နယ်စပ်တွင် စက်မှုဇုန်ထောင်မည်

စီးပွားရေးကို အကြောင်းပြပြီး ကရင်လူမျိူး နှင့် ကရင့်တော်လှန်ရေးကို ဘေးတွန်းပို့ ဖို့ ဆိုရင်တော့ သေနတ်သံတွေပို ကြားရမည့်ပုံပါပဲ။ နိုင်ငံရေးကိစ္စတွေကို နိုင်ငံရေးနည်းနဲ့ အရင်မရှင်းပဲ ဒီလုပ်ငန်းကြီး အကောင်အထည်ဖေါ်မယ်ဆိုရင်တော့ အောင်မြင်မယ်လို့ မယုံကြည်ပါ။ ဘာနဲ့ တူသလည်းဆိုရင် ဒွေးဒေါ်ကြီးက အမေ့လေသံနဲ့ မင်းတို့ ဘ၀ ကောင်းစားရေးအတွက် ငါလာလုပ်ပေးဒါဟဲ့ ဆို တဲ့လေသံမျိူးနဲ့ ပေါ့... နောက်ပြီး ဒွေးဒေါ်နဲ့ သူ့ အမျိူးတွေကပဲ ရိုက်စားလုပ်သွားပြီး ဒေသခံတွေက ဒုံရင်းဟာ ဒုံရင်းပါပဲ လို့ ကြိုမြင်မိဘာတယ်ရှင့်။

ဧရာဝတီ Thursday, 18 August 2011 15:14

နယ်စပ်ဒေသ မြို့များတွင် စက်မှုဇုန်များ တည်ထောင် သွားမည်ဖြစ်ကြောင်း အမှတ်(၂) စက်မှုဝန်ကြီးဌာန ၀န်ကြီး ဦးသိန်းစိုးက အင်္ဂါနေ့တွင် ပြောကြားလိုက်သည်။

လုပ်သားအင်အား အများအပြား အသုံးပြုရသော လုပ်ငန်းများကို အဓိက တည်ထောင်သွားမည်ဖြစ်ပြီး ကရင်ပြည်နယ်မြို့များတွင် အစပြုမည်ဟု ၀န်ကြီးက ပြောကြားသည်။

ဘားအံမြို့တွင်း တနေရာကို တွေ့ရပုံ။ ဘားအံ နှင့် လှိုင်းဘွဲ့ဒေသတွင် စက်မှုဇုန် တည်ဆောက်တော့မည်ဟု စက်မှု ၂ ၀န်ကြီးက ဆိုသည် (ဓာတ်ပုံ - Daniel Barreto)

“ဘားအံ နဲ့ လှိုင်းဘွဲ့ ကြားက စက်မှုဇုန်ကို စလုပ်မယ်။ ပြီးရင် မွန်ပြည်နယ်တို့၊ ရခိုင်ပြည်နယ်တို့မှာ ဆက်လုပ်ဖို့ စီစဉ်မယ်” ဟု နေပြည်တော်တွင် ကျင်းပသည့် စက်မှုလုပ်ငန်းများ ဖွံ့ဖြိုး တိုးတက်ရေး ကော်မတီ၏ အစည်းအဝေးအတွင်း ၀န်ကြီးက ရှင်းပြသည်။

စက်မှုဇုန်တည်ဆောက်ရေးသည် သမ္မတဦးသိန်းစိန်၏ ဆင်းရဲမှု လျှော့ချရေး အစီအစဉ်များထဲမှ တခု ဖြစ်သည်ဟု ဆိုသည်။

“ဒီကနေ့ မနက်က သမ္မတကြီးနဲ့ တွေ့တော့ အဲဒီ စက်မှုဇုန်ကိစ္စ တင်ပြတာ ခွင့်ပြုချက် ရခဲ့ပါတယ်။ ” ဟု ၀န်ကြီးက ပြောသည်။

စက်မှုဇုန်တခုတွင် ပါဝင်မည့် စက်ရုံ အရေအတွက်၊ အမျိုးအစား၊ အကျယ်အ၀န်း၊ တည်ဆောက်မည့်ဇုန်နေရာရှိ ဒေသခံများကို ဖယ်ရှားရေးတို့နှင့် ပတ်သက်ပြီး အသေးစိတ် ပြောဆိုခြင်း မရှိပေ။

တည်ဆောက်မည့် နယ်စပ် စက်မှုဇုန်များသည် ဒေသအနီး ၀န်းကျင်မှ လူများ အလုပ်အကိုင် ရရှိစေရန်၊ ပြည်ပနိုင်ငံများသို့ သွားရောက် အလုပ် လုပ်ကိုင်ခြင်း လျော့နည်းစေရန် တို့ကို ရည်ရွယ်သည်ဟုလည်း ၀န်ကြီးက ဆိုသည်။

အစည်းအဝေးတက်ရောက်သူ လုပ်ငန်းရှင်တဦးက “ဌာနဆိုင်ရာက ဘယ်လို ပံ့ပိုးပေးမလဲ ဆိုတာ စောင့်ကြည့်ပြီး ရင်းနှီးမြှုပ်နှံမှုလုပ်သွားမယ်” ဟု ပြောသည်။

လုပ်သားများစွာ အသုံးပြုမည့် လုပ်ငန်းများဟု ဆိုသဖြင့် အထည်ချုပ် စက်ရုံ၊ အီလက်ထရွန်နစ် ပစ္စည်း တပ်ဆင်သည့်စက်ရုံတို့ အများစု ပါဝင်ဖွယ် ရှိကြောင်း စက်မှုလုပ်ငန်းရှင်များက သုံးသပ်နေကြသည်။

ထိုင်းမြန်မာနယ်စပ် တနင်္သာရီတိုင်းအတွင်း တည်ဆောက်နေသည့် ထားဝယ် ရေနက်ဆိပ်ကမ်း စီမံကိန်းတွင်လည်း စက်မှုဇုန်များပါဝင်သည်ဟု သိရသည်။
http://www.irrawaddy.org/bur/index.php/news/7095-2011-08-18-08-16-47