ယာယီအတိုက်အခိုက်ရပ်စဲသည့်နေ့က ကျဆုံးသော ရဲဘော်သို့

မိုးမခ သတင်းမှရယူသည်။

Nyein Wai

လွန်ခဲ့တဲ့လထဲက အင်တာနက် သတင်းဌာနတစ်ခုမှာ ကချင်ပြည်နယ်ထဲက တိုက်ပွဲတပွဲအကြောင်း ရိုက်ထားတဲ့မှတ်တမ်းတင်ဗွီဒီယိုကို ကျနော် ကြည့်ရပါတယ်။

မီးစွဲလောင်နေဆဲဖြစ်တဲ့ ကားတစင်း၊ မီးကျွမ်းသွားပြီးဖြစ်တဲ့ နောက်ထပ်ကားတစင်း၊ မီးလောင်ထားတဲ့ကားပေါ်မှာ အစိုးရစစ်တပ်က သေ ဆုံးနေတဲ့စစ်သားတွေ။ သူတို့တကိုယ်လုံး မီးသွေးခဲလိုဖြစ်နေတာ၊ ရုပ်ပျက်ဆင်းပျက်သေဆုံးနေကြတာ။ လမ်းဘေးတောစပ်မှာလည်း ဟို တလောင်း သည်တလောင်း။

ပြီးတော့ လက်နောက်ပြန်ကြိုးတုတ်ခံထားရတဲ့ အစိုးရစစ်သား သုံ့ပန်းနှစ်ယောက်။ နောက်ထပ် လက်ရဖမ်းမိထားတဲ့ အစိုးရစစ်တပ် စစ် ဗိုလ်တစ်ဦး။ စစ်ဗိုလ်လုပ်သူက စကားကို ပီပီသသတောင်မှ ပြောမထွက်နိုင်လောက်အောင် ထိတ်လန့်နေတဲ့မျက်နှာ။

ဒီအစိုးရစစ်သားအလောင်းတွေနဲ့ လက်ရဖမ်းဆီးမိခဲ့တဲ့စစ်ဗိုလ် စစ်သားတွေဟာ ကချင်လက်နက်ကိုင်အဖွဲ့များရဲ့ ခြုံခိုတိုက်ခိုက်တာခံရတဲ့ သူတွေပါ။ ကချင်လက်နက်ကိုင်အဖွဲ့များရဲ့လက်မှာကျရောက်သွားတဲ့ အစိုးရစစ်သား သုံ့ပန်းတွေပါ။

ဒီဗီဒိုယိုခွေကို အင်တာနက်ပေါ်တက်လာနိုင်တဲ့လူတိုင်း တွေ့နိုင်ကြမှာပါ။ တခြားကြည့်ရှုခွင့်ရတဲ့သူတွေ ဘယ်လိုခံစားကြရသလဲဆိုတာ မခန့်မှန်းတတ်ပေမယ့် ကျနော်ကတော့ သုံးလေးရက် အဲဒီမြင်ကွင်းတွေကိုပဲ ပြန်ပြန်စဉ်းစားနေမိပြီး မေးခွန်းတချို့ကိုလည်း စိတ်ထဲက အထပ်ထပ်အခါခါ မေးနေမိပါတယ်။

ကျနော်တို့နိုင်ငံမှာ အခုလို အသေအကြေ ပစ်ခတ်တိုက်ခိုက်သတ်ဖြတ်ဖို့အတွက် ဒီစစ်ပွဲဟာ တကယ်ကောလိုအပ်နေသေးလို့လား။ စစ် သားတွေကို စစ်တိုက်ဖို့လွှတ်လိုက်တဲ့ စစ်ဗိုလ်ချုပ်တွေဟာ အခုလို စစ်သားတွေ စစ်မြေပြင်မှာ ရုပ်ပျက်ဆင်းပျက် သေဆုံးနေကြရတဲ့ ဒီဗီဒီ ယိုအခွေကိုကြည့်ပြီး ဘယ်လိုခံစားချက်များရှိနေကြပါ့မလဲ။ ဒီလိုအခြေအနေနဲ့ ဒီလိုအချိန်အခါမျိုးမှာ စစ်သားတွေသေဆုံးစေတဲ့ ဒီနည်းနဲ့ ကိုယ်ဖြစ်စေချင်တဲ့ဆန္ဒကို ဖြည့်ဆီးယူတယ်ဆိုရင်လည်း အဲဒီဆန္ဒဟာ ဘယ်လိုဆန္ဒအမျိုးအစားမျိုးပါလိမ့်။

တခါသေဆုံးသွားကြရတဲ့ စစ်ဗိုလ် စစ်သားတွေရဲ့ ကျန်ရစ်သူမိသားစုတွေက ဒီဗီဒီယိုအခွေကိုကြည့်ပြီး ဘယ်လိုခံစားနေကြရမလည်း။ ဒို့ ခေါင်းဆောင် ဒို့ဗိုလ်ချုပ်ကြီးတွေအတွက် ဒို့လင်သားတွေ ဒို့ဖခင်တွေ အခုလိုသေနေကြရတာ ဂုဏ်ယူစရာပါကွာဆိုပြီး လူပုံအလယ်မှာ ဝံ ကြွားနေကြလိမ့်မယ်ဆိုတဲ့အတွေးကို တစုံတယောက်ကများတွေးမိရင် အဲဒီလိုတွေးတဲ့လူဟာ ကျန်းမာရေးကောင်းတဲ့လူတော့ ဘယ်နည်းနဲ့ မှ မဖြစ်နိုင်ဘူးလို့ဆိုကြရမှာပါ။ ဒီကြားထဲ ဒီကနေ့စစ်သားတွေ သေကြရပြီးနောက်တနေ့ကျတော့ တခါစိတ်ကူးပေါက်ပြီး အပစ်အခတ်ရပ်စဲတဲ့ အလုပ်ကို ဒီစစ်ဗိုလ်ချုပ်တွေကပဲ ကောက်ခါငင်ကာထလုပ်ချင်လုပ်နေဦးမှာ။ ဒါဆိုရင် အပစ်အခတ်မရပ်စဲခင် သေကြရတဲ့ စစ်သားတွေရဲ့ အဖြစ်ကို ကျနော်တို့ ဘယ်လိုမှတ်တမ်းတင်ကြမလဲ။ တကယ့်ကို အမြင် အသိ တိုလွန်း ကန်းလွန်းလှတဲ့ စစ်ဗိုလ်ချုပ်တွေက ဒီလို ခေတ်ကြီး မှာ စစ်ပွဲတွေကို အာသာတငမ်းငမ်းဖြစ်နေတယ်ဆိုတဲ့အမြင်မျိုးနဲ့လည်း ကျနော် မပစ်မှားရက်ပါဘူး။

ဝမ်းနည်းဖို့အကောင်းဆုံးကတော့ စစ်မြေပြင်မှာ လူတွေ၊ စစ်သားတွေ၊ သေကြေ ထိခိုက်နေတဲ့ နေ့စဉ်အဖြစ်အပျက်တွေနဲ့ပတ်သက်ပြီး လွှတ်တော်နှစ်ရပ်စလုံးမှာ တက်ရောက်နေကြတဲ့ လွှတ်တော်ကိုယ်စားလှယ်တွေဟာ အသံခပ်တိုးတိုးလေးပဲ ရှေ့ပြော နောက်ကြည့် အနေ အထားမျိုနဲ့ ပြောဆိုဆွေးနွေးကြရတဲ့အချက်ပါပဲ။

ကျနော်တို့တိုင်းပြည်ရဲ့ လတ်တလော အရေးအကြီးဆုံးပြဿနာတွေထဲမှာ လူတွေ နေ့တိုင်းသေနေကြရတဲ့ ဒီပြည်တွင်းစစ်ပြဿနာဟာ တကယ်တော့ နေ့ရွှေ့ ညရွှေ့လုပ်နေလို့ရတဲ့ကိစ္စမဟုတ်ပါဘူး။ ဒါဆိုရင် ဒီလွှတ်တော်နှစ်ရပ်စလုံးဟာ ဒီတိုင်းပြည်မှာ လူတွေအချင်းချင်း သတ်ဖြတ်နေကြရတဲ့အဖြစ်ကို ရှောင်ကွင်းပြီး ရပ်ကွက်ထဲက ကလေးတွေမုန့်လုစားတဲ့ကိစ္စမျိုးလောက်ကိုပဲ ဖြေရှင်းပေးနိုင်တဲ့ လွှတ်တော် တွေများ ဖြစ်နေသလား။ ကျနော် အဲသလိုလည်း မယုံကြည်ချင်ပါဘူး။

သက်တော်ရှည် ငြိမ်းချမ်းရေးသမား ကဗျာဆရာကြီးဒဂုန်တာရာက ဒီတိုင်းပြည်မှာ စစ်မက်ဖြစ်ပွားမှုတွေ စပ်စဲဖို့ ကြေညာချက်ထုတ်တဲ့အခါ တပ်မတော်ထဲမှာ ငြိမ်းချမ်းရေးကိုမလိုလားတဲ့သူ ရှိမယ်ထင်တယ်လို့ပြောခဲ့ပါတယ်။ ဒီစကားကို အခြေခံပြီးစဉ်းစားရင် လက်ရှိစစ်ပွဲတွေ အပြင်းအထန်ဖြစ်ပွားလာနေတာကိုထောက်တော့ လွှတ်တော်နှစ်ရပ်စလုံးရဲ့နောက်မှာ စစ်လိုလားသူ သိန်းငှက်တစ်အုပ် ရှိနေတဲ့သဘောများ လား။ အတော့်ကို စိတ်မချမ်းမြေ့စရာကောင်းတဲ့ အခြေအနေမျိုးပါ။

မှန်ပါတယ်။ ကျနော်တို့နိုင်ငံကပြဿနာတွေဟာ တနေ့တည်း တရက်တည်းနဲ့ ဖြေရှင်းလို့မရနိုင်တဲ့ပြဿနာတွေဖြစ်တယ်ဆိုတာ မငြင်းပါ ဘူး။ ဒါပေမယ့် လက်ရှိတိုင်းပြည်မှာ အာဏာအရှိဆုံးပုဂိုလ်တွေဟာ ဖြေရှင်းရခက်တဲ့ပြဿနာတွေကို အခုဖြစ်နေတဲ့စစ်ပွဲတွေက ပိုပြီး ခက် ခဲရှုပ်ထွေးအောင် လုပ်နေသလိုဖြစ်နေတယ်ဆိုတာ မတွေးမိကြလို့များလား။ ဒီလိုလည်း မဖြစ်နိုင်ပါဘူး။ သူတို့က တိုင်းပြည်ကို နှစ်ပေါင်း ရာစုတဝက်ကျော် အုပ်ချုပ်လာခဲ့ကြသူတွေပဲဟာ။ ဒါဆိုရင် ဘာပြုလို့ ပြည်တွင်းစစ်မီးကို ဓါတ်ဆီထပ်လောင်းနေကြတာများလဲ။ ပိုပြီး စိတ်မသက်မသာဖြစ်စေတဲ့အချက်က `ဝ´ လို လက်နက်ကိုင်အဖွဲ့မျိုးကြတော့ ဖွဲ့စည်းပုံအခြေခံဥပဒေဆိုတာကို ဘေးချိပ်ပြီး နယ်ခြားစောင့် တပ်အသွင်ပြောင်းရေး မလုပ်ခိုင်းတော့ဘူးဆိုပြီး လက်မှတ်ထိုး သဘောတူလို့ရတယ်ဆိုရင် တခြားတိုင်းရင်းသားလက်နက်ကိုင် အဖွဲ့တွေ ကိုလည်း ဘာပြုလို့ အဲသလို ဖြေရှင်းဖို့ မလုပ်နိုင်ကြတာလဲ။ ဘာပြုလို့များ စစ်သားတွေကို သတ်ကွင်းထဲ ဆင်းသွားဖို့ အမိန့်ပေးခဲ့ကြတာလည်း။ ကျနော် မတွေးချင်လောက်အောင်ကိုပဲ ထိတ်လန့်မိတယ်။ စိုးရိမ်မိတယ်။ ကျနော်တို့တိုင်းပြည်ဟာ တကယ့်ကို ကံဆိုးလှပါတယ်။

ခေတ်မမီတော့ပါဘူး။ သဘောထားကွဲတဲ့ တိုင်းရင်းသားတွေကို စစ်တိုက်ပြီး အညံ့ခံခိုင်းတဲ့လုပ်ရပ်မျိုးကို ပြည်ထောင်စုမပြိုကွဲရေးအတွက် လုပ်ရတာဖြစ်တယ်ဆိုတဲ့ ဝါဒဖြန့်မှုမျိုးဟာ တကယ့်ကို တန်းမမီလှတော့ပါဘူး။ ဒီလိုအယူအဆ ဒီလိုနည်းဟာ တိုင်းပြည်တခုရဲ့ခေါင်းဆောင် တာဝန်ရှိသူများအဖို့ မကိုင်စွဲသင့်တဲ့ ခပ်တိမ်တိမ် ခပ်တုံးတုံး အယူအဆပါ။ အတွေးအခေါ်တွေနည်းပညာတွေ ကမ္ဘာနဲ့ချီပြီး အခုလို အလျင်အမြန် ခုန်ပျံပေါက်ကွဲထွန်းကားနေတဲ့အခြေအနေမျိုးမှာ ကိုယ့်ရှိတဲ့သေနတ်အစုတ်ကလေး ခါးခြားက ခဏခဏ ထုတ်ချိန်ပြရတာကို ကျေနပ်နေတဲ့ အဲသလိုဒဿနမျိုး အဲသလိုပြဿနာဖြေရှင်းနည်းမျိုးဟာ ပေမီ ဒေါက်မီတဲ့ အလုပ် ကြပ်ပြည့်တဲ့ အလုပ်မဟုတ်တော့ဘူးဆိုတာ ဘယ်ပညာတတ်မဆို သိနေတဲ့ကိစ္စပါ။

ကျနော်ထင်တယ်လေ။ တကယ်တော့ လက်ရှိတိုင်းပြည်မှာ တာဝန်အရှိဆုံးပုဂိုလ်တွေဟာ အခုတိုက်နေတဲ့စစ်ပွဲဟာ တကယ်ပဲ ပြည် ထောင်စုမပြိုကွဲရေးအတွက် တိုက်နေတဲ့စစ်ပွဲအဖြစ် တကယ်ယုံကြည်လို့ စစ်သားတွေကို စစ်မြေပြင်ဆီလွှတ်နေကြတာ ဟုတ်မယ်မထင် ပါဘူး။ တခြားအကြောင်းတော့ ရှိကိုရှိရပါလိမ့်မယ်။ ဘာပြုလို့လည်းဆိုတော့ သူတို့က တိုက်သာတိုက်နေရတာ မျက်နှာတော့ တော်တော် ပြောင်ပြောင်ထားပြီး တိုက်နေရတဲ့သဘောက သိသာလွန်းနေလို့ပါ။ ဒီလို အခင်းအကျင်းက နေ့စဉ်လူတွေ သေနေရတဲ့ စစ်ပွဲကြီးတပွဲ တိုက်နေတာကို လွှတ်တော်ရဲ့ကန့်လန့်ကာနောက်မှာ လူတစုက ကြိတ်ဝိုင်းလုပ်ပြီး စစ်မီးမွှေး စစ်မီးအားပေးလုပ်နေတဲ့ အခင်းအကျင်း သဘော ဖြစ်မနေစေဘူးလား။ ဒါကြောင့်မို့လည်း ဒီအချက်က သူတို့အတွက် အထိမခံရွှေပန်းကန်ကိစ္စမို့ အခုထက်ထိ အစိုးရစစ်တပ် စစ် သားတွေ စစ်မြေပြင်မှာ ရုပ်ပျက်ဆင်းပျက်သေနေကြရတာ စစ်ပွဲနဲ့နီးတဲ့ဒေသတွေမှာ အရပ်သားတွေကို ရန်သူသဖွယ် ဆက်ဆံအနိုင်ကျင့် နေကြတာကို ဒီအတိုင်း လွှတ်တော်ကြီးက အခြေအနေကြည့်လက်ရှောင်ပြီး အသံတိုးတိုးလေးပဲ ပြောနေကြရတာဖြစ်တယ်လို့ ခန့်မှန်းလို့ ရပါတယ်။

သည့်ထက်ပိုပြီး စိတ်ပူပန်ဖို့ကောင်းတာက အစိုးရက လွှတ်လိုက်တဲ့စစ်သားတွေ အရာရှိတွေကိုယ်တိုင်က ဒီကနေ့ သူတို့တိုက်နေရတဲ့ စစ်ပွဲဟာ ပြည်ထောင်စုမပြိုကွဲရေးအတွက် အချုပ်အချာအာဏာ ကာကွယ်ရေးအတွက် တိုက်ကြရတာဖြစ်တယ်ဆိုတဲ့ နိုင်ငံရေးအယူအဆကို လက်ခံသဘောပေါက် ယုံကြည်လို့ တိုက်နေကြတာမဟုတ်ဘူးဆိုတာ ကလေးကအစ သိနေတဲ့အချက်ပါပဲ။ ဒီလို အခိုင်အမာယုံကြည်ပြီး တိုက်နေတဲ့ စစ်ပွဲမဟုတ်လို့လည်း ဘယ်ဗိုလ်ချုပ်ကမှ လွှတ်တော်ရှေ့ထွက်ပြီး သူတို့တိုက်နေတဲ့ စစ်ပွဲနဲ့ပတ်သက်တဲ့ အချက်အလက်တွေ သဘောထားတွေကို ရဲရဲတင်းတင်းဝင်မပြောရဲပဲ အသံတိတ်လုပ်နေကြတာပေါ့။ စစ်ဖြစ်နေတဲ့သတင်းတွေ အခြေအနေတွေကို အစိုးရသ တင်းစာတွေမှာ အရိပ်အယောင်တောင်မှမရေးပဲ ဖုံးနေကာနေကြတာပေါ့။ ဒါကဘာကိုပြသလဲဆိုတော့ စစ်ဗိုလ်ချုပ်တွေဟာ သူတို့ဖန်တီးတဲ့ စစ်ပွဲအပေါ် သူတို့ကိုယ်တိုင်က နိုင်ငံရေးအရ ခိုင်ခိုင်မာမာယုံကြည်မှုမရှိလို့ လူတွေရှေ့ထွက်ရပ်ပြီး လက်သီးလက်မောင်းမတန်းရဲတာပဲပေါ့။ ဒါဆိုရင် မှန်ကန်တဲ့နိုင်ငံရေးခံယူချက်မရှိတဲ့ လက်နက်ကိုင်အဖွဲ့အစည်းတခုဟာ ဘယ်ကိုဦးတည်သွားနိုင်သလဲ။ ရှေ့တန်းတွေမှာ အစိုးရ စစ်တပ် စစ်သားတချို့က အရပ်သားတွေအပေါ် လုပ်ကိုင်ဆက်ဆံနေတဲ့ အခြေအနေတွေက အဖြေပေးနေပါပြီ။

(၄၊ ၁၁၊ ၂၀၁၁) နေ့က ဒီကေဘီအေနဲ့ အစိုးရ အပစ်အခတ်ရပ်စဲဖို့ သဘောတူကြပြန်ပါတယ်။ အခြေအနေကိုကြည့်ရတာ ဒီအပစ်အခတ် ရပ်စဲပုံ ရပ်စဲနည်းက ယာယီသဘောများဖြစ်နေမလားလို့လည်း စိတ်ထင့်မိပါတယ်။ ဒီလိုဖြေရှင်းပုံ ဖြေရှင်းနည်းဟာ အချိန်မရွေး သေနတ် သံတွေ ပြန်ပေါ်လာနိုင်တဲ့ ဖြေရှင်းနည်း၊ တချိန်ကျရင် သည့်ထက် ကြီးမားတဲ့အင်အားနဲ့တိုက်ခိုက်ဖို့ကို ဦးတည်တဲ့ဖြေရှင်းနည်းဆိုရင်တော့ ဒါဟာ တော်တော်လေးကို စိတ်ပူပန်ဖို့ ကောင်းတဲ့ဖြေရှင်းနည်းပါ။

ဘယ်လိုပဲဖြစ်ဖြစ် အပစ်အခတ်ရပ်စဲလိုက်ကြတာကိုတော့ ကျနော်တို့ မူအားဖြင့် ကြိုဆိုကြရမှာပါ။ ဒါပေမယ့် သည့်ထက် ခပ်စောစောက တည်းက အပစ်အခတ်ရပ်စဲနိုင်ခဲ့ကြရင် ပိုပြီးမကောင်းပေဘူးလား။ နှစ်ဘက်စလုံး ဘယ်စစ်သားမှ သေကြေဒဏ်ရာရတဲ့အဖြစ်က သက်သာ မသွားနိုင်ပေဘူးလား။ ဒါမှမဟုတ် အစကတည်းက စစ်မတိုက်ပဲ ပြဿနာဖြေရှင်းလို့ရနိုင်ခဲ့ရင် ပိုပြီးမကောင်းပေဘူးလား။ ဘယ်စစ်သား တယောက်တလေမှ မသေမပျောက်စေတဲ့ ဖြေရှင်းပုံ ဖြေရှင်းနည်းဟာ အကောင်းဆုံးနည်း မဟုတ်ပေဘူးလား။

ကျနော်က ကဗျာရေးတဲ့သူပါ။ ကျနော့်မှာ ဒီကိစ္စဝင်ပြောရလောက်အောင် နိုင်ငံရေး စစ်ရေး နယ်ပယ်နဲ့ပတ်သက်တဲ့ ဝမ်းစာမရှိဘူးဆိုတာ ကျနော် ဝန်ခံပါတယ်။ ဒါပေမယ့် နေ့စဉ်ကြားနေ မြင်နေရတဲ့ စစ်ပွဲတွေရဲ့ အနိဌာရုံ သတင်းတွေ မြင်ကွင်းတွေက ယဉ်ကျေးမှုရေးနယ်ပယ်က လူသားတစ်ဦးဖြစ်တဲ့ ကျနော့်အဖို့ အခုလိုဝင်ပြောချင်လောက်အောင် လက်ယပ်ခေါ်နေလို့သာ မနေသာလို့ ဝင်ပြောလိုက်ရတာပါ။

ကဗျာရေးတဲ့သူပီပီ ဒီဆောင်းပါးကို ကဗျာတပုဒ်နဲ့ နိဂုံးချုပ်လိုက်ပါတယ်။

ယာယီအတိုက်အခိုက်ရပ်စဲသည့်နေ့က ကျဆုံးရသောရဲဘော်သို့
စစ်ပြေငြိမ်းလိုက်ပြီ ဆိုပါကလား
သတင်းသည် ငှက်ထက်မြန်၏
လေထက်လည်း မြန်၏
ဒါတင်လည်း မဟုတ်သေး
မိုးကြိုးသွားထက်လည်း မြန်၏။

လောကဓာတ်တခွင်
ငြိမ်းချမ်းရေး ပီတိအဟုန်ဖြင့်
တုန်ခါပဲ့တင်လျက်ပါတကား။

အလို …နေအုန်း
အလာကောင်းပေမယ့်
အခါ နှောင်းလေခြင်း
ကျဆုံးရှာကြကုန်ပြီးသော
ရဲဘော်အဖို့ရာတွင်
တကယ်ကို အခါနှောင်းပါပြီ။

နာရီပိုင်းလောက်စောခဲ့လျင်
ရဲဘော် မသေ
သူ့ရဲဘော်ရဲဘက်တွေနဲ့
ရယ်ကာ မောကာ လက်ဆွဲနှုတ်ဆက်ကာ
ရှင်လျက် တည်အံ့။

ဒီ့ထက်ဒီပိုခဲ့လျင်ကား ကောင်းလေစွ
ဘယ်သူ ဘယ်ဝါ ဘယ်ရဲဘော် တစ်ယောက်မျှ
မသေမပျောက်
မကျဆုံးရှာကြသေးမီဖြစ်ခဲ့မူကား အဟောတဝ ကောင်းလေစွ။ ။

(ခရိုအေရှား ကဗျာဆရာ ဂရီဂေါ်ဗီယက်ရဲ့ကဗျာဖြစ်ပါတယ်။ စာပေါင်းစုစာအုပ်၊ အမှတ်(၂) တွင် ပါရှိတဲ့ ဆောင်းပါးတပုဒ်မှ ကူးယူဖော်ပြပါ တယ်။)
http://moemaka.com/2011/11/nyein-wai-%e1%80%9a%e1%80%ac%e1%80%9a%e1%80%ae%e1%80%a1%e1%80%90%e1%80%af%e1%80%ad%e1%80%80%e1%80%b9%e1%80%a1%e1%80%81%e1%80%af%e1%80%ad%e1%80%80%e1%80%b9%e1%80%9b%e1%80%95%e1%80%b9%e1%80%85/