သန်းခေါင်စာရင်း ကောက်ရာတွင် လူမျိုးအမည် မှန်ကန်စွာ ထည့်သွင်းရန် ညီနောင်ပါတီများ တိုက်တွန်း

ကောင်းဝါ
သြဂုတ်လ ၂၀ရက်နေ့၊ ၂၀၁၂ ခုနှစ်


မြန်မာနိုင်ငံရှိ တိုင်းရင်းသား လူမျိုးများအနက် အချို့၏ သန်းခေါင်စာရင်းနှင့် မှတ်ပုံတင်များတွင် မိမိလူမျိုးအမည်များကို ဖော်ပြခံရခြင်း မရှိသည့်အတွက် နိုင်ငံတော်မှ မကြာမီ ကောက်ယူမည့် သန်းခေါင်စာရင်းတွင် မှန်ကန်စွာ ထည့်သွင်းဖေါ်ပြရန် တိုင်းရင်းသား ညီနောင် ၆ ပါတီက တိုက်တွန်းလိုက်သည်။

ရန်ကုန်မြို့ရှိ ရှမ်းတိုင်းသားများ ဒီမိုကရက်တစ်ပါတီရုံးတွင် သြဂုတ်လ ၁၉ ရက်နေ့က ကျင်းပသည့် ညီနောင် တိုင်းရင်းသားပါတီများ (Nationality Brotherhood Fဝrum) ၏ ပုံမှန်အစည်းအဝေးမှ တိုင်းရင်းသားများ၏ ရပိုင်ခွင့် ဆုံးရှုံးနေမှုနှင့် ပတ်သက်၍ ပြောဆိုလိုက်ခြင်း ဖြစ်သည်။

“မကြာမီ နိုင်ငံတော်မှ ကောက်ယူမည့် သန်းခေါင်းစာရင်းတွင် သက်ဆိုင်ရာ တိုင်းရင်းသားများ၏ နာမည်အရင်း၊ လူမျိုးနှင့် ကိုးကွယ်သည့်ဘာသာတို့ကို တိတိကျကျ မှန်မှန်ကန်ကန် ထည့်သွင်း ဖော်ပြပေးရန် တောင်းဆိုသည်” ဟု ၎င်းတို့၏ သဘောထား ကြေညာချက်တွင် ဖော်ပြထားသည်။

တိုင်းရင်းသား ညီနောင် ၆ ပါတီ၏ အဖွဲ့ဝင် တခု ဖြစ်သည့် မွန်ဒေသလုံးဆိုင်ရာ ဒီမိုကရေစီပါတီအနေနှင့် ၂၀၁၀ ရွေးကောက်ပွဲ အတွေ့အကြုံအရ လွန်ခဲ့သည့် လများကပင် ရန်ကုန် မွန်စာပေနှင့် ယဉ်ကျေးမှု ကော်မတီ လက်အောက်ရှိ မွန်သာရေး နာရေး ကူညီမှုအသင်းသို့ တိုက်တွန်းပြီး သန်းခေါင်စာရင်းနှင့် မှတ်ပုံတင်တွင် လွဲမှားနေမှုကို ပြင်ဆင်ရန် ကြိုးပမ်းခဲ့သည်။

မွန် ပါတီက ၂၀၁၀ ရွေးကောက်ပွဲတွင် ရန်ကုန်တိုင်း၌ မွန်တိုင်းရင်းသား လူမျိုးရေးရာ ကိုယ်စားလှယ် ရရှိရန် မျှော်မှန်းခဲ့သော်လည်း နိုင်ငံတော်ရှိ သတ်မှတ်လူဦးရေ (ဝ.၁) ရာခိုင်နှုန်း ဖြစ်သည့် ၅၇,ဝဝဝ ဦး မပြည့်မီသည့် အတွက် ကိုယ်စားလှယ် တင်သွင်းခွင့် မရရှိခဲ့ပေ။

ထိုသို့ မရရှိခြင်းမှာ ရန်ကုန်တိုင်းရှိ မွန်လူမျိုးအချို့၏ အိမ်ထောင်စုစာရင်းနှင့် မှတ်ပုံတင်များတွင် မွန်လူမျိုးဟု ဖော်ပြမခံရပဲ ဗမာဟု သုံးနှုန်းထားခြင်းကြောင့် ဖြစ်သည်ဟု မွန်ဒေသလုံးဆိုင်ရာ ဒီမိုကရေစီပါတီမှ ဒေါက်တာဗညားအောင်မိုး က ပြောသည်။

“တခြားကို လိုက်ရှာစရာ မလိုပါဘူး။ ရန်ကုန်မှာ နေတဲ့ ကျနော်တို့ ပါတီက နိုင်လှမောင်ရဲ့ သားတောင် မွန်ဖြစ်ပါလျက်နဲ့ မှတ်ပုံတင်မှာ ဗမာလို့ ရေးထားတာ တွေ့ရတယ်” ဟု ဒေါက်တာ ဗညားအောင်မိုး က ပြောသည်။
(Photo: http://www.polska-azja.pl)

ညီနောင် ၆ ပါတီ၏ သဘောထား ကြေညာချက်တွင် ပြည်တွင်း ငြိမ်းချမ်းရေး အတွက် ထိုးစစ်ဆင်မှုများ ရပ်တန့်ရန် နိုင်ငံတော် သမ္မတ၏ ညွှန်ကြားချက်ကို တပ်မတော်မှ လေးစားလိုက်နာရန်၊ ဌာနဆိုင်ရာ ဝန်ထမ်းများ ခန့်ထား ပြောင်းရွှေ့ခြင်းနှင့် ရာထူးတိုးမြှင့်ခြင်း ပြုရာတွင် ဒေသခံ တိုင်းရင်းသားများကို ဦးစားပေး ခန့်ထားရန်နှင့် အနာဂတ် ရွေးကောက်ပွဲတွင် အချိုးကျ ကိုယ်စားပြုစနစ် ကျင့်သုံးပါက တိုင်းရင်းသားတို့၏ အခွင့်အရေး ဆုံးရှုံးနစ်နာမှု မရှိအောင် ဆောင်ရွက်ရန် တိုက်တွန်းထားပြီး၊ သက်ဆိုင်ရာ တိုင်းရင်းသား ဘာသာ စာပေဖြင့် သတင်းစာ၊ ဂျာနယ်များ ထုတ်ဝေရန်လည်း သဘောတူခဲ့ကြသည်။

ညီနောင် ၆ ပါတီတွင် ၂ဝ၁ဝ ရွေးကောက်ပွဲဝင် ချင်းအမျိုးသားပါတီ၊ မွန် ဒေသလုံးဆိုင်ရာ ဒီမိုကရေစီပါတီ၊ ဖလုံ-စဝေါ် ဒီမိုကရက်တစ်ပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ၊ ရခိုင်တိုင်းရင်းသားများ တိုးတက်ရေးပါတီနှင့် ကယန်းအမျိုးသား ပါတီတို့ ပါဝင်ကြပြီး လွှတ်တော် ၃ ရပ်တွင် ကိုယ်စားလှယ် ဦးရေ ၁၂၉ ဦး ရှိသည်။
http://www.kaowao.org/b/2012news-august-20a.php