လူငယ်တစ်ဦးကို BGF က ဖမ်းဆီးသတ်ဖြတ်
နောင်ဆိုရင် ဗမာစစ်တပ်က BGF ယောင်ဆောင်ပြီး ကရင်တွေအချင်းချင်းသွေးကွဲအောင် ဒီထက်မက သတ် ပြအုံးမယ်။
မေလ ၂၇ရက်။ စောခါးစူးညား (ကေအိုင်စီ)
ကရင်ပြည်နယ်၊ ဖာပွန်မြို့နယ် ကတိုင်တိကျေးနယ်အုပ်စုအတွင်းရှိ ဘောကျို့လယ်ကျေးရွာနေ လူငယ်တစ်ဦးကို နယ် ခြားစောင့်တပ်-BGF (၁၀၁၃)တပ်ရင်း လက်လက်အောက်ခံတပ်ခွဲ အဖွဲ့တစ်ဖွဲ့က ပြီးခဲ့သည့် အပတ်က ဖမ်းဆီး၍ သတ်ဖြတ်ခဲ့သည်ဟု စုံစမ်းသိရှိရသည်။
ဘောကျို့လယ်ကျေးရွာအနီးအနားတ၀ိုက်တွင် လှုပ်ရှားနေသည့် အင်အား ၂၀ ခန့်ရှိ တပ်ခွဲမှူး ဗိုလ်စောမောင်စိုးမြင့် ဦးဆောင် BGF တပ်ဖွဲ့သည် မေလ ၂၀ရက်နေ့က အသက် ၁၈နှစ်အရွယ် စောတာပိုးလိုကို ဘောကျို့လယ်ရွာအ ပြင်တနေရာတွင် ဖမ်းဆီးကာ စစ်ဆေးမှုများပြုလုပ်ပြီး ထိုနေ့၌ပင် ရိုက်သတ်ခဲ့ခြင်းဖြစ်သည်ဟု ဒေသခံများက ပြော သည်။
ရိုက်သတ်ခံရသည့် စောတာပိုးလို၏ မိခင်ဖြစ်သူက “ကျမသားဟာ သိပ်ပြီးဦးနှောက် အလုပ်မလုပ်တာ ဒီကျေးရွာက လူတွေနဲ့ ဒီအနီးအနားက ရွာတွေ အားလုံးအသိပဲ။ သူက ရွာပြင်ထွက်လိုက် ၀င်လိုက်အမြဲလုပ်တယ်။ ဒါကို BGF က တွေ့တော့ သူတို့အတွက် ဘယ်လိုထူးခြားလည်း မသိဘူး။ သတ်လိုက်တာပဲ။ ကျမအနေနဲ့ စိတ်မကောင်းပေမဲ့ ဘာမှ ထွေထွေထူးထူးတော့ မပြောလိုပါဘူး။ သူ့ထိုက်နဲ့ သူ့ကံလို့ပဲ ပြောရမှာပေါ့။”ဟု ပြောသည်။
KNU ဖာပွန်ခရိုင်၊ တပ်မဟာ(၅) ရုံးထိုင်မှူး ဗိုလ်မှူး စောကလယ်ဒို့က “BGF ဟာ တချိန်က DKBA ပေါ့နော်။ ဘာသာ ရေးနဲ့ ကရင်လူထုတွေကာကွယ်ဖို့ပေါ့နော်။ အခုက လုံးဝ မြန်မာစစ်အစိုးရဲ့ လက်ကိုင်တုတ် ဖြစ်သွားပြီဆိုတော့ မြန်မာ စစ်တပ်ရဲ့ လမ်းစဉ်အတိုင်း လိုက်လုပ်နေတာတော့ မကောင်းဘူး။ အားလုံးခြုံလိုက်ရင်တော့ တရားခံဟာ မြန်မာအစိုး ရပဲပေါ့။ ဘယ်လိုပဲဖြစ်ဖြစ် သူတို့ကိုယ်သူတို့ အမှားအမှန်ပိုင်းခြားစိပ်ဖြာပြီး ပြည်သူတွေထိခိုက်စေတဲ့ အကျိုးမရှိတဲ့ အရာတွေ ထပ်မလုပ်ကြဖို့ သူတို့ကို တိုက်တွန်းချင်တယ်”ဟု ပြောဆိုသည်။
အဆိုပါဒေသတွင် လှုပ်ရှားနေသည့် BGF တပ်ရင်း (၁၀၁၃)သည် ယခုလို အပြစ်မဲ့ပြည်သူတဦးကို သတ်လိုက်သည့် အတွက် ဘောကျို့လယ်ရွာနှင့် အနီးအနားရှိ ဘောသို့ထာ့၊ ထီးသဲလေး၊ ဘိုမာ့ဟဲနှင့် ထီးလော်သေထာ့ စသည့် ကျေးရွာများမှ ရွာသူရွာသားများ အထိတ်တလန့်ဖြစ်နေကြရသည်ဟု ဒေသခံများ၏ ပြောပြချက်အရ သိရသည်။
အိမ်ခြေ ၄၀၀ ကျော်ရှိသည့် ဘောကျို့လယ်ကျေးရွာတွင် ယခင်က DKBA(ယခု နယ်ခြားစောင့်တပ်) အခြေစိုက် စခန်းတည်ရှိပြီး ၂၀၁၀ ရွေးကောက်ပွဲနောက်ပိုင်း အဆိုပါ စခန်းကို ဖျက်သိမ်းလိုက်ကာ မြန်မာအစိုးရက BGF တပ်များ ကို လှုပ်ရှားတပ်ပုံစံဖြင့် ပြောင်းလဲလှုပ်ရှားစေခဲ့ရာ ယခုအချိန်ထိ ဖြစ်သည်။
ကရင်ပြည်နယ်၊ ဖာပွန်မြို့နယ် ကတိုင်တိကျေးနယ်အုပ်စု၌ လှုပ်ရှားနေသည့် နယ်ခြားစောင့်တပ်-BGF (၁၀၁၃)တပ် ရင်း၏ တပ်ရင်းမှူးသည် ဗိုလ်မှူး စောလှကြိုင်ဖြစ်ပြီး ၂၀၁၁ ခုနှစ်အတွင်း ဘောကျို့လယ်ရွာမှ အပြစ်မဲ့ပြည်သူတဦးကို သတ်ဖြတ်သည်မှာ ပထမဆုံးအကြိမ်ဖြစ်သည်။
1 comment:
"ပင်လုံစာချုပ်ပြပြီး တိုင်းရင်းသားတွေ ခွဲထွက်ရင် ပြည်ထောင်စု ပြိုကွဲမယ်" လို့ ပြည်သူတွေကို ခြောက်ပြီး စစ်တပ်က အာဏာသိမ်း၊ တိုင်းပြည်ရဲ့ စီးပွားရေးကို မောင်ပိုင်စီးပြီး စစ်ဗိုလ်ချမ်းသာရေး လမ်းစဉ်ကို ချမှတ်ပေးခဲ့တဲ့ အဖေကြီး နေဝင်း ရဲ့ နည်းအတိုင်း ပြည်သူ့ငွေတွေကို သွားဖြဲနားဖြဲနဲ့ ဝါးလိုက်၊ ဒီမိုကရေစီရရင် တိုင်းရင်းသားတွေက ပင်လုံစာချုပ်ပြပြီး ခွဲထွက်မှာမို့လို့ ဒီမိုကရေစီကိုဆန့်ကျင်ဖို့ ကယောင်ကတမ်း ထထအော်လိုက်၊ ဗမာ နဲ့ တိုင်းရင်းသားတွေကို သွေးခွဲပေးလိုက်၊
စစ်တပ်နဲ့ ပြည်သူတွေကို ရန်တိုက်ပေးလိုက်၊ ခုံလှုပ်လာတော့ ကြောက်အားလန့်အားနဲ့ ဘုန်းကြီးပါမရှောင် အသေပစ်သတ်လိုက်၊ ထောင်ဒဏ်နှစ် ၁ဝဝ ကျော်ချလိုက်နဲ့ အဖေကြီး နေဝင်းစကားနဲ့ လုပ်စား၊ လိမ်စား၊ ခိုးစား၊ လုစား၊ သတ်စား လာတာ နှစ် ၂ဝ ကျော်ပီကွ..
ဆရာထက် တပည့် လက်စောင်းထက်ပြီး ခိုးလာတာ ဒေါ်လာ သန်း ၄ဝဝဝ ကျော်နေပြီကွ.. တရုတ်ပြည်မှာလည်း နန်းတော်လို အိမ်ကြီး၊ ခြံကြီးတွေ အများကြီး ဝယ်ထားပြီးပြီကွ.. စင်ကာပူက ဘဏ်တွေမှာလည်း ခိုးထားတဲ့ ပိုက်ဆံတွေ ဒေါ်လာ သန်းထောင်ပေါင်းများစွာကိုလည်း အပ်ထားပြီးပြီကွ.. အဖေကြီး နေဝင်းတောင် အဘ လောက် မခိုးနိုင်ဘူးကွ..
အဘရဲ့ ညစ်ပတ်ကောက်ကျစ်ယုတ်မာပုံ၊ ရက်စက်လူမဆန်ပုံ တွေ အပါအဝင် အမဲစက်တွေနဲ့ ပြည့်နေတဲ့ အဘ ဘဝကို သိချင်ရင် ဒီမှာ ဖတ်ကြည့်ကြကွာ..
http://yaw-han-aung.blogspot.com/2010/07/blog-post_23.html
Post a Comment