To Karen Leaders (ပေးစာ)

လေးစားအပ်သော ခေါင်းဆောင်များခင်ဗျား-

ကေအဲန်ယူခေါင်းဆောင်များက မြန်မာအစိုးရနှင့်တွေ့ ဆုံခြင်း၊ တိုင်းရင်းသားအဖွဲ့ အစည်းများနှင့် နှီးနှောဖလှည်ခြင်း၊ သမတ ဦးသိန်းစိန် ဗိုလ်ချုပ်မင်းအောင်လှိုင်တို့ နှင့် ပုဂိုလ်အရ ၆ကြိမ်မျှမပွင့်မလင်းတွေ့ ဆုံခဲ့ခြင်း စသည်တို့ မှာ ကရင်အမျိုးသားတို့ ၏ ရည်မှန်းချက်ဖြစ်သော ကိုယ်ပိုင်ပြဌာန်းခွင့်ရရှိရေးနှင့် ထိုကိုယ်ပိုင်ပြဌာန်းခွင့်ကို လက်တွေ့ ကျင့်သုံးနိုင်မည့် ပြည်ထောင်စု အစစ်အမှန်စံနစ်ထူထောင်ရေးအတွက် ဦးတည်သည်ဟု ထင်မှတ်ဖွယ်ရာရှိခဲ့ပါသည်။

အထက်ပါရည်မှန်းချက်အရ စစ်မှန်သောပြည်ထောင်စုတည်ထောင်ရေးအတွက် တိုင်းရင်းသားများအားလုံးပူးပေါင်း
ပါဝင်ပြီး လူမျိုးတိုင်းကိုညီတူမျှတူကာကွယ်သည့် ပြည်ထောင်စုတပ်မတော်တရပ်ရှိဖို့ မလွဲမသွေလိုအပ်သည်ကိုလည်း သဘောပေါက်ပုံရခဲ့ပါသည်။ တိုင်းရင်းသားပြည်ထောင်စုတပ်မတော်တရပ်ကိုဖွဲ့ စည်းမည်ဆိုလျှင် ပြည်ထောင်စု တပ်မတော်တရပ်၏ဖွဲ့ စည်းအုပ်ချုပ်ပုံနှင့်အညီ တိုင်းရင်းသားစစ်ရေးကိုယ်စားလှည်အားလုံးပါဝင်သော ဗဟိုချုပ်ကိုင်မှု မလွဲမသွေထားရှိရမည်ဖြစ်သည်ကိုလဲ မူလကတည်းက သဘောပေါက်ထားကြပြီးဖြစ်ကောင်းဖြစ်ပါမည်။
ထိုစနစ်ကသာလျှင် အင်အားအကြီးဆုံး လက်ရှိအစိုးရတပ်နှင့် တိုင်းရင်းသားပြည်ထောင်စုတပ်မတော်တို့  ပူးပေါင်းသော လူမျိုးစုံပိုင်ဆိုင်သည့် ပြည်ထောင်စုတပ် မတော်တရပ်ပေါ်ပေါက်လာနိုင်မည်ဖြစ်သည်။ UNFC မှနှုတ်ထွက်ခြင်းသည် အဲန်ယူခေါင်းဆောင်များ၏ စဉ်းစားချက် အထက်ပါ လမ်းကြောင်းပေါ်တွင် ရှိမနေသည့်သဘောဖြစ်နေပါသည်။

မြန်မာပြည်အမျိုးသားပြန်လည်သင့်မြတ်ရေး၊ တိုင်းရင်းသားစည်းလုံးညီညွတ်ရေး နှင့် ငြိမ်းချမ်းရေးအတွက် ငွေအားညာဏ်အားဖြင့် ၀ိုင်းဝန်းပံ့ပိုးနေကြသော ကြားနိုင်ငံများအနေနှင့် KNU ခေါင်းဆောင်များ၏ စဉ်းစားချက်ကို ကျဉ်းမျောင်းလွန်းသည်ဟု အမြင်ရှိလာကြပါမည်။
UNFC မှ ကေအဲန်ယူခွဲထွက်သွားခြင်းမှာ တိုင်းရင်းသားများစည်းလုံးညီညွတ်ရေးမဖြစ်နိုင်ကြောင်းကိုထင်ထင်ရှားရှားပြနေသောအချက်ဖြစ်နေပါသည်။ ဘ၀တူတိုင်းရင်းသားများအခြင်းခြင်းပင်လျှင်စည်းလုံးနိုင်ခြင်းမရှိလျှင် နှစ် (၆၀)ကျော်ကြာ မိမိတို့ ကိုဖိနှိပ်အနိုင်ကျင့်လာသည့် မြန်မာအစိုးရနှင့် စည်းလုံးနိုင်ဖို့ ဆိုသည်မှာ အလွန်ဝေးလန်လွန်းသည်ဟု နိုင်ငံတကာအကဲဖြတ်သူများက ကောက်ချက်ချကြရန်သာရှိပါသည်။

ဘ၀တူတိုင်းရင်းသားအခြင်းခြင်း တစည်းတလုံးဖြစ်ခြင်းကို မလိုလားသူမှာ မြန်မာအစိုးရသာလျှင်ဖြစ်ပါမည်။
ကရင်ခေါင်းဆောင်များကိုမိမိတို့ ၏ ဒူးမနာ ကိုယ်စားလှည်များအဖြစ်သုံးနိုင်လျှင် ကျန်တိုင်းရင်းသားများကို ကျုံးထဲဝင်လာအောင်ဖိအားပေးလို့ ရနိုင်မည်ဟူသည်မှာလည်း မြန်မာအစိုးရ၏ တွက်ချက်မှုသာလျှင်ဖြစ်ပါမည်။
နိုင်ငံတကာမှ စစ်ရေးနိုင်ငံရေးအကဲခတ်သူများအနေနှင့်မူ ထိုနည်းလမ်းဖြင့် ငြိမ်းချမ်းရေးရနိုင်သည် ဟုယုံကြည်မှုရှိကြမည်မဟုတ်ပါ။ လက်ရှိဝင်ရောက်အကြံညာဏ်ပေးနေကြသူများမှာလည်း မိမိသက်ဆိုင်ရာနိုင်ငံ၏အကျိုး သို့ မဟုတ်မိမိကိုထောက်ပံ့ထားသည့်စီးပွားရေးအဖွဲ့ အစည်းကြီးများ၏အကျိုးကို သာလျှင် အဓိကထားပြီး မီးစင်ကြည့် ဆက်က သွားကြယုံသာကျန်ရှိတော့မည်ဖြစ်ပါသည်။

ဘ၀တူတိုင်းရင်းသားများပင်လျှင်မစည်းလုံးနိုင်သောနိုင်ငံတွင် လက်ရှိမဟာလူမျိုးကြီးဝါဒကသာလျှင် တိုင်းပြည်တည်ငြိမ်မှုကိုအပေးနိုင်ဆုံးဖြစ်နေပါဦးမည်။ ထိုအနေအထားမျိုးတွင် နိုင်ငံတကာကြားတိုင်းပြည်များအနေနှင့်ထိုဝါဒကို ၀ိုင်းဝန်း ထောက်ကူ ကျားကန်ကြရန်သာရှိတော့မည်ဖြစ်သဖြင့် လူဝတ်လဲစစ်အစိုးရနှင့် ဗမာလူမျိုးကြီးစိုးပိုင်ဆိုင်သည့် မြန်မာပြည်အဖြစ်သာဆက်လက်တည်ရှိသွားဦးမည်ဖြစ်ပါသည်။
ထိုကိစကိုကေအဲန်ယူခေါင်းဆောင်များပြန်လည်စဉ်းစားသုံးသပ်ပါရန်ပန်ကြားလိုပါသည်။
ထိုနည်းတူ ကေအဲန်ယူအဖွဲ့ အစည်းအတွင်းမှ အတွေးအမြင်ထက်မြက်ပြီး အသက်သွေးနှင့် ဘ၀ အရင်းအနှီးထည့်ဝင်ပေးဆပ်ထားသောအောက်ခြေခေါင်းဆောင်ရဲဘေါ်များကလည်းမိမိတို့ မပိုင်ဆိုင်သည့်အဖွဲ့ အစည်း
သဖွယ် ရေငုံနှုတ်ပိတ်မနေကြဘဲ မျိုးချစ်စိတ်ဖြင့် ၀ိုင်းဝန်းတောင်းဆိုထိမ်းသိမ်းပေးကြပါရန် တိုက်တွန်းလိုပါသည်။

ကရင်အာလုံးစည်းလုံးရေး နှင့်ဘ၀တူတိုင်းရင်းသားအားလုံးညီညွတ်ရေးသည် တိုင်းရင်းသားတိုင်းတန်းတူသည့် ငြိမ်းချမ်းသော ဖက်ဒရယ် ပြည်ထောင်စုထူထောင်နိုင်ရေး၏ အဓိကလိုအပ်ချက်ဖြစ်ပါကြောင်း---

လေးစားလျှက်
အဂ္ဂ

မှတ်ချက်။ ။ စာရေးသူ အဂ္ဂ၏ အာဘော်သာဖြစ်သည်။