ondragstart="return false" onselectstart="return false"

Friday, October 24, 2014

KNU ကို လုပ်ကြံရန် ကြံစည်မှုကြီး (အပိုင်း-၁)

အင်တာနက် ဆက်သွယ်ရန်ပြင်ပကို ရောက်ရှိနေပါသဖြင့် ဘလော့ပေါ်သို့ သတင်းများမတင်ဖြစ်ခဲ့ပါ။ အချိန်ရရင်ရသလို အီးမေးမှဝင်လာသော သတင်းများကို အလျဉ်းသင့်သလိုပြန်လည်တင်ဆက်ပေးပါမည်။။


ဖူးတာမူးရေးသည်

စာရေးသူသည် စာရေးခဲလှသည်။ ယခုအခါ KNU နှင့် ကရင့်တော်လှန်ရေး ခေါင်းဆောင်မှုအတွင်း အမြင်မတူမှု များဖြစ်ပေါ်လာကာ မျိုးချစ်ကရင်လူထုတွင်သာမက အခြားညီအကို တိုင်းရင်းသား တော်လှန်ရေးအဖွဲ့အစည်း အတွင်း ဂယက်ရိုက်မှု ဖြစ်လာရသည့်အပေါ် တိတ်ဆိတ်ငြိမ်သက်၍ မနေနိုင်တော့သည့်အတွက် တာဝန်သိ မျိုး ချစ်တော်လှန်ရေးသမားတဦးအနေနဲ့ ယခုဆောင်းပါးကို စတင်ရေးသားခြင်းသာဖြစ်ကြောင်း အစီရင်ခံအပ်ပါ သည်။ ဤသို့ရေးရာတွင် မည်သည့်ကလောင်နာမည်ကို ရွေးရန် စဉ်းစားရာတွင် မိမိဆောင်းပါးသည် ကရင့် တော်လှန်ရေးနှင့် ကရင့်တမျိုးသားလုံးကို သေတွင်းသို့မပို့မူဘဲ အမျိုးသားရေးအရ၊ နိုင်ငံရေးအရ ကရင့်အနာဂါတ်ဆက်လက်ရှင်သန်၍ ကမ္ဘာဆုံးတိုင် ကရင်လူမျိုးအဖြစ် အများနည်းတူ တန်းတူအခွင့်အရေးနှင့် ရှင်သန် ရပ်တည်ရေးကို မျှော်မှန်း၍ “ဖူးတာမူး” ဟူသော ကလောင်နာမည်ကို ရွေးချယ်ခြင်းဖြစ်ပါသည်။
အခန်း (၁)
ကရင့်တော်လှန်ရေးဝိသေသလက္ခဏာများ
ကရင့်တော်လှန်ရေးသမားတဦးသည် ကရင့်တော်လှန်ရေး၏၀ိသေသလက္ခဏာများကို အသေအချာသိမြင်ရန်၊ လက်ခံရန်၊ ကျင့်သုံးရန် လိုအပ်ပါသည်။ ကရင့်တော်လှန်ရေးသည် တရားသောတော်လှန်ရေးဖြစ်သည်။ အဘယ်ကြောင့်မူ ကရင့်တော်လှန်ရေးမစမှီ ၁၁/၀၂/၄၈ နေ့တွင် မြန်မာတပြည်လုံး ကရင်လူမျိုး (၄)သိန်းကျော် ဆန္ဒပြပွဲ၏ ကြွေး ကြော်သံကို ကြည့်ခြင်းအားဖြင့် သိနိုင်သည်။

(၁) ကရင်တကျပ် ဗမာတကျပ် ချက်ခြင်းပြ။
(၂) ကရင်ပြည်ချက်ချင်းပေး။
(၃) လူမျိုးရေးအဓိကရုန်းအလိုမရှိ။
(၄) ပြည်တွင်းစစ်အလိုမရှိ။
ဤကြွေးကြော်သံကြီး (၄)ရပ်ကို ကြည့်ခြင်းအားဖြင့် ယခင် KNU ခေါင်းဆောင်များ၏ အမျှော်အမြင်ကြီး မားမှု၊ ကရင့်အခွင့်အရေးတောင်းဆိုရာတွင် ကရင်လူမျိုးများ ဗမာလူမျိုးများကဲ့သို့ တန်းတူအခွင့်အရေးရှိဘို့၊ ကရင်လူမျိုးများသည် လူမျိုးတမျိုးအနေဖြင့် မိမိတို့ထိုက်သင့်သည့်ပြည်၊ သို့မဟုတ် ပြည်နယ်ရှိဘို့။ ဤအခွင့်အ ရေးတောင်းဆိုခြင်းကြောင့် အုပ်စိုးသူဗမာအစိုးရက ဖန်တီးလာမည့် လူမျိုးရေးမုန်းတီးမှု အဓိကရုန်းကို မလိုလား ကြောင်း။ ဤတောင်းဆိုမှုကြောင့် ဗမာအစိုးရ၏ဖန်တီးလာမည့်ပြည်တွင်းစစ်ကို မလိုလားကြောင်း၊ ရှင်းလင်းစွာ ကရင်လူမျိုး၏ ဆန္ဒကို ဖေါ်ထုတ်ခဲ့သည်။
သို့ရာတွင် ကရင်လူမျိုး၏ လိုလားချက်များကို ဖဆပလ အစိုးရကငြင်းပယ်သည့်အပြင်၊ ကရင်လူမျိုးများ နေထိုင်ရာဒေသအချို့ကို စတင်တိုက်ခိုက်နှိမ်နှင်းခဲ့ခြင်း၊ နောက်ဆုံးတွင် KNU ဌာနချုပ်ရှိရာ စမ်းချောင်း ကရင် အမျိုးသားရပ်ကွက်ကို လက်နက်ကိုင်စီးနင်း သိမ်းပိုက်ခြင်းကြောင့် ကရင့်တော်လှန်ရေးသည် ၁၉၄၉ ခုနှစ် ဇန်န၀ါရီလ (၃၁)ရက်နေ့တွင် စတင်ခဲ့ခြင်းဖြစ်သည်။
ဤဖြစ်ရပ်ကို ကြည့်ပါက ကရင်လူမျိုးသည် အေးချမ်းမှုကို လိုလားသည်။ ခိုက်ရန်ဖြစ်မှုကို မလိုလား၊ သို့ ရာတွင် မိမိလူမျိုးကို နိုင်ထက်စီးနင်းလုပ်လာလျှင် လုံးဝခေါင်းငုံ့ခံပြီး သီးခံမည်မဟုတ်။ မိမိအမျိုးသားဂုဏ် သိက္ခာထိန်းသိမ်းသောအားဖြင့် ရှိသမျှဖြင့် ပြန်တော်လှန်ခဲ့ကြောင်း သမိုင်းတွင် အတိအလင်းဖေါ်ပြခဲ့သည်။
ကရင့်အမျိုးသားသမိုင်းတွင် ဤကရင့်တော်လှန်ရေးနေ့သည် ပထမဦးဆုံးသော ကရင့်သမိုင်းသစ်ကို ဖေါ်ဆောင်ခဲ့သည်။ ကရင့်တော်လှန်ရေးစတင်ဖြစ်ပြီး 17-19 July 1950 ခု စောဘဦးကြီးမှ KNU Congress တွင်တော်လှန်ရေး မူ(၄)ရပ်ကို ချမှတ်ခဲ့သည်။
(၁) လက်နက်ချစကားအလျဉ်းမပြောရ။
(၂) ကရင့်လက်နက်ကရင့်လက်ထဲတွင် ရှိရမည်။
(၃) ကရင့်ကံကြမ္မာကရင်ဖန်တီးမည်။
(၄) ကရင်ပြည်အသိအမှတ်ပြုခြင်း ပြီးပြည့်စုံရမည်။
ဤ မူ(၄)ရပ်သည် ကရင့်တော်လှန်ရေး နှစ်(၆၀)ကျော်အတွင်း အဓိကမောင်းနှင်အားနှင့် လမ်းညွန်မှု များဖြစ်သည်။ ဤတောင်းဆိုမှု (၄)ရပ်နှင့် မူ(၄)ရပ်သည် ယခုတိုင်မှန်ကန်နေဆဲ၊ နောင်လည်းမှန်ကန်နေဆဲဖြစ် သည်။ အဘယ်ကြောင့်ဆိုသော် ဤတောင်းဆိုမှုနှင့် မူများသည် ကရင်လူမျိုးသည် မြန်မာလူမျိုးများနှင့် တန်းတူ အခွင့်အရေးရရှိရေးနှင့် အေးချမ်းစွာအတူတကွတိုးတက်ဖွံ့ဖြိုးရေးကို ရှေ့ရှုခြင်းသာဖြစ်သည်။
အထက်ပါဆိုခဲ့ပြီးသည့်အချက်များအပေါ် ကောက်နှုတ်ပါက ကရင့်တော်လှန်ရေး၏ ၀ိသေသလက္ခဏာ
များမှာ…
(၁) တန်းတူရေး
(၂) တရားမျှတရေး
(၃) ကိုယ့်ကြမ္မာကိုယ်ဖန်တီးနိုင်ရေး
(၄) ကိုယ့်ကိုကိုယ် ကာကွယ်ပိုင်ခွင့်ရှိရေး
(၅) လူမျိုးတမျိုးနှင့်တမျိုး အေးချမ်းစွာနေထိုင်ရေး
(၆) တိုင်းပြည်တွင် ငြိမ်းချမ်းစွာ အတူနေထိုင်ရေး
(၇) လွတ်လပ်မှု (ဖိနှိပ်မှုမှလွတ်လပ်ရန်)တို့ဖြစ်သည်။
ထို့အပြင် ၎င်းကွန်ကရက်တွင် သမိုင်းတွင့်သည့် မိန့်မှာချက်များကို မိန့်ကြားခဲ့သည်။
(က) ကရင့်တော်လှန်ရေးသည် ပထမနှင့် နောက်ဆုံးဖြစ်သည်။
(ခ) ကရင်များရန်ကုန်ဆင်းပြီး လည်စဉ်းမခံသမျှ ကရင့်တော်လှန်ရေးလုံးဝ မကျဆုံးနိုင်။
(၈) ကရင်မျှော်မှန်းချက်ရရန် လမ်းသုံးသွယ်ရှိ။
(၁) ရန်သူက စေတနာရှိစွာပေးခြင်းဖြင့်၎င်း။
(၂) ကရင်များတိုက်၍ အနိုင်ယူနိုင်ခြင်းကြောင့်၎င်း။
(၃) အခြေအနေရပ်ရပ်၏ ဖိအား၊ ရိုက်ခတ်မှုကြောင့်၎င်း။
(၄) ကရင့်တော်လှန်ရေးအဓိကအင်အားမှာ ကရင်ပြည်သူဖြစ်သည်။ ကရင်ပြည်သူများ တော်လှန်ရေး ကို လေးစားချစ်ခင်ရန်လိုသည်။
(၅) မိမိအားနည်းချက်များ၊ ချွတ်ယွင်းချက်များကို ဝေဖန်သုံးသပ်၍ ပြန်လည်ပြုပြင်ရန် ၀န်မလေးရ။
“တော်လှန်ရေး” ဆိုသော ဝေါဟာရအဓိပ္ပါယ်မှာ အထက်ပါ တန်းတူမျှတမမှုမရှိမှု၊ မတရားမှု၊ ဖိနှိပ်မှုစသည့် မကောင်းမှုများကို တော်လှန်ကာ တန်းတူမှု၊ လွတ်လပ်မှု၊ တရားမျှတမှုတို့ဖြင့် အစားထိုးရန်ဖြစ်သည်။ သို့ဖြစ်၍ ကရင့်တော်လှန်ရေးသည် တရားသည်၊ မှန်ကန်သည်၊ အမှန်တရားဖြစ်သည်။ အမှန်တရားသည် တနေ့ အောင်ပွဲခံရမည်ဖြစ်သည်။ အမှန်တရားကို ဘယ်ကဲ့သို့ တားဆီး၊ ဖိနှိပ်၊ နှိမ်နင်းသည်ဖြစ်စေ၊ အမှန်တရားဘက်ကသာ အောင်ပွဲခံခဲ့သည်ချည်းဖြစ်သည်ကို ကမ္ဘာ့သမိုင်းတွင် တွေ့ခဲ့ရပြီးဖြစ်သည်။
သို့ဖြစ်၍ ကရင့်တော်လှန်ရေးကို “တော်လှန်ရေး” ဟူသော ဝေါဟာရကို မသုံးရဲလောက်အောင် အဘယ်ကြောင့် ကျန်ုပ်တို့အားငယ်သေးသိမ်နေရပါသနည်း။ မိမိကိုယ်ကို တော်လှန်ရေးသမားဟုပြောခြင်း သည် ရှက်ကြောက်စရာမရှိ၊ အမှန်တရားအတွက်ရပ်တည်သူအဖြစ်၊ ၎င်းအမှန်တရားအတွက် အသက်ပေးရန် ၀န်မလေးသူဟူ၍ ၀ါကြွားရန်သာဖြစ်သည်။
ကော်ခိုစောဘဦးကြီးက ကွန်ဂရက်တွင် “ကရင့်တော်လှန်ရေးသည် ပထမဆုံးနှင့် နောက်ဆုံးဖြစ်သည်” ဟူ၍ မိန့်မာခဲ့သည်။ အဓိပ္ပါယ်မှာ ကရင့်သမိုင်းတွင် ကရင့်တော်လှန်ရေးသည် ပထမဆုံးတော်လှန်ရေးဖြစ်၍ မှန် ကန်တရားသောတော်လှန်ရေးအဖြစ် အောင်ပွဲခံသည်အထိ တိုက်ပွဲဝင်ရမည် ဟူ၍ ဖြစ်သည်။ တော်လှန်ရေး တိုက်ပွဲ ဆင်နွှဲလိုက်၊ ငြိမ်းချမ်းရေးလက်မှတ်ထိုးလိုက်၊ နောက်ပြီးတဖန်ပြန်တိုက်လိုက်ဟူသော အလုပ်ကို ကော် ခိုစောဘဦးကြီးကအားမပေး၊ မှန်ကန်သောတော်လှန်ရေးဖြစ်၍ မျှော်မှန်းချက်အပြည့်အမှီရသည်အထိ တော် လှန်တိုက်ပွဲဝင်မည်ဟူ၍ မ်ိန့်မှာခဲ့ခြင်းဖြစ်သည်။
ဤကဲ့သို့ ရှည်ရှည်ဝေးဝေး ကရင့်တော်လှန်ရေး ၀ိသေသလက္ခဏာကို ဖေါ်ပြရခြင်းသည် စာရေးသူ၏ စေတနာမှာ စာဖတ်သူမျိုးချစ်ကရင်အမျိုးသား/သမီးအားလုံးကျေညက်စွာ သိမြင်ရုံသာမက သိမြင်ခြင်းမှတဆင့် လက်ခံ၊ ယုံကြည်၊ ကိုင်စွဲ၊ ကျင့်သုံးနိုင်ရန် မျှော်မှန်း၍ဖြစ်သည်။ ဤသို့လက်ခံနိုင်ပြီးကာမှ ရှေ့ဆက်ဖေါ်ပြမည့် ဖြစ်စဉ်များကို မှန်ကန်တည့်မတ်စွာ အကဲဖြတ်နိုင်ခြင်းဖြင့် မိမိတဦးချင်း မည်သည့်နေရာတွင် ရပ်တည်လုပ်ကိုင် မည်ကို ဆုံးဖြတ်ရန်ဖြစ်သည်။
ကရင့်တော်လှန်ရေး နှစ် (၆၀)ကျော်ကာလအတွင်း KNU အတွင်း အကွဲအပြဲများ များစွာဖြစ်ခဲ့သည်။ အချို့ကိုဖေါ်ပြရလျှင်…
(၁) KYO-KNU မှ ခွဲထွက်ခြင်း။ 1945 April
(၂) KNU မှ ငြိမ်းချမ်းရေးအဖွဲ့ ခွဲထွက်ခြင်း။ 1952
(၃) KNU မှ KRC ခွဲထွက်ခြင်း။ 1963
(၄) KNU မှ DKBA ခွဲထွက်ခြင်း။
(၅) KNU မှ KNU/KNLA ခွဲထွက်ခြင်း စသည်များရှိခဲ့ပါသည်။
အထက်ပါ သဘောထားကွဲလွဲခြင်းများကို ပြန်လည်ဆန်းစစ်ပါက…
(၁) ကရင့်တော်လှန်ရေးဝိသေသလက္ခဏာများကို လက်ခံရာတွင် အမြင်မတူခြင်း။
(၂) ကရင့်တော်လှန်ရေးနှင့် တမျိုးသားလုံး အဆုံးစွန်မျှော်မှန်းချက်ပန်းတိုင်ပေါ်အမြင်မတူခြင်း။
(၃) ကရင်လူမျိုး၏ ပကတိလက်ရှိဘ၀ အခြေအနေအပေါ် သုံးသပ်မှု မတူညီခြင်း။
(၄) ကရင်လူမျိုးလက်ရှိရင်ဆိုင်နေရသော အုပ်စိုးသူလူတန်းစား၏ ၀ိသေသလက္ခဏာကို သုံးသပ်မှုကွာ ခြားခြင်း။
(၅) ကရင့်တော်လှန်ရေး၏မူဝါဒ၊ လုပ်ငန်းစဉ်များကို ခံယူကျင့်သုံးလိုက်နာရာတွင် ကွာဟမှုဖြစ်ခြင်း။
(၆) ကရင့်တော်လှန်ရေး၏မူဝါဒ၊ လုပ်ငန်းစဉ်များကို သဘောပေါက်အောင် မလေ့လာခြင်း။
(၇) ကရင့်တော်လှန်ရေး၏ မဟာမိတ်ပိုင်းဆိုင်ရာ သဘောထားပြဌါန်းချက်အပေါ် အမြင်မတူညီခြင်း။
(၈) တချို့ကလည်း တော်လှန်ရေးသည်ရှည်ကြာလှပြီ၊ မောပန်းနွမ်းနယ် ခြေကုန်လက်ပန်းကျကာ ရန် သူပေးသောအခွင့်အရေးဖြင့် မိမိတစုတဖွဲ့ သက်တောင့်သက်သာနေနိုင်ရန် လုပ်ဆောင်နေသည်။ ဤကဲ့သို့ အမြင်မတူမှုအပေါ် အခွင့်ကောင်းယူ၍ ဆန့်ကျင်ဘက် မြန်မာအစိုးရအဆက်ဆက်က နည်းပရိယာယ်ပေါင်းစုံ လိမ်ညာမှု လှည့်ဖျားမှု ချော့မြူမှုပေါင်းစုံဖြင့် ကောက်ကျစ်စဉ်းလဲသော နည်းပေါင်းစုံဖြင့် ခြောက်ကာတလှည့် ချော့ကာတဖုံ ဖျားယောင်းခြင်းကြောင့် KNU တွင် အကွဲအပြဲဖြစ်ခဲ့ရသည်သာမက ၎င်းခွဲထွက်သော အဖွဲ့အချို့ သည် KNU နဲ့ကရင့်တော်လှန်ရေးကို ပြန်လည်ဆန့်ကျင့်တိုက်ခိုက်ကာ ရန်သူအကြိုက်လုပ်ခဲ့ခြင်းလည်း ရှိခဲ့ သည်။

တော်လှန်စစ်တရပ်၏ သေနင်္ဂဗျူဟာ
၁။ မိမိအခြေအနေကို သိရမည်။
၂။ ဆန့်ကျင်ဘက် ရန်သူ၏အခြေအနေကို သိရမည်။
၃။ အင်အားကြီးရန်သူကို အနိုင်ယူရန် ရန်သူကို အထီးကျန်ဖြစ်ရန် ဘုံရန်သူကို ဆန့်ကျင်သောအင်အားစုအား လုံးကို စုစည်းကာ မဟာမိတ်ဖွဲ့ခြင်းဖြင့် အောင်ပွဲခံရေး။
၎။ ကမ္ဘာ့နိုင်ငံရေး၊ မြန်မာ့နိုင်ငံရေး၊ နိုင်ငံရေးအခြေအနေမှန်နှင့် စုပေါင်းချီတက်မည့် မျှော်မှန်းချက်ပန်းတိုင်ကို တပ်ပေါင်းစုဖြင့် ချမှတ်လုပ်ဆောင်နိုင်ရန်ဖြစ်သည်။
ဤအချက်များသည် အထူးသဖြင့် မှန်ကန်စွာအကဲဖြတ်နိုင်ပါမှ ရှေ့လုပ်ငန်းစဉ်များကို ချမှတ်နိုင်မည် ဖြစ်သည်။
၁။ မိမိပကတိအခြေအနေ
ကရင်တမျိုးသားလုံး၏ အခြေအနေသည် နိုင်ငံရေးအရ လူမျိုးရေးအရ အဖိနှိပ်ခံရဆဲ၊ မတရားမှုဖြင့် ဖိနှိပ်ခံရဆဲဖြစ်၍ ကရင်လူမျိုးသည် ထိုမတရားမှုများကို ဆန့်ကျင်တော်လှန်တိုက်ပွဲဝင်နေဆဲ အချိန်ကာလဖြစ် သည်။ ရန်သူလှည့်ဖျားမှုကြောင့် တချို့ခွဲထွက်သွားသော်လည်း မူ (၄)ချက်ကို ခိုင်မာစွာစွဲကိုင်သော KNU သည် ဆက်လက်လက်တိုက်ပွဲဝင်ဆဲဖြစ်သည်။
၂။ အုပ်စိုးသူမြန်မာအစိုးရအခြေအနေ
၂၀၀၈ ခုတွင် မြန်မာအစိုးရမှ ဖွဲ့စည်းအုပ်ချုပ်ပုံအခြေခံဥပဒေကို လူ့အသက်ပေါင်းများစွာ သေကြေစေ ခဲ့သော နာဂစ်မုန်တိုင်းကာလတွင် တဖက်သတ်အတည်ပြုခဲ့သည်။ ၎င်းဥပေဒေတရပ်သည် စစ်တပ်၏ အာဏာ တရားဝင်ဖြစ်ရေးနှင့် တိုင်းပြည်ကို စစ်တပ်မှ ထာဝစဉ်အုပ်ချုပ်နိုင်ရေးအတွက် ရေးဆွဲခဲ့ခြင်းဖြစ်၍ တိုင်းရင်းသား လူမျိုးတော်လှန်ရေးအဖွဲ့အစည်းအားလုံးသာမကဒီမိုကရေစီအင်အားစုများပါမကျန် ၎င်းဥပဒေကိုပြင်ဆင်ရန်၊ တချို့ကအသစ်ပြန်လည်ရေးဆွဲရန် တောင်းဆိုခြင်းဖြစ်သည်။ ဤကဲ့သို့ အများလက်မခံနိုင်သော အခြေခံဥပ ဒေကို အသစ်ရေးဆွဲရန်မဆိုထားနှင့်၊ တပ်မတော်ကာကွယ်ရေးဦးစီးချုပ်က ပြင်ရန်မလို၊ ပြီးပြည့်စုံပြီဟု အခါခါ ပြောဆိုခဲ့ခြင်းသည် အစိုးရဘက်မှ အလျှော့ပေးလိုက်လျောရန် ဆန္ဒမရှိကြောင်းထင်ရှားသည်။
၃။ KNU ၏ ကွန်ကရက်တိုင်းအတည်ပြုခဲ့သော လမ်းစဉ်နှင့် လုပ်ငန်းစဉ်များသည် အစဉ်အမြဲတပ်ပေါင်းစုဖြင့် အောင်ပွဲခံရန်မူကို အဆက်ဆက်ချမှတ်ခဲ့သည်။ အစိုးရအဆက်ဆက်သည် တပ်ပေါင်းစုတွင်း ညီညွတ်မှုနှင့် စုစည်းမှုမရှိရန် အစဉ်အမြဲကြိုးပမ်းခဲ့သည်။ တပ်ပေါင်းစုမှ တဖွဲ့ချင်းဖဲ့ထုတ်စည်းရုံးကာ အခွင့်အရေးမဖြစ်စ လောက်ပေး၍ လုပ်ဆောင်စေခဲ့သည်။ တပ်ပေါင်းစုအင်အားချိနဲ့ရန် အမျိုးမျိုးသပ်သျှိုဖြိုခွဲခဲ့သည်။ တပ်ပေါင်းစု တလျှောက်တွင် KNU သည် တပ်ပေါင်းစုအင်အားကောင်းရေး၊ စုစည်းညီညွတ်ရေးနှင့် ဘုံရန်သူကို တိုက်ပွဲဆင်ရင် (စစ်ရေး၊ နိုင်ငံရေး) စုစည်းညီညွတ်ရန် အစဉ်ဦးဆောင်မှုပေးခဲ့သည်။ တပ်ပေါင်းစုအတွင်း သဘောထားမတူညီမှုဖြစ်လာပါက ပြန်လည်စည်းလုံးရန် ဦးဆောင်ခဲ့သည်။ တပ်ပေါင်းစုအဆက်ဆက်တွင် KNU သည် တော်လှန်ရေးအရ၊ နိုင်ငံရေးအရ အတွေ့အကြုံအမျှော်အမြင်ကြီးမားမှုကြောင့် အမြဲတမ်းဦးဆောင်မှုအခန်းကဏ္ဍတွင် ရွေးချယ် တာဝန်ပေးခံခဲ့ရသည်။ တပ်ပေါင်းစုအတွင်း တဖွဲ့ဖွဲ့က သဘောထားမတူ၍ အက်ကြောင်းဖြစ်လာပါက ပြန်လည် စေ့စပ်နိုင်ခဲ့သည်သာဖြစ်သည်။ အဘယ်ကြောင့်ဆိုသော် ကျန်တိုင်းရင်းသားလက်နက်ကိုင်အင်အားစုအားလုံး သည် KNU ၏ ခေါင်းဆောင်မှုနှင့် လုပ်ဆောင်မှုကို ယုံကြည်လေးစားခြင်းသာမက KNU ခေါင်းဆောင်များ၏အမျှော်အမြင်ကြီးမားမှုဖြင့် တိုင်းပြည်အနာဂတ်ဖြစ်သော တန်းတူရေးနှင့် ကိုယ်ပိုင်ပြဌါန်းခွင့်ရှိသော ဒီမိုကရေစီ ပြည်ထောင်စုကို တည်ဆောက်နိုင်မည်ဟု ယုံကြည်၍ဖြစ်သည်။ သို့ဖြစ်၍ KNU သည် တပ်ပေါင်းစုတွင် အဖွဲ့အ စည်းများက အားကိုးယုံကြည်စိတ်ချစွာ ဦးဆောင်မှု အခန်းကဏ္ဍကို ပေးအပ်ခဲ့ခြင်းဖြစ်သည်။
အခန်း (၂)
ယခုအခန်းကဏ္ဍသည် ခေါင်းစဉ်ပါ KNU နှင့် ကရင့်တော်လှန်ရေး အဆက်ဆက်ကို လုပ်ကြံရန် ကြံစည် မှု ဖြစ်စဉ်များကို ဖေါ်ပြပါမည်။ ဤသို့ဖေါ်ပြရာတွင် ကရင့်တော်လှန်ရေးအစမှ KNU (၁၂)မြောက်ကွန်ကရက်အ ထိကို မဖေါ်ပြတော့ဘဲ (၁၃)ကြိမ်ကွန်ကရက်ပြီးမှ ယခုအချိန်အထိဖြစ်စဉ်များ၊ ဤသဘောထားကွဲလွဲမှုများတွင် ပြည်သူများက၊ မည်သည့်အခန်းကဏ္ဍတွင်ပါဝင်သလဲ စသည်တို့ကို အတိုချုံးဖေါ်ပြပါမည်။
ကရင့်တော်လှန်ရေးတလျှောက် ကရင့်တော်လှန်ခေါင်းဆောင်များအတွင်း အယူအဆ၊ အတွေးအခေါ်၊ ခံယူကျင့်သုံးမှုများကွာခြားမှုကြောင့် သဘောထားအနည်းနှင့်အများ ကွာဟမှုရှိသည်များရှိခဲ့ခြင်းကို (၄)နှစ် တကြိမ်ကျင်းပသော KNU ကွန်ကရက်များမှ ပြန်လည်သုံးသပ်ညှိနှိုင်းခြင်း၊ မူဝါဒလမ်းစဉ် (တပ်ပေါင်းစုအပါအ ၀င်)ကို ချမှတ်လုပ်ဆောင်ခဲ့သည်။ ရွေးချယ်ခံခေါင်းဆောင်များမှလည်း အများသဘောတူ ဆုံးဖြတ်ချက်များကို လိုက်နာ ကျင့်သုံး ခံယူ၍ မိမိသက်ဆိုင်ရာ တာဝန်လုပ်ငန်းများကို အကောင်အထည်ဖေါ်ခဲ့သည်။ (၄)နှစ်တာ အ ကောင်အထည်ဖေါ်ရာတွင် တွေ့ကြုံရသော အခက်အခဲများ၊ ပြင်ဆင်ရန်လိုအပ်ချက်များကို နောင်ကျင်းပမည့် ကွန်ကရက်များတွင် ယူဆောင်တင်ပြပြီး အများသဘောတူ ဆုံးဖြတ်လုပ်ဆောင်ခဲ့သည်ဖြစ်သည်။
ပထ၀ီအရ ကရင်အမျိုးသား နေထိုင်ရာနေရာများကို ဤသို့အကြမ်းဖျင်း ခွဲခြားနိုင်ပါသည်။
(၁) ပြည်တွင်းရှိကရင်များ
(၂) တော်လှန်ရေးဒေသရှိကရင်များ
(၃) နယ်စပ်၊ ဒုက္ခသည်စခန်းများမှ ကရင်များ
(၄)နိုင်ငံတကာရောက်ကရင်များ
၎င်းဒေသ (၄)ခုမှ ရှိသောကရင်များသည် မိမိဖြတ်သန်းလာသောဘ၀ကို အခြေခံ၍ အမျိုးသားအသိ စိတ်၊ မျိုးချစ်စိတ်များ ကွာခြားလျှက်ရှိသည်။ ၎င်းဒေသအသီးသီးမှ ကရင်လူမျိုးများသည် ဤကရင့်တော်လှန် ရေးလှုပ်ရှားမှုအတွင်း တထောင့်တနေရာတွင် ပါဝင်ရန် ဆန္ဒရှိသည်နှင့်အညီ မိမိဘ၀ပေး သိသမျှဖြင့် တထောင့် တနေရာမှ ကူညီပံ့ပိုးရန် ဆန္ဒရှိခြင်းသည် သဘာဝကျလှပေသည်။ ၎င်းဒေသ (၄)ခုတွင်ရှိသော ကရင်များ၏ အ ယူအဆများကို ခွဲခြမ်းစိတ်ဖြာရသော် အောက်ပါအတိုင်း မြင်နိုင်သည်။
(၁) ကရင့်တော်လှန်ရေးသည် မှန်ကန်သော တော်လှန်ရေးဖြစ်၍ အောင်ပွဲခံသည်အထိ စောဘဦးကြီး၏ လမ်း စဉ်အတိ်ုင်း လှေခွက်ကြီးကျန် အလံမလှဲစတမ်း လုပ်ဆောင်ကာ ကရင်တမျိုးသားလုံးကို မျှော်မှန်းချက်ရသည် အထိ လုပ်ဆောင်မည်။
(၂) ကရင့်တော်လှန်ရေး၏ ရေးစီးကြောင်းအတိုင်း ရေစုံလိုက်၍ ဖြစ်ပေါ်လာသောအခြေအနေအတိုင်း လိုက် လျောညီထွေ လုပ်ဆောင်လိုသူများ။
(၃) ကရင့်တော်လှန်ရေး ရှည်ကြာလှပြီ။ ဘာမှ အကျိုးရလာဒ်မမြင်ရ၍ မျှော်လင့်ချက်ဆုံးရှုံးကာ စိတ်ပျက်လက် ပျက်ဖြင့် ဘာမှ မလုပ်လိုတော့ခြင်း။
(၄) ကရင့်တော်လှန်ရေးရှည်ကြာခြင်းကြောင့် မောပန်းကုန်ကြပြီ၊ အင်အားကြီးရန်သူကို အနိုင်မတိုက်နိုင်တဲ့ အတူတူ၊ သူတို့ပေးသမျှကလေးနဲ့ ကျေနပ်ပြီး ရလာသောအခွင့်အရေးကို အမိအရယူမယ် ဟူသည်များ ဖြစ် သည်။
ဤသို့သော အယူအဆရှိသူများထဲတွင် အသင်သည် မည်သည့်အယူအဆအဖွဲ့တွင် ပါဝင်သနည်း။ ဤ မေးခွန်းသည် ကျန်ုပ်တို့ မျိုးချစ်ကရင်တိုင်း မိမိကိုယ်ကို ပြန်မေးရန်ဖြစ်သည်။

ဦးသိန်းစိန်၏ ငြိမ်းချမ်းရေးကမ်းလှမ်းချက်။
ပြည်တွင်းစစ် အနှစ် (၆၀)ကာလတွင် အဆက်ဆက်သော အစိုးရများက ငြိမ်းချမ်းရေးကမ်းလှမ်းကာ ဆွေးနွေးပွဲများ လုပ်ဆောင်ခဲ့သည်။ ၎င်းဆွေးနွေးပွဲများတွင် အစိုးရဘက်မှ စေတနာမမှန်၊ ပဋ္ဋိပက္ခအရင်းအမြစ် ကို ဖြေရှင်းရန်မရည်ရွယ်ဘဲ လက်နက်ကိုင်အင်အားစုများကို လက်နက်ချရေး၊ အလင်းဝင်ရေး၊ လက်နက်နဲ့ ငြိမ်း ချမ်းရေးလဲလှယ်ရေး၊ လက်နက်ကိုင်လမ်းစဉ်စွန့်လွတ်၍ ဥပဒေဘောင်တွင်းဝင်ရေး စသည့် ဝေါဟာရ ပေါင်းစုံဖြင့် တိုင်းရင်းသားတော်လှန်ရေးအင်အားစုများ အရှုံးပေး၊ အညံ့ခံရန်လုပ်ဆောင်ခဲ့သည်။
ယခု ဦးသိန်းစိန်ဖိတ်ခေါ်သော ငြိမ်းချမ်းရေးကို အချို့က ပြီးခဲ့သောအစိုးရများကဲ့သို့မဟုတ်၊ စေတနာ ဖြင့် ခေါ်သော ငြိမ်းချမ်းရေးဖြစ်သည်ဟူ၍၎င်း၊ ဦးသိန်းစိန်အစိုးရလက်ထက်မှာမှ မကြုံစဘူးအခွင့်အရေးကိုရ၍ ဤ အခွင့်အရေးကို လက်မလွှတ်စတမ်း အမိအရယူမည်ဟူ၍၎င်း အချို့က ယုံကြည်လုပ်ဆောင်လာပါသည်။ ဤအယူအဆများ ဘယ်က မြစ်ဖျားခံလာသနည်း၊ မည်သည့်အရာများသည် ဦးသိန်းစိန်အစိုးရအား ငြိမ်းချမ်းရေး ဖိတ်ခေါ်ရန် တွန်းပို့လေသနည်း။
(၁) စစ်အစိုးရအဆက်ဆက် မတရားဖိနှိပ်မှုကြောင့် တိုင်းပြည်ဆင်းရဲမွဲတေကာ ပြည်သူများ မကျေမနပ်မှု တိုးပွားလာခြင်း။
(၂) အစိုးရကိုယ်တိုင်စီးပွားရေးအကြပ်အတည်းဖြစ်လာကာ ဆက်လက်လည်ပတ်ရန်ခက်ခဲလာခြင်း၊ ၎င်းတို့ စစ်သားများ၏ မိသားစုများကို ၀လင်အောင် မထောက်ပံ့နိုင်ခြင်းကြောင့် တပ်တွင်းမကျေနပ်မှုများ တိုးပွားလာ ခြင်း။
(၃) အာဏာရစစ်အစိုးရ၀န်ကြီးများမှ တရားမ၀င်အပ်နှံထားသော နိုင်ငံခြားဘဏ်မှ ငွေများ အပိတ်ခံရ၍ ပြန် ထုတ်၍ မရခြင်း။
(၄) နိုင်ငံတကာအစိုးရများမှ မြန်မာအစိုးရအား Sanction စီးပွားရေးပိတ်ဆို့မှု ပြုလုပ်ခြင်းကြောင့် မည်သည့် အရင်းအနှီးမှ မ၀င်လာခြင်းကြောင့် အစိုးရက လည်ပတ်ငွေမရှိခြင်း။
(၅) နိုင်ငံတကာရောက်ကရင်အမျိုးသားအပါအ၀င် တိုင်းရင်းသားများ၏ ဖိအားပေးတောင်းဆိုမှုကြောင့် နိုင်ငံ ခြားအစိုးရ (၁၆)နိုင်ငံက မြန်မာအစိုးရအား လူ့အခွင့်အရေးနှင့် လူသားများအပေါ် ရာဇ၀တ်မှုကျူးလွန်ခြင်းရှိမရှိ စုံ စမ်းစစ်ဆေးရေးကော်မရှင်ဖွဲ့ကာ စစ်ဆေးရန် ထောက်ခံလာခြင်း။
(၆) တိုင်းရင်းသားလက်နက်ကိုင်အင်အားစုများ (ယခင်အစိုးရနှင့် ငြိမ်းချမ်းရေးချုပ်ဆိုထားသည့်အဖွဲ့အပါအ၀င်) အစိုးရကို ပြန်လည်တိုက်ခိုက်၍ တပ်ပေါင်းစုတွင်ပါဝင်ကာ အင်အားအရ စုစည်းမှုအရ လက်တွဲပြီး UNFC ကို ဖွဲ့စည်းနိုင်ခြင်း။
(၇) အမေရိကန်နိုင်ငံသည် အာရှပစိဖိတ်နိုင်ငံကို လစ်လျူရှု၍ အရှေ့အလယ်ပိုင်းမှ ရေနံထွက်နိုင်ငံကိုသာ အာ ရုံစိုက်ခဲ့ခြင်းကြောင့် တရုတ်အစိုးရ၏ ဗိုလ်ကျလွှမ်းမိုးမှုအာရှတွင်ကြီးထွားလာခြင်းကို ထိမ်းချုပ်နိုင်ရန် မြန်မာ ပြည်အပါအ၀င် အာရှပစိဖိတ်နိုင်ငံတွင် ပြန်လည် ခြေချလာခြင်း။
(၈) အရှေ့အလယ်ပိုင်းအာဏာရှင်နိုင်ငံများ ပြည်သူများ၏ အုံကြွမှုကြောင့် တခုပြီးတခု အာဏာလက်လွှတ်ဖြစ် ရခြင်း။
ဤအချက်များကို ထောက်ရှုခြင်းအားဖြင့် အာဏာရှင်နိုင်ငံများရှိ ခေါင်းဆောင်များကဲ့သို့ ဆိုးရွားသော အဖြစ်များမှ ရှောင်ရှားရန် (ဥပမာ- ကဒါဖီကဲ့သို့ ရေပိုက်အတွင်းဆွဲထုတ်ပြီး ပစ်သတ်ခံရသလို)၊ အမေရိကန်နှင့် ဥရောပနိုင်ငံများမှ ပေးမည့်အခွင့်အရေးကိုယူကာ ၎င်းတို့အကြပ်အတည်းမှ ထွက်နိုင်ရန် ယောင်ပြပြုပြင်ပြောင်း လဲမှုကို လုပ်ဆောင်ခြင်းဖြစ်သည်ကို မမေ့ရန်လိုအပ်ပါသည်။ အကယ်စင်စစ်၊ စိတ်စေတနာထက်သန်စွာဖြင့်မိမိ တို့၏ ပြည်သူများအပေါ် ကျင့်သုံးခဲ့မှု အဆက်ဆက်သောအမှားကိုမြင်၍ နောင်တရကာ ပြင်ဆင်လိုသောဆန္ဒ ကြောင့်မဟုတ်ဘဲ၊ မိမိတို့အာဏာသက်ဆိုးရှည်ရန်ရည်ရွယ်၍သာ ပြုပြင်ပြောင်းလဲရေးအတုအယောင်ကို လုပ် ကာ တိုင်းရင်းသားလက်နက်ကိုင်အင်အားစုအား ငြိမ်းချမ်းရေး ဆွေးနွေးရန် ကမ်းလှမ်းခြင်းဖြစ်သည်။
ယခုတဖန်ခေါ်ဆိုသော ငြိမ်းချမ်းရေးဆွေးနွေးပွဲသည် KNU အနေဖြင့်၂၀၁၂ ခုနှစ် ဖေဖေါ်ဝါရီလ (၁၂) နေ့တွင် ပဏာမ အပစ်အခတ်ရပ်စဲရေးစာချုပ်ချုပ်ဆိုကာ ယခု (၂)ကျော် (၃)နှစ်နီးပါးရှိပြီဖြစ်သော်လည်း KNU မှ တောင်းဆိုသော Code of Conduct တပ်နေရာချထားရေး၊ တပ်သားများလိုက်နာရမည့်စည်းကမ်းများ ဆွေး နွေးရန် ယခုတိုင် မဆွေးနွေးရသေးပေ။ ဤ (၃)နှစ်နီးပါးအတွင်း ကရင့်တော်လှန်ရေးဒေသ (၇)ခရိုင်တွင် ဘာ တွေတိုးတက်မှုဖြစ်လာကြသနည်း။
(၁) စစ်တပ်မှ လူအင်အား၊ လက်နက်အင်အားနှင့် ခံကတုတ်များကို ကွန်ကရစ်ဖြင့် အခိုင်အမာ တည်ဆောက် လာခြင်း။
(၂) လမ်းပန်းဆက်သွယ်ရေး ကောင်းမွန်ရေးကို အကြောင်းပြ၍ ကားလမ်းများဖေါက်လုပ်ကာ စစ်ဆက်သွယ်ရေးလမ်းကြောင်း ချောမွေ့ရေးကို အစီအစဉ်အရှိရှိ တည်ဆောက်ခြင်း။
(၃) ငြိမ်ဝပ်ပိပြားရေး၊ ဥပဒေစိုးမိုးရေးကို အကြောင်းပြု၍ စစ်စခန်းများတိုးချဲ့ခြင်း၊ ရဲစခန်းများ တိုးချဲ့ခြင်း။
(၄) အစိုးရ၏ အုပ်ချုပ်ရေးအာဏာကို ကရင်ဒေသတွင် သွပ်သွင်းခြင်း၊ ပညာရေး၊ ကျန်းမာရေး၊ ရဲစခန်းများ စသည်။
(၅) ကရင်ပြည်နယ်ရှိ မြေပေါ်ရှိသစ်ဝါးများ၊ မြေအောက်ရှိသယံဇာတများကို ထုတ်လုပ်ရန် ကုမ္ပဏီပေါင်း (၈၀) ကျော်ကို အစိုးရက လိုင်စင်ထုတ်ပေး ထုတ်လုပ်စေခြင်း။
(၆) ကရင်ပြည်နယ်ရှိ မြစ်များကို ဆည်တမံဆောက်ကာ လျှပ်စစ်ဓါတ်အားရောင်းချရန် လုပ်ဆောင်လာခြင်း။ ဤဆည်တမံများကြောင့် ကရင်ကျေးရွာများနှင့် ကရင်ဒေသများ ရေလွှမ်းမိုးပျက်စီးခံရ၍ သဘာဝပတ်ဝန်းကျင် ထိခိုက်လာခြင်း။
(၇) ကရင်ကျေးရွာများ ဘိုးဘွားဘီဘင်လက်ထက်မှ လုပ်ကိုင်စားသောက်လာသော လယ်မြေယာမြေများ နေ့ ချင်းညချင်း စည်းရိုးဝိုင်းပတ်ပြီး ပုဂလိကများ ရာဘာစိုက်ရန် အသိမ်းခံရခြင်း စသည့်ဆိုးကျိုးများကို ဌာနေပြည် သူများ၊ လူမှုအဖွဲ့အစည်းများထံမှ နေ့စဉ်ကြားနေရသည်။
(၂)နှစ်ကျော်အတွင်း ပြည်သူများအကျိုးခံစားရသည်မှာ ပြေးလွှားပုန်းအောင်းမနေရခြင်း၊ ကျေးရွာမီးရှိုး ခြင်းနှင့် သတ်ဖြတ်မခံရခြင်း၊ တနေရာနှင့် တနေရာသွားလာရာတွင် အစစ်အဆေးနည်းလာခြင်းတို့ဖြစ်သည်။
ဤအပစ်အခတ်ရပ်စဲရေး၏ ကောင်းကျိုးဆိုးကျိုးတို့ကို ချိန်ခွင်ပေါ်တင်၍ ချိန်ကြည့်ပါက ကရင်များအ တွက် အကောင်းဘက်ကများသလား အဆိုးဘက်ကများသလားဆိုသည်ကို စာဖတ်သူများ မိမိအသိဥာဏ်ဖြင့် ဆုံးဖြတ်ပေးရန် တိုက်တွန်းပါသည်။
စာရေးသူအနေနှင့် ကရင့်တော်လှန်ရေး မျှော်မှန်းချက်ပန်းတိုင်သည် မိမိနိုင်ငံရေး၊ စီးပွားရေး၊ ကျန်းမာ ရေး၊ ပညာရေး၊ လုံခြုံရေး စသည်တို့ကို မိမိဘာသာ ဆုံးဖြတ်လုပ်ဆောင်ရန်ဖြစ်သည်။ ကရင့်တော်လှန်ရေးစ တင်ချိန်တွင် ကရင်တမျိုးသားလုံး မြစ်ဝကျွန်းပေါ်၊ အနောက်ရိုးမ၊ ပဲခူးရိုးမ၊ အရှေ့ရိုးမနှင့် တပြည်လုံးရှိကရင် များ တိုက်ပွဲဝင်လုပ်ဆောင်ခဲ့သည်။ ယခုအခါတွင် အခြေအနေကြောင့် မြစ်ဝကျွန်းပေါ်၊ အနောက်ရိုးမ၊ ပဲခူးရိုးမ ရှိ ကရင်ဒေသများကို စွန့်လွှတ်၍ အရှေ့ရိုးမ (၇)ခရိုင်တွင်သာ ကရင့်တော်လှန်ရေး လှုပ်ရှားနိုင်သည်။ ထိုဒေသ (၃)ခုတွင်ရှိသော ကရင့်လယ်မြေ၊ ယာမြေများ စစ်တပ်က အကြောင်းအမျိုးမျိုးပြကာ သိမ်းခဲ့သည်မှာ ဆယ်စု နှစ်ကျော်ခဲ့လေပြီ။ ထို့အပြင် တောင်များသည်လည်း တောင်ကတုံးဖြစ်ကုန်ပြီဖြစ်သည်။ ယခုတဖန်လည်း အရှေ့ရိုးမသည် တောင်ကတုံးဖြစ်ဘို့ အလားအလာ ရှိနေပြီဖြစ်သည်။
ဤသို့ဖြစ်ရခြင်းမှာ KNU နှင့် ကရင့်တော်လှန်ရေးအတွင်း မှားယွင်းမှုတခုခုရှိနေပြီဆိုသည်ကို ငြင်းကွယ် ရန်မလိုတော့ပေ။ ဤမှားယွင်းမှုသည် အဘယ်နည်း။ မည်သူများ၏ စနက်နည်း။ မည်သူများ၏ ဖိအားကြောင့် နည်း။ မည်သူများက ကရင့်တော်လှန်ရေးကို ကြိုးဆွဲ ကစေသနည်းများကို ဖေါ်ပြပါမည်။
နောက်ခံဖြစ်စဉ်များ
၁၉၈၈ ကျောင်းသားအရေးအခင်းအပြီး ဒီမိုကရေစီအဖွဲ့များ၊ ကျောင်းသားအဖွဲ့များ တောခိုကာ အစိုးရ အားတော်လှန်တိုက်ပွဲဝင်ခဲ့ကြသည်။ ထိုအချိန်တွင် နိုင်ငံတကာဒီမိုကရေစီအစိုးရများက အတိုက်အခံဘက်မှ နေ၍ သံတမန်အရ၊ အသိပညာအရ၊ ငွေကြေးအရ အထောက်အကူပြုခဲ့သည်။ ဤသို့အထောက်အကူပြုရန် နိုင် ငံတကာရောက် မြန်မာအမျိုးသားများကလည်း ကြိုးစားလုပ်ဆောင်ခဲ့သည်။ ၎င်းပုဂိုလ်များအနက် အအောင်မြင် ဆုံး ပုဂိုလ်မှာ စပ်ရွှေသိုက်၏သား ဟန်ယောင်ဝေဟူသော ပုဂိုလ်ဖြစ်သည်။ ၎င်းသည် စီးပွားရေးပညာရှင်ဖြစ်ပြီး မည်သို့ ရံပုံငွေရှာရမည်ကို နားလည်ပြီး ပထမဦးဆုံး ယူရိုဘားမား (EURO BARMA)အဖွဲ့ကို ဖွဲ့စည်းကာ ဥရောပ နိုင် ငံများမှ အကူအညီကို ရယူကာ နယ်စပ်ရှိ အတိုက်အခံအင်အားစုများအား ငွေကြေးအထောက်အကူ ရှာကြံပေး ခဲ့သည်။ ဤကဲ့သို့ ရှာကြံပေးရာတွင် NCGUB ၀န်ကြီးများကို ငွေကြေးအထောက်အပံ့ လစဉ်ပေးလာနိုင်သည်အ ထိ၊ ထို့အပြင် NCUB တွင် KNU မှ ပို့ထားသော KNU မှ ကိုယ်စားလှယ် ကွယ်လွန်သူ ပဒိုဒေးဗစ်ထောလည်း အ ပါအ၀င်ဖြစ်သည်။ ဦးဟန်ယောင်ဝေသည် ဤသို့ရံပုံငွေရှာကြံကာ အတိုက်အခံခေါင်းဆောင်များ၊ တော်လှန်ရေး ခေါင်းဆောင်များကို ရင်းနီးမှုမှတဆင့် သြဇာသက်ရောက်လာအောင်လုပ်ဆောင်ခဲ့သည်။ တိုင်းရင်းသားတော် လှန်ရေးအင်အားစုခေါင်းဆောင်များထဲတွင် မိမိသြဇာသက်ရောက်မှုကို တည်ဆောက်ခဲ့သည်။ KNU တွင် ပဒို ဒေးဗစ်ထောသည် သူနှင့်အရင်းနီးဆုံးဖြစ်သည်။ ဟန်ယောင်ဝေ၏ အယူအဆများ ပဒိုဒေးဗစ်ထောထံ ၀င် ရောက်သောကြောင့် ပဒိုဒေးဗစ်ထော၏ အင်တာဗျူးများ၊ သုံးသပ်ချက်များသည် KNU မှ ချမှတ်ထားသော ရပ် တည်ချက်များအတိုင်း ပြောဆိုခြင်းမဟုတ်မူဘဲ၊ အင်တာဗျူးတခုတွင် အစိုးရက KNU ကို အပြုတ်မတိုက်လို၍ မွေးထားခြင်းဖြစ်သည်။ KNU တပ်အင်အား (၃၀၀၀)တောင်မပြည့်၊ အစိုးရတိုက်လျှင် ခဏလေးဖြင့်ပြုတ်မှာ၊ သက်သက်မွေးထားတာက စစ်အာဏာရှင်ရှိနေခြင်း၏ အကြောင်းပြချက် ခိုင်လုံမှုဖြစ်တယ် ဟူ၍ ပြောဆိုခဲ့သည်။ ဤသို့ KNU ရပ်တည်မှုမဟုတ်ဘဲ၊ ဟန်ယောင်ဝေ၏ သဘောထားလွှမ်းမိုးမှုအမှားများကြောင့် KNU ဗဟိုမှ ပဒိုဒေးဗစ်ထောအား (၃)ကြိမ်တိုင်တိုင် သတိပေးခံခဲ့ရသည်။
KNU ခေါင်းဆောင်မှုအတွင်း ပဒိုဒေးဗစ်ထောနှင့် အရင်းနီးဆုံးမည်သူများနည်း။ KNU (၁၃)ကြိမ်ကွန်က ရက်မှ ရွေးချယ်ခံရသော ဗဟိုကော်မတီများထဲတွင် ပဒိုထူးထူးလေးခေါ် ဖူးတာသီး ခေါ် KNU ကျေးရွာသား၊ ပဒို ကွယ်ထူးဝင်း(ယခင် ဗဟိုကော်မတီ၊ ယခု KNU အတွင်းရေးမှူးချုပ်)နှင့် အခြားအမည်မဖေါ်လိုသော ဗဟိုကော်မ တီ တချို့ဖြစ်သည်။
ဥရောပနိုင်ငံများသည် မြန်မာ့အတိုက်အခံများကို နှစ် (၂၀)ကျော် အထောက်အကူပြုအားပေးခဲ့သော် လည်း မြန်မာပြည်၏နိုင်ငံရေးအခြေအနေ တိုးတက်ပြောင်းလဲမှု ဖြစ်မလာသည့်အပေါ် တဖက်ကလည်း ဆိုခဲ့ပြီး သည့်အတိုင်း အမေရိကန်အစိုးရမှ အရှေ့အာရှပစိဖိတ်တွင် ၀င်ရောက်ကာ တရုတ်အစိုးရ၏ ဗိုလ်ကျလွှမ်းမိုးမှုကို ထိန်းချုပ်ရန်ဝင်ရောက်လာခြင်းကြောင့်တကြောင်း၊ သေနင်္ဂဗျူဟာပြောင်းကာ ပြည်တွင်းဝင်ပြီး မြန်မာအစိုးရနှင့် ပူးတွဲလုပ်ဆောင်ခြင်းဖြင့် တိုင်းပြည်ငြိမ်းချမ်းပြီး စီးပွားရေးအခွင့်အလန်းများ လက်ဦးမှုရယူနိုင်ရန် ဆုံးဖြတ်ခဲ့ သည်။ ဥရောပတွင် ဂျာမဏီက ဦးဆောင်ပြီး သဘောတရားတခုကို ဖေါ်ထုတ်ခဲ့သည်။ ၎င်းမှာ “ပြည်တွင်းစစ် ပတိပက္ခဖြစ်သည့် တိုင်းပြည်များတွင် စီးပွားရေးပြေလည်အောင်ဖန်တီးနိုင်ပါက ၎င်းတိုင်းပြည်တွင် အေးချမ်းသာ ယာတိုးတက်မည်” ဟူ၍ ဖြစ်သည်။ ၎င်း အယူအဆကို နော်ဝေးနိုင်ငံက ဦးဆောင်ပြီး သီရိလင်္ကာနိုင်ငံတွင် အ ကောင်အထည်ဖေါ်ခဲ့သည်။ သီရိလင်္ကာတွင် လူမျိုးကြီး (၂)ခုရှိသည်။ ၎င်းမှာ SINHALESE နဲ့ TAMIL တို့ဖြစ်သည်။ SINHALESE က လူဦးရေ ၈၀ ရာခိုင်နှုန်းကျော်ရှိပြီး TAMIL က၂၀ ရာခိုင်နှုန်းခန့်ရှိသည်။ TAMIL လူမျိုးသည် မိမိတို့ လူမျိုးတမျိုးအနေနှင့် လွပ်လပ်သောနိုင်ငံထူထောင်ရန် နှစ် (၃၀)ကျော်တိုက်ပွဲဝင်ခဲ့သည်။ အင်အားလည်း အတော်အသင့် တောင့်တင်းသည်။ ရေတပ်၊ လေတပ်ပါရှိသည်။ နော်ဝေးနိုင်ငံဦးဆောင်ပြီး သီရိလင်္ကာတွင် ငြိမ်း ချမ်းရေးရရန် ပထမဦးဆုံး အပစ်အခတ်ရပ်စဲရေးလက်မှတ် ချုပ်ဆိုနိုင်ရန် စွမ်းဆောင်ခြင်းကြောင့် သီရိလင်္ကာ သမတ ( )လက်ထက်တွင် အပစ်အခတ်ရပ်စဲရေးစာချုပ်ကို ချုပ်ဆိုနိုင်ခဲ့သည်။ အပစ်အခတ်ရပ်စဲရေးပြီးသည် နှင့် ဖွံ့ဖြိုးရေးကို အကြောင်းပြပြီး TAMIL ပိုင်နယ်မြေထဲတွင် ကားလမ်းဖေါက်ခြင်း၊ ဆေးရုံဆောက်ခြင်း၊ စာသင် ကျောင်းများဆောက်ခြင်း၊ လုံခြုံရေးကို အကြောင်းပြု၍ SINHALESE အစိုးရ တပ်စခန်းများ TAMIL နယ်တွင် အခိုင် အမာတည်ဆောက်ခြင်း၊ ရဲစခန်းများတည်ဆောက်ခြင်း၊ အုပ်ချုပ်ရေးရုံးများတည်ဆောက်ခြင်းများ လုပ်ဆောင် ကာ TAMIL လိုလားသော နိုင်ငံရေးသဘောတူညီချက်များအတွက် တွေ့ဆုံဆွေးနွေးနိုင်ခဲ့ခြင်းမရှိခဲ့ချေ။ သမတ (ChandrikaKumaratunga) သက်တမ်းကုန်၍ နောက်ရွေးကောက်ပွဲလုပ်ရာတွင် ယခင်သမတမရှိတော့ဘဲ လက်ရှိသမတ (Mahinda Rajapaksa)အာဏာရလေသည်။ အာဏာရလာပြီးမကြာခင်တွင် TAMIL များနှင့် ချုပ်ဆိုခဲ့သော အပစ်အခတ်ရပ်စဲရေးစာချုပ်ကို ဖျက်သိမ်းကာ TAMIL များကို အပြင်းအထန် စစ်ဆင်ရေးလုပ်ကာ နော်ဝေးအပါအ၀င် နိုင်ငံခြားအစိုးရများမှ တားဆီးပါသော်လည်း ကုလသမဂဒုက္ခသည်ကယ်ဆယ်ရေးမှ ၀င်ရောက်ဖြန်ဖြေသော်လည်း လက်မခံဘဲ အပြုတ်တိုက် ချေမှုန်းခြင်းကြောင့် အပြစ်မဲ့ TAMIL ပြည်သူများစွာ သေကျေပျက်စီးခဲ့ရသည်။
မှတ်ချက်။ ။ TAMIL များကိုအနိုင်တိုက်နိုင်သောဗိုလ်ချုပ်ကို မြန်မာအစိုးရမှ ချီးကျူးကာ မြန်မာပြည်သို့ဖိတ် ခေါ်ပြီး စစ်ရေးအပြန်အလှန်ပူးပေါင်းရန် လုပ်ဆောင်ခဲ့သည်။ ၎င်းအပစ်အခတ်ရပ်စဲရေးတွင် ကြားနေဖြန်ဖြေသူ များထဲတွင် ၎င်းအချိန်က INDIA ၏ ဗိုလ်ချုပ်အဆင့်ဖြင့် တာဝန်ထမ်းဆောင်ခဲ့သော ယခုကုလသမဂအထူးသံသတမန် “ပီဂျေးနံဗျား” လည်း တဦးအပါအ၀င်ဖြစ်သည်ကို သတိပြုရန်ဖြစ်သည်။

နားပါဦးမည်။ ။ကျန်ုပ် “ဖူးတာမူး” မှ ကရင့်အမျိုးသားအရေးအတွက် သွေးသစ္စာဖြင့် ကရင့်တော်လှန်ရေးဖြစ် စဉ်အလှည့်အပြောင်းနှင့် အစိုး၏ စစ်ရေးပရိယာယ်နှင့် နိုင်ငံရေးလှည့်ကွက်များကို ဆက်လက်တင်ပြသွားပါဦးမည်။

မှတ်ချက်။ ။ အီးမေးမှတဆင့်လက်ခံရရှိသည်။


No comments:

Post a Comment