ondragstart="return false" onselectstart="return false"

Tuesday, July 26, 2011

ဒေါ်စုနှင့် မြန်မာအစိုးရ တွေ့ဆုံမှု အားမရကြောင်း ကရင်အဖွဲ့များပြော

ဇူလိုင်လ ၂၅ရက်။ စောခါးစူး (ကေအိုင်စီ)

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် အလုပ်သမားနှင့် လူမှုဝန်ထမ်းဝန်ကြီးဌာန ပြည်ထောင်စုဝန်ကြီး ဦး အောင်ကြည်တို့ ရန်ကုန်မြို့ အစိုးရဧည့်ဂေဟာ၌ ယနေ့ တွေ့ဆုံပွဲအပြီး နှစ်ဖက်စလုံးက “ကျေနပ်အားရကြောင်း” ထုတ်ပြန်ကြေ ငြာခဲ့သော်လည်း နိုင်ငံရေးအရ ထူးခြားသည့် ပြောင်းလဲမှု ဖြစ်ပေါ်မလာနိုင်ကြောင်း ကရင်အဖွဲ့အစည်းများက ပြောဆိုလိုက်သည်။

“တွေ့ဆုံဆွေးနွေးပွဲတွေ အရင်တုန်းကလည်း အကြိမ်အများကြီး တွေ့ခဲ့ပြီ။ အခုလည်း တိုးတက်မှုတွေ ရှိမယ်လို့ မထင်ဘူး။ ဒီအစိုး ရသစ်ဟာလည်း အရင် စစ်အစိုးရရဲ့ လူတွေပဲဖြစ်တဲ့အတွက် အတူတူ ဖြစ်မှာပဲ။”ဟု ကရင်အမျိုးသားအစည်းအရုံး KNU ၏ အထွေ ထွေ အတွင်းရေးမှူးချုပ် နော်စီဖိုးရာစိန်က ကေအိုင်စီကို ပြောသည်။

ဒေါ်အောင်ဆန်းစုကြည်နှင့် ၀န်ကြီး ဦးအောင်ကြည့တို့၏ တစ်နာရီကျော်ကြာ တွေ့ဆုံပွဲအပြီး ထုတ်ပြန်သည့် ပူးတွဲကြေငြာချက်တွင် “ပြည်သူလူထု ကိုယ်စိတ်နှစ်ပါး ချမ်းသာစေရေးအတွက် ပူးပေါင်းဆောင်ရွက်ရန်” ဆွေးနွေးခဲ့သည်ဟု ဖော်ပြထားသော်လည်း အသေးစိတ် ထုတ်ပြန်ကြေငြာခြင်း မရှိပေ။

ဖလုံ-စဝေါ် ဒီမိုကရက်တစ်ပါတီမှ အမည်မဖေါ်လိုသည့် လွှတ်တော်ကိုယ်စားလှယ်တစ်ဦးက ဒေါ်စုနှင့် ဦးအောင်ကြည်တို့၏ ယနေ့ တွေ့ဆုံမှုအပေါ် စိတ်ဝင်စားမှုမရှိသလို ထူးခြားသည့် တိုးတက်မှုရရှိရန် ခက်ခဲသည်ဟု ပြောဆိုသည်။

သို့သော်လည်း အမျိုးသားဒီမိုကရေစီအဖွဲ့ချုပ်၏ ၁၉၉၀ ရွေးကောက်ပွဲ ရွေးချယ်ခံ လွှတ်တော်ကိုယ်စားလှယ် ဒေါ်နန်းခင်ထွေးမြင့် က “ဒီဆွေးနွေးပွဲဟာ မြန်မာအစိုးရသစ် လက်ထက်မှာ ပထမဆုံးအကြိမ်ဖြစ်လို့ တစုံတရာတိုးတက်မှုတွေ ရှိနိုင်တယ်၊ အရင်အစိုးရ က စစ်အစိုးရဖြစ်ပြီး အခုအစိုးရက အရပ်သားအစိုးရဆိုတော့။”ဟု ပြောသည်။

ယခင် မြန်မာစစ်အစိုးရ လက်ထက် ၂၀၀၇ မှ ၂၀၁၀ခုနှစ် အထိ ဆက်ဆံရေးဝန်ကြီးအဖြစ် ခန့်အပ်ခဲ့သည့် ဦးအောင်ကြည်သည် ဒေါ်အောင်ဆန်းစုကြည်နှင့် သူမ၏ နေအိမ်အကျယ်ချုပ်ရှိစဉ် ကာလအတွင်း တွေ့ဆုံမှု ၉ကြိမ် ရှိခဲ့သည်။

ယခု တစ်ကြိမ်တွေ့ဆုံရာတွင် ဦးအောင်ကြည်အား ၂၀၁၀ ရွေးကောက်ပွဲမှ တက်လာသည့် ကြံ့ခိုင်ရေးပါတီ ထိန်းချုပ်သည့် အစိုးရ သစ်က ဆက်ဆံရေးဝန်ကြီးအဖြစ် ဆက်လက် ခန့်အပ်ထားခြင်းရှိမရှိကိုလည်း ထုတ်ပြန်ထားခြင်း မရှိပေ။

1 comment:

bala said...

ဒါပေမဲ့ …. ခု တိုင်းရင်းသားတွေကြား တီးတိုး ထွက်လာတဲ့ ကောလဟလ ကတော့ အစိုးရက ဒေါ်စုကို ခေါ်ပြီး တိုင်းရင်းသားလက်နက်ကိုင်တွေက အားလုံးစုပြီး ပေါင်းပြီး တိုက်လာတော့မှာ ဖြစ်တဲ့ အကြောင်းနဲ့ နောက်ဆက်တွဲ အခြေအနေ ကို ခေါ်ရှင်းပြပြီး ဆွေးနွေးညှိနှိုင်းတာ ဖြစ်ကြောင်း ပြောနေကြပါတယ်။ ……
ဒါကဘာလဲ ဆိုတော့ တိုင်းရင်းသား လက်နက်ကိုင် တော်လှန်ရေးနဲ့ မြန်မာ အမျိုးသား( လက်နက်ကိုင်ကိုင် မကိုင်ကိုင်) တွေကြားမှာ ပေါင်းစည်းမိသွားမှာ စိုးရိမ်လို့ သွေးခွဲထားနိုင်ရေးအတွက်က တကြောင်းနဲ့……..
ဒေါ်စုနဲ့ တိုင်းရင်းသားများ ( လက်နက်ကိုင်ကိုင် မကိုင်ကိုင်) အကြား ဆက် သွယ် ပေါင်းစပ်လာနိုင်တဲ့ အခြေအနေကို ဖျက်ဆီးပြီး တိုင်းရင်းသား များ က ဒေါ်စုကို အထင်လွဲအောင် သွေးကွဲအောင် တကြောင်း ….. စစ်အာဏာရှင်များက စိတ်ဓါတ်စစ်ဆင်ရေး လုပ်လာတာ ဖြစ်နိုင်ပါသည်။ အားလုံးသတိထားကြပြီး ကိုယ်လုပ်စရာရှိတာကို အလွဲ အချော်မရှိ ဆက်လုပ်နိုင်ကြဖို့ လိုပါသည်။
ညီညွတ်ရေးသည်ပထမ…။ ညီညွတ်ရေးသည် ဒုတိယ….။ ညီညွတ်ရေးသည် တတိယ …..။ အောင်ပွဲ အတွက် ညီညွတ်ရေးသည် အဓိက…။

Post a Comment