ondragstart="return false" onselectstart="return false"

Tuesday, May 24, 2011

နေပြည်တော်အတွင်းရေးနှင့်အရှုတ်ထုတ်များ

အီးမေးမှတဆင့် ပေးပို့ လာသော ဆောင်းပါးရှင် ဖူးဒို အား အထူးကျေးဇူးတင်ပါသည်။

သောသီခိုမှာတင်နေသော နေပြည်တော်အတွင်းရေးများကို တတ်နိုင်သလောက်လိုက်ဖတ်နေခဲ့ပါတယ်။ ၀ိုင်းတော်သား တစ်ဦးအနေဖြင့် သော်သီခို၏အနစ်နာခံကြိုးပမ်းမှု့ကို သိနေသဖြင့် ဘာမျှပြောစရာမရှိ။ ၄င်းသတင်းဖြင့် စာဖတ်ပုရိတ်သတ်တစ်ချို့တို့၏ မှတ်ချက်ကိုတော့ ကြားမိပါသည်။ ပရိရယ်များသော စစ်အာဏာရှင်တို့၏ လှည့်ကွက်လား၊ ဒီလောက်အရေးကြီးလာသော အခြေနေကို သတင်းဌာနကြီးတွေက မ ဖေါ်ပြသဖြင့် ရုံရခက်သလို တစ်ဖက်လှည့်ပြန်စဉ်းစားလျှင်လည်း ဒီလိုသတင်းမျိုးကို ပုံမှန်ရေးနိုင်ရန် လုပ်ကြံ ဇတ်ခင်းပြီး စာရေးပေးနိုင်သော စာရေးဆရာမရှိနိုင်။ သတင်းဌာနကြီးမှာ မဖေါ်ပြပေးနိုင်သော်လည်း သော်သီခို မှတင်ပေးသော နေပြည်တော်အတွင်းရေးများသည် ပြင်ပတွင်ဖြစ်နေသာ အရာများနှင့် ဆက်ဆပ်နေကြောင်း ပေါ်လွင်နေပါပြီ။

မေလ ၁၂ ရက် နံနက် ၉း၃၀ တွင် တပ်ချုပ်သန်းရွှေအမိန့်ဖြင့် ဗိုလ်ချုပ်ကိုကို ဦးဆောင်ပြီး ဗိုလ်ချုပ်မောင်အး နေအိမ်အား အင်အားသုံးစီးနင်းရာတွင် ပစ်ခတ်မှု့များကြောင့် သေဆုံးသူများ တွင် ဗိုလ်ချုပ်မင်းဇော် ပါဝင်ခဲ့ပါသည်။ ဗိုလ်သန်းရွှေကဘဲတော်လို့လား၊ ဘေးလူတွေကဘဲ နုံလို့လား မပြောတတ်၊ ဗိုလ်ချုပ်တစ်ဦးကျဆုံးသည့်တိုင် သတင်းထွက်မလာသဖြင့် စစ်အစိုးရအဖွဲ့ဝင်များကို အံသြမိပါသည်။ ဗိုလ်ချုပ် တင်ဦး သေဆုံးမှု့တွင် သတင်းထိမ်းနိုင်သလို ယခုထိပ်ဆုံးက ကျွဲနှစ်ကောင် ခတ်သံကို မည်မျှထိထိမ်းနိုင်မည်ဆို တာကိုတော့ စောင့်ကြည့်ရအုံးမည်။

မေလ ၁၃ ရက်- ဗိုလ်ချုပ်သန်းရွှေ၏ စိုးရိမ်မှု့ပေါ်လွင်နေပါသည်။ ဗိုလ်ချုပ်မောင်အေး ကိစ္စနှင့်ပတ်သက်ပြီး အောက်ခြေ နှင့် ပြင်ပသို့ သတင်းပေါက်ကြားမှု့မရှိရန် ကြိုးပမ်းကြသည်။ နေပြည်တော်အတွင်းစည်း လုံခြုံရေး တိုးမြှင့်ချထားလာပါသည်။ စစ်ကောင်စီတွင်း စတင်ပြီး မတည်မငြိမ်ဖြစ်လာ ပြီးအခြေမနေမကောင်းကြောင်း သတင်းပို့လာပါသည်။ လက်ရှိသမ္မတအစိုးရသစ်၏ နိုင်ငံရေးဖွဲ့စည်းပုံဖေါ်ဆောင်ရာတွင် ခက်ခဲပြီး အခြေအနေမ ကောင်းကြောင်းတင်ပြလာပါသည်။

မေလ ၁၅ ရက်- ဖမ်းဆီးခြင်းခံရသော ဗိုလ်ချုပ်မောင်အေး၊ ဗိုလ်ချုပ်တင်ငွေ၊ ဗိုလ်ချုပ်တင်အေး တို့ကို မနက် ၁၀ နာရီတွင် ဗိုလ်ချုပ်သန်းရွှေက ခေါ်ယူတွေ့ဆုံပြီး ထပ်မံညှိနိုင်းကြသည်။ ဗိုလ်ချုပ်မောင်အေးဖမ်းဆီးမှု့နှင့် ပတ်သက်ပြီး သတင်းပေါက်ကြားမှု့ရှိကြောင်းတင်ပြလာသလို နေပြည်တော်တိုင်းစစ်ဌာနချုပ်အပါအ၀င် ကြည်း ရေ လေ မှ မတည်မငြိမ်ဖြစ်လာပြီး အခြေအနေမကောင်းကြောင်း အထက်ကို တင်ပြလာပါသည်။ တပ်မတော်တွင်း ပြိုကွဲမှု့ဖြစ်နိုင်ကြောင်း ကကကြည်းမှ သတိပေးလာပါသည်။

မေလ ၁၆ ရက်- ဗိုလ်ချုပ်သန်းရွှေ၏ စိုးရိမ်မှု့အထွဋ်အထိပ်လို့ရောက်လာပါသည်။ တပ်မ ၇၇ ၏မကျေနပ်ချက် ပိုပြင်းထန်လာပြီး အနောက်မြောက်တိုင်းစစ်ဌာနချုပ်မှာ ပစ်ခတ်မှု့ဖြစ်သည်ထိ ဆိုးဝါးလာသည်။ အရှေ့တောင် တိုင်း စစ်ဌာနချုပ် မော်လမြိုင် မှလည်း ဗိုလ်ချုပ်ခင်ညွန့်ကိုဖမ်းသလိုမျိုး ဗိုလ်ချုပ်မောင်အေး ကို ဖမ်းဆီးပါက တပ်တွင်း အာဏာဖီဆန်မှု များလာနိုင်ကြောင်း နေပြည်တော်ကို သတင်းပို့ပါသည်။ ထို့အတူ အမှတ် ၅၀၃ လေ တပ်စခန်းမှလည်း အင်အားသုံးခုခံလာနိုင်ကြောင်း နေပြည်တော်ကို သတင်းပို့ပါသည်။

နေပြည်တော်တိုင်းစစ်ဌာနချုပ်မှ ဗိုလ်ချုပ်သန်းရွှေ၏ ညွန်ကြားချက်တချို့မှ စိတ်ဝင်စားစရာများမှာ-

အတိုက်ခံအင်အားစုနှင့်တိုင်းရင်းသားအဖွဲ့ဆီသို့အာရုံလွှဲရန်
သမ္မတ သိန်းစိန်နှင့် ဒုသမ္မတ တင်အောင်မြင့်ဦးတို့အား အကျဉ်းသားကိစ္စဖြင့် နိုင်ငံရေးဖက်သို့အာရုံလွှဲရန် တိတိကျကျ ညွန်ကြားလိုက်ပါသည်။
အကျဉ်းသားကိစ္စ ဖြင့် သမ္မတသိန်းစိန်၏ ဆောင်ရွက်မှု့သည် အောင်မြင်မှု့ ( နေပြည်တော်ရည်ရွယ်ချက်) ရရှိ သည်ဟုဆိုနိုင်ပါသည်။ နိုင်ငံတကာအသိုင်းအ၀ိုင်းနှင့် ပြည်တွင်းပြည်ပ မီဒီယာများ၏ အာရုံကို ဆွဲဆောင်နိုင်ခဲ့ပါ သည်။

လက်နက်ကိုင်တိုင်းရင်းသားဖက်သို့မည်သို့မည်ပုံ အာရုံလွှဲမည်ကို အမျိုးမျိုးစဉ်းစားမိပါသည်။ DKB နှင့် KNU ပူးပေါင်းတပ် ကို တိုက်ခဲ့စဉ်က စစ်အစိုးရဖက်မှ အထိခိုက်ကျဆုံးသည် တပ်ရင်း ၁၀ ရင်းစာ ကျော်၏ (တပ်ရင်း ၁ရင်း လျှင် စစ်သည်အင်အားတစ်ရာဖြင့်တွက်ထား)။ သို့သော်လည်း ၄-၅လ ကျော်သည့်တိုင်စစ်ဆင်ရေးမ အောင်မြင်ခဲ့။ စစ်ဆင်ရေးကို ၂နေရာ ၃ နေရာ တစ်ပြိုင်နက် ဆင်နွဲစဉ် က တစ်နေရာကို တစ်ရက်လျှင် ၁၂၀ မမ အမြှောက်ကျည်အရေအတွက် ၁၀၀ ကျော်ထိပစ်ခဲ့ပါသည်။ ၄င်းကျည်၏ တန်ဖိုးသည် အနည်းဆုံး ထိုင်း ဘတ်ငွေ ၆၀၀၀ ရှိပါသည်။ ထို့ကြောင့် တစ်ရက်လျင် ၁၂၀ မမကျည် ၂၀၀ သုံးခဲ့ပါက ကုန်ကျသည့်ငွေပမာဏ မှ ၂၀၀ x ၆၀၀၀ = ၁ ၂၀၀ ၀၀၀ ဘတ် x ၂၇ ကျပ် = ၃၂ ၄၀၀ ၀၀၀ ကျပ် ဖြစ်ပါသည်။ ၄င်းငွေပမာဏ သိန်း သုံးရာကျော်သည် ၁၂၀ မမ အမြှောက်ကျည်တစ်ခုတည်း၏ တစ်ရက်စာဖြစ်ပါသည်။ အခြားအကုန် အကျများဖြစ်သော လက်နက်ခဲယမ်း၊ ရိက္ခာ၊ ဆေးဝါးကုသရေး၊ သယ်ယူပို့ဆောင်ရေး၊ စက်ယန္တာယား ပြုပြင်ထိမ်းသိမ်းခ နှင့်ဆုံးရှုံးခြင်းများကို ထည့်တွက်ပြီး ကရင်ပြည်စစ်ဆင်ရေး၏ တစ်လ အကုန်ကျစရိတ်သည် ကြီးမားသော ငွေပမာဏဖြစ်နေပါသည်။

အစိုးရသစ်မတက်ခင်က သူတစ်ကျုံး ငါတစ်ပိုက်ဖြင့် ဗိုလ်သန်းရွှေမိသားစုအပါအ၀င် စစ်ဗိုလ်ချုပ်များ သိမ်းယူခဲ့ သဖြင့် ယခုအစိုးရသစ်တက်ချိန်တွင် နိုင်ငံတော်ပိုင် နိုင်ငံခြားငွေပမာဏမှ ဒေါ်လာ ၈၄ သန်းသာ ကျန်ရှိနေပါ သည်။ ဒီအချိန်တွင် ကရင်ပြည်စစ်ဆင်ရေးကို လက်လျော့ထားဟန်ရှိသည်မှာ ဘဏ္ဍာငွေအခက်ခဲဖြစ်နိုင်သလို အတွင်းရေးမငြိမ်မသက်မှု့နှင့်လည်းဆိုင်နေပါသည်။ ထို့ကြောင့်မြှောက်ပိုင်း စစ်ဆင်ရေးဖြစ်သော ကချင် နှင့် ၀ ကို တိုက်ရန် လက်ရှိအခြေအနေတွင် မဖြစ်နိုင်ကြောင်း သုံးသပ်မိပါသည်။

ကြည်းတပ်စစ်ဆင်ရေးဖြင့် အာရုံပြောင်းရန်မဖြစ်နိုင၊် အင်အားသုံးအာခံလာနိုင်သော လေတပ်ကိုလည်း လေ တပ်စစ်ဆင်ရေးတာဝန်ပေးပြီး အာရုံလွှဲရန် မဖြစ်နိုင်ပါ။ Mig 29၊ F7 စသော တိုက်လေယာဉ်များသည် စစ်ဆင်ရေး အတွေ့အကြုံမရှိသဖြင့် စမ်းသပ်အသုံးပြုလိုသော်လည်း စစ်ဆင်ရေးကုန်ကျစရိတ် ပိုများနိုင်တာ ထက်ကိုယ့်နောက်ကျောမလုံတာကပိုဆိုးဝါးပါသည်။ အဘယ်ကြောင့်ဆိုသော် လေတပ်စစ်ဆင်ရေးကို အမိန့်ပေး လိုက်ပါက လက်နက်တပ်ကျည်ထိုးထားသောတိုက်လေယာဉ် သည် တိုင်းရင်းလက်နက်ကိုင် ပစ်မှတ်ကို သွားဖို့ ထက် နေပြည်တော်ကို ပြန်လှည့်လာဖို့ စိုးရိမ်နေရပါသည်။

တပ်မတော်၏အရေးကြီးနေ့ဖြစ်သော် မတ်လ ၂၇ ရက်နေ့တွင် လုံခြုံရေးယူရသော တိုက်လေယာဉ်များသည် ကျည်ထိုးထားသော်လည်း ပစ်ခတ်၍မရအောင် အင် ဂျင်နီယာများက စစ်ရုံးအမိန့်ဖြင့် အမြဲတမ်း ဆောင်ရွက်နေရပါသည်။ သာမာန်ပြုလုပ်လေ့ရှိသော နေ့စဉ် လေ့ကျင့်ပျံသန်းခြင်းဆို ဝေးစွ လက်နက်တပ်ဆင်ခြင်းလုံးဝမရှိ။

သို့သော်လည်း လက်ရှိမကျေမနပ်ဖြစ်နေသောတပ်များကို အာရုံလွှဲဖို့တစ်ခုခုလုပ်ရမည့်အခြေနေသို့ရောက်နေ ပါပြီ။ နောက်ဆုံးတော့ မရိုးနိုင်ဇတ်ပွဲကိုဘဲ ဆက်ကပါတော့သည်။

မေလ ၁၆ ရက်တွင် တိုင်းရင်းသားဖက်သို့ အာရုံလွှဲရန် အမိန့်ပေးပြီး ၁၈ ရက်တွင် နေပြည်တော်နား ရှိဆင်သေ ဘူတာတွင် ခရီးသည်တင်မီးရထားတွဲမှ ဗုံးပေါက်ကွဲသဖြင့် ခရီးသည် ၂ ဦးသေပြီး ၆ ဦး ဒဏ်ရာရခဲ့ ပါသည်။ နောက်တစ်နေ့ မေလ ၁၉ ရက်တွင် မြ၀တီမြို့ရှိ စာတိုက်နှင့်ကြေးနန်းရုံးနားတွင် ဗုံးပေါက်ပြန်သည်။ သို့သော်လည်း လူအသေအပျောက်မရှိ။ နေပြည်တော်နားတွင် ဗုံပေါက်သဖြင့် နေပြည်တော်တိုင်းစစ်ဌာနချုပ်မှ တပ်ရင်းအနည်းနှင့်အများ အလုပ်ရှုပ်မည်ဖြစ်သည်။ ၄င်းဗုံးသည် ညနေ ၄ နာရီတွင်ဗုံးပေါက်သော်လည်း ထိုနေ့ တွင် လုံခြုံရေးနှင့် ပတ်သက်ပြီး နေပြည်တွင် ဆောင်ရွက်မှု့အထွေအထူးမရှိ။ နောက်နေ့ညနေမှစပြီး နေပြည်တော် ရှိလမ်းတစ်ချို့တွင်လုံခြုံရေးချထားပြီး စစ်ဆေးမှု့များပြုလုပ်လာပါသည်။ ၄င်းဗုံးပေါက်မှု့သည် KNU လက်ချက်ဖြစ်ကြောင်း ဗုံးပေါက်သည့် မေလ ၁၈ ရက်တွင်ပင် အာဏာပိုင်မှ AFP သတင်းဌာန ကိုပြောခဲ့ပါ သည်။ မြန်မာစစ်အစိုးရသည် ရှေ့နောက်ညီအောင် ခုထိ ဇတ်မကတတ်သေးပါ။ နေပြည်တော်နားဗုံးပေါက်ကွဲမှု့ ကို KNU ဟုစွတ်ဆွဲလိုပါက ဗုံးပေါက်ပြီးနာရီပိုင်းအတွင်း နေပြည်တော်တွင်လုံခြုံရေး ကိုချက်ခြင်းတိုးချထားရ မည်ဖြစ်သည်။

ဗုံးဖေါက်သည့်တရားခံ ကိုတော့ ကြုံရာလိုက်ဆွဲသည်။ သို့သော် သဘာဝမကျ။ ဗုံးသည် ချိန်ကိုက်ဗုံးဖြစ်ပြီး တရား ခံဟုသံသရရှိသူ ၇ ဦးကိုဖမ်းဆီးထားပါသည်။ ၄င်းဖမ်းခံထားရသူ ၇ ဦးလုံးသည် ဗုံးပေါက်ကွဲသည့် ရထားတွဲ အမှတ် ၃ တွင် ဆီးနှင်းလိုက်ပါလာသောခရီးသည်များဖြစ်ပါသည်။ ဘယ်သူမဆို ကိုယ့်အန္တာရယ်ကို တော့သိတတ်ပါသည်။ ကိုယ်စီးတဲ့အတွဲ ကို ဘယ်ငတုံးမှဗုံးပြန်ခွဲမည်မဟုတ်၊ ထို့ပြင် ချိန်ကိုက်ဗုံးဖြစ်မှတော့ ဗုံးမပေါက်ခင် နီးစပ်ရာဘူတာသို့ ဆင်းနေမှာသေချာပါသည်။ ခုချိန်မှာ စစ်ဘီလူးများ၏ နှိပ်စက်ခြင်းကိုခံနေရ သော ၄င်းခရီးသည် ၇ ဦးကိုသနားမိပါသည်။ မထင်မှတ်ဘဲ စစ်အာရှင်၏သားကောင်ဖြစ်ရခြင်းတွက် ကိုယ်ခြင်း စာမိပါသည်။

နေပြည်တော်နားမှာ ရွေးချယ်ပြီး ဗုံးခွဲခြင်းသည် နေပြည်တော်တွင်ရောက်ရှိနေသော အမေရိကန် ဒုတိယနိုင်ငံ ခြားရေးဝန်ကြီးဂျိုးဇက်ယွန်းနှင့်လည်း ဆက်စပ်မှု့ရှိပါသည်။ အဘယ်ကြောင့်ဆိုသော ဒီလိုမျိုးဧည့်သည် ကိုနေပြည်တော်မှ လုံးဝလက်ခံခြင်သည်မဟုတ်။

ကုလသမဂ္ဂအတွင်းရေးမှုးချုပ်မစ္စတာဘန်ကီမွန်းဖုန်းဆက်တာ တောင် ဗိုလ်ချုပ်သန်းရွှေက ဖြေသည်မဟုတ်။ ထို့အတူကုလသမဂ္ဂ ကိုယ်စားလှယ်များ လာပါက ပြည်ဝင်ခွင့် ဗီ ဇာ ကို ခက်ခက်ခဲခဲ ရအောင်တောင်းယူရသည်။ ယခုလည်း အမေရိကန် အစိုးရသည် မြန်မာစိုးရပေါ် ပိတ်ဆို့ အရေးခြင်းကို ၁ နှစ်သက်တမ်းတိုးပြီးမကြာခင်မှာ နေပြည်တော်သို့ရောက်ရှိလာသော အမေရိကန်၏ အဆင့် အမြင့်ဆုံးအရာရှိဖြစ်ခြင်းကြောင့် မျှော်လင့်ခြင်းတစ်ချို့နှင့်အတူ လက်ခံတွေ့ဆုံသော်လည်း ဂျိုးဇက်ယွန်း က မြန်မာအစိုးရသစ်ကို ဒီမိုကရေစီနည်းလမ်းကျကျ ပြုပြင်ပြောင်းလဲမှု့၊ လူ့အခွင့်အရေး၊ အကျဉ်းသားကိစ္စ များသာ ဖိအားပေးသွားပါသည်။ အမေရိကန်ဒုတိယနိုင်ငံခြားရေးဝန်ကြီး နှင့် ဆွေးနွေးမှု့များ အဆင်ပြေခဲ့ပါက အာရုံလွှဲရန်တွက် နေပြည်တော်နားမှာ ဗုံးမဖေါက်ဘဲ အခြားနေရာများတွင်သာဗုံးဖေါက်မှာဖြစ်သည်။

၂၀၀၉ ဖေဖေါ်ဝါရီလတွင် ကမ္ဘာ့ကုလသမဂ္ဂ၏ လူ့အခွင့်အရေးဆိုင်ရာ အထူးကိုယ်စားလှယ် ဖြစ်သော မစ္စတာ သော်မတ်စ်အိုဂျေကင်တားနား ( Mr Tomas Ojea Quintana) မြန်မာပြည်ရောက်ရှိပြီး ကရင်ပြည်နယ်သို့ လူ့အခွင့်အရေးနှင့်ပတ်သက်ပြီး ကွင်းဆင်းလေ့လာ ရန်ဖြစ်သည်။ သူသည် မြန်မာစစ်အစိုးရ၏ မလိုခြင်ဆုံး ဧည့် သည် တစ်ဦးဖြစ်၏။ ကင်တားနား ကရင်ပြည်နယ် ဖားအံမြို့သို့ရောက်ရှိတာနှင့် မြ၀တီမြို့တွင် ပေါက်ကွဲမှု့များ ဖြစ်တော့၏။ ဤပေါက်ကွဲမှု့သည် ဗုံးခွဲခြင်းမျိုးမဟုတ်၊ မြို့ထဲသို့ လက်နက်ကြီးအမြှောက်ဖြင့်ပစ်ခတ်ခြင်းဖြစ်၏။ ထုံးစံအတိုင်း KNU ဟုစွတ်စွဲပြန်သည်။ သို့သော် နအဖ ၏လုပ်ဇတ်သည် ဖင်ပေါ်စမြဲ။ လက်ရှိ KNU တွင်ထိုကဲ့ သို့ လက်နက်ကြီးအမြှောက် မရှိသည်ကို နိုင်ငံတကာ စစ်ရေးကျွမ်းကျင်သူများသိထားပြီးသားဖြစ်သလို လူ့အခွင့်ရေးတွက် တိုက်ပွဲဝင်နေသော KNU သည် မြန်မာပြည်တွင်းစစ်ကို လာရောက် ကူညီဖြေရှင်း ရန် ကမ္ဘာ့ကုလသမဂ္ဂ ကို နှစ်ရှည်လများတောင်ဆိုနေသော အဖွဲ့ဖြစ်သည်။ နောက်ဆုံးတွင် ကင်တာနား သည် လုံခြုံရေးအကြောင်းပြချက်ဖြင့် ဖားအံမြို့မှ လှည့်ပြန်ပြီး သူသွားခြင်သော ရခိုင်ပြည်နယ်ကိုပါ မရောက်တော့ဘဲ မြန်မာပြည်မှပြန်လည်ထွက်ခွါသွားရပါသည်။

ယခု အာဏာရှင်အစိုးရ၏ ခေါင်ကျွဲ ၂ ကောင်ခတ်ရာတွင် မြေဇာပင်များမှာ ပြည်သူများနှင့် တပ်မတော်သားတ ချို့တို့ဖြစ်နေရပါသည်။ ပြည်သူများ အာဏာရှင်စနစ်ကို မုန်းတီးနေသလို ပြည်သူဖက်ရပ်တည်ပြီး အာဏာရှင် ကို ဖြုတ်ချခြင်သော တပ်မတော်သားများလည်း ရှိနေပါသည်။ ပြည်သူချစ်သော တပ်မတော်သား များ မည်ကဲ့သို့စွန့်လွှတ်စွန့်စားပြီး ပြည်သူများကို ကယ်တင်နိုင်သည်ကို မြန်မာပြည်သူပြည်သားများစောင့်မျှော် လျှက်ရှိနေပါသည်။


မြန်မာပြည်သူပြည်သားများရန်မျိုး ၆ ပါးမှကင်းဝေးကြပါစေ။

ဖူးဒို
မေလ ၂၄ ရက်၊ ၂၀၁၁
www.karenunited.com

No comments:

Post a Comment