စစ်တပ်မှ တနိုင်းလီဒိုလမ်းမကြီး ပိတ်ထား
ရက်စွဲ- ၁၉-၆-၂၀၁၂
တနိုင်းမြို့အနီး ၆မိုင်တံတား ( ဂွေတောင်ချောင်း )ဟာ ဦးအေးသိန်း၏ ဘိလပ်မြေတင်ဆောင်လာသော ယူဒီကောင်ဒါကားကြီးကြောင့် ၃၀-၆-၂၀၁၂ ရက်က ကျိုးကျပျက်စီးသွားခဲ့ပါတယ်။ မြို့နယ်အစိုးရမှ ကားပိုင်ရှင်ထံမှဒဏ်ငွေအဖြစ်ကျပ် (သိန်းနှစ်ရာ) တောင်းယူပြီးပါပြီ။ သို့သော် တံတားကို ယနေ့ထိတိုင်ပြန်လည်ဆောက်လုပ်ပေးခြင်း မရှိ၊ နွေရာသီ၌သွားလာရန် မဖြစ်စလောက်တံတားလေးသာ စီစဉ်ပေးထားလိုက်ပါတယ်။ နွေရာသီတံတားလည်း ချောင်းရေကြီးပြီး ယခုချိန်မှာပြန်လည်ပျက်စီးသွားခဲ့ပါပြီ။
စစ်တပ်မှ တနိုင်းလီဒိုလမ်းမကြီး ပိတ်ထား
စစ်အစိုးရ ခေတ်အဆက်ဆက်ကတည်းက ပြန်လည် ပြုပြင်တည်ဆောက်ခြင်း မလုပ်ခဲ့သည့် ဟောင်းနွမ်းသွားသော တံတားများ အခုလိုကျိုးပျက်သွားလျှင် တရားခံရှာပြီး ခြိမ်းခြောက်ကာ ဒဏ်ငွေများတောင်းယူမှုတွေ အကြိမ်ကြိမ်ရှိခဲ့သော်လည်း ခိုင်ခန့်သည့်တံတားများ ယနေ့ထိတိုင် ပြန်လည်ဆောက်လုပ်ပေးခြင်းမရှိခဲ့ပါ။ မြစ်ကြီးနား-တနိုင်းလီဒိုလမ်းမကြီးပေါ်ရှိ တံတားတွေအားလုံးဟာ ဒုတိယကမ္ဘာစစ်၊ အင်္ဂလိပ်ကိုလိုနီခေတ်တုန်းကတည်ဆောက်ထားသည့် သက်တမ်းကုန်ဆုံးပြီဖြစ်သော တံတားများဖြစ်ပါတယ်။
၁၆-၆-၂၀၁၂ ရက်က လီဒိုလမ်းမပေါ်၊ နောင်းမှီကျေးရွာအနီးရှိ ရဲဘက်စခန်းခြုံရေးမိုင်းနင်းမိပြီး ပြည်သူများထိခိုက်ဒဏ်ရာရရှိမှုကို အကြောင်းပြပြီး ခရီးသွားပြည်သူလူထုများအပေါ် မတရား ခြိမ်းခြောက်၊ စစ်ဆေးမေးမြန်းမှုများပြုလုပ်ပြီး မြစ်ကြီးနား-တနိုင်းလီဒိုလမ်းမကြီးကို ၁၇-၆-၂၀၁၂ ရက်ကစပြီး ( နမ္မတီးမြို့အထက်၊ မရန်ကထောင်ကျေးရွာမှ တနိုင်းမြို့ စုပေါင်းဂိတ်အထိ ) တနိုင်း ဒ.က.စ အမိန့်အရ ရက်အကန့်အသတ်မရှိ သွားလာရေးလမ်းကြောင်းပိတ်ပစ်လိုက်ကြောင်း သိရတယ်။
အခုလိုလမ်းကြောင်းပိတ်ထားလိုက်ခြင်းမှာ ကျိုးကျသွားသော ၆မိုင်တံတား ပြန်လည်မလုပ်နိုင်၍ မိုးရာသီ၌ ဖြတ်သန်းသွားလာနိုင်ရန် ဇက် ( စက်လှေ ) တခုအလောတကြီး တိတ်တိတ်ပုန်းစီစဉ်ပြုလုပ်နေကြရခြင်းကြောင့်သာ ဖြစ်ပါတယ်။ စစ်အစိုးရ၏ ယခုလိုလုပ်ရပ်တွေကြောင့် ရာနှင့်ချီသောစီးပွားရေးကုန်သည်များနှင့်ပြည်လူထုများဟာ သွားလာရေးခက်ခဲမှုနှင့်ရင်ဆိုင်ကြုံတွေ့နေကြကြောင်း ဒေသခံတဦးထံမှ သိရှိရပါတယ်။
စစ်တပ်မှ တနိုင်းလီဒိုလမ်းမကြီး ပိတ်ထား
No comments:
Post a Comment