိုင်ငံနှင့် (ထိုစဉ်က) မြန်မာနိုင်ငံတို့ တွင် လွတ်လပ်၊ ဘက်မ လိုက်၊ ထက်မြက်သော တိုင်းပြည်အဆောက်အအုံ (State Institution) ဖြစ်သည့် တရားစီရင်ရေး အားကောင်းသော
ကြောင့်ဖြစ်သည်။ လက်ရှိမြန်မာနိုင်ငံတွင်မူ ၂၀၀၈ ဖွဲ့ စည်းပုံ၏ ထိန်းချုပ်မှုအောက်တွင် တရားစီရင်ရေးသည် အစိုးရ အာဏာပိုင်များကို ကြောက်နေရကြောင်းအားလုံးအသိပင်။ စာချွန်တော်မျှလောက်နှင့် မည်သို့ မျှထိရောက်စွာ အရေး ယူ နိုင်ဘွယ်မရှိပါ။ ဆွန်လွတ်ရော်ဂျာ မှုခင်းတွင် ၂၀၀၈ ဖွဲ့ စည်းပုံအရ ပြဌာန်းထားသည့် စာချွန်တော် ကို အသုံးပြုခဲ့
သော်လည်း မည်သည့် အကူအညီမျှမရခဲ့။ ဥပဒေစိုးမိုးရေးအတွက် အထောက်အပံ့စိုးစဉ်းမျှ မဖြစ်ခဲ့။


ဥပဒေစိုးမိုးရေးသည် ဆဒ္ဒါန် ဆင်မင်းနှင့် သဏ္ဍာန်တူသည်။ စာချွန်တော်များထည့်သွင်းပြဌာန်းထားသည့် ၂၀၀၈ ဖွဲ့ စည်းပုံအခြေခံဥပဒေသည် ကြွက်တွင်းမျှသာဖြစ်သည်။ ဆဒ္ဒါန်ဆင်မင်းအား ကြွက်တွင်း အတွင်းသို့ ဝင် ရောက်ရန် ဒေါ်ညိုညိုသင်းက တိုက်တွန်းနေသည့် သဘောရှိသည်။ ဆဒ္ဒါန်ဆင်မင်းသည် မည်သည့်အခါမျှ ကြွက်တွင်း
အတွင်းသို့ ဝင်ရောက်မည် မဟုတ်ပါ။ ယင်းကို နင်းခြေကာ မဟာမြိုင်တောကြီးအတွင်းသို့ အိနြေ္ဒရစွာ လျှောက်လှမ်း သွားမည်သာ ဖြစ်သည်။ ဒေါ်အောင်ဆန်းစုကြည်၊ ဒေါ်ညိုညိုသင်း စသူတို့ ကိုယ်တိုင်မှာမူ ၂၀၀၈ ဖွဲ့ စည်းပုံအခြေခံ ဥပဒေ ကြွက်တွင်း အတွင်းသို့ ဝင်ရောက်သွားကြပြီးနောက် လွှတ်တော်အတွင်းတွင် လူထုအတွက်မည်သည်ကိုမျှ လုပ်၍ကိုင်၍ မရနိုင်တော့ကြောင်း အထင်အရှားဖြစ်သည်။ တခါတရံကြွက်တွင်းအ၀ကလေးသို့ ထွက်လာကာ လူကြားရုံမျှ တစာစာ အော်ဟစ်ပြောဆိုနေရသည့် ဘ၀သို့ သာ ကျရောက်လျှက်ရှိသည်။


လူထုတွင် မကုန်ခမ်းနိုင်သော စွမ်းရည်များရှိသည်။ DVB Debate အစီအစဉ်တွင် ပရိသတ်အတွင်းမှ အခြေခံ လူထု အချို့ ၏ စွမ်းရည်ကို အရိပ်အယောင်မျှ မြင်လိုက်ရသည်။ ပထမ တဦးမှာ ဒေါ်ခင်လှလှ ဖြစ်သည်။ “ဥပဒေက အပေါ်ကလား၊ အမိန့် အာဏာက အပေါ်ကလား” ဟူ၍ သူမက မေးမြန်းသွားခဲ့သည်။ ဥပဒေစိုးမိုးရေး၏ အရေးအကြီး ဆုံးအခြေခံမူများအနက် တရပ်ကို သူမက ထောက်ပြခဲ့ခြင်းဖြစ်ကြောင်း မည်သူမျှ ရိပ်စားခဲ့မိပုံမရ။ ဥပဒေ (Law) နှင့် အာဏာ (Power) ၏ ဆက်စပ်မှုကို နားမလည်ပါက ဥပဒေစိုးမိုးရေးကို မသိမြင်နိုင်ပါ။ လူ့ အဖွဲ့ အစည်းတိုင်း၊ တိုင်းပြည်တိုင်းတွင် အာဏာသည် အရေးကြီးသည်မှန်သော်လည်း အာဏာကိုသာ အဓိကထားလွန်းနေပါက လူထု၏ အခွင့်အရေးများထိခိုက်ဆုံးရှုံးပါမည်။ သို့ ဖြစ်၍ အာဏာကို ကန့် သတ်ရန် ဥပဒေပေါ်လာခြင်းဖြစ်သည်။ ဤသည်မှာ ဥပဒေစိုးမိုးရေး အယူအဆဖြစ်သည်။ ယင်းအခြေခံတွင် တိုးတက်ထွန်းကားသော ဒီမိုကရေစီ နိုင်ငံကြီးများသည် အာဏာ နိုင်ငံ (Power State) အစား ဥပဒေနိုင်ငံ (Law State) ဖြစ်အောင် ကြိုးစားတည်ဆောက်နေကြရခြင်း ဖြစ်သည်။


ဥပဒေအမြောက်အများတည်ရှိရုံ၊ မွေးထုတ်နေရုံမျှဖြင့်လည်း ဥပဒေနိုင်ငံ (Law State) မဖြစ်နိုင် ပါ။ ဒုတိယ ကမ္ဘာစစ်အတွင်း မူဆိုလိုနီ အုပ်ချုပ်ခဲ့သည့်အီတလီနိုင်ငံတွင် ဒီမိုကရေစီ နိုင်ငံများထက်ပို၍ပင် ဥပဒေအရေအတွက် အမြောက်အများတည်ရှိခဲ့သည်။ သို့ ရာတွင် ယင်းဥပဒေများသည် အာဏာကို ကန့် သတ်ခြင်းမဟုတ်၊ အာဏာကို အားကောင်းအောင်သာ ပံ့ပိုးပေးခဲ့သည်။ ယခု မြန်မာနိုင်ငံသည် ထိုစဉ်က အီတလီ နိုင်ငံကဲ့သို့ ဖြစ်နေသည်။ ၂၀၀၈ ဖွဲ့ စည်းအခြေခံဥပဒေအရ တည်ထောင်ထားသော စစ်အစိုးရ၏လွှတ်တော်က ပြဌာန်းလိုက်သည့် ဥပဒေများသည် အာဏာကို မကန့် သတ်ဘဲ ပိုမိုပြင်းထန်လာအောင်သာ ပံ့ပိုးပေးနေသည်။ ဥပဒေစိုးမိုးရေး အခြေခံနှင့် ပြဒါးတလမ်း သံတလမ်း ဖြစ်နေသည်။


စင်စစ်အားဖြင့်မူ ၁၉၄၈ မှ ၁၉၆၂ ခုနှစ်ကာလအတွင်း ဒီမိုကရေစီခေတ်တွင် ငြိမ်းချမ်းစွာ စုဝေးဆန္ဒပြမှုများ အား ရဲ အက်ဥပဒေဖြင့်သာ ကိုင်တွယ်ဆောင်ရွက်ခဲ့သည်။ ယင်းအတွက်နောက်ထပ် ဥပဒေတရပ်ပြဌာန်းပေးခဲ့ခြင်း မရှိပါ။ ယခု စစ်အစိုးရလက်ထက်တွင် ပေါ်ထွက်လာသည့်၂၀၁၁ ခုနှစ် ငြိမ်းချမ်းစွာ စုဝေးခွင့်နှင့် စီတန်းလှည့်လည်ခွင့် ဥပဒေသည် လူထု၏ အခွင့်အရေးကို ပြဌာန်းပေးသယောင်ဖြင့် စစ်အစိုးရ၏ ချုပ်ကိုင်မှုအာဏာကို တည်ဆောက်ပေး ထားခြင်းဖြစ်သည်။ မြန်မာနိုင်ငံတွင် ဥပဒေအသစ်မှန်သမျှ
သည် အဟောင်းများထက် ပို၍ကောင်းမွန်သည်ဟု ယူဆ လျှင် တက်တက်စင် လွဲပါမည်။ အင်္ဂလိပ်အစိုးရလက်ထက်က ပြဌာန်းခဲ့သော အချို့ ဥပဒေများမှာ ခေတ်နှင့် မညီတော့ ဟူသည်မှာ အတိုင်း အတာတခုအထိ မှန်သည်များရှိသည်။ သာဓက အားဖြင့် ၁၉၂၃ ခုနှစ် နိုင်ငံတော်လျှို့ ဝှက်ချက် ဥပဒေ 1923 State Secrets Acet ကဲ့သို့ သော ဥပဒေမျိုးဖြစ်သည်။


တချိန်တည်းမှာပင် ဗြိတိသျှခေတ်နှင့် လွတ်လပ်ပြီးခေတ်က ပြဌာန်းခဲ့သော ဥပဒေအဟောင်းများသည် နောက်ပိုင်းစစ်အစိုးရ အဆက်ဆက် ပြဌာန်းခဲ့သည့် ဥပဒေအသစ်အတော်များများ ထက် အဆများစွာ ပိုမိုကောင်း မွန်ကြောင်းတွေ့ ရသည်။ သာဓကအားဖြင့် ၁၈၇၅ ခုနှစ် နိုင်ငံတော်အကျဉ်းသားများ စည်းမျဉ်းဥပဒေ[3] သည် ၁၉၇၅ ခုနှစ် နိုင်ငံတော်လုံခြုံရေး ဥပဒေထက် အဆများစွာသာသည်။ ထိုနည်းလည်းကောင်းပင်၊ ၁၉၂၆ ခုနှစ် အလုပ်သမား သမဂ္ဂ ဥပဒေ[4] သည် ၂၀၁၁ ခုနှစ်အလုပ်သမားအစည်းအရုံး
ဥပဒေထက်လည်းကောင်း၊ ၁၉၅၃ ခုနှစ် လယ်ယာမြေ နိုင်ငံပိုင်ပြုလုပ်ရေး ဥပဒေသည် ၂၀၁၂ ခုနှစ် လယ်ယာမြေဥပဒေထက်လည်းကောင်း အဆများစွာ သာသည်။ သက်ဆိုင်ရာ ဥပဒေသစ်များ ပြဌာန်းလာသည့်အချိန်အထိ စစ်အစိုးရ အဆက်ဆက်က အဆိုပါ ကောင်းမွန်သည့် ဥပဒေများကို မသုံးဘဲပစ်ထား၊ ဘေးဖယ်ထားခဲ့ခြင်းမှာ ဥပဒေပြသနာ မဟုတ် ဥပဒေစိုးမိုးရေး ပြသနာဖြစ်သည်။


ကျောင်းသားဆန္ဒပြမှုအား အကြမ်းဘက်ဖြိုခွဲရာ၌ အဓိက အငြင်းပွားနေသော ဥပဒေနှစ်ခုဖြစ်သည့် ၂၀၁၁ ခုနှစ် ငြိမ်းချမ်းစွာစုဝေးခွင့် နှင့် စီတန်းလှည့်လည်ခွင့် ဥပဒေ နှင့် ပြစ်မှုဆိုင်ရာကျင့်ထုံးဥပဒေ တခုချင်းစီတို့ အား ခွဲခြားပြီး သုံးသပ်နိုင်သည်။ ပထမ တခုအား ဥပဒေပြသနာအဖြစ်တွေ့ မြင်နိုင် သည်။ မူလ ရှိပြီးသား ရဲဥပဒေများကို မသုံးဘဲ လူထုအပေါ်ဖိနှိပ်သည့် ဥပဒေသစ်တခုကို ထပ်မံပြဌာန်းလိုက်ခြင်းကြောင့်ဖြစ်သည်။ ယင်းသို့  ဥပဒေ ပြသနာ တက်အောင် လုပ်ရာ၌ တာဝန်ရှိသူများအထဲတွင် စစ်ခေါင်းဆောင်ဟောင်းသစ်များသာမက ၂၀၀၈ ဖွဲ့ စည်းပုံအောက် သို့  ခေါင်းလျှိုးကာ လွှတ်တော်အတွင်းဝင်ရောက်သွားကြသည့် ဒီမိုကရေစီရေး နှင့် တိုင်းရင်းသားအင်အားစုအချို့ ပါ ပါဝင်သည်။
ဒုတိယ တခုမှာ ဥပဒေစိုးမိုးရေး ပြသနာဖြစ်သည်။ အင်္ဂလိပ်ခေတ်က ပြဌာန်းခဲ့သော ပြစ်မှုဆိုင်ရာကျင့်ထုံးဥပဒေသည် သင့်လျော်ကောင်းမွန်သည့် ဥပဒေတရပ်ဖြစ်သည်။ ကမ္ဘာ့ အကြီးဆုံးဒီမိုကရေစီ နိုင်ငံ ကြီးဟု လက်ခံ အသိအမှတ်ပြုရသော အိန္ဒိယနိုင်ငံမှာပင် အဆိုပါ ဥပဒေ၏ အချို့ ပုဒ်မများမျှကိုသာ ဖြည့်စွက်ပြင်ဆင်မှု ပြုရပြီး ယနေ့ တိုင်ကျင့်သုံးဆဲဖြစ်သည်။ ဥပဒေမကောင်း၍ မဟုတ်။ ကောင်းပါလျှက်နှင့် စစ်အစိုး၇အာဏာပိုင်များက ၄င်းတို့  အာဏာတည်မြဲရေးအတွက် အဓိပ္ပါယ်တလွဲဖွင့်ဆိုကျင့်သုံးနေကြသဖြင့် ဥပဒေစိုးမိုးရေးပြသနာဟုဆိုလိုခြင်း ဖြစ်သည်။ ဥပဒေပြသနာနှင့် ဥပဒေစိုးမိုးရေးပြသနာမျှကိုပင် နားမလည်သော စစ်ခေါင်း ဆောင်ဟောင်းသစ်များ ဦးဆောင်ဖွဲ့ စည်း ထားသည့် ပြည်ထောင်စု လွှတ်တော်ဆိုသော အရာသည် မည်သို့ လျှင် ထို့ ထက်ကောင်းမွန်သောဥပဒေသစ်တရပ်ကို ပြဌာန်းနိုင်ပါအံ့နည်း။


ကျောင်းသားဆန္ဒပြမှုနှင့် စပ်လျှဉ်း၍ ဒီမိုကရေစီခေါင်းဆောင်ဆိုသူများက လွှတ်တော်ကို လာမထိနဲ့ ဟု ရန်တွေ့ သူတွေ့ ကြသည်။ အမျိုးသားပညာရေးဥပဒေကို ကျောင်းသားများဆန္ဒအပေါ် အခြေခံ၍ပြင်ဆင်တင်သွင်းရန် ကြိုးပမ်းလာမှုအပေါ် ဘာမဟုတ်သည့် အကြောင်းကို ပြကာ ပယ်ချပစ်ဟု အသံကုန် ဟစ်ကြွေးသူ ကြွေးကြသည်။ ၀န်ကြီးချုပ်ဟောင်း ဦးနုသုံးခဲ့သည့် ဝေါဟာရအရ ဆိုပါမူ ရှက်ဖွယ်လိလိပင်။ စစ်အာဏာရှင်စနစ်ကို အသက်သွင်းထားသည့် ၂၀၀၈ ဖွဲ့ စည်းပုံအခြေခံဥပဒေနှင့် ၄င်းအရတည်ဆောက်ထားသည့် လွှတ်တော်သည် စင်စစ်အားဖြင့် ဆင်သေကောင်ပုပ်သာဖြစ်သည်။ ပင်လယ်ထဲမြောတော့မည့် ဆင်သေကောင်ပုပ်အား ဆယ်သက်စားမကုန်သည့် ရိက္ခာတုံးကြီးအဖြစ်မှတ်ယူကာ ၀မ်းမြောက်စွာစားသောက်ရင်း စီးနင်းလိုက်ပါသွားကြသည့် ငှက်များအဖြစ်သာ ဇာတ်သိမ်းသွားကြမှာ စိုးရိမ်မိသည်။


သမိုင်းသစ်ကို ဖန်တည်းမည့် စွမ်းအားသည် ၂၀၀၈ ဖွဲ့ စည်းပုံကို ဗဟိုပြုပြီးတည်ဆောက်ထားသည့် ဥပဒေ
ဘောင်[5] နှင့် အုပ်ချုပ်ရေးယန္တယားအတွင်းတွင်လည်းကောင်း၊ ဆင်သေကောင်ပုပ် လွှတ်တော်အတွင်းတွင်လည်း
ကောင်း မတည်ရှိပါ။ အခြေခံလူထုများအတွင်းတွင်သာရှိကြောင်း သာဓကအနေဖြင့် DVB Debate အစီအစဉ်တွင် ပါဝင်ဆွေးနွေးခဲ့သည့် သာယာဝတီ ဒေသခံတဦးကို တွေ့ မြင်နိုင်သည်။ ၄င်းက အချက်အလက်နှင့် စနစ်တကျ ထောက်ပြသွားခဲ့သည်။
“ ဖြိုခွဲဘို့ ကို မလိုတဲ့ သပိတ်ကို ဖြိုခွဲလိုက်တာဘဲ။ ဖြိုခွဲမယ့်အကြောင်း တရားဝင်အသိပေးခဲ့တာ လုံးဝမရှိ
ဘူး။ (ကျောင်းသားခေါင်းဆောင်) မင်းသွေးသစ်က ဆွေးနွေးပွဲပျက်သွားတဲ့အတွက် လေးယောက်တစုတိုးသွားမယ်၊ ရဲတွေကို မေတ္တာရပ်ခံတယ်၊ ပြန်မတွန်းပါနဲ့ ၊ရုန်းရင်းဆန်ခတ်ဖြစ်သွားမယ်၊ ခင်ဗျားတို့ ဖမ်းစရာရှိရင် ဖမ်းလိုက်ပါ လို့  ကြေငြာခဲ့တယ်။ သူက ကျောင်းသားတွေကိုလဲ မေတ္တာရပ်ခံတယ်၊ အောက်ခြေ၀န်ထမ်းရဲတွေနဲ့ ပြသနာမဖြစ်ပါစေနဲ့ ၊ ဒီလူတွေက ပေးတဲ့ အမိန့် အတိုင်း လုပ်နေကြရတာ --- တဲ့။ ကျောင်းသားတွေက အစကထဲက ဖမ်းပါဆိုတာကို မဖမ်းဘဲနဲ့ ရိုက်ပြီးမှ ဖမ်းတာ ဟာ ကျောင်းသားတွေ နောက်မလုပ်ရဲအောင် ဦးချိုးရမယ် ဆိုတဲ့ ရည်ရွယ်ချက်နဲ့ 
လုပ်တာဘဲ။”
၎င်း၏ သုံးသပ်ချက်ကို နားထောင်ပြီး ကောင်းလိုက်၊ မှန်လိုက်လေခြင်းဟု ဥဒါန်းကျူးမိသည်။ မည်သည့် အရာမှန်း မိမိတို့ ကိုယ်တိုင် နားမလည်သည့် အမျိုးသားပြန်လည်သင့်မြတ်ရေးဟူသည်ကို ကိုင်စွဲထားသည့် နိုင်ငံရေး သမားဆိုသူများ ယောင်ဝါးဝါး ဖြစ်နေချိန်တွင် အခြေခံလူထုများသည် ရှင်းလင်းစွာ စဉ်းစားတတ်ကြသည်။ ၄င်းက ဆက်လက်၍
“အရက်စွဲနေသူတဦးကို ဘုန်းကြီးဝတ်ပေးလိုက်ပေမယ့် အရက်ဆက်သောက်တယ်။ ဘာကြောင့်အရက် သောက်သလဲ မေးတော့ ဘုန်းကြီး ၀ိနည်းအရ သောက်တယ် လို့ ဖြေကြားသလိုမျိုးဘဲ။ အဲဒီရဲတွေကို လုံးဝကို ပြင်လို့ ရမှာ မဟုတ်ဘူး။ အဲဒါကို ကျွန်တော်ပြောခြင်တာ။” ဟု ထောက်ပြသွားခဲ့သည်။

ယင်းသုံးသပ်ချက်မှာ အရေးကြီးဆုံးဖြစ်သည်။ ဥပဒေစိုးမိုးရေး၏ အခြေခံဖြစ်သော တိုင်းပြည်အဆောက်အအုံ များ၏ အစိပ်အပိုင်းတရပ်ဖြစ်သည့် ရဲတပ်ဖွဲ့ ကို အရှင်းလင်းဆုံးဝေဘန်သွားခဲ့ခြင်းဖြစ်သည်။ ကမ္ဘာပေါ်၌အာဏာရှင် အုပ်ချု့ပ်မှု အောက်မှဒီမိုကရေစီသို့ အသွင်ကူးပြောင်းသွားခဲ့သည့် နိုင်ငံအားလုံးနီးပါးတွင် တိုင်းပြည်အဆောက်အအုံ များ ပြုပြင်ပြောင်းလဲရေး (Institutional Reform) ဟူသည်ကို မူချ၍ ဖေါ်ဆောင်ကြရသည်။ မြန်မာနိုင်ငံဖြစ်စဉ်မှာ ၄င်း နှင့် ရာနုန်းပြည့်ဆန့် ကျင်လျှက်ရှိသည်။ စစ်အာဏာရှင်အဆက်ဆက်က တည်ဆောက်ထားခဲ့သည့် တရားစီရင် ရေး၊ တပ်မတော်၊ ရဲတပ်ဖွဲ့ ၊ ထောက်လှမ်းရေး နှင့် အခြားလုံခြုံရေး အဖွဲ့ အစည်းများအားလုံးအား လုံးဝမတို့ မထိ နိုင်ရုံသာမက ၄င်းတို့ ပိုမိုကြံ့ခိုင်အောင်၂၀၀၈ ဖွဲ့ စည်းပုံအခြေခံဥပဒေအောက်တွင် တည်ဆောက်ထားသည်။ ဖွဲ့ စည်းပုံ အခြေခံဥပဒေအရ ရဲတပ်ဖွဲ့ နှင့် အခြားလက်နက်ကိုင် လုံခြုံရေးအဖွဲ့ အစည်းများအားလုံးသည် တပ်မတော်၏ ကြီးကြပ် ကွပ်ကဲမှုအောက်တွင်ရှိသည်။ အာဏာပိုင်များက စီစဉ်တကျ၊ ရည်ရွယ်ချက်ရှိရှိနှင့် ဖြိုခွဲလိုက်ခြင်းဖြစ်သည်။

ကျောင်းသားဆန္ဒပြမှု အကြမ်းဘက်ဖြိုခွဲခံလိုက်ရသည့်ကိစ္စမှာ မတရားမှုကြီးသက်သက်ဖြစ်ကြောင်း နှင့် လက်နက်ကိုင်တိုက်ပွဲများမရှိပါဘဲလျှက်ပင် ငြိမ်းချမ်းမှုကင်းမဲ့နေကြောင်း ထင်ရှားပေါ်လွင်နေပါပြီ။ ယင်းအပေါ် မည်သို့ ပြန်လည်အရေးယူဆောင်ရွက်ရန် လိုအပ်ကြောင်းကို တိုင်းရင်းသားပေါင်းစုံ လူထုကြီးတရပ်လုံး စဉ်းစား
သင့်ပါပြီ။ ယင်းကို အထောက်အပံ့ဖြစ်စေရန် အောက်ပါအချက်များကို တင်ပြလိုသည်။

(၁) တိုင်းပြည်အဆောက်အအုံ တစုံလုံးကိုပြောင်းလဲပစ်ရေးအခြေခံတွင် စစ်အာဏာရှင် စနစ်တခုလုံး အား တော်လှန်ပြောင်းလဲခြင်း မလုပ်နိုင်သမျှကာလပတ်လုံး လက်ပံတောင်းတွင် သံဃာတော်များ အရှင်လတ်လတ် မီးလောင်တိုက်သွင်းခံရသည့် ဖြစ်ရပ်မျိုး၊ လက်ပံတန်းတွင် ငြိမ်းချမ်းစွာ ဆန္ဒပြသောကျောင်းသားများ အကြမ်းဘက် ဖြိုခွင်းခံရသော ဖြစ်ရပ်မျိုးများ နောက်ထပ် ထပ်မံပေါ်ပေါက်နေပါဦးမည်။ ငြိမ်းချမ်းမှု ကင်းမဲ့နေပါမည်။ စစ်အာဏာရှင် စနစ်ကို ပြုပြင်ရေး၊ ဖာထေးပေးရေး နှင့် မရ။ လူထုတော်လှန်ရေးကြီး တရပ်ဆင်နွှဲရန် မလွဲမသွေ လိုအပ်နေသေးသည်။

(၂) စစ်အာဏာရှင်စနစ်အခြေခံတွင် တည်ဆောက်ထားသော တိုင်းပြည်အဆောက်အအုံ တစုံလုံးကိုပြောင်းလဲမှုမပြုနိုင်သမျှကာလပတ်လုံး တိုင်းရင်းသားလက်နက်ကိုင် တော်လှန်ရေးအဖွဲ့ များမြှော်မှန်းသည့် တန်းတူရေး နှင့် ကိုယ်ပိုင်ပြဌာန်းခွင့်မရနိုင်ပါ။ ကျောင်းသားဆန္ဒပြမှု အကြမ်းဘက်ဖြိုခွဲခံ လိုက်ရသည့် အကျိုးဆက်အနေဖြင့် လယ်သမား၊ အလုပ်သမား နှင့် အခြားလူတန်းစားအလွှာများ၏ လူထုလှုပ်ရှားမှု များပါငြိမ်သက်သွားမည်ဆိုပါက ငြိမ်းချမ်းရေးကို ဦးတည်သော ဆွေးနွေးပွဲ ဟူသည်များသည် လူထုဖိအား နှင့် ထောက်ခံမှုများ ရရန် မလွယ်တော့ပါ။ ဤကဏ္ဍကြီး နှစ်ရပ်ထိရောက်စွာ ပေါင်းစပ်လှုပ်ရှားနိုင်ရေးအတွက် နည်းလမ်းများရှာကြံသင့်ပါပြီ။

(၃) မည်သည့်အရာမှန်း မည်သူမျှတိတိကျကျ မပြောနိုင်သည့် အမျိုးသားပြန်လည်သင့်မြတ်ရေး ဟူသော မူဝါဒအောက်တွင် အစိုးရအာဏာပိုင်များ၏ ပြစ်မှုကျူးလွန်မှုမှန်သမျှအား ၀ိုင်းဝန်းဖုံးကွယ်ထားမှုများကို ရပ်တန်းက ရပ်သင့်ပါပြီ။ ပြစ်မှုကျူးလွန်သူကို အရေးယူအပြစ်ပေးရေး နှင့် ပြစ်မှုကျူးလွန်ခံရသူများ တရားမျှတမှု ရရှိစေရေး
အခြေခံတွင် လူတိုင်းဥပဒေရှေ့ မှောက်တွင် တန်းတူရေးဟူသည့် စစ်မှန်သည့် ဥပဒေစိုးမိုးရေးမူကို လက်တွေ့ ဖေါ်
ဆောင်ရန် ကြိုးပမ်းသင့်ပြီဖြစ်သည်။

(၄) စစ်အစိုးရအဆက်ဆက်က ကျူးလွန်ခဲ့သော လူ့ အခွင့်အရေးချိုးဖေါက်မှုကြီးများမှာကြီးမားပြင်းထန်ပြီး လူသားဆန့် ကျင်မှု နှင့် စစ်ရာဇ၀တ်မှု အဆင့်များအထိပင်ရောက်ခဲ့သောကြောင့် ကုလသမဂ္ဂ လူ့ အခွင့် အရေး အထူး
ကိုယ်စားလည်က ၂၀၁၀ ခုနှစ် မတ်လတွင် နိုင်ငံတကာ စုံစမ်းစစ်ဆေးရေးကော်မရှင် ဖွဲ့ ပြီး စစ်ဆေးရန်ပင် တောင်းဆို ခဲ့ဘူးသည်။ စစ်အစိုးရ၏ အတုအယောင်ဒီမိုကရေစီရေး အပြောင်းအလဲ ဟူသည်အောက်တွင် ယင်း လူ့ အခွင့်အရေးလှုပ်ရှားမှုကြီး မှိန်ထားခံလိုက်ရသည်။ အကျိုးဆက်အနေဖြင့် ပြည်ထောင်စု နိုင်ငံ၏ နေရာဒေသအမြောက်အများတွင် ပိုမိုပြင်းထန်သော လူ့ အခွင့်အရေးချိုးဖေါက်မှုကြီးများ တောက်လျှောက်ပင်ဖြစ်ပွားကျူးလွန်လျှက်ရှိသည်။ ဤလှုပ်ရှား မှု ကြီးသည် ပြန်လည်နိုးကြားရှင်သန်သင့်ပြီဖြစ်သည်။

(၅) မတရားဥပဒေများနှင့် မတရား တရားစီရင်ရေး စနစ်ကို ဗဟိုပြုထားသည့် Legal Framework ဟု ခေါ်သည့် ဥပဒေဘောင်တစုံလုံးအား ပြောင်းပစ်နိုင်ရန် ဥပဒေအင်အားစုအားလုံးသည် ကျောင်းသား၊ လယ်သမား၊ အလုပ်သမား၊ အမျိုးသမီး၊ လူငယ် နှင့် တိုင်းရင်းသားလှုပ်ရှားမှုများအားလုံးနှင့် ခိုင်ခိုင်မြဲမြဲ လက်တွဲသင့်ပြီဖြစ်သည်။ ဥပဒေကြောင်းအရ ဘက်ပေါင်းစုံမှနေ၍ ကူညီပံ့ပိုးသင့်ပြီဖြစ်သည်။ ယင်းကို အားဖြစ်စေရန် ပြည်တွင်းမှတဆင့် နိုင်ငံတကာသို့ လည်းကောင်း၊ နိုင်ငံတကာမှနေ၍ ပြည်တွင်းသို့ လည်းကောင်း ဖြန့် ကျက်လှုပ်ရှားမှုများ ရှိလာသင့်ပြီဖြစ်သည်။

ဦးအောင်ထူး (လူ့ အခွင့်အရေးရှေ့ နေ)
ဥပဒေအထောက်အကူပြုကွန်ရက်တည်ထောင်သူ မတ်လ (၄) ရက် ၂၀၁၅ ခုနှစ်

ကရင့် ပညာရေး ပေါ်လစီ

Karen Education Policy

Type the rest of your post here.

"ဒေါက်တာ တီသံပယာ ခရစ်ရှန်အင်စတီကျူး" အကြောင်းသိကောင်းစရာ

Type the rest of your post here.