ondragstart="return false" onselectstart="return false"

Monday, October 8, 2012

ကရင်အမျိုးသားအစည်းအရုံးအတွင်း စည်းရုံးရေးပြသနာ နှင့် ပြည်တွင်းငြိမ်းချမ်းရေး - အပိုင်း (၁)

ဆောင်းပါး - အောင်ထူး (ရှေ့ နေ)

ကရင်အမျိုးသား အစည်းအရုံး (ကေအင်ယူ) ၏ ထိပ်ပိုင်းခေါင်းဆောင်သုံးဦးအား တာဝန်များမှ ထုတ်ပယ် လိုက် သည့် သတင်းများထွက်ပေါ်လာပြီးနောက် အဖွဲ့အစည်းအနေဖြင့် ကွဲပြဲတော့မည်လားဟူသော စိုးရိမ်ပူပန်မှုများ သည် စာရေး သူအပါအ၀င် လူထုများ အတွင်း အတော်ပင် ကြီးမားစွာ
ဖြစ်ပေါ်လျှက်ရှိသည်။ အဘယ်ကြောင့်ပါနည်း။

ရှစ်လေးလုံးအရေးတော်ပုံကြီး ပြီးသည့်နောက် ထောင်ပေါင်းများစွာသော ကျောင်းသား၊ ပြည်သူ များသည် တိုင်းရင်း သား လက်နက်ကိုင်တော်လှန်ရေး
အင်အားစုများ အခြေပြုရာ ဒေသများသို့ လည်းကောင်း၊ ဗမာပြည်ကွန်မြူနစ်ပါတီ အခြေစိုက်ရာ ရှမ်းပြည်အရှေ့မြောက်ဒေသရှိ လွတ်မြောက်နယ်မြေသို့
လည်းကောင်း ရောက်ရှိခိုလှုံခဲ့ကြရာ စာရေးသူ လည်း တဦးအပါဝင်ဖြစ်ခဲ့သည်။ လက်နက်ကိုင်တော်လှန်ရေးနှင့် အခြား နည်းလမ်းပေါင်းစုံသုံးပြီး
စစ်အာဏာရှင် စနစ် အား ဆက်လက်တိုက်ပွဲဝင်ရန်ကြိုးပမ်းခဲ့ကြသည်။ တော်လှန်လိုသည့် ကျောင်းသားများ၊ လူထုများအား ကောင်းမွန်စွာ လက်ခံကြိုဆို
နေရာချထားပြီး တတ်နိုင်သမျှ ကျွေးမွေး ထောက်ပံ့ခဲ့သည့် တိုင်းရင်းသား လက်နက်ကိုင် တော် လှန်ရေး အဖွဲ့အစည်းများအနက် ကေအင်ယူသည်ရှေ့တန်းမှပါဝင်ခဲ့သည်။

မိမိအနေဖြင့် ကျေးဇူးရှင်သဘွယ်သဘောထားသတ်မှတ်ခဲ့သည့် အဖွဲ့အစည်းများအနက်တွင် ကေအင်ယူသည် ထိပ်တွင် ရှိသည်။ ၁၉၉၉ မှ ၂၀၀၄ ခုနှစ်
များတ၀ိုက်တွင် အရှိန်အ၀ါကြီးမားခဲ့သည့် မြန်မာပြည် ဒီမိုကရက်တစ် မဟာမိတ် အဖွဲ့ချုပ်ကို ဦးဆောင် ခဲ့သော ဗိုလ်ချုပ်ကြီးမြ နှင့် တဖြေးဖြေးနှင့် အနီးကပ်
ဆက်ဆန်မိရင်း ၄င်းသည် စစ် အစိုးရ အဆက်ဆက်က ၀ါဒဖြန့်ခဲ့သလို လူဆိုး လူမိုက်ကြီး တဦးမဟုတ်ဘဲ သူရသတ္တိ နှင့် ပြည့်စုံသည့် တော်လှန်ရေးသမားကြီး
တဦးဖြစ်မှန်းသိခဲ့သည်။ လေးစားချစ်ခင် ခဲ့သည်။ “ ကိုယ့်လူမျိုးကို ချစ်တယ်ဆိုတာ အခြားလူမျိုးကို မုန်းဘို့ မဟုတ်ဘူး ” ဟူသည့် ၄င်း၏ ရိုးရှင်းသော
လူမျိုးရေးအမြင် ဆိုင်ရာသင်ကြားချက်ကို အမှတ်ရနေဆဲဖြစ်သည်။

အလားတူပင် ၁၉၈၉ ခုနှစ်နောက်ပိုင်းမှစ၍ ယနေ့အထိခေါင်းဆောင်လျှက်ရှိသော ကေအင်ယူခေါင်းဆောင်များ အပါ အ၀င် မိမိနှင့်ဆက်ဆန်ထိတွေ့
မိသမျှများမှာ တနည်းမဟုတ်တနည်း လေးစားချစ်ခင်ဘွယ်ကောင်း သူများဖြစ် ကြောင်း တွေ့ရသည်။ ကိုယ်ကျိုးစွန့် အနစ်နာခံလျှက် ကရင်အမျိုးသားအရေးသာမက မြန်မာအပါအ၀င် တိုင်းရင်းသားအားလုံး အတွက် ဖက်ဒရယ်ပြည်ထောင်စု တည်ဆောက်ရေး၊ စစ်မှန်သော ပြည်တွင်းငြိမ်းချမ်းရေး
ရရှိရေး တို့ အတွက် စွမ်းစွမ်း တမန် တိုက်ပွဲဝင်လျှက်ရှိသူများ ဖြစ်ကြောင်းတောက်လျှောက်လေ့လာခွင့်ရခဲ့သည်။ ယခု ဤ အစည်းအရုံးကြီးမှာ အကွဲအပြဲဖြစ်တော့မည်လား ဟူသည့် စိုးရိမ်မှုသည် အခြားသူများထက် မလျော့နည်းဘဲ ခံစားမိလာသည်။ ဒေါက်တာ စင်သီယာမောင် ကဲ့သို့ နိုင်ငံရေးလုပ်ငန်းများနှင့် မစွက်ဘက်ဘဲ ဆေးပညာသန့်သန့် ဖြင့် လူထုအကျိုးပြုလုပ်ငန်း လုပ်နေသူကပင်လျှင် စိုး၇ိမ်ပူပန်ကြောင်း ထုတ်ဖေါ်ချက်ကို လေ့လာနိုင်ပါသည်။


ကေအင်ယူ၏ လက်ရှိ ဥက္ကဌဖြစ်သူ စောတာမလာဘောမှာ အသက်ကိုးဆယ် အတွင်းရောက်လာခဲ့ပြီး မြန်မာနိုင်ငံ သမိုင်း၏ တစိပ်တပိုင်း အဖြစ်
လည်း ကောင်း၊ ကရင်အမျိုးသား အစည်းအရုံးသမိုင်းတွင် အဓိကျသော နေရာ များ မှ လည်းကောင်းပါဝင်ခဲ့သူဖြစ်သည်။ တိုင်းရင်းသားတော်လှန်ရေး
သမိုင်းတွင် ရှားပါးပစ္စည်းဟု ပြောနိုင်သည်။ အိုကြီး အိုမ ရောက်လာသည့် အချိန် အထိ စိတ်ဓါတ်၊ ဇွဲ၊ အားမန် တချက်မျှ မလျှော့ဘဲ အဖွဲ့အစည်းကို
ဆက်လက် ဦးဆောင် မှုပေး လျှက် ရှိသည်။ ရုပ်ခန္ဓာကိုယ်အရ မစွမ်း သန်တော့သော်လည်း နိုင်ငံရေးအမြင်များ ကျယ်ပြန့်ပြီး ကောင်းမွန် ဖြောင့်မတ်စွာ
စဉ်းစား နိုင်သူလည်း ဖြစ်သည်။ ဥက္ကဌကြီး စောတာမလာဘော တရက်တာမျှ ဆက်လက် အသက်ရှည် ကျမ္မာလျှင် ကရင်အမျိုးသားများ အတွက်
သာမက ပြည်ထောင်စု တခုလုံးအတွက်ပါ တရက်ပိုပြီး အကျိုးရှိသည်ဟု စာရေးသူ ခံယူ ပါသည်။


အထုတ်ခံလိုက်ရပြီဟု သတင်းထွက်လာသော ဗိုလ်ချုပ်ကြီး မူတူးဆေးဖိုးမှာလည်း ယခုလက်ရှိ ကေအင်ယူ ခေါင်း ဆောင် များအတွင်း ဥက္ကဌကြီး
စောတာမလာဘောပြီးလျှင် အသက်အကြီးဆုံးဟု ပြောရပါမည်။ အသက်ရှစ်ဆယ်မျှ ရှိနေပါပြီ။ နှစ်ပေါင်းခြောက်ဆယ်ခန့်မျှ တော်လှန်ရေးအတွက်
ပေးဆပ်လာခဲ့ရသူဖြစ်သည်။ ကိုယ်ကျင့်တရား နှင့် စာရိတ္တကောင်းမွန်၊ အနေအထိုင် ရိုးရှင်း၊ အသောက်အစားကင်းရှင်းပြီး စိတ်ထား နှိမ့်ချသူဖြစ်သည်။
ယခုအသက် အရွယ်ရောက်သည် အထိ ကျမ္မာရေးကို ဒေါင်ဒေါင်မြည်အောင် ထိမ်းထားနိုင်ကာ အောက်ခြေတပ်ထုများ အကြားသို့  ခြေလျှင်ခရီး
အကြိမ်ပေါင်းများစွာဆင်းပြီး အနီးကပ် ကွပ်ကဲအုပ်ချုပ်မှုပေးနိုင်သူဖြစ်သည်။

ယခု ဤခေါင်းဆောင်ကြီးများ အတွင်း မည်သို့ ဖြစ်သွားခဲ့ကြပြီနည်း။ ကေအင်ယူ ခေါင်းဆောင်များ ညံ့ဖျင်း၍ ဤသို့ ဖြစ်ရသည်ဟု အလွယ်တကူ ကောက်ချက်မချသင့်ပါ။ ဤဖြစ်ရပ်ကို နားလည်နိုင်ရေးအတွက် မြန်မာနိုင်ငံ၏ နိုင်ငံရေး နောက်ခံအကျဉ်းကို ပြန်လည်မိတ်ဆက်တင်ပြပါမည်။

ကရင်အမျိုးသားများ အပါအ၀င် တိုင်းရင်းသားတွေ ဘာကြောင့် ခုခံစစ်ကို ဆင်နွှဲနေကြရသလဲ။

ကိုမင်းကိုနိုင် ကချင်ပြည်နယ်အတွင်း လေ့လာရေးခရီးစဉ်မှ ပြန်လာပြီးနောက် “ အမြှောက်ဆန်တလုံးကို ကျပ်သိန်းသုံး ဆယ် လောက်တန်တာတွေနဲ့
တဘက်နဲ့တဘက် ပစ်နေကြသဗျာ။ အဲသည်ငွေတွေကို လူထုကျမ္မာရေး အတွက် ဆေးပေးခန်းတွေ ဖွင့်တာ၊ လူထုပညာရေးအတွက် စာသင်ကျောင်း
ဆောက်တာ တွေ မှာ သုံးရင် ဘယ်လောက် ကောင်းမလဲ” ဟု မှတ်ချက်ပြုခဲ့ဘူးပါသည်။ ကိစ္စရပ်တိုင်းတွင် အကြောင်းနှင့် အကျိုး (Cause and Effect)
ဟူ၍ ရှိသည်။ အကျိုးအရ ပြောလျှင် ကိုမင်းကိုနိုင်၏မှတ်ချက်မှာ သွေးထွက်အောင်မှန်ပါသည်။ သာမန်အားဖြင့်ကြည့်လျှင် ငွေတွေကို အလွယ်တကူ
ဖြုန်းနေကြသည်ဟု မြင်နိုင်သည်။ သို့ရာတွင် အကြောင်းရင်းကို စစ်ကြောဘို့ လိုပါမည်။ ဘာကြောင့် တိုင်းရင်းသားတွေ က ဤသို့ခုခံစစ်ဆင်နွဲနေရသည်၊
ဘက်နှစ်ဘက် ဖြစ်ပွားနေကြသော ဤစစ်ပွဲတွင် မည်သည့်ဘက် ၌ တာဝန်ရှိသည် စသည်တို့ကို လေ့လာဘို့ လိုပါမည်။

ပြည်ထောင်စု တည်ဆောက်ရာတွင် တိုင်းရင်းသားလူမျိုးများအတွင်း တန်းတူ ခံစားခွင့်ရရှိရေး နှင့် စပ်လျှဉ်း၍ ဗိုလ်ချုပ် အောင်ဆန်းက “ ကရင်တကျပ်
မြန်မာတကျပ် ” ဟူ၍ သုံးနုန်းသွားခဲ့ဘူးသည်။ နှစ်ပေါင်း ခြောက်ဆယ်ကျော် ခဲ့ပြီဖြစ် သော်လည်း ဤစံထားသည့် အသုံးအနုန်းလက်တွေ့ဖြစ်လာရေးမှာ
အိပ်မက် အဆင့်ထက် မပိုသေးပါ။ တိုင်းရင်းသား လူမျိုးစုများသည် ၄င်းတို့ရသင့်သည့် စုပေါင်းအခွင့်အရေးဖြစ်သော “ တန်းတူရေးနှင့် ကိုယ်ပိုင်ပြဌာန်းခွင့် ”
အတွက် ခုခံစစ်ဆင်နွှဲနေ ကြရခြင်းဖြစ်သည်။ “ ခွဲထွက်ပြီး သီးခြားနိုင်ငံ” များ တည်ထောင်ရန်တိုက်ပွဲဝင်နေကြခြင်း မဟုတ်ပါ။ “ တန်းတူရေးနှင့်
ကိုယ်ပိုင်ပြဌာန်းခွင့် ” မရမချင်းတော့ ၄င်းတို့၏ နိုင်ငံရေးအသံ ကို တပြည်ထောင်လုံးကြားသိစေမည့် ခုခံစစ်ကို ရပ်ကြမည် မဟုတ်ပါ။

အောက်တိုဘာလ ခုနှစ်ရက်နေ့တွင် ဒီမိုကရက်တစ်မြန်မာ့အသံ ရုပ်မြင်သံကြား အစီအစဉ်မှ မွန်၊ ရခိုင်၊ ချင်း အမျိုး သား လွှတ်တော်ကိုယ်စားလှယ်
သုံးဦးနှင့် အင်တာဗျူးကို ထုတ်လွှင့်သွားခဲ့သည်။ ၄င်းတို့က ထိမ်းထိမ်းသိမ်းသိမ်း ပြောသွားခဲ့သော်လည်း ၂၀၀၈ ခုနှစ် ဖွဲ့စည်းပုံအခြေခံဥပဒေ
အောက်တွင် တိုင်းရင်းသားတော်လှန်ရေး အဖွဲ့အစည်း များ လိုလားမြှော်မှန်းသည့် “ တန်းတူရေးနှင့် ကိုယ်ပိုင်ပြဌာန်းခွင့် ” မရနိုင်ကြောင်း
ရှင်းရှင်းကြီးပေါ်နေပါသည်။ တိုင်းရင်းသားတွေက သူတို့ပြည်နယ်မှာ သူတို့နေ နေကြပါသည်။ စာရေးသူကဲ့သို့ လူများစု “ မြန်မာ ” လူမျိုးအများစုကြီး
နေထိုင်သည့် နိုင်ငံအလယ်ပိုင်း မြေပြန့်ဒေသကြီး၏ “ နေပြည်တော် ” ကို သွားရောက်ထိုးစစ်ဆင် တိုက်ခိုက်နေ ခြင်း မဟုတ်ပါ။ သို့ဖြစ်၍ စစ်ပွဲတွေ
မဆင်နွှဲပါနှင့်တော့၊ ရပ်ပါ ဟု မည်သူ့ကို ဖိအားပေးရမည်နည်း။ “ နေပြည်တော် ” ကို ဗဟိုပြုပြီး ရွှေနန်းတော်ကြီး ဖြစ်လာအောင် တထီးတနန်း
တည်ဆောက်နေသည့် စစ်ခေါင်းဆောင်များကိုသာ ပြောရမည် ဖြစ်သည်။

အမေရိကန်ဒေါ်လာ သန်းထောင်ဂဏန်း တချို့ကို အသုံးပြု၍ နေပြည်တော်ကြီး တည်ဆောက်သော ငွေမှာ စစ်ခေါင်းဆောင်များ ချွေးနည်းစာဖြင့်
ရှာဖွေရရှိထားသော ငွေမဟုတ်ပါ။ တိုင်းရင်းသား ဒေသများမှ အဓိကအားဖြင့် ထွက်ရှိ သည့် သဘာဝသယံဇာတ ပစ္စည်းများအားရောင်းချ၍ ရရှိ ငွေနှင့်
တည်ဆောက်ထားခြင်းဖြစ်သည်။ ပြည်ထောင်စု အတွက် မြို့တော် ရန်ကုန်ရှိပါလျှက် မလိုအပ်ဘဲ “နေပြည်တော်” တည်ဆောက်မည့် ငွေများအား
တပြည်လုံး လူထု ကျမ္မာရေး၊ ပညာရေး လုပ်ငန်းများတွင် သုံးမည်ဆိုပါက မည်မျှ အကျိုးရှိနိုင်မည်မှာ ရှင်းနေသည်။ မြန်မာလူမျိုးအများစု
အခြေပြုသည့်နေရာတွင် တည်ဆောက်သည့် မြို့သစ် “နေပြည်တော်” နှင့် ကရင်ပြည်နယ်၏ မြို့တော် ဖါးအံကို နိုင်းယှဉ်ကြည့်ပါ။ အဆ တထောင်နှင့်
တဆမျှ မက ကွားခြားနေပါသည်။ “ ကရင်တကျပ် မြန်မာတကျပ် ” မူ၏ လက် တွေ့သည် အဘယ်မှာနည်း။ ယင်းသို့ဖြစ်နေသမျှ တိုင်းရင်းသားများ၏
ခုခံစစ်ကို ရပ်ကြပါဟု မည်သို့ပြောရက်နိုင် မည်နည်း။

ပြည်တွင်းငြိမ်းချမ်းရေး တည်ဆောက်စေလိုလျှင် တိုင်းရင်းသားဒေသများသို့ စစ်ပွဲများ သွားရောက်ဆင်နွှဲနေမည့်အစား တိုင်းရင်းသားများ တောင်းဆို
နေကြသည့် “ တန်းတူရေးနှင့် ကိုယ်ပိုင်ပြဌာန်းခွင့် ” ပေးအပ်နိုင်ရေးအတွက်၂၀၀၈ ခုနှစ် ဖွဲ့စည်းပုံကို ပြင်လိုက်ပါ ဟု သာ နေပြည် တော်ရှိ စစ်ခေါင်းဆောင်
များကို ဖိအား ပေးရမည်ဖြစ်သည်။ တိုင်းရင်းသား များအတွက် စုပေါင်းအခွင့်အရေးဖြစ်သော “ တန်းတူရေးနှင့် ကိုယ်ပိုင်ပြဌာန်းခွင့် ”၊ နိုင်ငံသားများ၏
တဦးချင်း အခွင့် အရေးဖြစ်သော နိုင်ငံရေးလွတ်လပ်ခွင့်များ ရရှိပါက စစ်ပွဲများ ရပ်သွားမည် မုချဖြစ်သည်။

သို့မဟုတ်လျှင် ပြည်တွင်းစစ်ကို ငြိမ်းသတ်နိုင်ရေးအတွက် ဗမာပြည် ကွန်မြူနစ်ပါတီက တင်စား သုံးနုန်းသွားသကဲ့သို့  “ ငြိမ်းမရသည့် မီးတောက်မီးလျှံ ”
သာ ဖြစ်နေပါဦး မည်။ ကရင် အမျိုးသား အစည်းအရုံးသည် မြန်မာနိုင်ငံလွတ်လပ် ရေး ရပြီးချိန်မှစ၍ ယနေ့အထိ ခုခံစစ်ကို တောက်လျှောက်
ဆင်နွှဲ လျှက်ရှိသည်။ အခက်အခဲမည်မျှ ကြီးမားမည်ကို မှန်းဆနိုင်ပါသည်။ ဤနောက်ခံမှ စတင်၍ ကရင်အမျိုးသားအစည်းအရုံး၏ စည်းရုံးရေးပြသနာကို
ချည်းကပ်မှသာ သိမြင်မှု ရှင်းလင်းနိုင်ပါမည်။

စစ်အစိုးရ၏ အပစ်အခတ်ရပ်စဲရေး မဟာဗျူဟာကို ကျော်လွှားနိုင်ရန် ကြိုးပမ်းခြင်း

၁၉၈၈ ခုနှစ် ရှစ်လေးလုံးအရေးတော်ပုံကြီး ဖြစ်ပွားနေသည့် အချိန်အထိ စစ်အာဏာရှင်စနစ်ကို စစ်ရေးအရ ထိထိ ရောက်ရောက် တုန့်ပြန်နိုင်ခဲ့သည်မှာ
မြန်မာနိုင်ငံအရှေ့မြောက်ပိုင်းတွင် လွတ်မြောက်ဒေသတည်ထောင် ခဲ့သည့် ဗမာ ပြည်ကွန်မြူနစ်ပါတီဖြစ်သည်။ ရှစ်လေးလုံးပြီးသည့် အချိန်တွင် အဆိုပါ
လွတ်မြောက်ဒေသသည် ကြီးထွား ကြံ့ခိုင် ဆဲဖြစ်သည်။ ၁၉၈၉ ခုနှစ်တွင် ဗမာပြည်ကွန်မြူနစ်ပါတီအား ၀ တပ်များက အာဏာသိမ်းကာ မောင်းထုတ်ခဲ့ပြီး
နောက် စစ်အစိုးရသည် အခွင့်ကောင်းယူကာ ၀ပြည်သွေးစည်းရေးပါတီ (၀သပ) နှင့် အပစ်အခတ်ရပ်စဲရေး လုပ်ခဲ့ သည်။ ဗမာပြည်ကွန်မြူနစ်ပါတီ
အားကောင်းစဉ်က တောင်းဆိုခဲ့သည့် ပါတီ၊ ပြည်သူ့တပ်မတော်နှင့် လွတ်မြောက်ဒေသ အား အသိအမှတ်ပြုရေး ဆိုသည်များ အား စစ်အစိုးရကလက်မခံခဲ့။
ဝသပ ကို မူ အဆိုပါ အချက်သုံးချက်စလုံးအား ပေးအပ် ကာ အပစ်ရပ်စေလိုက်သည်။ ထို့နောက်အရှေ့မြောက်ဒေသတွင် ကွန်မြူနစ်ပါတီနှင့်ဆိုင်ထားခဲ့သည့်
တပ်များအနက် တပ်ရင်းအတော်များများ ကို ရှမ်းပြည်မှ ထုတ်နုတ်ကာ ကရင်ပြည်နယ်အတွင်းသို့ ပို့လွှတ်၍ ကေအင်ယူအမျိုးသား အစည်းအရုံး နှင့် တပ်ပေါင်းစု
က ဦးဆောင် တည်ထောင်ထားခဲ့သည့် မာနယ်ပလော လွတ်မြောက်နယ်မြေကို ထိုးစစ် ကြီးများ ဆင်နွှဲပါတော့သည်။

လက်နက်ကိုင်တော်လှန်ရေး ဆင်နွှဲနေကြသော်လည်း တော်လှန်ရေး အဖွဲ့အစည်းများသည် စစ်လိုလားသူများ မဟုတ် ပြည်တွင်းငြိမ်းချမ်းရေးကို
နိုင်ငံရေးနည်းလမ်းဖြင့် တည်ဆောက်လိုကြသည်။ မာနယ်ပလောကို ခုခံကာကွယ်သည့် ထိုး စစ်ကြီးများအား ရင်ဆိုင်ရင်း မြန်မာပြည်ဒီမိုကရက်တစ်
မဟာမိတ်အဖွဲ့ချုပ် သည် အတုအယောင် အပစ်အခတ်ရပ်စဲ ရေးကို ကျော်လွှားပြီး စစ်မှန်သည့်ပြည်တွင်းငြိမ်းချမ်းရေး တည်ဆောက်နိုင်ရန် ၁၉၉၀ ခုနှစ်တွင်
(တဖွဲ့ချင်းမဟုတ်ဘဲ) တပ်ပေါင်းစုနှင့် တွေ့ဆုံဆွေးနွေးရေးမူကို ချမှတ်ခဲ့သည်။ တဖွဲ့ခြင်း ခွဲထုတ် စည်းရုံးသွားမည့် အန္တရယ်ကို ကာကွယ်ရန် ဖြစ်သည်။
ဤမူအပေါ်တွင် တော်လှန်ရေးအဖွဲ့အစည်းများသည် ကာလ အတန်ကြာမျှ တောင့်ခံရပ်တည်နိုင်ခဲ့ကြ သည်။

ဝသပ အပစ်ရပ်သွားခဲ့သော်လည်း ကျန်သည့် တိုင်းရင်းသား လက်နက်ကိုင်တော်လှန်ရေး အဖွဲ့အစည်းကြီးငယ်များ အားလုံး နီးပါးမှာ မာနယ်ပလောကို
အခြေပြုနေသည့် အမျိုးသားဒီမိုကရေစီ တပ်ပေါင်းစု နှင့် မြန်မာပြည်ဒီမိုကရက်တစ် မဟာမိတ် အဖွဲ့ချုပ် တို့၏ ဦးဆောင်မှုအောက်တွင် မြန်မာနိုင်ငံလုံးဆိုင်ရာ
ကျောင်းသားများ ဒီမိုကရက်တစ် တပ်ဦး (ကျောင်းသားတပ်မတော်) က ကျောရိုးတရပ်အဖြစ်ပါဝင်လျှက် လွတ်မြောက်နယ်မြေကို ခုခံကာကွယ်သည့် စစ်ပွဲကြီး
များအား အောင်မြင်စွာ ဆင်နွှဲနိုင်ခဲ့ကြသည်။ မာနယ်ပလော တပ်ပေါင်းစု၏ တော်လှန်ရေးအလံ တလူလူလွှင့်ထူနိုင်ခဲ့ သည်။ ၁၉၉၂ ခုနှစ်တွင် စစ်အစိုးရ၏
အရှေ့တောင်တိုင်း စစ်ဌာနချုပ်တိုင်းမှုး ဗိုလ်ချုပ်မောင်လှ က တဘက်သတ် အပစ်အခတ်ရပ်စဲရေး ကြေငြာခဲ့ရသည်။ ဤသည်မှာ ငြင်း၍မရသော သမိုင်းဖြစ်သည်။

စစ်အစိုးရသည် စစ်ရေးဖြင့် ထိုး၍မရသောအခါ နိုင်ငံရေးလှည့်ဖြားမှုကို အရှိန်မြှင့်ပြီး ချော့မြူလာပြန်သည်။ တဘက် တွင်လည်း ကြောင်ဖြူ တာ မဲတာက
အဓိက မဟုတ်၊ ကြွက်သေဘို့ က အဓိက ဖြစ်တယ် ဟူသော ဥပမာအောက်တွင် တရုပ်ပြည်၏ စီးပွား ရေး တိုးတက်ဖွံ့ဖြိုးမှုကိုသာဇောင်းပေးဖေါ်ဆောင်
လိုသည့် တရုတ်ခေါင်းဆောင်ကြီး တိန့်ရှောင် ဖိန် တံခိုးထွားလာခဲ့ပြီး နောက် တရုတ်ပြည်သည် မြန်မာနိုင်ငံအား ကုန်သွယ်မှုနှင့် စီးပွားရေးရင်းနှီးမြှုပ်နှံမှု
များတွင်သာ စိတ်ဝင်စားမှုပိုလာခဲ့သည်။ စစ်ပွဲများကို မမြင်လိုတော့။ တရုတ်မြန်မာနယ်စပ် အခြေစိုက် လက်နက်ကိုင် အဖွဲ့အစည်း များအပေါ် ဖိအားများလည်း
ကျရောက်လာပုံရှိသည်။ ဤအခြေအနေနောက်ခံများအောက်တွင် မြန်မာပြည်ဒီမိုကရက် တစ်မဟာမိတ်အဖွဲ့ချုပ်အတွင်း ဒုတိယ အင်အားအကြီးဆုံးဟု
ပြောနိုင်သည့် ကချင်အမျိုးသားအစည်းအရုံး (ကေအိုင်အို က စစ်အစိုးရနှင့် အပစ်အခတ်ရပ်စဲရေးလုပ်သွားသောအခါ တပ်ပေါင်းစုအင်အားချည့်နဲ့သွားခဲ့ ရသည်။

ကေအင်ယူအတွင်းရှိ ကရင်ဗုဒ္ဓဘာသာဝင် ရဲဘော်၊ တပ်မှုးအချို့၏ ဘာသာရေးအခြေခံမကြေနပ်မှုကိုစစ်ထောက်လှန်း ရေး က အသုံးချ၍ ဒီကေဘီအေ
ပေါ်ပေါက်လာအောင် လုပ်ဆောင်ပေးလိုက်နိုင်ပြီးနောက် မာနယ်ပလောကို အသက် ပေး ခုခံကာကွယ်ခဲ့ကြသော ကရင်ရဲဘော်အချို့ကိုယ်တိုင် လမ်းပြ
ခေါ်ဆောင်လာမှုဖြင့် ၁၉၉၄ ခုနှစ် နှစ်ကုန်ပြီးနောက် တွင် စစ်အစိုးရလက်တွင်းသို့ သက်ဆင်းသွား ခဲ့ရပါတော့သည်။ သို့ရာတွင် ကရင်အမျိုးသား
အစည်းအရုံးသည်ကျဆုံး မသွားဘဲ ခံစစ်သေဆင်နွှဲသည့် အနေအထား မှ ပျောက်ကြားစစ်မဟာဗျူဟာကို ပိုမို ဇောင်းပေးကျင့်သုံးရင်း ခုခံစစ် ကို
ဆက်လက်ဆင်နွှဲပြီး ကြံ့ခိုင်စွာ ရပ်တည်လာနိုင်ခဲ့သည်မှာ ယနေ့တိုင်ဖြစ်သည်။

တချိန်တည်းတွင် ကရင်အမျိုးသား အစည်းအရုံး လက်ရှိရင်ဆိုင်နေရသော စည်းရုံးရေးပြသနာကို တပြည်လုံးပြည်တွင်း စစ်နောက်ခံ၊ စစ်အစိုးရ အဆက်
ဆက်၏ ခွဲခြား ဖဲ့ထုတ် လွှမ်းမိုးရေးမူ၊ အခြားသော တိုင်းရင်းသား လက်နက်ကိုင် တော်လှန်ရေး အဖွဲ့အစည်းများ၏ ရပ်တည်မှု၊ ပြည်တွင်း လူထု၏ ဖိအား
စသည်များနှင့် ဆက်စပ်စဉ်းစားမှသာ ရုပ်လုံး ပေါ်နိုင်မည် ဖြစ်ကြောင်း တင်ပြလိုခြင်း ဖြစ်သည်။


အပိုင်း (၂) ကို ဆက်လက်ဖတ်ရှုပါရန်

အောင်းထူး (ရှေ့နေ)
အောက်တိုဘာလ (၈) ရက် ၂၀၁၂ ခုနှစ်


3 comments:

sp said...

ကိုအောင်ထူးရေ....နိုင်ငံရေး၊တော်လှန်ရေး လုပ်တယ်ဆိုတာ ကိုယ်ကျင့်တစ်
ရားကောင်းဖို့ စာရိတ်တကောင်းဘို့ ၊အနေအထိုင်ရိုးရှင်း အသောက်အစားကင်း...ဖို့ ဆိုတာထက်...ကိုယ့်အဖွဲ့ အစည်း လုပ်ဖေါ်ကိုင်ဘက် ကိုယ့်လူမျိုး အပေါ်မှာသစ်စာရှိဘို့  စည်းကမ်းလိုက်နာတတ်ဘို့ ..ကွက်ကျော်မြင်တတ်ဖို့ ..ဖြစ်သန်းသွားလာခဲ့ ရတဲ့ ခံခဲ့ရတဲ့အကွက်တွေအပေါ်မှာ ပညာယူတတ်..ရန်သူနဲ့ တွေ့ တဲ့အခါမှာ ကလိမ်ကကျစ်လုပ်တတ်..လိမ်တတ်ညာတတ်.ကောက်ကျစ်တတ် ..လိုအပ်ရင် ယုတ်မာတတ်ဖို့ လိုအပ်တယ်လို့ ကျုပ်ထင်တယ်ဗျ.ဒါတွေကိုနားမလည် ..ခင်းဗျားပြောတဲ့အရေအချင်းတွေဘဲရှိတယ်ဆိုရင်နိုင်ငံရေးလုပ် ရမှာမဟုတ်ဘူးဗျ ဘုန်းကြီးဝတ်ရမှာ...ဒီကိစ်စမှာ ရန်သူအစိုးရက မမှားဘူး..သူတို့ လုပ်စရာရှိတာသူတို့ လုပ်တာ..သူတို့ အလုပ်သူတို့ လုပ်တာ..ညံတာက ကျုပ်တို့ ကရင်တွေ..သူများပြောတိုင်းယုံ၊
သူများကျွေးတိုင်းစား၊သူများလိမ်တာလည်းမသိ..သိရင်လည်းရန်သူအပေါ်မှာတော့သည်းခံနိုင်ပြီးအချင်းချင်းကြတော့ အတ်တ ..မာန်မာနတွေကိုမလျော့ ငါဆိုတဲ့စိတ်တွေကို '.....'ထိပ်မှာထား....ကွဲတယ်ပြဲတယ်ဆိုတာအကျင့်ပါနေတဲ့ အကျင့်ဆိုးကြီးတစ်ခုလိုဖြစ်နေပြီ..ဒါတွေကိုမပြင်နိုင်ရင်တော့ ဒီဘ၀မှာဘယ်တော့မှာ ကိုယ့်တိုင်းပြည် ကိုယ့်လူမျိုးကိုကိုယ်ကိုယ်တိုင်အုပ်ချုပ်ဘို့ ..စောဘဦးကြီးပြောတဲ့ ကရင့်ကြမ်မာကရင်ဖန်တီးဘို့ ဆိုတာတွေကိုကျူပ်တို့ 
ကရင်တွေ လုံးဝစဉ်းစားဘို့ အခွင့်မရှိပါဘူး...အစို့ ရနဲ့ တွေ့ လိုက်တိုင်း ကွဲ အပြဲ တွေဖြစ်..အချင်းချင်းနားလည်မှူတွေလွဲ...တစ်ခါ မဟုတ် နှစ်ခါမဟူတ်..သုံးခါမဟုတ်...ပညာ အရည်အချင်းနဲ့ အတွေးအခေါ် အမြော်မြင်ကဘဲစကားပြောတာလား..ခေါင်းဆောင်ေ၇ွးကာက်တင်မြောက်မှူနည်းစနစ်ကပဲလိုတာလား...ဒါမှမဟုတ် ကျူပ်တို့ ကရင်
တွေရဲ့ အရေပြားအောက်က မှားရွင်းနေတဲ့ အသွေးအသားဖောက်ပြန်မှူတစ်ခု
ကြောင့်ဘဲလလားဆိုတာ ဘယ်သူမှတတ်အပ်မပြောနိုင်တော့ပါ...သေခြာတာကတော့ဒီအဖွဲ့ အစည်းအပေါ်မှာအကိုးအားထား မြော်လင့် ချက်ထားလို့ မရတော့ပါ...

Min Pa Pa said...

ကဲ sp ဘယ်အဖွဲ့ အစည်းကို အားကိုးရမလည်းပြော.. မင်းအမေ လင် သိန်းစိန်အစိုးရကိုလား

sp said...

ဟေ့ကောင် မင်း ပ ပ ..သိန်းစိန် အစိုးရက ငါ့အမေလင် မဟုတ်ဘူးကွ..အေးဟုတ်ခဲ့မည်ဆိုရင်ညအ်ိပ်တဲ့အချိန်မှာငါလည်ပင်းလှီးပြီးသွေးစုပ်ပစ်တာ
ကြာပြီကွ..ငါက..တို့ ခေါင်းဆောင်တွေကိုဒီအစိုးရကဒီလောက် အထပ်ပေါင်းတစ်ထောင်
လောက်ထပ်နေပြီးခေါက်ရိုးကျိူးနေတဲ့အကွက်တွေနဲ့လာလာပြီးသွေးခွဲလိမ်
လည်နေတာကိုတောင်မမြင်နိုင်မစည်းလုံး သူများပြောတိုင်းယုံ အချင်းချင်းသွေးကွဲဘို့ ကိုဘဲနံပါတ်တစ်တရားခံမှာထားတဲ့တို့ ခေါင်းဆေါင်တွေရဲ့အားနည်းချက်ကိုထောက်ပြတာ..သားသမီးတွေစကားများ
ရန်ဖြစ်တော့မိဘတွေက တုတ်နဲ့ ရိုက်..အပြစ်ပေး ဆိုဆုံးမပိုင်ခွင့်တွေရှိပေမဲ့
ဒီမိဘတွေ အချင်းချင်းစကားများရန်ဖြစ်ကွဲကြပြဲကြတော့ ဘယ်သားသမီးမှာမှဆိုဆုံးပိုင်ခွင့် မရှိတော့ရင်ထဲကပေါက်ကွဲထွက်လာတဲ့ခံစားချက်ကိုတော့အမည်တတ်ပေးပိုင်ခွင့်နဲ့ထုပ်ပေါ်ပိုင်ခွင့်တော့ရှိပါတယ်.အေးခင်ဗျားသာ အဲဒီအဖွဲ့အစည်းထဲကတစ်ယောက်ဖြစ်ခဲ့မည်ဆိုရင်ကျုပ်လက်ခံနုင်အောင်အားကိုးအားထားမျော်လင့် နိုင်တဲ့အရည်အချင်းကိုပြပါ.ခင်ဗျားကိုကျုပ်လက်ခံလိုက်မည်.ဒီအချိန်ဟာ ကျုပ်တို့ ကရင်လူမျိုးစုတွေအတွက် အရည်အချင်းရှိသူတွေကရည်အချင်းပြရမဲ့အချိန်ဘဲ.အေးဒါမှမဟုတ်ရင်တော့
ကျုပ်ရဲ့ခံစားချက်ကို ခင်ဗျားမုဒိန်းလာမကျင့်ပါနဲ့ ..ကျုပ်သာ လုပ်ပိုင်ခွင့်ရှိရင်
ဒီလိုခေါင်းဆောင်တွေကြောင့်တော်လှန်ရေး အစွန်းထင်းမခံဘဲ အကုန်အပြတ်
ရှင်းပြစ်တယ်..နိုင်ငံရေးလုပ်ကြံမှူဆိုတာမျိုးပေါ့ ..တစ်မျိုးသားလုံးကောင်းကျိုး
အတွက် မရှိသင့်တဲ့လူကိုတော့ ရှင်းပြစ်ရမှာပေါ့ ..ဒီသုံးယောက်ကိုဖြုတ်တဲ့ပြသာနာနဲ့ပက်သတ်ပြီး.ပဒိုအောင်မောင်အေးနဲ့ အင်တာဗျုးကိုလည်းနားထောင်ကြည့်ပါလား..သူပြောပုံက ကေအန်ယူ ကဘဲထွေးပြီးတဲ့တ့တွေးပြန်မျိုချရတော့မလို လို..ဒီလူလဲ ကရင်တစ်မျိုးသားလုံးအတွက်မရှိသင့်တဲ့လူတွေထဲမှာ ပါလြာ့ပီ...ခင်ဗျားစည်းစားပေါ့ ဗျာ

Post a Comment