ရွှေကြော အန္တရယ်နဲ့ အခွင့်အလန်း ( ဘုန်းကျော်)

၂ဝ၁၂-ခုနှစ်ရောက်လာတော့ ရွှေကြောအသစ်တွေ့ ဖို့ ကို အင်မတန်ခက်လာတယ်။ ဘာ့ကြောင့်လဲဆိုတော့ ခေတ်မှီနည်းပညာတွေနဲ့ တူးတဲ့လူတွေများလာလို့ ပါ။ လွန်ခဲ့တဲ့နှစ်ပေါင်းတစ်ရာလောက်က အခြေအနေနဲ့  အခု အခြေအနေမတူတော့ပါဘူး။ သယံဇာတတွေကုန်လာနေပြီ။

ရွှေဈေးကလည်း မကျတဲ့အပြင် တရိပ်ရိပ်နဲ့ တက်လာတယ်။ ကုန်ဈေးနှုံးကလည်း ကြီးလာတော့ အရင်ကလောက် ရွှေတူးတဲ့ကုမ္မဏီတွေ မမြတ်တော့ဘူး။ တွေ့ ပြီးသားရွှေကြောတွေကို တူးတာကလည်း နှစ်အနည်းငယ်အတွင်းမှာ ကုန်သွားမှာဆိုတော့ ရွှေကြောအသစ်အသစ်တွေကို ကုမ္မဏီတွေက အပြိုင်အဆိုင်ရှာလာပါတော့တယ်။
ရွှေတူးတဲ့ ကုမ္မဏီကြီးတွေမှာ ကမ္ဘာပတ်ပြီး ရွှေရှာဖို့ အတွက် သီးသန့် ဖွဲ့ ထားတဲ့ ဌာနရှိတယ်။ The Growth and International Project Team လို့ ခေါ်တယ်။ သူတို့ အလုပ်က နယ်လှည့်ပြီး ရွှေကြောဖြစ်နိုင်ခြေကို လိုက်ပြီး ရှာတယ်။

ပထမဆုံး သူတို့ အနေနဲ့ ရုံးခန်းထဲမှာထိုင်ပြီး ကမ္ဘာပေါ်ကနိုင်ငံတွေထဲကနေ ရွှေထွက်များနိုင်တဲ့ နိုင်ငံတွေကို ရွေးချယ်တယ်။ အင်္ဂလိပ်လိုကတော့ Global View of the Macro Geological Picutre on high level targeting လို့ ခေါ်ပါတယ်။ ဘာနည်းပညာကိုသုံးလဲဆိုတော့ Global Business Area Rating (GBar) ဆိုတဲ့နည်းပညာပါ။ ဒါကတော့ ရွှေထွက်များတဲ့နိုင်ငံတွေကို ရုံးခန်းထဲကနေ မြေပုံဆွဲတဲ့အတက်ပညာပါ။ ဥပမာ အမေရိကန်ကပိုင်တဲ့လန်းက် ဆဲဗင်းလို ဆက်တလိုက်နဲ့ လေ့လာသလို အခြားနောက်ဆုံးပေါ်နည်းပညာတွေနဲ့ လည်းလေ့လာတယ်။ ကုမ္မဏီကြီးတွေက ဘယ်နေရာမှာ Ore Body လို့ ခေါ်တဲ့ ရွှေကြောရှိလဲဆိုတာကို လူကိုယ်တိုင်မသွားခင်ကတည်းက အကြမ်းဖျင်းသိပါတယ်။
တကယ်လို့ ရွှေထွက်ကောင်းတဲ့နေရာကို တွေ့ ရင် သူတို့ အနေနဲ့ တိုက်ရိုက်ရှာဖွေရေးဆင်းပါတယ်။ ဒီနေရာမှာ စက်ယန္တယားအကူအညီနဲ့  Samples ကောက်တယ်။ တူးဖို့ အထိကို အဆင့်ဆင့်ကျော်ဖြတ်ရတယ်။ ရွှေကြောကြီးရင် ကြီးသလို လေးငါးနှစ်အထိ ရှာဖွေရေးလုပ်ရတယ်။ တကယ်လို့ ရွှေအထွက်နှုံးကောင်းတာကို တွေ့ ရင် ကုန်ကျစရိတ်နဲ့ အမြတ်ဘယ်လောက်ရမလဲဆိုတာကို တွက်ချက်ရတယ်။ Resources Geologist ဆိုတဲ့ပညာရှင်က သူ့ ရဲ့ အဓိကအလုပ်ဖြစ်တဲ့ အမြတ်နဲ့ အရှုံးကို မတူးခင်ကတည်းက တွက်ပြီးသားပါ။ ဥပမာ ကျနော်တို့ ကုမ္မဏီဆိုရင် Rules of 2s ဆိုတဲ့ ပေါ်လစီကို ကျင့်သုံးတယ်။ မြန်မာနိုင်ငံမှာ ရွှေတွေ့ ပြီဆိုရင် သုံးလေးတန်လောက်ကို စိတ်မဝင်စားပါဘူး။ ရွှေအောင်စနှစ်သန်းအနည်းဆုံးရှိရမယ်။ တနှစ်ကို ရွှေအောင်စ နှစ်သိန်းထွက်ရမယ်။ ဒိထက်နည်းရင် ကျနော်တို့ စိတ်မဝင်စားပါဘူး။

မြန်မာပြည်မှာ တစ်ပိုင်တနိုင်တူးတဲ့ လူတွေရှိတယ်။ ဒါကို အင်္ဂလိပ်လို့ ခေါ်ရင် Artisanal and Small-scale Mining (ASM) လို့ ခေါ်တယ်။ နိုင်ငံတိုင်းမှာ ဒီလိုလူတွေအများကြီးပါ။ မိရိုးဖလာလုပ်စားတယ်လို့ လည်း ဆိုလို့ ရတယ်။ အထူးသဖြင့် ဆင်းရဲတဲ့နိုင်ငံတွေနဲ့ ဖွံ့ ဖြိူးဆဲနိုင်ငံတွေမှာ ပိုပြီးတွေ့ ရတယ်။ The World Gold Council က တစ်ပိုင်တနိုင်လုပ်ငန်းလုပ်တဲ့လူတွေဟာ သန်း ၈ဝ ကနေ သန်းတစ်ရာအထိ ရှိမယ်လို့ ခန့် မှန်းတယ်။ အလုပ်လက်မဲ့ဖြစ်လာပြီး ဆိုရင် ဒီလိုအလုပ်ကိုလုပ်ကြတယ်။ အာရှမှာအများဆုံးပဲ။ ကမ္ဘာ့ရွှေထုတ်လုပ်မှု့ ရဲ့  ၁ဝ ရာခိုင်နှုံးကို တစ်ပိုင်တနိုင်တူးတဲ့လူတွေက ထုတ်လုပ်ပေးတယ်။ ကျန်တဲ့ ၉ဝ ကိုတော့ ကုမ္မဏီကြီးတွေက ထုတ်ပေးတယ်။ ဒီနေရာမှာ ကုမ္မဏီကြီးတွေနဲ့ အဲဒိလို လူတွေကြားမှာ ပြသနာရှိတယ်။ ဘယ်လို ပြသာနာလဲဆိုတော့ လက်နဲ့ တူးတဲ့လူတွေက ရွှေရှိမဲ့နေရာကို သိတယ်။ သူတို့  သိတာကို ကုမ္မဏီကြီးတွေက လေ့လာရတယ်။ ပြီးတော့ အဲဒိနေရာ အကြီးအကျယ်တူးကြပါတယ်။ ဒီလိုဆိုတော့ လက်နဲ့ တူးတဲ့လူတွေ အလုပ်လက်မဲ့ဖြစ်ကြတယ်။ ဒါနဲ့ ကုမ္မဏီတွေကို ပြသာနာရှာရောပဲ။ အင်ဒိုနီးရှား၊ ဂါနာ၊ ပီရှုး စတဲ့ နိုင်ငံတွေမှာ ခုတ်ကြသတ်ကြတဲ့အထိဖြစ်ဘူးတဲ့ ဥပမာတွေရှိတယ်။ သေလိုက်တဲ့လူတွေကလည်း မနည်းဘူး။
ဒီလိုမဖြစ်အောင် ဂုဏ်သိက္ခာရှိတဲ့ ကုမ္မဏီကြီးတွေက သူတို့ အတွက်လည်း စဉ်းစားပေးတယ်။ စီစဉ်ပေးတယ်။ ဘယ်လိုစီစဉ်ပေးလဲဆိုတော့ ကုမ္မဏီပိုင်တဲ့ နေရာမှာ လက်နဲ့ တူးတဲ့လူတွေအတွက် သီးသန့် နေရာ သတ်မှတ်ပေးတယ်။ တူးတဲ့လူတွေအနေနဲ့ စည်းကမ်းကို သတ်မှတ်ပေးတယ်။ ဒီလိုမှ မလုပ်ရင် ဖြစ်သလိုတူးကြရောပဲ။ တကယ်လို့ သာ နေရာသီးသန့် မလုပ်ပေးထားရင် ကုမ္မဏီနဲ့ အဲဒိလူတွေအကြားမှာ အကြီးကျယ်ပြသနာတက်နိုင်သလို သူတို့ လည်း ဘာနဲ့ ထမင်းစားမလဲ။ ဆိုတော့ နှစ်ဘက်လုံးအတွက် မျှမျှတတစဉ်းစားပေးရတယ်။

ဂါနာနိုင်ငံမှာ ဖြစ်ခဲ့တုန်းကဆိုရင် ကြောက်စရာအင်မတန်ကောင်းတယ်။ ကျနော်တို့ ကုမ္မဏီတူးနေတဲ့ ပိုင်နက်ထဲကို ဒေသခံတွေက အတင်းအဓမ္မ ဝင်ပြီးတူးတယ်။ လူပေါင်း ၂၅ဝဝ လောက်ရှိတယ်။ မောင်းထုတ်လည်း မရဘူး။ နောက်ဆုံး စစ်တပ်ကို ခေါ်တဲ့အထိဖြစ်လာရော။ တချို့ ဆိုရင် မိုင်းထဲမှာတောင် အပင်တွေ စိုက်ပျိူးစားတဲ့အထိဖြစ်ကြတယ်။ နောက်ဆုံး ဒေသခံတွေနဲ့ ကုမ္မဏီကြားမှာ အပေးယူလုပ်ရသလို ဂါနာအစိုးရရဲ့ အမိန့် ကိုလည်း နာခံရတယ်။ နောက်ဆုံးတော့ သူတို့ အတွက် သီးသန့် နေရာကို တူးဖို့ အတွက် စီစဉ်ပေးရပါတယ်။

မိုင်းတူးတဲ့အခါမှာ သဘာဝပါတ်ဝန်းကျင်အပြင် လူမှု့ ဘဝတွေကို ထိခိုက်စေတယ်။ ဒီလိုမဖြစ်အောင် ကုမ္မဏီတွေအနေနဲ့ စဉ်းစားရတယ်။ နှစ်ဘက်လုံးအတွက် အကျိူးအမြတ်ရှိမှ လုပ်တယ်။ အထူးသဖြင့် ကုမ္မဏီတွေက အထူးတာဝန်ယူကြရတယ်။ တာဝန်မယူနိုင်ဘူး မယူချင်ဘူးဆိုရင် မတူးရဘူးလို့  သြစတျေးလျနိုင်ငံ မိုင်းဥပဒေက အတိအလင်းပြဌာန်းထားသလို ကျူးလွန်ခဲ့ရင်လည်းလုံးဝကို အရေးယူတယ်။ လျှောက်လွှာတင်ကတည်းက ဒေါ်လာ သန်းနဲ့ ချီပြီး အပေါင်တင်ထားရတယ်။ ကျနော်တို့ ကုမ္မဏီက ၂၅-သန်းတင်ရတယ်။ အစိုးရရဲ့ ဥပဒေကို မလိုက်နာရင် အဲဒိငွေဆုံးပဲ။ ဒါ့ကြောင့် ဘယ်သူမှ မလှုပ်ရဲဘူး။

မိုင်းတူးရင် မြေရှင်းရတယ်။ မြေတူးရတယ်။ သစ်ပင်တွေခုတ်လဲရတယ်။ မိုင်းကြောင့် မြေအောက်ရေကအစ မြေပေါ်ရေအထိ ညစ်ညမ်းမှုတွေ ရှိတယ်။ ရှေးဟောင်းအမွေအနှစ်တွေအပြင် ရွာတွေကိုလည်း ထိခိုက်စေတယ်။ ကုမ္မဏီကတော့ ရွှေလိုချင်လို့ ရွှေတူးတာ ပြသနာမရှိဘူး။ ဒါပေမဲ့ ဘယ်လိုမျိူး အထက်ကပြောတဲ့ မြေရေလေလူစတဲ့ အရာကို မထိအောင် စီမံခန့် ခွဲမလဲ။
ပီရူးနိုင်ငံမှာ ကုမ္မဏီရဲ့ ရွှေတူးဖော်ရေးမိုင်းရှိတယ်။ မိုင်းပတ်လည်မှာ ဒေသခံရွာပေါင်းများစွာလည်း ရှိတော့ ကုမ္မဏီနဲ့ သူတို့ ရဲ့ ဆက်ဆံရေးပြေလည်စေဖို့ ၊ သူတို့ လိုအပ်ချက်တွေကိုလည်း ဖြည့်ဆည်းပေးရတယ်။ ပီရူးအစိုးရက ဘယ်လို ဥပေဒရှိလည်းတော့ မသိဘူး။ သို့ သော် ကျနော်တို့ ပေါ်လစီက သူတို့ ရဲ့  အခက်အခဲကိုလည်းဖြေရှင်းပေးရမယ်လို့ ပြဌာန်းထားတယ်။ ဒါကို ဝန်ထမ်းတိုင်းလုံးဝ လိုက်နာပြီး အကောင်အထည်ဖော်ကြရတယ်။ ဒေသခံတွေအတွက် ကျန်းမာရေး၊ ပညာရေး၊ အလုပ်အကိုင်ရရှိရေးနဲ့ စည်းပွားရေးလုပ်ငန်းတွေ ကြီးထွားလာအောင်ကို အစီအစဉ်တွေချမှတ်အကောင်အထည်ပေးတယ်။ အဲဒိဒေသမှာ မိုင်းတူးတော့ ဝန်ထမ်းတွေလိုတယ်။ မြန်မာနိုင်ငံကလို ကုမ္မဏီတွေရဲ့ အလုပ်သမားတွေအားလုံးက တရုတ်နိုင်ငံကတင်သွင်းလာသလိုမျိူး လုပ်လို့ မရဘူး။ ရွာတွေကနေ အလုပ်သမားပေါင်း ၁၂ဝဝ-ကိုအလုပ်ခန့် တယ်။ သူတို့ က မိုင်းလုပ်ငန်းဆိုင်ရာကျွမ်းကျင်မှုမရှိတဲ့အပြင် ဗဟုသုတလည်း အင်မတန်နည်းတယ်။ နိုင်ငံခြားက ကျွမ်းကျင်ပညာရှင်တွေကနေ အဲဒိဒေသကအလုပ်သမားတွေကို လုပ်ငန်းခွင်ဆိုင်ရာ သင်တန်းတွေ၊ လက်တွေ့ တွေပေးတယ်။ ဥပမာ ဘူဒိုဇာမောင်းနည်းပညာ၊ မြေသည်စက်မောင်းနည်းပညာ၊ ပန်းရံပညာကစပြီး မီးပြင်တဲ့ပညာအဆုံး သင်တန်းတွေကို အချိန်ယူပြီးသင်ပေးတယ်။ ဒါကို The Driect Area of Influnece (DAI) လို့ ခေါ်တယ်။ သူတို့ လည်း ပညာနဲ့ အလုပ်ရသလို ကုမ္မဏီအတွက်လည်း တွက်ခြေကိုက်တယ်။ နိုင်ငံခြားက ဈေးကြီးကြီးပေးငှားရတဲ့ ဝန်ထမ်းတွေအစား ဈေးပေါတဲ့ဒေသခံတွေနဲ့ တင် မိုင်းကလည်ပတ်လို့ ရတော့ နှစ်ဘတ်လုံးအတွက် အဆင်ပြေတယ်။

ကုမ္မဏီကြီးတစ်ခုမှာ အနည်းဆုံးဝန်ထမ်းက ထောင်ကျော်ရှိတယ်။ ဒါ့အပြင် ဌာနတွေလည်းအတော်များတယ်။ အိုင်တီဌာကစလို့  ဂျီအိုလော်ဂျီအထိ ဌာနတွေရှိတော့ တက္ကသိုလ်ကျောင်းသားတွေအတွက် အခွင့်အလမ်းကောင်းတယ်။ တက္ကသိုလ်က ဘွဲ့ မရသေးခင်မှာ အလုပ်သင်အနေနဲ့ မိုင်းမှာ လာပြီးလုပ်ကြတယ်။ တော်တဲ့ကျောင်းသား အလုပ်ကျိူးစားတဲ့ကျောင်းသားဆိုရင် တစ်ခါတည်း အလုပ်ခန့် တော့ ကျောင်းသားတွေ အလုပ်ပါရပါတယ်။ ဒီလိုအခွင့်အလမ်းမျိူးကို ကုမ္မဏီက တစ်နှစ်မှာ အယောက်ငါးဆယ်လောက် တက္ကသိုလ်တွေနဲ့ ချိတ်ထားပြီး အခွင့်အလမ်းပေးတော့ မြန်မာပြည်မှာလို ဘွဲ့ ရအလုပ်လက်မဲ့တွေမရှိနိုင်တော့ဘူး။ အလုပ်မရရင်တောင် အလုပ်အတွေ့ အကြုံနဲ့ ဘွဲ့ ရှိတော့ အခြားကုမ္မဏီတွေမှာ အလုပ်ရနိုင်ပါတယ်။ ဒါမျိူးကို မြန်မာပြည်က ကုမ္မဏီတွေ လုပ်ကြစေချင်တယ်။

နောက်တစ်ခုက ပညာတော်သင်လွတ်တဲ့ကိစ္စပါ။ ကုမ္မဏီကနေ နိုင်ငံခြားတိုင်းပြည်တွေက ကုမ္မဏီတွေ နဲ့  ဝန်ထမ်းချင်းလဲလှယ်တဲ့ အစီအစဉ်လုပ်ပေးတယ်။ ဥပမာ ကျနော်တို့ ဌာနက ဂျီသြလောဂျစ်တွေ ဖင်လန် ဖိလစ်ပိုင်နဲ့ တောင်အာဖရိနိုင်ငံက မိုင်းတွေမှာ သွားပြီး အလုပ်အတွေ့ အကြုံယူရတယ်။ သူတို့ ဆီက ဝန်ထမ်းလည်း သြစတျေးလျက ကျနော်တို့ မိုင်းမှာလာပြီး လေ့လာတယ်။ ဒါမှ ပညာချင်းဖလှယ်နိုင်မှာပါ။ ဝန်ထမ်းတွေရဲ့ အရည်အသွေးလည်း အမြဲတိုးတက်နေတယ်။ တနှစ်မှာလေးငါးခြောက်လတစ်ခါ သင်တန်းတက်ရတယ်။ ပညာနဲ့ ပေါ်လစီဆိုတာက အမြဲတမ်း အသစ်ဖြစ်လေ့ရှိတော့ ဒါတွေကို အမှီလိုက်ဖို့  က သင်တန်းလိုတယ်။ ဒီလိုမှ မတက်ရင် ဝန်ထမ်းအရည်အသွေးက ညံ့သထက်ညံ့လာပြီး ကုမ္မဏီလည်း ဒေဝါလီခံရမှာကို အရာရှိကြီးတွေသိတော့ လုပ်ပေးပါတယ်။

ပီရှုးနိုင်ငံမှာ ဒေသခံတွေရောင်းတဲ့ ဆန်ဆီးဆား ငရုတ်ကြက်သွန်ကစလို့  ကုန်ကြမ်းပစ္စည်းတွေကိုလည်း ကျနော်တို့ ပေါ်လစီအရ ဝယ်ရတော့ ရွာက စီးပွားရေးကောင်းလာတယ်။ အဲဒိဒေသက အင်မတန်ခေါင်တဲ့အပြင် အစိုးရကလည်း လက်လှမ်းမမှီဘူး။ ဒီတော့ ကုမ္မဏီက ကျောင်းတွေဖွင့်တယ်။ ဆေးပေးခန်းတွေဆောက်တယ်။ ဆေးရုံတွေဆောက်ပေးတယ်။ ကုန်ကုန်ပြောရင် သူနာပြုတွေကအစ ဆေးမှုးတွေအဆုံး ကုမ္မဏီကနေ ငွေကုန်ပြီး သင်တန်းပေးတယ်။ သင်တန်းဆင်းတွေက သူတို့ ရွာတွေမှာ ပြန်လုပ်ကြတော့ အကျိူးရှိပြန်တယ်။
မိုင်းစဖွင့်တုန်းက ဒေသခံတွေက ကုမ္မဏီကို အရမ်းဆန့် ကျင်တယ်။ အခုတော့ သူတို့ ဆန့် ကျင်ဖို့  နေနေသာသာ ကုမ္မဏီက အဲဒိဒေသကနေထွက်မှာကို အရမ်းကြောက်နေပြီ။ ဘာ့ကြောင့်လဲဆိုတော့ သူတို့ စီးပွားဖြစ်နေပြီဆိုတော့ ကုမ္မဏီမှ မရှိရင် ဒုက္ခဖြစ်တော့မှာကို ကြိုသိတယ်။

ရွှေမိုင်းက ရေကို အရမ်းသုံးရတယ်။ ရေနဲ့ ဆင်နိုက်လို့ ခေါ်တဲ့ ဓာတုပစ္စည်းကို ရောစပ်ပြီးမှ ရွှေကိုကျောက်သားကနေ ထုတ်ယူလို့ ရတယ်။ အင်မတန်ကြီးတဲ့မိုင်းတင်မဟုတ်ဘူး လက်နဲ့ တူးတဲ့လူတွေလည်း ဒါကိုပဲသုံးရတယ်လို့ ထင်တယ်။ မြစ်ချောင်းတွေမှာရွှေကျင်တော့ အဲဒိ ဆင်နိုက်အရည်က ချောင်းထဲစီးဝင်တယ်။ ဒါကို လူနဲ့ ငါးကသောက်တော့ ရောဂါရရော။ အပင်လည်း အဆိပ်သင့်တယ်။ ရွှေအောင်စ သန်းနဲ့ ချီပြီးထုတ်တဲ့ ကုမ္မဏီဟာဒီကိစ္စကို သေသေချာချာ ကိုင်တွယ်ရတယ်။ တစ်ချက်ကလေးလွဲတာနဲ့ ဘေးနားက ရွာတွေ ဒုက္ခဖြစ်ရောပဲ။

ပီရှုးမှာ ရွှေမိုင်းစဖွင့်တော့ ရွာတွေက သူတို့ ချောင်းတွေ ညစ်ပတ်ကုန်ပြီဆိုပြီဆင်ခြေပေးတယ်။ ကန့် ကွက်တယ်။ နောက်ဆုံး ကျနော်တို့ ကဘယ်လို စဉ်းစားရလဲဆိုတော့ Open Transpency ကို ကျင့်သုံးလာရတယ်။ သူတို့ ယုံအောင်လုပ်တဲ့နည်းလမ်းက အားလုံးပွင့်လင်းမှ ရမယ်။ ဒါနဲ့ မင်းတို့ ရွာတွေက ကိုယ်စားလှယ်ရွေး။ ပြီးရင် အဲဒိလူတွေနဲ့ ရေသန့် ရှင်းရေးကို ကျွမ်းကျင်တဲ့ပညာရှင်တွေနဲ့ တွဲပေးပြီး မြစ်ချောင်းတွေမှာ ရေစစ်တမ်း ကောက်တယ်။ ခြောက်လ တစ်ခါကောက်တယ်။ ခေတ်မှီစက်တွေနဲ့ စစ်တယ်။ ဒါတင်မဟုတ်သေးဘူး။ Exernal Audit လိုခေါ်တဲ့ အပြင်က အစိုးရအသိအမှတ်ပြု လက်မှတ်ရ ရေအရည်အသွေးကို စစ်တဲ့ ကျွမ်းကျင်ပညာရှင်တွေက ခြောက်လတစ်ခါပုံမှန်ပြန်စစ်တယ်။ ရလာတဲ့ ရလာဒ်ကို လူထုကို အသိပေးတယ်။ တကယ်လို့ ရေမသန့် တာတွေ့ ရင် မိုင်းကို ပြန်ပြီ ဒိထက်ကောင်းတဲ့စီမံခန့် ခွဲမှု့ နဲ့ စိစစ်ပြန်တယ်။ နောက်ဆုံး လူထုကလည်း လက်ခံလာတယ်။ သူတို့ ထင်တာတွေ မှားနေတယ်လို့ ပြောတယ်။ တချိူ့ သော သဘာဝပတ်ဝန်းကျင်နဲ့ လူအခွင့်အရေးလှုပ်ရှားသူတွေက ပထမဆုံးသူတို့ အထင် ချောင်းတွေမြစ်တွေက ညစ်ညမ်းနေပြီဆိုပြီးကန်ပိန်းလုပ်ထားတာကို ပြန်ရုပ်သိမ်းတယ်။ ဒါ့ကြောင့် Company တိုင်း Open Transpency က အောင်မြင်ရေးအတွက် အင်မတန်ကို အရေးကြီးတယ်။

ရွှေကျင်ဖို့ အတွက် မိုင်းထဲမှာ တွင်းအကြီးကြီးကိုတူးရတယ်။ မိုင်းက ညစ်ညမ်းရေတွေကို အဲဒိတွင်းထဲကို စွန့် ထုတ်တယ်။ တွင်းအောက်မှာ ရေမစိမ့်နိုင်တဲ့ တာလပတ်ကို ခံထားတော့ ညစ်ညမ်းရေက မြေအောက်ရေအထိ စိမ့်မဝင်နိုင်ဘူး။ ပြီးတော့ ရေကို Recycling လုပ်တယ်။ ပိုတဲ့ရေကို ဘေးနားက ရွာတွေမှာ လယ်ယာစိုက်ပျိုးနိုင်အောင် ဖြန့် ဖြူးပေးတယ်။ ဒီလိုပုံစံနဲ့ ဆင်နိုက်အန္တရာယ်ကနေ ကာကွယ်ပေးထားတော့ မြစ်ချောင်းတွေထဲအထိ ရေညစ်တွေက မရောက်တော့ဘူး။
နောက်တစ်ခုက မည်သည့်မိုင်းမဆို စက်ယန္တယားတွေနဲ့ တူးတော့ ဆီချေးအလေအလွင့်တွေက မြေပေါ်ကိုကျတယ်။ ဒီဟာတွေကို Hydrocarbon လို့ ခေါ်တယ်။ ဓာတ်ဆီ၊ ဒီဇယ်နဲ့ အင်ဂျင်ဝိုင်တွေကို ဆိုလိုတာပါ။ ဒီလိုမဖြစ်အောင် ဝန်ထမ်းတိုင်းကို သင်တမ်းပေးတယ်။ ဒါကို SpillsTraining လို့ ခေါ်တယ်။ ပြီးတော့ အထောက်အကူပစ္စည်းတွေကို ပံ့ပိုပေးတယ်။ ဥပမာ အင်ဂျင်ဝိုင်က မြေပေါ်ကိုကျလာရင် စုပ်ထုတ်တဲ့ ဖော့ပြားတွေကို အရံသင့်ထားပေးထားတယ်။ ဆီဂျေးတွေက မြေပေါ်ကို ကျရင် မြေအောက်ရေထဲအထိ စိမ့်ဝင်နိုင်တယ်။ လူတွေက ဒီရေကိုသောက်မိရင် ရောဂါရတယ်။ မိုင်းတိုင်းမှာ ဒီကိစ္စက အန္တရာယ်အကြီးဆုံးပဲ။ ဘာ့ကြောင့်လဲဆိုတော့ ကားတွေက အများကြီးကိုး။ ဒါကိုမှ စီမံခန့် ခွဲမှုကောင်းကောင်းမလုပ်နိုင်ရင် မည်သည့် သယံဇာတမှ မရှာတာအကောင်းဆုံးပဲ။

မြန်မာနိုင်ငံမှာ တွေ့ နေရတဲ့ မိုင်းတွေအားလုံးလိုလိုက ကျနော်လုပ်နေတဲ့ ကုမ္မဏီနဲ့ ဆို၊ ဆီနဲ့ ရေလို အင်မတန်ကွာပါတယ်။ နေရာတိုင်းလိုလိုမှာ အင်အားတွေဖြည့်ဖို့ လိုနေတယ်။
ဒါကတော့နည်းပညာအပါအဝင် စဉ်းစားပုံစဉ်းစားနည်းပါ။
အမြတ်လိုချင်တာတစ်ခုတည်းနဲ့ မလုံလောက်ဘူး။
Multinational Company ကြီးတွေက သူတို့ ရဲ့ ဂုဏ်သိက္ခာ (Good Reputation) ကို အထိမခံတဲ့အတွက် သူတို့ တွေဟာ စနစ်တကျလုပ်ပါတယ်။
ကျနော်အနေနဲ့ ဘာ့ကြောင့် ကျနော်လုပ်နေတဲ့ကုမ္မဏီကို မြန်မာပြည်ထဲမှာ သွင်းချင်လဲဆိုတော့ သူတို့ က စံပြ (Role Model) ဖြစ်လာပြီး အခြားကုမ္မဏီတွေလည်း အတုခိုးလာမယ်လို့  လုံးဝယုံကြည်လိုပါ။ အစိုးရရဲ့  စီမံခန့် ခွဲမှုကတော့ တပိုင်းဖြစ်ပါတယ်။ ကုမ္မဏီတွေကလည်း တဖက်တစ်လမ်းကနေ လူထုအတွက် တာဝန်ယူရတယ်။ ကူညီရတယ်။ ဒါကို Duty of Care လို့ ခေါ်ပါတယ်။ ဒါ့ကြောင့် အမြတ်ငွေလည်းယူကြပါ။ ကူလည်း ကူညီကြပါလို့ ပြောချင်ပါတယ်။

ဘုန်းကျော်
သြစတျေးလျ
၂၁၊ ၇၊ ၁၂
အက်နယူးရွှေတူးဖော်ရေးမိုင်း (လင်းစတားရွာ)
http://komoethee.blogspot.com.au/2012/07/blog-post_5813.html