ondragstart="return false" onselectstart="return false"

Monday, November 2, 2009

ပင်လုံ စာချုပ် အကြောင်း ဆွေးနွေးရန် KIO တောင်းဆို

Monday, 02 November 2009 14:30 ဧရာဝတီ

အပစ်ရပ် တိုင်းရင်းသား အဖွဲ့များအား နယ်ခြားစောင့် တပ်များအဖြစ် အသွင်ပြောင်းရန် နောက်ဆုံး သတ်မှတ်ထားသည့် အောက်တိုဘာ ၃၁ ရက်နေ့သည် ကချင် လွတ်လပ်ရေး တပ်မတော် (KIA) ဌာနချုပ်ရှိရာ လိုင်ဇာမြို့တွင် တိတ်တဆိတ် ပြီးဆုံးသွားသည်။


ကချင်လွတ်လပ်ရေး တပ်မတော် တပ်ဖွဲ့ဝင်များ (ဓာတ်ပုံ - www.isc-gspa.org)

KIA ၏ နိုင်ငံရေး ဦးဆောင်အဖွဲ့ဖြစ်သည့် ကချင် လွတ်လပ်ရေး အဖွဲ့ (KIO)က စစ်အစိုးရထံ တင်ပြခဲ့သည့် ကမ်းလှမ်းချက် ၉ ခုစလုံး အပယ်ချခံရပြီးနောက်တွင် KIO က စေ့စပ်ညှိနှိုင်းရေး နည်းဗျူဟာကို အပြောင်းအလဲ လုပ်လိုက်သည်။

KIO ၏ ယခု ကမ်းလှမ်းချက်မှာ ပင်လုံစာချုပ်ပါ သဘောတူညီချက်များနှင့် ပတ်သက်ပြီး ဆွေးနွေးရေး ဖြစ်သည်။

ဗိုလ်ချုပ်အောင်ဆန်း နှင့် တိုင်းရင်းသားခေါင်းဆောင်များ လက်မှတ်ထိုးခဲ့သည့် ပင်လုံစာချုပ်၌ နယ်စပ်ဒေသများ၏ အုပ်ချုပ်ရေးတွင် ခံစားနေရသော ကိုယ်ပိုင်အုပ်ချုပ်ရေးကို လျော့ပါးသွားစေရန် မည်သည့် နည်းနှင့်မဆို ဗဟိုအစိုးရက ပြုလုပ်ခြင်း မရှိစေရဟု ပြဌာန်းထားသည်။

စာချုပ် ချုပ်ဆိုခဲ့သည့် ၁၉၄၇ ခုနှစ်က သဘောတူထားသည့် တိုင်းရင်းသား ဒေသ ကိုယ်ပိုင် အုပ်ချုပ်ခွင့် ဆိုသည်မှာ ယနေ့အချိန်အထိ အကောင်အထည် မပေါ်သေးပေ။

KIO ၏ နောက်ဆုံး ကမ်းလှမ်းထားချက်နှင့် ပတ်သက်ပြီး ဆွေးနွေးရန် KIO ဒုဥက္ကဋ္ဌ ဒုဗိုလ်ချုပ်ကြီး ဂေါ်ရီဇော်ဆိုင်း၊ KIA ဒုတိယ စစ်ဦးစီးချုပ် ဗိုလ်မှူးချုပ်ဂွမ်မော်တို့ ပါဝင်သော ကိုယ်စားလှယ်အဖွဲ့သည် ကချင်ပြည်နယ်၊ မြစ်ကြီးနားအခြေစိုက် မြောက်ပိုင်းတိုင်း စစ်ဌာနချုပ် တိုင်းမှူး နှင့် နိုဝင်ဘာ ပထမပတ်အတွင်း တွေ့ဆုံဖွယ်ရှိသည်ဟု သိရသည်။

စစ်ဗိုလ်ချုပ်များက ပင်လုံစာချုပ် သဘောတူညီချက်နှင့် ပတ်သက်ပြီး ဆွေးနွေးလိုဟန် ပြခြင်းမှာ ၁၉၆၂ ခုနှစ်မှစ၍ မြန်မာ့နိုင်ငံရေးတွင် ၎င်းတို့ အာဏာရလာပြီး နောက်ပိုင်း ဤတကြိမ်မှာ ပထမဦးဆုံးအကြိမ်
ဖြစ်သည်ဟု အကဲခတ်များက ပြောကြသည်။

ကချင် ယဉ်ကျေးမှု နှင့် သမိုင်းပညာရှင် တဦးက “လူ့အခွင့်အရေး၊ တိုင်းရင်းသားအခွင့်အရေးတွေကို အာမခံတဲ့ ပင်လုံစာချုပ်မှာ သဘောတူညီထားတဲ့အတိုင်း ဖြစ်လာမယ် ဆိုရင် ကျနော်တို့ လက်နက်ချမယ်” ဟု ဆိုသည်။

“ခုချိန်မှာတော့ ကျနော်တို့ လမ်းကြောင်းမှန်ပေါ် ရောက်လာပြီလို့ ပြောလို့ရပါတယ်။ ဒါပေမယ့် ဘယ်လောက်ထိ ဆက်သွားရမယ် ဆိုတာတော့ မသိပါဘူး” ဟု KIO အရာရှိတဦးက ဧရာဝတီကို ပြောသည်။
ဧရာဝတီ သတင်းစာမျက်နှာမှ

No comments:

Post a Comment