ondragstart="return false" onselectstart="return false"

Saturday, December 22, 2012

ကရင်ဒေသ ဘိလပ်မြေစက်ရုံ စီမံကိန်း ရွာ ၂၀ ခန့် ပြောင်းရမည်

ဂျူးဂျူးလိုင် - ဧရာဝတီ


ဘိလပ်မြေ စက်ရုံဆောက်မည့် လုပ်ကွက်တခုတွင် ပါဝင်သော ဘားအံခရိုင်ရှိ လှိုင်းကလေး တောင် (ဓာတ်ပုံ – ဧရာဝတီ)

ကရင်ပြည်နယ် ဘားအံမြို့နယ် သံလွင်မြစ် အရှေ့ဘက်ဒေသတွင် အိန္ဒိယ ကုမ္ပဏီတခုက တည်ဆောက်မည့် ဘိလပ်မြေစက်ရုံစီမံကိန်း နယ်မြေ အတွင်း ပါဝင်နေသော ရွာ ၂၀ ခန့် ဖယ်ရှားပေးရမည်ဖြစ်၍ ဒေသခံ ရွာသားများ အခက်အခဲ ကြုံနေရကြောင်း သိရသည်။

တောင် ၁၀ လုံးကို ဖြိုပြီး ဘိလပ်မြေစက်ရုံ တည်ဆောက်မည့် ယင်းစီမံကိန်းကြောင့် ကျေးရွာပေါင်း ၂၀ ခန့်မှ အိမ်ခြေ ၁၀၀၀ ၀န်းကျင် ရွှေ့ပြောင်း ပေးရမည်ဖြစ်သည်ဟု ဒေသခံများက ပြောသည်။ အာဏာပိုင်များက ပြောင်းရမည်ဟု ပြောဆိုသော်လည်း မည်သည့် နေ့ရက်တွင် ပြောင်းရွှေ့ရမည်ကိုမူ မသိရှိရ သေးပေ။

ထို ဘိလပ်မြေ စက်ရုံ တည်ဆောက်ရန် အတွက် ကမော်ညောင် တောင်၊ တောင်ဝိုင်း တောင်၊ ညောင်ပလိန်း တောင်၊ ဒေါင်ကလ နှင့် လဇန်တောင်၊ လဇန်တောင်၏ တောင်ဘက်ခြမ်း၊ လွန်းည တောင်၊ ဇွဲကပင် တောင်၏ တောင်ဘက်ခြမ်း၊ ကော်ကူး တောင်၊ မင်းဇန် တောင်တို့ ပါဝင်ကြောင်း သိရသည်။

“ကရင်ပြည်နယ် ဖွံဖြိုးတိုးတက်ဖို့၊ အလုပ်အကိုင် အခွင့်အလမ်း တွေရလာစေဖို့ ဆိုပြီး ပြောတယ်။ တကယ် ရ မရ ဆိုတာတော့ ဘယ်သူမှ မသိနိုင်သေးဘူး။ ဖယ်ပေးရမှာက ရွာတွေ၊ လူတွေ၊ မြေနေရာတွေ။ ပြန်ပေးမလား၊ မပေးဘူးလား ဆိုတာလည်း မသိ သေးဘူး”ဟု တောင်ကလပ် ကျေးရွာ နောင်သကန်ကွင်း မှ ဒေသခံ တဦးက ပြောသည်။

ရွာသားများအနေဖြင့် တောင်ယာလုပ်ငန်းကိုသာ အဓိက လုပ်ကိုင်ကြသူများ ဖြစ်၍ ဘိလပ်မြေ စက်ရုံတည်ဆောက်ခြင်းမှာ ၎င်းတို့အတွက် အကျိုးရှိစေနိုင်မည် မဟုတ်ဟုလည်း ဆိုသည်။

ဘိလပ်မြေစက်ရုံ တည်ဆောက်မည့် Shree Cement Limited (SCL) ကုမ္ပဏီသည် အိန္ဒိယနိုင်ငံတွင် ဘိလပ်မြေ ထုတ်လုပ်မှု အဆင့် ပဉ္စမမြောက် အကြီးဆုံး ကုမ္ပဏီဖြစ်ကြောင်း၊ တနေ့ တန် ၁၀၀၀ ကျ ထုတ်လုပ်သွားမည်ဖြစ်ပြီး ယင်းဘိလပ်မြေ စက်ရုံ စီမံကိန်းကြောင့် အမြဲတမ်း ၀န်ထမ်း ၄၇၅ ဦးခန့် နှင့် နေ့စား ယာယီ ၀န်ထမ်း ၁၅၀၀ နှင့်အထက် အလုပ်အကိုင်များ ရရှိမည်ဖြစ်ကြောင်း SCL ကုမ္မဏီမှ တာဝန်ရှိသူ တဦးက ပြောသည်။

“မြန်မာနိုင်ငံမှာ ကြီးမားတဲ့ အခြေခံ အဆောက်အအုံတွေ ပေါ်ပေါက်လာ တဲ့အခါ ပြည်တွင်း ဘိလပ်မြေ လိုအပ်ချက်က အလွန်ကြီးမား လာမှာ ဖြစ်တယ်။ ဒါကြောင့် ကျနော်တို့ အနေနဲ့ ဒီတောင်တွေကို ဖြိုပြီး ဘိလပ်မြေ စက်ရုံ တည်ဆောက်တာပါ။ နောက် ပိုင်းမှာ နိုင်ငံခြား ရင်းနှီးမြှုပ်နှံမှုတွေ ၀င်လာမယ်၊ နိုင်ငံခြားသား ၀င်ရောက်လာတာ တွေလည်း များလာမယ်၊ ကွန်ဒိုတွေ များလာ မယ်၊ ရုံးခန်းတွေ ဖွင့်လာမယ်၊ နောက်ပိုင်းမှာ လိုအပ်ချက်တွေ ရှိလာမယ်။ ဒီလို တည်ဆောက်တာကြောင့် ဒေသခံတွေ အနေနဲ့လည်း အလုပ်အကိုင် အခွင့်အလမ်းတွေ ရရှိလာမှာ ဖြစ်တယ်”ဟု ၎င်းက ပြောသည်။

ကရင်ပြည်နယ် မြေယာစုံစမ်း ရေးကော်မရှင်အဖွဲ့ဝင် ပြည်သူ့လွှတ်တော် ကိုယ်စားလှယ် ဒေါ်နန်းစေ၀ါကမူ ဒေသဖွံ့ဖြိုးရေးနှင့် ကိုယ်ကျိုးစီးပွား၊ ဒေသခံ လူထုအတွက် အားသာချက်၊ အားနည်းချက်များ ကွဲကွဲပြားစွာ သိရှိရန် လိုကြောင်းပြောဆိုသည်။

“ဘိလပ်မြေ စက်ရုံကြောင့် ဘေးထွက်ဆိုးကျိုး မရှိဘူးလို့ ပြောတယ်။ ထွက်လာ တဲ့ဖုန်တွေကို ပြန်စုပ်ယူပြီး အချောထည် ပြန် လုပ်မယ်လို့ ပြောတယ်။ ထွက်လာတဲ့ အပူစွမ်းအင်ကိုလည်း လျှပ်စစ်ဘက်မှာ ပြန်သုံးမယ်ဆိုတာ ကောင်းပါတယ်။ ဒါပေမယ့် ကရင်ပြည်နယ် ဖွံဖြိုးတိုးတက်ဖို့ လုပ်တာလား၊ ဒါမှမဟုတ် ဒေသဖွံဖြိုးရေးထက် အကျိုးစီးပွား သက်သက်အတွက် လုပ်တာလား ကွဲကွဲပြာပြား သိဖို့ လိုတယ်။ စက်ရုံစီမံကိန်း ဆိုတာကလည်း စာရွက်ပေါ်မှာပဲ ရှိသေးတာ။ လူထုအတွက် အားသာချက် ဘယ်လောက်ရှိလဲ မသိရဘူး”ဟု ဒေါ်နန်းစေ၀ါ က ဆိုသည်။

ယခု တည်ဆောက်မည့် ဘိလပ်မြေစက်ရုံ အတွက် ပထမဆုံးဖြိုမည့် တောင် ၂ လုံး နှင့် ထုံးကျောက် ထုတ်ယူမည့် တောင်များသည် ဒေသတွင်းရှိ ကျေးရွာများနှင့် အလွန် နီးကပ်ကြောင်း၊ ဒေသခံများသည် ယင်း တောင်များမှ ထင်း၊ ၀ါးများ ခုတ်ယူ သုံးစွဲနေ ရကြောင်း၊ အင်းများမှ အသား၊ ငါးများ ရှာဖွေ စားသောက်နေရကြောင်း နှင့် ၎င်းတို့ စိုက်ပျိုးထားသည့် လယ်မြေများအတွင်း မြေ တူးစက်များ မကြာခဏ လာရောက်တူးယူသဖြင့် ချိုင့်ဝှမ်းများဖြစ်လာပြီး စိုက်ပျိုးရေး အခက်ခဲများ ကြုံတွေ့နေရကြောင်း သိရ သည်။

ပြီးခဲ့သည့် အောက်တိုဘာလ အတွင်းကလည်း ဘားအံခရိုင် ကော့ရင်းအောက် ကျေးရွာအုပ်စုရှိ တောင်နှစ်တောင်ကို ဖြိ်ု၍ ထုံးကျောက်မှုန့်များ ထုတ်ယူပြီး ဘိလပ်မြေ စက်ရုံ ဆောက်မည့် စိုးနိုင်ဖြိုး ကုမ္ပဏီအား ဒေသခံများ၏ ကန့်ကွက်မှုများ ဖြစ်ပေါ်ခဲ့သေး သည်။

စိုးနိုင်ဖြိုး ကုမ္ပဏီ၏ ဘိလပ်မြေ စက်ရုံ ဆောက်မည့် လုပ်ကွက် ဧရိယာ ၃၂၀ ဧက တွင် လေထိတောင်၊ လှိုင်းကလေးတောင်၊ ဒေ သခံရွာ ၆ ရွာ၊ သာသနိက မြေနေရာများနှင့် လယ်မြေ အင်းအိုင်များ ပါဝင်နေကြောင်း သိရသည်။
http://burma.irrawaddy.org/archives/28801

3 comments:

hotladylay@gmail.com said...

မနှစ်က ရွေးကောက်ပွဲပြီးကာစလေးမှာ ဘားအံဇွဲကပင်တောင်ဖက်ခြမ်းက ကော့ကူးတောင်ကို မော်လမြ်ိုင်ကစစ် တိုင်းမှုးကိုယ်တိုင်ပါတဲ့ လက်နှက်ကိုင်အပြည့်အစုံနဲ့ ကား ၆ စီးလောက် Tripost နဲ့ ကော့ကူးတောင်ကို လာတိုင်းကြတုံးက မေးကြည့်တော့ သူတို့က ဒေသန္တရကွင်းဆင်းတာပါ ဘာမှမဟုပ်ပါဘူးလို့ပြောတယ်။ဒါပေမဲ့ သူတို့တိုင်းတာဖို့သုံးနေတဲ့ Equipments တွေက တောင်ရဲ့ Volume ကိုတွက်ဖို့တိုင်းနေတာဖြစ်ကြောင်း GTI ကျောင်းဆင်းမှို့ အလိုလိုသိနေပါတယ်။အခုမှပဲရှင်းတော့တယ် ဒါဆို ဒီစီမံကိန်းဟာလဲ စစ်အစိုးရရဲ့ လျှို့ဝှက်ချုပ်ဆိုထားတဲ့ စီမံကိန်းပဲဖြစ်ရမယ်။(ထူးခြားတာက သူတို့ စစ်ကားတွေဟာရုပ်တရက်ရောက် လာပြီးလုပ်သွားကြတာ ဘားအံက မြေတိုင်းတို့ ပယက။ခ၀တ။မ၀တ တယောက်မှမပါတော့ သူတို့ဟာစစ်တပ်ကိစ္စအတွက်လာတိုင်းလေသလားလို့ထင်လိုက်ရတာပေါ့)

Min Pa Pa said...

ငါတို့ ဥက္ကဌသစ် ကဒီကိစ္စရှင်းပေးမယ်ပြောသံကြားတယ်။

ဟုတ်မဟုတ်တော့မသိဘူး သေချာဒါက ကရင်တွေ သူ့ ခာတ်မှာ အကုန်ထိပ်ပြောင်ကြီးတွေဖြစ်မယ်တဲ့.... ပြီးရင် ဖင်ပြောင်ကြီးတွေတဲ့...

မောင် ရိုး said...

့မြိုင်ကလေးမှာ ဘိလပ်မြေစက်ရုံ တည်ဆောက်တာ
ဆယ်စုနှစ်တောင်ကျေ်သွားပြီ ဘယ်ခေါင်းဆောင်ကမှ
ဘာမှမပြောတဲ့အပြင် မင်းတို့ အားလုံးလဲ ပါးစပ်ဖွင့်ရမှန်းမသိကြပါလား ဒီကိစ္စက ပြည်တွင်းမှာဖြစ်လို့ ပြည်တွင်းကလူတွေနဲ့ လဲ ဆိုင်တယ်သဘာဝပတ်ဝန်းကျင် ထိမ်းသိမ်းရေးအဖွဲ့ တွေနဲ့ လဲဆိုင်တယ် မင်းတို့ ရဲ့ မနာလိုစိတ်ဟာ မင်းတို့ ကိုယ်တိုင်ကိုပြန်ပြီးပင်ပန်းစေပြီး အကောင်းစိတ်လေးမွေးကြပါ

Post a Comment