ondragstart="return false" onselectstart="return false"

Tuesday, October 19, 2010

DKBA တပ်မှူးကို နယ်ခြားစောင့်ဖွဲ့ရန် မြိုင်ကြီးငူ ဆရာတော် တိုက်တွန်း

မြိုင်ကြီးငူ ဆရာတော် ဦးသုဇနက ဗိုလ်မှူးကြီး နှုတ်ခမ်းမွေးကို နယ်ခြားစောင့်တပ်ပြောင်းဖို့  လာပြောတာ လူသိရှင်ကြား မီဒီယာတွေမှာ နှစ်ခါပါလာပြီးဖြစ်တယ်။ တစ်ခုကို ပြန်သွားစဉ်းစားမိတယ်။ ဗိုလ်ချစ်သူဦးဆောင်တဲ့ အဖွဲ့ လွန်ခဲ့တဲ့နှစ်မှာ တပ်မဟာ(၇) ကို တက်တိုက်တုန်းက ကရင်အချင်းချင်း တိုက်ခိုက်သတ်ဖြတ်ကြတာကို မလုပ်ကြပါနဲ့ အချင်းချင်းမတိုက်ကြပါနဲ့  ဆိုပြီး ပြောလို့ ရရဲသားနဲ့  တစ်ခါမှ ဘာဖြစ်လို့  မောင်ချစ်သူ တပ်ဖွဲ့ တွေကို လာမတားမြစ်တာလည်း ဆိုတာ တွေးရ စဉ်းရခက်တယ်ကွာ........ ထိုအချိန်က နအဖ မခိုင်းလို့ လါး..... အင်း.... ဆရာတော်က ဘာမှမသိလိုက်ဘူးလို့ ပြောသံကြားတော့ ဆရာတော် ကျန်းမာရေးမကောင်း၍ မသိလိုက်ဒါပဲ နေမှာပါလေ.... သေတဲ့လူသေ.. ကျိူးကန်းတဲ့လူ တွေလည်း ကျိူးကန်းကုန်ခဲ့ပြီးပါပြီ... ဆရာတော်သာသိလိုက်ရင် တားမြစ်နိုင်မှာဖြစ်ပြီး အချင်းချင်းလည်းမတိုက်ဖြစ်ကြတော့ အရမ်းကောင်းမှာပဲ လို့ တွေးမိတယ်...... ။ အခုလာပြန်ပြီ။ ရွေးကောက်ပွဲပြီးရင် နယ်ခြားစောင့်တပ်တွေကို ရှေ့  ပြေးတပ်တွေ အဖြစ် အသုံးချပြီး ဖြစ်ပေါ်လာမည့်တိုက်ပွဲတွေအတွက် ဆရာတော်တစ်ယောက် အရင်တစ်ခေါက်လို မသိလိုက်ဘူး မဖြစ်ပါစေနဲ့ လို့ ဆုတောင်းမိပါတယ်။ ပေးဆပ်ရမှု ဆုံးရှူံးမှုတွေက သိပ်တန်ဖိုးကြီးလွန်းလို့ ပါ။

သန်းထိုက်ဦး Tuesday, October 19, 2010

မြိုင်ကြီးငူ ဆရာတော် ဦးသုဇနက နယ်ခြားစောင့်တပ် အသွင်ပြောင်းရေး အစီအစဉ်နှင့် ပတ်သက်၍ တိုးတက်သော ဗုဒ္ဓဘာ သာ ကရင်အမျိုးသား တပ်မတော် (DKBA) တပ်မဟာ ၅ မှ တပ်မဟာမှူး ဗိုလ်မှူးကြီး နှုတ်ခမ်းမွေးထံ သွားရောက် ဆွေးနွေးခဲ့ ကြောင်း သိရသည်။

မြိုင်ကြီးငူ ဆရာတော် ဦးသုဇနက နယ်ခြားစောင့်တပ် အသွင်ပြောင်းရေး အစီအစဉ်နှင့် ပတ်သက်၍ တိုးတက်သော ဗုဒ္ဓဘာ သာ ကရင်အမျိုးသား တပ်မတော် (DKBA) တပ်မဟာ ၅ မှ တပ်မဟာမှူး ဗိုလ်မှူးကြီး နှုတ်ခမ်းမွေးထံ သွားရောက် ဆွေးနွေးခဲ့ ကြောင်း သိရသည်။

ဆရာတော် ဦးသုဇနသည် ဗိုလ်မှူးကြီး နှုတ်ခမ်းမွေး နေထိုင်သော ကရင်ပြည်နယ် ကော့ကရိတ်မြို့နယ် ဝေါ်လေ ဒေသတွင် အောက်တိုဘာလ ၆ ရက်နေ့က တွေ့ဆုံခဲ့ခြင်း ဖြစ်သည်။

ဗိုလ်မှူးကြီး စောလားပွယ် (ခေါ်) နှုတ်ခမ်းမွေး တပ်ဖွဲ့အား နအဖ က တိုက်ခိုက်ချေမှုန်း လာမည်ကို စိုးရိမ်ပူပန်သောကြောင့် နယ်ခြားစောင့်တပ် ဖွဲ့စည်းရေး လက်ခံရန် ဆရာတော်က သွားရောက် တိုက်တွန်းခြင်းဖြစ်သည်ဟု နှုတ်ခမ်းမွေး နှင့် နီးစပ်သူ တဦးကို ကိုးကား၍ ကရင်သတင်းစဉ်(KIC) အယ်ဒီတာ နန်းဖောဂေ က ပြောသည်။

သို့သော် ဗိုလ်မှူးကြီး နှုတ်ခမ်းမွေး က ဆရာတော်၏ တိုက်တွန်းချက်ကို လက်ခံ၊ မလက်ခံကိုမူ ပြန်မပြောခဲ့ကြောင်း သိရသည်။

တခြားသော DKBA နှင့် နီးစပ်သူ တဦးက မြိုင်ကြီးငူ ဆရာတော်က အဆင်ပြေစေရန် သွားရောက် ပြောကြားခဲ့ သော်လည်း လက်မခံကြောင်း ကြားသိရသည်ဟု ပြောဆိုသည်။

ဆရာတော် ဦးသုဇနသည် လှိုင်းဘွဲ့မြို့နယ်၊ မြိုင်ကြီးငူဒေသတွင် သီတင်းသုံးနေပြီး DKBAကို ဦးဆောင်ခဲ့သူ အဖြစ် ထင်ရှား သည်။ DKBA သည် ၁၉၉၅ ခုနှစ်တွင် KNU မှ ခွဲထွက်ပြီးနောက် စစ်အစိုးရနှင့် အပစ်အခတ်ရပ်စဲ ကာ တဖြည်းဖြည်း အင် အား ကြီးမားလာသည့် လက်နက်ကိုင် တပ်ဖွဲ့တဖွဲ့ဖြစ်သည်။

မကြာခင်ရက်ပိုင်းတွင်လည်း ကစထ (၄) မှူး မွန်ပြည်နယ် အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဌ အရှေ့တောင် တိုင်း စစ်ဌာနချုပ်၊ တိုင်းမှူးဟောင်း ဗိုလ်ချုပ် သက်နိုင်ဝင်း က နယ်ခြားစောင့်တပ်ဖွဲ့ရန် ငြင်းဆိုထားသော တပ်ဖွဲ့ဝင်တချို့ကို ဆွေးနွေး ရန် မြ၀တီမြို့သို့ ရောက်ရှိလာမည်ဖြစ်ကြောင်း၊ ဗိုလ်မှူးကြီး နှုတ်ခမ်းမွေး တပ်ဖွဲ့နှင့် ဗိုလ်ချုပ် စောထိန်မောင် ဦးစီး သော ကရင်ငြိမ်းချမ်းရေး ကောင်စီ (KNU/ KNLA) အဖွဲ့တို့ကို ဆွေးနွေးရန် ရှိကြောင်း သိရသည်။

စစ်အစိုးရ ကမ်းလှမ်းထားသော နယ်ခြားစောင့်တပ်ကို DKBA တပ်ဖွဲ့ဝင် အများစုက ပြီးခဲ့သည့် ဇူလိုင် လကုန်ပိုင်းက လက်ခံခဲ့ ကြသော်လည်း ဗိုလ်မှူးကြီး နှုတ်ခမ်းမွေးကမူ ယင်း အစီအစဉ်ကို သဘောမတူသောကြောင့် DKBA တပ်မှ ခွဲထွက်ခဲ့သည်။

အဆိုပါ နယ်ခြားစောင့်တပ် အသွင်ပြောင်းရေး အစီအစဉ်ကို သဘောမတူသဖြင့် ခွဲထွက်သွားသော ၎င်း တပ်ဖွဲ့များနှင့် စစ် အစိုးရ အကြား နှစ်ဘက် တင်းမာခဲ့ကြသည်။

ဗိုလ်မှူးကြီး နှုတ်ခမ်းမွေးသည် ကရင်ပြည်နယ် မြ၀တီမြို့နှင့် ကြာအင်းဆိပ်ကြီးမြို့နယ်များတွင် လှုပ်ရှားနေသော တပ်ဖွဲ့ဖြစ်ပြီး တပ်အင်အား ၁၀၀၀ ခန့် ရှိကြောင်း သတင်းများအရ သိရှိရသည်။
http://www.irrawaddy.org/bur/index.php/news/1-news/4336-dkba-----

No comments:

Post a Comment