အနန်းကွင်း ဘုရားပွဲ ဗုံးပေါက်ကွဲ

ဒီဗုံးပေါက်ကွဲမှုဟာ သွေးရိုးသားရိုးမဟုတ်ဘူး.. ချိန်ကိုက်ပြီးလုပ်ထားတယ်.. နိုင်ငံရေးမှာ ရှုပ်ထွေးအောင် ဖန်တီးထားတယ်။ မကြာခင်မှာ ကေအဲန်ယူ ငြိမ်းကိုယ်စားလှယ်တွေ ဖားအံ့ကို သွားမည့်အချိန်နှင့် ချိန်ကိုက်ပြီးလုပ်ထားတယ်။ ကရင်လူထုတွေ အသလွတ်သေပြီး မြေစာပင်ဖြစ်နေတယ်။ ဗုံးခွဲတရားခံကို အမြန်ဆုံးဖေါ်ထုတ်ဖို့ လိုတယ်။ လှုံခြုံရေး တာဝန်ယူထားတဲ့ ဗမာစစ်တပ်မှာ တာဝန်အရှိဆုံးဖြစ်ပြီး အဲဒီဒေသမှာ ရှိနေတဲ့ ကေအဲန်ယူ တပ်မဟာ(၆)၊ ဒီကေဘီအေ ကလိုထူးဘောတပ်ဖွဲ့ ၊ ဖူးထိန်မောင်ငြိမ်းအဖွဲ့ ၊ စောသမူးဟဲငြိမ်းအဖွဲ့ သို့ မဟုတ်နယ်ခြားစောင့်တပ်၊ ဒီကေဘီအေနယ်ခြားစောင့်တပ်ဖွဲ့ ၊ မွန်ပြည်သစ်ပါတီတပ်၊ မွန်ဓါးမြအဖွဲ့ .. အစရှိတဲ့ သေနတ်ကိုင်တဲ့သူ မှန်သမျှ တာဝန်ရှိတယ်။

မကြာခင်ဖားအံ့ကိုသွားမယ့် ကေအဲန်ယူ ငြိမ်းကိုယ်စားလှယ်တွေ အခြေအနေမှန်ကို အမြန်ဆုံးသုံးသတ်ဖို့ လိုသလို လှုံခြုံရေးကိစ္စကို လည်း ရှေးတန်းတင်စီစဉ်ပြီးမှ လုပ်သင့်တာလုပ်ဖို့ တိုက်တွန်းလိုတယ်။
xxxxxxxxxxxxxxxxx

Written by လေးငယ်

ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူမြို့နယ်ခွဲရှိ အနန်းကွင်းကျေးရွာ ဘုရားပွဲတွင် ယမန်နေ့ည (၁၁)နာ ရီတွင် ဗုံးပေါက်ကွဲရာ လူ(၄) ဦးသေပြီး၊ (၄၅) ဦးထက်မနဲ ဒါဏ်ရာရရှိခဲ့သည်ဟု အနန်းကျေးရွာ ကျန်းမာရေးမှူး တဦးက ပြောပါသည်။ ဤအထဲ၌ သံပုရာရွာသား (၁၃) ဦး၊ တောင်စွန်းရွာသား (၂)ဦး၊ မုဒုံမြို့မှ ဈေးသည် (၂) ဦး၊ ခုံခံကျေးရွာမှ တဦးသေပြီး၊ တဦးဒါဏ်ရာရရှိခဲ့သည်ဟု သိရပါသည်။

သာမန် ဒါဏ်ရာရသည့် လူနာများကို အနန်းကွင်းဆေးပေးခန်းနှင့်၊ သံဖြူဇရပ်သို့လည်းကောင်း၊ အရေးပေါ်လူနာများကိုမူ မော်လမြိုင်မြို့သို့ လည်းကောင်း ပို့ဆောင်ခဲ့ရသည်ဟု အနန်းကွင်းကျေးရွာ ကျန်းမာရေးဌာနထံမှ သိရပါသည်။

မည်သူ့လက်ချက်ကြောင့် မသိရသေးသော်လည်း၊ အနန်းကွင်းကျေးရွာ၌ အမှတ်(၅) စစ်ဆင်ရေးကွပ်ကဲမှုဌာနချုပ် (စကခ ၅) ဗျူဟာရုံး အခြေစိုက်ရာ နေရာဖြစ်ပြီး၊ နည်းဗျူဟာမှူးသည်၊ ဗိုလ်မှူးကြီး၊ စိုးမိုးအောင်ဖြစ်ပါသည်။ ပွဲခင်း၌လည်း မွန်ပြည်နယ် ရေးမြို့အခြေစိုက် စကခ(၁၉)မှ ဒုဗိုလ်မှူးကြီး သန်းထွတ်အောင် ဦးစီးသည့် ခလရ(၆၁) စစ်ကြောင်း (၁)မှ ပွဲခင်းအ တွင်းလုံခြုံရေး တာဝန်ယူပြီး၊ ဗိုလ်မှူး အောင်မင်းထွေး ဦးစီးသည့် စစ်ကြောင်း (၂) သည်၊ ပွဲခင်းပြင်ပလုံခြုံရေး တာဝန်ယူ ထားသည်ဟု သိရပါသည်။

ဤကိစ္စနှင့်ပါတ်သက်ပြီး KNU ပြောရေးဆိုခွင့်ရှိသူ တဦး ထုတ်ဖေါ်ပြောကြားသည်မှာ-“ ကျနော်တို့ လက်ချက်မဟုတ်ဘူး၊ ကျနော်တို့နဲ့ အစိုးရက မကြာခင်ငြိမ်းချမ်းရေးဆွေးနွေးဖို့ ရှိတယ်မဟုတ်လား၊ ဒါကြောင့် ကျနော်တို့ မလုပ်ဘူး၊ ပြီးတော့ အခုသေတဲ့သူရော ဒါဏ်ရာရတဲ့ သူတွေဟာ ကရင်လူမျိုး သက်သက်ပါဘဲ၊ ကရင် လူမျိုးတွေကို ဒီလိုဗုံးခွဲပြီး သတ်ပါ့မလား၊ ဒီလိုမျိုးဘဲ အရင်က လွန်ခဲ့တဲ့ အနှစ် ၂၀ ကျော်တုန်းကလည်း တခါဖြစ်ဘူးတယ်။ အဲဒီတုန်းက လမိုင်းဘုရားပွဲပါ၊ (၁၀)ဦးသေပြီး (၇၀) ထက်မနဲ ဒါဏ်ရာရခဲ့တယ်။ အဲဒီတုန်းကတော့ မွန်ပြည်သစ်ပါတီကို စွပ်စွဲခဲ့ဘူးတယ်၊ဒါကို သတိရနေတယ်။ အခုလည်း ကျနော်တို့ KNU ကို စွပ်စွဲမှာဘဲ”ဟုကေအန်ယူ တပ်မဟာ (၆) မှ ပဒိုထဲနေကပြောပါသည်။

ယခုဗုံးပေါက်သည့်နေရာသည်၊ အနန်းကွင်းကျေးရွာ၌ အမှတ် (၅) စစ်ဆင်ရေး ကွပ်ကဲမှုဌာနချုပ် (စကခ ၅) ဗျူဟာရုံး၏ ခြံစည်းရိုး၌ ဖြစ်ပါသည်။ အနန်းကွင်း ဘုရားပွဲသည်၊ ဒေသခံ ကရင်လူမျိုးတို့၏ အဓိက ပွဲတော်တခုလည်း ဖြစ်ပါသည်။ ဤကဲ့သို့သော ဘုရားပွဲမျိုးတွင် ကေအန်ယူ လက်ချက် မဖြစ်နိုင်ဟု ဒေသခံတချို့က ဆိုပါသည်။
http://www.phophtaw.org/burmese/index.php/news/local-news/992-2012-01-08-09-27-09.html